احتريتك من بين كل البشر وسميتك عشقي وفرحة سنيني

13

"بسم الله الرحمن الرحيم "
•
•
•
بعد اسبوع من احداث زواج ماجد •
يوم زفاف عروستنا نوف .
٨:٠٠ م
كان الكل متواجد بالقاعه والبنات اللي تلبس واللي تدور كعبها ونوف اللي جالسه بفستانها مثل الملاك وكانت قد ماتقدر تحاول تخفي توترها وخوفها من حياتها القادمه .
راما اللي كانت تدمع عيونها كل ما فكرت أن اختها وحيدتها بتتزوج وتتركها لحالها قربت ريم منها وهي تساعدها بتقفيل سحاب فستانها ولاحظت عيونها اللي مليانه دموع : يااااااعمررررريييي يا راماااا ليييه الدموعع ؟؟
راما تداركت الوضع وهي تحاول تمسح دموعها اللي كل مالها تنزل : لا بس الكحل طاح بعيني
ريم حضنتها : عساس بصدقك كذا !!
نوف لاحظتهم وقامت بسرعه وتسال بقلق : شفيييييه !!!
ريم ابتسمت : تبكي عليك
نوف ابتسمت بحنان وسحبتها تحضنها : يا حبيبة قلبي والله ما اخليك لحالك بس عاد الضروف بس وعد مني والله ما اطول عنكم ابدا
راما بادلتها ببكى : والله مقدر على فراقك صح اننا نتهاوش ونتزاعل بس والله احبك ومقدر على بعدك
نوف تحرك كف يدها على ظهر راما وتقاوم الدموع اللي في عيونها
قاطعهم صوت ريما اللي فيها الغصه وهي تقول : ماتبون نسوي حضن جماعي ؟؟؟ ناظرو البنات كلهم لبعض اللي دموعهم نزلت على مشهد نوف وراما وفتحت يدينها نوف وهي تبتسم بحنان واسرعو البنات وحده ورا الثانيه يحضنون بعض وبعد ما خلصو ابتسمت ريما : الحينننن وقتتت الردحححح
ضحكو البنات وفعلا نزلو ونوف جلست لحالها وهي تحاول تشغل نفسها بالجوال
.
جلسو البنات وهم يحشون ويطقطقون بالرايح والجاي وانصدمو من هيفاء اللي ترقص بكل فرحه وكنها تقهرهم
روان : الحمدالله والشكر ذي علامها ترقص كذا وكنها مبسوطه لنوف ؟؟
ريم بكرهه : الكلبه ترقص مو محبة في نوف لا والله اعرف نيتها
ريما : ريم فزي نرقص ونقهرها
ريم فزت واقفه : ابشري وقامو يرقصون ويحشرون هيفاء بينهم والبنات فاطسينن ضحك عليهم
هيفاء وهي تهمس بحقد : بشويش بتطرحونيي
ريما بهمس : وذا اللي نبيه
ريم : قلك يا هيفوه انو نوف ما تزوجت ماهر يعني انتي بتتزوجينه ؟؟
هيفاء بثقه : ايه ذا اللي بيصير
ريم : بيصير بس بحلمك
وخلصت الاغنيه وطنشتها هيفاء وجات بتنزل مع الدرج حق المنصه ودعست ريم على فستانها وطاحت وريما اللي تضحك بقوه مو قادره تكتم الضحكه وريم تضحك معها وفزت مرام وهنوف يساعدون هيفاء اللي تفشلت وطلعت بسرعه مع امها واختها
عند البنات بعد ما جلسو ريم وريما وهم يطقطقون بطيحة هيفاء وريم اللي بردت حرتها بهيفاء
.
.
عند الرجال •
متعب المبسوط وينتظر بس وقت التصوير يبي ينفرد بنوف اللي متجاهلته من بعد زواج ماجد تقدم سامي لمتعب : انا رايح لتولين بجيب من عندها شاحن الكاميره عشان بصورك
متعب ابتسم : طيب لا تطول
سامي : طيب ومشى لجهة الباب الخاص باهل العريس والعروس
.
