احتريتك من بين كل البشر وسميتك عشقي وفرحة سنيني

40

"بسم الله الرحمن الرحيم "
•
•
خيبات الأحبة ، لا تُنسى مهما طالت السنين .
ماجد طلع من المجلس وهو يسمع ندى سيف الحاد : عسى ما شر وشفيه يا ابو هتان ؟
سيف وهو يحاول يضبط اعصابه : جيب لي هتان دخل جوا
ماجد ابتسم : حصل خير الحين اناديه ودخل وهو يشوف هتان اللي حاضن طيف وهي تمسح على راسه ونطق : حبيبي هتان ابوك يبيك
هتان بخوف : مابي اروح معه بجلس مع خاله طيف
ماجد بصدمه : من متى يعرفك ؟
طيف بابتسامة حنونه لهتان : قبل شوي جاني ولعبته ومو راضي يروح لابوه كلمته اكثر من مره بس رافض !
ماجد ضحك : هاه يا هتان تبي تنام عندنا ؟
هتان بحماس وهو يحضن طيف اكثر : ااااييييههه
طيف : مو منجدك يا ماجد ابوه ماسمعته ينادي اخاف يعصب !
ماجد : عاد بقوله ولدك رافض وهو مو غريب عاد مطلق ابوه صديق ابوي من سنين ومو جايه شي
هتان ببرائه : اايوا يا عمي تكفى قول له
ماجد ابتسم : ابشر وطلع وهو يشوف وجهه سيف مختنق ونطق ببسمه : شرايك تخليه اليوم عندنا وبكره تاخذه ؟
سيف بغضب : طبعًا لا ماني ماشي على هواه السيد هتان !!!
ماجد انصدم من رد فعله : صل على النبي ولدك مو جايه شي وهو تعلق باختي ومو راضي يتركها
سيف فرك مابين حاجبيه : لا معليش مقدر اخليه جيبيه لو يبكي
ماجد تنهد : طيب ودخل وهو يشوف هتان يسولف مع طيف اللي تبتسم له
ونطق : حبيبي هتان بابا رفض يقول المره الجايه ان شاء الله
هتان بزعل : مابييييي
طيف : اسمع يا حبيبي تعال بكره عادي بس الحين روح مع ابوك
هتان : مابي قلت مابي
ماجد تنهد : معليش بس لازم اخذك لابوك وشاله ماجد وهو يبكي هتان وياشر لطيف عشان تاخذه حزنت طيف على بكاء هتان اول طفل يتعلق فيها كذا !
تقدم سيف وهو يسحب هتان من يدين ماجد بقوه وهو يهزه بغضب : اسكتتتت
ولا والله لتشوف عقاب ما عمرك شفته
ماجد : صل على النبي يا سيف مو كذا تادبه
سيف وهو يحاول يكتم غضبه : معليك مني يا ماجد بس معليش على الازعاج وهمس لهتان : والله لو ما تسكت لتندم وسكت هتان وهو يبكي بخفوت تنهد ماجد من قسوة سيف اللي مالها مبرر مشى هتان مع ابوه اللي ربكه السياره وركب وجاء ابو سيف وهو يودع الجد سعود وركب مع ولده ومشى
الجد سعود : عسى ما شر وش صوت البكاء ذا ؟؟
ماجد تنهد : هذه ولد سيف قعد يبكي لانه مايبي يروح ويترك طيف
الجد سعود : طيف !!
ماجد : ايه دخل الورع عندها وجلست تلاعبه وعاد تعرف البزران اذا مسكو باحد مايفكونه
الجد سعود : الله يعين بس ويرزقه بالزوجه الصالحه ودخل البيت ولحقه ماجد : ليه وين زوجته ؟
الجد سعود : مطلقها من سنه
ماجد بتفاجئ : غريبه ماقد صرح !
الجد سعود وهو يجلس : وش تبيه يوزع الاخبار عل كل البيوت ؟
ماجد نحنح : لا ما قصدي كذا
الجد سعود بصداع : اجل اعقب راسي مصدع
طيف كتمت ضحكتها وهي تجيب ادوية ابوها : شكل الضغط والسكر ارتفعو
الجد سعود : اايه شيكي عليه وانا ابوك
ماجد بهمس : معامله ناس عن ناس تفرق
الجد سعود : وش قلت ؟
ماجد : لا ولا شي
دخلت الجده منيره اللي جايه من التحفيظ فز لها ماجد : يمه شوفي شوفي ابوي يحن على طيف وانا لي الله
الجده منيره : يا عيني انت لا بالله ماله حق ابو راشد
الجد سعود بتكشيره : اقول عن دلع العيال !
ماجد يحضن امه : شفتي بس كيف انا مسكين
الجد سعود بغبنه : اقول استرجل لا والله تشوف عصاتي تتراقص على جنوبك !
طيف كتمت ضحكتها من انتفاض ماجد : سم يبه
الجده منيره : وشفيك انت خلك على بنتك بس وخلني انا مع ولدي
الجد سعود : ما يخرب العيال غيرك !!
الجده منيره : وانت وش مسوي نسيت ريما كيف مدلعها ومطيرها بالسماء
طيف بعبوس : كلن ولده المفضل الا انا مالي احد
الجد سعود : لا بالله انك ملح البيت
الجده منيره : والله انك عيوني يا طيف
ماجد بضحك : محد قدك اثنينهم مدحوك
ضحكت طيف : الله يخليهم لي ويحفظهم
ماجد : امين
.
