احتريتك من بين كل البشر وسميتك عشقي وفرحة سنيني

53

"بسم الله الرحمن الرحيم "
•
•
•
•
"بقسم الشرطه "
بدر ناظر لهويات العصابه اللي جايبها فيصل وبنبره صارمه : يا رقيب تعرف بتن مخربين اللي مثل ذي الاشكال مالها الا السجن
الرقيب : طبعًا اي مخرب بياخذ العقوبه اللي يستحقها
بدر ناظر للشباب خالد وريان ونواف ومروان : يمديكم تطلعون وانت يا ريان على المستشفى عشان يقدرون الضرر اللي جاك
ريان هز راسه بهدوء وطلعو الشباب بسرعه ركبو مع تاكسي يوصلهم بعد الاتصال على ماجد اللي خبرهم بانهم نقلو ماهر للمستشفى وقفلو متوجهين له
" بيت ام ماهر "
كانت منهاره وريم كذلك ويارا وام نواف وام خالد ومها يحاولون يهدونهم بس مافي فايده
ام نواف : صلي على النبي يا ام ماهر باذن الله ماهر بيطلع بصحه وسلامه
ام ماهر : مابييي ابيييي اروح لولدييي
ريم بنهيار : مقدررر اجلس بروح مشينا يمه
شهد بتوتر : كيف بتروحين يا بنتي هدييي مافي احد كلهم راحو حتى جدي لحقهم
ريم ببكاء : انا اعرف اسوق ما يحتاج احددد
ام ماهر فزت : يارا جيبي عباتي بنروح
يارا قامت بسرعه تجيب عبايتهم
ام خالد : ماني مخليتك لحالك بروح معك
والكل لبس عبايته واسرعت روان تسحب المفتاح من ريم : سكرانه بتسوقين وانتي يالله تشوفين قدامك من دموعك انا بسوق
ريم : اجل البسي بسرعهههه
روان : طيبب واسرعت لبيتهم تلبس عباتها وركبو سيارة مروان ريم بالامام وروان بمكان السايق وام ماهر وام خالد. ويارا بالخلف ومشت روان متجهه للمستشفى وهي متوتره من بكائهم وبعد ربع ساعه وصلو ونزلو ومع نزولهم وصلو الشباب واسرع خالد لهم : يمه وش جابكم هنا !!
ام ماهر ببكاء : ابي اشوف ولدي تكفى ودني له
مسكها خالد وهو يسندها : ابشري يا عمه بس هدي ودخلو للاستقبال اللي قالهم بانه بالعمليات
قبل نص ساعه وصلت سيارة الاسعاف ونزلو المسعفين ماهر بالشياله وهم يسمعون توقف قلبه واسرع الدكتور يطلع فوق الشياله ويضغط على قلب ماهر يسوي له انعاش يدوي وابو ماهر منهار وبالقوه ماجد وابو نواف يهدونه
وراكان اللي متجمد وهو يشوف ولد عمه ينازع الموت امامه
ابو ماهر بنهيار : تكففففى يا دكتور ولدي لا يروح وحيييددد لا يروح
تركي هو اللي كان ينعش ماهر وهو يحاول بكل جهد بان ينقذه وكانت الانظار عليهم وهم مشفقين على وضع العائله اللي يرونها ويدعون للمستلقي كالجثه ولكن فجاة صدح صوت نبضات قلب ماهر اللي بدت ترجع رويدًا رويدًا تنفس تركي بقوه وهو يصارخ : على غرفة العمليات بسرعه ونزل من الشياله واسرعو بعجله الممرضين والدكاتره يجهزون غرفة العمليات بشكل مستعجل لان وضع ماهر يعتبر خطير لان النزيف حاد بشكل مرعب ولازم يوقفونه باسرع وقت مامعهم الا وقت قصير والا راح يفقدونه
ابو ماهر داخ واسرعو يجلسونه ويرشون عليه مويه ويسقونه منها وهو ما على فمه الا اسم ماهر طبيعي يهوجس بولده وحيده مهما كان قاسي عليه الا انه يموت فيه بالوقت الحاضر دخل خالد وهو يسند عمته ام ماهر وسحب مروان روان وهو يهمس لها : من جابكم !
روان : انا كانت بتسوق ريم ورديتها
مروان : والله تعليمي جاب فايده معك
روان زفرت لان كلامه مو وقته ابد
ودخل ريان للطوارئ يعالجون جروحه وطلع عنده كسر بيده اليسار وبعض الرضوض بكافى انحاء جسمه وبعض الجروح بوجهه ومروان معه
وخالد ونواف كانو عند راكان اللي وجهه مسود من الضيقه وتأنيب ضمير وبكاء ام ماهر زاد وضعه طينه وطلعت الممرضه بعجله : نحتاج متبرع زمرت دمه O+ فز راكان : انااا
الممرضه : الحقني بسرعهه ومشى معها راكان وهو يبي يسوي كل شي يقدر عليه عشان ماهر وبعد ساعتين كان ريان جالس بجبيرته والكل جالس بوضع الحزن مايدرون وش مصير ماهر من الاصابه اللي جاته
طلع تركي والكل فز واقف قلبوهم فزت قبلهم ونطق ابو ماهر بخوف وقلق : وش صار يا دكتور بشرنا !!!