.
عند تولين اللي صادفت ريم وكانو يسولفون
ريم بضحك :والله انك تهبلين يا تولين وحتى دمك خفيف
تولين ابتسمت باستحياء: مشكوره يا قلبي وانتي برضو ارتاح لك قلبي من اول ما شفتك
ريم بغرور: نفس كلام الكل
تولين بضحكه : من حقك عاد تصيرين مغروره
ريم ابتسمت باتساع : يا عمري والله استحيت وهي تخبي وجهها بين يدينها باستهبال ضحكت معها تولين
.
سامي دخل وانصدم برؤية الجميله التي امامه وكانها ملاك ساقط من السماء وانتفض عندما سمع صوت ضحكتها العذبه وبحركه سريعه رفع عدسة الكاميره واخذ لها صوره وبلع ريقه وهو يراقبها وهي تتحدث مع شقيقته
.
تولين وهي تناضر ساعة جوالها : باقي نص ساعه على وقت التصوير وبعدها مباشرة الزفه
ريم : اذا محتاجه مساعده تراني بالخدمه ياحلوه
تولين بابتسامه : ما تقصرين يا قلبي
ريم ابتسمت : اجل انا أستأذنك
تولين بنفس الابتسامه : إذنك معك وراحت ريم ولاحظت تولين وجود سامي واسرعت اليه : وين اختفيت لي ساعه انتظرك عشان تاخذ الشاحن !!
سامي بسرعه خم منها الشاحن : كنت اطق الباب بس كنتي مشغوله بالسوالف
تولين شهقت : لا يكون شفت البنتتت !!!
سامي توتر : لاااا ما شفت شي بسم الله
تولين : اااشوى احسب ؛ وراحت وخلته يفكر باللي شافها وكل شوي يرجع يشوف الصوره اللي صورها
.
بعد نص ساعه دخل عند نوف متعب مع ابو نواف ونواف وراكان وريان
ونوف اللي تعصر بمسكة الورد ودخلو وقربت تحب يد ابوها وراسه وهو مسكها من يدها وناظر لعيونها وابتسم بحنان : الف مبروك يا بنتي وهالله هالله برجلك خليك سنعه عنده ولا تخلينه يقول معرفو اهلها يربونها
نوف :  الله يبارك فيك و ابشري يبه
وجاء وقت نواف اللي قرب منها وابتسم وحب راسها وحضنها وهمس : الف مبروك تكفيننن قولي عقبالي
نوف ابتسمت وكتمت ضحكتها : الله يبارك فيك وعقبالك ان شاء الله بعد عنها
وتقدم راكان بإبتسامه ثقيله وحب راسها : الففف مبروك وفالك التوفيق
نوف ابتسمت بمحبه : الله يبارك فيك وصف بجنب نواف وتقدم ريان بابتسامه سمحه وحب راسها وحضنها : بالمبارك ويالله انه يوفقك ويسعدك وان احتجتي شي تراني موجود انا واخوانك
نوف ابتسمت وهي متاكده ان اخوانها بيكونون عزوتها وسندها وقت الشده : الله يبارك فيك ؛ ما تقصرون يا عزوتي
ابو نواف اللي كان يوصي على نوف لمتعب ومشى هو وعياله ومابقى الا متعب ونوف والمصوره  وتقدم متعب وصدت نوف وهي تقول للمصوره تبدا شغلها وكان متعب طول جلسة التصوير وهو يتحكم بالوضعيات ونوف مستحيه من جرائته وطلعت المصوره بعد ما خلصت ولفت نوف لمتعب وهي معصبه ومستحيه بنفس الوقت : اااننتتت شفيك ما خليت وضيعه مخله بالادب ما سويتها !!!