"وقت السحور "
ريما وهي لابسه قميص روز ومعطيه واحد للجازي وياكلون مع معاذ وام معاذ
ام معاذ : تسلم يدك يا بنتي والله انه الذ سحور اذوقه
الجازي بحب : بالعافيه
ام معاذ : الله يعافيك
ريما وهي تبلع لقمتها وتشرب لبن وتلطخت شفايفها من اللبن ونطقت من بين مضغها للاكل : اي والله تسلم يمناك على ذا السحور الذيذ
الجازي بضحك : صحه وعافيه
ريما : على قلبك وناظرت بمعاذ الساكت اللي يناظرها ويعض شفايفه قطبت مابين حواجبها وتنهد من غبائها واخذ منديل يمده لها : امسحي فمك
ريما : اعطيتها نصيبها وضحكت وضحكت معها الجازي وبعد السحور جت العامله شالت السفره وريما اللي صعدت لشقتها فوق ومعاذ نحنح وهو ينطق : توصين شي يمه ؟
ام معاذ : لا سلامتك
معاذ : وانتي يالجازي ؟
الجازي : لا تسلم
معاذ : الله يسلمك
وصعد لشقته ودخل وهو يشوف مغيره ملابسها لقميص نوم اسود قطني وعاري الاكمام وتمشط شعرها : يا لبى اللي لابس اسود
ريما ضحكت : وشذا الغزل السامج
معاذ رفع حاجبه : خايس ؟؟
ريما : اممم ااايييه وهي تبتعد عنه
معاذ : اوك بوريك الخايس والسامج واسرع يهجم عليها يدغدغها وهي تضحك : معععاذذذ وخررررر
معاذ بضحك : لا باقي ها خلصت
ريما : هههههه وخرررر
معاذ حضنها : مابي
ريما تنهدت : اهخ منك مثل البزر انت !
معاذ بهدوء: معك بس
ريما ابتسمت وهي تلعب بشعره : بتنام ؟
معاذ : لا بس عطرك مخدرني
ريما قهقة : حلو ؟
معاذ : يجنننن وانتي تجننينييين وباس خدها وهي تضحك وقرب منها وفجاة يسمعون الاذان وضحكت بقوه ريما ومعاذ كشر وبعد عنها ونطقت :الله وكبر يا حلو وفزت وهي تكتم ضحكتها من نظراته الحاده
.
"اليوم التالي "
ريم وهي تعض على يدها بقوه : اللهممممم انييي صايمه !!!
الشغاله : وين صايم وانتا سوي اكل بالصباح واشرب مويه !!!
ماهر كان نازل وسمع اخر كلام الشغاله وكتم ضحكته ونطقت ريم بحده : والله لقطع لسانك لو نطقتي بحرف فاااهمههه !!!
ام ماهر : لحول ولا قوة الا بالله انتي علامك على المسكينه ؟!
ريم : والله يا يمه انتي مسكينه ذي خبيثه
الشغاله : اوص انتا بس بربر وكملت شغلها
وشقهت ريم بصدمه : يييمهه
ام ماهر وهي تسحب ريم من تيشيرتها وتهمس لها بحده : حنا برمضان والله لو ماتعقبين لطردها واخليك تشتغلين مكانها !!!
ريم بلعت ريقها وهزت راسها بهدوء: ريلاكس يا نبع الحنان بروح خلاص
وتركتها ام ماهر ومشت تكمل طبخها وريم اللي تتذمر
.
شهد توها صاحيه وهي لابسه بنطلون لقينز وفوقه قميص وشعرها مبعثر و اول ما دخلت المطبخ وامها تستلمها بالطلبات وهي تحاول قدر ما تقدر تساعدها وبعد ساعه جلست وهي تتذمر : وش قايله لكم انا خلونا نجيب شغاله مثل بيت عمي ابو ماهر
مها برفض : مابي ترانا عائله صغيره وما نحتاج بس انتي مدلعه
شهد ضربت جبهتها : يمه !!
مها بحده من تعب ومجهود رمضان : قومي لا والله لتزعلين فزت شهد وهي مكشره وهي تحرك الكشنه على النار ودخل صالح : الله يزاكم خير والله انكم ماتقصرون
مها بابتسامة : امين
شهد بتكشيره : يبه شف شغلك مع امي بعد الفطور تقول ماتبي تجيب شغاله تساعدنا عشان سبب غبي
صالح : اوف اوف من مزعل عيوني ؟ واتجهه يحضنها وفجاة وخر عنها وهو يحط يده على انفه بمزح : يووووه يالريحه
شهد بقهر وهي تضرب الارض: شفتييي يا يمه ريحتييييي كشننننه
صالح كتم ضحكته : معليك مع الترويش تروح وطلع
واستمرت شهد تتذمر على راس امها اللي باي لحظه بتفصل عليها
صالح وهو يبتسم لراكان : فطورك عندي اليوم
راكان باستغراب : لحالي ؟
صالح : اجل تبي اخوانك يفطرون معنا وشهد موجوده ؟
راكان انتفض : هاااه لا طبعًا
ضحك صالح : اجل انتظرك لا تتاخر
راكان ابتسم : ابشر
صالح : الحقني اجل ومشى راكان مع عمه وهو يرتب شعره ودخلو البيت وصدى صوت شهد واصلهم
شهد بغيض : يمه تكفيييين نبي شغاله وربي تعبت شوفي يديني الحلوه كيف صارت حتى شعري صاير يطير من نفسه
مها : مو مشكله عادي عشان تتعودين على ذا الوضع لان بعد رمضان بتصيرين عروس وست بيت يلزمك تعليم
شهد شهقت : لا بالله بقوله يجيب شغاله
مها : وبعدين معككك
راكان نحنح وبصوت ثقيل : السلام عليكم يا عمه واتجهه لها لفت مها تبتسم له وشهد اللي توسعت عيونها لاقصى شي وهي تبي تهرب بس مسكها ابوها قبل لا تشرد وسلم راكان على عمته مها ولف على شهد اللي كانت تحاول تفر من بين يدين ابوها : يبه وخرررر
صالح : وين بتروحين ساعدي امك
شهد بهمس : ريحتي كشنه وشعري منكوش !!
صالح ضحك : لا بالعكس راكان يحبك بكل حالاتك
ابتسم راكان : اي والله انها تهبل
شهد استحت وهي تخبي وجهها بصدر والدها اللي ضحك هو ومها وراكان وبعدها تركها صالح تصعد للغرفه حقتها وهي على طول تدخل الحمام تتروش تبي تنفك من ريحة الكشنه
تبقى على الاذان عشر دقايق نزلت شهد وهي لابسه تيشيرت وبنطلون وشعرها فاتحته وريحتها سابقتها وهي تبتسم لراكان : بتفطر معنا ؟
راكان : شرايك ؟
ضحك صالح : اجلسي بس
شهد جلست جنب راكان وافطرو اول ما اعلن عن اذان المغرب والكل مشى يصلي وبعد الصلاه فتحت شهد الباب لابوها ولراكان اللي كان خلف عمه وغمز لها وابتسمت له وكملو يفطرون مره ثانيه وبعد الفطور صعدت شهد لغرفتها وهي تدور جوالها ويوم لفت انصدمت برؤية راكان : يييممه !!!
