احتريتك من بين كل البشر وسميتك عشقي وفرحة سنيني

56

"بسم الله الرحمن الرحيم "
•
•
•
•
"بالمستشفى "
كانت ام ماهر اللي تبكي وتدعي لبنتها منهاره وابو ماهر جالس ودمعته نزول كفايه عليه ماهر قبل كم يوم كان بيموت من الطعنه والحين بنته ولا يدري سبب تعبها ! ماهر كان بوضع المغمي اللي مايدري هل هو حلم ولا حقيقه هو ينكرها كانو جالسين ينتظرون تشخيص المستشاري القلبيه
عند سامي اللي مسك قلبه بقلق وجنبه تولين : سامي وشفيك ؟؟
سامي : ريم تعبانه !! كانت مثل الجثه !
تولين بعدم فهم : كيف يعني مافهمت ؟
سامي ضرب الطاره بنهيار : كانت مثثثلللل الجثثثه مافيها اي معالم الحياه !!!!
تولين بصدمه وخوف من صراخ سامي ومن كلامه : خلنا نروح المستشفى الحين
سامي : وش القرابه اللي بيننا عشان نروح لهم !
تولين : ريم صديقتي وخالتي ام ماهر تدري بذا الشي !!!
سامي دعس بنزين وهو يعرف اقرب مستشفى يروحون له
.
"بيت خالد "
كانت يارا جنبه وتحكيه اللي صار بكل حماس
خالد ابتسم : اهم شي انبسطتي ؟؟
يارا بابتسامة : اي والله انبسطت كثير
خالد : هذه المطلوب وباس يدها وابتسمت بخجل وقاطع لحظاتهم الرومنسيه اتصال راكان ورد خالد : هلا بقاطع اللحظات السعيده
راكان بجديه : اترك عنك الهرج الفاضي واسمعني زين بنت عمي راشد ريم تعبانه بالمستشفى وعمي وماهر وحرمة عمي بحالة انهيار
خالد بفجعه : وشهووو منجدك ؟؟؟
يارا نغزها قلبها بخوف وهمست : وشفيه ؟ اشر لها خالد تنتظر : وشفيها ؟؟؟
راكان : مدري تو مستشاري القلب جاء ماهر يقول انقطع تنفسها جته ووجها ازرق ويالله تتنفس ومن وجيهه الاطباء تحس الوضع ما يبشر بالخير
خالد مسك راسه بخوف وقلق على يارا ماوده يخبرها وتتعب وتنصدم وهي توها قبل ساعه كانت عندهم : خلاص طيب انا جايي
راكان : طيب وقفل وهو يلف على خروج المستشاري اللي وجهه ما يبشر بالخير وفز ماهر وابو ماهر وام ماهر اللي الخوف ذابحها ماهر بقلق : بشرنا يا دكتور ؟؟؟
الدكتور بهدوء: صلو على النبي وتفضلو معي للمكتب حقي نتفاهم على وضع بنتكم هنا قلوبهم كلهم فزت من القلق ولحقوه للمكتب ودخلو كلهم الا راكان الل واقف عند الباب يسمع حديث الدكتور وهو يواسيهم : اول شي حنا مومنين بقضى الله وقدره صح ؟؟
ام ماهر مسكت راسها وهي تبكي : بنتي وشفيها يا دكتور !!!
ابو ماهر : تكفى تكلم ترا نشفت دمنا !!
الدكتور تنهد : بنتكم تعاني من تضخم بالقلب والواضح انها تعاني منه من فتره مو بسيطه لان حالتها حاليًا شبه سيئه ونحتاج نسوي لها عمليه جراحه القلب المفتوح وادعو لها باذن الله بتصير بصحه زينه
ام ماهر انهارت تبكي وابو ماهر اللي نزل راسه بانكسار وماهر اللي مسح على وجهه وهو مو مستوعب اللي قاله الدكتور كيف تعاني من فتره مو بسيطه ؟؟
حس بافكاره مشوشه بس ضغط على نفسه لازم يكون فيه شخص صبور ويتحمل الجاي ولازم يساند امه المنهاره وابوه المنكسر ماعنده الا ذا الخيار اسرع يساعد امه على الوقوف عشان يطلعون واول ما طلع استقبله راكان بملامح هاديه سمع كل اللي قاله الدكتور شد على كتف ماهر واشر له يجلس امه على الكرسي القريب من المكتب وسند راكان ابو ماهر والكسر واضح عليه مهما حاول يخفيه كانت عيناه تفضحه
قام ماهر من جنب امه ودخل مكتب الدكتور: يا دكتور فصلي حالتها بالتفصيل
تنهد الدكتور : هي الحين تحت المراقبه يعني الحمدالله تتنفس بس بصعوبه ولا يمديها تكمل حياتها بدون جراحه
ماهر : لييه يعني ايش السبب تضخم القلب هي ماتعاني منه ولا عمرها شكت منه
الدكتور : توترات ضربات القلب و ارتفاع ضغط الدم هذي اكثر المسببات لتضخم القلب واللي اكتشفته انو المريضه تعاني من اضطرابات بنبضات القلب
ماهر جلس بحزن : وش اعراضها طيب ؟؟
الدكتور : ضيق التنفس و خاصه اذا انسدحت على ظهرها و عدم انتظام نبضات قلبها واعراض اخرى بس ذي اهمها وذي اللي تعاني منها المريضه
ماهر مسك راسه : نقدر نشوفها ؟
الدكتور : الزياره عشر دقايق فقط وفيه اوراق لازم تتوقع وهي خاصه بالعمليه هل نسويها ولا ؟
ماهر : خطيره ؟
الدكتور : باذن الله لا بس نحتاج توقيع ولي امرها
ماهر : تمام  بس تكفى يا دكتور انك تساعدها قد ماتقدر !
الدكتور : طبعًا بسوي واجبي وان شاء الله واكثر
ماهر : يعطيك العافيه متى تكون العمليه ؟
الدكتور : بكره باذن الله اليوم لازم نصومها
ماهر : تمام وطلع واتجهه لابوه : يبه سمح لنا الدكتور زياره لمده عشر دقايق ولازم يسون لها عمليه وراح تكون بكره بس فيه اوراق تحتاج توقيعك
ام ماهر : ياويلي يسون عمليه لقلب مفتوح هذه خطير بنتييي صغيره على كل ذا !!!
ابو ماهر : يا ام ماهر ادعي لها وبس ومشى يوجهه ماهر عشان يخلصون اوراق مهمه وجات الممرضه ودخلت ام ماهر لعند ريم اللي كانت الاجهزه متصله بجسدها النحيل وملامحها الجميله اصبحت باهته بكت ام ماهر وهي تشوف وضع بنتها اصغر عيالها بين الحياه والموت ولا هي قادره تسوي شي : ياربي تقومها لي بصحه وسلامه يارب
الممرضه كانت تعدل لها المغذيه وقفت خلف ام ماهر تراقب حالة ريم
كانت ريم تبدو كالجثه بسبب شحوب وجهها جلست جنبها ام ماهر وهي تدعي لها وتحصن بنتها دخل بعدها ابو ماهر وماهر اللي انكسرو على رؤية ريم ذات الملامح الجميله ولكن متعبه كان التعب واضح على معالم وجهها الذابل
الممرضه : لو سمحتو هي ممكن تصحى باي لحظه ممكن ما تضايقونها عشان لا تتوتر نبضات قلبها
ام ماهر : طيب يا بنتي وقرب منها ابو ماهر باس راسها بحزن وكسح على راسها وهو يسمي عليها وماهر اللي يراقبها بحزن الدموع عالقه بطرف رمشه ولكنه شد على يده وهو يخبر نفسه بان ريم قويه ومكافحه مستحيل تتركه وتروح ! نفض الفكره من راسه اول ما شافها تفتح عيونها ببطئ وهي تهمس : يمه !
ام ماهر بفرحه وهي تمسح دموعها : هلا يايمه شوفيني جنبك ومسكت يدها تمسح عليها بحنان مخبيه دموعها بمحاجر عيونها ريم ناظرت لابوها اللي واقف فوق راسها وكان معالم الحزن واضحه عليه بلعت ريقها بشويش وجات الممرضه تشوف نبضات قلبها من التخطيط وتشيل المغذيه لانها خلصت وكانت ريم هاديه طول الوقت الى ان الممرضه تكلمت : راح اكون عند الباب اي جديد نادوني
ماهر : طيب وطلعت تاركه لهم شويه خصوصيه ريم ناظرت لهم كلهم وام ماهر تبتسم لها بابتسامة مغصوبه عشان لا تبكي وهي تشوف وضع ابنتها
ريم بهدوء: وشفيني ؟
ابو ماهر نحنح وهو يقسي ملامح وجهه : مافيك الا العافيه بس قلبك رهيف حبتين ماتوقعتك كذا رهيفوفه كله من دلع ماهروه لك وامك !
ابتسمت ريم بخفه وام ماهر ضحكت ولفت وجهها تمسح دموعها وماهر اللي عيونه حمراء ابتسم : لا والله يا يبه شفاتنا اعطيناها وجهه وسوينا لها حفله وهدايا وحركات قالت امثل عليهم اني تعبانه ونزيد نجيب لها فاهمك تراني وكاشفك وهو يغمز لها بمزح
ريم ببسمه متعبه : قلت ممكن اشوفكم جايبين لي سيارة فخمه قلت اعطيكم شوية اكشن ابو ماهر بقهقه : عز الله تبشرين بها بس تعرفين تسوقين ؟؟؟
ريم ابتسمت بخفه : افا طبعا اعرف واللي دربني حبيب القلب ماهر
ماهر شد على يده من كلمتها اللي حسها غصه بقلبه : عيون ماهر كم ريم انا عندي عشان كذا دربتها
ابو ماهر بمزح : هين بعاقبكم لانكم ما قلتو لي انها تسوق
ام ماهر كانت بس تتامل ريم وهي ماتبغى الا ان ابتسامتها ما تغيب عن وجهها الحلو بعدها ماتبي شي من الدنيا ريم انتبهت لنظرات امها وهي تدري بان فيهها شي وخطير وهذه الواضح من تغير اسلوب ابوها اللي ماعمرها شافته يمزح معها مثل اليوم وعيون ماهر المليانه دموع خافيه خلف ابتسامته وصمت والدتها اللي لاحظت عليها البكاء عندما مزاحها والدها والتفات وجهها للخلف لكي تمسح دموعها آلتي كالؤلؤ كانت ملاحظه ادنى تصرف منهم ونطقت بهدوء وهي تلعب بيدينها : وش قال الدكتور ؟
انقطع ضحك ماهر وابو ماهر وهم يحاولون يمزحون ويلطفون الجو لها وشافت والدتها انزلت راسها تبكي بصمت وماهر اللي ناظرها بعيناه اللي تلمع من حبس الدموع بداخلها ونطق ابو ماهر بحزن ولكن ملامحه كانت جامده يحاول مايظهر الحزن عشان لا يعكسه عليها : قال قلبك كبير من كثر حبك للناس ويحتاج شوية عمليه يضبطونه لك لا تشيلين هم ابدا
ماهر لف يمسح دموعه اللي سقطت من كلام والده ريم : يعني عندي تضخم بالقلب ؟؟؟
ابو ماهر اللي يحاول يضبط نبرته : ايه بس لا تشيلين هم وفوقك رب عظيم باذن الله بتكون عمليتك بكره ريم حست بالغصه ماودها تفقد اهلها ولا يحسون بفقدها ودموع والدتها وماهر اللي اعطاها ظهره والواضح انه يبكي احزنتها ودمعت عيونها وهي تتكلم من بين شهقاتها : فيه كلام بخاطري اقوله كنت قبل استحي اقوله لكم بس اخاف يصير شي و قاطعها ماهر اللي لف عليها بعيون مليانه دموع : اص وش تقولين انتي بتقومين ان شاء الله وانتي بصحه وسلامه
ريم ابتسمت وهي تذرف الدموع : تراني احبكم وبذات انت يا يبه مابي اشوف الحزن على وجهك تكفى !!
ابو ماهر اللي حس بالكسر ومسك يدها : باذن الله بتقومين وانتي بصحه وسلامه فاهمه !! ريم ابتسمت من وسط دموعها : اييه
ام ماهر بكت وهي تحضن يدها الثانيه دخلت الممرضه : لو سمحتو خلص وقت الزياره المريضه ممنوع عليها اي توترات نفسيه وفعلا طلعو وريم اللي تدعي بخفوت وتحاول تقوي نفسها مو عشان نفسها عشان اهلها !
راكان مسك عمه اللي منهار ومد له قارورة مويه ومد لماهر ولامه وهو يحس نفسه عاجز على مواساتهم لان اللي حصل معهم مو شي سهل !
.
خالد بالسياره ومعه يارا المنهاره وهو يوقف امام المستشفى من خبرها باللي صار وهي دموعها اربع اربع مايدري وش يسوي عشان تهدى
خالد لف عليها وهو يحاوط وجهها : يارا حبيبتي هدي تكفين انتي لازم تقوين نفسك عشان امك وابوك  وعشان اختك التعبانه وماهر الاكيد انه تعبان بعد لازم تهدين عشان لا تزيدين عليهم
يارا ببكاء : بس يا خالد ذي اختي توها كانت معي قبل ساعتين مافيها شي كيف الحين اسمع انها تعبانه ولا ادري وش تعبها !!!
خالد : صلي على النبي وادعي لها و وكلي امرك لله وباذن الله مو جايها شي تفائلوا بالخير تجدوه !
يارا هزت راسها بعد ما هدت : اوكيه اوكيه
ونزل خالد ويارا ودخلو للمستشفى
سامي وتولين وصلو لعند غرفة ريم اللي اخبرتهم عنها الممرضه ولقو الكل موجودين عند باب الغرفه واسرعت تولين لعند ام ماهر وهي تسلم عليها وتواسيها وسامي اللي قرب يسلم على ابو ماهر وماهر وراكان : عسى مابهم الاهل شي ؟
سامي : لا الحمدالله بس اختي صديقة بنتكم ويوم درت وهي تحلف الا اجيبها معليش على الازعاج لو حصل
ماهر بهدوء: لا مافي لا ازعاج ولا شي وهنا جاء خالد ويارا اللي تركض لا مها وتحضنها وينهارون مره ثانيه بس تولين كانت تحاول تهديهم وجلستهم وهي تعطيهم مويه ومناديل وفعلا بدو يهدون شويه شويه
راكان تنهد : مشكور يا سامي جيتك مع اختك هدت الوضع ماقصرت
سامي ابتسم بخفه : ولو يا رجال ! وهو وده يسال عن حال ريم بس باي صفه !
يحس قلبه يشتعل من القلق والخوف عليها وده لو كلمه بس تطمنه عليها
رسل لتولين بالجوال :( ريم وشفيها ؟؟؟)
تولين اللي كانت تسمتع لكلام يارا وام ماهر عن وضع ريم وردت :( يقولون  معها تضخم بالقلب ولازم يسون لها عمليها )
سامي انصدم وهو يشوف الرساله يحس بالانهيار بداخله من اللي سمعه وناظرته تولين بقلق وهي تلاحظ تغير تعابير جهه ورسل لها :( متى بتكون العمليه ؟)
تولين : ( بكره )
هز راسه سامي لها وقفل الجوال وهو يمسح على راسه راكان : فيك شي ؟
سامي بضيق : لا ولا شي
راكان باستغراب : ملامحك تقول منت على بعضك ؟!
