احتريتك من بين كل البشر وسميتك عشقي وفرحة سنيني

45

" بسم الله الرحمن الرحيم "
•
•
‏في ذّرى قلبْي لك مَوطن وديّره .
دخل راكان لغرفة اخوه نواف اللي جالس وكانه شارد الذهن ..
راكان : وش اللي صار وش بينك وبين خالد مو كنتو مثل السمنه على العسل ؟
نواف بغضب من طاري خالد : بوريه العسل وش يسوي والله ليندم انه تحداني
راكان بجديه : من متى تحب ترف ؟
نواف : من فتره طويله ويوم رفضتني حشرتها بالحوش بفهم سبب رفضها وفجاة القى خالد يتفرج فينا
راكان بابتسامة : منت بهين اجل حاشر اخته وما تبيه يزعل !
نواف : اخته بنت عمي وما كان بنيتي اسوي شي
راكان تنهد : مراح اقول انك منت غلطان بس بعد تفهم وضع خالد تخيل لو مروان حاشر راما بنفس وضعيتك !
نواف بغضب: راكان ! لا تجننننييي
راكان : شف اللي ماترضاه لنفسك لا ترضاه لغيرك
نواف : بالله لا تنصحني وانت اكثر واحد يحتاج النصيحه !
راكان : والله على حظك الاقشر بكون انا بوضع الناصح
نواف : امحق ناصح وقام ياخذ منشفته : بتروش روح توكل لخطيبتك ضحك راكان ومشى باتجاه غرفته ودخل نواف للحمام يتروش ويطفي نار قلبه اللي جالسه تحترق من الغيره والغضب خالد استخدم كل نقطه ضعف له حس فعلا بالانكسار اللي قال عنه بس يخسى يترك ترف ويخلي غيره ياخذها ..
طلع من الحمام وهو لابس ملابس مريحه وهو يجفف شعره تفاجئ بروية ترف : ترف !
ترف : نواف سمعت باللي صار اكيد انا مابي مازن !!!
نواف اظلمت عيونه بغضب لنطقاها لاسمه : لا تنطقين اسمه لا اسمعك تقولينه
ترف تنهدت : مو منجدك انا افكر بشي وانت تفكر بشي ثاني
نواف : اجل اما بكلمك الحين انتي تفكرين بشكل سطحي اما انا افكر بشكل عميق
ترف : انا مو كلمتك وقلت لك اسبوع وتجي تخطبني
نواف : هذه قبل الاحداث اللي صارت توفت زوجة ريان واخوي تعب ما فضيت احك راسي وكنت مع راكان اوديه مواعيده بس انتي ما قدرتي وضعي
ترف : غلطانن مقدره وضعك بس اللي صار اليوم خلاني اتزلزل مابي اتزوجه !
نواف سحبها له : شايفتني غبي عشان اخليك تتزوجينه على جثتي تصيرين لغيري !
ترف ابتسمت بصدق وحماس: والله انك كفو كنت ادري عنك وحضنته انصدم لاول مره هي تبادر وتحضنه !
نواف بادلها : تحبيني ؟
ترف وخرت عنه وهي متوتره : وش تتوقع انت ؟
نواف يمثل الحزن وهو يجلس على السرير : احسك ما تحبيني بس تستغليني
ترف جلست جنبه : لا والله بالعكس احبك بذات بعد ما تحديت خالد عشاني لاول مره احد يسوي شي قوي بس عشاني !
نواف : وانا اموت فيك وقرب منها بس فزت بسرعه : هي هي مايجوز احترم الفواصل اللي بيننا لصرت على ذمتك اخذ راحتك بس الحين تذكر مابيننا لا عقد ولا هم يحزنون
نواف : باذن الله بيصير بيننا مو بس عقد الا عشق ماله حدود
ابتسمت ترف : شد حيلك واسرعت تطلع قبل لا يفترسها بنظراته ابتسم بخفه وهو يتعطر ويصفر بروقان ترف الوحيده اللي قادره تغير مزاجه بثواني
"بيت خالد"
يارا بزعل : مو منجدك يا خالد ناشب لهم نشبه خل الادمي يجي ويخطب بنت عمه اولى من الغريب
خالد : يخسي ارضى عنه نواف
يارا : تراك كنت بمحله بيوم من الايام وتدري لو درا ماهر وش بيسوي مراح بس يكسر لك خشمك الا بتروح فيها
خالد : يارا !!!
