"بسم الله الرحمن الرحيم "
•
•
•
•
" تذكير باخر حدث "
انفاسها ثقلت : مـعاذ خلاص وخر وراح اعطيك بوسه زي ما تبي
معاذ رفع راسه لها وناظرها : يلاه طيب انتظرك
ريما زفرت وقربت تبوس خده وبعدت عنه ورفع حاجبه بسخريه : ذي تسمينها بوسه !
ريما عقدت حواجبها : ايه بوسه اجل وشهي ؟؟
معاذ : بوريك البوسه على اصولها وقرب منها إلى ان دمج ثغره بثغرها وتعميق فيها وهي تتصنم بصدمه لدرجه ما قدرت تقاومه او تبعده
ماجد بعلو صوته : معاذ وينك !!
فصل القبلة وهو يناظر بريما اللي سرحانه بعالم ثاني وهو يهمس لها : ريما ! بنت !!
ريما صحت على نفسها وهي تشهق وتضربه : انت كيف تبوسني كذا هاه وخرر عني
معاذ : هشش ماجد جايي
ريما بفجعه : وشهو !!
ماجد مشى لجهه معاذ وريما وهو رافع حاجبه : ريما !
ريما بلعت ريقها وهي تبتعد عن معاذ ولكن انصدمت وهي تشوفه يسحبها لحضنه ويحاوط خصرها وابتسم لماجد : شفتها بالصدفه ماشيه من هنا وحبيت اسلم عليها
ماجد ناظر ليد معاذ وبغيرة : يدك يا سيد معاذ !
معاذ وهو ينزل انظاره ليده ويبتسم اكثر وهو يشوف ريما متجمده وهاديه بحضنه : وشفيها ؟ تراها زوجتي
ماجد حك دقنه : وتراها اختي !
معاذ : وتراها حبيبتي !
ريما استحت وهي تدفع معاذ : وتراني حررررره !!! وركضت للبيت بسرعه تاركه وراها ماجد ومعاذ اللي ناظرو لبعض وضحكو بقوه ومعاذ اللي صفق ماجد : حسبي الله على بليسك ضحكتني
معاذ : وانت ما تعرف تجي الا بالوقت الغلط !!
ماجد رفع حاجبه : وانت وش كنت ناوي تسوي هاه ترا اعطيتك وجهه !!
معاذ بقهقه : باقي باقي بتعطيني لين اخذ زوجتي وبعدها تشاو ؛ وهو يقلد حركة ريما ضحك ماجد ولف ذراعه على كتف معاذ ومشو مع بعض للمجلس ..
~ اليوم التالي ~
مها وهي تحاول تقنع شهد تروح معها لبيت مرام : تكفين وانا امك روحي معي
شهد : يمه انا قلت لك كلمتي ماني برايحه لو ما يبقى الا بيت مرام ما دخلته افهميني !!
مها تنهدت : بس يا بنتي واضح مرام تبي تتغير ومو عارفه كيف خلينا نعطيها فرصه
شهد بغضب مكتوم : نعطيها فرصه ! الا مرام الوحيد اللي مستحيل ابلعها لا هي ولا بناتها
مها : لحول ولا قوة الا بالله
صالح جاء من الشغل وهو يجلس : شفيكم !!
شهد وهي تناظر لامها وبزعل : يبه تخيل امي تبيني اروح معها لبيت مراموه !!!
صالح بحده : شهد تراها عمتك بعد كل شي عشان كذا لا تزعليني منك واحترميها
شهد زفرت : اسفه ما كنت اقصد بس مقهوره يبه
صالح تنهد ومسك يد شهد وهو يمسح عليها بحنان : شهد حبيبتي كيف تبين الناس يتغيرون وهم ما اخطو خطوه لقدام لازم الانسان يعطي الفرص لغيره عشان يتغيرون للاحسن طيب يا حبيبة ابوها ؟
شهد هزت رأسها بهدوء: بس ماودي اروح مع امي تكفى !
مها : ردينا للموضوع يا شهد ؟؟
شهد عبست : افهمونييي ما احبهااا !!
صالح : طيب عشاني روحي ولا مالي شأن عندك ؟؟
شهد بسرعه : لا بالله انك روحي وعمري وخلاص تم بروح عشانكم بس !
صالح ابتسم وهو يقرص خدها : الله يحفظك ويخليك لي ولامك
شهد ابتسمت وهي تحضنه بحب : امين ويخليكم لي ولا يحرمني منكم
صالح وهو يمسح على شعرها ويبتسم وشهد رفعت نظرها لامها وهي تبتسم بخبث : يمه تعال لك مكان بحضن ابوي لا تغارين
مها شهقت بصدمه وهي ترمي عليها المخده وارتفع صوت ضحك صالح وشهد ومها المنحرجه وغمزت لها شهد : يلاه تعالي !
