احتريتك من بين كل البشر وسميتك عشقي وفرحة سنيني

59

" بسم الله الرحمن الرحيم "
•
•
•
"هُم يحسبونَ بأننَا أحجارُ
‏تعبَ الهوىَ مِن حزننا يا جارُ."
محمد ابتسم ابتسامة خبيثه ورفع نظره لها : بكل الاحوال بتكونين لي !
هنوف قرصت باطن يدها عشان لا تقوم وتفقع له عيونه : لك ؟ وضحكت بقوه جاعله منه يرمقها بنظرة غير معهوده : اهخ الصراحه القاها منك ولا من تشخيصة شماغك اسمع يا ولد مرزوق عز الله انك اخترت العناء على نفسك لان مراح تلقى مني الا الردى
بدر ابتسم : كلنا واحد ولا انتي شايفه ذا القميص اللي من عهد جدتي !
هنوف ابتسمت باتساع : شايف ذا القميص هذه الشي اللي بتشوفه علي ولا متوقع مني بلبس لك فستان نعومي واتدلع مثل حركات اختك ! طبعًا انسى ذا الشي لانك بتشوفه بس بالاحلام ! وقامت بتمشي وقفها كلامه .
بدر بجديه : معليك انتي لاصرتي حلالي صدقيني مراح نحتاج للقميص !
التفت عليه هنوف بقرف وهي ترمقه بحده من فوق لتحت ودها تلتطمه على فمه اللي مبتسم بكل خبث ودخلت للصاله متجاهله ندى امها واختها
دخل محمد عند بدر اللي اخبره راح تكون الخطبه الاسبوع القادم وافق محمد على اقتراح بدر واستاذن منه يمشي واتصل على امه عشان تمشي وفعلا قامت ام حاتم ومعها دانه يستاذنون من مرام
مرام : هذي الساعه المباركه يا ام حاتم نورتونا والله
ام حاتم ببسمه : بنوركم استودعناكم الله
مرام : مع السلامه وطلعو وقفلت الباب مرام وهي تصرخ باسم هنوف !
اول ما ركبت ام حاتم وهي تقول كل شي لبدر من استقبال مرام لها ألى جيت هنوف لهم بالشكل المزري !
ام حاتم : والله مدري وش بلاها البنت ماتوقعتها كذا شرايك بالكبيره بسم الله عليها تهبل
بدر بحزم : مابي الا الصغيره يا يمه افهمي علي !
ام حاتم تنهدت : شورك واهداية الله عاد بعدين لا تجيني متنكد !
بدر بابتسامة : لا باذن الله ماني جايك
دانه : ترا هنوف جميله بس لعل احد مزعلها ومخليها بذي الحاله ناظرها بدر من المرايه بحده وابعدت نظرها عنه وهي تتامل الشارع
.
"بيت ابو متعب "
سامي دخل غرفة تولين : بقولك بشي
تولين اللي ترتب تسريحتها : تفضل ؟
سامي بحماس وهو يفكر يدينه ببعض : بعد كم يوم بخطب ريم
تولين ابتسمت بفرحه : اااحلللف ؟؟؟
سامي بضحك : والله كلمت راكان وداري عني وهو بيساعدني ويروح معي نخطبها تولين بفرحه : الله يتمم لك على خيرررر عاد واخير نوف قبل والحين ريم افضل بنتين
ابتسم سامي : دعواتك لي بس
تولين : الله يوفقك ويسعدك ويحقق كل شي تبيه الا متى بتروح تخطب ؟
سامي : امين الصراحه انتظر راكان يرجع من السفر عشان يكلم لي ماهر ونروح
تولين : الموضوع يحمس
سامي : بس خايف من شغله
تولين : من ريم ؟
تنهد : ايه
تولين : ولا يهمك ترا ريم انسانه راكده واحس بتوافق عليك
سامي : يااررررببب
.
" بيت ابو خالد "
كانت يارا وخالد جالسين برفقة ابو خالد وام خالد ويتقهون قاطعهم دخول روان وهي تصعد لغرفتها خالد بمزح : واخيرا نورنا باتمان !
روان : اكل تبن !
الكل شهق بصدمه وخالد اكثرهم وزفرت وهب تسرع لخالد تبوس راسه : اسفه ما كنت اقصد بس كنت متضايقه
خالد مسكها من اذنها تاوة بالم : اااه
خالد : وش اللي مزعلك ؟؟؟
روان بضيق : شي خاص بالبنات فك اذنها : لعد تعيدينها
روان : على خشمي وصعدت لغرفتها وهي تدخل وتقفل الباب بقوه وترمي عبايتها وشنطتها وتحط القهوه فوق التسريحه وتهمس بغيض : اصلا وش ارتجي من واحد يشتغل بقطاع صحي وكله اختلاط !
واتجهت تتروش تبرد شويه على نفسها قبل لا تحرقها نار قلبها ..
ام خالد : الله يكون بعون زوجها المستقبلي
ابو خالد ابتسم : هو حاصله وحده مثل روان ؟
خالد بقهقه : الله الله عليك يا يبه ! ماتوقعتها منك
ابو خالد : معليك بتجرب 
ابتسم : ابي بنت بس مو مثل روان !
يارا ببسمه : لا بالله اني ودي بنت تشبهها وش زينها عسل ولو هي مو فيه ما كان للبيت حس
ام خالد : والله انك صدقتي على رجتها الا انها عاطيه للبيت حس وبهجه
خالد : تراني غرت !
ضحك ابو خالد : عاد انت البكر اكثر واحد مدلع وحاط عينك على دلع الصغيره !
خالد بضحك : امزح يا طويل العمر
.
ريم اللي جالسه بغرفتها وتكلم ريما : والله لو تشوفين غرفة الادمي تقولين صاروخ ضاربها !
ريما ضحكت بقوه : لا عاد ذي قويه توقعت الكل يحب الا روان !!!!
ريم ضحكت : لا تستهين فيها وربي انها جامده يابنتي بس عشان شافته يضحك ويسولف مع الدكتوره !
ريما وهي تضحك وتمسح على بطنها : مب هينه روانوه !
ريم : وتصدقين هي مو معترفه انه تحبه
ريما بابتسامة : روان عنيده مراح تعترف بس افعالها تفضحها !
ريم : ايه والله صدقتي بس دقيقه مو هو يقرب للجازي ؟
ريما : لا مايقرب لها ولد جارتهم ام تركي كانت تهتم بالجازي كثير وكان هو يعاملها مثل اخته يوصلها للجامعه ويجيبها ولكن قرابه دم لا مافي
ريم : اوووه بس كذا !
ريما : اييه ورفعت نظرها على دخول معاذ : ريم بقفل اكلمك بعدين
ريم : طيب مع السلامه
ريما : مع السلامه وقفلت وهي تبتسم : اركضضض
معاذ باستغراب : وش فيه !!!
ريما وهي تمسح على بطنها : تعال حط يدك قاعد يتحرك اسرع معاذ وهو يجلس جنبها وتمسك يده وتحطها بمكان حركه طفلتها اللي كان يرفس بداخل رحم والدته عضت ريما بالم من رفستها ابتسم معاذ باتساع : وزينوووو اللي يلعب ريما كشرت : تعلب ببطني حسبي الله على العدو
معاذ ضحك وباس بطن ريما اللي ابتسمت بخفه : وش ودك نسميها ؟
ابتسمت ريما : امممم ميلا شرايك فيه ؟
معاذ : تم انتي عليك البنات وانا العيال ضربت كفه : اتفقنا !
.
" بعد يومين "
كان صالح ومعه خالد ومروان وروان ينتظرون عند بوابة المطار ينتظرون قدوم راكان وشهد ونواف وترف كانو بطيارتين مختلفه بس بنفس المطار
وفجاة شافو نواف وبرفقته ترف اشر لهم خالد ومروان واسرع خالد يفتح يدينه وركضت ترف بس تعدلها خالد وهو يحضن نواف اللي فطس ضحك : لهدرجه اشتقت لي !!!! خالد : اييي بالله البيت بدونك ماش وحضنو بعض وهم يضحكون
وصالح ومروان وترف ضحكو مصدومين من حركاتهم وحضن مروان ترف وبعدها سلمت على عمها وروان اللي كانت عند ستاربكس تاخذ قهوه ورجعت ومي تصرخ بفرحه وتركض : تررررفف !!!
الكل ناظرها يضحكون على ركضتها كانت مثل ما يسميها خالد باتمان لان العبايه وسيعه فتحت يدينها ترف بقهقه وقفزت عليها روان وهي تحضنها بقوه : وحششتتتييننييي
مروان : يالفضيحه انزلي فضحتينا !!
نواف : اقول نزلوها عن زوجتي! ولا بتذبحها بوزنها
روان تبوس بخدود ترف من فوق النقاب ونزلت من حضن ترف : قولي للقرد حقك يسكت قبل لا انفخ عليه ويطير خالد ضحك : والله تسديده حلوه
نواف : اص بس
صالح : راكان ما كان طول ؟؟؟
نواف : لا الحين يجي
مروان : جوو جووو
صالح يتلفت : وين !
خالد ناظر ولمح راكان اللي يسحب عربة الشناط وماسك يد شهد ويمشي يبحث بعيونه عنهم واشر له : الا والله جو شوفهم يا عم !
صالح شافهم وهو يبتسم وكان رجعت روحه له برويته لابنته : اي والله جو الحمدالله
راكان ابتسم اول ما لمحهم
وترف وروان اتجهو بعيد شويه عنهم وشهد اللي لمحت والدها وابتسمت بحماس له وهي تفلت يدها من بين يدين راكان اللي يرمق الشباب بمعنى لا تناظرون قلب عيونه نواف : مو كانها بنت عمنا !
خالد : اخوك شوية مب صاحي !
نواف بهمس : عائله سعود كلهم مو صاحيه
خالد : اعلم جدي !
نواف : شدعوه ! وضحكو
حضنت شهد والدها وبادلها وهو يدور فيها : يا روح صالح انتي والله الحياه بدونك ميته شهد دمعت : يا روحي انا والله اشتقت لك ولامي وينها ؟؟؟
صالح بابتسامة : بالبيت تجهز الاستقبال لك
شهد ضحكت : يا عيوني انا الا بشرني عنك كيفك ؟؟
صالح : الحمدالله بخير بشوفتك
شهد ابتسمت بحب وحضنته واشرت روان : بنت تعالي ولا نسيتينا !!!