سامي : لا معليك
ماهر : خالد الاهل لازم يرجعون البيت الوقت تاخر وممنوع المرافقه الا شخص واحد برفق معها انا وانت اخذ امي وابوي ويارا للبيت
خالد : طيب ابشر لا تشيل همهم
خالد : يلاه يا عمي بنمشي ابو ماهر تنهد وناظر لماهر : اي جديد تدق علي فاهم ؟
ماهر : ابشر وحب راسه واتجه لامه يحب راسها وهي تنبهه على اخته واذا حصل اي شي جديد يتصل عليهم هز راسه لها وهو يودعهم وطلعو ما بقى الا سامي اللي نحنح : اي خدمه يا ماهر تراني موجود
ماهر ابتسم بتعب : ماتقصر يا سامي يكفي جيتك لهنا
سامي : استودعناك الله
ماهر : في امان الله ومشى سامي اللي اشر لتولين تلحقه وطلعو مع بعض
راكان : لا تشيل همها باذن الله مو  جايها شي
ماهر تنهد وجلس بتعب : ان شاء الله
....
عند الجازي اللي بكت إلى ان قالت امين ماودها تفجع اخوها وريما الحامل فكرت بوضعها وجلست تنتظر اي اتصال من ماهر كسرت الجوال عليه ولا جاها اي رد وماتدري تدق على من رقم يارا ما كان معها وتحس بالعجز ماتدري وش تسوي وهي الافكار تاخذها وتجيبها
ماهر : راكان ابي جوالك بكلم مكالمه وارجعه لك
راكان : ابشر ومده له واخذه ماهر وقام وهو يتصل برقم الجازي ويبعد شوية عن راكان استغربت الجازي ولا ردت بعد ثالث مكالمه ردت وكانت ساكته نطق ماهر بنبره متعبه : هذه انا يا الجازي !
الجازي بصدمه : ماهر يا قلبي وشفيه وش اللي صار اتصلت عليك ولا ترد ريم علامها ؟؟؟
ماهر تنهد : تعبانه معها تضخم بالقلب ولا درينا عنه ولا هي درت وتعبت علي فجعتني بالحيل عليها بكره راح يسون لها عمليه
الجازي بحزن : ياويلي عنها وهي من قبل ما كانت تحس بشي ؟
ماهر : اظن كانت تحس بس تتجاهل وريم مهمله بصحتها ولا تعلم احد اذا حست بشي اهخ منها
الجازي : جعله بعمري ليتني اقدر اجيك اهون ولو شويه عليك
ماهر : بعيد الشر عنك ماله داعي جيتك اصلا ممنوع دخول احد بذا الوقت
الجازي : وين جوالك ؟
ماهر : نسيته من الفجعه ولا فكرت فيه
الجازي : وتكلمني من وين ؟؟
ماهر : من جوال ولد عمي وبقفل الحين لانه بيمشي
الجازي : طيب ياقلبي حاول تطمني عليها الصراحه من الخوف كنت بداهم ريما ومعاذ واقولهم
ماهر : لا انتبهي !!! ريما حامل وضعها حساس وتخاف على ريم لا تعلمينها ابدا !
الجاز: ابشر يا بعد قلبي
ماهر ابتسم بخفه : انتبهي لنفسك وادعي لها
الجازي : ان شاء الله ياروحي وقفلت وهي تقوم تصلي الوتر وتدعي لها لف ماهر وهو يمد الجوال لراكان : معليش طولت ؟
راكان ابتسم بخفه : لا معليه وقام : بمشي قبل لا يطردوني وتروح الهيبه !
ماهر قهقه : مع السلامه
راكان : مع السلامه وزي ما قلت لك لا تشيل همها باذن الله بتقوم لكم بصحه وسلامه
ماهر : ان شاء الله يارب ابتسم له بخفه راكان ومشى للبيت تارك ماهر يناظر يمين يسار وشاف محد يمه واسرع يدخل لعند ريم اللي شافها مغمضه عيونها وجلس جنبها على الكرسي وكتف يدينه يتاملها وعيونه تحكي باشياء مايقدر يفصح عنها وشاف ان الدنيا تافه جدأ قادره تخليك تفرح وتنبسط وبعدها تقلب عليك وتغير نظرتك للحياة بان مستحيل يدوم شئ ولعلك تحمد ربك على كل شي ياتي من خير او شر ! جلس ماهر يتاملها إلى ان غفى وخارت قواه عن مقاومة النوم واشرقت الشمس معلنه يوم جديد واحداث جديده دخلت الممرضه وهي تشوف ماهر اللي يصلي الظهر وريم النائمه صحتها بهدوء وهي تبتسم بخفه : يلاه يا قلبي نمتي كثير ماشاءالله تبارك الله
ريم فركت عينها : ابي اصلي
الممرضه : ابشري خليني اساعدك وجلست ريم ببطء والممرضه تعدل لها ثوب المستشفى ولمحت ريم ماهر وحطت عليها الممرضه شرشف ثقيل عشان يسترها وقامت ريم بشويش مع الممرضه وابتسمت وهي تشوف ماهر يطبق السجاده ولف عليها : حسبتك رحت !
ماهر بابتسامه : وانا يهون علي اروح واترك اختي وحبيبة قلبي ؟
ابتسمت ريم : الله يخليك لي ودخلت مع الممرضه للحمام عشان تساعدها ولمن خلصت من الوضوء ابتسمت الممرضه : الله يحفظه لك كان ينام ويصحى ينادينا نتطمن عليك
ريم ابتسمت : حنون حبيب قلبي وطلعو وجابت لها الممرضه شرشف صلاه ودعت لها ريم اللي بدت تصلي وهي جالسه بسبب وضعها الصحي
وماهر كان يتكلم مع الدكتور عن تفاصيل العمليه وانها راح تطول بالمستشفى عان وضعها وافق ماهر وطلع لبرا يشم له هواء صافي عن روائح المطهرات وتنهد وهو يناظر يمين ويسار وطلع جواله من جيبه يطمن الجازي وهو يحمد ربه على وجود راكان الفزعه مشى من عنده البارح وكلم عمه ابو ماهر عشان يعطيه جوال ماهر واخذه و وصله له ما درا ماهر اللي بالممرضه اللي جابته له قالت بان شخص اسمه راكان جابه له واتصل عليه ماهر يشكره من كل قلبه
وابتسم ماهر على تذكره للي صار ورفع راسه يستنشق اكبر قدر من الهواء الطبيعي وشاف سياره كنه مشبهه عليها وقرب منها وهو يشوف فيها شخص نايم بس الصدمه من الشخص !!!!
.....................
بيت الجد سعود وعياله كانت بحاله حزن الكل درا واللي تبكي واللي تدعي كانو بحاله يرثى لها ام ماهر اللي متجهزه عشان بتروح للمستشفى مع ابو ماهر ويارا معها وام خالد بتروح معها توقف مع سلفتها وترف وروان وشهد لابسين عبيهم بيروحون معهم خالد اخذ عمه وعمته وامه ويارا معه وراكان اللي كلمه صالح ياخذ شهد وباقي البنات معه وافق وركبت شهد وروان وترف بالخلف
نواف واقف مع راكان وهو يمسح على لحيته : عاد سوق شويه شويه معك محارمي !
راكان : وش توصي بعد عليه ؟
نواف بتفكير : ولا شي بس انتبهو زين لو ما وراي دوام كان انا اخذتهم
راكان : توكل على الله مانبي الا الدعاء
نواف : امش امش بس مايستحي على وجهه يكلم واحد اكبر منه كذا !
راكان كان بيرد بس قاطعهم صالح : مو وقت جدالكم السخيف كل واحد يتكل على الله !
راكان تنهد وركب سيارته وهو يشغلها ونواف يلوح لترف بابتسامة وهي منحرجه من حركاته صالح صفقه على راسه : الا والله انت اللي ماتستحي على وجهك ولا ذي حركات واحد بعمرك !!
مشى راكان للمستشفى وهو يلحق سيارة خالد اللي قدامه
نواف حك رقبته : وش سويت يا عم !!!
صالح : امش بس على دوامك !
نواف دق تحيه : ابشر ابشر ابتسم صالح بخفه على حركات نواف اللي فيها فيها خفة دم
"عند ماهر "
انصدم من اللي شافه كان لمن تعرف على صاحب السياره النايم كان سامي !
• فلاش باك •
ركب السياره سامي ومعه تولين الحزينه على وضع ريم وهي تراقب اخوها تشوف رد فعله بس كان هادي جدأ وشغل السياره ومشى للبيت
تولين : ياعمري يا ريم وربي ماتستاهل الا كل خير !
سامي كان سرحان بعالم ثاني شارد بذكرياته ومواقفه مع ريم لو بس كان يدري باللي فيها كان خطبها وكان وقتها يمديه يكون معها باصعب وقت لها ضرب الطاره بقهر وانفجعت تولين : وشفيك !!!
سامي : ولا شي وبعد كم دقيقه وقف قدام البيت : انزلي
تولين باستغراب: مراح تجي ؟
سامي : لا نزلت تولين وهي مكسور خاطرها على ريم واخوها اللي حتى قصتهم مابدت عشان تنتهي ! ودعس بنزين لدرجة عجلات السياره طلعت صوت قوي اخاف تولين اللي دخلت وهي تدعي بان الله يحفظ اخوها
سامي : مالي مكان الا المكان اللي فيه هي !
واتجهه للمستشفى ولمن وصل شاف راكان يركب سيارته ويمشي ومشى الى ان وقف قدام المستشفى اللي فاضي من السيارات نزل وهو يتجهه لحقت الاستقبال : لو سمحتي بستفسر عن مريضه اسمها ريم راشد وش وضعها ؟؟؟
مشرفة الاستقبال : وش تقرب لها ؟؟؟
سامي تمنى يقول زوجها خطيبها بس الحقيقه مابينهم قرابه ونحنح : اخوها بالرضاعه
مشرفة الاستقبال : طيب لو سمحت انتظر وهي تضغط بالجهاز قدامها : المريضه موجوده بقسم القلبيه والاوعية الدمويه وتعاني من تضخم بالقلب وعندها عمليه بكره
سامي : بتطول بالعمليه ؟؟
مشرفة الاستقبال : ساعه ونص بالكثير وهي مخلصه ان شاء الله
سامي تنهد : طيب وهل هي خطيره العمليه ؟؟؟
مشرفة الاستقبال : اعذرني ماعندي اي معلومه بذا الخصوص
سامي : طيب شكرا يعطيك العافية
مشرفة الاستقبال: الله يعافيك مشى سامي وهو يطلع من المستشفى ما امداه يطلع لها كان ممنوع دخول اي احد بعد هذا الوقت تنهد بحسره وركب سيارته وهو يوقفها زين وطفاها وفتح الشبابيك فتحات صغيره وبما انو الجو كان فيه نسمة بروده نزل المقعده وهو يفتح الجوال على صورة ريم وابتسم وهو يتامله ونام بعد ما تعب من كثرة الافكار اللي تداهم عقله بوضعها
• نهاية الفلاش باك •
طق الشباك ماهر وفز سامي بفجعه وهو يمسح وجهه ويستوعب هو وين وتفاجئ بماهر وحس بورطه ماهر نطق باستغراب : صح النوم !
سامي نزل وهو يصافحه : صح بدنك
ماهر بشك : وشبلاك نايم هنا !
سامي بربكه : لا ولا شي بس سيارتي خربت وتورطت فيها لان الشبابيك ماتتقفل وقررت انام فيها لين ما اكلم سطحى تجي وتاخذها
ماهر رفع حاجبه : بس شايفك لحالك وين اهلك ؟
سامي يحاول يتكلم بثبات : اخذت اختي مع تاكسي وصلتها ورجعت لسيارتي
ماهر ما اقتنع بكلام سامي وهو يتفحصه من فوق لتحت : اها انا طالع عند الاهل ومشى تارك سامي يعض شفايفه بتوتر وهو حس بان ماهر شاك فيه من نظراته وهل كذبه مثل كذبته بتنطلي على نقيب ! طبعا لا اسرع يتجهه لدورة المياه الموجوده بالمستشفى وهو يغسل وجهه ويتوضى ويتجهه للمصلى يلحق الصلاه
عند ماهر اللي صعد لعند ريم اللي لقاها يجهزونها للعمليه انتظر لين لبسوها وخلصو واخبرته الممرضه بان امكانه يدخل ودخل لقاها جالسه بهدوء قرب يحب راسها ويحضنها : لا تخافين مراح تطول العمليه باذن الله ساعه الا وهي مخلصه لا تتوترين ولا تخافين طيب ؟
ريم ابتسمت : امرك يا حضرة النقيب اي اوامر ثانيه ؟
ماهر ضحك : لا سلامتك
قهقة ريم : ما جو امي وابوي ؟؟؟
ماهر : بالطريق
ريم : همم غريبه يارا ما جات ؟؟؟
ماهر : يووه فاتك جات وبكت لين قالت امين ولولا الله وثم اخت متعب ما كان سكتت هي وامي
ريم باستغراب : اخت متعب زوج نوف ؟؟؟؟
ماهر : ايه
ريم : وش جابها !
ماهر : يوم كنت شايلك سامي كان عند راكان ودرا وعلمها وهي خافت عليك وجات تتطمن ماقصرت والله
ريم بنفسها عل معقوله هي جات تولين من نفسها ولا سامي ماخذها حجه عشان يتطمن عليها مجرد التفكير بذا الاحتمال اشعر ريم بشعور مبهج وغريب
ماهر : وين شردتي ؟؟
ريم : هاه زين زين
ماهر مما اعجبه شرود ريم لمن جاب طاري سامي وقاطعهم دخول امه ومعها جيش من اللي لابسين عبايات وصد : انا طالع لوحت له ريم وطلع ولقى ابوه وراكان وخالد واقفين وسلم عليهم وابوه يساله عن وضع ريم وطمنه ماهر بانها بخير وبتكون بخير اكثر اذا سوت العمليه وبدت تاخذ العلاج
"بغرفة ريم "
سلمو عليها البنات بشويش عشان لا يوجعونها وحضنتها امها وبادلتها ريم
روان بحزن : يابعد عمري انا ليته بعدوينك ولا فيك !
شهد : ريم قدها وقدود باذن الله بترجعين مثل اول واحسن
ترف : فالك العافيه يا روحي
ريم ابتسمت : يا حبايبي انا وقفتكم معي تسوى الدنيا ومافيها
ام خالد بحنان : باذن الله بتقومين لنا وانتي بصحه وسلامه
ريم : ان شاء الله يا خاله حضنتها يارا وابتسمت ريم وهي تمسح على ظهر يارا
جو الممرضين ومعهم سرير عشان ياخذون ريم وقررو ينزلون راكان وخالد للكافتريا وابو ماهر وماهر واقفين يشوفون ريم اللي يساعدونها الممرضات يسدحونها على السرير ويغطونها بالشرشف وهي تبتسم للبنات اللي تبكي واللي ماسكه بكيتها وطلعوها من الغرفه ومسك يدها ابو ماهر وحبت يده ريم وهي تبتسم : دعواتك
ابو ماهر : الله يقومك لنا بالسلامه
ريم ناظرت لماهر اللي يناظرها بحب وحنان : ماهر انت شاهد على ابوي انه واعدني بسياره !
ماهر : اي بالله
ابتسم ابو ماهر : باذن الله بتجيك اطلق سياره بس قومي لنا بالسلامه
ابتسمت ريم وقاطعهم الممرض : المعذره بس تاخرنا وسحبو السرير اللي منسدحه عليه ريم وهي تلوح لهم ويارا اللي تبكي بحضن ترف وام خالد تهدي بام ماهر المنهاره على بنتها وروان اللي تمسح دمعتها : يحزن
شهد حضنتها وهي تقاوم دموعها
ماهر يلوح لها ويرسل بوسات ابتسمت ريم باتساع ولكن انصدمت برؤية سامي اللي يلوح لها خلفهم وهو يناظرها بحسره وعيونه تلمع حست بشعور يداهمها وهي تغمض عيونها وهي تهدي نفسها دخلوها لقسم التخدير عشان يخدرونها تخدير كامل  ويبدون بعدها بالعمليه
لاحظ ماهر قبل لا يدخلون ريم للقسم الثاني بان ملامحها مصدومه ولف للخلف للمكان اللي تناظر فيه ولمح شخص بس اختفى بسرعه اسرع يدوره ما لقاه وهنا افكاره وصلته لشي كان شاك فيه واسرع يتصل براكان اللي رد : وينك ؟
راكان: بالكافتريا
ماهر : لا تتحرك جاي وقفل استغرب راكان وبعد انتظار دقيقتين وصل ماهر ولقى راكان لحاله : وين خالد ؟
راكان : طلع يجيب غرض وشفيه ؟
ماهر مسك عضد راكان وسحبه معه جاعل منه مستغرب تصرفات ماهر : وشفيك انت !