تركي اللي تنهد براحه وابتسم : الحمدالله على سلامته وضعه ممتاز الان
الكل فرح وسجد ابو ماهر جسدة شكر لربه بان قوم له ولده بالسلامه وام ماهر اللي تحمد ربها وهي كانت على وشك الجنون من خوفها على ضناها وام خالد اللي تسلم عليها وتتحمد لها بالسلامه وروان اللي عينها على تركي والابتسامة شاقه وجهها وابتسمت اكثر من رؤيتها لخالد ومروان ونواف والشباب الباقين وهم يسلمون عليه يشكرونه على اللي سواه يعني للولا الله وثم تركي ما كان سمعو اخبار زينه وهم يسمعون توقف نبضات قلبه ولكن تدخل تركي بالوقت المناسب وبقدرة الله غيرت الوضع بثواني حضن راكان تركي بقوه : بيض الله وجههههههك
تركي ابتسم وبادله وهو يطبطب على كتفه : وجهك ابيض
راكان ابتعد والكل يشكر بتركي اللي يبتسم لهم بتعب وبعدها مشى يتجهه لمكتبه يحس بيطيح باي لحظه من التعب والضغط النفسي والعصبي اللي جاه من التوتر وروان مشت متخفيه عن الانظار بعد ما لاحظت انشغال الجميع وهي تلحق تركي وكانت ملاحظه من البدايه عيونه وجهه المتعب وعندما اقترب من المكتب وداخ ولكن ثبته يد روان اللي سندته وهي تسمي عليه : بسم الله عليك تعالي معي ودخلت للمكتب وهو ينهار على الكنبه يرتخي عليها وهو يحس بدوران روان خافت وهي تشوف وجهه المصفر واسرعت تاخذ مويه ترش وجهه بها وهي تسمي وتقرأ عليه : تركي انتظر بنادي دكتور يشوفك وجات بتطلع بس ردها يد تركي يوقفها : مابي احد يشوفني كذا !
روان ابتسمت من الشعور اللي حست فيه وهي تحس بالتميز من كلامه : طيب زي ماتبي بس وش تحتاج اجيبه لك عشان لا تزيد عليك الدوخه ؟
تركي مسك راسه بتعب : برتاح بس مرت علي ساعتين وكنها سنتين
روان اخذت قاروره مويه وهي تفتحها له وتعطيه اياها : اشرب طيب
اخذ منها تركي وهو يشرب يروي ضما جوفه وبعدها ناظر لروان وهو من اول ما قابلها حس باتجاها بمشاعر واحاسيس غريبه عليه ولا هو قادر يميزها هل هي حب ام اعجاب ام مشاعر اخوه ابتسمت روان وهي تاشر قدام وجهه : وين سرحت !
تركي نحنح : موجود
روان : يتهنى من تفكر فيه
تركي : ليته
روان : فيه سوال بخاطري
تركي : وشهو
روان : كم عمرك ؟؟؟
تركي : ٢٦
روان : وانا ٢٢
تركي : ما سالتك !
روان بثقه : مو لازم تسالني اعرف وش يدور بخاطرك
تركي باستفزاز : معليك شرهه بزر
روان : وانت بعد شايب !
تركي : لا يشيخه !
روان ضحكت : لا تزعل يا بيبي
تركي انتفض من كلمتها ومصدوم بنفس الوقت : هاه !
روان كتمت ضحكتها : ولا شي انا ماشيه
تركي : طيب
ومشت روان للباب ولكن فجاة فتح وكان الدكتور محمد وناظر لروان وكنه عرفها : وش تسوي هذي عندك !
روان : احترم نفسك هذي قولها لاختك مو لي وجات بتمشي بس ردها مسكة محمد ليدها بقوه : اعتذري لا والله اكفر فيك !
تركي فز وهو يدفع يد محمد عن روان ويوقف قدامها بغضب : تراني متحملك لا تخليني انا اللي اكفر فيك وش تبي !
محمد بغضب: منجدك توقف مع وحده زيها ضد خويك !!
تركي بغضب وغيره : اايه اوقف معها اذا شفت خويي ناقص رجوله ويحاول يسترجل على مره !
روان خافت يصير مثل اخر مره وهي تسحب تركي بس كان ثابت رغم انه تعبان شد على يده محمد بغضب: عشان الخبز والملح اللي بيننا مراح ارد عليك ومشى تارك تركي يلف على روان بغضب : كم مره قلت لا تردين على رجال ما تفهمين انتي !!!
روان : واخليه يغلط علي : مراح يغلط لو ما اخذ نصيبه من لسانك الطويل
روان ناظرته بغيض : والله ذا لساني ومستحيل اسكت لو شفت احد يغلط علي وانت بذات لو مالك معزه بقلبي كان عرفت ارد عليك برد اقسى واقوى من ردودي المعتاده معك ومشت تاركه تركي شارد بصدمه بظهرها وهي ترحل امامه وش تقصد بمعزه بقلبها !!! هل معقوله ! لا لا يا تركي لا تفكر ضرب جبهته وهو يبي يوقف تسائل الافكار اللي داهمته وش مقصدها بكلامها
..
ابو خالد نادى خالد وجاء : مين الحريم !!!
خالد حك راسه : شخص غير متوقع
ابو خالد : اخلص علي من ؟
خالد : روان
ابو خالد بصدمه : وشهو !