يارا : والله عاد زي ما قلت لك وتذكر تراه نواف صديقك واخوك وولد عمك اللي من كنتو صغار لين الحين وانتم ما تتفارقون وكنتو مع بعض بالحلوه والمره !
خالد : كنا فعل ماضييي وقام للغرفه تارك يارا تتنهد
.
عند شهد اللي مجهزه مفرحاتها البسيطه ومشغله فلم رعب من فتره نازل وتبي تتفرجه ولا قدرت ولكن قررت الان بان تتفرجه وتواجهه مخاوفها وهي اللي قايله لابوها انها بتنام اول ما خلصت من لبس بجامتها المريحه وهي تفكر تفتح البلكونه عشان ماتبي مكيف الاجواء بارده وجلست على السرير وهي تشغل الفلم وتفتح كيس الشبس وتشرب بالعصير ومندمجه بمشاهدة الفلم وتاكل بالشبس
راكان نفذ رماد الدخان وهو يلاحظ باب البلكونه حق شهد مفتوح وهي مو موجود استغرب حيل ورمى الدخان وابتسم وهو يقفز بكل خفه ولياقه وتقدم بخفه يبحث بعينه عنها وخر الستاره اللي على الباب وهو يشوفها تتفرج ورافعه الصوت وتاكل شبس وهي متجمده من الخوف ابتسم لروية ملامحها المرعوبه ومشى بخفه على اطراف اصابع رجوله وهو يقرب منها ويهف على شعرها
صرخت بخوف وهي تقفز من السرير : ييييمممهههههه
راكان اسرع يسكتها قبل لا يجي عمه : هششش هذه اناا هدييي
شهد مكت قلبها بتعب : حسبي الله على بليسك كيف دخلت لغرفتي !!!
راكان : لانك بكل غباء فاتحه البلكونه
شهد زفرت من اثر الفجعه وجلست : اعوذ بالله من الشيطان الرجيم بغيت تطير عقلي من الخوف !!!
راكان ضحك وهو يجلس جنبها : سلامة عقلك وش تاكلين واخذ كيس الشبس ياكل شهد بتكشيره : منت فالح غير بالطفحه من تعبت وانت منسدح وتبلع شف جسمك صغر مكرش
انصدم راكان وناظر لنفسه : وين مكرش كل ذي العضلات واخر شي كرشه !!!!
شهد : والله وانا صادقه
راكان : ماني براد عليك انتي بتجين لين عندي عشان تتحسسينها
شهد : الله على ثقتك وخر بس وهي تسحب من تحته البطانيه وتتلحف وتتفرج الفلم راكان : انا بروح بس الله يعينك على اللي تحت سريرك
شهد باستغراب : وشهو تحت سريري !!
راكان بتمثيل : مدري احس بحركات من اول تحت انا عاد ماشي مع السلامه وقام وهو ينفض تيشيرته شهد ناظرته بخوف وقلق : لا تروح
راكان : مقدر بروح انام
شهد مسكت يده بخوف : لااا تكفى اجلس معي
راكان كتم ضحكته : هو يقولي روح
شهد بارتعاش : مين !!!
راكان : اللي تحت السرير
شهد نطت بخوف وهي تحضنه : والله ماتروح وتتركني
راكان ضحك بقوه مقدر يمسك ضحكته اكثر من كذا : طيب يا نشبة حياتي وخرت شهد عنه عشان يجلس معها على السرير وتكى على المخده وسحبها له وهو يهمس : لو بعدتي عني بيجيك هو قال كذا
شهد قربت منه وهي تلتفت عليه وتناظره بعيون ضيقه : تراني كاشفتك انك تكذب هذا اول ثاني انت اللي ناشب وتبيني لا تحاول تنكر
راكان ابتسم بتلاعب : وليه انكر ! تدرين وش بخاطري الحين
شهد : وش !
راكان بابتسامة: مثل البوسة اللي اعطيتك اياها بالمطبخ حق بيتكم
شهد : وانت يبالك كف مثل ذيك وشهقت وهي تقفز من مكانه بصدمه : تتذكر !!!