ماهر بحده وهو ياشر لسياره سامي : شوف من هنا !
راكان : من !
ماهر : معرفت السياره ؟؟؟
راكان اخذ نظره شامله للسياره ولف عليه : لسامي ؟؟
ماهر بحده : ايه كان نايم من البارح ويوم سالته كان عذره ان سيارته خربت يكذب علي ! مايدري اني كاشفه كذبته بس ما حبيت احرجه اكثر ما هو انحرج من شوفتي له وتراني شاك فيه !
راكان اللي يحس بصدمه ورا صدمه : دقيقه وش يعني شاك فيه !
ماهر : يعني حاط عينه على اختي ! فهمتها ولا يحتاج اوضح زياده !!!
راكان بدهشه : ماهر وشذي الافكار قالك سيارته خربت ليه وسكت وهو يتذكر بان سامي كانت اخته معه ماهر بحده : اخته كانت معه يقول وصلها ورجع للسياره لانه خايف تنسرق !
راكان مسح وجهه : اسمع مانبي ندخل بنية الرجال !
ماهر بغضب : راكان !! تو قبل شويه شفته وراي لمحته يوم كنا نودع ريم لغرفة العمليات !!!!
راكان : استهدي بالله ومراح يصير الا اللي تبيه
ماهر بحده : تراني نا غلطت عليه عشانك حاشمك لانه خويك !
راكان شد على كتف ماهر : الله يعلي شانك يا محزمي واذا جاك غلط منه امسحها بوجهي وانا بتفاهم معه !
ماهر تنهد : انا ادري انك ماتحب الغلط والموضوع تراه عندك
راكان : ابشر بس ريح لي اعصابك تبي اطلب لك قهوه ؟؟
ماهر : لا جيت مستعجل تارك وراي امي وابوي برجع لهم اقولهم يجون يرتاحون هنا
راكان : طيب وراح ماهر تارك راكان يصر على اسنانه وطلع بسرعه وشاف سامي متجهه لسيارته واسرع يناديه : سامي !!!
سامي لف له : راكان هلا والله
راكان بحده : وش اللي ببالك هاه !!
سامي بهدوء: وش ؟
راكان بعصبيه : لا تجننني !!! اهرج وعلمني وش عندك هنا !
سامي : اكيد ماهر قالك ان سيارتي تعطلت و قاطعه راكان اللي مسكه من ياقته بغضب : سامي تراك خويي واعرفك وحافظك زين ووتعرفني زين ما احب الكذب !
سامي ببرود : مراح تتحمل الموضوع لانك انسان حار !
راكان بحده : يعني شكي صح حاط عينك على بنت عمي !!!!
سامي دفع يدين راكان وببرود : ايه ابيها على سنة الله ورسوله !
راكان جن جنونه : سامي ! تستهبل صح !
سامي رفع  حاجبه: الحين يوم صرت ابي اطلب بنت الناس على سنة الله ورسوله صرت استهبل ؟؟؟
راكان بغضب : لا الاستهبال مو هنا انك جاي من ورانا تستغفلنا ومسكه من ياقته : تكلم بينك وبينها شي !!!
سامي دفعه بعصبيه : ياولد مابيننا شي وشفيك انت انت تعرفني زين البنت اختي تمدحها وانتم ناس معروفين وابي اخطبها وكنت ناوي اجيكم وامس كنت بقولك بس اللي صار قلب كل شي !!! وانا كنت اموت خوف وقلق عليها !!!
راكان ناظره بحده : يعني نيتك صافيه !!
سامي : راكان تبيني اصفقك !! ياخي كم لنا وحنا مع بعض وتعرف اذا كنت امزح او العب او اني جاد بالموضوع !!
راكان : والله عاد اللي سمعته عنك اكيد بيخليني اشك فيك !!! اعترف يا سامي
سامي : تبيني اعترف !!! بشنو !
راكان بصرامه وهو يخبط على مكان قلب سامي : هنا وش فيه اعترف !
سامي ناظره بحزم : فيه بنت الرجال وبنت الاجاويد اللي بحطها بمحاجر عيوني ! تبي زياده ؟
راكان رص على اسنانه يحاول يمسك اعصابه : دامك تبيها على سنة الله ورسوله اقدم ولا تتردد !
سامي ابتسم : باذن الله اول ما تقوم بصحه وسلامه بجي
راكان : زين الحين امش لانك بديت تدخل الشكوك لقلب ماهر وترا مو صالحك يكون هو ضدك !
سامي تنهد : وكيف بعرف انها طلعت من العمليه ؟
راكان رفع حاجبه بحده : خلاص روح انا ابشرك بس امش عشان لا احس بالموضوع انه حساس وانفجر فيك !!!
سامي ابتسم بخفه وهو يعرف غيره راكان حتى لو ما كان يقرب لريم الا انه ولد عمها تعتبر بحسبة اخته مهما كان : ابشر وركب سيارته ودخل راكان للمستشفى ومشى سامي وهو يحس براحه
كان الجميع جالسين بصاله الانتظار قدام قسم العمليات وجاء تركي : السلام عليكم
الكل : وعليكم السلام
تركي : يمديكم ترتاحون هنا مراح احد يزعجكم
خالد : ماقصرت لان جو مرتين يبونا نطلع يقولون ممنوع
تركي بابتسامة : لا معليك ازهلها الموضوع عندي
ابو ماهر : بيض الله وجهك ياولدي ماقصرت
تركي : وجهك ابيض يا عمي وماسويت الا واجبي
جاء راكان وهو يصافح تركي بود : يا هلا والله تركي كيفك
تركي : الحمدالله بخير بشرني عن حالك ؟
راكان : اللهم لك الحمد بافضل حال
تركي : ليته توصون شي محتاجين شي تراني بالخدمه ؟؟
ابو ماهر : لا مشكور ياولدي ماتقصر
تركي : ولو يا عم راشد مابيننا ابتسم له ماهر بامتنان وراكان كذلك ولف تركي بيمشي وطاحت عينه بعين روان اللي مكتفه يدينها وتصد النظر عنه من اخر موقف بينهم وكيف هرجها تركي انقهر من صدها لا يعلم لماذا يشعر بهذا الشعور السيئ ومشى بخطوات سريعه وهو وده يكلمها بس مابينهم تواصل
شهد بهمس لروان : الحقي الجنتل حقك
روان نغزتها وبهمس : مالي دخل فيه
شهد بصدمه : اوف اوف شكل مزعلك
روان سكتت ونطقت شهد وهي تاشر على الممرضات : مدري كيف انعجبتي بواحد بقطاع صحي ! شغله كله اختلاط
روان لفت على مقصد شهد وشافت ممرضتين محجبات وبملابس التمريض ومرو من قدامهم متخطين ماهر وراكان اللي ناظرو باستغراب كيف ممرضات محجبات مستغربيه لان المستشفى ذا دايم يجونه ويعرفون كل اللي فيه
ماهر : يولد شكلهم طلاب تدريب
راكان : الظاهر لان من عرفت ذا المستشفى مافيه احد ماحجب كلهم متنقبات !
روان كتمت ضحكتها وهي تهمس لشهد : انا معلي بس مدري عنك ؟!
شهد اشتعلت نار الغيره بقلبها وهي ترمق راكان بكل غضب وضحكت روان بخفه ونطقت لامها : بروح اشتري لي مويه ومشت وهي تاركه نار الغيره تاكل قلب شهد مثل ما اكلت قلبها لمن نبهتها شهد عن شي هي غافله عنه صادقه شغله كله اختلاط واكيد شاف اشكال والوان وانواع من البنات هذه اذا ما حفظهم ..
دفعت باب مكتبه وهي تداهمه بكل جراءه دخلت وقفلت الباب وهي تتكتف : مو ناوي تعتذر عن اخر موقف !!
تركي اندهش من دخولها ما كان متوقع جيتها وقفل الملف اللي بيده ونحنح : ليه اعتذر مسوي غلط !
روان : ايه انك غالط علي وصاف مع خويك اللي ما يتسمى !
تركي ارخى نفسه على كرسيه : تدرين اني كنت بصفك ولو اني عكس كذا كان ما تهاوشت معه وقاطع صلتي معه !
روان عضت شفايفها وهي تبتسم ضيق عيونه : فيه خطوط حوالين عيونك شكلك تبتسمين ومبسوطه بالي قلته !
روان صفقت : يس رضيت بس فيه شي مو عاجبني وهي تتمشى بمكتبه ناظرها بتفحص : وشهو ؟
روان بنبره بها شراره من الغيره : هل انعجبت ببنت تشتغل معك بنفس مجالك ؟  تركي تفاجئ من سوالها هو طبعا لم يكن فاضي لهذه الخرابيط كان اكبر همومه كيف يمارس عمله على اكمل وجهه ولكن الغيره اللي استشعرها بنبرتها جعلت منه ينبسط وابتسم : هههم مدري
روان ناظرته بحده : اصلا وش برتجي من واحد يشتغل بقطاع صحي وجات بتطلع بس اسرع تركي يفز من كرسيه : انتظري وهو يوقفها بمسكه ليدها حست روان بشرارة كهرباء تمر بكامل جسدها وهي مصدومه من وقوفه امامها : وش تبي !!
تركي : بقولك انك فاهمه غلط ترا عمري كله راح وانا اجاهد بذي الحياه واكبر همومي اني اعيش امي باحلى عيشه ولا امور الحريم ماني يمها مصيري بتزوج ليه اروح للحرام ؟؟
روان حست بقلبها يتراقص بس نفضت يدها منه : وليه تبرر لي ؟
تركي حس على نفسه منجد ليه يبرر لها وبربكه : عشان لا تفهمين غلط
روان ناظرته بتلاعب : ما اقتنعت !
تركي حك راسه من نظراتها وهو يبادلها التواصل البصري : اسالي امي او الجازي اكثر اثنين يعرفوني !
روان باستغراب : الجازي !!
تركي : ايه الجازي مثل اختي تربينا مع بعض
روان تخصرت : وبعد تربيت مع بنت مهي اختك !
تركي انصدم : يابنت الحلال اقولك مثل اختي !
روان ابتسمت : وليه تحاول تقنعني ؟؟؟
تركي توتر ومايدري وش يقول وقاطعته بصوت خافت : شكلك معجب فيني اذا صدق اشرب القهوه مع ابوي بمجلس بيتنا وفتحت الباب وطلعت تحت صدمة تركي اللي بعثر شعره باحراج ولكن ابتسم : ابشري بعزك يا بنت مخلد عز الله ما يخذك احد غيري ! وابتسم بخفه واتجهه يكمل شغله
رجعت روان ولقت شهد زي ماهي ولو يمديها تنفث نار كان امداها احرقت المستشفى فوق راس راكان اللي مو منتبهه لها وهو يسولف مع عمه وخالد وماهر وبعد نص شاعه طلع الدكتور وهو يبتسم : ابشركم العمليه نجحتتتتت
ابو ماهر بفرحه وهو يرفع يدينه لفوق يدعي : اللهم لك الحمد وسجد سجدة شكر
ماهر بفرحه حضن الدكتور : الله يسعدك يا دكتور قسم بالله ماقصرت الله يوفقك
الدكتور بقهقه : امين وترا ما سويت الا واجبي الحمدالله على سلامتها
ماهر بفرحه : الله يسلمك ومشى الدكتور تاركهم يفرحون باللي سمعوه
وطلعو ريم وصدو خالد وراكان وام ماهر اسرعت تشوف بنتها اللي كانت الاسلاك مشتبكه بجسدها وحاطين لها جهاز الاكسجين ولا هي واعيه ابدا كانت متخدره من العمليه وزي ما قالهم الدكتور قبل بان مفعول التخدير ممكن يطول عشانه تخدير كامل واخذو ريم لغرفة تحت المراقبه ممنوع الزياره إلى ان تفيق ويقرر الدكتور اذا كان وضعها كويس يسمح بالزياره وكانت ام ماهر وابو ماهر ويارا وماهر يناظرونها من خلف زجاج الغرفه حضن ماهر امه وهو يحب راسها : الحمدالله اللي خلانا نشوفها بخير
ابو ماهر : اي بالله اللهم لك الحمد
يارا مسكت بطنها بالم : اه
ام ماهر اسرعت تمسكها : وشفيك !!
يارا بتعب : الحمل متعبني
ابو ماهر بحزم : يا ام ماهر اخذ يارا وخلي خالد يرجعها ماينفع لها التعب
يارا : لا خلاص مافيني شي
ماهر : لا بالله ما تجلسين وانتي تعبانه وريم لو قامت بتصل وافتح لك الكام تكلمينها
يارا تنهدت : طيب ام ماهر بقلق على يارا : برجع معك لانك تعبانه مايهون علي
ابو ماهر : احسن ما تسوين انا وماهر عند ريم واكيد بيطول مفعول المخدر روحي مع بنتك
ام ماهر : اجل بالله تطمنوني اول ما تصحى !
ابو ماهر : ابشري
ام ماهر سندت بنتها وطلعو مع خالد اللي قرر ياخذهم كلهم معه وراكان يكلم شهد : شوشو انتي معي يلاه مشينا
شهد تجاهلته ومشت مسكها من يدها : اكلمك !
شهد : صدق ؟ احسبك تكلم البنات المتحجبات اللي اكلتهم بعيونك ولو اسالك عن لون عيونها او وش حاطه روج او وشلون حجابها كان رديت على طول
راكان بصدمه : صوتك !
شهد : تركت كل شي وركزت على صوتي لا صدق برافو ومشت بس قاطعه مسكته لها بغضب وهو يسحبها للسياره ويفتح لها الباب : اركبي لا ورب البيت ركبتك بطريقتي !!! شهد ركبت بغضب وهي تكتف يدينها وقفل الباب راكان وركب وشغل السياره ومشى : بمشي لك موضوع رفعت الصوت وتجاهلك لي وحركاتك الغبيه عشان نرجع نتفاهم وافهم وش قصدك !
شهد : ماني قايله شي انت عارف نفسك واعرف مني ولفت وجهها تناظر للشباك لعب راكان بلسانه بداخل خده وهو الغضب ياكله اكل : شهدوه !!!
شهد : نعم نعم !!!
راكان : هذه كل عشاني نظارت الممرضات ؟؟!!!
شهد صفقت : واووووو شفتتت شاطر تذكرت فعلتك بنفسك تحتاج اغطرف لك عشان قوة ذاكرتك الخارقه !!!
راكان بغضب ضرب الدركسون : يا بنت تكلمي زين !!!
شهد بغضب : لا تستعرض علي قوتك عشان لا انفجر فيك المفروض تسمعن وانت ساكت بعد اللي مسويه لكن انت بكل وقاحه معصب ولا يحق لك فاهم !!!
راكان مسح وجهه بغضب وهو يراقب الخط : لا انتي تبين تجننيي خلاص اسف ماكان قصدي وتراها نظره عادي حسستيني اكلتها !
شهد ضحكت بغضب : اجل اذا شفتني اناظر لواحد لا اسمع صوتك فاهم يا ولد ناصر !!
راكان دعس فرامل لدرجة السياره طلعت صوت وشهد لولا الحزام كان طارت انفجعت وهي تناظره وقف السياره زين ولف عليها بغضب : نصيحه ماتختبرين غيرتي لانها بتحرقك ولا تكبرين الموضوع لانه عادي جدا !!!