خالد : اسمع يبه مروان اللي معلمها وروانوه تعرفها عنيده وماينفع معها شي
ابو خالد تنهد : وينها ام كشه
خالد كتم ضحكته ولف وهو يشوف روان جايه : شوفها
ابو خالد لف عليها وهو ياشر لها وابعد عن اخوانه والشباب ومسكها من اذنها وهي كاتمه المها : يبه اذني اذني !
مروان مسك اذنه بالم وهو يعرف مسكت ابوه
خالد بهمس : جايك الدور
مروان : وش سويت !
خالد : معليك بتعرف
ابو خالد : بقطعها لك انتي والجيري حقك ليه تسوون اشياء بدون علمي !!!
روان بتوتر والم : يبه صدقني ما سوينا شي شكله خالدوه التبن قايل لك كذبه !
ابو خالد : مثل انك تسوقين !!
روان بتوتر : يبه وشفيها شوفني بالوقت الطارئ قضيت اللزوم
ابو خالد : تخيلي لو سويتي اي غلط بالسواقه كان ذنبهم عليك
ريم تدخلت : ياعم معليش سامحها وربي ماقصرت لو ما جابتنا كان انا سقت وجبت العيد
ابو خالد: وكيف سواقتها؟
ريم : نظاميه وربي لابسه الحزام ولا فكته ولا اسرعت ولا شي رغم اننا طلبنا منها تسرع
روان بعيون بريئه : شفت !
ابو خالد : شفت كيف انك قادره تطلعين نفسك من المشكله مثل الشعره اللي بالعجين
روان اسرعت تحب راسه ويده : لان اللي سويته لأمر طارئ مو للعب
ابو خالد : اجل اخذي ريم وروحو مع باقي الحريم للكوفي او الكافتيريا برا بالدور الاول ريحو فيه لان ماهر بيحطونه تحت المراقبه وامكن وضعه مطول
روان : طيب ومشت مع ريم يكلمون امهاتهم عشان ينزلون للراحه وكانت ام ماهر رافضه واشرت يارا لخالد اللي جاء وهو يحاول بعمته وبعد ما وافقت سندها ومشى معها بيوصلهم للكافتريا تحت
صالح : مروان اخذ ابوي رجعه للبيت جلسة المستشفى تتعبه
الجد سعود : اي والله معد فيني حيله
قام ابو ماهر يحب راس ابوه : روح يبه استودعتك الله ماهر ان شاء الله بخير بيقوم وبيجيك
الجد سعود : الله يقومه بالسلامه
ابو ماهر : يارب اللهم امين
وقام الجد سعود مع مروان وصالح وريان وابو نواف وابو خالد كان الجميع متعب من الليله الطويله اللي مرت عليهم مابقى الا ابو ماهر وماجد ونواف وخالد وراكان جلس ابو ماهر وهو يرخي ظهره على المقعد بتعب
نواف شد على كتف راكان اللي جالس على الارض وشارد الذهن : تبي اجيب لك شي ؟؟
راكان بهدوء: لا
نواف تنهد : لا تلوم نفسك وانت ماسويت شي
راكان تنهد : كله مني ليتني انا مكانه
ماجد : تعرف تنطم لو سامعك ماهر كان بيصير شي مو زين
.
ريما اللي بحضن معاذ تبكي وهو يمسح على شعرها يهديها جاء اول مادقت عليه ريما وكانت تبكي خاف عليها من سمع صوت بكائها : خلاص يا عين معاذ ماهر قوي وبيقوم باذن الله بس ادعي له
ريما : يااارب ومسح لها دموعها وباس خدها بحب : خلاص تكفين وربي دموعك تعذبني !
ريما ابتسمت بهدوء وتذكرت شي : لا يكون علمت الجازي !!!
معاذ : لا ابدا ما قلت لها شي
ريما : زين ما سويت
معاذ وقتها وش بيسكتها
ريما حضنته : يا حبيبي الحنون
ابتسم معاذ وهو يضمها لصدره : شايفه كيف قاطع عليهم دخول الجد سعود والعيال ابتعد ريما بسرعه ومعاذ يحك راسه بربكه واسرع يسلم على عمه والباقين وريما اسرعت لريان اللي يده مجبره : وشفيها يدك !!!
ريان : كسر بسيط ان شاء الله
ريما تنهدت : وماهر كيفه !!
مروان : طلعوه تحت المراقبه بيخلونه يرتاح وبعدها يفتحون الزياره
ريما براحه : اللهم لك الحمد
الجد سعود : ادخلي جوا وشبلاك الوقفه مهي زينه لك
ريما ابتسمت : ابشر يا نظر عيني ودخلت ودخل الجد سعود اللي طمن الجده منيره ومرام
شهد اللي تساعد راما بريفان لان ام نواف تعبت من سمعت بالمضاربه طق الباب واسرعت شهد تطلع شهد لغرفة راكان ودخل ابو نواف وريان واسرعت ام نواف لريان : ياويلييييي وشفيييهاا يدككك !!!
ريان تنهد : مافيها الا العافيه
ام نواف : والجبيره ذي وشهيييي هااااه !!!
ريان : كسر يا يمه خلاص صار اللي صار وشاف ريفان اللي تحبي على الارض وشالها بيده السليمه وهو يبوسها ويحضنها
ضربت ان نواف يدينها ببعض : واخوانك وينهم !!