راكان ابتسم : اممم من حوالي شهر
شهد بصدمه اخذت المخده وهي تخنقه فيها : ياكلب ليه ما قلتتتت لييي
راكان بقهقه وهو يسحب المخده وكانت هي تعتليه وهو يبتسم لتقارب وجهها له : قلت لك الحين ليه الانفعال همم
شهد : غبي وجات بتقوم من فوقه بس قاطعها بسحبه له : وين بتروحين من بين يديني !
شهد بتوتر : مو وقتك عاد وخر
راكان : احلمي
شهد : راكان اخاف ابوي يداهمنا فجاة
راكان : ويعني تراك زوجتي
شهد رفعت حاجبها : صح النوم كنت ما تبيني
راكان : ذيك فتره وعدت لاني تعبان الحين ارضي عني يا نظر عيني
شهد ابتسمت : اممم افكر
راكان : بتطولين صح ؟
شهد : طبعًا
راكان : اجل القمي وهو يعتليها ويدغدغها وهي تضحك بقوه وهو يضحك على ضحكها : هاه بتطولين !!!
شهد بضحك : لاااااااا
راكان ابتسم لرويته لغمازاتها وباسها بقوه على خدها : اموت فيها
شهد ابتسمت بخجل : وخر لا تاكلها
راكان : عز الله باكلها وعض خدها وشهد فاطسه ضحك وحست بالالم : ااااه وخررر وجعتني وشذاااا
راكان بعد عنها وهو يبتسم : قلت لك ههههه
شهد ابتسمت وهي تمسح على لحيته : اشتقت لك
راكان ابتسم لها بحب : وانا بعد عز الله اني ولهت عليك كثير وحضنها بادلته بقلب مليئ بالفراشات وبعدها قررو يكملون الفلم ومرت ليلتهم بكل سعاده
.
معاذ دخل وهو ماسك يد ريما وبفرحه : يمممه يالجازييي تعالووو
فزت الجازي ومعها امها اللي نطقت بقلق : وشفيك عسى ما شر !!
معاذ بفرحه : بصيييرررر باباااااااا
ام معاذ بفرحه : الفففففف مبررروك ياعيني وحضنها وهي تهنيه بكل حب وحنيه والجازي اللي حضنت ريما بفرحه : الففف مبروك ياروحي وتقومين بالسلامه ان شاء الله
ريما بابتسامه : امين يا قلبي واتجهت تسلم على عمتها اللي باركت لها بكل حب
ريما بحماس : اجل ابيك توصلني لعند امي بفرحها
معاذ: ابشري يا ام عناد ضحكت ريما والجازي وام معاذ علي فرحته واسرعت ريما تصعد لغرفتها تغير ملابسها وتتجهز لذهابها لمنزل عائلتها
وهي متحمسه تشوف رد فعلهم على الخبر
.
ماهر اللي عرف باللي صار بين خالد ونواف والان هو جالس ببيت خالد واخته: خالد وش قايل انا !!!
خالد : وش قلت !
ماهر مسح وجهه بصبر : ما قلت ان نواف بيصلح غلطته وبيجي يخطبها !
خالد : انا مابيه ياخذها بحرق له قلبه وبكسره زي ما كسرني !
ماهر بغضب : والله انك تستاهل كسرة الخشم عز الله سلمت يد نواف انت شكلك مخبط ولا ناسي العشره اللي بينك وبينه !!! اكثر اثنين محد قدر يفرق بينكم والحين تتفرقون عشان موضوع حله سهل !!
خالد بغضب: والله هي اختي وبكيفي اجل الموضوع زي ما احب انا
ماهر بحده : اجل اسمع لو شفت الزعل بين يارا انسى انك تشوفها وقتها بكسرك نفس الكسر اللي تبي تكسر فيه نواف عشان تحس بنفس شعوره
خالد بغضب: انت قايم معه ضدي !!!
ماهر : اااايه قايم لانك تحاول تزوج اختك اللي يحبها لواحد ماندري وش قلعته !
خالد بغضب : انا اعرف ماني محتاج معرفتكم له مازن صديقي والنعم فيه
ماهر : الله يعوض اخواتك على سند مايل مثلك وفز يقوم خالد مسح وجهه بغضب يارا اللي جايبه القهوه : على وين يا ماهر القهوه ما شربتها !!
ماهر : مشروبه يا عيني اخوك وحب راسها وطلع اتجهت يارا لخالد وهي تحط القهوه على الطاوله وتجلس جنبه وتمسح على ظهره : وشفيك !
