احتريتك من بين كل البشر وسميتك عشقي وفرحة سنيني

49

"بسم الله الرحمن الرحيم "
•
•
•
لولا صلابة الأضلُع لخَرج القلب من مكانه..
الجد سعود نام بالمجلس حقه يبي يبعد عن ازعاج الحريم والورعان
والشباب الباقين تقسمو بالغرفتين الباقيه كان ماجد وماهر ومتعب
وبالغرفه الثانيه كان فيها نواف وخالد ومروان وراكان وريان والكل فرش فراشه ومتجهزين للنوم انسدح نواف جنب ريان وهمس له : متى بتراضي راما ؟
ريان ناظره بضيق : مو الحين
نواف : متى اجل ؟
ريان : قريب
تنهد نواف وتلحف تارك ريان يغرق بافكاره وبهمومه يكفي ان قلبه مكسور وبنته شاغله فكره وكلام نوف يصداه يتكرر بعقله زفر بقوه وهو يتجهز للسبات
"عند الحريم "
كانو البنات متوزعات ومرام اللي قررت تنام بسبب إصرار بناتها وطبعا اخذو من بعض ملابس هنوف اخذت من ريم وهيفاء اخذت من عند شهد
وكانت طيف ورهف و ولدها وريما وشهد وهيفاء ونوف وعيالها بغرفه والباقين بغرفه والجده منيره بغرفتها واما حريم عيالها كل وحده راحت لوحدتها الخارجيه
راما : اقول خلونا نطب على البنات وكلنا ننام بغرفه وحده وغرفتهم تراها كبيره روان بحماس : يلاه مشينا اجل وفزو البنات كلهم مداهمين غرفة ريما
شهد : اغوذ بالله من الشيطان الرجيم
قفزت روان تنسدح بجنب شهد : الله يعني على شخيرك بس
شهد شهقت بصدمه وضربتها بخفه : يا كذااابههه !!!!
ضحكت روان بهستيريا على رد فعل شهد المضحكه : امزح ياويلي عنكشهد بتكشيره : يهب لعد تمزحين
راما بخبث : معليك مع راكان بتبطل التشخير
شهد : وانتي معها !!!!
راما بضحك : نطقطق يا زعول
شهد رمت عليها المخده : سامجات
هنوف : عاد لا يكون صدق تشخرين لاني ممكن احط لك سداده
روان ضربت كفها مع هنوف وفطس الكل ضحك على تعابير شهد المصدومه : الله يقلع من ينام عندكم لو اني متزوجه كان اني الحين بحضن راكان مب عندكم
ريما : لا عاد مابك حياء
شهد : والله هذه الصدق
نوف بخبث : ترا البيت حق اهلي مافيه الا امي وابوي لو رحتي معه هناك
شهد بخوف وهي ماتضمن راكان : لا والله مقدر صاير ثور ذاك
البنات : هههههههههههههههههههههههه
طيف : اقول خلونا ننام لانكم بتقومون من بدري كلعاده
ترف زفزت : ياليل ترا جابت خالتي ام ماهر شغالتها تكفي
طيف : مالي دخل لانك بتصحين على عصا امي
روان : كل شي الا عصا جدتي
هيفاء: ليه ؟
راما : يحليها ذي ما جربتها
شهد : هذه يا قلبي جدتي تضرب اللي مايقوم لصلاته او بفصيح اللهجه تمردغه إلى ان يعض الارض
هنوف بتوتر : اجل خلونا ننام
ريما بضحك : ههههههههههه معليك مراح تضربك تستحي من مراموه
طيف : لو سمحتو اص بننام
نوف : اي تكفون قبل لا يقومون الورعان
زفرت روان : ياليل طيب والكل سكت ومستعدين للنوم وبدو كل وحده تغفى
.
"صباح اليوم التالي "
طيف اللي مجهزه قهوته امها وفطورها وضعتها امامها : البنات ما قامو ؟؟؟
طيف جلست : لا والله محد قام قومتهم محد اعطاني وجهه
طق باب البيت وقامت الجده منيره : بوريهم كيف مايقومون يصلون وهي تتعكز على عصاتها وطيف كتمت ضحكتها وقامت تفتح الباب وكانت ام نواف اللي معها ريفان وام خالد : يا هلا والله حياكم
ردو عليها : الله يبقيك
ام خالد : وين عمتي ؟
طيف بابتسامة : راحت تصحي البنات بالعصا
ام نواف وهي تجلس وريفان بحضنها وتبتسم : احسن ما تسوي
ام خالد بنفس الابتسامه : اي بالله صبت لهم طيف القهوه
عند الجده اللي داهمت غرفة البنات المظلمه ومثل الثلج : يا بسم لله وشغلت النور وطفت المكيف : ياللي ماتخافون ربكم قوموووو الناس صلت وانتهت والشمس اشرقت وانتم ما قمتو !!!!!