راكان ضحك : وش بلاك كنك شايفه جني ؟؟؟
شهد : فجعتني وش بلاك جايني فجاة وكيف طلعت وامي وابوي تحت
راكان ابتسم وغمز لها : قلت لعمي اني ابي اجلس معك لوحدنا
شهد بصدمه : منجدك قلت كذا !!!
راكان : ايه وش بلاك
شهد : الحين بيشكون فينا خلنا ننزل وجات بتمشي وقاطعها بسحبه لها : اقول بس انثبري مشتاق لك وحضنها وابتسمت وهي تبادله : وانا بعد
راكان : اهخ بس رمضان الجاي انتي ببيتي
ابتسمت شهد وهي تبتعد عنه : واحنا بصحه وسلامه يارب
راكان : امين
راكان باس خدها : صاير مقدر اقاومك
شهد دفعته : هييي اعرفك بتتهور !!!
راكان ضحك وهو يسحبها لحضنه وهي تضحك : راكااننن !
راكان تنهد : عيون راكان قلب راكان
شهد ضحكت بدلع : كذا بتخليني اتدلع اكثر !
راكان عض شفايفه : اذا ما دلعتك ادلع مين ؟
شهد بغيره : اكيد مراح تدلع احد غيري
راكان بخبث: الا تذكرت بدلع بنت ثانيه دلع ما دلعت فيه احد
شهد بغيره ناريه : لا ياشيخ !!!!
راكان : والله هذه الصدق
شهد بحده : راكان بتنطق مين ولا ذبحتك الحين !!!!
راكان بابتسامة: بنتي يعني مين بدلع ؟؟؟
شهد انصدمت وضربته بخفه على كتفه : حسبي الله على العدو فجعتني !!!
راكان ضحك بخفه : يالبى المفجوععع ودفن وجهه بعنقها وهو يطبع قبله عليه وشهد تبتسم بحب وتداعب شعره وفجاة انتفضو على كحه وانتفضت ابدانهم ويوم التفتو انصدمو بوجود صالح خلفهم وابتعد راكان بسرعه وشهد اللي واقفه جنبه بوجهه محمر وكذلك راكان اللي يحس بالاحراج ونطق صالح بضحك : كني قاطعتكم !!!
راكان باحراج : لا ياعم بس كان سلسال شهد عالق بالزر حق الثوب مو صح شهد ؟
شهد بتوتر وبسرعه : ااايه صح زين طلع بدون لا يقطع السلسال
صالح كتم ضحكته : اوه زين اجل يلاه مشينا يا راكان لعند ابوي والعيال
راكان نحنح : يلاه يلاه وطلع قبل عمه وهو يود لو الارض تنشق وتبلعه وشهد اللي رمقها والدها بنظرات خلتها تحمر خجل وطلع خلف راكان وشهد اسرعت تدفن نفسها بالسرير من الاحراج والفشله
.
"بيت ابو سيف "
كانت ام سيف جالسه وهي تتقهوى مع زوجها وقاطعهم دخول سيف وهو يسحب خلفه ولده هتان اللي كانت الدموع متجمعه بعيونه ونطقت ام سيف بذعر : وش مسوي للولد !!!
سيف جلس وهو يشوف هتان ولده يحضن جدته اللي بادلته بكل حنيه ونطق بحده : مابه الا العافيه ماغير الدلع ذا اللي ذابحه كنه بنيه !!
هتان ببكاء : مانييي بنتتت !!!
سيف بحده : اعقب لا والله مردغتك تراني معطيك وجهه بزياده
ابو سيف بتدخل : انت علامك على الورع ! مالقيت احد تتهاوش معه قمت حطيت حرتك فيه ؟!
سيف زفر الهواء بحده : اسمع اسطوانته الجديده وبتعرف ليه معصب منه
ام سيف بحنيه وهي حاضنه هتان : وش تبي يا قلبي اطلب وتدلل والله اللي تبيه بيجيك
هتان وهو يمسح دموعه : ابي اروح عند طيف
ام سيف وابو سيف استغربو من هذي ؟ ونطق سيف بتنهد : ذي بنت عمي سعود يبه
ابو سيف باستغراب : وش عرفه فيها ؟
ام سيف : اي بالله كيف يعرفها ؟
هتان : هي لعبتني وكانت تشبهه ماما مررررره
ام سيف : قولي يا حبيبي وين شفتها ؟
هتان : يوم رحت مع بابا وجدي كانت تمسح وتعرفت عليها
سيف تنهد بقوه بعد ما جات طيف بباله وكيف كانت مشيتها وضحكتها ويوم صدمت فيه وخوفها منه كلها خلته يتضايق من نفسه كيف قدرت من اول نظره تسيطر عليه وهو اللي ماعمره بحياته شرد باله ببنت !
نطق ابو سيف : مايخالف يا ولدي خله يروح لها سعود مهو غريب عنا
سيف بصدمه : يبه منجدك تقول كذا ؟
ابو سيف : ايه وشفيها بالعكس مهب ماكلينه هدي
هتان بحماس وترجي : ااااي ياجدي قول لبابا تكفى
سيف بحده : انطم احسن لك يا هتان !!
ابو سيف ابتسم وهو يمسح على راس حفيده : ياولدي مافيها شي وانت تعرف ابو راشد مثل ما اعرفه انا
سيف بنهي : انسى يا يبه ماني موديه لو يحب السماء
تنهد ابو سيف من عناد ولده اللي ماله نفعه وام سيف تنهدت وهي تشوف حفيده كيف انطفت فرحته وبدت الدموع تتساقط من عيناه
.