شهد ضحكت واتجهت للبنات تسلم عليهم وتحضنهم وراكان يسلم على عمه وعلى نواف ومروان وخالد وبعدها اتجهو الكل لسيارته طبعا ترف ونواف راحو مع خالد ومروان وروان وراكان وشهد مع صالح
كان يسوق خالد وجنبه نواف وترف وروان ومروان بالخلف والكل اتجهه للبيت اللي كان الكل مجتمعين عند الجده منيره عادات وتقاليد ببيت الجد سعود وكانت مرام وبناتها موجودين وريما وطيف ومعها هتان ورهف ولدها سعود
ونوف وعيالها وكان البيت يعم بالحياة وام ماهر وام خالد ومها وام نواف توهم جو جايبين كيكه مكتوب عليها " الحمدالله على سلامة الوصول "
طيف : الف مبروك مقدمًا يا هنوف
هنوف ابتسمت بهدوء: الله يبارك فيك يا خاله
ريما : ليه تقولينها بدون نفس الصراحه ما الومك لان بعد مخطط الزواج وضع مثل كذا وهي تاشر على بطنها المنتفخ ضحك الكل وابتسمت هيفاء: الا صدق بتجيبين بنوته ؟
ريما ابتسمت : ايه
ام ماهر : الله يكثر البنات وش زينهم وربي حياة
ام نواف : اي والله مافي مثلهم
نوف : عن تجربة ام لتوائم بنت ولد الصراحه البنت اهدى من الولد لانه شقيييي غيث مررررره حركييي بشكل متعب وهي تسحبه قبل لا يخرب الكيكه
ضحكت ريما : شكرا لطرحك لرايك ومعه دليل
ضحكت رهف : الا سعود حبيبي هادي
ريما : لا يغرك تراه زي ابوه يدس السم بالعسل
قرصتها الجده منيره : يا قليله الادب ماتستحين تقولين عن اخوك كذا !
ضحكو الكل على حركات ريما : يمه ما قلت الا الصدق ماجدوه كذا بس انتي ما تعترفين لانه ولدك المفضل
الجده منيره : ورا ما تسمعين سكوتك !
ضحكت ريما وهي تحط يدها على فمها : هاه
ام خالد بقهقه : قلنا نزوجها وتعقل طلعتي نفس مانتي
ريما ابتسمت
هتان ببرائه : ماما ابغى مويه
طيف ابتسمت : من عيوني وقامت معه والكل كان مصدوم من نداه لها بـ ماما
تكلمت رهف تضيعهم عن صدمتهم بطيف : الا ريما انتي بشهر كم ؟
ريما ابتسمت وهي فاهمه على رهف : خلصت شهري السادس دوبني قبل امس دخلت السابع
رهف : الله يقومك بالسلامه
ريما ابتسمت : امين
.
وقف خالد السياره قدام البيت وخلفه سيارة عمه ونزل الكل واول ما دخلو استقبلهم ابو خالد بترحيبه لبنته وترف اسرعت تسلم على ابوها : يا هلا ومرحباااا
ترف ابتسمت وهي تحب راسه واتجهت شهد كذلك تسلم على عمها مخلد وطلع الجد سعود وابو نواف وابو ماهر وماجد اتجهو ترف وشهد يسلمون على جدهم وعلى عمانهم وصلت شهد لعمها ابو نواف اللي يرمقها بطرف عينه حبت راسه ويده : كيفك يا عم ؟
ابو نواف رفع حاجبه : الحمدالله بخير
ابتسمت شهد وناظرها راكان بمعنى ادخلي للبيت وفعلا اتجهت لبيت جدتها هي وترف وروان واول ما فتحت لهم طيف والكل يهلي ويرحب فيهم واسرعت مها تحضن شهد اللي بادلتها باشتياق وترف اتجهت لامها وهي تحضنها
روان تنهدت وحضنت ريما : يا هلا والله ماما ريما
ضحكت ريما وهي تضربها على راسها وتهمس : يا هلا بالغيوره
روان باستغراب ابتعدت : وش قصدك
ريما سحبتها تهمس لها : اقصد تروكي وسعت عيونها روان والتفت تناظر ريم اللي تبعد نظرها عن روان اللي تتوعد لها : تراها تفلم من عندها ومشت تاركه ريما تضحك عليها وبعد ما السلام جلسو يسولفون وشهد وترف كل وحده تحكيهم عن الطبيعه والاجواء اللي عاشوها
روان تنهدت : ليتك يا ترف خطفتي لي تركي كان عدلت من جينات العائله
ريما بخبث : ايه ياليتك لو جبتي لها تركي !
روان ضيقة عيونها وهي ترمق ريما اللي كاتمه ضحكتها وريم اللي يادوب تمسك الضحكه من رياكشن روان
ترف بقهقه : بدعاء الوالدين تجيبه
ريم : اجل شدي حيلك يا روان عشان تاخذين تركي
روان قهقة بغيض وهي تقرص ظهر ريم اللي انتفضت وهمست : وش قلت غير اني دعيت لك !!
روان بابتسامة وهي تتكلم من تحت صرها لاسنانها : لعد تدعين !
هيفاء ابتسمت : عاد فيه خبر وهو هنوف خطبها ولد جاركم ابو حاتم
شهد بصدمه : احلفي !
هنوف ابتسمت بمجامله : ايه وافقت والاسبوع الجاي الخطبه الرسميه
ترف : مبروك يا هنوف
هنوف : الله يبارك فيك
شهد اللي رمقت هنوف اللي واضح عليها عدم الرضى وهي بتموت وتعرف وش اللي خلاها توافق وهي ماتداني تشوف اخته اللي مالها دخل فكيف تتزوجه هو بكبره ! واثقه بان فيه موضوع كبير ورا ذي الموافقة
.
عند الشباب بعد السلام دخلو لبيت الشعر حق الجد سعود وجلسو والكل ياخذ احوال راكان ونواف ويسولفون
ماهر شاف ابوه طلع لحقه وهو يوقفه : يبه
ابو ماهر التفت عليه : هلا وش فيه ؟
ماهر : بكلمك بموضوع
ابو ماهر : وشهو ؟
ماهر : شفت الدكتور رامي المسؤول عن وضع ريم ؟
ابو ماهر باستغراب: ايه وشفيه ؟
ماهر : كلمني يبي يخطب ريم على سنة الله ورسوله وانا قلت له يتفضل وش رايك ؟؟
ابو ماهر : الصراحه هو رجال والنعم فيه وقف معنا بالصعبه بس ماتحس الموضوع بدري اختك دوبها سوت عمليتها !
ماهر : الرجال بيخطب بس الزواج نقدر نكلمه ياجل
ابو ماهر : ماعندي مشكله بس عاد الموافقة بتكون من ريم
ماهر : ذا طبيعي
ابو ماهر : اجل متى كلمته يجي ؟
ماهر : الاسبوع الجاي لان عنده اشغال الحين
ابو ماهر : خلاص تم ومشى لمشواره
ودخل ماهر وجلس وهو يبتسم لراكان : هاه كيف سفرتك ؟
راكان بابتسامة : ياولد خياليه
ضحك ماهر : يعني تنصحني اروح لها بعدين ؟
راكان : وانت مغمض
نواف : والله يا انا لطيت في البقلاوه والشاهي المر لين قلت امين
مروان : ولا قدرت تجيب لنا عز الله بخيل
نواف : اقول اعقب جايك نصيبك وبتاخذه
مروان ضحك : زين زين
معاذ : والله عاد طلعنا للاستراحه ولكن ماش جوها بدونكم
نواف ابتسم : يابعد عمري والله وهو يحضنه والكل ياضحك
نواف : شوفو كيف الواحد يعبر عبرو مثله
ريان : يا رجال كلها كم يوم بطرابزون وسويت لنا سالفه
نواف : غيور غيور على الاقل مو عند العزبه
ريان : وش زينها لو علي سكنت هناك
خالد : والله عزبة جدي شقى
الجد سعود : شرايك اخليك هناك اسبوع ؟
خالد بقهقه : لا شدعوه يا جد الوضع مزوح
الجد سعود : اجل اسكت
الشباب كتمو ضحكتهم وصفق خالد رقبة مروان : لا تضحك على اخوك الكبير
مروان : ياليلللل ذبحني بالسنتين ذي
ريان : يحليلك ماشفت شي باقي
قاطعهم دخول ريما وهي شايله ريفان وعيال نوف غيث وغيم حطتهم نوف عند باب بيت الشعر وقام راكان يشيل غيم وغيث
نواف بضحك : يا هلا والله بالغنايم
ريما اخذ نواف من ريما ريفان وسلم على ريما وراكان كذلك
ماجد : وين ولدي ليه ما جبتيه ؟
ريما : وانا اقدر اشيله بسم الله عليه
ماجد : يهب عليك وش قصدك
ريما : ماقصدي شي بس ثقيل علي
ماجد : بروح اجيبه وضحكت ريما عليه ومشى ماجد
وجات بتجلس جنب معاذ اللي ماسك يدها يساعدها تجلس
نواف : ايه ماذا تحمل هذه الكرش ؟
ريما : تحمل كف تبيه ؟
نواف بضحك : لا اعوذ بالله وش ابي فيه !
معاذ بقهقه : بتجي ريما الثانيه وابتسمت ريما
نواف : ياحسرتي الله يكون بعوننا
ريما : لا ياشيخ !
وضحك نواف والشباب عليها وراكان اللي كان يلاعب غيم وغيث وريفان ودخل ماجد وجلس ولده فوق اكتاف راكان : امسكه
راكان مسك سعود : وقلبي على الخدود كل ذي له
ماجد : قللللل ماشاءالله
راكان بضحك : ماشاءالله ما قلت شي !!!!
ريما بضحك : عاد سعود ولد ماجد مثل ابوه مايطرحه شي
ماجد مسك راسه : يابزررر قولي ماشاءالله!!!
الكل : ههههههههههههههههه
.