فزت هنوف هي وروان بفجعه وباقي البنات اللي تفرك عينها واللي تحك راسها واللي تغطي وجهها وصدح صوت بكاء عيال نوف وسعود الصغير
ريم بخمول : يا جده حتى الورعان قامو يتراعدون حرام اخافة المسلم
الجده منيره : دامك مسميه نفسك مسلمه ليه ما قمتي تفلحين مع العرب وتصلين مع المصلين الساعه صارت ٨ ولا قمتو !!!
هنوف ضربت جبينها : ٨ يا جده !!!!! تو النااااسسس بدري تكفين خلينا ننام
الجده منيره بصدمه وغضب : ٨ تو الناس !! لا بالله اللي مهي قايمه والله العظيم للعصا ذي تلعب على جنوبها !!!!! فزو البنات بكسل الا ريما : يمه حفيدك يقول لي نامي يا ماما عشان كذا بسمع كلامه معليش وتغطت بالبطانيه
الجده منيره : لا تخليني اجلدك اربيك انتي وحفيدي من جديد !!!
ريما بفجعه : لحوللللل وقامت تلحق البنات ورهف تضحك عليهم وقامت تغير لسعود الصغير
.
عند الشباب كانو نايمين محد قام الا الجد سعود وصالح راح لعمله وماجد كذلك ومافي الا الجد وعياله الكبار طلع ماهر وهو يعدل ياقة بدلته : توصون شي انا ماشي للعمل
الجد سعود : لا وانا جدك استودعناك الله
ابو ماهر : افطرت ؟
ماهر : بالطريق اكل
ابو ماهر : في حفظ الرحمن
ماهر حب راس ابوه وجده وعمانه ومشى لعمله بس اتصل بريم يبي يشوف تبي شي هي وامه
ردت ريم وهي تتثائب بنعاس : هلا !
ماهر باستغراب : توك تصحين ؟
ريم بتنفيس : ايه جدتي قومتنا بالعصا
ضحك ماهر : زين ماسوت تبين شي انتي وامي ؟
ريم بتكشيره : لا
ماهر : متاكده ؟!
ريم : اايه شفيك ولو ابي باخذ سيارة ابوي اجيب
ماهر : لا ياشيخه بتروحين بمنطقه شبة مقطوعه استرحي بس بالاميره وانا اجيب كل اللي بخاطرك
ريم ابتسمت غصب من اسلوبه : يا عيني على الغيور الله يقرب زواجك من الجازي عشان تفكني شويه من الغيره ذي
ماهر بقهقه عذبه : مستحيل افكك منها بس توصين شي ؟
ريم : سلامتك اذا احتجنا شي فيه عيال عماني وابوي
ماهر : يلاه اجل مع السلامه
ريما اسرعت تسحب الجوال من يد ريم : ماهر !!
ماهر اللي كان على وشك تقفيل المكالمه : هلا ريما !
ريما : ايه ابيك ضروري
ماهر : عسى ماشر !
ريما فعلت صوت الحزين : ان شاء الله خير دقايق واجيك عند باب الحوش القاسم
ماهر : طيب وقفل ونغزه قلبه بخوف واتجهه للحوش القاسم
ريم : وش بلاك !
ريما بخبث : اقولك شوي ولبست شرشفها بعد ما غسلت وجهها وقد انها متوضيه بتصلي بس يوم سمعت ريم تكلم ماهر وفهمت انه رايح للشغل تبي تمقلبه قبل لا يروح واسرعت للحوش القاسم وطقت الباب ولقت قدامها ماهر اللي يمشي رايح وجاي ببدلته العسكريه المرسومه على جسمه : وشفيه ؟؟؟
ريما تنهدت : اسمع الحياه وكل شي بحياتك قسمه ونصيب يعني الواحد ما ياخذ الا قاطعها بخوف : شفيك انتي ادخلي بصلب الموضوع لا تماطلين !!!
