"بسم الله الرحمن الرحيم "
•
•
•
•
دخل ابو نواف لبيت الجده منيره وهو يصفق بالباب بقوه وناظر ولقى ريما جالسه على جوالها ناظرته باستغراب : عسى ما شر ليه داخل كذا ؟؟
ابو نواف قرب منها بغضب حاقد : كيف تتجرأين وترشين على نواف بالريد هاااااه
ريما كانت مصدومه من غضبه وفزت واقفه : اكيد قالك اني مو قاصده ولا شكلك فقدت السمع يا ابو نواف
ابو نواف بغضب مسك يدها بقوه وهو يهزها : قسم بالله لو اشوف منك تصرف ما يعجبني لربيك من جديد
ريما نفضت يدها من بين يده وناظرته بغضب ناري : ما عاش من يربيني بعد تربية ابوي وامي والزم حدودك لعرف كيف اخليك تلزمها مو يعني انك اخوي الكبير يعني بسكت لك لو بتتكلم بذي الطريقه الوقحه ما تلوم الا نفسك
ابو نواف وسع عيونه بصدمه وهو بدا يتصاعد عنده الغضب وبصراخ : يا قليلة الادب احترمي اللي اكبر منك ولا ذي تربية امك منيره معليك شره بس قسم بالله لو ما تعقبين لقص لسانك
نواف مسك راسه وهو يشوف ريما ونظراتها الناريه لابو نواف و وقف بينهم وهو حاط يدينه على كتف ريما يبي يهديها : عميمه تكفين خلاص اقصري الشر وروحي لغرفتك
ريما بصراخ غاضب وهي رافعه سبابتها بتهديد : امييييي تخسي وتعقب تطريها على لسانك الوسخ جايني بشرك تبي تربيني لا تخليني انا اطلعك من هنا متربي لانك إلى الان ما عرفت وجهه ريما الثاني تربيك وتربي عشره من اشكالك
ابو نواف بغضب وهو يحاول يدف بنواف يبي يضربها : تخسين يا حيواننهههه القلب مليان منك ومن لسانك الطويل عساه للقص
ريما ثابته بمكانها وهي تناظره بكل ثقه : مد وشوف وش بسوي قسم بالله لخليك ترجع مع ولدك ويدك مكسوره
نواف بخوف من غضب والده ومن لسان ريما اللي مو راضيه تسكت : تكفى يبه هديييي جدي الحين يجي
ابو نواف بغضب وهو يدف نواف ويرفع يده بيعطيها كف
الجد سعود بحده : نااااااصررررر !!!!
ابو نواف لف بذعر من صوت والده وهو ينزل يده ببطء وريما اللي عاقده حواجبها بغضب وناظرت لابوها اللي قرب منهم وهو يحط عصاته على صدره ويدفه بقوه : يا قليل الاصل داخل بيتي تتهجم على اختك !!!!
ابو نواف : بنتك ما تحشم احد يا يبه لسانها يباله قص
ريما : والله يدك اللي يبالها قص ولا انا ما اغلط على احد ما غلط علي
الجد سعود بحده وغضب : اعقبو اثنينكم !! وانت كيف تتجرأ وتدخل بيتي تتهجم على بنتي ؟؟
ابو نواف : قلت لك يبه بنتك لسانها طويل بغت تعمي ولدي بالريد حق الحشرات
الجد سعود : ريما اللي يقوله صدق !!!
ريما وهي ترمق ابو نواف بحده : لا نواف وخالد كالعاده كانو يتمزاحون وجو وفجعوني وبالغلط بخيت على نواف واعتذرت منه وهو قبل واذا مو مصدق اسال نواف بس ابوه براسه شر وجاء يحطه فيني
نواف بهدوء: ريما معها حق
ابو نواف وهو يرمق بنواف بغضب : ايه صف معها يا قليل التربيه
نواف تنهد والجد سعود ناظر بحده لابو نواف : اعتذر منها الحين وحب راس اختك ؛ ريما ابتسمت بنصر وناظرت لابو نواف
ابو نواف بغضب مكتوم : يبه !!! مستحيل اعتذر انا اكبر منها المفروض هي تحب راسي وتحمد ربها اذا رضيت عنها
الجد سعود : قسم بالله يا ناصر لو ما تعتذر لاختك وتحب راسها لتندم ندمة حياتك ولا اعترف بك فاهم لاني انا ما ربيت رياجيل عشان يمدون يدينهم على خواتهم
ماجد دخل وهو مستغرب من تجمعهم وانصدم بكلام ابوه وناظر لوقفة ريما وعرف ان وراها مشكله واقترب من نواف وهو يراقب الوضع
ابو نواف عض على لسانه بغبنه ومشى لريما وهو يحب راسها : انا اسف
الجد سعود : زين سويت والحين روح لبيتك
ابو نواف مشى لبيته وهو واصله معه والضغط والسكر مرتفع عنده من اللي صار
الجد سعود جلس وهو يناظر بريما : ضربك هو !!