" بيت ابو حاتم "
ابو حاتم : توصون شي ؟؟
ام حاتم : سلامتك
ابو حاتم : مع السلامه ومشى طالع مع بدر وحاتم متجهين لحفل زفاف احد معارفهم
دانه : يمممه مشتهيه السليق اللي تسوينه
ام حاتم ابتسمت : ابشررري كم عندي دانه
دانه ضحكت : طبعا وحده
ام حاتم وهي تقرص خد بنتها : مطلعه عيوني وقامت للمطبخ ودانه تلحقها بقهقه : حرااممم الا ماما متى بتجي العامله ؟ مو طولت بالاجازه ؟
ام حاتم : كلمتها قالت بكره جايه ان شاء الله
دانه : اها تمام وطلعت لغرفتها وهي ناويه تجيب جوالها وصعدت وهي تلتهي بهاتفها عند ام حاتم اللي تقطع الدجاجه وتنظفها واتجهت للمغسله الخاصه بالمطبخ وهي تغسل الدجاجه و وخلصت ورمت القلفز اللي كانت لابسته وغسلت يدها وهي تشبك الفيش حق الفرن ولكان صعقتها الكهرباء وصرخت ام حاتم بالم وانفجر الفيش مسبب حريق وقعت ام حاتم وهي تشعر باقدامها ترتعش وداخت بسبب عمرها الذي لا يتحمل وحست بالطنين باذنيها وهي يغمى عليها
انتبهت دانه لصرخة والدتها وهي تركض للاسف : وش فيه ماما وشهقت وهي تشوف الدخان والحريق المشتعل والدتها الواقعه على الارض صرخت بخوف وهي تجثو بجانب والدتها وهي تحاول تصحيها بس مافي رد منها دانه : ماما اصحيي تكفيييين حررريقققق مامااااااا لااااا تكفييييين لا تخليييينيي ونزلت دموعها بخوف وحرقه وهي تحاول تسحب والدتها ولكن جسدها الضعيف لم يساعدها الا انها ابعدت والدتها عند باب المطبخ وهي ترتجف بخوف بروية الحريق يتصاعد بشكل مهول بالمنزل وصارختتت بخوف وبكاء وكحت بسبب اختانقها من الدخان المتصاعد واسرعت تركض وسط دموعها وخوفها ورجفتها وهي تخرج من المنزل كالمجنونه متجه لمنزل جيرانهم " الجد سعود "
وكان ريان يضحك ويسولف مع ماهر عند باب الشارع ولكن صدمهم الطرق القوي على الباب وفتح الباب ريان وهو ينصدم برؤيتها بوضعها المزري : داانه وشفيييك ؟؟؟ ماهر انصدم وصد وردت وهي تبكي وترتجف بخوف : مامااااااا تحتررررققق تكفوووون ساعدونييييي
ريان اسرع يلفها بشماغه وهو يسحبها للداخل البيت وهي تصراخ ماتبي تدخل الا ان يخرجون والدتها بس اسرع ماهر يفتح باب بيت جدته ودفعها ريان لداخل وهو يصارخ : رامااا نووفف ييمممه امسكو البنت بيتهم يحترق الكل فز هنا على الصراخ ودانه كانت تبي تخرج : مابيييييي ابييي ماماااااااا
اسرعت راما تمسكها : دانه هدييي
ماهر وريان ركضو لبيت جيرانهم وخرجو باقي العيال والحد سعود وابو خالد وابو نواف وصالح وبعض من جيرانهم وهم يشوفون الدخان اللي يخرج من البيت شمر ريان ثوبه ودفع الباب وماهر حاط يده على انفه وهم يحاولون يدورون والدتها ولمحو جسد مستلقي عند باب المطبخ الخارج منه الدخان واسرع ريان يسحبها وماهر سحب شرشف مرمي على الكنبه
ونواف اتصل على الاسعاف والدفاع المدني وخرجو بعض من اهالي الحاره يشاهدون الحريق المنزل مصعوقين
لفها ماهر وشالها هو وريان خرجوها لبرا المنزل عند الحوش وهم يحاولون يسترونها وراكان اسرع يساعدهم بتغطيتها
الجد سعود : يا حسرتي عليك يا مرزوق !
ابو خالد : بتصل فيه
الجد سعود : اعجللل اعجللل
ابو خالد اسرع يتصل برقم ابو حاتم اللي رد عليه وهو بصالة الزواج ونطق بسرعه ابو خالد : الحق يا ابو حاتم بيتكم يحترق !
ابو حاتم بصدمه : وشهووووو !!!
ابو خالد : اهلك بخير بس تعال قفل ابو حاتم وهو ياشر لبدر وحاتم اللي اقتربو من والدهم ونطق حاتم : وشفيه ؟
ابو حاتم وهو يركض خارج من صالة الزواج وبدر وحاتم يلحقونه ونطق بدر : يبيبهه وشفيه ؟؟؟؟
ابو حاتم : البيت يحترقق
بدر : وشهوووو وربك هو والده وحاتم وبدر اسرع يسوق ويدعس بنزين وهو يسرع لبيتهم والقلق والخوف بدت تداهم قلوبهم
.
دانه : تكفوووون خلونيييي اروح اتطمن على مامااااااا
ام نواف : يابنتي استهدي بالله الحين يطمنونك عليها
الجده منيره : ياويلي ويلاه وش اللي صار
دانه بانهيار وهي تشوف العلاقه اللي مليانه عبايات واسرعت تلبس منها وحده من العبايات وتلف الطرحه عليها والبنات يحاولون يهدونها وام خالد وام نواف يحاولون يمسكونها بس صرختتت ببكاء : اااااااترررركووونيييي ودفعت راما واسرعت تفتح الباب وهي تركض والبنات يحاولون يسحبونها ولكن قد انها طلعت للشارع وهي تشوف تجمهر الناس عند بيتهم وسيارة الاسعاف اللي تركب والدتها بداخلها وركضت وهي تصرخ : مامااااااا بروح معكم تكفوووننن
ريان هنا صرخ بغضب وغيرة من نظرات الجميع لها : تغطي يا بنت !
دانه رمقته بحده وهي ترمي طرحتها وجهها وتصعد بجانب والدتها وهي تحتضن كف والدتها وتبوسها ببكاء : ماما تكفين اصحي !
قفل الباب المسعف ونطق ريان : بروح معهم
الجد سعود : زين ما تسوي بنت الناس بذمتك واذا صار اي شي اتصل علينا
ريان : ابشر واركب بالامام مع السايق ومشت سيارة الاسعاف والمسعفين يحاولون يساعدون ام حاتم المغميه واللي امتلئت الرائه عندها بالدخان وبكاء دانه كان موترهم ولكن مع ذلك قامو بواجبهم تبقى ان يوصلون للمستشفى
عند الجد سعود : مخلد كلم ابو حاتم انهم راحو للمستشفى
ابو خالد : ابشر ورفع هاتفه يتصل ورد عليه ابو حاتم : وش صارررر يا ابو خالد
ابو خالد : استهدي بالله الاهل راحو للمستشفى مع الاسعاف حاليًا
ابو حاتم : لاحول ولا قوة الا بالله طيب ايت مستشفى
ابو خالد : *****
ابو حاتم : طيب وقفل ونطق بعجله : مستشفى ***
بدر شد يده على الدركسون وهو يسرع للمستشفى والخوف ياكل قلبه على امه واخته ليس هو وحده من يشعر بالخوف والقلق بل ايضا حاتم وابو حاتم
ؤقفت سيارة الاسعاف امام المستشفى واسرعو المسعفين ينزلون ام حاتم بهدوء والدكتور اسرع يشوفها حالتها وهو يصارخ : بسرعه دخولها داخلللل
واسرعو المسعفين يدفعون السرير المتحرك وريان نزل وهو يمشي خلف دانه اللي تلحقهم ببكاء وهي تشوفهم يدخلون والدتها لاحد الغرف بس انصدمت وهي ترتجف وهي تراهم ينعشون والدتها وبكت وهي تنادي : لااااا يا ماماااااا تكفييييين لا تتركييييينيييييييي
ريان انصدم زيها وهو يسمع محاولات الدكتور وسحب دانه يبعدها عن الغرفه بس كانت ترفض : وخررر اتركنييي مامااااااااا
الدكتور اخذ نفس وهو يضع الجهاز على صدر ام حاتم ويصعقها ويرجع نبضها وتنهد الجميع براحه وهم يسرعون يضعون لها الاكسجين ويفعلون الازم
انهارت قوة دانه وهي تشوف رجوع قلب والدتها وكانت بتقع لولا يد ريان اللي اسرع يمسكها من خصرها ويسندها : دانه ! اصحي
دانه غمضت عيونها وهي تستسلم للظلام شالها ريان وهو ينادي : يادكتوررر دكتورره احدددد يجيييييي طلعت قدامه الممرضه وهي تاشر على غرفه : دخلها هنا بسرعه دخل ريان وهو يتجهه للسرير ويضعها عليه وشال عنها الطرحه وهو يرى رموش عيناها مبتله وانفها محمر وخدودها كذلك جاعله من ملامح ريان تلين وهو يتاملها بس لم يستمر تامله طويل حتى قاطعته الممرضه : لو سمحت وش صار عليها ؟؟؟
ريان صد وهو ينحنح : اغمى عليها
الممرضه : طيب اطلع برا لو سمحت عشان اعرف اشتغل
ريان هز راسه : طيب وطلع وهو يتجهه للاستقبال يسال عن حالة ام حاتم : لو سمحتي اللي دخلوها الحين كيف وضعها ؟
مشرفة الاستقبال : وضعها حرج
ريان انصدم : كيف يعني
مشرفة الاستقبال : يعني راح تكون تحت الملاحظه اربعه وعشرين ساعه
ريان تنهد بضيقه : يعطيك العافيه ومشى وهو يطلع برا ويزفر بقوه
وقف بدر السياره قدام ريان ونزلو بسرعه ومسك ابو حاتم اكتاف ريان وهو يهزه : وش اللي صار ؟؟ ويييينهممم
ريان بهدوء: الخاله دخلوها لغرفة الملاحظات واما بنتك مافيها الا العافيه بس داخت بسبب اللي صار وتوهم حطو لها مغذي
بدر : وييين الغرف
ريان : تعالو معي ودخل ولحقوه وهو ياشر على غرفة ام حاتم اللي كانت يمين وغرفة دانه اللي كانت بعد غرفة والدتها ومشو بسرعه لغرفة ام حاتم بس منعهم الممرض من الدخول : اسف ممنوع الدخول لانه المريضه تحت الملاحظه
ابو حاتم بخوف : يا ولدي طمني عليها وش فيها
الممرض : وضعها حرج بسبب تلوث الرئه عندها راح تكون تحت الملاحظه لمده اربعه وعشرين ساعه واي مستجدات راح نخبركم ومشى تاركهم مكسورين القلب على ام حاتم مسك راسه حاتم وهو مو متحمل اللي قاله الممرض : ودانه وينها !
ريان : بذي الغرفه داخت بسبب وضع الوالده
مشى ابو حاتم وبدر وحاتم ودخلو غرفة دانه كانت الغذايه بيدها واول ما شافتهم وهي تبكي ويجلس والدها على السرير بجانبها وهو يحضنها وتنهار بحضنه ريان كان واقف يشوف انهيارها من زاوية الباب
دانه برجفه وبكاء : يـ بـه كله مني ا.. انـ .. انا طلبت منها تطبخ لي كله بسببي
ابو حاتم بحنان وهو يمسح على راسها : استهدي بالله مو منك ذا شي مكتوب !
بدر بغضب وحده صرخ : وانتي بزر عشان تطبخ لك امي !!!!
حاتم بحده : بدر !
بدر بغضب : وشهو بدر ! ذي نهاية الدلع شوف وين وصلنا معها يعني اي شي يصير لامي الحين بسببها !!! دانه إنهارت بالبكاء بحضن والدها اللي نطق بحده : بدر لو ما تسكت بتندم !
ريان كان يراقب غضب بدر حس بالانزعاج بسبب صراخه بس تنهد والتفت وابتعد عن المكان وهو يتصل بجده يطمنه عليهم
ابو حاتم وهو يمسح دموع دانه : طيب وبعدين وش صار ؟
دانه نزلت نظرها بخوف من غضب بدر القادم عندما يسمع الذي سوف تقوله : بعدين معرفت وش اسوي من الخوف ركضت للشارع واول شي خطر ببالي بيت جيرانا ابو راشد
بدر بغضب ضرب الطاوله : بدون عبايه !!!!!!
