"بسم الله الرحمن الرحيم "
•
•
•
اسرع ريان يفتح الباب ونحنح وهو يصوت لهم : هذه متعبب دخل وهو يبعد ريان عن طريقه وبغضب : ابييييي نوووف وينها فيه !!
ابو نواف تقدم : بتجيك الحين وناظر لريان : روح قول لاختك تتجهز بتمشي مع زوجها
ريان استغرب ومشى لجهة البنات اللي كانو شاهدين على دخول متعب ونوف اللي انصدمت كيف عرف المكان قاطع افكارها صوت ريان : نوف بنت تجهزي متعب بياخذك معه
نوف بهدوء وبداخلها نار : طيب ومشت تجهز اغراضها ومعها البنات
عند متعب اللي ينتظر وهو يحس بالجنون من اللي سوته ناظره ماجد وابتسم بهدوء: حياك تقهوى معنا
متعب بنفس غضبه : بالعافيه وماتقصر بس ما يمديني
ريان تقدم لمتعب وهتف : وش بلاك يا متعب ليه العصبيه ذي! نوف قايله لي انها قايله لك و قاطعه متعب بانفعال : تخسي ما قالت لي ولا دريت بشي
الشباب انصدمو وناظرو لبعض تقدم نواف وهتف باستفسار : كيف يعني !
قاطعهم ابو نواف وهو يخبر متعب بان نوف جاهزه ومشى متعب بسرعه لهم
ابو نواف وهو يناظر بنوف بحده : كذا تفشليني قدام الرجال !
نوف بهدوء: انا جيت معكم ترا ما رحت ادشر
ابو نواف بحده : اعقبي وناظر لمتعب الجاي ومشى للداخل
متعب ناظر لنوف بغضب اكبر : ليه تتحديني وانتي عارفه ان مردك لي وابوك بكل سهوله راح يرجعك لي !!!
نوف بقهر : انا تحديتك وانتهى وقربت منه وهي تناظره بتحدي وجرائه : وان شاء الله طلعتي من البيت علمتك ان مهما سويت ومهما بتسوي بروح واجي على كيفي وكلمتك مستحيل انها تردني على اللي ابيه
.
عند الجد سعود هتف باستفسار: عسى ما شر علامه رجل بنتك ؟
ابو نواف بهدوء: مابه شي غير انه جاي ياخذ مرته
الجده منيره : نوف قايله انها بتجلس معنا الاسبوع كله وقايله له عسى مابهم شر !
ابو نواف بحقد من تدخل الجده منيره : ماسمعتي يا عمه قلت ما بهم شي
الجد سعود اومض للجده عشان تسكت وكملت تشرب فنجالها بهدوء
بجلسة الشباب •
راكان بقهر بس اخفاه خلف هدوء اعصابه : متعب ذا مو عاجبني من البدايه يبليه من يكسر راسه
ماجد : وليه ان شاء الله تراه زوجها وجاي ياخذ مرته !
نواف : بس دخوله حتى انا ما عجبني كنه يبي يمشي كلامه غصب !!
راكان بتوعد : والله ان لقيت عليه شي مراح اقصر
ريان وهو يشرب شاهي : امكن عنده مشاكل بدوامه وجاي معصب قاطعه كلام راكان الحاد : ويجي يفكها عندنا ولا بنوف قسم لكسر يده ان فكر يسوي فيها شي
ماجد : ياااهو يا راكان هدددد شفيك انت منفعل الرجال ما سوا شي ولا مد ولو مد بيشوف صدق شي ما عمره شافه
راكان قام : عكر مزاجي بروح اتمشى وقام لاتجاه الباب
كان ذا النقاش يدور تحت سمع ماهر الهادي وخالد اللي يسولف عليه بموضوع
.
متعب بغضب : نوووففف لا تحديني افعل بك فعل شين وانا ماودي !!!
نوف بغضب : وش بتسووويي هاااااه بتضربني طبعا تخسييي وتعقب تفكر بذا الشي وكلامي مراح اااااغييييرررررره تفهممممم ويلاااه ورني وش تقدر تسوي !!