شهد بغيض : دامه موضوع عادي ليه عصبت لمن قلت كلامي اللي قبل هاه !
راكان ضرب الدركسون : لان فيه فرق انا راكان بن ناصر ما اسمح لاحد يناظر شي لي فاهم !!!
شهد : يعني انااا شيييي !!!!
راكان ناظرها بصدمه لانه بدا ينهار : جتك الدوره ولا ما جتك !!!
شهد انصدمت وانحرجت : شدخلك والحين ذا مو موضوعنا !
راكان : لا موضوعنا لان واضح لخبطة هرمونات من عصبيتك اللي مالها تفسير !
شهد زفرت : رفعت ضغطي انت وماهر بس هين ماهر بيجيه نصيبه من خطيبته !
راكان ضحك بصدمه : يابنتي لا تخربين بينهم !
شهد : لا بالله واخلي المسكينه مثل الطرشى بالزفه !!! هذه وهي ماتدري اجل وش خلى وهي معه ! هين هذه انتم يالرياجيل كلكم نفس بعض عيونكم زايغه يا جعلها للفقع يارب تتفقع وارتاح
ضحك راكان بقوه : يابنتي استغفري ربك اعوذ بالله من غيرتك قسم بالله اخر مره المح طرف بنت !
شهد : احلف احلف سلاحي الدعاء
راكان ضحك ومسك يدها يبوسها بخبث: اعرف وش يجيب راسك
شهد ساكته وهي بداخلها بتموت وش بيسوي راكان حرك السياره لكوفي هي تحبه ناوي ياخذلها قهوه لان ما يعدل مزاجها الا هي واول  ما لمحت شهد هاف مليون اللي تعشق قهوتهم وهي تعدل جلستها وتكتف يدينها وقف راكان عند عند الدرايف ثرو وهو يناظرها : وش تبين ؟
ما ردت عليه وهي معطيته ظهرها وحك لحيته راكان وناظر باللي ياخذ الطلبات : ابي واحد ايس دريب قاطعته : وانا ابي !!!
راكان ابتسم : من عيوني ابتسمت شهد وهي تعدل جلستها وطلب لها وله واخذ لها حلا ومشو وابتسم راكان : اشوف انك تحبين القهوه اكثر مني !
شهد وهي تمسح على الكوب وتبوسه : لانه مايزعلني مثلك بالعكس يعدل مزاجي ضحك راكان : بزر
.
" بيت محمد ابو هيفاء "
طلعت هنوف تصرخ بصدمه : يييييممممممههه
مرام فزت : وشفيكككك !!!
هنوف ومعالم الخوف ماليه وجهها : رييممممم سوو لها عمليه بالقلب !!!
مرام بفجعه : وشهووو منجدك ولا تمزحين ؟؟؟
هيفاء طلعت من غرفتها : وشفيكم !
هنوف : وربي يا يمه تو روان تقول لي
مرام مسكت جوالها وهي تبي تتصل بام ماهر وهيفاء جات يم هنوف : يابنتي تكلمي وشفيه ؟
هنوف مسكت هيفاء بخوف وقلق : تخيلي ريم مسويه عمليه توي ادري من روان قالت لي
هيفاء بصدمه : وشهووو!!!
مرام اشرت لهم يسكتون اول ما ردت عليها ام ماهر : السلام عليكم يا ام ماهر منجد اللي سمعته ريم مسويه عمليه ؟؟
ام ماهر بتعب : وعليكم السلام ايه توها قبل شوي طلعوها بس باقي تحت المراقبه وما قامت من التخدير
مرام : مخدرينها كامل ؟؟
ام ماهر : ايه
مرام : وش فيها طيب ؟
ام ماهر : اهخ وانا اختك وش اقول وش اخلي قالو معها تضخم في القلب وسببه نبضات قلبها الغير عاديه وكان لازم يسون لها عمليه قسطره للقلب
مرام تنهدت : الله يقومها لك بالسلامه وماتشوف شر يارب
ام ماهر : الله يسلمك والشر مايجيك يارب
مرام : اجل مع السلامه حبيت اكفي بالشر عنها ولا انا مادريت الا من البنات
ام ماهر : جزاك الله خير ماتقصرين وفي امان الله وقفلت مرام
هنوف : هاه يمه وشفيها ؟؟؟
مرام : معها تضخم بالقلب !
هنوف وهيفاء بصدمه : وشهووو !!
مرام تنهدت بحزن : تكسر الخاطر
نغزت هيفاء لهنوف بان والدتهم تغيرت كثييير ما كانت كذااا يالله تقلق عليهم عشان تقلق على عيال اخوها ولكن كانو مبسوطين بتغيرها
هيفاء : يمه لازم نروح لهم نكفي بالشر
مرام : مايصير اليوم تلقين الناس تعبانين يكفي اللي فيهم اكيد لطلعت ريم بيسون عشاء عشانها طلعت بالسلامه
هنوف : وربي حرام الا ريم تهبل صدق
هيفاء: اييي والله
مرام : شفتو ريما مره تغيرت معي ماتوقعتها طيبه طول حياتي كانت امي تشيشني عليهم تقول اخواتك ما يحبونك بس يوم عزاء امي وبعده شفت العكس ماعمري حسيت بالحنيه اللي بالاخوات كانو الكل يقول انو افضل علاقه هي علاقة الاخت باختها وكنت اقول كذب الى ان شفت بعيني وحسيت وقتها انو فعلا الكلام صح
ابتسمت هيفاء: خاله ريما تراها افضل انسانه عرفتها وكنت دايم اشوفها توقف مع البنات بالسراء والضراء وخاله طيوف تهبل صدق عسل طيبه ولأ تأذي احد
مرام ابتسمت : منجد انهم افضل اخوات الله يرحمها امي ويغفر لها كانت توسوس لي ودايم تعبي راسي عليهم ما اقول الا الله يرحمها
هنوف ابتسمت بهدوء: من ولدت وانا كنت اشوفهم عدواتي بس يوم اختلطت فيهم فهمت ان عيوني كانت ماتشوف زين
مرام : يكفي مشاعر عاطفيه وحده منكم تسوي العشاء
ضحكو البنات وقامو يتساعدون يسون العشاء
.
" بيت ابو حاتم "
دانه واقفه تسمع تنبيه والدتها وكلامها لها عشان امها وابوها بيسافرون لحالهم لخارج المملكه وحاتم وبدر يحطون الشنط بالسياره دانه تنهدت بطفش : يمه الله يهديك لك اسبوع تعيدين لي وربي حفظت كل شي اقوم بدري عشان اصلي صلواتي وانزل افطر بدال لا اشرب قهوه عشان لا ادوخ وما اشغل المكيف كثير عشان لا اتعب ولا افتح الباب لاي شخص الا لمن اشوفه من الشاشه
وما اسهر كثير قاطعها حضن والدتها : هذه عشاني اخاف عليك تنهدت دانه وبادلتها : ياقلبي لا تخافين وعندي بدروه
بدر عض شفايفه بغيض : قسم بالله اقطع لسانك ذا !!
دانه بدلع وهي تشكي لابوها : بابا سمعته !!!
ابو حاتم بقهقه : بدر بشويش على دنو لا تزعلها ولا بزعل عليك !
بدر بشر : لا معليك بتجي تلقاها مصلوبه
دانه شهقت وتذمرت بدلع : بابا شوفه يخوفنيييي !!!!
ابو حاتم : لا إله الا الله حاتم عليك باخوانك
حاتم ابتسم : ابشر روح انت وامي وانتم متطمنين مو جايها شي
ام حاتم : يلاه استودعتكم الله
دانه وهي تلوح لهم : باي باي
حاتم ركب السياره يوصلهم للمطار وقفل الباب بدر وهو يبتسم بخبث : الحين وقت الانتقام دانه ركضت وهي تضحك : بدوره ليه انت زعول !!!
بدر وهو يلحقها : اوريك الحين ليه انا زعول
دانه تركض وهي ميته ضحك : خلاص اسفه بديت اتعب
بدر : لا ياقلب بدوره ضاربك ضاربك وطاحت دانه وهي فاطسه ضحك ومسكها وهو يضحك بشر : كم مره قلت لا تناديني بذا الدلع الماسخ !!
دانه بعيون بريئه : بدر تكفى خلاص الا يدي لا توجعني بعدين تخرب شكلها
بدر : يكرهي للدلع ذا والحين اعتذري بكل احترام !
دانه نحنحت : اناااا اسفهههه
بدر : يهب ياصوتك ضحكت وقامت وهي تنفض ملابسها : قل ماشاءالله
بدر : ماني قايل وراقص حواجبه لها وكشت عليه وطلعت لغرفتها : لحد يزعجني بسوي الكورس حقي !
بدر : الله والكورس عاد وطلع وهي دخلت غرفتها بفرحه بان امها وابوها مو موجودين وتقدر ترفع الصوت زي ما تبييي واسرعت وتلبس قميص مريح ساتان لونه وردي طوله الى ركبتها وهي تفير شعرها ومشغله اغاني هيفاء وهي تغني ومستمتعه
العامله دخلت انتفضت دانه بخوف : ياربييي فجعتيني !!!
العامله ابتسمت : ماشاءالله انتا وين روح ؟؟
دانه بعبوس : ماني رايحه ماغير تغير جو البس واضبظ عمري عشان النفسيه
العامله : هات اسوي انا لك شعرك وفعلا اعطتها دانه وهي تتمكيج والعامله ترقص وتسوي شعر دانه اللي تضحك على حركات العامله
دانه مسكت جوالها : تبيه اطلب لك معي قهوه ؟؟
العامله : ايوااا
دانه : وش تبين اختاري
العامله : ابغى موكا
دانه : اوكيه واحد موكا وماتشا ودونات وابتسمت اول ما اكدت الطلب وهي تحط جوالها فوق التسريحه وهي تحط روج وفكتت شعرها بعد ما خلصت وقامت ترقص وسهام العامله معها وهم يضحكون على بعض
بالخارج كان ريان اللي توه واصل بالشاص حق جده كان من الصبح بالعزبه ونزل وهو يشمر ثوبه ويربطه على خصره وينزل علبتين مويه كبيره مليانه حليب نياق ودفع باب الشارع ودخل وهو يسمع اصوات جده وعمانه في بيت الشعر دخل : السلام عليكم
الكل : وعليكم السلام
ريان اتجهه لجده وحط علب الحليب قدامه : زي ما وصيتني
الجد سعود : بيض الله وجهك ماقصرت وانا جدك
ريان حب راسه : افا يا جد طلبك امر بالنسبه لي تامر على شي ثاني بروح ارتاح واغير ملابسي
الجد سعود : لا استودعتك الله روح نامي وارتاح
ريان : مع السلامه وطلع
ابو خالد : من مبطي عن الحليب
الجد سعود اخذ الطاسه : اجل امسك معي بحط بصب لك
ابو خالد فز يساعد ابوه : ابشر ابشر وقام يصب نع ابوه الحليب ويشربون
ومدو لابو نواف
عند ريان دخل : يمه
ام نواف اللي رد عليه من الصاله : هلا انا هنا تعال وجاء لها ريان وهو يشوف ريفان اللي تلعب بالعابها ابتسم ونزل لمستواها وهو يبوسها وهي تبتسم بفرحه بروية والدها وتلعب بلحيته وضحك وام نواف ابتسمت بحنان على ولدها وبنته وراما اللي ابتسمت : ريانوه ترا فيه اغراض لريفو مخلصه
ريان : معليه بكره تنزلين معي ونقضيها
ام نواف تنهدت وهي تدقه بالكلام : لو انك متزوج كان امداك نزلت مع مرتك
ريان اختفت بسمته وناظر لامه بهدوء: بروح انام تمسون بالخير ونزل ريفان بحضن راما اللي حست بانزعاج ريان واول ما طلع لغرفته وهي تلتفت لامها : يمه وشفيك بالرايحه والجايه مطيرته بسيرة الزواج خليه على راحته
ام نواف : عشان اقنعه بفكرة الزواج وخليني ادور له وحده تهتم فيه وتهتم ببنته لا انا ولا انتي دايمين له !!
راما تنهدت : بس توه ماله الا كم شهر فاقد زوجته !
ام نواف : امداه ناسيه ترا الرجال اكثر فئه ينسون بسرعه الحرمه تنسي الحرمه
راما باست خدود ريفان : مصير المكتوب بيصير وحنا ماندري وش اللي ربي كاتبه له
ام نواف : نزلي ريفان وروحي حطي له اكل امداه على لحم بطنه
راما : ابشري وقامت تنزل ريفان واتجهت تحط له
عند ريان دخل غرفته معصب من اصرار امه له بان يتزوج ورمى عمامته واتجهه للشباك يطلع بكت الدخان ويشعل له وحده ويدخنها يحاول يهدي اعصابه عن طريقها وناظر لجهه شباك دانه اللي كانت بغرفتها ترقص ومعها العامله وهو يشوف ابتسامتها الجميله ورقصها لعن بداخله وهو يصر على اسنانه فكر هل تسوي هذا عمد معه او انها صدق ماتدري عنه !! طقت باب الغرفه راما وما سمعت اي رد ودخلت ولقته معطيها ظهره ويناظر لشي من الشباك وحطت الاكل فوق الطاوله واقتربت بهدوء منه وهي تبي تشوف وش يشوف وانصدمت وهي تشوف دانه اللي واضحه من خلف ستارتها الدانتيل وهي ترقص ومعها شخص ولف عليها ريان وخبى عنها السيجاره وانتفضت راما من التفاته عليها وتكلمت بتوتر : جبت لك اكل ومويه توقعتك ما اكلت وانك جايي جوعان
ريان نحنح بربكه : شكرا وابتسم لها وهو يتجهه للحمام يطفي السيجاره تارك راما ترجع بسرعه تتاكد من اللي شافته قبل وحطت يدها على فمها من الصدمه
وطلع ريان وهو مستغرب : وشفيك ؟
راما التفت عليه : لا ولا شي بطلع وطلعت بسرعه تاركته يفسخ ثوبه ويقرب من صينية الاكل وياكل وافكاره مشوشه
.
"بالمستشفى "
طلع الدكتور من عند ريم وابتسم : يمديكم تدخلون عندها بس تراها مراح تصحى الا الصباح لان مفعول التخدير باقي عليها
ابو ماهر : زين يا دكتور كيف حالتها ؟
الدكتور : حالتها ممتازه بس يبالها الراحه وراح تجلس عندنا ثلاث ايام وبعدها اذا شفنا وضعها ممتاز كتبنا لها خروج ولكن راح تستمر معي بالمواعيد عشان نتاكد من صحتها اكثر ولازم تبعد عن الزعل والغضب ابدا لا تعصبونها وعشانها مسويه عمليه قلب راح تطول فترت علاجها حاولو قد ماتقدرون تهتمون فيها
ماهر : ابشر يا دكتور ماقصرت عز الله انك كفو
الدكتور ابتسم : ولو هذه واجبي الحمدالله على سلامتها
ماهر وابو ماهر : الله يسلمك ومشى الدكتور ودخلو ماهر وابوه وهم يشوفون ريم اللي مشبكين بجمسها اسلاك للقلب والتنفس تنهد ابو ماهر وهو يقرب منها ويمسح على راسها : الحمدالله اللي خلاني اشوفك بصحه وسلامه يا روحي
ماهر كتم ضحكته مو متعود على ابوه يقول كلام مثل كذا ياروحي !!! ذي جديده !! واسرع يتصل ماهر على امه يطمنها
راكان وقف قدام البيت بعد ما لف بشهد الشوارع كلها وجاه اتصال سامي ورد
سامي : وينك ماقلت لي وش صار
راكان : طلعت من العمليه والحمدالله مافيها الا العافيه
سامي بفرحه تنهد وهو يحس براحه : الحمدددالله يعني متى يمديني اجي اخطب ؟
راكان انجلط منه : ولد سم بالرحمن اصبر لين تخلص علاج لان لو هي وافقت ماهر مستحيل يوافق إلى ان يشوفها بكامل صحتها
سامي تنهد بقهر : صبر جميل والله المستعان معليه بصبر وان شاء الله خير
راكان : هو ذا انتظر لين تزين الامور وبعدها اقدم
سامي : ان شاء الله تبي شي ؟
راكان : سلامتك وقفل
شهد بفضول : من ذا وليه يسال عن ريم ؟؟؟
راكان : سالفه طويله اقولها لك بعدين
شهد : ياويلك تنسى !