دانه ارتجفت عظامها من صراخ بدر المنفعل : وربي ما ركزت على نفسي كنت ابي اساعد امي هذه همي وربي يا يبه
حاتم : بدر عندك شي زين تقوله تفضل ماعندك اطلع ولا تزيد علينا لان تعبانين بما فيه الكفايه
بدر رفس الطاوله وطلع مثل الثور الهائج يبي يفضي غضبه باي احد
.
" بيت محمد "
دخلت وبدت مرام تسرد كل شي لزوجها اللي انصدم واسرع متجهه للمستشفى يبي يتطمن على بدر اللي بالاصل ما كان موجود
هيفاء: ماله داعي ابوي يروح كان اتصل افضل !
مرام : عيب الرجال بيصير نسيب ابوك والواجب يوقف معه
هنوف بسخريه : يا نسيب الغفله
مرام : هنوف ! زفرت هنوف وهب تلتهي بهاتفها
.
بدر اللي يسوق بسيارته وقف عند بقاله بجانب منزل محمد بياخذ دخان ونزل واشترى وقف قدامه شخص بنهاية العشرينات وهو يرمق بدر من فوق لتحت : من وين انت يا ولد ؟
بدر رفع حاجبه ونطق بنبره حاده : تكلمني ؟!
ضحك الرجال : لا اكلم البنقالي وفيه ولد غيرك وش جابك حارتنا ؟
بدر اقترب منه والشر يقدح بعينه : عيديها وشوف وش بسوي فيك !
ابتسم الرجال بتحدي : قلت يا ولد وين الغلط ؟
بدر لكمه باقوى ماعنده وانصدم الرجال وهو يردها لبدر اللي ضحك بغضب : جابك الله عشان افضي فيك اللي فيني وتماسك بدر مع الرجال بالهوشه وبعد ما فرعو بينهم اكثر من شخص اخذ اللي يبيه بدر ومد الفلوس للعامل وركب سيارته ومشى وركن سيارته بعيد عن منزل محمد واتجهه يمشي له
عند هيفاء: هنوف وش تتوقعين صار ؟
هنوف : على مين ؟
هيفاء: اهل زوجك المستقبلي
كشرت هنوف : بالطقاق مايهمني
هيفاء: حرام لا تقولين كذا دانه وامه مالهم دخل فيه !
هنوف : امه لو فضت عمرها شويه وربته كان ما صار اللي صار ودانه لو تترك عنها التملق دايم لاخوها التبن كانت تعاطفت معهم وقامت تصعد لغرفتها
هيفاء تنهدت : الله يكون بعونهم
دخلت هنوف غرفتها كانت مظلمه بس الشباك مفتوح زفرت : انا اوريك يا هيفاء فاتحتها لي عشان الذبان يدخل علي وهي تقفل الشباك بس سمعت صوت تقفيلة الباب بالمفتاح والتفتت وهي تشهق بصدمه وهي ترا بدر واقف امامها بثوبه المليئ بالبقع الدم وفيه ضروب بوجهه : ا انتتتت كيف دخلت هنا !!
بدر اقترب منها بسرعه يقفل فمها : كل شي فيك تمام الا رفعة الصوت يبالي وزنيه ! هنوف عضت يده وهو يرمقها بحده وهي تناظره بغضب : مجنون انت ترا تخطيت حدودك كيف تدخل غرفتي بذي الطريقه !!
بدر : الخطوط اللي تتكلمين عنها يا انسة هنوف بعد كم يوم بتصير من حلالي ومن الحين اعتبري نفسك حلالي بالوقت اللي ابيه اجي !
هنوف مصدومه من جرئته وضحكت بخفه : انت تستهبل ؟ امك واختك بالمستشفى وانت جايني هنا !
بدر ببرود : رحت وتطمنت عليهم وكله من دانه الدلع اللي امي وابوي مدلعينه اياه مخليها تتمادى !
هنوف رفعت حاجبها بفضول : وليه وش سوت هي ؟
بدر اللي كان محتاج احد يساله : الكلبه قايله لامي تسوي لها اكل بدال لا تقوم هي وانفجر الفيش واللي صار بامي بسببها بسبب دلع التبن دانه
هنوف : والدم ذا من وين لا يكون ذابح احد وجاي تتخبى عندي مثل الافلام ؟!
بدر رمقها بحده ونطق : ايه صح ذكرتيني عرفت انتي ليه مب صاحيه طلعتي مو انتي لحالك بذا الوضع حتى عيال حارتكم الغثيثين كذا مردغت واحد
هنوف بسخريه : مردغته ؟ اشوف العكس !
بدر عصر خصرها بين يدينه وهو ينطق بحده : هنوف !
هنوف عضت شفايفها بالم : الله يكسرها ! وخر عني !
بدر دفعها وجلس على سريرها : برتاح عندك لين شوي وامشي
هنوف بجلطه : وين ترتاح !!! اقول امش من هنا اصلا ابوي راح عشانك وانت جايي هنا عندي !!!
بدر ابتسم : يعني اخذ راحتي معك كويس
هنوف : تخسي تاخذ راحتك والحين اذلف !
بدر : لو ما سكتي بقلب الموضوع عليك واقول لابوك انك انتي اللي جايبتني غصب ! هنوف : مختل تدري ولا ماتدري !
ضحك بدر : لا مدري توك انتي اول شخص تقولينها لي
هنوف قلبت عيونها بكرهه : قوم من على سريري لان جروحك تنزف لا توسخ لي المفرش ! بدر رفع حاجبه : عيني خير وقام وهو يتجول بغرفتها وهي تناظره بغيض ودخل الحمام بسرعه وما لقى اللي يبيه واتجهه لتسريحتها يدور هنوف : هيي هيي وش تدور وخر عن اشيائي !!
بدر : اجل طلعي لي علبة اللصق ابي اوقف نزف الجروح
هنوف زفرت وهي تتجه للكومديه تفتح الدرج وتحرج له علبه اسعافات : اخذ
بدر اخذ العلبه وسحبها له وهو يجلسها جنبه وابتسم : سويها لي
هنوف بقرف : وخر عني بلا قرف
بدر ابتسم بخفه : تعالي بطيب خاطر افضل لا اجبرك !
هنوف : لا يا شيخ وكيف بتجبرني ! سحبها لحضنه وهو يثبتها تحت ابتعادها عنه : وخررر عنننييي بلا قررررف !!!
بدر باستمتاع : مراح ابعد عنك لين ما تعقمين لي الجروح ولا انسى تقومين من حضني يا حلوه وهو يتامل وجهها القريب منه ناظرته بكرهه وحقد وهو بادلها بابتسامة منتصره : طيب خلني اجلس جنبك ومو بحضنك ابتسم بدر : طيب بس ترا مصيرك بتقعدين هنا كشرت بقرف وهي تجلس جنبه وهي تفتح العلبه بعنف وتطلع منها المعقم والقطنه وهي ترش عليها من المعقم وحطته بقوه على وجهه صر على اسنانه من الم المعقم ضد بشرته المجروحه وناظرها ولقاها مبتسمه على ملامحه المتالمه والغير راضيه : تدرين بوسه من شفاتك تشفي لي الجروح
هنوف بسخريه : احلف يا توم كروز ! كلام مبتذل للاسف ما ارضى فيه ! وكملت تعقم له الجرح تحت مراقبته لها ...
.
" بيت الجده منيره "
الجده منيره : لحول ولا قوة الا بالله !
ام نواف بقلق : وش صار على دانه راما ما كلمتي اخوك !
راما بخوف : لا بكلمه ورفعت جوالها وهي تتصل عليه ورد عليها : وشفيه ؟
راما بقلق : ريان وش صار على دانه وامها ؟
ريان تنهد بهدوء: دانه مافيها الا العافيه بس امها وضعها حرج ولازم تكون تحت الملاحظه طوال الاربع والعشرين ساعه ادعو لها
راما شهقت بخوف : يارب تقومها باسلامه
ريان : امين ريفان عندك ؟؟؟
راما : اايه لا تشيل همها تلعب
ريان : زين انتبهو لها امكن اطول
راما : طيب وقفل
الجده منيره : وش يقول اخوك !
راما بحزن : ام حاتم يقول وضعها حرج الكل شهق بصدمه واللي تدعي
الجده منيره : لا اله الا الله يالله تقومها باسلامه
الكل : امين
ام نواف : ودانه ؟؟؟
راما تنهدت : بخير
ام نواف تنهدت بحزن : لاحول ولاقوة الا بالله
ريم كحت والتفت عليها ام ماهر : مشينا الوضع هنا وترك اكيد
ريم : لا عادي يمه
ام ماهر : مافي يلاه معي وزفرت ريم وهي تقوم مع امها متجهين للبيت
روان ناظرت لترف : ماشاءالله وجهك منور وش تستعملين ؟
ريما بخبث : ذا اكيد مفعول نواف استحت ترف : ريما !!
روان بقرف : يععع مقرفين !
ترف ضربة رجل روان عشان تسكت
طيف : الا تروف كيف السفره معك حلوه ؟
ترف : اي والله تجننن الاجواء هناك تجبر الخاطر
ريما : ما يحتاج تجبر خاطرك بوجود نواف ترف خجلت : ريما وش بلاك علي ! ريما ضحكت : يازين يوم اشوف وجهك يصير احمر ضحكت ترف عليها ..
.
" بالمستشفى "
عند محمد اللي توه جاء ودخل ولقى ريان قدامه : السلام عليكم
ريان : وعليكم السلام
محمد : وين بدر وابو حاتم وحاتم ؟
ريان استغرب من اسالته : بدر قبل شويه راح وابو حاتم وحاتم ولده داخل عند بنتهم بالغرفه ذي
محمد تنهد : وين راح بدر ؟
ريان : ما قالي والله !
محمد : وش وضع الاهل
ريان باستغراب : ندعي لها ان شاء الله بخير بس تعرفهم انت من متى ؟
محمد : بدر الضابط حقي وخطيب هنوف ان شاء الله
ريان انصدم وجلس باحد الكراسي : اها
وفجاة طلعو ابو حاتم و ولده حاتم وسلم عليهم محمد وعرفه ابو حاتم بانه هذه هو الشخص اللي بدر يبي يخطب بنته وزميل معه بالعمل
وبعد الكلام الكثير مشى محمد وابو حاتم لف على ولده : وانا ابوك ارجع مع اختك للبيت ماينفع تطول هنا
حاتم : لا يبه انت ارجع معها انا بجلس عند امي روح ارتاح وحب راس ابوه اللي تنهد بضيقه : بس بدر مو فيه اتصل عليه مافي سياره الا سيارته جينا بها !