خالد بهدوء: مافيني شي وحضنها وبادلته وهي متضايقه على اللي يصير
..
وقف معاذ امام منزل عائلة ريما ونزلت ريما بحماس وابتسم معاذ على حماسها : يا حلوه انتبهي لنفسك
ريما : من عيوني
معاذ : اهخ فديتها ضحكت ريما ودخلت ومشى معاذ
ريما فتحت باب البيت وهي تعرف انه مايتقفل وكانت تشوف ماجد ورهف والجد سعود والجده منيره وطيف واللي بحضنها سعود وابتسمت وهي تقترب : انا جيييييتتتت
ماجد : يييااااهلااااا
الجده منيره : يا مرحبا نوررتييي ياعين امك
ضحكت ريما من الترحيب الحار واتجهت تسلم على ابوها وبعده امها وماجد ورهف وطيوف وجلست بعد ما خلعت عبايتها وهي تسولف وتتقهوى معهم
ماجد : بالله كيف الطقم
ابتسمت ريما : تهبللللل عندي لكم خبر ناري
الجده منيره : الله يستر منه
ريما ضحكت : انا حامللللللل
طيف صارخت بحماس : ااااامممااامننههه
وحضنتها بفرحه وماجد اسرع يحضنهم حضن جماعي : بس بس دوريييي
ضحكت ريما : بشويششش
الجده منيره وهي تضرب ماجد بخفه بعصاتها : وخررر عورتها
ماجد ضحك : مافيها الا العافيه
ريما : بيجيكم بيبي يغطي على سوسو
الجد سعود : كم قايل لا تدلعينه كذا
ريما بضحك : والله لايق يبه
الجد سعود : الحين ربك رحمك باللي ببطنك ولا عرفت اوريك الايق
الكل ضحك ولفت ريما على امها لقتها تبكي : لا لا ليه البكاء !!
الجده منيره : الحمدالله جاء اليوم اللي اشوف فيه عيالك
ريما حضنتها : ياروحي انا باذن الله بتشوفينهم وتزفينهم
طيف مدت لامها منديل ومسحت دمعتها ومسكت الجده منيره اذن ريما : اااه اذنييي
الجده منيره : لا تشوفك عيني تنطنطين
ريما : حاااضررر من عيوني بس فكيني فكتها امها وهي عابسه الوجهه
ضحك ماجد : الحمدالله بشوف ولدك او بنت عز الله ببهذلهم
ريما : تخسي تمسهم
وبدت مشاجرات ماجد وريما المعتاده
.
"بعد صلاة العشاء "
كان الجد سعود كعادته جالس وعياله جالسين ونطق ابو ماهر : يبه بكره ابيك انت واخواني تجون معي بنخطب لماهر
الجد سعود بفرحه لانه واخيرا بيفرح بحفيده الاول : هذي الساعه المباركه تم باذن الله بكره الكل جاهز بس قولي بنت من ؟!
ابو ماهر بهدوء: اخت معاذ
الجد سعود : الله يتمم له على خير عز الله هذه النسب الزين معاذ معروف رجال والنعم فيه
ابو خالد : الله يتمم له على خير يا اخوي
ابو ماهر : اللهم امين
.......
بيت الجده منيره البنات درو وبغو يتجننوننن من الفرحه
روان : يالبيه الحين يعني بيجينا بيبي ومو اي بيبي
ضحكت ريما : طبعًا بيجيكم شيخ باذن الله
ريم بحماس : اجل اسمعو عندي لكم خبر فنان
راما : وشهووو
ريم بحماس : بكره بنروح نخطب لماهر
ريما : ميييينننن !!!!
ريم بابتسامه : الجازي
ترف : الجازي ماغيرها !!!!
ريم : اايييه
ريما بابتسامة: واخيرا
روان بابتسامة : الله يعني بتكون موجوده ام تركي !!
ريما ضيقت عيونها : ليه تبينها تكون موجوده ؟
روان حكت راسها بورطه : بس اسال
ريم : اكيد وراك عله
ترف ضحكت : ودها تشوف روميو حقها
شهقت راما : تحبينه !!!!
روان بانفعال وكذب : اااصص ما احب بس يعني اسال وانتم تفهمون غلط
ريما : مصير سرك هذه يطلع
روان : خير خير
وضحكو البنات على تغير وجهه روان وصار مثل علبة الالوان ..