"بيت الجد سعود "
عند طيف اللي كانت جالسه برفقة رهف وماجد وروان اللي توها جايتهم بالحلا وكانو يتقهون ويسولفون ونطقت روان بحماس : يا عم وش بتسمون ولدكم ؟؟؟؟
ماجد : بسميه سعود دام محد من عيالي مسمي ذا الاسم
رهف : اي والله يجننن اسم عمي
روان بملل : يووووه سويت مثل عصام في باب الحاره بيسمي ولده على اسم ابوه
ماجد : لا يكون بس اسم ابوي مو عاجبك ؟؟؟
طيف : افتحي  فمك وقولي ايه وشوفي وش بيجيك
رهف وهي تفصفص وتحس بالم بس متجاهله وبنفس الوقت مستمتعه باحاديث ماجد وروان وطيف
نطقت روان وهي تجهز نفسها : اممم ايه مو عاجبني
ورمى ماجد عليها كرتون المنديل وطيف اللي مسكت الفنجال تهوب على روان اللي من الخرعه نطت جنب رهف ودفعتها وصرخت رهف بالم : ااااااااه
شهق الجميع بخوف وفجاة تتحسس رهف قميصها الرمادي اللي وضح فيه تبلل ونطقت بتلعثم : م.. مـ .. ماجد
ماجد انخرع من المنظر وروان اللي قلبها يتراقص من الخوف عكس طيف اللي قوة قلبها واسرعت تمسك رهف وهي تشوف المويه بكل مكان وهي تصارخ : ماااجدددد جهز السياررررره
ماجد بخوف : ااااييييت سيارررره واسرع يدور بمكانه
طيف بتوتر وعجله : روااان يا كلللبببه جيبي عبايه بسرعهههه
روان بخوف ورجفه : وين وين
رهف وهي تبكي وتصارررخ : اااااااااااه بمووووتتتت بطططننييي
ماجد كان يروح ويجي بمكانه من الخوف وروان من صرخة رهف وهي تركض بسرعه لغرفة طيف وهي تجر معها عبايات طيف الكثيره واخذت منها طيف العبايه وهي تلبس رهف اللي تبكي وجتهم الجده منيره اللي كانت تصلي التراويح وانفجعت من منظر رهف وهي تصارخ : ياويليييييي بتولدددد اعجل يا ماجددد شيلها
ماجد اسرع يشيلها بعد ما طيف لبستها ولبست وروان لبست معهم العبايه وطلعو خلف ماجد اللي الخوف تملكه وضعها بالسياره وركبت طيف جنب رهف وهي تعلي صوتها لامها : يمه لا تجين انا برافق معها ومعي روان علمي امها والجده منيره اللي كانت واقفه قدام باب الشارع الخارجي : زين زين انتبهووو لها تكفين طمنيني عنها
رهف : طيب طيب وركبت روان بالامام جانب ماجد اللي دعس بسرعه للمستشفى وطيف تقرأ على رهف اللي تون بالم وتبكي
وروان تصيح من الخوف تحس بتانيب الضمير لان بسبب دفعها لرهف خلتها تتالم
طلع الجد سعود بفجعه هو وعياله والشباب وهتف لجده منيره : عسى ماشر وش صوت الصراخ والهوشه ؟
الجده منيره بقلق وخوف : ياحسرتي ليتها هوشه ذي زوجة ماجد جاها الطلق
وبتولد شكلها
الجد سعود : لا آله الا الله الله يسهل لها
الجده منيره : امين امين
مروان قرب من الجده منيره هو وريان ويهدونها لان بدت تتراعش من الخرعه
ودخل ابو ماهر لعندها وهو يقيس لها الضغط : عز الله افضحونا بالحاره من ضاري الحريم ما يطلعون اصواتهم
الجده منيره : لو انك حاس بالم الطلق ماكان قلت ذي الخثاريب
ابو ماهر : استغفر الله
كتم مروان ضحكته وريان اللي يناظره بمعنى لا يشوفك عمي
.
عند ماهر اللي كان جالس بمكتبه ولابس بدلته اللي مرسومه على جسمه رسم وكان منشغل باحد القضايا اللي سببها حامد
دخل سلمان وبيده كوبين شاهي ومد لماهر اللي ابتسم : يا جعل يمناك ما تمسها النار
سلمان بابتسامة: امين وياك شفتك مشغول وتعبان قلت تحتاج لكوب شاهي يخليك تصحصح
ماهر ابتسم : عز الله كنك عارف اللي يجول بخاطري
سلمان : تدري ليه مو قادرين نمسك حامد ؟
ماهر : ليه ؟
سلمان : ياطويل العمر هذه بسبب مساعدة احد الاشخاص ذو الرتبه العاليه
ماهر بقهر : ادري ومصيري بمسك حامد واللي معه
تنهد سلمان : اكيد الدوله مهي مخليتهم
ماهر : الا بشرني عن جدك كيفه ؟
سلمان ابتسم بهدوء: معليه بخير ماغير جبت عامله تشيل اشغال البيت وهو مو راضي عنها عاد تعرف كبار السن مايحبونهم
ضحك ماهر : الله يخليه لك
سلمان ابتسم : امين يارب
ماهر فز : انا عاد بمشي بروح عند شغله بخلصها ولا تنسى بكره فطورك عندي
سلمان : اعذرني والله مقدر
ماهر : ابدا لا تتعذر عارف عذرك عشان جدك جيبه معك والله بيتونس مع جدي ويطقونها سوالف
سلمان : والله مدري بشوف
ماهر : لا بتجي باذن الله وانت طيب
سلمان : ان شاء الله
ماهر : توصي على شي ؟؟
سلمان : سلامتك ابتسم ماهر وطلع واتجهه لسيارته وهو يركبها ويشغلها واتجهه لبيت معاذ وهو يهوجس بالجازي يتمنى لو الصدف تجيبها له
.