ريان قام واقف : انا موجود يا عم اوصلك
حاتم : ريان يوصلك يا يبه فكنا من بدر تلقاه الحين معصب
تنهد ابو حاتم : اجل قول لاختك تجهز
حاتم : طيب ودخل لعند دانه ولقاها متكوره حول نفسها : دنو حبيبتي تجهزي عشان بترجعين مع ابوي للبيت
دانه بعناد : مابي بجلس مع ماما
حاتم : مايصير يا دانه لازم انتي وابوي ترتاحون وابوي مره متضايق لا تزيدين عليه
دانه بحزن : طيب بس تكفى اي شي يصير تتصل فيني
حاتم ابتسم ومسح على خدها : ابشري بس ارتاحي ولا تفكرين ادعي لامي وان شاء الله بتصير بخير
دانه قامت : ان شاء الله يارب وعدلت طرحتها وهي تتحجب وترمي الطرحه على وجهها وتطلع لابوها اللي واقف مع ريان ويتكلم معه ويشكره بانه وقف معهم وطلعو من المستشفى وركبو سيارة ريان اللي جابها له مروان ورجع مع نواف للبيت وركب ريان وابو حاتم جنبه ودانه خلف والدها وشغل السياره ومشى متجهه للبيت ..
" بغرفة هنوف "
خلصت من تعقيم جروح بدر وحطت له لصقات وقامت وقام خلفها وهو يحضنها من الخلف قاومتها هنوف بس شافته اقوى منها وهي تلكمه بكوع يدها تالم بدر من ضربتها وهو يديرها له وكانت تقاومه بشراسه وثبتها بعد ما مسك يدينها خلف ظهرها ومسح على خدها بابتسامة مستفزه : تدرين قبل لا اجيك كنت متضايق بس من شفتك تبخرت الضيقه
هنوف بسخريه : وانا من شفتك والضيقه تكتم صدري !
بدر ابتسم وقرب من اذنها وهو يهمس : هذه وحنا بالبدايه وش خليتي للنهايه
وقاطعهم صوت محمد ينادي باسم مرام تحت بس صوته كان مرتفع وانتفضت هنوف وهي تدفع بدر : انقلع لا تورطني معك
بدر ابتسم واتجهه للشباك وهو يتلفت يمين ويسار يشوف هل فيه احد ونزل بسرعه ولياقه من الشباك ونط على الارض شهقت هنوف واتجهت تشوفه وهو يلوح لها ويركض : مجنون مب صاحي !
.
وقف ريان قدام بيت مرزوق ونزل ابو حاتم ودانه ورجع شويه لورا لموقف بيتهم ونزل ولكن قاطعه ابو حاتم : ريان يا ولدي البيت مقفل وين المفتاح ؟
ريان : شكله مع جدي بشوفه
ابو حاتم : طيب ومشى ريان ودخل البيت وهو يصوت ويدخل بيت الشعر وشاف العيال وعمانه وجده موجودين : مفتاح بيت جارنا ابو حاتم وين ؟
الجد سعود: جاء ؟؟؟
ريان : ايه جبته
الجد سعود قام : بجي معك دقيقه ومشى مع ريان وطلعو لعند ابو حاتم ودانه اللي كانت واقفه خلف والدها وتراقب اقتراب ريان
الجد سعود : الف لا بأس يا ابو حاتم جعلها اخر المصايب
ابو حاتم بتعب : امين يا ابو راشد ما قصرت لا انت ولا عيالك عز الله انكم كفو
الجد سعود صافح ابو حاتم وهو يطلع من جيبه مفتاح البيت : ما سوينا الا واجبنا والبيت مافيه شي غير ان المطبخ احترق كله معرضين خير ان شاء الله
تنهد ابو حاتم : الحمدالله على كل حال
ريان ناظر لدانه اللي واضح وجهها من تحت الطرحه الخفيفه وكانت تبعد نظرها عنه وهي تحس بنظراته مثل السكاكين ونطق الجد سعود : اذا احتجت اي شي ترانا بالخدمه يا ابو حاتم
ابو حاتم ابتسم : ماتقصر يا ابو راشد وهز الله ان ابو نواف جاب رجال ريان ما قصر معنا وقف معنا وقفه يشهد لها الكل
ريان حب راس ابو حاتم وبنبره حازمه : ماسويت الا واجبي يا عم وحنا جيران واهل واللي سويته شي بسيط
ابتسم الجد سعود بفخر من ريان وشد على كتفه : توصي شي يا ابو حاتم ؟
ابو حاتم : سلامتك واخذ المفتاح ومشى الجد سعود وخلفه ريان وفتح الباب ابو حاتم ودخل هو وبنته وفعلا لقو البيت نظيف بس المطبخ وبابه محروق ومعدوم
تنهدت دانه : يبه ماما بتصحى ؟
ابو حاتم : ان شاء الله يا بنتي ادعي لها والحين روحي ارتاحي
دانه بهدوء وهي تناظر بالمكان اللي كانت امها مرميه فيه : طيب وطلعت لغرفتها واول ما دخلت وهي تشعر بالدموع المالحه تتساقط من عيناها اللوزيه وهي تكتم شهقاتها إلى حست بكتمه واتجهت تفتح الشباك وهي ترمي العبايه وتجلس على الكنبه وهي تستسلم لشهقاتها بالخروج
.
عند ام نواف وراما اللي رجعت بعد ما اخذت احد شراشف جدتها بسبب عبايتها اللي اخذتها دانه وكانت شايله ريفان واول ما دخلت لقت نواف وراكان اللي اتجهو لوالدتهم وهم يحضنونها ويسلمون عليها ابتسمت راما وهي تحط ريفان بحضن ريان الجالس على الكنبه وتبتسم بحماس : خلاص دوري دوري
ضحك نواف : تعالي تعالي واسرعت تحضنه وهو يدور فيها وهي تصارخ : نووووووااااففففف نزلنييي
ضحك راكان : ايييه زيد يا نواف
ام نواف بقهقه : بشويش على اختك !
نواف ضحك وهو يشوف راما المخبيه راسها برقبته وتصارخ وقف وهو يشوفها تدور بدوخها وضحك الكل عليها
راما : حسبي الله على بليسك
راكان : تعالي
راما : والله لو دورتني لذبحك
ضحك راكان : خلاص حزنتيني وحضنها وهي تبادله
وجلسو بعد كذا وهم يسولفون
راما : ايه يا نوافوه كيف تركيا
نواف بابتسامة : تجنننننن واللي فيها يجنننونننن
راكان بخبث : قولي لزوجته عن كلامه
نواف : لا يا شيخ ناسي انك تمدح ببنات اروبا !!!
شهقت راما : شكلكم بتنامون بغرفكم اليوم بدال بيوتكم !
ريان بقهقه : راحت عليكم
راكان : ورعه تراه يطقطق
راما : عند شوشو نتفاهم
راكان بحده : راما !
ضحكت : اسكت بعد ما تعطيني شويه من دراهمك
راكان طلع من جيبه ٥٠٠ ريال لو سمعت حرف ذبحتك وهم شاهدين
ام نواف : ما بقى الا تذبح بنيتي !
راكان بابتسامة: عاد اخر العنقود ما ترضين عليها !
راما سحبت منه الفلوس وهي تبتسم بوجهه نواف اللي رفع حاجبه : خير ان شاء الله ؟
راما وهي تاشر بحركه يعني طلع فلوس طلع لها لسانه : انسي انسي اصلا انا ما سويت شي
راما : زين اجل انتظر الجاي
نواف : وجعوه دقيقه وطلع ٢٠٠ لعد تطلبين
راما : وشذا !
نواف : فلوس !
راما : لا يا شيخ ! اقول طلع الزرقاء تراني اشوفها
نواف : يهب مو عيون دربيل
ضحكت راما وسحبتها منه وهي تبتسم : كذا تصافينا
ضحك ريان : والله مب هينه يا راما عرفتي تستفدين منهم
راكان : نعطيها على جوها ولا صاحت علينا
راما : يمههه شوفيه !
راكان : يا دلوعه ما سويت شي !
ريان ببسمه حط ريفان بحضن امه وحب راسها : بنام توصون شي ؟
نواف : سلامتك
راكان : نوم العافيه
راما : قود نايت
ريان ضحك عليها وصعد لغرفته ودخل وهو يخلع ثوبه ويتجهه للشباك وهو يلتفت لغرفه دانه وانصدم وهو يشوفها تبكي بشكل محزن صر على اسنانه وهو يمرر نظره على وضعيتها كانت متكوره حول نفسها وجهها الاحمر كان واضح له وصوت بكائها المكتوم جاعل منه يكور يده وهو يتنهد بقوه واتجهه لسريره ينسدح وهو شارد بسقف الغرفه فكر بانه ماله حق يفكر فيها او ان تخطر بباله وسحب البطانيه عليه وهو يتلحف وينام ..
..
" اليوم التالي "
استيقظت ام حاتم وكان وضعها ممتاز على كلام الدكاتره ولكن كان يجب ان تاخذ معها الاكسجين اذا خرجت من المستشفى ابتسم حاتم وهو يقترب من والدتها ويقبل يدها بقوه : الحمدالله اللي خلاني اشوفك بخير
ام حاتم ابتسمت بخفه ولكن فجاة داهمها الخوف : دانه وين اختك وش صار عليها ؟؟
حاتم ابتسم : لا تشيلين همها بخير رجعت البارح مع ابوي بالقوه وهاوشها بدر اللي من البارح ما شفته بعد ما درا ان دانه هي اللي طلبت منك تطبخين
تنهدت ام حاتم : وينه ذا الطايش ؟
حاتم : مدري عنه طلع البارح بسرعه واتصل عليه مايرد علي !
قاطعهم دخول بدر اللي كان لابس ملابسه عمله واسرع لامه وهو يقيل راسها ويدها : الحمدالله على سلامتك يا بعد قلبي
ام حاتم ابتسمت : الله يسلمك يا روح امك بس زعلانه منك
بدر : افا ليه ؟
ام حاتم : ليه تهاوش اختك هاه ؟
بدر زفر بقوه : يمه دلعك لها جاب لنا مصيبه ولو ما ستر الله ماندري وش صار !
ام حاتم : انت الحين قاعد تعارض قدر الله لي وترا ذا شي مكتوب لي ولا لك حق ترمي الوم على اختك ولو ما راضيتها مراح ارضى عنك !
حاتم ابتسم بخفه على ملامح بدر المصدومه : يمه !
ام حاتم : مراح اعيد كلامي يا بدر !
تنهد بدر : عشانك والله ولا هي حقها مخمس يعدل لها إعداداها
ام حاتم : بدر !!!
بدر : متى قالو بيخرجونها ؟
حاتم : بعد المغرب
بدر : الحمدالله زين توصون شي بروح وراي دوام
ام حاتم : الله يحفظك باس يدها ومشى لعمله
.