ريما تنهدت بحزن وناظرته بنفس النظره الحزينه : الجازي رفضت وكلمني معاذ اقولك لانه مستحي منك
ماهر حس وكان احد صب عليه سطل ماء ثلج ! وجهه اصفر وتكلم بتعلثم : ت .. تمـ ز حين !
ريما مسكت يده بنفس النظرات الحزينه والنبره : هذه موضوع ينمزح فيه !
ماهر نفض يده واحدت ملامح وجهه : معليه اصلا عادي ومشى تارك ريما تكتم ضحكها وطلع وضحكت : معليه شوية نحرق القلب مصير الجازي بتداويك ! ومشت للبيت
ركب ماهر سيارته بغضب وهو يحس بخنقه فتح ياقة البدله بعصبيه وشغل السياره وساق باسرع ماعنده : قالت انها تحبني كيف الحين ترفضني !!!!!
.
"بيت معاذ "
ام معاذ : كلمت الجماعه عن موافقة الجازي ؟
معاذ ناظر الجازي : لا شوي بكلمهم بس ريما حابه تمازح ماهر بتقوله انها رافضه
الجازي انتفضت بانفعال : موووو منجدها !!!! وتوترت من نظرات امها ومعاذ المصدومه : اقصد يعني اخاف يفهم شي ثاني
معاذ : مثل ايش ؟؟
الجازي بتوتر : مدري بس ربما اعرفها تنشف الواحد
ضحك معاذ : معليه حلالها
الجازي اكلت التميس بغيض وناظرت ام معاذ لولدها بابتسامة كاتمين ضحكهم عن الجازي اللي تعابيرها غاضبه واول ما خلصت قامت تصعد لغرفتها وقفلت الباب وهي تدور رقم ماهر بجوالها وحصلته وهي تتصل فيه وتنتظر وده
دخل للمكتب بغضب ورن جواله وشافه باسمها صمته وهو يحس نار قلبه هايجه ودخل سلمان : فيه اوراق لكم شخص ناقصها توقيعك
ماهر جلس بحده : جيبها
سلمان استغرب نبرته الحاده ولكن تجاهلها وهو يذهب لاحضار الاوراق المطلوبه عند الجازي زفرت وهي تبيه يرد بس مافي رد منه واتصلت مره ثانيه ورد هذي المره وهو لو عليه ذبحها من قهره : وشتبين !!! لك وجهه تدقين بعد رفضك هاااااه
الجازي عضت شفايفها بتوتر من عصبيته : اسمعهي تراني موافقه بس ذا مقلب من ريما
ماهر حس وكانه يطير بالسماء : منجدك !!!!
الجازي : اااي والله انا موافقه عليك بس ريما قالت لمعاذ ما يقولك عشان تبي تسوي فيك مقلب ! هدي ولا تتنزفز
ماهر تنهد براحه والابتسامة شقت طريقها لثغره : يا شيخه الله يبشرك بالجنه
الجازي ابتسمت : امين وياك عاد لا تتاخر انا انتظرك
ماهر وهو يحس لو عليه الحين راح لها ركض : باذن الله ماني مطول
الجازي : بقفل امي تناديني استودعتك الله وقفلت باس ماهر الجوال بحب ودخل سلمان : هذي الاوراق تفضل
ماهر قام بابتسامة كبيره : تفضل انت عشاك اليوم علي وخذ لك اجازه اسبوع كامل ياخي والله اني احبك وباس خد سلمان اللي متجمد من الصدمه : ماهر فيك شي ؟؟؟؟
ماهر : عيون ماهر مافيني الا العافيه بس تفضل انت
سلمان : لا يعني اقصد منجد الحين معطيني اجازه !!
ماهر : اااايييي وعازمك عندنا بالاستراحه الليله اذا ماجيت ياويلك مني
سلمان ضحك : لا انت مو طبيعي توك كنت معصب وش اللي غيرك
ماهر تنهد وهو يتذكر نعومة صوت الجازي : شي فوق الخيال بس معلينا الحين تعال بصم على الاجازه
سلمان بابتسامة: ابشر عاد الا ذي ما اقول لا واتجه لمكتب ماهر
ماهر بضحكه : انا داري في احد تجيه اجازه ويقول لا !