راكان بضحك : وانتي تخلين احد ينسى
شهد ابتسمت بثقه : حسبت ونزلت ونزل معها راكان وطلع بوجههم صالح : لا والله كان نمتو بالشارع بعد !
راكان نحنح : والله ياعم كله من شهد
شهد شهقت : كذاب يبه قال لي ودي اخطفك وبالقوه جابني وركضت بعد ما لمحت نظرة راكان اللي بيهجم عليها ومسك صالح راكان بمزح : انا اوريك تبي تخطف وحيدتي !!!
شهد : لا خلاص يبه اعطيته انا حقه
صالح ضحك : كفو كفو
راكان بابتسامة : زين زين يا شهدوه
وضحكت شهد ودخلت البيت وصالح ابتسم لراكان : ترا امزح معك
راكان ابتسم : ادري يا عمي منت براعي ذي الحركات
صالح بقهقه : زين اجل
.
"صباح اليوم التالي "
الساعه ١٠
فتحت عيونها ريم وهي تحس صداع براسها وغباش حولين عيونها تحس رؤيتها غير مستقره واسرع لها ابو ماهر اللي كان صاحي : ريم يا ابوي قمتي وش تحسين فيه ؟
ريم ابتسمت بتعب وهي تغمض عيونها وتفتحها اكثر من مره تبي تتعدل الرؤيه عندها واخيرا وضحت لها وهي تشوف ابوها والقلق واضح عليه وتكلمت بنبره هامسه متعبه : انا بخير
ابو ماهر ابتسم بفرحه : اللهم لك الحمد بروح انادي الدكتور واسرع يطلع من الغرفه وماهر النايم حس بحركه وفز وهو يناظر يمين ويسار وجاء بيرجع بس انصدم بروية ريم المستيقظه : ريمممممم !!!
ريم ابتسمت بخفه وقرب منها وهو يبوس راسها بخفه : ياروح ماهر انتي وشلونك ؟؟؟؟
ريم بتعب : بخير بس احس بالم ودوخه شكله من التخدير
ماهر : اايه يسبب الم بالجسم معليك بيخف ان شاء الله
ودخل الدكتور ومعه ابو ماهر وبدا يكشف عليها واخذ ابو عشر دقايق وهو يفحصها تحت مراقبة ابو ماهر وماهر وابتسم : ماشاءالله تبارك الله عشانها صغيره بالعمر الاعراض الخطيره اللي كان محتمل تجيها ما جتها اللهم لك الحمد وضعها ممتاز جدًا
ماهر وابو ماهر ابتسمو بفرحه وريم اللي ما كان مكشوف فيها الا وجهها لان حاطين لها تلبيسة الشعر وابتسمت بخفه ونحنح الدكتور : ممكن يا اخ ماهر تلحقني لمكتبي بكلمك
ماهر : ابشر جايك ومشى الدكتور وابتسم ماهر لريم وهو يفتح جواله يتصل بيارا اللي ردت : هلا ماهر في ريم شي ؟؟؟
ماهر فتح الكاميرا: شوفيها وهو يدير الجوال لها وصرخت يارا بفرحه : رررريييمممم حبيبة قلبي ييييمه رييمممم صاحيه
اسرت اك ماهر تركض لعند يارا وجلست جنبها وهي تشوف ريم : ياروحي يابنتي كيفك طمنيني عليك
ضحك ماهر على فرحتهم وابو ماهر مبتسم وريم ابتسمت بخفه وهي تحرك يدها بشويش : انا بخير كيفكم انتم
ام ماهر : بخير بخير بعد ما شفناك بخير اللهم لك الحمد
يارا بفرحه : ريموه ياروحي تحسين بشي فيك شي ؟
ريم تاشر بلا ومد ماهر الجوال لابوه : يبه خله معك عشان يكلمون ريم بروح اشوف الدكتور
ابو ماهر : طيب واخذ الجوال وطلع ماهر للدكتور ودخل المكتب : تفضل يا دكتور
الدكتور مسح يدينه ببعض وابتسم : تفضل اجلس جلس ماهر وهو خايف ان ريم فيها شي : وشفيه ؟ بديت تخوفني
ضحك الدكتور بخفه : تطمن مافيها ريم الا العافيه بس الموضوع مو بوضعها الموضوع اني ابي رقمك عشان بعد ما ترجع العافيه للانسه ريم ابي اتقدم لخطبتها على سنة الله ورسوله
ماهر انصدم واندهش من كلامه ما كان يتوقع هنا توتر الدكتور: وبالمناسبه انا الدكتور رامي وللامانه انا ارتحت لك ولابوك شفتكم عائله ماشاءالله والنعم فيها وبطلب القرب منكم اذا مافيه مانع
ماهر ابتسم بصدمه : والله نتشرف يا دكتور رامي وانت ماشاءالله رجال والنعم فيك وقفت معنا ولولا الله وثم لك كان اختي الحين حالتها سيئه الله لا يقوله ولكن زي ماتشوف إلى الان البنت تعبانه واذا انتهت فترة علاجه حياك الله ونتشرف فيك ابتسم الدكتور رامي بحماس : الله يسعدك ماسويت الا واجبي والشرف والله لي اني اناسب ناس كفو مثلكم
ماهر ابتسم : الله يحفظك احسن ما قلت والحين استاذنك توصي شي ؟
الدكتور رامي وقف : لا سلامتك يا ابو ؟
ماهر ابتسم : ابو راشد
ابتسم الدكتور رامي : والنعم والله
ماهر : معليك زود وطلع ماهر وهو مصدوم إلى الان وقرر ما يقول لاحد الموضوع ألى ان تسترجع ريم عافيتها ويتقدم لها وقتها الاختيار بيدها
ودخل ولقى ريم اللي تبتسم لامها ويارا اللي يكلمونها بالجوال
"بعد مرور اسبوعين "
كان موعد خروج ريم كان الاتفاق قبل انها تطلع بعد عمليتها بثلاث ايام بس الدكتور شاف انو لازم تطول عشان يشوف اي مستجدات بخصوص توتر نبضات قلبها بس بعد مرور هذ الفتره كان وضع ريم مستقر ولله الحمد وامر بخروجها وكانت تستعد مع امها اللي تساعدها انها تلبس العبايه ودخل ابو ماهر : هاه خلصتو ؟
ريم : دقيقه يبه البس النقاب بس
ابو ماهر : يلاه وانا ابوك ولمن خلصت اسرع لها يسندها ابتسمت ريم : يمديني امشي ! ابو ماهر : اص مالك دخل كتمت ريم ضحكتها وام ماهر مبتسمه على اهتمام ابو ماهر بريم وجات الممرضه بالعربيه واستغربت ريم : هذي ليه ؟
ابو ماهر : انا طالبها اجلسي
ريم : يبه قلت لك مافيني شي ؟
ابو ماهر بحده : تبيني اجلسك ؟
ريم تنهدت بابتسامة وجلست وابو ماهر يدفها للامام لبوابه الخروج وام ماهر بجانبهم وكانت سيارة ابوها امامها والدكتور رامي امامها قلبت عيونها من كثر ماتشوفه طفشها واول ما وصلت للسيارت ساعدها ابوها تركب ورحع العربيه للداخل وصافحه الدكتور رامي بابتسامة: الحمدالله على سلامته يا عمي ابو ماهر
ابو ماهر ابتسم : الله يسلمك ومشكور يا دكتور ما قصرت ياولدي
رامي ابتسم وناظر لريم : ماسويت الا واجبي
ابتسم ابو ماهر : توصي شي ؟
رامي : لا سلامتك يا عمي
ابو ماهر : الله يسلمك وركب ومشى وريم اللي تشتمه بداخلها واخيرا افتكت من نظراته ونشبته لها طول الاسبوعين وهو ناشب لها يفحصها كل شويه
تنهدت براحه وهي تناظر للمناظر برا من زمان ما شافت الدنيا برا
ام ماهر : ريم يا حبيبتي مرتاحه ؟؟
ريم : اي يمه مرتاحه الحمدالله
ابتسمت ام ماهر لبنتها واخيرا مرت اطول فتره واصعب فتره تمر عليهم
"بيت الجد سعود "
كان الكل مجتمع وينتظرون قدوم ريم وعلى طاري ريما محد قال لها انها مسويه عمليه قالو انو داخت بسبب فقر دم وانها جايه والكل بيحتفل فيها وحانت معهم تجهز وماهر اللي فارش على المدخل ورد ضحك نواف : ولد حسستني بتستقبل ام العيال !
ماهر : هاهاها يضحك الصراحه انقلع عني بس
ضحك نواف وخالد عليه راكان ابتسم : عاد من حقه واخيرا بتطلع اخته بصحه وعافيه بعد العمليه اللي سوتها
ماهر تنهد براحه : اي والله بس جيب السماعه ولحد يجي هنا برقص لها لين اقول امين
خالد بضحك : ازهلها انا اجيب السماعه
ماهر : يا ليت والله
مروان : اخذ اخذ ومد له كيس ورد
ماهر : يحبي لك تفهمني بدون لا اتكلم
غمز له مروان وضحك نواف : الغمزه ما تطمن
ماهر صفقه : اقول فارق عني
نواف : معليك يا حبي اراضيك بعد ما تحتفل بالمدام جاء بيرفسه ماهر بس شرد نواف عنه تحت ضحكات الشباب عليهم
جاء خالد بالسماعه وهو يشبكها على جواله : اول ما توصل بشغل
ماهر : كفو كفو
وسمعو صوت سيارة ابو ماهر وقفت ونادى بسرعه راكان جده وعمانه اللي طلعو من بيت الشعر ودخلو العيال وفتح الباب ابو ماهر وهو مبتسم من الاجواء اللي واثق ان ماهر مسويها واشر لام ماهر تدخل وصدو اخوانه ودخلت ام ماهر لبيت عمتها والكل يسلم عليها ويدورن على ريم وقالت لهم بيفاجئها ماهر واسرعو البنات للشباك وهم يتفرجون ودخلت ريم اللي ساندها ابوها واشتغلت السماعه على اغنيه ترحيبيه وماهر يرقص ويرمي عليها الورد ضحكت ريم بخجل وهي تشوف جدها وعمانها يبتسمون وماجد يرقص مع ماهر وحب راسها ماهر : هلا ومرحبا بنور قلب ماهر عز الله نورتي البيت
ماجد كذلك حب راسها : الحمدالله على السلامه ياعين عمك
ريم ابتسمت : الله يسلمك وابتسمت لماهر بامتنان وحب ومشاها ابوها لعند جدها سعود وسلمت عليه : الحمدالله على السلامه وانا جدك انتظري ودخل يده بجيبه وهو يحط فلوس بيديها ريم باحراج : ليه الكلافه يا جد والله مابيك الا سالم وحبت راسه وابتسم لها عشان تخبي الفلوس وابتسم ابو ماهر لحركة ابوه وسلمت على عمانها ابو خالد وابو نواف وصالح اللي حب راسها وابتسم : الحمدالله على السلامه يا عيني ريم بابتسامة: الله يسلمك يا عم
سندها ماهر عن ابوه وهو يمشي بشويش وفتحت له بسرعه يارا والبنات وخرو عن الباب ودخلو للمطبخ ودخلها ماهر وهو منزل راسه عن حريم عمانه ودخلها لين جلسها وحب راس جدته وطلع وام ماهر ويارا ساعدوها تنزل عبايتها وقام المل يسلم عليها ويتحمد لها بالسلامه وبعد السواليف
ريما : والله على ذا الترحيب حسستوني انها مسويه عمليه قويه الكل سكت وناظرتهم باستغراب : وشفيكم ؟
ريم بهدوء: قبل اسبوعين سويت عمليه قسطره لقلبي لان عندي تضخم بالقلب
ريما بصدمه : وشهو ومحد يقولي لييييه ؟؟؟
الجد منيره : ناسيه نفسك انتي حامل والحمل متعبك
ريما حست بغصه كانت طوال الاسبوعين تطلع وتروح وتجي مستمتعه ماتدري ان ريم القريبه منها بالمستشفى ولا تسوي عمليه خطير لقلبها : ولووو اني حامل ليه محد يعلمني !!!! المفروض انا اول وحده تدري !!!!
طيف اللي مادرت الا قبل يومين من البنات عشان لا تعلم طيف تنهدت : يا ريما محد قالك عشان رد فعلك ذي
ريم : ريما حصل خير انا بعد قلت مابيك تدرين
ريما ببكاء : حتى ولو ما كان المفروض تخبون عني !!!
ريم حزنت انه مايمديها تحضنها : ريموه !!
طيف حضنت ريما اللي بكت وام ماهر تمد لها المويه والمناديل : يا ريما استهدي بالله وشوفيها مافيها الا العافيه
ريم : ريما خلاص تكفين عشاني
ريما مسحت دموعها بالمنديل وشربت مويه وهي تناظر لريم : وكيفك الحين ؟
ريم ابتسمت بحنان : بخير الحمدالله والله مافيني الا العافيه بس لازم اروح لمواعيدي كل شهر عشان صحتي
ريما تنهدت وفتحت ريم يدينها : تعالي احضنيني مقدر اجيك
ابتسمت ريما وقامت وهي تجلس جنبها وتحضنها : ياروحي الحمدالله انك بخير وربي ما كبرت الموضوع عشانك بس
ريم ابتسمت وهي تمسح على ظهر ريما : الله يعلي شانك يا قلبي وامسحي دموعك ولا بتروحين بكره لعرس شهد وترف بذي الهالات ضحكت ريما : لا وييي ام ماهر : ايه صح يا ام نواف اعذريني مقدر احضر بكره للعرس
ريم : لا بتحضرين وانتي طيبه انا بخير ومافيني شي !
ام ماهر : لا بالله قلبي مراح يتطمن
ريم : يمه مافيني شي ولا تعذرينها يا خاله
ام نواف ابتسمت : سمعتي يا ام ماهر انا محتاجه وقفتك معي عيالي اثنين وابيك تساعديني
ام ماهر تنهدت : بتجلسين عند من ؟؟؟
ريم : عندي ماريه صح بتفقع مرارتي بس معليك
ام ماهر تنهدت : اجل ماني ماشيه لين تشربين ادويتك
ريم : معليك بكلمك سناب وافتح لك الكام تشوفيني
ضحكت ريما : شفتي مافي مفر يا ام ماهر
ام ماهر ضحكت : مجهزه دفاعاتها
ريم ابتسمت : بالعكس ابيك ترتاحين
روان : عاد معليك يا ريم بصور لك اول باول واكلمك سناب وافتح الكام وتشوفين العرس عن بعد حتى بخليك ترقصين معي عن بعد
الكل : ههههههههههههههههههه
يارا : الله يقلع بليسك ضحكتيني
ريم ضحكت : معليك شوط لك وشوط لي
وضحكو وقاطعهم طق الباب وقامت طيف تفتح الباب وكانت مرام وسلمت عليها والبنات بعد ودخلو يسلمون على الكل وحضنت هنوف ريم بقلق : كيفك يا قلبي بشريني عنك ؟؟ ريم ابتسمت : بافضل حال الحمدالله
هنوف : اللهم لك الحمد وهيفاء وخرت هنوف وهي تسلم على ريم بحراره : ياروحي انا جعله بعدوينك ولا فيك كيفك
ريم ابتسمت : الحمدالله بصحه وعافيه
هيفاء: الحمدالله وجلسو يتقهون ويسولفون عن تجهيزات العرس كانو العرايس هم الوحيدات اللي ماجو عشان وراهم الف شغله وشغله
.