ريما جلست : لا بس بغى يخلع يدي
ماجد جلس جنب نواف : وش اللي صار
نواف : قول وش ما صار ياني طحت بين نارين ابوي وريما تهاوشو
ماجد بصدمه : وشهو !! ريما قولي كل شي
ريما عدلت جلستها وهي تحكي لماجد اللي زفر بغضب : ناصر ذا زودها كل شوي جايب سيرة امي على لسانه
الجد سعود : لو سمعته كان تصرفة معه تصرف ثاني
ريما ابتسمت بثقه : معليكم اعطيته اللي يستحقه
الجد سعود بحده : تعترفين ان لسانك طويل !!
نواف كتم ضحكته وماجد تنهد وريما نحنحت : طويل على اللي يغلط علي لانه بيشوف شي ما عمره شافه
الجد سعود : اقول وين القهوه ؟
ريما : الحين اجيبها وراحت للمطبخ ماجد ناظر لنواف : وانت وش مجلسك هنا ليه ما تروح لبيتكم تلقى الحين ابوك بينفجر من الضغط
نواف : شايفني مجنون اروح له وهو معصب عشان يفكها على عز الله تشوفوني مجبر بالجبس من التكسير
ماجد ضحك : الله يقلع بليسك عاد تستاهل انت راس السوسه اللي سببت المشكله
نواف : شدخلني مادريت ان ابوي من حبه لي قرر يتمشكل
ريما حطت القهوه وهي تجلس وتصب لابوها : تقهوى يا سندي جعل ما يشرب غيرك
الجد سعود تفل القهوه : ليه القهوه كذا ثقيله !!
ريما : لا والله انها زينه يا يبه سويت نفس قهوة طيف
الجد سعود بحسره : عز الله ما جات ربع قهوة طيف بنيتي الباره
ريما شهقت بانفعال : يبهههه تقصد انا عاقه !!!
الجد سعود وهو يشد اذنها وهي تتألم: شكلك عارفه نفسك بدون ما اقول ولا يا ام لسان
ريما بألم: يا يبه يعوررررر
ماجد ونواف كل واحد يضرب الثاني بضحك الجد سعود ابعد يده عنها وريما ناظرت بنواف وماجد وبحقد : جعلكم تذوقون اللي ذقته
نواف بخفة دم : كيف الطعم حالي ولا مالح
ماجد بضحك بقوه : تكفففففىىىىى خلااص مقدرررر
ريما عضت شفايفها بقهر : جعلكم للعافيه ان شاء الله
نواف وماجد : اااااميننننن
الجد تنهد من عباطتهم ومشى لبيت الشعر يسمع بالراديو الخاص فيه ونواف وريما وماجد كملو سواليف ومزح وطقطقه مع بعض
.
.
• بعد اسبوعين زواج يارا وخالد •
الكل كان بالقاعه والرجال كانو يستقبلون الضيوف ونواف وقف جنب خالد وهو يتصور وبابتسامة خبيثه : عقبالي يارب على اختك
خالد رفع حاجبه : تخسي يا ورع !!
نواف ضحك : صدق عاد منزينك انت واختك الدفشه
خالد همس له : لا تخليني اقولها نمقلبك مره ثانيه
نواف عدل شماغه : مافي مره ثانيه لاني جاء دوري اردها لكم وغمز له ومشى تارك وراه خالد المغتاظ منه ومايقدر يصفقه لانه بعرسه وقدامه الضيوف
عند الحريم •
ريما وهي تصفر باعجاب : يا بنت تهبلين وشذا الجمال الخارق !!