سلمان : ذا المتعاطي بس وضحكو
ماهر : اجل اسمع نخلص امورنا وبعدها نطلع للاستراحه
سلمان : تم بس ودي اقولك شي
ماهر : سم
سلمان : سم الله عدوك يمدي اخذ جدي معي ؟
ماهر : مو منجدك تسالني اكيد جيبه عاد بينبسط مع جدي
سلمان بإبتسامة : كثيرررر
.
عند البنات اللي جالسين يفطرون بالحوش مع الجده منيره وام نواف وام خالد ومها اللي جتهم وام ماهر اللي مجهزه فطور زياده بعد وجات وجابته معها وكان الصمت سيد المكان لولا سواليف الجده منيره مع حريم عيالها
ام نواف : والله يا حالتكم مزريه متى نمتو ؟؟
راما بحزن : متاخر لو اننا سمعنا كلام طيوف بس ونمنا ابرك لنا
طيف : قلت لهم ماسمعوني كل وخده تتقلب واللي تسولف مع الثانيه
الجده منيره : الجو وش زينه
شهد اللي لابسه فستان علاقي وتدهن يدينها بواقي شمس : اوف الحين ليه لوني ما يصير حنطي !!!
راما رفستها : الله على روقانك
شهد ضربت رجل راما : حشى مو رجل انثى عز الله انها رجل مصارع
راما كشت عليها
هنوف تتثائب وهي متكيه على ريم اللي مثلها متكيه عليها : الحين مايمدي ننام خلاص صلينا
الجده منيره : مافي نوم تبون تنامون نامو الليل وقوم النهار ذا النوم الصحي مب السهر اللي ذابحكم زفرو البنات بتعب وملل وكل وحده منفسه ومنصرعين من النوم
عكس الشباب اللي قامو ومروقين وافطرو وتقهوى والحين يلعبون بلوت
ابو نواف وهو يشرب شاهي : انتم ماوراكم دوامات ؟
نواف : انا ماخذ اجازه ثلاث ايام
خالد : انا اليوم تسليمتي
ابو نواف : نواف شفت اخوك ريان مهب فيه !
الجد سعود : بعد الصلاه مشى للعزبه قايل لي بيروح هناك فيه حوار تعيبان
تنهد ابو نواف : هذه الولد ماله حظ بذي الدنيا
ابو خالد : افا ليه تقول كذا تفائل على ولدك بشي زين !
ابو نواف : ماتشوف حظه كيف مايل ! من تزوج ذي البلوى ما عينا خير عشان كذا ربي اخذها وريحنا منها !
الجد سعود : يهب يالسانك ماتستحي على وجهك تتكلم على مره ميته ! انت ما سلم منك الحي قمت تلحق الموتى !
ابو نواف رشف من فنجاله : ما قلت شي انا !
ابو ماهر تنهد : مايجوز على الميت الا الرحمه مهما كان !
ابو نواف كشر بوجهه بغيض متجاهل كلام والده واخاه وكانه لم يسمع شي وقام الجد سعود متجهه للعزبه بيتفقدها وقامو عياله معه ومشو
راكان اللي جلس بهمس : اصبحنا واصبح الملك لله وشبه ابوي من صباح الخير ما ترك احد ما اكل لحمه ؟
نواف : الظاهر الضغط مرتفع امس شيكت عليه كان طبيعي بس حاليًا اتوقع باقصى مراح الارتفاع
مروان تنهد : زين ريان مو هنا
نواف : اي والله ولا وش يفكنا وقتها
خالد بجديه : معليش لو مكان ريان مراح اسكت !
نواف : كلنا مو بس انت وهو
خالد صفق فخذ نواف : تتفاؤل على اختي !!
نواف بصدمه : متى هرجت !!
خالد : الحين تقول كلنا مو بس انت وريان
نواف : لا عاد انت تبيها من الله هاه قول
خالد : والله انت اللي تبيها وتماسكو الاثنين كعادتهم مروان ضحك عليهم واسرع يصورهم وراكان اللي ياكل صامولي وجبن : حسبي الله بس ماتهجدون انتم !
نواف : مالك دخل فينا
خالد : اتركنا بحالنا !
راكان مسح وجهه بنفاذ صبر : ياصبر الارض
خالد ونواف ابتسمو : عليك واعتلت عليك ضحكاتهم ومروان ميت ضحك على تعابير راكان المغتاظه منهم لولا وجود عمانه وابوه وجده كان ذبحهم ولا فيه احد مروق الصبح طبعًا خالد ونواف فارقين عن الكل راكان مسك راسه : بتهجدون ولا كيييييفففف !!