"بالمستشفى "
دخلو رهف لقسم الولاده وكانت طيف وماجد وروان بالانتظار وباين عليهم التوتر وكانو يدعون لرهف تخرج بالسلامه وروان اللي نطقت بغصه : الحين يعني تعورت رهف مني ؟
طيف : لا يابنتي انتي هدي بس اصلا رهف متغير وجهها من اليوم كانت قايله لي انها تحس بالم وكان ذا الطلق بس ما تقوى عليها الا الحين
ماجد تنهد وهو يفرك راسه : تعوذي من بليس يا روان مو انتي السبب بالعكس لعلك انتي ساعدتيها بتسريع الولاده لان رهف مطوفه على شهرها روحي ارتاحي بالكافتيريا واخذي لك قهوه
روان نحنحت : طيب بس مامعي فلوس جيت بدون شي
ضحك ماجد من نبرت روان وخرج صرفته وهو يمدها له : اشتري اللي ودك فيه
روان ابتسمت وحبت راسه : يارب يقوم رهف بسلامه وتكحل عيونك بسعود
ماجد ابتسم : اللهم امين
ومشت روان وهي تحس براحه من كلام ماجد اللي ريحها من تانيب الضمير
ودخلت الكافتيريا الكبيره اللي مان متواجد فيها كل شي ان كان كوفي او مطعم ومشت تاخذ لها قهوه وتذكرت الدكتور تركي وهي تبتسم : ليه ما ازور ابو عيون ملونه ؟ وابتسمت بحماس واشترت قهوه لها وله ومشت تدور مكتبه وهي تحس انها ضيعته زفرت بتعب ولكن وقفت وهي تشوفه واقف مع ممرض وبعدها اتجهه لمكتبه ولحقته وهي تدخل وراه : السلام عليكم
لف تركي وهو يرد : وعليكم السلام
روان : كيفك يا ابو عيون ملونه ؟
لف بصدمه وهو عارف محد يقوله كذا الا شخص واحد وهي المتطفله اللي دخلت مكتبه خبطت فيه : انتي ؟
روان : ايه انا وشفيك خايف هدي ماني ماكلتك وهي تمد له كوب القهوه اللي حطته على المكتب : جيت اعوضك على الكوب اللي أنكب بأول لقاء
تركي : ما كان فيه لزوم !
روان : معليك اجل المره الجايه اذا كبيتها مراح اعوضك
وسع عيونه بصدمه : اصلا فيه مره جايه ؟؟
روان بابتسامة : ممكن
تركي : الحين بفهم منك طاقه مشوار من بيتك عشان تعوضيني علو القهوه ؟؟
روان وهي تتمشى بالمكتب : طبعا لا بس جيت مع عمي ماجد عشان زوجته بتولد
تركي : وهل بالصدفه كل مره القاك جايه ؟
روان : اممم ممكن مو صدفه ممكن انا مهتمه
تركي رفع حاجبه : اقول انا ما احب المتطفلين اللي يدخلون حياتي ويحاولون يكركبونها
روان ناظرت فيه من فوق لتحت : الله عاد وحياتك المهمه اقول لا تعطي نفسك قيمه اكبر من حجمها عشان لا تنصدم في المستقبل !
تركي عصب لانه بدا ينفذ صبره منها ومن لسانها اللي يرد عليه الكلمه بعشره : انتي شكل اهلك يوم جابوك ما ربوك ولا ماكان وقفتي تاخذين وتعطين مع رجال غريب عنك !!
روان انصدمت ماتوقعت يقولها كذا هي صح تحب الاستفزاز بس هو الحين قلب الطاوله ضدها : وش تقول انت حسستني جايه اتغزل فيك ! خف علي يا روبن هود على غفله
ودخل فجاة شخص كان لابس زي الدكاتره وتفاجئ باللي مع الدكتور تركي : دكتور تركي فاضي ؟؟
تركي : لا الحين عندي شغله بخلصه واجيك
روان : وش عندك غير الفلسفة الزايده وجات بتمشي بس وقفت تناظر بالدكتور اللي دخل عليهم وهي تنتظره يوخر بس كان فاهي بعيونها الوساع : شفيك انت وخر !
تركي غضب وهو يشوف كيف رامي صديقه فاهي فيها وسحبها وهو يقفل الباب بوجهه صحصح رامي وهو يتجهه لمكتبه ونفضت روان يدها بقوه منه وهي معصبه : كيف تتجرأ تلمسني وتسحبني بذي الطريقه ؟؟!
تركي بغضب : عجبتك نظراته كان شويتين وياكلك !!!
روان : وانت وشدخلك وصي علي وانا مو داريه ؟!!
تركي صر على اسنانه وبحده : روان !!!!
روان تنحت يوم سمعته ينطق باسمها : لبي . ه اقصد هااااه
تركي رفع حاجبه : مشكوره على القهوه بس ماودي اشوفك تتمشين بالمستشفى لانك ماتعرفين نظرات الرجال وش معناها !
روان بعناد :قلت لك مالك دخل شكل عند بطئ بالاستيعاب وطلعت وتركته وراها يتخبط من التفكير تركي هدي ليه مشتط عليها !! كان يحاول يهدي من عصبيته المفاجئه
.
عند ماهر اللي وقف قدام بيت معاذ ونزل وطلعت الجازي وهي تسحب كرتون كبير فاضي وترميه قدام الباب وتنفض يدينها ورفعت راسها وهي تنصدم برؤية ماهر الواقف امامها بدون ان يرمش ولو ثانيه واحده رجعت الجازي للخلف وهي مصدومه وقفلت الباب بقوه بوجهه رمش ماهر اكثر من مره بصدمه وعض على يده بقهر : غبيي غبيي الحين بتقول عنك مشفوح !!!
نزل معاذ وريما خلفه ونطق بتسأل: وشفيك ؟؟
الجازي بتوتر : هذه ماهر جاء وبالغلط فتحت الباب
معاذ : حصل خير جهزو القهوه ؛ واسرعت الجازي تهرب من نظرات ريما وفتح معاذ الباب وهو يحي ماهر بحراره وبعد السلام اتجهت ريما تسلم على ماهر وهي تبتسم ودخلوه المجلس وراحت ريما تاخذ القهوه من الجازي اللي تتهرب بنظراتها : يعطيك العافيه
ريما : الله يعافيك ومشت للمجلس وهي تصب القهوه لهم وتسمع سواليف ماهر ومعاذ واندماجهم مع بعض وابتسمت وهي تجلس معهم وتسمع سواليفهم
.
ابو خالد :يابنتي استخرتي اكثر من مره ؟
ترف بهدوء: ايه مو مرتاحه
تنهد : زي ماتحبين ومشى تارك ترف تبتسم بانتصار : الحين نشوف يا ولد ناصر مين بيمشي كلامه انت ولا انا !
نزل ابو خالد للصاله ونطقت ام خالد : هاه ملزمه بقرارها ؟؟
ابو خالد : اايه ولا ابي اجبرها
ام خالد : صادق الا الزواج معليه جبريه
مروان : بس والله نواف مافيه شي ينعاب عليه !!
ابو خالد : خلاص تقفل الموضوع شوي بروح اكلم ابو نواف
.