متعب ابتسم بمكر : التكمله بتكون بالفندق
نوف بلعت ريقها بخوف : اقول اطلع بس وقت زفتي الحين
متعب قرب منها لدرجه صارت انفساهم مختلطه وهمس : مراح تشردين مني الليله قاطعهم طق الباب وكانت تولين ابتعد متعب عن نوف ودخلت تولين : معليش بس صار وقت الزفه يا نوف
نوف وهي تدعي لتولين بقلبها لانها انقذتها من متعب : اااي يلاه
متعب همس لنوف : تذكري مافي مهرب يا حلوه وطلع وترك وراه نوف الخايفه واللي تفكر كيف تتهرب منه
وبدت الزفه ونزلت نوف وهي متوتره وتناظر بالبنات اللي مبسوطين بطلتها وراما اللي تبكي وصلت للمنصه و وقفت بابتسامه ناعمه وبدو الضيوف يقبلون عليها ويسلمون ويباركون لها إلى ان تقدمت عزيزه وهي تسلم عليها وتبارك لها وبعدها مرام وبناتها هيفاء ابتسمت بخبث وقربت من اذنها وهمست : قلت لك مراح تاخذين ماهر لانه لي وبسسس وابتعدت عنها وبلعت نوف غصتها وقربت منها راما : فيك شي وش قالت لك
نوف : شوي اقولك وجلست
ريم تخز هيفاء وهي تبادلها النظرات بكرهه
وانتهى العرس وعند الباب كانت نوف لابسه عبايتها وتساعدها راما والبنات وراهم وهم يصورون متعب فتح لها الباب وركبت نوف وقفل الباب ونواف تقدم وهو يوصيه عليها
متعب : نوف بعيوني يا نواف لا تشيل همها
نواف ابتسم : انشهد انها بيدين امينه
ابتسم متعب وركب السياره ومشى وراما تبكي والبنات يحاولون يهدونها ريما : ياعمري يا راما لا تشيلين هم والله لنشب لك وانام معك
يارا : اي والله اذا مافيها ثقل بننام عندك
ريم : اااايي والله حماااس
ام نواف قاطعتهم ببسمه حنونه : البيت بيتكم يا حبايبي
ومشو البنات مع راما وهم يحاولون يخلونها تضحك معهم ويغيرون مزاجها
.
.
وصلو الكل لبيوتهم وبدو البنات ياخذون فرشهم ويروحون بيت عمهم ناصر ابو نواف ؛ روان وهي تحسبهم : باقي طيف وريما وينهم
يارا : ريما قالت بيتاخرون شويات ويجون
شهد : اجل يلاه ندخل
ترف طقت الباب وفتحت لهم ام نواف بابتسامه : ياهلا ادخلو راما بغرفة نوف
ريم : تمام وطلعو البنات وفتحو باب غرفة نوف وهم يقولون بصوت واحد : حناااا جيناااا
ابتسمت راما : حياكم الله
اسرعت روان وانسدحت بجنبها على السرير : انا بنام على السرير
ريم : مو على كيفك يا قلبي
روان : اقول اذلفي
ريم : كلزق واحترمي اللي اكبر منك لا اهفك
ترف :هددددددوووووء
وكملو روان وريم يتهاوشون بالاشارات وضحكت عليهم يارا : يا بنات خلونا ننام على الارض افضللللل
روان : يلاه عشاني بكبر عقلي عن ذي البزر
ريم تشهق : فكوني عليهااااا
مسكتها شهد : يا بنت الحلال اهديي
ريم : عشان شهد بس
ضحكت روان وانسدحت بالارض مع البنات وبدو يسولفون وراما بدت تندمج معهم
ريما طقت الباب بقوه طيف : يابنت بشويش بتكسرين الباب
ريما : اص
فتح لها ابو نواف باستغراب ولمن شاف ريما كشر بوجهه : يالله صبحهم بالخير
وش جابكم
ريما : جاين لراما المسكنيه بنغير بنفستها و وخرته عنها ودخلت وطيف دخلت بفشله من وجهه ابو نواف الغير مرحب بهم
ابو نواف بتكشيره : راما تجيك مو لازم تجين انتي عندك بيت ليش جايه لبيتي !
ريما رفعت حاجبها بوقاحه : وذا بيت ابوي بعد ولا اذكرك ؟؟
ابو نواف انصدم من وقاحتها : اقطعي واخسييي يا البزر تردين علي !!!