عند راكان اللي صحى على صوت موسيقى فرك عينه وهو ما يشوف شهد جنبه وقام يغسل وجهه ويفرش اسنانه وطلع من الغرفه ولقى شهد اللي مبخره البيت وحاطه القهوه والحلا ومسويه اجواء والتفت عليه : صح النوم
راكان : صح بدنك وش ذي الاجواء الرايقه ! يالبيه بس ضحكت شهد : تعال تعال اشرب لك فنجال يصحصحك
ابتسم راكان وجلس جنبها وهو يقبل يدها ابتسمت شهد بخجل واخذت الفنجال والثلاجه وهي تصب له القهوه وتمدها له : سم
راكان بابتسامة: سم الله عدوينك
شهد ابتسمت ارتشفت من فنجالها وهي تناظره : وش صار على صديقك سامي ؟
راكان : يوووه راح عن بالي قايل له اول ما اجي اكلمك بس اللي صار امس نساني اياه
شهد : بشره انك جيت
راكان : لا يكون قلتي لريم ؟
شهد : لا ما فتحت فمي !
راكان : زين ورفع جواله يتصل على سامي اللي بمكتبه جالس ومشغول بالاوراق وسحب جواله بدون انتباه لاسم المتصل : هلا
راكان : السلام عليكم
سامي : وعليكم السلام هاه متى بتجي ؟
راكان ضحك : جيت من امس يا سيد سامي
سامي فز : هاااه جيتتتتت من امس ولا كلمتني !!!!
راكان : صل على النبي وخلني اقولك وش صار
سامي جلس : اللهم صلي وسلم على نبينا محمد اسلم
راكان : سلمك الله هذه البارح كنت بكلمك بس بيت جيرانا انحرق والتهيت معهم ونسيتك وتوي اتذكرك وخلاص بكره بكلم ماهر وتجي انت مع ابوك
سامي : ابوي مسافر للشمال مو يمي بس بجيب معي متعب
راكان : تم اجل بكره موعدنا
سامي بحماس : ان شاء الله يارب وقفل راكان من سامي وهو يضحك على نبرة الحماس
شهد ابتسمت : بديت اصدق كلام جدتي يوم تقول اذا تزوجت وحده من البنات تسحب الباقين معها ويتزوجون
ضحك راكان : صادقه جدتي
..
"بيت معاذ "
نزلت ريما وهي تشوف عمتها والجازي جالسين واتجهت لهم تجلس
الجازي : يا هلا والله باللي الخافق له يهلي
ضحكت ريما : يا بعد عمري والله
الجازي : ريمو بسالك بس انسى دايم
ريما وهي تاخذ الفنجال من عمتها وتتقهوى : وشهو
الجازي : لاحظت اختك مرام بدت علاقتها معك كويسه وش السالفه
ابتسمت ريما : بعد وفاة عزيزه زوجة ابوي تغيرت بشكل فضيع وصدمنا كلنا والصراحه مرام كويسه لولا عزيزه اللي تعبي براسها الله يرحمها بس
ام معاذ : مايجوز عليها الا الرحمه
ريما : هو ذا
الجازي : قولي لي وش الاكشن اللي يصير معكم
ريما ضحكت : ياليل وش طرى على بالك !
الجازي : احس يحمس
ويما بابتسامة : هو يحمس كنا نصفق بعض ويجي ابوي يزيد يصفقنا
ضحكت الجازي وامها ونطقت الجازي : كنتم تتماسكون بالشعور ؟؟
ريما : نتصافق بكل شي ومره من المرات دخل بيننا ماجد اخوي ولا بغى يفكنا من بعض ومره عاقبنا ابوي وخلى كل وحده تعتذر للثانيه
ضحكت الجازي : يحمسسس
ريما ضحكت : مررره لدرجه حتى شهد اللي تعتبر عزيزه جدتها ام ابوها تصافقت مع مرام ولا بغو يبعدونهم عن بعض
ام معاذ : ياويلي ويلاه وش صار بعدها ؟
ريما : صالح حلف على بنته وعلى زوجته مها ما يدخلون بيت امه
الجازي : سبحان المغير الاحوال والحين ماشاءالله مثل السمنه على العسل
ريما : اي الدنيا تغير الواحد
.
" بيت محمد "
ما كان بالبيت الا هيفاء وهنوف لان مرام راحت لعمتها ام محمد ومحمد بدوامه
هنوف : هيفاء تخيلي امس من كان بغرفتي ؟
هيفاء اللي تلعب بالايباد حقها وعينها عليه : مين ؟
هنوف : بدر الكلب
شهقت هيفاء وهي ترمي الايباد جنبها : وشهو وشهو !!
هنوف زفرت : زي ما سمعتي
هيفاء: وذا التبن كيف دخل عندك !
هنوف : كان القرد متسلق لغرفتي ولا قدرت اصارخ خفت يحطون الذنب علي!
هيفاء بقلق : وش يبي يوم انه جايي !!
هنوف : جاني وجهه مضروب طلع متهاوش مع ولد حارتنا وجايي يلعب الغبي
هيفاء: الله يكون بعونك مو صاحي ذا !
هنوف : كله عشان خاطر ابوي ولا ورب البيت عرفت اتصرف معه
هيفاء: اهخ مافي مثل اللي ببالي
هنوف بسخريه : ومين ببالك ؟
هيفاء بابتسامة وهي تستذكر ملامح سلمان : اااااه واحد صدق لاشفتيه قلتي ونعم الرجال
كتمت ضحكتها هنوف وهي تشوف نظرات هيفاء الحالمه : والله لو انه هنري كافيل !!!
هيفاء بتكشيره : واحلى منه وارجل منه !
ضحكت بقوه هنوف : لا عاد ذي قويه !
هيفاء بغيض وهي ترمي عليها الوساده : مالك دخل فيني وانقلعي عني
ضحكت هنوف وهي تتجهه للمطبخ تاركه هيفاء ترجع لهيامها
.
عند ماهر اللي جالس بمكتبه ودخل عليه سلمان المبتسم ومعه كوبين قهوه ومد لماهر واحد : تفضل
ماهر ابتسم : زاد فضلك اجلس واعطيني علومك
ابتسم سلمان وجلس : ماعندي شي جديد غير جدي وفعالياته مع العاملات مايعجبه شي منهم
ضحك ماهر : يا حبي له مشخصنها معهم
سلمان : مره الله يهديه
ماهر ابتسم : الله يحفظه لك
سلمان : اللهم امين
وقاطع على ماهر اتصال جواله واشر له سلمان بانه بيطلع وهز له راسه ماهر وطلع سلمان ورد ماهر : يا مرحبا بالدكتور رامي
رامي بابتسامة : يا هلا فيك كيفك بشرني عنك
ماهر : والله الحمدالله بخير كيفك انت
رامي : بنعمه الحمدالله بغيت اقولك ان بكره انا فاضي واذا يمدي بجي مع الوالد
ماهر ابتسم : حياك الله
رامي بابتسامه: الله يبقيك ان شاء الله بكره العصر عندكم
ماهر : ان شاء الله وانت بخير
رامي : استاذنك ولقاءنا بكره ان شاء الله
ماهر : ان شاء الله ومع السلامه وقفل
.
" بعد المغرب "
طلع بدر من دوامه عشان ياخذ امه واخوه من المستشفى ومتجهين للبيت وركن سياراته امام منزلهم ونزل هو وحاتم يساعدون امهم وكل واحد ساندها من جهه
عند دانه اللي والدها ما اخبرها بقدوم والدتها كان يبي يسوي لها مفاجاة جلست جنبه وهي تتنهد : بابا متى بنروح لماما ؟
ابو حاتم ابتسم : شويه
دانه زفرت وهي ترجع تنشغل بهاتفها وفتحت العامله الباب ودخلو حاتم وبدر اللي ساندين والدتهم والتفت دانه بصدمه : ماما !!!!!
شالت ام حاتم نقابها ببسمه : دنو حبيبتي
ركضت لها دانه وهي تحضنها وتنفجر بحضنها بالبكاء : ماما انا اسفه والله احبك واخر مره اقولك تسوين لي شي
ام حاتم بادلتها بحب وحنان : ياروح ماما انتي خلاص هدي مافيني الا العافيه
بدر : خلاص يا دلوعه خلي امي ترتاح
دانه رفعت راسها لبدر وحضنته وضحك وهو يبادلها وهمس عند اذنها : اسف ما كنت ابي اهاوشك
دانه : مو زعلانه منك
ابو حاتم ابتسم : تعالو واجلسو تعبت امكم من الوقفه
حاتم : كله من داع عيالك ك وساعد امه  تجلس
وضحك بدر : عساس ما شفطت انت وذي الدلع كله ضحك ابو حاتم : ونسيت نفسك
بدر : انا عاد مسكين
ابتسمت ام حاتم : الله يخليكم لي
دانه جلست جنب امها وحضنتها : امين يا روحي وابتهج منزل ابو حاتم برجوع زوجته مريم اللي انارت المنزل بقدومها ..
.
وقف ماهر سيارته ونزل وهو يتجهه للمنزل ودخل ولقى ريم تهاوش ماريا
ماهر : عسى ماشر ؟
ماريا : بابا ماهر شوف ريم يقول تبي تشرب قهوه بس ما اقول حق انتا
شهقت ريم : حسبي الله عليك يا شفاطة الفلوس
ماهر بحده : ريم وش قايل انا ؟؟
ريم بتكشيره : وش اسوي الكل عندي يصور قهوه واشتهيتها !
ماهر : انا قايل ممنوع فاهمه ! زفرت وهي تكتف يدينها
ونطق : وين امي ؟ ريم تجاهلته وهي عينها على التلفزيون تنهد ماهر من عنادها ولف على ماريا : وين امي ؟
ماريا : بغرفتها
ماهر طلع لها وهو يبي يعلمها برامي وطق باب غرفتها وجاءه صوتها : ادخل
دخل ولقاها جالسه عند سجادتها واتجهه لها وهو يقبل يدها وراسه وجلس امامها : كيفك يا جنتي
ابتسمت ام ماهر : بخير بشوفتك
ماهر ابتسم : بكره بيجي الدكتور رامي تذكرينه ؟
ام ماهر وهي تتذكره : المسؤول عن حالة ريم ؟
ماهر ابتسم : اييه هو جاي بكره مع ابوه يخطب ريم
ام ماهر بصدمه : وش خطبته ريم تعبانه !
ماهر : مافيها الا العافيه هي بس خطبه واذا تحسنت ريم يسوي الزواج بس انتي اعطيها خبر وقول لها تفكر وبا تستعجل رامي وقف معنا وقفه ولولا الله وثم هو ماندري وش كنا بنسوي !
