" بسم الله الرحمن الرحيم "
•
•
•
•
•
كانت ريما مندمجه مع معاذ وكانو بعالم بعيد عن اي شخص ولكن فجاة قاطعهم صوت الجده منيره وهي تنادي ريما باعلى صوتها وهنا دفعت ريما معاذ بقوه وهي تمسح شفاتها بقوه وتشهق : وش سوييييت انت !!!
معاذ بصدمه : انا ولا انتي !
ريما توترت وحست بخدودها كل مالها تتورد وهتفت بعجله : روححح قبل لا يشوفك احد !!
معاذ : حسستيني مسوين شي كايد ترانا متزوجين !
ريما وهي تدفعه لجهة الباب : معاذ بدون هرج زايد روح لا يشوفك ابوي وش يفكني وقتها من لسانه
معاذ ابتسم : طيب عشانك اعطيتني احلى بوسه بروح لعيونك
ريما وسعت عيونها بخجل وهي تدفعه اكثر للباب : يلاه يلاه باي وطلع معاذ وهو يضحك وريما ركضت لامها اللي تخاصمها عشانها ما ردت عليها وهي من الحياء ماغير تهز راسها لامها اللي مستغربه حركات مجنونتها
ومعاذ اللي طلع وهو يدندن ومروق وركب سيارته ومشى
.
• بييت مرام •
محمد والد هيفاء بغضب : مرام وش المهزله ذي !! بناتك ينضربون وانتي عندك امي ماتدرين عنهم !!!
مرام بقهر : وانا دريت عنهم قالو لي بيروحون لبيت خالهم جعلها تخلخل عظامهم
محمد بعصبيه : انتبهي من لسانك لا تدعين على بناتي وان كان تبين الدعاء ادعي على اختك وبنت اخوك اللي مو متربين
مرام زفرت بقوه : معليك انا اوريهم شغلهم بس اصبر علي
محمد : اذا تبين تسوين مشكله بناتي لا تدخلينهم معك
هنوف بقهر : ليه يبه ابي اخذ حقي
محمد بسخريه : شفناك اخذتي حقك اخر شي جايه متكفخه والله يا هنوف ان شفتك رايحه مع امك وداخله بمشكله ما تلومين الا نفسك فاهمه !!!
هنوف بغيض : يبه لا تكفى
محمد : فاهمه !!!
هنوف زفرت وهي تهز راسها : ايه
محمد : زين وقام وهو يعدل بدلته ويمشي لدوامه تارك وراه مرام اللي تحاسب بناتها وهي بتموت من القهر من ريما وفعلتها
.
عند نوف اللي كانت جالسه مع تولين ويسولفون وصورت لراما اللي قالت بتجي
تولين بابتسامة : اعزمي البنات خليهم يجون مع راما والله يازين جلستهم تفتح النفس وتشرح الصدر
نوف بابتسامة : اجل برسل لهم واشوف وضعهم
تولين : ايه بالله
واسرعت نوف ترسل للبنات بالقروب
نوف : ( بنات تعالو مع راما لبيتي نسهر مع بعض وتولين تبي جمعتكم )
روان :( تمممم قد اني طفشانه )
ترف :( ماعندي مشكله معكم )
ريم :( ما طلبتي شي والله طفشانه وجيتي بوقتك )
نوف عاد تقرأ كلام البنات وهي تبتسم وجاها اشعار من ريما :( جهزي اجل المفرحات والقهوه والشاهي واهم شي دوار الشمس ورانا حش لليل )
ضحكت وهي ترد عليها :( تم اهم شي تنورينا وشهد هالله هالله رجلها على رجلكم )
ريما :( هذه اكيد اعتبريها جات )
والكل قام يجهز وريما اللي اسرعت لبيت شهد وهي تدق الباب وهي ترقص وفتحت لها مها بابتسامة : ماشاءالله على الروقان تفضلي
ريما بابتسامة : وين شهوده
مها تنهدت : بغرفتها
ريما بقلق : لا يكون فيها شي !!
مها تنهدت : لا بس معد تاكل زي اول ولا تجلس معنا زي قبل
ريما : معليك انا الحين برجع شهد الاوليه وطلعت لفوق وهي تناقز ودقت الباب ومحد فتح وكل ما تفتحه يطلع مقفل وزادت من الدق وفتحت بالاخير وهي تعرك عينها : يعني محد ينام بهدوء !!