ابو نواف : لا إله الا الله يامره وشفيك انتي عيالك مو بزران الكبار بالمستشفى عند ولد عمهم ومافيهم ولا خدش ريحينا وجلس بتعب
اسرعت راما تجيب لابوها مويه وجلست ام نواف وهي تتنهد بقلق
شهد ضربت برجلها بالارض : وجععع راكانوه ردددد !!!!
وليست عبايتها وهي تتغطى وتطلع : سلام يا عم كيفك !
ابو نواف ناظرها بطرف عينه : وعليكم السلام بخير
صد ريان وهو معطيها ظهره وراما منصدمه من نزولها ونطقت شهد : راكان وينه يا عم اتصل ما يرد
ابو نواف : بالمستشفى عند ولد عنه مو فاضي للسخافات
شهد بحده : ايت سخافات تراني زوجته !
ام نواف بحنان : يا قلبي يا شهوده لا تخافين عليه تراه بخير بس اظن جواله طاح منه مع المشكله اللي صارت
شهد : شكله اجل في امان الله يا عمه واتجهت تحب راس عمتها متجاهله عمها اللي منقهر وطلعت : قليله التربيه انشهد ان صالح ما عرف يربي
راما كتمت ضحكتها وريان اللي اخفى بسمته
.
دخلت شهد للبيت وهي تسرع تحضن ابوها : يبه تكفى طمني عن راكان !
صالح ابتسم بهدوء : تطمني مافيه الا العافيه
شهد : امانه منجد ؟؟؟
صالح : اي والله
شهد تنهدت براحه : الحمدالله
مها : يلاه على غرفتك نامي شوفي عيونك كيف من التعب مطلعه لك هالات
شهد بصدمه : منجد ؟؟؟
صالح : صادقه امك نامي لا تفجعين ولد عمك
شهد عبست : يبه !
صالح ضحك : امزح معك وقرص خدها وصعدت شهد لغرفتها ترتمي على فراشها تنام منقهره من طناش راكان لها
مها : الحين الزواج بيتاجل ؟
صالح : هذه الواضح
مها : لعلها خيره
صالح : اي بالله الواحد مايعرف وش المكتوب له
مها : منجد
.
ماجد : انا باخذ الحريم الوقت تاخر
ابو ماهر : ماتقصر يا ماجد
نواف : وانت يا عم لازم ترتاح مايصير تسهر
ابو ماهر : لا بالله ماني متحرك من عند ولدي
راكان : تكفى يا عم انك تروح انا عند ماهر وباذن الله مو جايه شي
ابو ماهر بعناد : لا ماني تارك ولدي
ماجد : يا راشد مايصير انت تعبان وماهر لو صحى وعرف بوضعك وربي يزعل وتعرف زعله
تنهد ابو ماهر وهو باله بماهر ولده : بس مالي خاطر اروح وانام وارتاح ولولدي بالمستشفى تعبان
راكان : يا عمي ماهر عنده الدكاتره وانا موجود
نواف : وانا بعد موجود يا عم
ماجد : شفت مالك اي داعي تتعذر يلاه مشينا
تنهد ابو ماهر : اي جديد تتصلون علي فاهمين !!
راكان ونواف : ابشر
ومشى ابو ماهر مع ماجد وكلم ريم وروان يجون عشان بيمشون وفعلا اخذهم ماجد بسيارة وراحو للبيت
جلس راكان على الكرسي وجنبه نواف اللي تكى على راكان وغمض عيونه نواف
راكان دفعه : لا تلصق فيني لان اللي فيني مكفيني
نواف : والله ماهر اللي يتحملني احسن منك وقام وراكان يتبعه بصدمه ودخل نواف لغرفة ماهر اللي مستلقي على السرير وصدره عاري وبوسط بطنه حاطين لصقه كبيره وعليها شاش طبي مضمدين فيها اصابته نواف انسدح على السرير الفاضي جنب ماهر : هذي الراحه الصدقيه
راكان دخل : اص يا غبي الاادمي تعبان
نواف : اص انت تراني اكبر منك !
راكان ضرب جبهته وهو يسحب كرسي ويجلس جنب ماهر : الهرج معك ضايع
نواف يتلحف : اص بس وفعلا نام راكان على الكرسي بعد ما غلبه النوم حاول يتصبر بس خارت قواه ونواف اللي سحبه النوم على طول
انتهت الليله بعد الكثير من القلق والتعب والخوف والاحداث اللي صارت
"بمنزل معاذ "
الصباح الساعه ١٠
طلعت الجازي مو الحمام بعد ما اخذت لها ترويشه منعشه وهي تجفف شعرها ولابسه بجامه مريحه ورطبت يدينها وهي تدندن وفتحت جوالها تتفرج على السنابات وبعدها شافت سناب ريم اللي منزله فيه دعاء اللهم اشفي اخي حست بخوف ونزلت بسرعه وهي تنادي : معاذذذذ مافي رد اسرعت تطلع لشقته وهي تطق الباب بقوه وفتح لها معاذ اللي معه كوب قهوه ويشرب منه ومستغرب هجوم الجازي : وشفيك يالله صباح خير
الجازي بخوف ورجفه : مااااهر وشفيييه !!!
معاذ انصدم : مين علمك !!
الجازي بصدمه : تعرف !!!
معاذ : اسمعي مافيه الا العافيه بس
قاطعته الجازي بحده وغضب : تدري انه تعبان ولا تقولييييي !!!! انا المفروض ادري اول وحده !!!