وجاء لترف اتصال وردت وكانت امها : تروفه تعالي ابيك
ترف : طيب واسرعت تقوم بروح امي تبيني
البنات : اوكيه
ومشت ترف بعد ما لبست الشرشف وراحت للبيت واول ما دخلت وهي تشوف امها اتجهت لها وهي تجلس قدامها : وشفيه ؟
ام خالد : اسمعي انتي تدرين عن صديق خالد اللي جاء يخطب وش رايك فيه
ترف : قلت لك وله اني ما ابيه ولو يصير مايصير ما اتزوجه
ام خالد : يابنتي الرجال غريب جاء ناصي ابوك عيب يرده
ترف بغضب : مالي دخل يمه قلت لك وصلي كلامي لابوي تراه زواج مو اجباري
خالد دخل وهو سامع اخر كلام ترف : بتاخذينه وغصب
ترف ناظرته بنظرات عتاب : قلت كلمتي !
خالد : عادي تتغير
ام خالد : خلاص قفلو على الموضوع زي ما قالت اختك الزواج مو اجباري
خالد : صديقي ماينرد !
ترف : بس ترضى ان اختك تتزوج مجبوره ؟!
خالد ناظرها ببرود بس بداخله يحترق عليها على اخته وحبيبة قلبه قلبه يقوله يرضى عنها وعقله يقوله العكس ونطق اخيرا بنبره حاده: ايه
ام خالد : وش بلاك انت محد جابرها !
خالد : يمه هذه بيصير لمصلحتها مازن رجال والنعم فيه
ترف ابتسمت بعيون ممتلئه دموع ونزلت دمعتها بحسره وصعدت غرفتها واول ما قفلت الباب وهي تنهار من الحسره اللي تحس فيها
وسببها اخوها اللي هو سندها وقت الشده ما لقت منه الا الصدود والبرود ..
تنهد خالد وصعد لفوق يبي يكلم مروان وقف امام غرفة ترف اللي صوت بكائها واضح :يارب تحنن قلبه علي والله اني احبه مايرضيني زعله وخانتها شهقتها اللي طلعت وهي محترقه
مسح على وجهه خالد وهو يعض ابهام يده بحسره قلبه مو قادر يطاوعه بس هو مقهور من نواف ضرب يده بالجدر ومشى
.
"اليوم التالي"
كان ماهر يعدل نسفة غترته وجات ريم وهي تبخره وتغطرف : يا معيريس عين الله تراه ضحك ماهر : لعد تغنين
وضحكت ريم وهي تبخره : تبخر بس تبخر
ابتسم ماهر : دعواتك
ريم : موفق عز الله الجازي ماتلقى عريس ورجال ينشد فيه الظهر مثلك
ماهر : يلاه مع السلامه وهزل مع ابوه وطلعو وهم يشوفون الجدي سعود متجهز وابو نواف وابو خالد ومشو متجهين لمنزل معاذ اللي اخبره ابو ماهر بنبره رسميه بانهم جايينه بموضوع وكان متجهز والقهوه جاهز وكل شي وريما اللي مبتسمه : ليه مرتبك !
معاذ : مدري اول مره ابو ماهر يقولي انه يبيني بموضوع مهم
بعد نص ساعه طق الباب واسرع معاذ يفتح الباب وكان قباله الجد سعود وابو ماهر وابو خالد وابو نواف وماهر ! : يا هلا ومرحبا تفضلو حياكم الله ودخلو وهم ياخذون احوال بعض وقام يصب القهوه ويسوقها عليهم كلهم وبعدها جلس
وغمز ابو ماهر لابوه اللي نطق بنبره حازمه : جاينك بطلب وانا عارف انك رجال والنعم فيك وماترد طلب ضيفك
معاذ بفزعه : ابشر يا عم باللي يسرك هات طلبك وباذن الله تم
ابتسمو الكل وبالاكثر الجد سعود اللي اعجبه رد معاذ : الله يبشرك بالجنه ياولدي جاينك طلابه نطلب اختك على سنة الله ورسوله لولدنا ماهر ولد راشد
معاذ ابتهج وجهه وهو يناظر لماهر اللي ابتسم بخفه ونطق بحزم : والله مراح نلقى رجال ينشد فيه الظهر مثل ماهر ابشر باللي مايردكم بس زي ما تعرف لازم اشور الاهل يومين باذن الله ونرد لكم يا عم
الجد سعود ابتسم : زي ماتحب ياولدي ناد لنا ريما بنسلم عليها قبل لا نمشي
معاذ : ابشر وقام وهو يتجهه للداخل ولقى ريما قدامه : تعالي عني بيسلم عليك قبل لا يروح
ريما : جايه جايه وهي تعدل فستانها الطويل وتمشي مع معاذ ودخل المجلس وكان فيه ماهر وابو ماهر وابوها وابو خالد وابو نواف جالسين واتجهت تسلم على ابوها وبعدها اخوانها واخر شي ماهر همست له : مبروك يا عريس
ابتسم لها : يبارك بعمرك
الجد سعود قام : استودعناك الله بنمشي
معاذ : لا يا عمي اجلسو العشاء عندي
الجد سعود : لا والله مانقدر ياولدي عندنا اشغال بننجزها ليلة ثانيه ان شاء الله
معاذ : زي ماتحب ومشو وقفل معاذ الباب ونطق بابتسامة : جو يخطبون الجازي
ريما : اددرريي امس قالت لي ريم
معاذ : وما قلتي لي !!!