ريما بابتسامة واسعه : الحين مو وقت نوم وقت التكشخ وداهمت الغرفه وشهد تحاول تستوعب كلام ريما وهي تزفر : شتبين الحين انتي !!
ريما وهي تفتح الدولاب وتختار ملابس : بختار لك طقم عشان بنروح لنوف عازمتنا لبيتها جمعة بنات
شهد زفرت بقوه وهي تنسدح وتتلحف بالبطانيه : ماني رايحه
ريما لفت عليها بحاجب مرفوع : ويعني انتي متوقعه مني باخذ رايك !! طبعًا لا بتروحين غصب عنك فاهمه !!
شهد بابتسامة بارده : تحلمين
ريما : والله انتي اللي بتحلمين يلاه قومي وهي تتجهه لها وتجرها من يدها وشهد تصارخ ماتبي تقوم وريما معنده معها
مها دخلت الغرفه وهي مستغربه من الصراخ : شفيكم انتم !!
ريما : بنتك تقول مهي رايحه لبيت نوف والكل رايح
شهد بصراخ : ايييييه قلت مابي اروح !!
مها : شهوده قلبي روحي مع البنات استانسي
شهد : مابي قلتتتت
ريما : مهاوي قلبي معليك روحي انا بقنعها
مها تنهدت وطلعت واسرعت ريما تقفل باب الغرفه وهي تتجهه لشهد : بتروحين ولا كيف !!!
شهد : افهمييي قلت ماني رايحه لهدرجه صعب كلامي !!
ريما : ايه صعب لانك تتبين تكملين نوم بسبب شخص غبي ما عهدك كذا يا شهد !! وين شهد اللي ما تنكسر على شخص افترق عنها ابيك تقهرينه تكفين يا شهد اسمعي مني
شهد زفرت : اخاف اسوي نفسي انه ما يهمني ويفهم غلط اكثر من الازم !
ريما ابتسمت : لا معليك وتكفين عشان خاطر نوف المسكينه تراها حامل وبفتره حساسه يعني لو ما جيتي بتزعل وبياثر على التوائم
شهد : خلاص طيب حضنتها ريما وهي تقهقه وشهد تضحك على هبلها وراحت ريما تتجهز وشهد كذلك ..
•
•
نوف وهي تجهز الضيافه وتساعدها تولين وقاطعهم قدوم متعب اللي حضن نوف من ورا وباس خدها وتولين استحت وطلعت للصاله ونوف اللي شهقت وضربت متعب على كتفه : ماتستحي انت !!! اختك معيييي
متعب بقهقه : ويعني ! ترا كل اللي سويته حضنتك
نوف : اص معد بكلمك خجلتني مع تولين !! ولفت واعطته ظهرها وحضنها متعب اكثر من قبل وهو يداعب انفه بعنقها : لا تكفين الا زعلك والله انه يعور قلبي مقدر عليه
ابتسمت نوف وهي تضرب يدينه وتبعدها من وسطها : وخر حتى عيالك زعلو مني
متعب : وش اللي يرضيهم !!
نوف ابتسمت : سلامتك
متعب عض شفايفه وباس خدها بقوه : مقدر والله مقدر
ضحكت نوف وهي تدفعه برا المطبخ : برا اقول وقول لتولين تجيني
متعب : من عيوني
وراح لتولين ولقاها ترتب الصاله ابتسم : تولين نوف تبيك
تولين هزت راسها بسرعه وراحت للمطبخ وضحك متعب وطلع
وكملت تولين تساعد نوف اللي تسوي حلا وتجهز القهوه
.
وقفت شهد وهي تناظر لنفسها كانت لابسه فستان اسود ضيق ورافعه شعرها كعكه عشوائيه و حاطه ميك اب بارز ملامحها الفاتنه تنهدت وهي تلبس عباتها وضربت جبينها فجاة: ريما الغبيه ما قالت لي منو بيودينا !!
أنت تقرأ
احتريتك من بين كل البشر وسميتك عشقي وفرحة سنيني
Actionالكاتبه شهد✍🏻 اول روايه لي وان شاء الله تنال اعجابكم 🤍 • اختصار للروايه ؛تتكلم عن حياة الجد سعود وعياله واحفاده ويومياتهم والاحداث والمغامرات اللي تصير معهم •• "" لا استبيح النقل او الاقتباس ""