بعد اكثر من اربع ساعات بغرفة الولاده وأخيرًا طلعت الدكتوره وهي تسحب خلفها عربية الطفل فز ماجد ومعه طيف وروان اللي ضحكاتهم عبت الممر بسبب ابن ماجد اللي اسرع يشيله بحرص وحذر وهو يبتسم بفرحه : يا هلا يا حبيبي تو ما نورت الدنيا بجيتك
طيف تسمح دموعها بتاثر وهي تمسح على راس سعود الصغير ونطقت الدكتوره : ممكن تعطيه لممرضه عشان يغيرون له ويلبسونه
ماجد : طيب ومده للمرضه اللي اخذته بحذر شديد وماجد اسرع يحضن طيف بفرحه وهي تبادله بنفس المشاعر وروان : الفف مبروك ويتربى بعزك يارب
ماجد ابتسم وهو يبتعد عن طيف ويحضن روان : اللهم امين
وبعد نص ساعه طلعو رهف بجناح ودخل عليها ماجد بيدينه باقة ورد وطيف وروان خلفه وحب راسها : الحمدالله على السلامه يا نظر عيني
رهف بابتسامة متعبه : الله يسلمك يا نور عيني ومد لها ماجد باقة الورد وطيف وروان كانو يباركون لرهف اللي تسال عن ولدها ودخلت الممرضه وهي تسحب العربيه وابتمت رهف بحنيه وفرح وهي تحمله وتبوس خده وبدا يفتح عيونه وهو يتحرك بخفه خاطف قلوب الجميع ببرائته
.
"بعد اسبوع "
بعد ما اخبر ابو خالد اخوه ناصر بان ترف استخارت ولا ارتاحت ومن بعدها عصب ناصر كيف بنت خالد تتكبر عن ولده وحلف انه يزوج ولده بست البنات ونواف اللي وقع عليه الخبر مثل الصدمه وتغير حاله ما صار يتحمل المزح وصار عصبي ولكن احيانا يرجع لشخصيته الصدقيه
وطبعا رهف طلعت من المستشفى وصار لها اسبوع من ولدت واليوم كان سابع ولدها وقررو يسون العشاء بعد التراويح
وكانت الجده منيره عازمه الجميع ام سيف وام معاذ وام تركي وعزيزه ومرام بنتها وكان الجميع مجتمع بمنزل ماجد
قامت ريما وهي تصب القهوه ومدت لعزيزه اللي تناظرها من فوق لتحت وبعدها مرام اللي نطقت بغيره : ماشاءالله الزواج مغيرك ما كانك ريما المعروفه ام كشه
ريما ضحكت باستفزاز : يا حليلك يا مرام ليه تحسبين الناس مثلك الله يهديك بس
انقهرت مرام من رد ريما وسكتت وهي ماودها تغلط وتزيد تعتذر منها
عند البنات اللي تسوي قهوه واللي تسوي الشاهي للرجال وكان الكل متوزع على مهمه وهيفاء اللي تساعدهم وكان الجميع بكامل زينتهم بمناسبة سابع ابن افضل عم عندهم روان بضحك : والله اني سويت معروف لرهف وخليتها تولد بسرعه
نوف : ياويلي من دفاشتك كنتي بتخلين بنت الناس تودع !
روان : بعيد الشر
نوف : عاد انتبهي لعد تقربين من اي وحده حامل
روان بتكشيره : مالت عليك بس
وضحكو البنات على تعابير روان
ريما : طيوف ماجد يقول ابوي يبيك
طيف : وينه ؟؟
ريما : بالبيت
طيف : طيب ولبست شرشفها وهي تطلع متجهه للخارج ودخلت بيتهم وهي تشوف الجد سعود امامها : وين العازه يا طيف ؟؟
طيف : الحين اجيبها
ماجد بفضول : وش عندكم ؟؟
الجد سعود : وش قلت انا انثبر لين تجيك
طيف ضحكت وهي متجهه لغرفتها وهي تحمل بين يدينها باقة ورد وبداخلها مفتاح سياره مرسيدس اللي كان نفسه فيها من فتره وطلعت طيف وهي شايلتها وتبتسم ومدتها لوالدها اللي ابتسم وهو يمدها لماجد المصدوم : يبه !!!
الجد سعود : هذي هديه بسيطه لك بمناسبه جيت ولدك سعود
ماجد اسرع يحب راس ابوه بحب ويدينه : يا جعلني ما افقدك يانظر عيني
واخذ منه الهديه وهو فرحان بالهديه وطيف اللي ضحكن على رد فعله : الف مبروك وانت تستاهل كل خير
ماجد حضنها : الله يبارك فيك يا عيني
الجد سعود : يلاه مشينا لسيارتك
ماجد ضحك : يلاه يلاه وطلعو وطيف اللي تختطف النظر لهم بفرحه
وآنصدمت بروية هتان وهي تهمس : هتتتاااننن
هتان سمع اسمه والتفت يدور بنظره عن صاحبة الصوت واعتلت فمه اكبر ابتسامه وهو يركض لها : طيييففف وحضنها وضحكت وهي تبادله بحنان : يا قلبي
هتان بفرحه : اشتقت لك
طيف : وانا بعد يا عمري
هتان : تعالي بوريك قطوه بالحوش
طيف : وين ؟؟
هتان : تعالي معي ومسك يدها ولحقته وفعلا لقت قطوه صغيره وبدت تعلب معها وهتان مستانس
وقاطعهم صوت سيف الحاد : هتان !!!
هتان انتفض وهو يلتفت لابوه بخوف : بابا !!
سيف لمح طيف اللي انتفضت بخوف وتعدل شرشفها ومعطيته ظهرها
ونطق سيف بحده وعصبيه : وش قلت لك قبل لا نجي ما قلت ما تتحرك من جنبي مهما يصير !!!
هتان منزل راسه بخوف : معليش بابا بس انا مع طيف تكفى بعلب معها
سيف : امممششش لا والله عاقبتك !!
طيف كانت مقهوره من اسلوب تربيته القاسيه مهما كان السبب ما يحق له يعامل الطفل بذي الطريقه وقدرت تتخطى خجلها وهي تنطق بغيض : لو سمحت ممكن تعدل اسلوبك مع ولدك ؟!! لانك كذا بتغلط كثير
سيف انصدم بتوجيهه كلامها له وهو يسمع نبرتها الحاده بصوتها الانوثي ونطق بحده : مالك دخل كيف اربي ولدي !