ريما : مفاجاة وضحكت وسحبها للداخل وهو يبتسم يبي يشوف رد فعلها : يمه جو طالبين
ام معاذ : مين ؟
معاذ : عمي سعود وابو ماهر
ام معاذ : وش يطلبون ؟
معاذ بابتسامة : يطلبون الجازي لماهر
الجازي بصدمه وخجل ركضت : الفررررنننن
ضحك معاذ : اركضي اركضي
ريما ضحكت معه : مافيه شي بس حبيت تصريفتها
ام معاذ بفرحه : وش قلت
معاذ : قلت يومين ونرد لكم كلمي الجازي شوفيها خليها تستخير
ام معاذ : ان شاء الله
.
عند نواف اللي طلع وهو يدندن ويطلع بوجهه خالد وقلب عيونه وتنهد : بكل مكان القاك !
خالد : ايه بطلع لك مثل الجاثوم اخنقك
نواف ضحك بخفه : تخسي وجاء بيمشي بس قاطعه وقوف خالد امامه : بكره جايي مازن وراح تتم الخطبه وانت وقتها دور لك جدر تضرب فيه راسك وابتسم ببرود ومشى تارك نواف اللي تغيرت ملامح وجهه للغضب واسرع يسحبه ويدفعه للحائط : خالد !!! تراني مجنون وتعرفني حق المعرفه لا تخليني ارتكب جريمه بحق صاحبك الكلب
خالد : اعلى مابخيلك اركبه نواف دفعه بغضب وطلع وهو يركب سيارته ويشغلها ويدعس بنزين باقوى ماعنده صر على اسنانه خالد لانه عارف جنون نواف انه بيوديه بداهيه ولاول مره يدخل القلق لقلبه واسرع يركب سيارته ويلحقه : نواف يا مجنون وين رايح !!!
نواف ماشي باسرع ماعنده وقف عند محطه بينزل يشتري دخان يحط حرته فيه افضل مايذبح نفسه بطريقة شنيعه نزل يدخل المحل وقف خالد خلف سيارته بعد ما تنهد براحه لان قلبه كان بيروح فيه من خوفه عليه وطلع نواف بعد ما شعل له سيجاره وهو يشفط سمها بداخله وينفث الهواء ..
وقفو قدامه اربع اشخاص كانو بعمر ريان ورفع حاجبه لهم : خير !
الولد : انت صاحب ذي السياره وهو ياشر على سيارة نواف اخذ نواف جرعه من سيجارته : ايه اسلم !
الولد : توك قبل شوي شاطف سيارتي بتدفع ولا اخذنا حقنا بيدينا !!!
خالد رفع نظره للي واقفين قدام نواف وكانت اشكالهم مريبه وناظرهم بتركيز وناظرهم نواف من فوق لتحت وضحك : روح الله يصلحك امك وابوك يبونك
الولد مسك ياقة ثوب نواف : تخسي اروح قبل ما اخذ حقي !!
نواف بعد يده بغضب : مدها مره ثانيه وشوف كيف بخلي امك تولول عليك !
اللي مع الولد ضحكو وتنرفز الولد وهو يدفع نواف : لا يكون بيصير العكس !!!