ريما تخصرت : والله عاد انا قلت الحقيقه ابوي اللي معمر لكم بيوتكم وكلها باسمه يعني متى ما بغيت دفيت الباب ودخلت ومشت وخلته وراها ولحقتها طيف بسرعه
ابو نواف عض شفته بقهر : الكلللببببههههه انا اوريها وطلع لغرفته وهو يتوعد بريما
دخلت ريما وهي تسوي حركات بهلوانيه : انا اتيتتتتت
ضحكو البنات عليها ورحبو بهم وكملو سواليف وخبرتهم باللي حصل بينها وبين ناصر
________________________________
بغرفة ريان ولين اللي جالسه على السرير وريان اللي يتفرج على التلفزيون
لين وهي بتفتح موضوع : تدري انو اليوم وحده خطبتني من خالتي
ريان ناظرها : منجدها ماتدري انك متزوجه ؟؟؟
لين بغرور : شافت الجمال وماقدرت تقاوم وخطبتني وقالت لها خالتي اني متزوجه وعاد تكدر خاطر الحرمه
ريان بغيره : حريم فاضيات تدور لولدها وحده متزوجه
لين ابتسمت : اشوفك غرت !!
ريان : انا اغار ؟ ذي الاشياء تشوفينها باحلامك بس
لين : نشوف
وهي تخم الريموت منه وتقلب على فلم وشهقت وهي تقفز على السرير : بطللللييييي
ريان رفع حاجبه لها : اقول غيري القناه
لين وهي تتأمل بالممثل : اماااانه ناظر مو يخققق
ريان عصب وضربها بالمخده : قللللتتت غيري القناة
لين قامت وابتعدت عنه وبعناد : والله ما اغير
قام ريان بغضب وهو يقرب منها ويسحب الريموت من يدها : لا تعاندين مره ثانيه احسن لك
لين تخصرت باستفزاز: ليه ذا كله بس عشان قلت ان الممثل يخققق !!
ريان صر على اسنانه: عيديها والله بيصير شي بتندمين منه
لين بعناد : والله قلت الصدق الممثل يخقق مو بس كذا الا انه ماخذ قلبي
ريان اللي حس بقلبه الغيره تاكله اكل وصار يقرب منها وهي تبتعد : شفيك انت !!
ريان : بطلع الممثل من قلبك وسحبها له وهو يبوسها على شفايفها بقوه وهي تحاول تقاومه إلى ان استلمت له و .........
____________________________
الصباح الكل قام وبدو يفطرون شهد : انا خلاص بمشي ابوي يمديه قلقان علي
طيف فزت : يمههه نسيتتت ابوويي
ريما فزت معها وودعو البنات ومشو لبيتهم
.
.
عند ماجد اللي وصل للسعوديه وراح لبيت اهله مع رهف واستغرب من عدم وجود ريما وطيف خبرته امه انهم عند راما وخطط بمقلب وبسرعه راح يسويه وساعدته رهف
ودخلت ريما البيت و وراها طيف انصدمو بسطل المويه اللي غرقهم
ريما شهقت : ممممممماااااجددددددد
طيف : انااااا شدددخلنييي بينكمممم
ماجد فاطس ضحك : لاااااا مقدر مقدرررر تضحكوووننن
ريما بغضب :مايضحكككك يا سامجحج
ماجد بضحك: والله يموت ضحك
ورهف بضحك : اشكالكم تضحك
طيف : الله يسامحكم
ريما : وانتي معه هااا انا اوريك
رهف اللي تخبت ورا ماجد : جبت لك هديه من لندن تحبها قلبك
ريما اللي تغير مودها وبفرحه : ااااااماااانننههه
ماجد : اي والله
الجده منيره : روحي غيري ملابسك بتمرضين انتي وياها
ريما اسرعت لغرفتها ولحقتها طيف يغيرون ملابسهم
رهف بصدمه : كيف تغير مزاجها كذا بسرعه
ماجد ضحك وجلس : يوووه ريما كذا تتعودين عليها مع الوقت
رهف ابتسمت وجلست وبعد كم دقيقه جتهم ريما وهي تركض : هااا وين هديتي ؟؟؟
ماجد بفجعه : بشويش طيب بغيتي توقفين قلوبنا
ريما : اقول بسسس عطني هديتي
ابتسم ماجد ومد لها كيس متوسط الحجم اخذته بسرعه وفتحته وهي تشهق : ساااااعة اااااحلااااميييي
رهف : اعجبتك ؟؟
ريما بابتسامه : تهبللل مشكوريننن وحضنتهم حضن جماعي
ماجد بضحك وطقطقه : كم مره اقولك بتذبحيني بدفاشتك
ريما وخرت عنهم وكشت عليهم : مالت عليكم بس
رهف بصدمه : ما سويت شي انا !!!!