"ببيت الشعر "
ابو خالد : الحمدالله على سلامتها يا اخوي جعل ماتشوف فيها مكروه
ابو ماهر : الله يسلمك واللهم امين
ابو نواف : الحمدالله اللي رد لها عافيتها
ابو ماهر : اي والله الحمدالله
الجد سعود : وش سويت يا ابو نواف بالذبايح ؟؟
ابو نواف : سلمتها الظهر للطباخ
الجد سعود : زين زين ناقص شي نساعدك فيه ؟
ابو نواف : لا تسلم يا يبه
ابو ماهر : بالله يا ناصر مو ناقصك شي ؟؟
ابو نواف : لا والله مو ناقص ولا شي الضيافه كلها القصر شايلها علي بس الذبايح والحمدالله عند الطباخ
ماهر لنواف : حركات اللي بيتزوج بكره الحمدالله بفتك منك
نواف ابتسم : عز الله برجع لك مايهون علي بعدي عنك
ماهر عض شفايفه بغيض : والله بكوعي على عينك تروح لعرسك بدون عين
ضحك نواف : اعوذ بالله منك كل ذا حقد عشاني بعرس قبلك
ماهر : لا بالله بغار يعني منك مابقى الا كذا وضحكو
نواف : دعابه يا ولد شفيك ما تتقبلها
ماهر بابتسامه : بمشيها عشانك معرس
نواف عدل جلسته بحماس : ياخي الله يسعدك عطيتني تحفيز
ماهر بقهقه : امين و جعله دوم
راكان ابتسم : والله يا ماهر كان بخاطري ناجل الزواج عشان بنت العم بس عمي راشد رفض ولزم الا يكون العرس بنفس موعده
ماهر : ياولد مو مشكله الحمدالله اختي مافيها الا العافيه
راكان : الحمدالله
خالد : منجد الحمدالله مرت اسوء فتره علينا
ماهر بهدوء: الحمدالله مرت ولا ضرت
ريان : عاد فزعتكم معي ذول معرسين وبيخلوني اكرف لحالي
ماهر ابتسم وشد على كتفه : ابك ازهلها انا وخالد ومروان معك وماجد والله لا يهينه معاذوه وتروكي
خالد : الا صدق تركي ماقصر فزع لنا يوم بغو يطردونا من الانتظار عند قسم العمليات
مروان : اي بالله انه رجال كفو دايم راعي فزعات
ريان : ايه بالله وبعد سلمان يا ماهر معزوم ؟
ماهر : اكيد
ماجد : ماخلينا احد ما عزمناه
راكان : حتى جارنا ابو حاتم ؟
نواف : ايه ابوي يقول عزمه بس رد عليه بدر وقال ان ابوه مسافر بس هو بيحضر بيقوم بواجب ابوه
ماهر: والله بدر ذا رجال والنعم فيه
راكان : اي بالله
...
عند شهد اللي تتحنى ومعها ترف ومها عندهم تساعدهم اذا محتاجين لاي شي وكانت الحنايه ثنيتن كل وحده تحني عروس وشهد تصور يدها اللي خلصت وباقي يدها الثانيه وماسكه فيها الجوال بعد ماصورت رسلتها لراكان وهي تبتسم وقفلت الجوال وهي تمد يدها للحنايه تكمل تحنيها ومها مشغله اغاني لهم وهي مبسوطه عليهم بذات بنتها تحس بمشاعر متلخبطه كيف وحيدتها بتعرس وتخيلها لحالها تنهدت ببسمه
ترف : خاله وصلت ريم ؟
مها : اايه كلمني صالح قال وصلت واستقبلوها بالشيلات
شهد بقهر : اوف ليتنا استقبلناها
مها : معليك عاذرتك انتم عاريس وراكم الف شغله تخلصونها
ترف : منجد توي قبل شوي تاكدت من المصوره
شهد : وش قالت بتبدا فيك بعدين فيني صح ؟
ترف : ايه ولازم نكون بالقصر من بدري اوف بطني وجعني
شهد ضحكت ومها ضحكت وهي تقرب من ترف تشربها مويه عشان تهدي : هدي وريحي نفسك ولا تتوترين
" بيت ابو حاتم "
دانه وهي توها جايه من السوق مشتريه فستان العرس ومتحمسه وتجهز اغراضها لبكره ودخل عليها بدر : الله الله ذا كله للعرس !
دانه ابتسمت : ااايه ياخي حماس
بدر ضحك : مب صاحيه
دانه تخصرت : الحين وش تبي !!!
بدر بجديه : ابيك تمدحيني عند هنوف
دانه بصدمه : لا يشيخ قول انك تمزح !
بدر بحده : دانه !
دانه تنهدت : والله شكل البنت تكرهك لان دايم كنت اتكلم عن مغامراتي معك كانت تعصب علي او تبي تتهاوش وكنت استغرب وشفت بنات خوالها يهدونها ويعتذرون مني ألى ان سالت عنها فهمت وقتها انك تحبها وهي تكرهك بس وسبب الكرهه ؟؟
بدر ناظرها بهدوء : بتحبني مصيرها وطلع تارك دانه تناظر بافكار مشوشه
وهزت راسها متجاهله افكارها وهي تجهز باقي اشيائها اللي راح تحتاج لها بالعرس ..
"عند راكان "
فتح الرساله وهو بوسط جلسته مع العيال وابتسم وهو يشوف يدها المنقشه بالحناء برسمه ناعمه ورد عليها برساله : ( يالبى منقوشة اليدين )
وقفل جواله وهو يبتسم خالد بضحك : الابتسامة ذي اعرفها !
راكان ضحك وضربه بقارورة المويه : اص
مروان : عز الله حمستوني اعرس
خالد : وقلبو انا باقي عليك
مروان : لا يشيخ ! عاد من كبرك
خالد : صدق قليل ادب يكلم اللي اكبر منه كذا !
ريان ضرب كتف مروان : الله يكون بعونك بيدا باسطوانة الاخ الكبير مثل الافندي نواف
نواف عدل جلسته : لا والله هذه عشان نذكركم اننا اكبر منكم واجب احترامنا !
ريان ومروان ناظرو لبعض وابتسمو لبعض باسف وهم يسمعون خالد ونواف كل واحد ينصح باحترام الاخ الكبير مهما كانت درجة الميانه اللي بينهم
وراكان وماهر وماجد فاطسين ضحك عليهم
.
بعد صلاة العشاء الكل مشى لبيته الا ريم وام ماهر تنتظر جيت ماهر عشان يساعدها بريم اللي تحاول بامها عادي تمشي بدون احد يسندها بس رفضت
وطق الباب وفتحت ام ماهر ودخل ماهر وهو يقاوي جدته ويسال عن احوالها : كيفك يا جده بشريني عنك
الجده منيره بابتسامة : بخير يا عين جدتك
ماهر : يا جعلها دايم توصين شي ؟
الجده منيره : لا سلامتك ماغير انتبهو لريم
ماهر : ابشري ابشري والتفت على ريم اللي لابسه عبايتها ومتحجبه : هلا والله بعيون ماهر مشينا واتجهه يساعدها وهي تتذمر : ياخي ماله داعي انا امشي من حالي ليه ذا كله !
ماهر : اجل شيكي على ذي الحركه وشالها بحذر وضحكت : ماهر !!! نزلنييي
ام ماهر تبتسم على حركات ماهر وطلعت قدامهم وضحك ماهر : اسكتي لا اشيلك على ظهري !
ريم ضربته بخفه على كتفه وتمسكت برقبته : مجنون
ماهر رسل لها بوسه وضحكت ودخلو البيت على ترحيب ماريا الي ترحب بريم باشتياق ودخلها لغرفتها وخلاها تنسدح ونادى امه تساعدها تغير ملابسها عشان يعطونها ادويتها وفعلا طلع وجات ام ماهر تساعد بنتها وخلتها تلبس بجامتها المريحه وغطتها زين ودخل ماهر يجلس جنبها يفتح لها الادويه وريم تبتسم : الله على الدلع
ماهر : شفتي بس متدلعه اكثر مني انا
ريم ضحكت : وين ابوي قولو له سيارتي وين ؟!
ابو ماهر دخل : سيارتك جاهزه بس انقلها باسمك وان شاء الله بعد العرس تلقينها عند الباب
ريم بصدمه : منجددددد !!!
ابو ماهر ابتسم : اي بالله انا عندي وعدي
ريم بحماس بس تالمت ثبتها ماهر بقلق : لا تتحركين يا غبيه بسرعه !!!
ريم : معليه معليه الم بسيط
ابو ماهر حس بخوف : اتركي عنك الحركات الكثيره مهي زينه
ريم : خلاص طيب واخذت ادويتها من يد ماهر وشربت وراها مويه
ماهر : امي قالت اكلتي عند جدتي بس تبين اجيب لك اكل ؟
ريم : لا شبعانه ابي انام بس
ماهر : طيب وطلعو تاركينها تنام براحه وفعلا انسدحت وهي تسمي بالرحمن وتنام واخيرا نومه هاديه ومريحه بدون ريحة مطهرات المستشفى وازعاج الممرضين وكان ماهر يدخل عندها كل بين ساعه ونص ساعه يشيك عليها
.
"اليوم التالي "
• ليلة زفاف نواف وراكان •
من العصر الكل كان بالقاعه وام نواف اللي جاهزه وتشرف على الترتيبات ومعها راما ونوف وام ماهر اللي ما مشت الا بعد ما تاكدت من ان ريم اخذت الادويه ووصت عليها العامله ماريا بان تهتم بريم وتمنعها من الحركه الكثيره
والجده منيره الجالسه بالاستقبال جاهزه بفستانها الفخم وشيلتها وعصاتها
ودخلت ام خالد وغطرفت عليها ام نواف وام ماهر وهم يستقبلونها استقبال حار
بيت ابو خالد كانت الميك اب الارتست تشتغل على ترف وحده تسوي لها ميك اب والثانيه تركب لها اظافير وروان شغاله الهير الستايل عليها بعد ما خلصت ميك اب وهي تصور ترف صور وفديو لريم اللي منسدحه بصاله بيتها وتبتسم على تجهيزات البنات كانت نوف وراما مصورين كشختهم وتحمست ريم وهي ترسل لروان : ( قولي لترف ريم ترسل بوساتها لك وليله سعيده )
روان فتحت الرساله وابتسمت : ترف تقولك ريم بوسات لك وليله سعيده
ترف بعد ما بعدت عنها الميك اب الارتست : ياعمررررييي قولي لها ترف تقولك دعواتك يا روحي
روان : بصورك تكلمي هزت راسها ترف وهي تصورها روان : ياعمري يا ريم دعواتك لي يا بعد عمري انا ورسلت لها بوسه ورسلت روان لريم المقطع وفتحته ريم وهي تبتسم وتبكي : ياعمري ليتني معكم اخخ
ماهر نزل وهو يعدل شماغه بعجله ولمح ريم وصرخ بفجعه : ريمممم وشفيكككككك !!! ريم ضحكت بوسط دموعها من خوف ماهر عليها : مافيني شي بس شفت ترف وهي تتجهز واحس مشاعر
ماهر مسك راسه : لا تخليني اخرب عليهم عشانك !!!
ريم مسحت دموعها : خلاص يا مجنون مو طبيعي خوفك !
ماهر جلس يبوس راسها وهو يبتسم : وربي مقدر على تعبك تكفين لا تبكين وبا شي وش قال الدكتور لازم ترتاحين من كل التوترات
ريم بتكشيره من طاري الدكتور : طيب روحي وانت متطمن مافيني الا العافيه
ماهر : متاكده ؟
ريم : اااايه
ماهر ابتسم وباس خدها : اوكي مع السلامه ماريا انتبهي لريم
ماريا : طيب ماهر مافيه مشكله ريم
وطلع تارك ريم تكمل سنابات البنات راما صورت القاعه كلها لريم اللي جابت لها ماريا عصير طازج وتشرب وهي مستمتعه وكانها مع البنات
"عند شهد "
كانت الميك اب الارتست شغاله عليها بعد ما الهير الستايل خلصت من شعرها
ومها اللي خلصت قبل شهد وهي تروح لعند صالح اللي يلبس شماغه وضبط ترسيمته واقبلت عليه بالمبخره تبخره بالعود ولف يتبخر : طاب طيبك يا ام شهد
مها ابتسمت : كيف كشختي ؟
صالح : تهبلين فديت الطله
ابتسمت مها بخجل : يابعد قلبي
وقاطعه اتصال ماهر ورد صالح : هلا ماهر ماشي ؟
ماهر : لا بنتظرك بزف معك بنت عمي لانه بحسبة ريم ويارا
صالح ابتسم : الله يسعدك ياولدي ويفرحني فيك
ماهر ابتسم : امين امين متى ما جهزت علمني
صالح : ابشر وقفل
مها : وش يقول ؟
صالح بابتسامه: يبي يزف شهد معنا
معا ابتسمت : ياربي الله يسعده ماهر ذا
صالح : امين بس شهد وش باقي لها ؟
مها : بس تخلص مكياج واشياء بسيطه ونمشي يعني نص ساعه
صالح : طيب
وراحت مها لبنتها ولقتها خلصت ميك اب بس تسوي لها لمسات خفيفه لرقبتها وصدرها وكانت طالعه مثل القمر شهد بتوتر : يمه كيف ؟
مها نزلت دمعتها بفرحه : تهبلين بسم الله عليك
شهد : ياعمري لا تبكين ولا ببكي !!
الميك اب الارتست: لاا تكفين والله تعبانه عليها لا تبكين وهي تهدي بمها اللي ضحكت على كلامها ومسحت دموعها وسكتو شهد اللي كانت منجز على وشك البكاء سوو لها اظافيرها ولبسوها الطرحه وهي كانت لابسه روب ابيض وبدو الميك اب الارتست والهير ستايل يرتبون اشيائهم بيمشون ومها راحت تلبس عباتيها وتجيب عباية شهد ولبستها وحطت لها الطرحه على الخفيف وانتظرو لين يمشون الميك اب الارتست وبعد ما طلعو وهم يتجهزون للطلعه سحبت شهد شنطتها اللي بتاخذها معها للقاعه والفندق وكانت فيها اشيائها المهمه وصالح اللي ابتسم بروية ابنته وهي بطرحتها ولمعت عيونه بمشاعر شهد ابتسمت : شف لو نزلت دمعت والله ببكي !
صالح رمش اكثر من مره عشان ما تنزل دمعته وباسها على راسها : لا خلاص بس تغطي ولد عمك بيزفك
شهد : مين ؟؟؟
صالح : ماهر يقول انتي مثل ريم ويارا
شهد ابتسمت : الله يسعده وساعدها صالح وشال عنها الشنطه وماهر نزل من السياره بسرعه يساعد عمه بالشنطه وركبت شهد بالخلف وامها جنبها ولقو يارا مستقبلتهم وسلمو عليها وقفل الباب صالح وركب وركب بعده ماهر وهو مشغل السياره وشغل اغاني ومشى وصالح ابتسم : عقبال ما نوقف معك بعرسك
ماهر : امين يارب قريب باذن الله
وصالح اللي لف على شهد ومها ويارا اللي تراقص شهد اللي مستحيه وماهر مبتسم ونظره مركز بالطريق وهو يضغط بوري اول ما قربو من القاعه
شهد تمنت عندها اخوان من وقفة ماهر معها هذه وهو ولد عمها كيف لو اخوها ابتسمت وهي تحمد ربها على كل شي
.
"بيت ابو خالد "
روان فتحت سنابات شهد اللي راسلتها بالقروب : ماشاءالله ماهرررر زاف شهد مع عمي صالح !!!