يارا بخجل : منجد ؟؟
ريما بصدمه : وتسالين بعد تبيني اهفك ابدا مافي شك ناظري نفسك قسم بالله طالعه ملاك لازم اصورك وارسلك لطيوفه
يارا بابتسامة : ااايه بالله احس مقهوره لانها ما حضرت
ريما : معليش التعليم اهم شي ويلاه ابتسمي عشان اصورك وابتسمت يارا وهي تاخذ وضعيه حلوه وصورتها ريما بحماس وارسلتها لطيف اللي بغت تنهار من الفرحه داهمت ريم الغرفه: بناااااااتتتتتت امي وخالتي ساره يقولون انزلو عشان نرقص بسرعه
شهد : يلاه يلاه ونزلو الكل وكل وحده جمالها يخطف الانفاس وجلسو على طاوله كبيره جاتهم مرام وهي تبتسم ابتسامة متكبره وتناظر لريم : ريم الله يهديك ذي كوشة بالله !! احسها مو ذاك الزود
ريم تنهدت وهي ماتبي تخرب مزاجها وفرحتها باختها : بالعكس تهبلللل وكل من شافها مدحها بس واضح الناس اذواق
مرام : لو قلتو لي كان امداني ساعدتكم
ريما بضحك وشماته : مراموه شوفي وراك منو فيه ؛ ناظرت مرام ولقت بناتها يتهاوشون على العطر اختنق وجهها بغبنه ومشت لهم واعتلى صوت البنات من الضحك
شهد : يارربيييي تضحك مشيتها
روان : مشية فضة قلبها ابيض
ريما : وين البياض عن مرام الا وانتي الصادقه قلبها اسود
ترف : تصدقون ان هيفاء احسها اطيب من هنوف
شهد : يععععع كلهم على بعض شينات
ريم : منجد هيفاء على انها الكبيره الا انها كنها اصغر من هنوف تمشي ورا كلامها وماعندها رأيي شخصيتها ضعيففففه
ترف : ايه منجد ذا اللي انتبهت له
روان : اقول اتركونا منهم سديتو نفسي خلونا نقوم نرقص
ريما فزت بحماس : يلاه تمممم ؛ وقامت ومعها روان وريم وترف ولين وراما
شهد وهي تشوف نوف ورهف جايات مع بعض وبطونهم منتفخه ناظرتهم بضحك : ياربيييي اشكالكم تضحك كنكم الدببه الثلاثه بس انتي وياها ثنتين رهف ويه تجلس : وانتي الثالثه ان شاء الله
نوف تجلس : ياررررببب
شهد وهي تهف شعرها : حبايبي انا مطوله بعيش قصة حب يرويها التاريخ
نوف بخبث : شوفيك عشتيها وحتى وصلتي للبوسات
رهف شهقت بصدمه : منجدددد !!!!
شهد بإحراج وهي تناظر بنوف بغضب : نوف يا بزر اسكتي
نوف بضحك : ليه العصبيه وانا ما قلت الا الصدق
رهف بابتسامة : الله يهنيك يا قلبي
شهد بابتسامة : امين
نوف فزت وهي ترحب بتولين اللي جايه ولابسه فستان محلي رسمة جسمها اقبلت تسلم وهي تبتسم : يا هلا فيك يا قلبي كيف النونو
نوف بابتسامة : يسلم عليك
تولين بابتسامة واسعه : يا قلب عمته استعجل عشان تجي وانت بخير
نوف ضحكت : ان شاء الله واتجهت تولين لرهف سلمت عليها وسلمت على شهد اللي بدت تسولف معها وجو البنات بعد ما خلصو رقص وكل وحده عطشانه واللي تشرب مويه واللي تشوب عصير واعتلت اصوات سواليفهم والطقاقه تطق والمنصه أمتلأت بالحريم وصعدت ريم ليارا وهي كانت تكلم ماهر قالها انهم بيدخلون مع خالد يتصورون ويطلعون وقفلت وهي تتجه لاختها ودخلت وهي تلقاها سرحانه تفكر : يا عروسه بشنو تفكرين
يارا وهي تزفر : طفشت لحالي
ريم بابتسامة: يلاه هانت ماهر جاي ومعه ابوي وخالد
يارا بلعت ريقها بتوتر : صدق !!