ريما : والله عشانك مرته بتتحملين اغلاطه
ضحك ماجد : اقول وخري عن رهوفتي
ورهف استحت وهي تمسك يد ماجد
ريما : ييييممممهههه بتزوووججج
الجده منيره مسكت راسها : يا بنتتت بتفضحينا انتي !
ورهف وماجد فاطسين ضحك
ريما بعبوس : والله مالي دخل شوفيهم جالسين يسون حركات ويقهروني
طيف قاطعتهم : وين هديتيييي
ماجد ابتسم ومد لها كيس وكان بداخله شنطه ماركه معروفه بلندن : تجنننننننن مشكور يا حبيبي وحضنته وبادلها وجلست وناظر لريما : ناظري الناس اللي تجننن
ريما : بالله اصصص
ماجد: يا بنتتت تراني اخوك الكبير !!
قاطعهم دخول الجد سعود : شفيها اصواتكم عاليه !
ماجد : ماش ماغير هبال ريما المعتاد
الجد سعود جلس : الله يعين اللي بياخذها
ريما : خلوه يجي بالاول ولكل حادثة حديث
ماجد صفق راسها بخفه وضحكت ريما
ورهف اللي حاطه الطرحه على راسها ومستحيه من عمها وريما كل شوي
تحارشها وماجد يدافع عنها واستمرت الجلسه بمحارشة ماجد وريما لبعض
______________________________
بمنزل بعيد عن منزل ابطالنا كانت توجد فتاه تقاوم الحياة الصعبه التي ابتليت بها
الجازي اللي كانت طالعه من الحمام توها متروشه انصدمت بوجود عمها قدامها وبلعت ريقها وبخوف وبسرعه مرت من جنبه بس مسك يدها وسحبها له وهو يهمس لها : ليه الخوف يالجازي هااه
الجازي : حسبي الله عليك فكنيييي
حامد يتحرش فيها وبنجاسه : انتي بس لو تسلمين نفسك لي بتكونين بنعيم
الجازي ببكى خافت وهي تترجاه : تكفىىى فكنننيي اللي تسويه حرررااام انت عمممييي مايجوززز
حامد دفها بقوه على الارض : قسم بالله المره الجايه مافي مهرب وراح وتركها منهاره على وضعها اللي ماتدري وش تسوي وراحت لغرفتها بسرعه وهي تبكي : حسبي الله عليه يا جعله يموت ويفكني منه ليه ياربي ما تاخذه زي ما اخذت اابوي وانهارت بكي إلى ان جتها فكره انها تشتكي عليه وتشجعت وبسرعه لبست عباتها وراحت تناظر للطاقه ( الصراحه مدري شتقولون لها بس هي نفسها الدريشه ) وشافت سيارة عمها مو موجوده وبسرعه خبرت امها انها رايحه للبقاله ومشت بسرعه متوجهه لمركز الشرطه
.
.