نواف اللي متربع بسروال وفنينه وخالد مثله : لا وش بتسوي
راكان : بشتغل فيكم شغل قسم بالله لتندمون منه
نواف غمز له : مثل وش
راكان تربع مثله وغمز مثل غمزته : مثلًا ماضيك لو انعرض على زوجتك المستقبليه وش بيصير امممممممم ؟!
حك راسه نواف وناظر لخالد : اسمع ترا الموضوع مش هيك
مروان ضحك بقوه : من الخوف صار يتكلم سوري
نواف صفق رقبة مروان وقاطعهم صراخ قوي صادر من قسم الحريم وفزو الشباب يتراكضون يوم استمر الصراخ وزاد اكثر
عند البنات ترف اللي كانت متلحفه ببطانيه صغيره ومتكيه على المسند وتسمع لسواليف البنات اللي يالله يهرجون وحست بشي يلتف على ساقها تحسبه هواء او تتخيل وطنشت بس حست بالحركه زادت ورفعت البطانيه بخفه وصرخت باقوى ماعندها وهي تشوف حية ملتفه على ساقه والكل فز يصارخ معها وهم مايدرون وش السالف بس شهقت ام خالد وهي تلاحظ الحيه الملتفه على بنتها
ترف بصراخ وبكاء : ييييمممممممهههههههه ساااعدوونيييي
نوف مسكت عيالها بخوف : نادووووو العيالللللل
البنات كانو بحالة زعر والجده منيره اللي تبي تبعد الحيه تحت ارتعاش ترف بس انتفضو على دخول نواف وخالد وراكان ومروان البنات تغطو بالشراشف واللي للبيت وترف اللي تبكي بقوه وام خالد ميته خوف على بنتها اللي تصيح وتبكي وروان اللي يهدون فيها البنات
راكان اللي صد : شفففييه !!!
ام خالد : يا خالد الحق ترف يا خالد
نواف لا شعوريًا لف عليها وركض وهو يشوف الحيه الملتفه عليها وخالد جنبه ولاحظو خالد ونواف انها غير سامه لانها صغيره ومعروف الافاعي السامه من الغير سامه واسرع نواف يمسك الحيه من رقبتها وترف اللي مسكت يده بخوف وتبكي واخذها خالد منه وهمس لها نواف : هدي خلاص راحت وقام مع خالد وصد عن البنات وطلعو العيال وخالد اللي شايل الحيه وقف سومر قدامه : اوووه وين انت يلقى سمير !
خالد باستغراب : سمير مين ؟؟
سومر وهو ياشر على الحيه : هذه سمير حقي انا من كم شهر انا ربي هذه حيه
راكان مسح على وجهه : واضح صباح خير ومشى متجهه للتكه يجلس يكمل فطوره
مروان اللي جته ام الركب من صراخ ترف : الله لا يبارك بالعدو
خالد اعطاه الحيه : لقيناه بقسم الحريم ياويلك من جدي لو ما شلته من هنا فاهم !
سومر : طيب طيب
نواف : احمد ربك يا سومر اني قلبي رهيف عليك ولا والله لو علي ذبحتك
سومر اسرع بهروبه هو وسمير
خالد ناظر لنواف بعينان ضيقه : هاه يا جنتل مان مسوي علينا عنتر يوم فزعت
نواف ابتسم وهو يجسم اكتافه : كيف بس
خالد دفعه : مثير للشفقه وتماسكو وراكان ذي المره قام عليهم وشردو نواف وخالد وهم يحوسون براكان لين دوخوه
.
ترف وهي تبعد عن حضن والدتها اللي انفجعت عليها : بروح ارتاح بالغرفه الجده منيره اللي توها ماخذه ادويتها حقت الضغط : كلكم روحو نامو من بعد ذي السالفه معد بها جلسه هنا
فزت ريم : انشهد انك بنت شيخ واسرعت تركض للغرفه والبنات كلهم فزو يبون النوم
شهد قفزت على فراشها وهي تنسدح : الله المكيف بااااااارررردددد
هنوف وهي تتثائب: الحين صدق تجيك نومه اسطوريه
روان : لو درينا يا ترف كان خلينا الحيه تجيك من البدايه
ترف كشت عليها : اخت للبيع
يارا : حرام عليك يا زينها روان
روان وهي ترسل لها بوسه طايره : ياخي خالد مالومه يوم انه يذوب قدامك !