معاذ وضع كوبه على الطاوله وجاء بيمسك الجازي يهديها بس نفضت يدها منه بحده : الحين بلبس عبايتي وبتوديني له فااااهمممم !!!
معاذ تنهد : طيب زي ماتبين
مشت الجازي وهي تحبس دموعها كيف ماحست بان فيه شي واسرعت تلبس عبايتها والنقاب ومشت بسرعهه ولقت معاذ اللي لابس ملابس رياضيه ومشت معه وهي متجاهلته طول الخط تنهد معاذ وهو مايدري وش بتسوي لو عرفت بانه مطعون
" بالمستشفى "
•بغرفة ماهر •
راكان ونواف نايمين بكل حتى ما حسو على دخول تركي اللي جاء يشيك على وضع ماهر وبالقوه مسك نفسه مايضحك على طريقه نومة نواف وراكان
وماهر اللي ماقام منوم عشان لا يحس بالم الاصابه
فتح عيونه ماهر وهو يحس كان الارض تدور فيه ويحس بصداع بيفتك براسه والم غير طبيعي ببطنه غمض عيونه إلى ان حس بان الدوخه والدوران خف وهو يرجع يفتحها ويناظر وكان قدامه راكان جالس على كرسي ونايم وكان التعب واضح عليه ولف على نواف ولقاه منسدح بكل راحه ومتلحف وصوت شخيره عالي وطريقة نومه مضحك بالقوه مسك نفسه لا يضحك عشان الالم 
وهمس بصوت متعب : راكان ! مارد عليه ورفع صوته : راااكان !
راكان فز : هاهه وشفيه !
ماهر : عطشان !
راكان : اوف طيب وصب مويه وسع عيونه بصدمه ولف وهو يمسح على عيونه : ماهر قمت !!!!!!
ماهر عض شفايفه عشان لا يضحك ويتالم : لا نايم
راكان بفرحه مد له المويه وحب راسه : الحمدالله على السلامه بعدوك ان شاء الله
ماهر ابتسم واخذ منه كاسه المويه : امين وشرب شويه مويه
ومشى راكان يهز نواف : نواف ولد قم قم ماهر صحى
نواف لف عليهم وهو نايم : وخر بس
ماهر ابتسم بخفه : وخر يا راكان
راكان وخر ورمى ماهر كل المويه اللي بالكاسه وفز نواف يصفق راكان : يا قليل الادب انا اخوك الكبير تصحيني بمويه !!!!!
راكان عض شفته من الم الضربه : جعلها للكسر وشدخلني انا هذه ماهر
لف نواف بانفعال : وشفي هااااه قمتتت هلا والله ماهوري اشتقت لك وحضنه قهقه ماهر : وانا بعد بس شرايك بالشور السريع
نواف خلل اصابيعه بداخل شعره : معليه تمون بس عشانك تعبان وكم ماهر عندي
ماهر ابتسم: تسلم والله
وصل معاذ والجازي اللي كانت تسبقه وسالت بالاستقبال وقالو لها بالدور الثالث
وصعدت بسرعه المصعد ومعها معاذ اللي يحاول يواكب خطواتها السريعه وضغطت على الدور الثالث وكتفت يدينها ترمق معاذ بحده تنهد بصوت مسموع : استغفرالله
فتح المصعد وطلعت وطلع وراها ودخلت غرفته بس تفاجئة بروية شخصين معه صد راكان ونواف وطلعو ودخلت الجازي : ماهر !!!
ماهر انصدم من جيتها : الجازي : وش جابك !
الجازي : جيت اشوفك وشفيك وقربت وشهقت بصدمه : وشفيه بطنك !!
ماهر تنهد : مافيه الا العافيه اصابه خفيفه
معاذ مادخل سلم على راكان ونواف ينتظر لين تخلص الجازي ويدخل
الجازي مسكت يده بخوف : ماهر لا تكذب علي قول لي وشفيك !
ماهر : صارت هوشه ودخلت فيها وانطعنت طعنه بسيطه ماله داعي الخوف
الجازي ببكاء : وليه محد يقولي وكيف بسيطه والتعب واضح على وجهك !
ماهر تنهد وسحبها من يدها لحضنه وهو يضمها لصدره : امسحي دموعك ماله داعي البكاء تراني طيب ولا فيني الا العافيه
الجازي بادلته وابتعدت وهي تبعد نقابها وتمسح دموعها ابتسم ماهر على وجهها المحمر من البكاء : بسم الله عليك وش زينك اسالك بالله منتي حاطه شي ؟
الجازي بخجل واحراج : وش تقصد ؟
ماهر : اقصد مكياج مدري وشهو اللي تحطونه بالوجهه
الجازي ابتسمت بخجل : لا ماني حاطه شي كنت توي متروشه وشفت سنابة ريم حاطه دعاء لك وانفجعت وعلى طول كلمت معاذ ولبست عبايتي ومشيت
ماهر ابتسم بحب : بسم الله ماشاءالله تبارك الرحمن انشهد انك حوريه
الجازي خجلت ماتدري وش تسوي وجهها صار ملون بالاحمر : تسلم
ماهر ضحك على تعابيرها : اه
الجازي بخوف : وشفيك ؟
ماهر ببسمه : ولا شي بس الم خفيف عشاني ضحكت
الجازي : بسم الله عليك انتبه لا تضحك بقوه
ماهر ابتسم وهو ياشر على خشمه : ابشري على ذا الخشم
معاذ دخل : السلام عليكم
ماهر : وعليكم السلام سلم عليه معاذ خد بخد وابتسم معاذ : قايل لك يا الجازي تراه ذيب مافيه الا العافيه
الجازي بتكشيره : مو قلت لك لا تكلمني !