ام ماهر : اي والله ولد حلال الله يوفقه بشوف اختك مع انها عنيده مراح توافق انها صغيره
ماهر : انتي شوفيها وخليها تفكر واذا فيه نصيب كان بها واذا مافي عاد الزواج قسمه ونصيب
ام ماهر : وابوك يدري؟؟
ماهر ابتسم : ايه يدري لا تشيلين هم موافق بعد بس قال لازم توافق الست ريم وعاد حاولي فيها لان الرجال والنعم فيه
ام ماهر : طيب معليك بكلمها
ابتسم ماهر : توصين شي ؟
ام ماهر : سلامتك
ماهر : الله يسلمك وقام من عندها وهو يتجهه لغرفته يدخل ويغير ملابس الدوام اللي متعبته
وقامت ام ماهر متجهه لريم ولقتها جالسه تتفرج على التلفزيون : ريم بكلمك بموضوع
ريم وهي تحط جوالها جنبها : وشهو ؟
ام ماهر : الدكتور رامي خطبك من ماهر وسعت عيونها ريم وهي تلتفت لامها : وشهو !! ام ماهر ابتسمت : خطبك من اخوك وبكره بيجي يخطب رسمي بس انتي صلي واستخيري
ريم : مو موافقه يا يمه !
ام ماهر مسكت يد بنتها وبحنان : الرجال وقف معنا يا ريم وساعدنا وكان جنبك طول الوقت ولولا الله وثم هو مدري وش صار عليك
ريم فجاة خطر ببالها سامي وحست بشعور انها ماتبي الا هو وتنهدت : بصلي واذا ما ارتحت مراح اخليكم تجبروني !
ام ماهر : اعوذ بالله نجبرك على كل شي الا الزواج لانه قسمه ونصيب
ابتسمت ريم : زين
ام ماهر : بس لا تنسين الرجال ماشاءالله وسيم ودكتور ورجال والنعم فيه فكري بالموضوع ولا تستعجلين
ريم تنهدت : طيب وقامت وهي تصعد لغرفتها واول ما دخلت وهي تجلس على سريرها وفجاة ارتسم وجهه سامي بعقلها زفرت وهي تهز راسها تبعد تفكيرها عنه وهي تنسدح وتغفى لان ادويتها تسبب لها النعاس
.
سامي دخل للبيت وهو ينادي باسم تولين اللي جات ركض : سامي وش فيه ؟
سامي بفرحه : تجهزي بكره رايح اخطب ريم رسمي
تولين ابتسمت باتساع : ااااحلفففف
سامي : والله واخيرا بتصير لي
تولين ابتسمت : الله يجعلها من نصيبك وتتزوجون
سامي بفرحه وحماس : امين يارب !!!!
تولين : بس ابوي مسافر !
سامي : كلمته قال اننا اقارب ومتعب يروح معي
تولين بحماس : اجل يبالي اجهز لبس لبكره
سامي : اخذي وقتك واخيرا جاء الوقت اللي احلم فيه !!!
تولين ضحكت على حماسه وصعدت لغرفتها وهي تدندن وتدور شي تلبسه
ودخل متعب للبيت : رد عليك راكان ؟
سامي بابتسامة : ايه قال خلاص بكره نجي
متعب ابتسم : الحماس واضح على عيونك
سامي ابتسم : الحمدالله صبرت ونلت
متعب : الله يكتب لك كل خير
سامي : امين يارب
.
" بيت سيف "
كانت جالسه طيف وهتان بحضنها تداعب شعره وتتفرج على مسلسلها وسيف اللي كان بمكتبه فوق جات العامله : مدام طيف في مدام برا يقول يبي يدخل
طيف باستغراب : مين ؟؟
العامله : مدري
طيف : دخليها وجلس هتان وهو يراقب بهدوء وطيف اللي وقفت وانصدمت بصوت الكعب ودخول امراة محجبه وعبايتها تبرق من التطريز اللي فيها وكان ريحة عطرها تصدع بالراس من كثرته عقدة طيف حواجبها : عفوًا مين انتي ؟
ناظرتها المراة من فوق لتحت وكان نظراتها فيها استحقار هذه اللي لاحظته طيف وقف هتان خلف طيف وهو يختبئ عن نظرات المرآة
المراة بسخريه : اجل انتي اللي اختارها سيف ؟
طيف رفعت حاجبها يوم حست نبرتها ساخره : ومن حضرة جنابك ؟؟؟
المراة ابتسمت بثقه : والدة هتان وطليقة سيف واسمي شوق
طيف حست كلامها انصب عليها مثل الماء البارد وناظرتها بهدوء: وش جابك هنا ؟
شوق رفعت حاجبها بابتسامة ساخره وقربت منها وهمست : جيت اشوف ولدي وبنفس الوقت جيت اشوف زوجة سيف الجديده هل هي احلى مني ؟
طيف احمر وجهها من الغيرة : وان شاء الله لقيتي اللي يردع فضولك ؟
شوق ابتسمت بخفه وناظرت لطيف من فوق لتحت اللي كانت لابسه فستان ناعم لتحت الركبه وشعرها رافعته بشكل فوضوي لفوق وبدون ادنى مستحضرات تجميل ومع ذلك جميله وهذا اغاض شوق اللي ابتسمت : لقيت شي مخيب للامل ما توقعت ذوق سيف رجل الاعمال يكون مع وحده كذا وهو اللي كان يحلف بان مافي احد غيري جميل مهما اجتمعو نساء الارض
نزل هنا سيف وهو مصدوم من شوق الموجود بمنزله ونطق بحده : شو تسوين هنا !
شوق التفت لسيف وهي تبتسم : جيت اشوف ولدي !
طيف التفت وهي قلبها مليان على سيف ومرت من جنب سيف اللي مسك يدها : طيف وش قالت لك ؟
طيف رمقته بنظرات حاده ونفضت يدها منه وصعدت لغرفتها
نزل سيف والغضب عامي عيونه وهو ينطق بحده : وش قلتي لها عشان تعصب كذا !!! شوق ابتسمت بخبث : عن كلامك المعسول لي وان مسك يدها بغضب : برا اطلعييي براا بيتييي ولا تشوفك عيني !!!!
نفضت يدها منه شوق : بروح بس مصيري برجع ومشت تاركه سيف يشتط غضبًا ولف ولقى هتان منزل راسه تنهد وحضن ولده :بروح لعند ماما طيف طيب هز راسه هتان وصعد سيف لعند طيف اللي كانت جالسه على السرير وتتصفح بجوالها متجاهله دخول سيف اللي قفل الباب وجلس قدامها : طيوف كل اللي قالته شوق كان ماضي وتراها مثل الحيه تدس السم بالعسل و قاطعته طيف تبتسم : ومين قالك اني اهتميت بكلامها ؟
سيف : مدري شفت الضيق واضح عليك !
طيف ابتسمت وقربت منه وهي تهمس عند اذنه : انا مين ؟
سيف التفت لها ولملامحها الجميله قريبه منه : انتي زوجتي
طيف وهي تتلمس لحيته بهدوء وتناظر لعيونه : المره الجايه اذا جات ام هتان لا اشوفك نازل عندي انا اعرف اتصرف معها زين اوكيه ؟
سيف كان يناظرها بهدوء وهو طاح بسحر عيونها وهز راسه لها بـ طيب وقربت منه طيف جاهله منه يقترب كذلك وابتعدت وهي تبتسم ولكن فاجئها بسحبه لها ويقبلها بكل شغف جاهل منها تحاوط عنقه ..
.
" بيت نواف "
كان نواف حاضن ترف ويتفرجون على مسلسل قاطعهم طق الباب القوي جاعل منهم يفزون بفجعه واسرع نواف يفتح الباب وكانت روان اللي لابسه عبايتها ونقابها ولابسه شبشب ومتخصره : وين ترف ؟؟؟
ترف جات بصدمه : روان فيه شي بالبيت احد فيه شي ؟؟
روان دخلت : مافي شي بس طفشت قلت اغير جو ببيتك اطردي ذا السلقه
نواف بصدمه : يلعن ام الوقاحه داخله بيتي وتطرديني !!!
ترف تنهدت : ادخلي ادخلي
جلست روان بالصاله وهي تشوف الشبسات والعصير والحلويات : اخس اخس مسوين لكم واخذت حبه من الشبس وهي تاكل واسرع نواف يشيل الشبسات والاغراض : اكلي تراب الحين ومشى بيكمل ياكل المفرحات مع الشباب كشت عليه روان : جعله مايحدر
ترف : رووواااانننن
روان : خلاص بسكت وقفلت ترف الباب فسخت روان : الله يعنيك تزوجتي بخيل
ترف : الله يخلف على زوجك المستقبلي
روان بغيض : مو جاي لانه مشغول بالسواليف مع الممرضات
ترف : عفوا ميييين ؟؟؟؟
روان ضربت جبهتها : اوف خلاص بقولك وبدت روان تسرد كل شي لترف اللي كل شويه تتلقى صدمه اقوى من الثانيه
.
" اليوم التالي "
كان منزل ابو ماهر يعج بالبخور وتجهيزات ام ماهر للمجلس والقهوه الشاهي والتمر كان كل شي تمام ينتظرون قدوم رامي وابوه
وريم اللي نزلت وهي لابسه فستان ناعم وردي ويارا ابتسمت لها : هلا والله باللي بتعرس
ريم : باقي ما وافقت بفكر
يارا : عاد لا تطولين على العاشق
ريم : وشهو عاشقه !
يارا : مدري بس وش خلى الدكتور اللي يعالجك يجي يخطبك الا انه حبك
ريم قلبت عيونها بملل وفجاة قاطعهم صوت الرجال وكان ماهر وابو ماهر يستقبلون رامي وابوه
توترت ريم وهي تجلس ويارا تهديها عشان لا تتعب
ركبت تولين مع اخوانها ومشو متجهين لمنزل ابو ماهر
وراكان اللي جاته عنده شهد تبخره وهي بكامل كشختها بتروح لريم نطق ببسمه : طاب طيبك
ابتسمت شهد له : وينه ما كان تاخر خويك ؟
راكان : لا فيه وقت
شهد ابتسمت : الله يكتب لهم الخير
راكان : امين ولبست شهد شرشفها بعد ما سمعت راكان يكلم سامي اللي ييقول انهم قربو : شهد روحي لهم خلاص على وشك يوصل سامي
شهد : اوكي ومشت بعد ما لبيت عبايتها وتغطت واتجهت لمنزل عمها ابو ماهر وهي تطق الباب وفتحت لها يارا بتفاجئ : يا مرحبا يا شهوده تفضلي
شهد ابتسمت : زاد فضلك يا قلبي ودخلت وسلمو على بعض واتجهت لخالتها ام ماهر ولريم وابتسمت وهي تسلم عليها : مبروك يا عروس
ريم بصدمت : وش عرفك !