البنات ناظرو ليارا اللي استحت وندمت انها مدحتها وضحكو : ههههههههههه
ريما : اهجدو بنام ورعي يقول لو ما خلوك يا ماما تنامين بطلع امردغهم
شهد : ياليل اذتنا هي وبزرها
ريما قرصتها : هو حاصل لك ورعي
شهد : ااااه قسم بالله قاعده اعيش بتعنيف مو طبيعي
هيفاء : تكفون خلونا ننام قبل لا جدتي تغير قرارها
ريم : اي بالله
روان : خلاص خلاص بننام وفعلا كلهم نامو بسرعه بسبب الخمول اللي كانو فيه
الا ترف اللي رفض النوم يقرب منها من الفجعه اللي جتها تحس النوم طار وقامت بهدوء وهي تسمع هزة جوال بس ماتدري مين اللي جوالها يدق ولاحظت جوال راما يضوي بجانبها قربت بهدوء وهي تسحبه وتشوفه
(نوافي ❤️) وردت : راما نايمه وش بغيت ؟
نواف ابتسم بتفاجئ : كنت ابيك تعالي عند بيتنا
ترف : مافي احد ؟
نواف : لا
ترف : جايه وقفلت ورجعت جوال راما وطلعت وهي تركض بخفه عشان محد ينتبهه لها واتجهت لوحدة عمها ناصر وهي تلتفت للخلف تشوف احد جايي ولكن ترتطم بصدر نواف اللي حاوطها من خصرها قبل لا ترجع للخلف وتطيح : اوبا انتبهي يا حلوه لنفسك
ترف استحت من قربه وتحاول تبعد يدينه المتمسكه فيها بثبات : مراح افك عشان كذا لا تتعبين نفسك
ترف تنهدت : شكرا لانك ساعدتني
نواف رفع حاجبه : منجدك تشكريني على شي هو بالاصل واجبي ومسح على خدها بخفه : خفتي كثير ؟؟؟
ترف نزلت راسها واستغرب نواف ورفعه وانصدم بروية دموعها تتساقط ايرع يحيط وجهها بين يديه وبقلق : شفيك ؟؟
ترف : تخيلت اني اموت منها
نواف حضنها : لا تقولين كذا ! بعيد الشر وتراها ما كانت سامه وهو يسمح دموعها
ترف : وشدراك ؟
نواف ابتسم : طلع سومر العامل حق جدي مربيها ومسميها بعد
ترف عضت شفايفها بغبنه : على اللي يمردغه بس
نواف بلع ريقه ورفع ابهامه يسحب شفايفها من بين اسنانها الحاده : ليه ليه معذبتها كذا ! ارفقي عليها وعلي وعلى قلبي المسكين
ترف انصدمت وتحس ارتبكت ماتدري وش تقول : خلاص انا بمشي وابتعدت بتمشي بس سحبها نواف له وهو يمسح على خدها : وين رايحه ما شبعت منك
ترف : اخاف احد يدور علي
نواف : لا خليك معي
ترف : بديت تخوفني انت ونبرتك الهاديه ذي
نواف قهقه : وشفيك خوافه اذا قلت ماني مسوي شي يعني ماني مسوي شي
ترف : ما ظنتي والله ينخاف منكم يا عيال ناصر !
نواف رفع حاجبه : اوف اوف ليه تجمعين حسستني عارفتهم !
ترف : ايه عارفتهم راكان شهد تقولنا عنه وريان زيكم
نواف : لا بالله قولي انا وراكان ايه اما ريان مسكين
ترف بانفعال : وين مسكين وهو قبل يومين كان بيذبح دانه بنت جيرانا عشانها شايله بنته جتنا البنت تبكي
نواف بصدمه : اسلمي وشذي المصايب !
ترف بورطه : اعتبر نفسك ماسمعت مدري وشفيني بديت اكب العفش
نواف ابتسم بخبث وهو يقربها له اكثر : ذا سحري
ترف رفعت حاجبها : سحري اقوى
نواف : تؤ انا اقوى
ترف ابتسمت بخبث : صدق ؟
نواف : اايه
ترف حاوطة عنقه وهي تمسح على شعره من الخلف وتناظر له بإبتسامه: من سحره اقوى انا ولا انت ؟
نواف بتخدر : انتي يا روح نواف
ترف ابتسمت باتساع : تدري انك اذا تزوجتني يعني كانك تزوجت اربعه فاهم !