نواف : انت تدورها كلك ورمى السيجاره ومسك راه وضربه بالباب حق المحل وتدخلو اصحاب الولد يضربون نواف اللي واخيرا لقى اللي يحط فيه حرته بس قالوها الكثره تغلب الشجاعه واسرع خالد ينزل وهو يرفع ثوبه : اااعقبووووووو وهو يفزع لنواف ويمسك واحد منهم ويكفخه ونواف ماسك المهايطي : ما قلت لك بخلي امك تولول عليك !!! ومسك راسه ويلكمه وفزع صاحب الولد وهو يمسك نواف واسرع الولد يعطي نواف بقس ببطنه تالم نواف واسرع يدفع اللي ماسكه من ورا وهو يدفعه على صاحبه واتطم ظهر نواف لخالد اللي لفو على بعض وكانت حالتهم مبعثره ضحك نواف : وش يقولون !
خالد ابتسم : انا واخوي على ولد عمي وانا و ولد عمي على الغريب
نواف : انشهد وتشابكو مع الشباب مره ثانيه
وقف ماهر عند المحطه : يامدير عبي واحد وتسعين فل
الجد سعود : بيطول
ماهر : معليه اهم شي نعبي فل
ابو خالد : الله يكفينا شر الهوشات منهم ذوله !!
ماهر رفع نظره وانصدم : نواف !!!
ابو نواف بفجعه : هاه !!! وينه !!
ماهر اسرع ينزل وهو يشوف كثرتهم على نواف وخالد : انا ولد ابوي ولده واسرع يمسك واحد منهم ويرميه بعيد عن خالد وتدخلو كم وجال يفرعون : بسسس
نواف ضحك : شف وجهه قلت له بخلي امه تبكي عليه بس ما سمعني المراهق
ابو نواف مسك نواف : وش بلاك انت !!
نواف : ماغير هياط ورعنه ربيته لابوه
ماهر بحده للاربعه : معكم النقيب ماهر قسم بالله لو ما تختفون من قدامي لاخذكم وتنامون اليله بالقسم
انتفضو واسرعو يشردون خالد نفض ثوبه ونواف اللي ياخذ البكت حق الدخان : ما خلوني ادخن بروقان
ابو نواف بحده : على البيت نتفاهم
نواف بضحك : ابشر يا القائد مشى ابو نواف لسيارة ماهر وابو خالد اللي نطق بقلق : جاك شي !
خالد : يخسون بزرنه دوبهم موعارفين للمرجله شي
ابو خالد : بسرعه ارجعو للبيت ومشى خلف ابو نواف
ماهر : اشتقتو لفعالياتكم !
نواف ابتسم : اي بالله من زمان عنها
ماهر : اقول اعجلو للبيت ومشى لاتجاه سيارته
تكى نواف على سيارته وخالد تكى بجنبه : ماتبي تفك ذا السم عنك !
نواف بهدوء : مقدر
خالد : ان شاء الله ترف بالمستقبل تقدر تخليك تبعد عنه
نواف : ان شاء الله هااااه لف عليه : وش قلت !!!
خالد كتم ضحكته : قلت ان شاء الله ترف بالمستقبل تقدر تخليك تبعد عنه
نواف رمى السيجاره : لايكون اذني من الهوشه معد تسمع زين !
خالد : لا اقول الصدق بكلم ابوي يرد على ابو مازن انه مافي نصيب
مو عشانك عشان ترف
نواف ضحك بحماس وصرخ : الله عليييييككك وحضنه وهو يرفعه يدور فيه
خالد انصدم وندم انه قالها : فكننييي ودفعه وضحك نواف : اسسف والله من الفرحه
خالد ضرب جبينه : حسبي الله على العدو الناس بدت تشك فينا
نواف ضحك بقوه : اجل مشينا للبيت وكل واحد ركب سيارته
..
" بيت الجد سعود "
نواف وقف قدام خالد : هاه يا عشيري رضيت عني ولا بالخاطر شي !
خالد : فيه شويه بس عاد الشكو لله حياتي بدون نواف الاهبل مالها طعم
نواف ضحك : عاد لك الحريه بكل شي وحضنه وبادله خالد بابتسامة قرر انه يسامح نواف اللي مقدر يفارقه اكثر من شهر ويحس كنها عشر سنين
ماهر : يا ماشاءالله واخيرا ريحتو قلبي وعقلي
ضحكو الاثنين وهم محاوطين كتف بعض ونطق خالد : عاد انتبهه صرنا عصابه الحين
ماهر : الله يكفينا شركم بس
نواف : وين رحتم اليوم ؟!