طيف : استغفر الله بس تراه وحيدك مهما كان ما لا تعامله كذا !!
سيف قرب منه وهو مو قادر يتكلم وهي معطيته ظهره وهذي كانت اكثر طريقه تنرفزه : لمن تكلميني تعطيني وجهك مو ظهرك !!
طيف تجمدت من قرب صوته لها وهتان حضنها بخوف من حوارهم اللي ما فهم منه شي طيف لفت الشرشف مثل اللثمه ونظرت له بتوتر : اتمنى الله يهديك وما تعامل ولدك بذي الطريقه
من لفت عليه وهو يحس نفسه ضايع بعيونها الواسعه ورموش عيونها الكحيله قرب منها وهو يشد على عضدها ويهمس بخفوت : تدرين هتان وش محتاج ؟؟
طيف بتجمد وتلعثم : و.. وش ؟
سيف بنفس همسه ونبرته الثقيله : محتاج ام
طيف بلعت ريقها بصدمه وتوتر ماتدري وش يقصد بكلامه وناظرت لعيونه وبادلها النظرات بعيناه المظلمه وكانت عيناه تخبرها بانه يريدها
طيف بتوتر : وخر لو سمحت !
سيف رفع حاجبه من نبرتها وابتعد عنها وهو يسحب ولده له ونطق : فكري باللي قلته
طيف حست بمغص ولا قدرت توقف اكثر من كذا قامت تركض لبيت ماجد اللي كان قريب منها
هتان : بابا تكفى ابي طيف تصير ماما
سيف انصدم من ولده : هتان !!
هتان : عشاني يا بابا والله طيف مره حلوه وطيبه
سيف ما رد على ولده ودخلو المجلس اللي مان مليئ بالرجال
طيف دخلت البيت وهي تلهث ريم : يمه وش بلاك !
طيف : شفت وزغه وقمت اراكض
ريم ضحكت : يا ليتني كنت كان مت من الضحك
طيف ما ردت عليها واتجهت بسرعه للمطبخ تاخذ لها قارورة ماء
شهد : وهذه اللي صار !
ريما بضحك : عاد تستاهلون ما جاتكم الرومنسيه الا بعد الفطور !!!
شهد : كله من راكان اقوله وخر وما يسمع كلامي
يارا : نوف سمعت انو عمي بيخطب لنواف ؟
نوف وهي تناظر بترف : ايه وبياخذ ست البنات
ترف أبتسمت بسخريه وكملت تسكب الشاهي بثلاجه ونطقت نوف : عسى مو عاجبك كلامي يا ترف ؟
ترف لفت عليها بابتسامة : لا على وش مراح يعجبني بالعكس الله يوفقه ويسعده
شهد نغزت يد نوف بمعنى خلاص زفرت بقوه نوف وهي مقهوره من حركت ترف بانها رفضت اخوها اللي اكتشفت قبل فتره انه يحبها وهي ولا عليها منه
"بعد العشاء "
مجلس الرجال كان الجميع يشرب الشاهي ويسولفون في ما بينهم
وهتف سيف بصوت جهوري : يا عم سعود !
الجد سعود لف عليه باستغراب والجميع أيضا التفتو عليه بتسأل ونحنح سيف وهو ينطق بنبره حازمه : انا نفسي بنسبك الطيب وطالبك ماتردني ابي بنتك على سنة الله ورسوله
انصدم ابو سيف من ولده ومن قراره الصادم ما قد فاتحه بالموضوع وكان خابره رافض فكرة الزواج
نطق الجد سعود بابتسامة وبحزم : ابششششر واصلا وين بنلقى نسب طيب مثلك !
سيف ابتسم ابتسامة سعيده : الله يبشرك بالخير
وبدا الجميع يبارك لسيف ولوالده وهتان اللي بينط من الفرحه من سمع كلام والده
راكان بصدمه : جدي وافق بدون ما يقول لطيف ؟
ماجد زفر بقوه : والله لو مهي موافقه والله ما ياخذها !
خالد بهمس لنواف : احس ما بلعت سيف هذه احسه ثقيل طينه !
نواف ببرود : زيك
خالد بصدمه : وش بلاك انت !!!
نواف ناظره بنظرات بارده وقام من جنبه وطلع لبرا تارك خالد يغلي بغضب من اسلوب نواف المتغير من خبره والده بان ترف رافضه
.
•عند الحريم •
كانت ام تركي تسولف مع روان اللي تبتسم لها بخفه وهي مهي عارفه بانها والدة تركي
ام تركي : بوريك وحيدي مالي غيره
روان بنفسها هاه جاتك الحرمه اللي بالعزايم تخطب لولدها يالله انك تخارجني منها وام تركي كانت تدور بجوالها عن صوره لولدها وابتسمت وهي تلف الجوال على روان اللي ناظرت الصوره بصدمه كان الدكتور تركي ما غيره !!
ام تركي ابتسمت باتساع :شوفي هذه ولدي تركي دكتور بمستشفى ***
وعمره ٢٦
روان بتوتر : هههه الله يحفظه لك يا خاله
ام تركي : امين يارب ويرزقه بالزوجه الصالحة
روان ابتسمت بتوتر : امين يارب
وانقذها من ورطتها نداء ترف لها واستاذنت من ام تركي ومشت لعند اختها اللي قالت لها بان تطلع لان مروان يبيها وطلعت روان وهي تشوف مروان الواقف امام الباب ونطقت : وش بغيت ؟؟
مروان : وين شاحني !
روان بصدمه : جايني عشان تسالني عو شاحنك صدق انك تافه !!
مروان بنفاذ صبر : تكلمي لا والله فصلت عليك
روان : لا والله خفي علي يعنني بخاف كذا !!
مروان زفر بقوه وهو يمسح على وجهه : روان !!!
روان تخصرت : قلت لك مدري اخذ شاحن ترف
مروان بنذاله : والله لاخذ حقك ومشى تاركها تلحقه : تخسيييي والله لقطع يدينك
مروان ارجعي بس
روان : ماني راجعه لين تفارق عن شاحني !