معاذ قلب عيونه واستغرب ماهر : وشفيكم ؟
معاذ : شف هرمونات بنات وسواليفهم تراها كبيره بشكل مهول انتبهه واعانك الله
الجازي : افهم انك حرشه !
معاذ : شف تظلمني !
عض شفايفه ماهر عشان لا يضحك : ياهو وشفيكم
الجازي : الاخ ماعلمني انك تعبان المفروض اول مايعرف يعلمني مايخليني مثل الهبله
ماهر : احسن ما سوا انشهد انه كفو مابيك تدرين وتسوين لي سالفه مثل قبل شوي تبكين
معاذ ابتسم : خشمك خشمك سلمو على بعض بالخشم تاركين الجازي ترفع حاجبها : زين زين صفو يم بعضكم مايعرف لكن غير الشيخه ريما
ماهر ومعاذ ناظرو لبعض كل شي الا ريما بتستلمهم رايح جايي
ماهر بهمس : الله يستر
معاذ : معليك اضبطها انا
الجازي : اسمعكم ترا !
معاذ بقهقه : اقول مشينا وراي اشغال
الجازي : طيب ومشت لماهر وناظر ماهر لمعاذ بمعنى اطلع زفر بقوه وهو يصفر ويطلع واسرع ماهر يسحب الجازي وهو يقبل خدها ابتسمت بخجل وابتعدت عنه : تقوم بالسلامه يارب
ماهر : ان شاء الله باذن الله
الجازي : تبي شي ؟
ماهر : لا ياروح ماهر
الجازي لبست نقابها بخجل وطلعت وهي متطمنه عليه ومشت مع معاذ اللي استاذن من راكان ونواف ودخلو لعند ماهر ونواف يصفر بخبث : اشوف اشوف وجهك منور تتهنى
ضحك ماهر ومسك بطنه : ياليل الحشريه
نواف : ماقلت شي غير تتهنى وضحك
راكان ابتسم وجلس : الله يعنيك عليه
ماهر : امين يارب بس قلي يا نوافوه وش صار على موضوعك خلاص
نواف : ايه بس الزواج عشان وفاة جدتي عزيزه الله يرحمها بيتاجل
ماهر : الله يرحمها طيب ليه ماتسوي عرسك مع راكان
راكان : ماعندي مشكله
نواف : والله جبتها بس مدري عن الاهل يوافقون ولا لا
راكان : اقول معليك محد قايل شي
نواف : تم اجل
"بعد اسبوع "
دخل ماهر البيت ولقى ريم اللي حاطه حلا وتسوي قهوتها الـ V60: ماشاءالله سوي لي معك
ريم ابتسمت : بدون ما تقول بسوي
ماهر ابتسم : يلبى والله حبيبة اخوها
ضحكت ريم : وش عندك رايق هل الست الجازي قالت لك احبك اليوم ؟
ماهر انصدم ورمى عليها المخده وضحكت : ياللي ماتستحين
ريم بقهقه : حرام عليك وربي ياني متربيه عشر مرات
مسك راسه ماهر : يالله لا تخسف فينا الارض بسبب كذب الادميه ذي
ريم بضحك : دراما يحبك لها وصبت القهوه باكواب ومدت له واخذ يرتشف : امممممم لذيذه
ريم ابتسمت : اي والله اي شي كولمبي يجننن
ماهر بمزح وهو يصفق راسها بخفه : وش تقصدين ؟؟
ريم بضحك : كلن ونيته
ماهر كمل يضحك ويسولف معها : الا وين امي ؟
ريم : كالعاده عند خالتي ام خالد مسويه قهوه ونادت امي
ماهر : اها ويارا
ريم : راحت للمستشفى لها فتره تشتكي من القيلون
ماهر : عسى ماشر !
ريم : والله مدري
ماهر : ان شاء الله خير
ماهر : وطيوفه ما جات ؟
ريم : الا ريما قالت طيف بتجي واتوقع جت من اليوم قلت بتقهوى واروح لهم توي صاحيه
ماهر : زييين
"بيت الجده منيره "
طيف كانت بحالة صدمه وهي تسمح دموعها : وليه ماتعلموني !!
ريما : وين نعلمك توك عروس وماجد نبهه لزوجك انه مايجيب لك طاري
طيف : صارت حالة وفاه وانطعن ماهر وصارت احداث ولا تعلموني عشاني بس عروس !!!
ريما : اسكتي بس عشان تعيشين اول ايام عرسك بدون حزن افضل من المناحه
شهد : منجد عشان مصلحتك وماصار الا اللي ربي كاتبه يعني دريتي ولا مادريتي مراح يفرق ولا شي
ريما : يسلم منطوقك يا شهوده
طيف تنهدت : وينه ماهروه ذا بشرفه وحشني
راما : ليه احسك صرتي عاطفيه بزياده
ريما : ما كانت كذا مدري وش صار لها
طق الباب وقامت تفتح راما وجاها صوت ماهر : يا عرب !!
راما قفلت الباب واسرعت : هذه ماهر !!!