ترف ابتسمت : امانه الله يسعده
روان بابتسامة : امين
الميك اب الارتست اللي خلصت ترف وهي تبتسم : مبروك يا عروسه
ترف ابتسمت بعد ماخلصو منها : الله يبارك فيك يا قلبي
روان مدت لهم الفلوس وهي تشكرهم بكل امتنان وطلعو ودخل خالد : خلصتو !! ماشاءالله وشذا الجمال !!!
ترف استحت : امانه حلوه ؟؟؟
خالد قرب منها : ماشاءالله تبارك الرحمن تهبلين صلاتي على النبي حصني نفسك وانتي حصني اختك
روان كشت عليه : لا يشيخ مالت عليك المفروض تمدحني معها !!!!!
خالد : لا اعرستي ان شاء الله
روان بإبتسامة : باذن الله يارب
خالد انجلط : بنت !!!
روان ضحكت : جلطتك صح تستاهل ولبست عبايتها وضحكت ترف وهي تلبس عبايتها واخذ خالد شنطتها وطلع ولقى مروان توه جايي مجهز السياره زي ما قال له خالد وطلعو ترف وروان وهم يتاكدون من اغراضهم ويوم ركبو السياره انصدمو بالورد اللي فيها والقهوه وصوت الاغاني ومروان ركب بمكان السايق وخالد بالمعاون وهو يلتفت لترف ويمدها قهوه : تقهوي يا عروس ابتسمت ترف بفرحه واخذت القهوه ومد لروان اللي تصفق بحماس : علي الصوت ورفع الصوت خالد وهو يصفق بحماس وروان ترقص وترف تضحك عليهم وتصفق لهم ومروان يرقص ويضرب الدركسون بحماس
روان بحماس وخالد يصفق لها روان : لالا يالخيزرانه وتردد مع الاغنيه وخالد يضحك على حماسها وترف تصورها للقروب
مروان : عاشووووووو
روان ضحكت : ارمو علي فلوس !!!
خالد يضحك من استهبالها : مع الخير يا شقراء انتي !
عند ماهر اللي وقف عند القاعه ونزل صالح يفتح الباب لشهد وتنزل يارا وبعدها شهد ومن الجهه الثانيه مها نزلت وهي تشيل فستانها اللي بلبس الخاص بالفساتين وصالح فتح الشنطه حقت السياره ونزل ماهر ينزل الشنطه حقت شهد وصالح معه فستان شهد الكبير كان مقفل عليه بحامي الفساتين
ودخلت شهد ويارا ومها لقسم العروسه الاول ودخل صالح الفستان وجات يارا تاخذ الشنطه من ماهر ودخلتها ومشى صالح ومعه ماهر للقاعه لعند الرجال
ودخلو ولقو الجد سعود وابو نواف وابو خالد وماجد اللي يشرف على المقهوجين وسلمو عليهم واعطو صالح اخوه رفد الزواج وهم يتحالفون إلى ان حلف صالح بانه ابو نواف ياخذ الفلوس ولا بيزعل واخذها ابو نواف اللي مكان يبي يكلف على اخوه
.
وصل مروان قدام القاعه ونزل خالد يفتح لترف ونزلت وهي مبتسمه له وروان اللي عيت تنزل لين يفتحون لها وفتح لها مروان وهي تبتسم : ياخي دلعوني لاني اخر اخت لكم
خالد : ادخلي بس ضحكت ترف وسحبت روان ودخلو واستقبلتهم ام خالد اللي تدخلهم لقسم العروسه الثاني وبدت روان تفسخ عبايته وكذلك ترف اللي تبي تلبس الفستان بسرعه عشان المصوره اللي جات واعطت ام خالد خبر عشان تتجهز ترف وفعلا بدت ام خالد تلبس ترف هي وروان وكان الفستان مره ثقيل
عند مها اللي اخبرت يارا تروح لهم اكيد اهل زوجها يبونها تساعدهم وفعلا راحت يارا ودخلت مرام وهي تسمي على شهد : ماشاءالله تبارك الله
هنوف وهيفاء وراها ميتين علو طلت شهد هيفاء: يارربيييس ماشاءالله تهبلين
شهد بخجل : احسن ما قلتو اقبلت مرام تسلم عليها : مبروك ياقلبي
شهد بصدمه : الله يبارك فيك عقبال هنوف وهيفاء
مرام ابتسمت : امين واتجهت تسلم على مها : الف مبروك
مها بابتسامة : الله يبارك فيك عقبال البنات وناظرت لهنوف وهيفاء اللي استحت عكس هنوف اللي تردد بداخلها الله لا يقوله
مرام : امين يارب
مها ابتسمت : عاد جيتو بوقتكم عادي يا بنات تساعدوني نلبس شهد
هيفاء : طبعا يا خاله
مرام : يا بنات ساعدو خالتكم وانا بنزل تحت اشوف اذا يبون شي
هنوف : طيب ونزلت مرام وهنوف وهيفاء اسرعو يساعدون شهد ومها بالفستان
ترف اللي خلصت ولبست فستانها وبخروها بالعود الازرق وتعطرت من عطرها الفواح وعدلو لها الطرحه طلعت جميلة وفاتنه قليله بحقها ابتسمت وقفت وهي تصورها روان لريم اللي اول ما شافتها وهي كانت بتقفز من الفرحه بس وقفتها نظرة ماريا همست ريم بخرشه : اعوذ بالله ذي نظره ولا رصاصه !
ماريا : والله انتا يفقز انا يذبح انتا !!
ريم بتكشيره : يهب والله وينخاف منك !
ماريا ابتسمت بثقه وكملت ريم تبتسم وهي تتفرج على المقاطع والصور
وبعد المغرب وقت التصوير نادى خالد امه اللي جته : ادخلو ادخلو
وروان اللي لابسه عبايتها ونقابها عشان تصور ودخل ابو خالد وجنبه نواف وراهم خالد ومروان وغطرفت ام خالد : الف مبروك ياولدي
نواف كان مستحي من ام خالد وقرب يحب راسها باحترام : الله يبارك فيك ياعمه وابو خالد كان يسلم على بنته والعيال كذلك كانو مبتسمين على طلت اختهم الفاتنه وروان همست لمروان : معك منديل اعطني دموعي مقدر احبسها
مروان كتم ضحكته ومد لها منديل ومسحت دمعتها قبل لا تنزل عشان الميك اب والعدسات ونواف قرب من ترف ورفع راسه يناظرها وهو بداخله قلبه يرقص من الحماس واول ما شافها وهو يبتسم باتساع رد فعله خلى ترف تبتسم بس بداخلها ودها تفطس ضحك عليه كان مثل الاهبل نغزه خالد بهمس : اول شي سكر فمك وثانيًا انتبهه من نظرات ابوي نحنح نواف وناظر لعمه وابتسم بخفه وجات المصوره : لو سمحتو ممكن تصفون جنب بعض العرسان جنب بعض وانت تاشر على خالد تعال هنا يقصد جنب امه وابو خالد كان جنب بنته ومروان جنب نواف وصورتهم همست روان للمصوره : صوريني معهم تكفين
المصوره بصدمه : كيف ؟؟
روان : عادي بعبايتي تكفين تكفين
الكل كان يناظرهم باستغراب ألى ان وافقت المصوره واسرعت روان توقف جنب مروان وتسوي حبتين المصوره : لو سمحتو ناظرو للكاميرا بابتسامه
ابو خالد : مب صاحيه ذي !
ترف بهمس لابوها : معليه يبه خلنا نصور لا تصيح علينا
تنهد ابو خالد وابتسم ومروان مسوي حبتين فوف راس روان ورران مسويه جنبه ونواف كاتم الضحكه من هبلها وعرف مروان يشبهه من اثاريهم من توائم على الفاضي وخلصو الصوور العائليه وطلع خالد وابوه ومروان وام خالد نزلت وروان طلعت ودخلت لعند شهد وصفرت : اوف اوف حريقه ايش هذا ؟
شهد ابتسمت : امانه كيف حلوه ؟؟؟
روان : يابنت القامده ايه دا
ضحكت مها : تقصديني ؟؟؟
روان باحراج : هلا والله خاله مهاوي ايه والله انك جامده ياحظ عمي بس
ضحكت مها بخجل : عسل بسم الله عليك
ابتسمت روان وقربت من شهد : ترف قرب يخلص تصويرها تجهزي وغمزت لها وشهد مغصها بطنها : اهخ بطني يمه !
مها : هدييي روان لا توترينها
روان بضحك : متعتي بس لو تشوفين ترف ترجف ترجف لين شافت نواف الاهبل صار فاهي قدامها وييتسم مثل المختلين ألى ان نبهه خالد وابوي فجر راس نواف بالنظرات
هنوف ضحكت : الله يقطع بليسك يا روان
روان : وربي يضحكون وتصورت معهم
هيفاء بصدمه : كيف نواف موجود
روان بابتسامة : كنت لابسه عباتي ونقابي وتصورت معهم وربي سويت لهم اجواء
مها ابتسمت : الله يسعدك يا روان وشذي الروح الحلوه الله يرزقك بواحد مثلك
روان رمت عبايتها وهي تعدل فستانها بخجل : ان شاء الله
شهد وهنوف وهيفاء فطسو ضحك على حركاتها
.
عند نواف وترف اللي تعطيهم التعليمات المصوره وهم ينفذون وتصورهم ألى ان خرجت وهي تعطيهم الخصوصية وقفز نواف بحماس : يالبيييه صدقققق هذا كله ليييي !!!
ضحكت ترف بخجل : وشذي الحركات
نواف بالبشت : يالبه وربي بنجلط مو مصدق
ضحكت ترف وهي تبادله الحضن : صدق صدق واحمد ربك
نواف ابتسم : الحمدالله الف مرررره
- - - - - -
عند ريما اللي لبست عبايتها بسرعه من عجلة معاذ لها والجازي وام معاذ كانو كذلك مستعجلين زي ريما وركبو ومشى معاذ للقاعه : وربي تاخرت ماهر منبهني ما اتاخر
ريما : يالله صلى على النبي بنوصل بدري ان شاء الله
معاذ تنهد ودعس على القاعه وهو مستعجل
الجازي تهمس لريما : شكلي بتوسط له عند ماهر
كتمت ضحكتها ريما : ياليت لا يا قلبي عليه مايبي يتاخر
الجازي : معليك وبعد عشرين دقيقه وقف ماهر ونزلو ومعاذ اللي ينبهه ريما ما ترقص وقالت به طيب بس تسكته ولا مكان فيه ردح مستحيل ما تردح فيه
ودخلو للقصر وكان فخمممم مزين بالورد والاستقبال اللي عليه عطور والجهه الثانيه فيها حلا ومالح ابتسمت ريما ودخلت وقفتها حقت الامن عشان تعطيها الجوال ريما : انا عنت العرسان
الامن : معليش ممنوع
ريما : يابنت الحلال اقولك عمت العرسان مو مصدقه نادي ام المعرس
الامن بحده : معليش قلت هاتي جوالك وام العرسان مو فاضيه لكذبك
ريما بغضب : لا انتي الواضح تبين تنجلدين عدلي اسلوبك لا العن شكلك !
ام معاذ بتدخل : لو سمحتي وشذا الاسلوب تراها عمة العرسان!
الامن بغضب : قسم بالله لتجيب الجوال !!!!!
ريما بتحدي : تخسين اعطيك اياه واعلى مابخيلك اركبيه ودفعتها ومشت جات بتلحقها مسكتها الجازي : حامل اعذريها هرمونات الحمل لاعبه فيها
جات ام خالد : وشفيه ؟؟
الامن : ذيك قليلة الادب دخلت جوالها بالغصب !
ام خالد ناظرت لريما اللي دخلت : معليه ذي عمة العرسان
الامن سكتت بقهر وابتسمت الجازي ودخلت لحقت ريما تهديها بس شافت امها تهديها وراحت لطاوله تجلس فيها مع امها كانت القاعه فاضيه مابعد جاء احد من الضيوف
.
مها : يا بنات صالح بيدخل ومعه راكان
هنوف : يلاه يلاه نازلين موفقه شهوده شهد ابتسمت لها ونزلو البنات وبعدها
صالح دخل مع راكان ابتسم صالح وهو يشوف بنته بفستان العرس حس بمشاعر وابتسمت له شهد وحضنها بحب وراكان اللي اتجهه لعمته يسلم عليها وهي تبارك له والتفت لشهد اللي بعد عنها صالح وابتسمت وابتسم راكان وهو يعدل بشته مادوه يتهور بوجود عمه وعمته وقرب يسلم عليها خد بخد : الف مبروك لنا شهد كتمت ضحكتها : الله يبارك فيك
جات المصوره : جاهزين ؟
مها : ايه بس دقيقه وقفت جنب راكان وصالح جنب بنته وبعدين الصوره الثانيه كانت مها جنب صالح اللي بالنص جنب بنته وشهد جنبها راكان ومبتسمين وبعدها حضن صالح بنته وناظر لراكان : انتبه لها
راكان ببسمه : بعيوني
مها ابتسمت وصالح طلع معها لعند المخرج وبدت المصوره تصور شهد وراكان لحالهم وتعطيهم وضعيات وهم ينفذونها
.
عند نواف اللي مندثر عند ترف ماغير يسولف ويتاملها قاطعهم طق الباب نواف : يهب وشذي الدقه
راحت ترف تفتح الباب وكان خالد : اطلع اطلع الرياجيل وصلو جدي يقول تله مع بشته
ترف ضحكت : لا حرام
نواف كشر : ياليل جدي حتى بعرسي مسيطر !
خالد : امش بس
نواف زفر وهو يوقف عند الباب يعدل بشته وابتسم لترف : موعدها شويه سحبه خالد بغيض : امش لا والله مردغتك
ضحكت ترف عليهم وهي تشوفهم يطلعون واصواتهم عاليه وجلست
.
المصوره ابتسمت : الف مبروك
شهد : يبارك فيك وطلعت المصوره مخليتهم على راحتهم
راكان وهو يرفع يدينه : يارب لك الحمد اللي اكرمتني اشوف ذا اليوم
شهد ابتسمت : اللهم لك الحمد صدق
راكان حضنها : تهبلين بسم الله عليك
شهد بخجل : ياروحي انا وانت تطير العقل
راكان وخر عنها بثقه وهو يعدل ترسيمته للغتره : ادري من زمان
شهد ضحكت : الثقه تدرس عندك
راكان بغمزه : طبعا وجلسو جنب بعض وهو يسولف عليها وانه بيفجرها بالزواج وبيرقص لين يقول امين
شهد ضحكت : من حقك اليوم يومك
راكان غمز : اي بالله يومي
ضربته شهد بمزح وخجل : ما تصدق على الله انت
راكان ضحك : والله احبك وحضنها وبادلتها بحب : وانا اموت فيك
راكان ابتسم وناظر لجواله : تاخرت تاخررررت
شهد : ليه ؟
راكان : جدي محدد لنا وقت نجي فيه عاد لو ما رحت الحين مسح فيني الارض قدام الكل
شهد بضحك : اجل استودعتك الله باسها طلع وهو يلوح لها وهي مستحيه
ومشى راكان ووقفت شهد وهي تسحب فستانها الثقيل وتفتح الباب تطل منه وما كان فيه احد وطلعت وهي ترفع فستانها وتطق باب غرفة ترف اللي فتحت لها بصدمه : شهد هههههه ادخلي ادخلي
دخلت شهد : طفشت تو مشى راكان وقلت ليه اجلس لحالي
ضحكت ترف : اي والله شف وش زيننا
شهد بقهقه : اي بالله
.