متعب وهو يحس بنار بقلبه من كلامها وبصبر : اركبيي السياره احسن لك
نوف بغضب : ماني طالعه لين اشوف وش الشين اللي بتقدر تسويه فيني يا شبيهه الرج قاطع كلامها الكف القوي اللي خلى وجهها يلف ومسكت خدها بصدمه
من جهه ثانيه راكان اللي كان طالع بس وقفه صوت متعب وكلام نوف وصوت الكف وبسرعه طلع من الباب الخارجي ومسك متعب من ياقة ثوبه : يااااااااكلللبببببب تمددد يدك عليهاااا
ومتعب اللي عصب ويحاول يبعد راكان : راكان لا تتدخل بشي ما يخصك واحسنننن لك تبعدددد عنييي
نوف اللي خافت من تماسكهم وهي تهتف بصوت عالي عشان يفكون بعض : رااااكاااننن خلاص فكو بعض
راكان بغضب لكم وجهه متعب : تبيني ابعد بوريك كيف ابعد ومتعب اللي قام من الارض ولكم راكان وابتسم له راكان بغضب وردها له وذا كله تحت انظار نوف اللي تصرخ عليهم وفزو الشباب يوم سمعو الاصوات ناظرو لمتعب وراكان بفجعه نواف اسرع يفرع بينهم ومعه ماجد واسرعو الرجال الكبار يوم سمعو الهوشه وطلعو
ريان اللي انتبهه لنوف الطايحه على الارض وتبكي بفجعه كان بيروح لها بس مسك متعب اللي يهاجم راكان
.
الجده منيره دخلت لقسم الحريم وهي خايفه وتدعي : ياااارررببب سترررك
فز الكل يوم شافو حالة الجده ريما باستغراب :يمه عسى ما شر وش فيك ؟؟؟
الجده بقلق : راكان يتهاوش مع متعب مدري وش بلاهم بيتذابحون
فزت ام نواف بخوف وهي تصارخ : رررراااكااان ولدددي راما امسكتها : يمه هدددي جدي وابوي وعمامي كلهم عندهم اكيد بيوقفونهم
شهد اللي تحس بكتمه بصدرها ماتدري ليه ضاقت من سمعت الكلام واسرعت تفتح الباب وكان قدامها راكان ومتعب اللي متشابكين ببعض وكل واحد يضرب الثاني وصرخت : يااااويليييي بيذبحووووننن بعضضض ركضو الحريم والبنات عند الباب يتفرجون بخوف وقلق
.
راكان وهو يصارخ بنواف اللي يبعده عن متعب : وووووخرررررر عنيييي والله مووووته على يديييييييي
متعب اللي ماسكه ريان وخالد : والله انا اللليي بذبحكككك يالورع اوريك مقامكككك
نواف ماسك راكان بقوه ويحاول يهديه : راااكااانننن تعوذ من بليسسسس
راكان بغضب ضرب راس نواف براسه وابعده عن طريقه وهو يمسك متعب ويلكمه بقوه على وجههه ونواف اللي طاح ينزف خشمه دم ومسكه ابو خالد يقومه و والبنات يشاهقون وراما اللي تبكي اسرعت شهد تلبس عباتها لانها شافت نوف الطايحه تبكي وينادونها وكنها بعالم ثاني وبسرعه طلعت تحت صراخ امها عليها ومسكت يد نوف تهزها : نوووف قووووميي معيي يلاه
نوف قامت وهي تبكي وبتلعثم : ب .. بي .. يذبحون بعض .. بس . . بسببي
شهد بخوف سحبتها لقسم الحريم ودخلو ونوف حضنتها وتجمعو الكل على نوف المنهاره
الجده سعود بغضب وبصوت جــــهــــوري : والله العظيمممم اللي ما يفك الثاني ليصير شي ما يسركم !!!
وراكان من سمع صوت جده وهو يبعد عن متعب وهو يلهث
ابو نواف مسك راكان من يده بقوه وبغضب : الله يسود وجهك ان كان ما احترمت زوج اختك يالردي
راكان بغضب ناري : الردددددي والله اللي زوجته بنتك ما احترمك ولا احترم بنتك ضربهاااا كف قدامي .
الكل ناظر لمتعب بصدمه تكلم متعب بغضب وهو يلهث : بنتك يا عم ما احترمتني والمشكله صايره بيني وبينها مال احد فينا دخل .