ريم ضحكت : ااايه ؛ وجاهم صوت والدتهم اللي تقول لريم تنزل للبنات لان ماهر وخالد جايين وفعلا راحت ودخل ابو ماهر وهو يسلم على بنته وماهر تقدم باس راسها بابتسامة : طالعه احلى من الاميرات
يارا بخجل : شكرا
خالد كان يتاملها بحب وبمشاعر جياشه وهو مو مصدق ان ذا الجمال كله له
ماهر كتم ضحكته وسحب خالد و وقف جنبها وهو يبتسم بفرحه
ابو ماهر بهدوء: هالله هالله يا خالد بيارا تراها غاليه علي
خالد : بحطها بعيوني
ابو ماهر بعد ما سلم مره ثانيه على يارا طلع لقسم الرجال وطلعت ام ماهر بعد ما سلم عليها خالد وما بقى الا ماهر معهم قرب من خالد وهو يخبط كتفه وبنبره ثقيله وتحذير : انتبه لها وياويلك لو تزعلها
خالد : قلت لعمي وبزيد اقولك بحطها بعيوني
ماهر رفع حاجبه : خلني اشوفها تجيني زعلانه او ضايق صدرها منك والله ما يفكونك من بين يديني
خالد ابتسم وهو يهمس : ياولد والله ما يمسها ضيق وانا فيه والحين تكفى روح
ماهر ضيق عيونه : بالهون على اختي فاهم
خالد زفر : فاهم فاهم
يارا كتمت ضحكتها من استهبال ماهر اللي عارفته يبي يطفش خالد وسلم عليها ومشى وقفل الباب وراه ولف خالد ليارا وهو يبتسم بفرحه وسعادة : اموت على جمالك اللي مجنني
يارا بخجل : بعيد الشر عنك يا قلبي
خالد حضنها وهو يشد عليها ويدفن وجهه بعنقها ويهمس : والله لخليك اسعد انسانه يارا استحت وهي تبعده : لا تخرب فستاني
خالد بارتباك ويعدل مشلحه : اايه خلاص خلاص
يارا جلست ومسكت يده تبتسم على توتره
.
.
.
راما جاها اتصال باسم راكان وردت وهي تهمس عشان صوت الطقاقه :هلااا
راكان : اسمعي ابيك تجيبين شهد عند الباب الخارجي بشوفها
راما بصدمه : هااااه
راكان بحده : ادري عنك انتي ونوف انكم تعرفون بعلاقتي بها
راما توترت : خلاص الحين اجيبها
راكان : لا تقولين لها اني ابيها بسويها لها مفاجاة
راما ابتسمت : ابشر وقفلت وهي تسحب شهد اللي تعرقلت اكثر من مره بسبب سحب راما لها
شهد : يا بنتتتتت شفيك انتي !!
راما : عمييي يبيك ضروري
شهد باستغراب : وشهو !غريبه ما دق علي
راما :مسويها لك مفاجاة وقربو من المخرج الخاص باهل العريس وراما شهقت بتمثيل : نسيتتتت ريم كانت تبيني بحاجه بروح لها واجيك
شهد : طيب استناك وراحت راما وما بقى الا شهد اللي تمشي رايحه جايه بمكانها وفجاة حست بيد قويه سحبتها وغطت فمها صارت تقاوم وتصرخ صرخات مكتومه وسحبها خلف الباب و وقف قدامها وهو يحاصرها على الجدر وبعشق :
مايشبهك في طلتك غير القمر
ومن البشر في ذمتي مالك شبيه
شهد استحت وضربت كتفه بخفه : راكاااننن فجعتنيييي
راكان : يا جعلها فيني ولا فيك يا بعد عمري انتي
شهد ابتسمت بخجل : بعيد الشر على قلبك
راكان ابتسم وتأمل جمالها الفاتن ونزل بنظره لفستانها وحطت يدها بسرعه على صدرها الشبهه عاري بسبب فتحة الفستان رفع حاجبه بحده : حلال على اللي بالداخل وحرام علي !!
شهد بابتسامة لعوبه : افهم منك انك غيران حتى من الحريم !!
راكان بغيرة واضحه : ااايه حطي منديل ولا تخلين احد يشوف شي لي فاهمه !!
شهد : منجدك انت اخرب كذا تصميم الفستان
راكان : خليه يخرب ما يهمني كثر العيون اللي تشوف شي المفروض ما يشوفونه
شهد ضحكت وهي تحضنه : يلبى حبيبي الغيران
راكان ابتسم وهو يبادلها الحضن وباس راسها وكان ذا كله تحت نظر اخبث شخص اللي كانت تشاهد هذا المنظر قدامها وابتسمت بشر ومشت وهي تفكر بمكيده تنتقم فيها من شـهـد
.
أنت تقرأ
احتريتك من بين كل البشر وسميتك عشقي وفرحة سنيني
Actionالكاتبه شهد✍🏻 اول روايه لي وان شاء الله تنال اعجابكم 🤍 • اختصار للروايه ؛تتكلم عن حياة الجد سعود وعياله واحفاده ويومياتهم والاحداث والمغامرات اللي تصير معهم •• "" لا استبيح النقل او الاقتباس ""