"بصالة الرجال "
بدو الضيوف يجون وراكان ونواف عشان التصوير اتجهو للسيارات عشان يصورنهم وكانهم لتوهم ياتون للقصر وركب ماهر جنب بسيارة راكان المزينه وراكان جنبه وبسيارة نواف كان ريان اللي يسوق ونواف جنبه ومشى للقصر وماهر مشى خلف سيارة نواف وقفو قدام البوابه حقت القاعه ونزل راكان ونواف كذلك ودخل نواف اول وخلفه راكان والجد سعود وعمانهم وابوهم كانو باستقبالهم وسلمو عليهم وبعدها الضيوف جو يسلمون وكانو نواف وراكان كل ما جلسو جاء ضيف ويرجعون يقفون ويسلمون وبعد ساعتين من الاستقبال بدا دق الرجال والجد سعود وعياله يرقصون والكل مبسوط وجاء وقت العشاء وحياهم الجد سعود والكل اتجهه لصالة العشاء وكانت الساعه ١٢ وتعشو وبدا وقت السامري وكانو الفرقه صافين صفين ورفع بشته نواف على كتفه وبدا يرقص بكل حماس وراكان دخل معه بالجو ويتنكسون
الجد سعود : ابك ذول وش يسون لا بس يستنزلون
ضحك ابو خالد : خلهم اليوم يومهم
خالد ضحك على طرب نواف : عاااااشششش
ماهر دخل بينهم وهو يرقص ويعزز لهم وراكان يبتسم تركي ابتسم وهو يسحب مروان : سرينا معهم
مروان : قدام ودخلو مع الشباب يرقصون والكل منطرب
نواف سحب خالد اللي يضحك وبدا يرقص سامري معه وحماسهم وتعزيزهم لبعض حمس ابو ماهر اللي طب معهم والشباب من صدمته قامو يصارخون بحماس وماهر ابتسم باتساع لابوه وهو يمسك يده ويرقصون سوا
ريان : اقطع من ما يتحمس معكم وطب معهم وهو يتنكس بحماس
.
"بقاعة الحريم "
كانو البنات جالسين سوا بطاوله وحده ومعهم الجازي اللي راحت امها مع ام خالد ومها بطاوله وجتهم ام تركي جلست
روان ابتسمت بحماس من رؤية ام تركي وهي واثقه بانه جاء وسحبت هنوف : قومي معي نرقص
هنوف : ياويلي مالي خلق
روان : والله لتجين وسحبتها للمنصه وتورطت هنوف ورقصت مع روان اللي تبتسم وتهمس لهنوف : حاليا ارقص قدام ام اللي حاطه عيني عليه
هنوف : منهو ؟
روان : معجب سري ضحكت هنوف وهي تراقص روان ومعهم كم حرمه يرقصون وروان فتحت جوالها وهي ترقص ودقت على ريم اللي ردت وتفاجئة من روان اللي فاتحه الكام وهي ترقص واضح حريم وراها ضحكت ريم بصدمه : سويتيها يا مجنون
روان اللي ماتسمع حطت لجوال باذنها : ما اسمع بس ارقصي ورفعت الجوال وريم تبتسم وترقص معها وهي ميته ضحك وماريا جات تشوف معها : روان هذي مجنون ! ريم : ارقصي وانتي ساكته ضحكت ماريا وهي تدعي لهم بالهدايه الجازي بصدمه : روان وش تسوي ؟؟.
ريما بضحك : ياويلي مجنونه ذي طبقت اللي قالته
يارا : والله ما شكيت في كلامها كنت داريه انها بتسويها
الجازي : تسوي وش
هيفاء: فهمونا
ريما : البارح كنا مجتمعين وريم قالت مراح تجي عشانها تعبانه وعدتها روان تفتح لها اتصال سناب وتفك لها الكلم ويرقصون
الجازي وهيفاء ضحكو الجازي : ياويلي مو صاحيه
ريما بقهقه : مررره
راما جتهم وجلست : اهخ تعبت حسبي الله بس
طيف : ياعيوني انا فيه شي اساعدك فيك
راما : لا خلاص الحمدالله امي قالت روحي
نزلت روان وهنوف بعد ما خلصت الاغنيه وشافت ام تركي تاشر لها وراحت لها روان وقامت ام تركي تسلم بابتسامه : روان صح ؟
روان ابتسمت : ايه روان
ام تركي : بسم الله ماشاءالله تبارك الله كيفك
استحت روان : بخير انتي كيفك يا خاله بشريني عنك وعن حالك
ام تركي باعجاب : الحمدالله بالفضل حال
روان : يا جعله دايم يارب
وام خالد تناظر بحركات روان اللي لاول نره تشوفها تستحي وهمست لمها : ياليت التاريخ يسجل انها استحت لاول مره
مها ضحكت : وش زينها منجد وشذا الحياء اللي نزل عليها
ام خالد : انتي شايفه !
روان بخجل : تبين شي يا خاله عشان بروح لطاولة البنات
ام تركي : لا سلامتك يا عين خالتك انتي
روان بخجل : الله يسلمك ومشت رايحه للبنات اللي فاطسين على خجلها لاول مره يشوفونها مستحيه كذا !
روان جلست : اوف حر يابنات !!
ريما : حر انتي تحولتي لطماطم وشذا الحياء اللي تنزل فجاة عليك !!!
الجازي ابتسمت بخبث : شكل خالتي ام تركي ناويه على نيه
روان بتوتر : بروح اشوف تروف وقامت بسرعه وفطست ضحك الجازي
ضيقة عيونها ريما : لرجعنا تعلميني
الجازي : ان شاءالله
راما ابتسمت وهي تاشر : جات دنو هنا يا دانه
هنوف لفت بصدمه : ذي من عزمها !!!
هيفاء قرصت فخذ هنوف اللي تالمت وهي تناظر لاختها بغضب وراما ردت : انا ليه ؟ هيفاء: لا ولا شي كشرت هنوف بوجهه دانه اللي توترت من نظراتها الحاده وسلمت دانه عليهم كلهم وجلست : الله يسعدها خالتي ام نواف فكتني من حقت الامن كانت تبي جوالي وانا اخاف يضيع
هنوف بهمس : ياليتك انتي واخوك تضيعون بديره مالها امان
هيفاء نغزت هنوف اللي لفت وجهها عن دانه وبدت المطربه تغني جاعل من صوت دانه يختفي ومسكت جوالها ترسل لاخوها بدر اللي رقص مع الشباب وكان جالس جنب محمد ابو هيفاء دانه : ( بدر وش مسوي للبنت بغيت تقطعني بنظراتها وربي بدت تخوفني صرت معد ابي اجي مكان هي فيه وربي لو عليها ذبحتني ) بدر فتح جواله وشاف الرساله وابتسم : ( معليك منها )
وقفل جواله ولف على محمد : الا يا ابو فالح ( لقبه ) كيف امورك ؟
محمد : الحمدالله زينه
بدر بنبره ثقيله : والله عندي طلب مدري اذا بلقاه عندك ولا لا
محمد : ابشر بسعدك وش بغيت ؟
بدر ابتسم بداخله وهو عارف شخصيه محمد انه مسحيل يرد احد طالبه : زي ماتعرف انا عمري وصل ٢٧ ودوي اعرس واشوف نصيبي وقلت مافي مثل نسب ابو فالح المعروف والنعم فيه !
محمد انبسط ولف عليه وهو يبتسم : معليك زود والله والشرف لي ان شخص مثلك يخطب وحده من بناتي وزي ماقلت ابشر بسعدك
بدر : والله الشرف لي يا ابو فالح وباذن الله الخطبه الرسميه ننسقه انا وانت باتصال محمد بإبتسامة : زي ماتحب حياك الله باي وقت
بدر : الله يبقيك وابتسم بخبث وهو بداخله يقول باقي ماعرفتيني يابنت محمد انا بدر قول وفعل ...
"الساعه ٢"
• زفة ترف •
ام خالد واقفه قدام ترف اللي بدت زفتها تشتغل وتطلع للضيوف وخلفها يارا وروان والبنات والجده منيره وام ماهر وام نواف ورهف ومرام واقفين بالمنصه
وبدت تنزل ترف خطوه خطوه وهي متوتره وامها تبتسم لها عشان تخفف ن توترها روان كانت فاتحه مكالمه مع ريم وهي توريها الزفه وريم تبتسم بمشاعر وماريا تراقبها اذا بكت بتتصل على ماهر وكانت ريم قد ماتقدر ماتبكي وهي تشوف روان غيرت مكانها ونزلت قدام ترف وهي تصورها وريم تبتسم بحماس على طلتها وبعدها قربت ترف للمنصه استقبلتها الجده منيره وهي تسلم عليها وترف تبتسم على فرحة جدتها وصعدت للمنصه بمساعدة العاملات لها
وقفت عند الكنبه وبدت المطربه تغني من عندها اغاني والبنات يرقصون والضيوف طلعو للمنصه يباركون ويسلمون على ترف
المطربه : ويا بنات عنها لفو عليها ويابنات عمها لفو عليهاااااا
ومسكت نوف يد ترف وهي تراقصها والبنات لافين عليهم والحريم يصفقون بحماس وشهد كانت تسمع الاصوات وهي ميته حماس ودها لو انها معهم
ترف ابتسمت بخجل ودها تردح بدون ماتستحي بس غصب عليها ترقص بهدوء عمي روان اللي تتنكس بحماس : عاااشششش عااااششش
المطربه عجبها حماس روان وبدت تقرا من الورقه اللي مكتوب فيها الاسماء وصلت لين اسمها : وروان لا تخلونها !!
روان لفت على المطربه وهي تراقصها : عااااااااششوووووو
البنات فاطسين على فصلة روان ترف همست لراما : قولي لها توقف ولا بفطس ضحك راما بضحك : تبينها تسطرني اتوقع ذي استنزلت
وبعد الردح جلست ترف خمس دقايق وطلعت ماشيه مع نواف اللي ينتظرها
وبدو العاملت يرتبون الكشاف وقفل الضوء نفس ماهم الجده جالسه على الكنبه وام ماهر وام نواف ومرام واقفين والبنات كذلك الا هنوف وهيفاء اللي كانو يمهدون لشهد عشان تطلع وبدت صوت الموسيقى والغطاريف ترتفع وبدت الزفه وطلعت شهد وكان الكشاف عليها وامها قدامها تاشر لها تنزل وبدت شهد تنزل والعامله تساعدها بالفستان من قدام وبدت تنزل خطوه خطوه وهي ميته توتر وهنوف قدام شهد تصورها لريم اللي كاتمه بكيتها عشان نظرات ماريا الحاده : هدا زفه كم ايش هدا !!!
ريم : ماريا اص وهي تتامل شهد ونزلت شهد بعد ما انتهى الدرج
عند ترف لبست الوشاح الابيض وخالد ومروان يودعونها وابتسم نواف وهو يمسك يدها ويساعدها تركب للسياره ودخل لها الفستان وخالد معه يساعده ومسك خالد نواف : شفت عيونها ذي لو سمعت انك منزل دمعه منها وربي لفقع لك عيونك نواف بضحك : يمه وشذا التهديد المفجع خرعتني
خالد ضحك : يا سامج اركب بس وابتسم نواف : تراها بنت عمي والحين زوجتي وقبلها كانت حبيبتي يعني الحين هي مو بس زوجتي الا انها قلبي
خالد شد على كتفه : الله يوفقكم
نواف : امين وركب السياره
مروان ركب سيارته بيزفهم وروان حضنة ترف وهي تبكي وكانت لابسه عبايتها ونقابها : خلاص تزوجتي كذا بتروحين مع ذا الاهبل !!!
نواف بصدمه : مين الاهبل !!!
ترف ضحكت : خلاص هدي بجيكم ترا
نواف بخبث : بخطفها معد بجيبها لكم انسي تشوفينها
روان : قولي له يسكت لا احرق السياره واحرقه
ضحكت ترف : نووواف !!!
ضحك وسحب خالد روان اللي حضنته وهي تبكي : اوف اوف ماتوقعتك ام دميعه روان : اسكتتتت
خالد ضحك : خلاص هدي بروح ازفهم مع مروان
ام خالد مسكت روان تهديها وركب خالد بسيارة مروان ولحقو نواف اللي مشى
.
طلعت شهد للمنصه واتجهت لجدتها اللي قامت بتسلم عليها بس شهد جلستها وانتهت الزفه حقت شهد وبدت المطربه تغني من عندها وهمست شهد لهيفاء: خليها تغني حقت يا بنات عمها لفو عليها
هيفاء: ابشري وراحت لها وقالت بعد ماتخلص الاغنيه
عند روان اللي راحت تعدل مكياجها وامها دخلت للقاعه وراحت لشهد تسلم عليها وعلى دخول روان غنت يابنات عمها لفو عليها ومشت روان على الجسر وهي ترقص بطرب ناسيه انها قبل خمس دقايق كانت تصيح شهد ابتسمت على حماس روان وهي تراقصها
المطربه : عاشششتتتت روان عاشتتتتت
روان ضحكت وهي تطلع للمنصه وتمسك يد شهد وتراقصها وشهد تحمست والبنات يصارخون بحماس وتشجيع
اتصل راكان براما وردت وهي تحاول تسمعه وتكلم : متى بتخلص الزفه ؟
راما بضحك : ماظنتي تخلص زوجتك جالسه تتنكس ضحك راكان : ادعسسس خلوها لحد يقولها شي
راما : ابشر ابشر وقفلت
ام نواف قالت للعاملات يفتحون صالات العشاء وهي تحيههم وبعدها شغلت الدي جيه سامري على طلب روان اللي تبي تفضي اللي براسها والقاعه فضت مابقى الا هم وقامت شهد تتنكس معها وهي بخاطرها من اول ما غنت المطربه انها ترقص على راحتها هنوف : عااششششوووو شهوددهه
شهد تبتسم لها وتتمايل بحماس وروان اللي حمست الكل يرقص وكانت تصارخ بحماس إلى ان كسرهم راكان بالاتصالات صارت الساعه ٣ ونص وباقي ما مشى وبعدها قفلو الدي جيه ومشت شهد والبنات يساعدونها بالفستان ومها تجهز لها اغراضها ولبسوها العبايه وصالح دخل اخذ شنطتها وحطها بسيارة راكان اللي نزل يساعد شهد بفستانها وصالح مسكها من يدها وهو يساعدها وركبت شهد بعد ما ودعت امها اللي تبكي على مفارقة ابنتها وراما تمد لراكان باقي اغراض شهد ودخلها بالسياره وصالح يدخل فستان شهد وبعدها حضنها وهو يهمس بغصه : استودعتك الله يا فلذه قلبي يا جوهرتي النادره يا كل ما املك
شهد دمعت وهي تبادله : في امان الله يا يبه
صالح ابتعد عنها بسرعه قبل لا ينهار وقفل الباب ومسح دموعه بطرف شماغه حب راسه راكان : يا جعله بعمري يا عم
صالح ناظره بعيونه لامعه : اصحك تزعلها ولا تخليها تنام ودموعها بعينها والله لاخذها ومعد تشوفها !
راما مسحت دموعها بتاثر من عمها ابتسم راكان : ابشر على ذا الخشم وبعدها ركب السياره ومشى ودخل مها اللي تبي تجهز اغراضها وكفايه الغصه اللي ذبحتها راما قربت منه عمها بحنان : يا عم لا تزعل لاني مثل بنتك يعني اي شي تحتاج بس قلي وامر اسويه لك من عيوني
صالح ابتسم والدموع بعينه : ياروحي انا وحضنته راما وهي تمسح على ظهره بحنان
صالح : يلاه وانا ابوك ادخلي لا يطلع احد بالغلط
راما : ابشر يا قلبي ودخلت مسح صالح دموعه وهو يتنهد مايقدر يقول شي هذي سنة الحياه
نواف وقف عند الفندق ونزل وهو يتجهه لترف ويساعدها تنزل وفسخ بشته وهو يلبسها وخالد ومروان يلوحون لهم ومشى للقصر
ودخلو للفندق واتجهو للجناح ومسح نواف الكرت وفتح الباب ودخلو ودخلت ترف اول وبعده وهو خلفها وقفل الباب
____________________________
قراءه ممتعه ✨
ذا اطول بارت 13923 كلمه
اتمنى اشوف دعم عليه ❤️
اعطوني رايكم بالبارت لأني اقرأ التعليقات ❤️❤️❤️