ريما : قومي يا طيف نروح للعيال بالمجلس
طيف طيب وقامو وطلعو لماهر اللي سلم على طيف وطيف تبكي بحضنه عشان اللي صار له وهو يضحك من حنيتها ودخلو المجلس
نواف : افا افا ليه تبكين يا طيوف
ريما بضحك : عشان توها تدري بالاحداث اللي صارت
مروان : عز الله انك مثل اخبار السودان
نواف بضحك وصفق يده مع مروان : عشان حبيبة القلب
مروان صفقه : لا ياشيخ !!!
ضحك ماهر : هدوها وجلسو مع طيف وريما يسولفون
ودخل ريان وقامت تصيح مره ثانيه طيف وهي تشوف يد ريان المجبره وهو يضحك : يا عمه وشبلاك هدي مافيني الا العافيه
مروان : والله ثمانيه طابين عليه زين طلع بس بكسرة يد
ريما : والله انه كفو ذا لا قالو لك الكثره تهزم الشجاعه
ماهر : بلا هياط الدوله تربي اللي مو متربي ببيت اهله
نواف : انشهد
ماهر : صدق يا نواف وش قال لكم الضابط
نواف : بدر كان الضابط على القسم اللي اخذونا له وقالو نقدر الاصابات وعاد ذوليك راحو فيها من الادله اللي جابها بدر من كاميرا بيتهم كان موضح بداية الهوشه
ريان : وفيصل ذا من متو تعرفه يا نواف !
نواف : ياخي معرفه هذه بزر قبل فتره طويله بالغلط شطفت سيارته وما جاها شي بس جاني مسوي علي رجال ويهايط قدام اخوياه واخذته رايح وجاي وجاني خالد وماهر فرق ييننا
ريان : يهب يا قلبه حقودي
نواف : مثل البعير
ريان : لا عاد تخسي وشهو زي البعير
نواف ضحك : ورع احترمني
ضحك ماهر : نواف ذليته هو وراكان على الكم السنه اللي بينكم
ريما : وليت بينهم خمس سنوات سبع عشان نقول صح كلها سنين مدري اربعه
نواف : طيبببب ذا فارق انا جيت وعشت واكلت وشربت ولعبت وتنفست وهو باقي
ضحكت طيف : لا مو صاحي
مروان : الله يعوض اوخيتي
نواف : لا يا شيخ دز بس
الكل : هههههههههههههههههههههههه
.
دانه اللي كانت الاسبوع كله تراقب على الشباك تنتظر الوقت اللي يطلع فيه ريان عشان تشوفه وكل ما شافته تحزن على كسر يده سمعت من بدر بان ثمانيه ضربوه وحزنت حيل عليه قاطعها دخول بدر : فاضيه ؟
دانه : ااايه وجلست على الكنبه دخل وقفل الباب وجلس جنبها : بسالك كم سوال
دانه استغربت : اسال
بدر : ولا ابيك تساليني
دانه : وليه !
بدر : بس فهمتي ؟
دانه تنهدت : طيب تكلم
بدر : هنوف وش تقرب لجيرانا
دانه بصدمه : تكون حفيدة الجد سعود امها بنته
بدر : همممم وهي الصغيره صح ؟
دانه : ايه ليه
بدر ناظرها بحده وتوترت دانه : اسفه
بدر بجديه : كم عمرها
دانه : توها داخله ٢١ سنه
بدر ابتسم بخفه : وكيف اسلوبها معك او مع بنات خوالها
دانه : اسلوبها حاد بذات انا احسها تشخصن اي شي اقوله وتوترني بنظراتها اما مع بنات خوالها عاد تسولف وتضحك ومافي اطيب منها بس مدري ليه تتغير معي فجاة
بدر بداخله يحليلك يا دانه هي تتخيلك انا بس معليك اخوك بيقدر يروض الحلوه
: ايه وش بعد
دانه : بس ذا اللي اعرفه
بدر : همممم انسي كل شي قلت لك فاهمه ما سالتك ولا شي
دانه هزت راسها بطيب وطلع بدر بعد ما نكش لها شعرها زفرت وهي تقوم تعدل شعرها ونادت العامله وجات وقالت لها تنفض غرفتها ترتيب وتمسيح الشبابيك ونزلت تحت عند امها
.
طلعت يارا ومعها خالد كانو مصدومين وكل واحد يناظر بالثاني وبعدها ربكو السياره وشغل ومشى خالد : خالد سمعت اللي سمعته ؟
خالد : حامل بالشهر الثالث ولا تدرين !!!!
يارا ضربة جبينها : ماتوقعت اني حامل صح انقطعت عني ذيك بس ما خطر ببالي
خالد : صدق اغرب حمله كيف ما لاحظتي
يارا : مدري وربي ما لاحظت
خالد : استلمي الحين امي وعمتي
يارا ابتسمت ومسحت على بطنها : ودي اعرف بنت ولا ولد
خالد : اللي يجي من الله حياه الله
يارا : اي والله
وصلو البيت ونزل خالد وهو يركض يساعد يارا اللي تضحك : ياخي شفيك انت خلني امشي زين
خالد : الود ودي شلتك بس قدامي
ضحكت يارا ودخلت ودخلو لبيت اهله وجتهم روان تقولهم بان ام ماهر وام نواف عندهم يارا سحبت روان بعيد عن المجلس ومعها خالد وناظرو لبعض يبتسمون يبون يقولون لكل شخص بس لحاله روان ناظرتهم بطفش : اكثر اثنين غاثيني بحركات المراهقين انطقو وش عندكم
خالد صفقها على راسها : بتصيرين عمه
روان بصدمه : هااااااه منجدكممممممممم !!!!