ماهر ابتسم : اخطب
خالد : عيني عينك الكذب
ماهر : لا والله ما اكذب رحنا لمعاذ نخطب اخته
نواف : اددعسسسسس عن حب ولا تقليدي نغزه خالد : امزح اسلم
ضحك ماهر : تقليدي بحت
خالد : مبروك مقدمًا
ماهر : يبارك فيك
نواف : مبروك وعقبالي
خالد : ان شاء الله ان شاء الله
نواف باس خد خالد بقوه : ما اقولكم احبه احبه
مسح خالد بقرف : يا معفن مو كذا الحب
ضحك ماهر : الله يكون بعونك
نواف : سبحان الله انا قرف بس يارا عادي هاه
خالد وماهر بصدمه : وشهووووو!!!
نواف : دعست على وتر حساس وركض وركض خلفه خالد : بذبحكككك !!!
ونواف يشمر ثوبه : لا تكفى ما ابي اموت قبل لا اعرس
وضحك بقوه ماهر : واخيرا رجعت ايام الهبل
ريان دخل ولقى ماهر قدامه : سلام
ماهر : وعليكم السلام وينك ماصرت اشوفك مثل اول !
ريان : موجود ماغير عندي شغل عند العزبه
ماهر : الله يقويك
ريان : امين الا وش ذا الصراخ!
ماهر بضحك : هذول الثنائي المهبول
ريان ابتسم : رجعو مثل اول ! كنت ملاحظ هوشتهم اللي مدري وش سالفتها
ماهر : ماتعرفهم توم وجيري لازم يتهاوشون ويرجعون مثل العسل على السمنه
ريان : اي والله انك صادق
.
"بيت ابو حاتم "
ام حاتم : بكره ودي اروح لام راشد يا مرزوق وش رايك !
ابو حاتم : ماعند مشكله
ام حاتم : والله ام راشد احسني مستحيه منها جارتي ولا اروح لها ولا اجي
دانه : بروح معك يمه شفت بناتهم كثيرررر
ام حاتم : اجل جهزي نفسك من اليوم لاني اعرفك واعرف دلعك بتقولين ماعندك شي تلبسينه وانتي دولابك بينفجر من الملابس
دانه بدلع : اوف وش اسوي احب الملابس واحب اغير وانوع
ابو حاتم : اتركي بنتي خليها على كيفها
ام حاتم ابتسمت : وانا قادره اجبرها
ضحكت دانه : الله يخليكم لي
بدر نزل وهو يصفر : ماشاءالله الانظار كلها متجهه للاخت دانه والسيد بدر ماله من الدلع نصيب هذه حظ الوسطاني
ضحك ابو حاتم : الحب مقسوم عليكم ثلاثتكم
بدر جلس وهو ياكل حبة شكولاته : طبعا نص لدانه ونص لحاتم وبدر يدور بنت الحلال اللي تعوضه
ام حاتم بفرحه : عز الله تبشر لخطب لك بس تم
بدر بضحك : الموضوع الوحيد اللي يخلي امي تدللني
ابو حاتم ضحك : الله يعنيك عاد
دانه : صدق اعرس ابي اكون اخت المعرس واكشخ
بدر : تقهوي وعيني خير والحين عندي مشوار مع السلامه وطلع وهو يسمع امه تشكيه لابوه وطلع وهو يشغل سيارته المرسيدس اخر اصدار بمفتاح التحكم
وجاء بيركب بس شده صوت البنت اللي تتكلم بحده
هنوف بحده : هيفاء قسم بالله لو اسمعك تقولين للبنات يجون ذبحتك !
هيفاء: اقول يا هنوف انتبهي للسانك لا اقصه لك ومشت قدامها تاركه هنوف تضرب رجلها بالارض : طييببببب اوريك ومشت داخله بغضب تاركة بدر اللي ابتسم بخفه : الله عليك يا هنوف وركب سيارته ومشى لوجهته ..
_____________________
بارت على السريع لان كثير طلبو لعيونهم نزلت ❤️❤️
هالله هالله بالدعم 😉❤️