عند ماهر بالشغل كان خلاص بيطلع لان دوامه خلص وطلع من المركز وهو خابر نص الضباط مو موجودين بسبب الانتداب بس قاطعه قدوم بنت اتجاه : لووو سمحتتت احتاج للمساعده يا اخوي
ماهر وهو يخلع نظارته وصاد عنها : وش بغيتي يا اخت
البنت : تكفى داخلة على الله ثم عليك انك تساعدني انا بشتكي على عمي الظالم
ماهر اخذته النخوه : الحقيني يا بنت الناس عشان اكتب الشكوى
البنت : حاضر وهي تلحقه للداخل وفتح مكتبه وجلس وهو ياخذ قلم و ورقه وبصوت ثقيل : انا اسمعك تكلمي
البنت : انا الجازي بنت محمد ال سالم بشتكي على عمي اللي ظالمني وماكل حقي انا وامي وهو وسكتت بقهر ماتدري كيف تقولها
ماهر بحده : كملي ليه سكتي ؟
الجازي وهي تكتم دموعها وبصوت مبحوح : هو يتحرش فيني ويهددني بامي اللي مالي غيرها وبكت
ماهر اللي انقهر واحتقن وجهه من الغضب وبصوت رجولي: والله لخليه يتمرمط بالمحاكم ولا تشيلين هم بس محتاج منك هويتك ورقم جوالك عشان بخال احتاجنا لك
الجازي تمسح دموعها ومدت هويتها وبدا يكتب معلوماتها وطلع عمرها ٢٣
ماهر : خلاص يمديك تروحين راح يتم رفع قضيه عليه ومستحيل يطلع منها
الجازي بخوف من عمها : يعني خلاص مراح يقرب مني مره ثانيه ؟؟
ماهر : لا تطمني
الجازي بسعاده وهي تدعي له : الله يوفقك ويسعدك ويخليك لكل محب وعزيز عليك
ماهروهو صاد ابتسم : امين وذا واجب علي لا غير
الجازي طلعت بعد ما اخذت هويتها وهي تمشي بالشمس وهي فرحانه باللي سمعته
طلع بعدها ماهر وهو يكلم سلمان : اي ارفع قضيه عليه وعلى طول روحو وداهمو بيته واخذوه للتحقيق واذا شفت عليه اي غلط حوله للنيابه واتحدى اذا طلع
سلمان : ابشر موضوعه مو هين مستحيل النيابه يتركونه بدون سجن اكثر من عشر سنوات وغرامه
ماهر: حقه وقليل بعد ومع السلامه ماني مطول عليك
سلمان : في امان الله وقفل
وتحرك ماهر لسيارته وركب ومشى بس لاحظ بنت تمشي وعرف انها البنت اللي جاته تشتكي وهو يوقف بجنبها وبصوت ثقيل : اركبي يا بنت الناس اوديك
الجازي بتوتر: لا ماله داعي يمديني امشي
ماهر بحده : قلت اركبي انتي بنت لحالك وذا خطر عليك
الجازي وهي تناظر بدلته وتذكرت انه عسكري وتطمنت وركبت وبدت توصف له مكان بيتها
وصل ماهر لمكان بيتها وانصدم من اللي يشوفه كان بيتها خرابه :متاكده انه بيتك
الجازي بهدوء: اايه وشكرًا ماقصرت ونزلت
ماهر :العفو وهو يراقبها لين دخلت للخرابه المسمى ببيتها وتنهد ومشى
.
.
تعريف بالجازي :عمرها ٢٣ هي وحيدت امها وابوها المتوفي من خمس سنوات وكانت تحت تحكم عمها وظلمه وتحرشه المستمر من كان عمرها ١٥ وهي تعاني منه وماتقدر تقول لامها لانها مريضة قلب وحالتها ما تتحمل حقيقه مثل كذا .
.
ام الجازي : جيتي يا بنتي ؟
الجازي وهي ترمي العبايه وتحب راس والدتها وبكذب : ايه يمه رحت للبقاله ومو راضي يفتح حساب
ام الجازي بحسره : لا حول ولا قوة آلا بالله وانا امك سويت انا الغداء حطيه خلينا نتغدى
الجازي فزت : ليه طبختي مو قايله لك انا بطبخ !!!