خالد ضحك بقوه على رد فعلها ويارا اللي تضحك : ااايه بتصيرين عمه انا حامل
روان قفزت بحماس : ييااااييي واخيراااا وركضت : يييمه يمههه البشاره بصير عمممه
فزت ام خالد وام ماهر بصدمه وفرحه : وشهوووو
مسك راسه خالد : مهبوله وربي
يارا كانت منهاره ضحك : ياويلي يا خالد بموت تضحك
خالد بضحك : خربت علينا المفاجئه
جات ترف وام ماهر وام خالد يباركون لهم وروان اللي تقفز بحماس : كم لبثنا مابغيت وربييييي
ضربت ترف روان على راسها: اسكتي يا بزر
روان قرصتها : لا تمدينها
ترف : ااه يا خبثك
خالد : عاد انا استاذنكم وطلع يضحك من خجل يارا وهم يباركون لها وطلع بوجهه ماهر وحاوط كافته ببسمه : هلا والله بخال ولدي
ماهر بابتسامة : يا هلا فيك استوعب اللي قاله خالد ولف عليه : وشهو !!
خالد بابتسامة : يارا حامل
ماهر ضحك بفرحه : الف مبررررروك وحضنه : يالله ما اصدق بتصير اب
ضحك خالد : الله يبارك فيك وعقبالك
ماهر بابتسامة : ان شاء الله
وانتشر خبر حمل يارا والكل فرح لهم وكان اليوم اجتماع الجميع واتفق الجد مع عياله بان زواج راكان ونواف مع بعض وبيكون بعد شهر وماهر بعدهم بشهر
وافق صالح وابو خالد على الاقتراح والجميع رضى عشان يكون زواج الاخوان مع بعض افضل من تفرقتهم وفعلا كان الجميع منشغل بترتيبات زواج العرسان
"بعد ثلاث ايام "
البنات مجتمعين ببيت نوف يخططون للزواج وتولين معهم تسولف
ريم : ياليل الاراء الكثيره ذي تطفش الواحد ترا !!!!
هنوف : صادقه وربي وحده تقترح وحنا نشوف هل معها او لا
نوف : اقول انا اخت العرسان اسمعو كلامي
شهد : وانا العروس !!!
ترف : وانا بعد !
هيفاء بضحك :ياربي مو قادره تضحكون
ريما : اقول ما كان هرجكم كثر وين العشاء بس بموت جوع !! تراني حامل
نوف ضحكت : طيب لا تخافين العشاء شويات ويوصل
ريما : يارب شي يستحق الانتظار
طيف : لا عاد ما تستحين
ريما : شسويي جوعانه !
شهد بضحك : عاد من حقها حامل وما تتحمل
نوف قامت ترد على متعب اللي متصل عليها : جيت ؟ يلاه جايه وقفلت ودخلت المطبخ وشافته حاط صحون العشاء وابتسمت : كثر الله خيرك
متعب ابتسم وباس خدها : وخيرك يا بعد قلبي محتاجه شي ناقص شي ؟
نوف : لا والله تسلم
متعب : الله يسلمك وطلع وجات تولين تساعد نوف وراما معها يرتبون السفره وحطو صحون العشاء وبدو يتعشون وبعد العشاء قررو البنات يجلسون بالحوش يغيرون جو عن البيت واللي تمشي واللي تسولف كان الكل مستمتع بالجلسه
وريم اللي تحس فاقده سامي اللي معد تشوفه ولا تقابله من مده طويله ونادتها تولين : ريمو عادي تجين معي اعطيك العاب بنلعبها
ريم اللي حست جات على حظها : طيب ماعندي مشكله  ومشت مع تولين بعد ما تولين قالت لها محد بالبيت لا تلبسين عبايه واول ما دخلو البيت كان مظلم وفتحت تولين اللمبات ضحكت تولين : هذه سامي يحبه للظلام لو مو اخوي كان قلت جني
ريم : ههههه ودخلت مع تولين لغرفتها ولفت عليها تولين بحماس : اسمعيي عندي لبس تنكر شرايك تلبسينه وتفجعين البنات
ريم بحماس : يحبني لك فاهمتني جيبه ضحكت تولين وهي تدوره : عاد نوف تعرفه كنت افجعها هي ومتعب ما خليت احد من العائله ما فجعته باللبس ضحكت ريم : جوووووييي  مدت تولين لريم ولبسته وساعدتها تولين وضحكو مع بعض بشر تولين : ريمو انتظري بروح حمام واجيك لا تروحين بدوني
ريم بقهقه : لا بنتظرك بس بسرعه
تولين : طيب حطت ريم الراس حق اللبس التنكري كان عباره عن دب وردي وكانت قدام المرايه تسوي حركات وانصدمت من اللي حضنها من ورا : كشششفتتتتك
ريم تجمدت اطرافها وهي تتعرف على صوت سامي وطلع تولين من الحمام وشهقت بصدمه ولف عليها سامي مصدوم : تولين ! اجل ذي من !! وفك الراس وكانت الصدمه غبر متوقعه تولين من سرعة الحدث ماقدرت حتى تنبهه اخوها انصدمت من منظره
__________________________
قراءه ممتعه ✨