مروان : انقلعيي
روان : مععع نفسك
وكانو مستمرين بهوشتهم غير منتبهين للشخص المصدوم وهو يشوفها قدامه !
قبل اسبوع شافها بالمستشفى والحين يشوفها هنا !!!!
ولمحت روان شخص خلف مروان وانصدمت برؤيته واستغرب مروان من سكوتها ولف وهو ينتبهه لتركي الفاهي وسحب روان خلفه ونحنح تركي وهو يصد : المعذره بس ضيعت
مروان : معليك حصل خير ودفع بقوه روان لداخل البيت وهي تقع بالم وكتمت صرختها بقهر منه ومشى مروان مع تركي وهم يسولفون
.
•بعد ثلاث ايام •
طيف وسعت عيونها بصدمه : يمه مابييي
الجده منيره : وليه ان شاء الله ترا سيف رجال والنعم فيه وانتي كبيره منتي بصغيره عشان نرفض !!
طيف بترجي : يمه مابي مطلق وعنده ولد وتبيني اخذه !!!
الجده منيره تنهدت وهي تمسح على خد طيف  : يا بنتي الرجال ما يعيبه الا جيبه !
طيف : يمه ذا كلام قديم !!! وانا انسانه مابي اتزوج حاليًا
الجده منيره : حرام عليك ولده متعلق فيك وانتي بترفضين !!
طيف سكتت وهي تتذكر هتان وكيف انه صدق بعمر محتاج فيه ام بس هي خايفه من سيف !!! هيئته مخيفه غير عيناه المظلمه تشعر بالقشعريرة لمجرد النظر لها : بس يمه يعني هو كيف بعرف هل انسان يخاف ربه !!
الجده منيره : اي بالله
طيف : طيب وش سبب طلاقه من الاول ؟!
الجده منيره تنهدت : كانت وحده متفتحه وقليلة اصل حملت بولده ويوم ولدت وهي تشرد منه وتقدم عليه قضية خلع
طيف بصدمه : خلع !!!
الجده منيره : ايه
طيف : بس المعروف انه هو مطلق كيف كذا !
الجده منيره : ما حبو الناس انهم يقولون للكل ان زوجته كانت خالعته لانه بتكون فضيحه بحق ابو سيف و ولده وعاد هم ناس معروفين
طيف تنهدت : انا احسني مرتاحه عشان هتان بس بنفس الوقت متوتره يا يمه شوريني !
الجده منيره : يابنتي والله انه بيحطك بعيونه
طيف بهدوء وهي خلاص تبي ترتاح من ذا الموضوع: خلاص خبري ابوي اني موافقه بس عندي شروط وقت الكتب الكتاب بيقولها له
الجده منيره بابتسامة : ابشري باللي تبينه وهذه من ابسط حقوقك
طيف ابتسمت بخفه لامها وهي من داخلها خايفه بس عشان خاطر ابوها ماودها تحرجه بين الناس لانه خطبها سيف بمجلس مليان رياجيل
.
لين اللي جات لبيت اهل ريان عشان خلاص قربت ولادتها ولا يمديها تقوم بحالها لازم احد يساعدها وماعندها الا عمتها ام نواف
راما طقت باب غرفتها وهي تبتسم : سلااااممم
لين بابتسامة : وعليكم السلام حياك ادخلي
دخلت راما وهي تجلس جنب لين : هاه كيف الحمل معك ؟؟
لين بإرهاق: والله متعب بس موكلي امري لله
راما : الله يسهل عليك يارب
لين : امين يارب الا بسالك وش صار على خطبة نواف ؟؟
راما تنهدت : ما صار شي ترف ما وافقت
لين : لعلها خيره
راما : ايه بس والله نواف ما يستاهل الا كل خير
لين : الله بيرزقه بالزوجة الصالحه باذن الله
راما : امين يارب بس حاليًا ابوي يقول بان عنده صديق بيخطب له بنته
لين : اهم شي يكون راضي
قاطع عليهم دخول ريان : ماشاءالله راما هنا !
راما ابتسمت: ايه طفشت لحالي
ريان : بالعكس حياك الله
لين : معليك دامني فيه منتي بطفشانه
راما بابتسامة: يا قلبي والله ما تقصرين
ريان ابتسم : غزل عيني عينك !!
ضحكو راما ولين عليه واستمرو بسواليفهم
.
بالمركز اللي موجود فيه ماهر كان معه معاذ والجازي لان فيه اوارق رسميه تتطلب بصمات الجازي وشهادتها ولمن خلصو من الاجراءات طلعو معاذ والجازي ولحقهم ماهر وركب معاذ سيارته وماهر كذلك
تنهدت الجازي : وربي طفشت متى بيمسكونه !!!
معاذ : باذن الله قريب
وماهر اللي صعد توه لسيارته بس وقف وهو يخلع سترة البدله ويفرك راسه بالم
وينحني للركبو لسيارته وبيشغلها ويستوقفه وقوف سيارة بعيده عنه بقليل وخروج راكان منها وهو يصارخ بقوه : ممممممااااهههههررررر انزززللللللل
كان معاذ بيمشي بس وقف على صوت راكان واستغرب وش فيه ؟ وقف سيارته وبدت تلتفت الجازي بخوف وقلق : معاذ وشفيه ؟؟؟
معاذ : مدري ونزل وانصدم بروية راكان اللي دفع ماهر ولكن سرعان ما تفرجت السياره امام انظاره وجميع العسكر خرجو من المركز وهم يتصلون بالدفاع المدني معاذ حس رجوله مهي قادره تشيله من هول المنظر
نزلت الجازي وهي تصارخ : لاااااااااااااا
___________________________
اعترفو اول مره ادلعكم كذا صح ؟ 🫣
يلاه على حظكم ذا الاسبوع كنت فاضيه واشتغلت على البارت
وابي دعم قوي عشان اقدر انزل البارت اللي بعده
واعطوني رايكم بالقفله 🥲
وش تتوقعون راح يصير !
لمحبين الروايه اتمنى بس تساهمون بنشرها عشان اقدر استمر بالتنزيل لان الصراحه ذي الفتره احتاج تشجيع عشان اقدر اكتب لكم اول باول
ومن البارت الجاي ببدا اسرع بالاحداث
وقراءه ممتعه للجميع 🤍