ام الجازي : معليه يا بنتي اشتهيت اطبخ
الجازي ابتسمت : يا حبيبتي اجل انتظري احطه وناكل سوا هزت راسها ام الجازي وبالفعل تغدو وراحت الجازي لدفترها صديقها الصدوق كل شي يضايقها او يفرحها او يحزنها تكتبه بالدفتر وقفت كتابه وهي تفكر باللي سوته اليوم وهي تدعي من قلبها ان الله ينصرها
________________________
عند متعب ونوف اول ما وصلو للفندق استفرغت نوف وكان واضح عليها التعب ومتعب اللي خاف عليها بالبدايه كان يحسبها تمثل عليه بس انصدم من شافها تستفرغ وبس تركها تغير ملابسها وهو زيها ونامو وتوه يصحى وهو يحك راسه وما لقها جنبه وفز للحمام يحسبها الى الان تعاني من الاستفراغ وطق الباب وما جاه رد وطق اكثر من مره وفتح الباب بسرعه وما لقى احد وفجاة سمع باب الغرفه ينفتح ودخلت نوف كانت جايه من برا وهي تكلم وتضحك : سلمي على امي وابوي مع السلامه وقفلت
متعب اللي يناظرها ويحس الشياطين كلها تجمعت براسه كيف تطلع وما تقوله !!!
متعب بغضب مسك يدها بقوه : من وين جاااايه هاااه
نوف تألمت بس ما وضحت له : اترك يدي عشان اجاوبك
متعب وهو يشد على يدها اكثر : قللللللتتت لكككك من ويييين جاااااايه
نوف صارخت بصوت عالي ودفته : جاااايه من البوفيه اللي تحت رحت افطرت وجيت وش فيهااااااا
ماجد مسك شعرها بقوه وبصراخ: وانتيييي كيف تتجرأين وتطلعين بدون علميي هاااه شافتني طرطور عندكككك !!!
نوف بصراخ نفس صراخه : ااااييييهه ماني شافتك رجال كيفي والحين وخرررر عنييي
متعب : بوخر بعد ما اوريك من هو الرجال وسحبها ورماها على السرير وهي تصارخ وهو هجم عليها و .......
_________________________
عند ماهر اللي دخل بيتهم ولقى اخواته وامه يتقهون حب راس امه : يالله صبح ذي الوجيه الزينه بالخير
ام ماهر ببسمه : خلص دوام !
ماهر : من ساعه خلص بس جتني بنت حالها يخلي الحجر يحزن عليها
يارا : ليه وش فيها
ماهر بدآ يسرد لهم اللي صار معه
ريم بقهر على الجازي : الكلب عمها ما يخاف ربههه!!
ام ماهر بحزن: لحول ولا قوة الا بالله الله يساعدها ويحميها
يارا بحزن وبكى : تحزن والله
ريم بضحك : يالليل الدراما حقتك
ماهر ضحك : يا قلبي على الحساسه
ام ماهر تحضنها وتمسح دموعها يارا : عاد شسوويي قصتها تحزن
مادري كيف وحده قادره تتحمل ذا كله
ريم : عمها ذا لو اشوفه بسسس والله لجلده
ماهر : انتي لو عليك جلدتي الكل
ريم بضحك : عشان ابرد حرتي بالكل
ام ماهر : والحين يا ماهر وش بيصير بالبنت
ماهر : ان شاء الله كل خير عمها راح ينمسك ويحولون قضية للنيابه وعاد النيابه مراح تتركه الا بحكم سجن اكثر من عشر سنوات وغرامه ماليه
يارا : يااااااررررب يتعفن بالسجن
الكل : امين
ماهر قام :عاد انا بطلع لغرفتي بنام احس بنعاس وتعب
ام ماهر : نوم العوافي
ماهر : الله يعافيك وطلع لغرفته ينام
وكملو خواته سواليف
____________________________
ان شاء الله ينال اعاجبكم 🤍
وحابه اشكر لكل من دعمني تفاعلكم على البارت اللي قبله مره يبرد الخاطر الله يسعدكم 🤍🤍