نواف ابتسم بحب : فاهم وبلبسك اربع خواتك بعد
ترف ضحكت : لا عاد زودتها
نواف قهقه : بالعكس
ترف : بمشي انا خلاص
نواف : طيب وباس خدها وابتسم : الحين يمديك تروحين
ترف ابتسمت وقفت على اطراف اصابيعها وهي تبوس خده وتركض تاركته خلفه مصنم ويبتسم مثل الاهبل دخل راكان واستغرب من وقفة نواف : وشفيك ؟
نواف مارد عليه وكان بنفس وضعيته هزه راكان ولا حياة لمن تنادي وصفعه راكان باقوى ماعنده صحى نواف وهو مصدوم من حرارة الكف : ياكلب !
راكان بضحك : شف انا ناديتك وهزيتك ولا عبرتني وذي حركه بالافلام يسونها ..
نواف بغضب : بذبحك وخل حركات الافلام تنفعك ركض راكان ونواف خلفه
واصواتهم عاليه وقامو يتراكضون نواف يطرد في راكان وراكان يشرد منه
" بعد المغرب "
دخل ماهر ومعه معاذ وسلمان وجده وقام يحي الجد سعود جد سلمان وجلسو الشيبان وسلمان جلس مع الشباب ماهر همس لمعاذ : اجل انت وريما ورا المقلب هين ان ما رجعته
معاذ تفاجئ : كيف عرفت قالت لك ريما ؟
ماهر ابتسم : لا عرفت بطريقتي والحقني ابيك
معاذ قفز معه وطلعو للحوش اللي بين القسمين : برجع المقلب بريما وانت بتساعدني ولو ماساعدتني بزعل
معاذ : لا مو منجدك ريما حامل مايمدي
ماهر : معليك مو صاير شي
معاذ : يصير شي انت تتحمل النتايج
ماهر : تم وقام يقوله عن المقلب
ونادى ماهر نواف وراكان وخالد ومروان وريان واتفق معهم على المقلب وبعد اكثر من ساعه اشر ماهر لهم بانه بيبدا والكل كان متجهز وفعلا جات ريم مثل ما اتفق معها ماهر وخلت ريما تطلع وبدو الشباب يحاولون بمعاذ اللي جسمه يرتعش وانصدمت ريما : وشفيييييه !!!!
ماهر بتمثيل : عضته عقرررربببب
ريما صارخت بخوف : وشهوووووو ممممعععااذذذذ واسرعت تركض له وهي تجلس جنبه وتهزه : معاذ حبيبي وششفيييككك
معاذ كان جسمه يرتعش وطلع فمه زي السائل الابيض وصرخت بخوف وبكاء هستيري : لاااااااااا ساعدووووه تكفوووون
معاذ ماقدر يكمل وحضنها : هششش خلاص نمزح مقلب مقلب
وضحكو العيال : هههههههههههههههههه
نواف جلس من الضحك : مقدر مقدر شكلها يضحك
ريما اللي حست ببرود باطرافها من الصدمه طلعو مسوين فيها مقلب وضربة معاذ بقوه على كتفه : الله يقلعكم ان شاء الله ليه ذا كله !!!! وشهقت بالم وهي تحس بشيء سائل تحتها وسعت عيونها وهي تناظر معاذ المستغرب : م .. م مـعـ اذ  دم !!!
معاذ وسع عيونه بخوف وارتعشت اطرافه بربكه : هاه !!!
نواف فز بصدمه : وشفيه !!!
ماهر اسرع لريما : ريما علامك !
ريما بعيون حابسه فيها الدموع : ا.. احـ س بـ دم وناظرت تحت ماهر اسرع يشيل وصرخ : ريم جيبي عباية ريما وقولي لطيف تجي بسرعه
هنا صارخت ريما وهي تبكي بقوه من الالم اللي تحس فيه مسكت بطنها : لااااااااا تكفون لا يروح !!!
_______________________
قراءه ممتعه ..
ان شاء الله ينال على اعجابكم ❤️
دعواتكم بكره عندي اختبار 😔