شهد : ما يخفى علي خافيه وضحكو
عند راكان اللي طلع ودخلو سامي ومتعب وتولين خلفهم : راكان وين مدخل الحريم ؟
راكان صد وهو ياشر : من هنا
دخلت تولين وهي تطق الباب واتجهت تفتح لها يارا وانصدمت وش جاب تولين لهم : هلا والله تولين تفضلي
دخلت وهي تبتسم : يا هلا فيك كيفك
يارا : بخير انتي ؟
تولين : بخير الحمدالله
توتر سامي وهو يعدل شماغه وطق الباب متعب وبعد ثواني فتح لهم ماهر اللي تفاجئ بروية متعب وسامي وخلفهم راكان وش جابوهم ذول تكلم بنفسه ولكن استحى يردهم : حياكم الله تفضلو
متعب : الله يبقيك يا ابو راشد ودخلو وهم يسلمون على الموجودين
ولكن كان راكان مستغرب من الدكتور رامي اللي اكتشف ان والده معه
وجلسو وهم ياخذون احوال بعض وابو ماهر بدا يعرف ابو رامي على متعب وسامي وراكان وماهر يسوق عليهم القهوه والكل يتقهوى وجاء متعب بيتكلم بس ردعه كلام ابو رامي : حنا جيناك طلابه يا ابو ماهر طالبين بنتكم لولدي الدكتور رامي على سنة الله ورسوله هنا انصعق سامي اللي تسارعت انفاسه بصدمه وراكان ومتعب ما كانو اقل منه صدمه ! جاء بيقوم سامي بس شد على يده اخوه متعب وهو يرمقه بحده يعني حركه غلط بيندم همس له : متعب تكفى لا تروح مني !!!
متعب يحاول يهدي نفسه : استهدي بالله ان كان لها نصيب معك بتاخذها
سامي صر بحده وهمس : متعب !!!!
لاحظ ماهر تلخبط وجهه راكان ومتعب وسامي وهو مستغرب وناظر لراكان اللي اشر لماهر يبيه وقامو اثنينهم وتكلم راكان بغضب : ماهر وش اللي اسمعه هذه وش جابه !!
ماهر باستغراب: الرجال من بعد عملية ريم مكلمني يبي اختي على سنة الله ورسوله ورديت له بالموافقه !
راكان بقهر : ليه ما قلت لي !
ماهر رفع حاجبه : وليه اقولك وباقي الموضوع ماتم !
راكان : لان سامي جايي يخطب ريم على سنة الله ورسوله !
هنا انصعق ماهر وهو يرد نظره على سامي شاف كف انه يالله يضبط اعصابه واخوه شاد على يده يهديه ذكره هذه المشهد بخطبة متعب لنوف وكان هو بنفس محل سامي الحين ...
.
عند الحريم دخلت تولين وكان ريم وام ماهر مستغربين من قدومها وجلست وابتسمت شهد وه تهمس لريم : عاد صيري ذربه قدام اخت معرسك
التفت عليها ريم بصدمه : وشهو ؟
شهد قصرتها عشان تقصر صوتها وهمست : يعنني مدري ؟ اجل بخبرك سامي اخوها جايي يخطبك وترا ميت عليك ومن كنا بشهر العسل وه قاطعها صدمة ريم : وش تقولين انتي خطبت ايش انا جايي لي الدكتور رامي والحين هو بمجلس ابوي يخطب رسمي انصدمت شهد وهي تلتفت على تولين اللي تبتسم وهي تسولف وتتقهوى مع ام ماهر ويارا شهد سحبت ريم وطلعو لفوق وتكلمت شهد بتوتر : وش تقولين انتيي!!
ريم : انتي اللي وش تقولين وش يجيب سامي لي !
شهد : الولد يعشقك يا غبيه ومن كنا بسويسرا ما خلانا نرتاح انت وراكان لانه يبي يخطبك
ريم تسارعت انفاسها وهي تحس بسارع نبض قلبها وجلست على السرير وملامح سامي ملتصقه بعقلها ترفض الانزياح جاعله من ريم ترتعش خافت شهد وهي تمسك ريم : ريم بنت وشفيك !!!
ريم اشرت على علبة علاجها وهي تشهق تحاول تتنفس ارتجفت شهد بخوف وهي تسرع تاخذ حبه من العلاج وتفتح قارورة المويه لريم وهي تعطيها بلعت الحبه وهي تشرب وراها المويه وبعد خمس دقايق حست بانتظام انفاسها ونبضات قلبها وشهد اللي حضنتها بخوف : يمه فجعتيني عليك
ريم بادلتها : يعني الحين هو تحت !
شهد : ايه
.
قاطع كلام ابو ماهر وابو رامي كلام سامي اللي فز واقف وهو يادوب يمسك نفسه : يا عم راشد انا طالب بنتك على سنة الله ورسوله وخلها تستخير واللي ترتاح له يتزوجها هنا الكل انصعق بكلام سامي وبالاكثر رامي اللي عصب بس هد اعصابه وهو يناظر لسامي اللي يرمقه بحده رفع له حاجبه رامي
دخل ماهر وراكان المنصدمين
ابو ماهر بتفاجئ وهو ماوده يرد احد : اجل بشاور البنت واقولها واللي توافق عليه هذه نصيبها وان شاء الله محد يزعل الزواج قسمه ونصيب
ابو رامي ابتسم غصب : صادق يا ابو ماهر الله يوفق الجميع والحين نستاذنكم وبيننا الو
ابو ماهر قام : اذنك معك والله يستر عليكم
رامي وقف قدام سامي اللي يرمقه بحده وكانو اثنينهم لو معهم الموت فكون على بعض وفز متعب وهو يبي يسحب اخوه اللي واقف بكل ثبات ونحنح ماهر : مع السلامه ولحق رامي ابوه بعد ما خبط كتفه بكتف سامي اللي كان يبي يلف عليه بس راكان كان واقف قدامه : هدي !!!
سامي مسح وجهه بقهر وجلس وناظره ماهر بهدوء ودخل ابو ماهر وجلس ونطق متعب : المعذره يا عم راشد اذا خربنا اي شي
ابو ماهر ابتسم بهدوء: لا وانا عمك معليه ولكن اخوك كان واضح مشتط ورفع نظره لسامي اللي ابتسم بغصب وهو يناظر لراكان : كنت مكلم راكان عشانه خويي وقريب مني وهو نهايني اني اجي بس انصدمت باللي موجودين
راكان مسح على شنبه بتوتر : ماتوقعت يا عم ماهر انه عندكم احد وانا عارف ان مجلسك مفتوح للجميع اعطيت سامي خبر يجي يتقدم
رمق ماهر سامي اللي يالله يتحمل الثوب اللي عليه ونطق ابو ماهر : معليه حصل خير وزي ما قلت قبل شوي بكلم البنت والشور شورها
متعب : صدقت يا عم واللي فيه الخير بيتم
ابو ماهر ابتسم : اي بالله
ورسل متعب على تولين عشان تتجهز بيمشون وشافت رسالته وقامت : استاذنك يا خاله بمشي
ام ماهر : ما طولتي يا بنتي
تولين : الجايات اكثر ان شاء الله
ام ماهر : ان شاء الله ولبست تولين عبايتها وطلعت ونزلو شهد وريم : وين تولين ؟
يارا : راحت
ريم التفت على شهد اللي تعابيرها محتاره وجلست ريم وشهد اللي استاذنت ومشت
يارا : غريبه وش جاب شهد وتولين بنفس الوقت !
ريم : مدري
متعب قام : عاد نستاذنكم حنا ورد علينا يا عم
ابو ماهر: ان شاء الله ياولدي
قام سامي وهو يمشي بسرعه وطلع قبل لا يلحقه راكان اللي صد من تولين الي طلعت متجهه لاخوانها وركبو مشو زفر بقوه راكان ودخل ابو ماهر وماهر لعند ام ماهر وبناته وجلس : والله اليوم صار شي غريب يا ام ماهر
ام ماهر باستغراب : وشهو ؟
ابو ماهر: ابو رامي مو جايي مع ولده يخطب ؟
ام ماهر : ايه ؟
ابو ماهر : وبالصدفه يطق الباب ويطلع سامي ومتعب اخوه وراكان ويوم بدا يخطب ابو رامي فز سامي يخطب ريم له
ريم ارتعشت وهي تفرك يدينها بتوتر ماودها تسمع ان والدها رفض سامي تحس بشعور سيئ وماهر اللي جالس جنبها ويراقب حركات ريم بهدوء وكمل ابو ماهر : استحيت ارد متعب واخوه سامي وقلت لهم كلهم بشاور البنت وهي تختار واللي فيه نصيب بياخذه والشور شورك ياريم
كانت ام ماهر ويارا مصدومين وتوترت ريم : الشور شورك يبه
ابو ماهر : لا مو شوري انتي اللي بتعرسين مو انا وتراهم اثنينهم كفو ان كان رامي او سامي ولد مطلق صلي وفكري واللي خاطرك يرتاح له بنبشره
ريم كانت هاديه هدوء جاهل من ماهر يرفع حاجبه لها رفعت نظرها له وشافت نظرته اللي وترتها وقامت : بصعد لغرفتي وطلعت بسرعه تهرب من نظرات ماهر اللي مثل السكين واول ما دخلت غرفتها تنهدت براحه وهي تبتسم كانت خايفه انه والدها يرفض سامي بس الحين الشور شورها وهي الل تقرر
.
كان راكان ماسك راسه وشهد جالسه جنبه مبوزه على الوضع اللي هم فيه
سامي ما كان يرد على اتصالات راكان اللي زفر بقوه نطقت شهد بلوم : راكان الله يهديك لو انك عاطي خبر لماهر من الاول !!! كان ما صار اللي صار !
واكان بضيقه : شهد واللي يرحم لي والدينك لا تزيديني علي اللي فيني مكفيني !
شهد تنهدت بضيق عليه ومسحت على راسه : خلاص هدي وش قال عمي ؟
راكان : قال الشور شور ريم
شهد ابتسمت : حلووووو ريم اكيد بتوافق
راكان لف عليها : وش يعرفك !
شهد : يوم قلت لها تضايقت بس ما اعترفت لي
تنهد راكان : مدري كيف بواجهه لو تشوفين كيف كان وجهه بغى يذبح رامي
شهد : والله يكسر الخاطر
.
بسيارة متعب كان الصمت يعمها ابتسمت تولين وهي تقترب من مقعد متعب وسامي : هاه بشروني وش قال ابو ماهر ؟
متعب بهدوء: تولين بعدين اقولك الحين مو وقته
تولين : وليه مو وقته ابي انبسط وهي تنغز كتف سامي : سمسم قولي وش صار
سامي بصراخ : تعرفين تسكتين !!!!!
انتفضت تولين ومتعب تنهد : سامي هد !
سامي ضرب الطبلون بغضب : وقف هنا
متعب : وين بتروح !!!
سامي : مالك بي لزوم وقف !!!
متعب زفر وقف ونزل سامي بعد ما رمى شماغه وعقاله على المقعد وقفل الباب ومشى بعيد عنهم
تولين بخوف : متعب وشفيه سامي ؟؟؟
متعب تنهد بهدوء: يوم جينا نخطب لقينا بوجهنا واحد يخطب بعد والواضح ام ماهر وابوه راضين عنه بس قال انه بشاور البنت
تولين شهقت بصدمه : ياويلي وذا وين رايح !!!
متعب : يبي يجلس لحاله خليه ولا بيتفجر عليك زي قبل شوي
زفرت تولين بقهر على اخوها
_________________________
✨قراءه ممتعه ✨