ريان اللي ناظره بغضب وبسرعه صفقه كف قوي ومسكه ماجد يدفعه بعيد عن متعب : منننننن انتتتتت ترفع يدك على اختي هاااااا لا تحسب ما وراها احد عشان متى ما بغيت مديت يدك عليهااااا وقبت من جديد بين ريان وراكان ومتعب وبالقوه ابعدوهم عن بعض ماجد بغضب عليهم : خلاااااااصصصصص
ما يكفي اللي سويتوه ببعض !!!!
ابو نواف بغضب : قدامي يا راكان انت وريان وانت يا متعب قدامي .
ناظر متعب لهم بغضب ومشى معهم للمجلس جلس الجده وهو يحس ضغطه ارتفع بسببهم وماهر يقيس له ضغطه وعطاه دواءه وناظر لهم الجد بحده : اللي صار بينتهي هنا ويندفن وكان لم يكن تسمعووونن !!
و ردو عليه باصوات متفرقه : ابشر / طيب
ابو نواف تكلم بحده : ياليت الشباب يطلعون بنحل المشكله بدون كثره .
طلع ماهر ومعه العيال ما بقى الا الجد سعود وعياله وراكان وريان ومتعب
ابو نواف ناظر لمتعب بحده : اللي سويته ابدا ما توقعته منك يا متعب تمد يدك على بنتي اللي عطيتك اياها و وصيتك ما يجيها ضر ووعدتني واخلفت بوعدك !
متعب تكلم بقهر وناظر للجالسين : ترضى يا عمي زوجتك تتمرد عليك وتطلع بغير شورك وتتكلم معك بدون احترم ؟!
ابو نواف زفر بغضب : طبعا لا !!
متعب فجرها بغضب : اجل اذا ما ترضاه على نفسك ياعم لا ترضاه على غيرك
عند ماهر اللي يناظر بنواف الدايخ من الم انفه والنزيف اللي ما وقف : يا ولد خلني اوديك المستشفى
نواف بهمس وهو يمسح نزيف انفه : ما يحتاج بيخف الحين
خالد بطقطقه : ياولد والله راكان عطاك وحده هجوميه
نواف يرمي عليه المخده : اسكت احسن لك وذاك شغله معي قلك خايف عليه وهو كسر خشمي !
ماهر وخالد ومروان: ههههههههههههههههههههههههههههههههههه
.
عند البنات •
نوف اللي ما جفت دموعها وهي تبكي كل شوي ريما ناظرتها بحزن : نوف حبيبتي هديي اكيد مو صاير لهم شي .
ترف : اي يا قلبي جدي وعماني والشباب كلهم عندهم اكيد مو صاير شي قوي
ريم همست لترف : ماتنفعين احد ياخذ منك مواساة !! ترف نغزتها بكوعها
لين وهي تناظر نوف بضيق وتمد لها كاسة مويه اخذتها منها نوف وهي تشرب
ريما وهي تسحب شهد وتبتسم : ناظري نفنف اطلبي اي رقصه وبنرقصها لك
ضحكت شهد : لعيونك بنسوي اللي تبينه لو تقولين تشقلبو
نغزتها ريما باصبعها وبهمس : وش نتشقلب عز الله ظهري بينكسر !!
يارا وهي تحضن نوف وتبتسم :اااايي نفنف قولي لهم يتشقلبون
ابتسمت نوف بخفه : تشقلبو
ريما : لاااااا لااااا تسمعين لهاااا
شهد صفقة ريما : اقول تشقلبي وانتي ساكته
وبدو يحاولون يتشقلبون والبنات فاطسين ضحك على اشكالهم ونوف اللي ضحكت غصب من اشكالهم المضحكه وبدا يتغير مزاجها يوم درت ان الهوشه وقفت .
.
أنت تقرأ
احتريتك من بين كل البشر وسميتك عشقي وفرحة سنيني
Actionالكاتبه شهد✍🏻 اول روايه لي وان شاء الله تنال اعجابكم 🤍 • اختصار للروايه ؛تتكلم عن حياة الجد سعود وعياله واحفاده ويومياتهم والاحداث والمغامرات اللي تصير معهم •• "" لا استبيح النقل او الاقتباس ""