مها ابتسمت وهي تشوف صالح يفتح لها يده واسرعت تحضنهم وهي تبتسم لصالح اللي يبادلها البسمه وشهد رفعت رأسها تتاملهم وهي تبتسم وتتكلم بنفسها معقوله علاقتي بتصير مع راكان مثل امي وابوي ومراح تتغير مهما صار ومهما كبرنا بالعمر ؟؟
صالح وهو يهز شهد الشارده بعالمها : شهوده بابا وين سرحتي ؟؟
شهد وأخيرا فاقت على نفسها : موجوده لبيه وش بغيت ؟
صالح : انا وامك عندنا مشوار اذا ودك روحي عند ريما
شهد ابتسمت بخبث : وين راحين هاااه ؟ بتروحون تجددون شهر العسل ؟؟
مها وهي تاخذ مخده وترميها عليها وشهد تضحك وتركض لغرفته وصوت ضحك صالح يدوي بالبيت ودخلت شهد لغرفتها وقفلت الباب وهي تدندن وفجاة تنصدم بيد توضع على فمها ويد ترفعها للسرير وكانت تقاوم وهي تحاول تصارخ وضعها على السرير واعتلاها وهو يثبت يدينها وسعت عيونها بصدمه وبهمس : راكان !!
راكان ابتسم باتساع : ايه ليه مصدومه ؟؟
شهد وهي تشهق ولتوها تلاحظ انهم قريبين من بعض : مو قايله لك ممنوع تشوفيني ؟؟؟
راكان : ما قدرت والله ما اجي واكحل عيوني بشوفتك
شهد ابتسمت وهي تتغلى : اقول فز على حيلك وعلى بيتك
راكان : اللي يرد السلام ويعرف المواجيب ...
وحي العيون الكحيله اللي ترد السلامي ...
لاسلهمت من كثر الشوق ترسل تراحيب ...
ويفوح من طيب صاحبه عطر الخزاامي
شهد ابتسمت : طيب فز من فوقي
راكان بعناد : مابي عاجبني الوضع
شهد : راااكاااننن !!
راكان بحب : عيونه وقلب راكان وش تبين ؟
شهد : ابيك توخر
راكان ابتسم بخبث : ابشري ما طلبتي شي ؛ وهجم عليها يدغدغها وهي تضحك وهو مستمتع بضحكها إلى ان تعبت وهي تترجاه يوقف شهد بضحك : راكان تكفى وقف تعبت
راكان : بشرط !
شهد بسرعه : موافقه موافقه بس تكفى وقف تعبت من الضحك
راكان ابتسم بخبث و وقف دغدغه وقرب منها : بوسيني
شهد شهقت بصدمه : منجدك انت !!
راكان : ايه منجدي واذا منتي منفذه شرطي ترا برجع ادغدغك
شهد : اوف طيب ؛ وقربت منه وهي تبوسه على خده بقوه وابتسمت وهي تشوفه يتاملها بحب : خلاص يلاه قم على حيلك
راكان ابتسم وهو يبعد عنها ويجلس بجنبها : تدرين اني اعشقك ؟
شهد وهي تحس بفراشات بقلبها من اللي قاله : ايه ادري بس انت تدري بعد اني اموت فيك ؟؟
راكان ضحك بعلو صوته واسرعت شهد تحط يدها على فمه عشان تسكته : هشششش امي وابوي ترا موجودين
راكان باس كف يدها وبابتسامة : طيب طيب
شهد ابتسمت بهدوء وهي تتامله : راكان
راكان : قلب راكان تدللي
شهد زادت ابتسامتها : وش تبينا نسمي ولدنا المستقبلي
راكان ابتسم ومسك يدها يشد عليها : نفسي باسم صقر وش رايك فيه ؟؟
شهد بحماس : حتى انا كنت افكر بذا الاسم لانه عاجبني
راكان بابتسامة : الحمدالله اتفقنا على اسم الولد والحين وش تبينا نسمي بنتنا ؟
شهد بتفكير : امممممم شرايك باسم ريفان ؟
راكان عض على شفايفه وقرب منها يبوس خدها : يهبل مثلك
شهد وخرت عنه وهي تمد اصبعها قدامه بتحذير : لو سمحت المساحه الشخصيه !
راكان ضحك بعذوبه : تمام تمام
فجاة قاطعهم دق باب الغرفة انتفضت شهد بخوف وهي تناظر لراكان اللي يبتسم لها عشان تتطمن واسرع يدخل الحمام اللي بغرفتها وهي عدلت نفسها وقامت تفتح الباب : يبه ما رحتو ؟
صالح : الحين بنروح تبين شي ؟
شهد : لا سلامتكم
صالح : امكن نتعشى برا اذا تبين روحي لريما
شهد : ابشر لا تفكرون فيني فكرو ببعض وغمزت له ضحك وهو يبعثر شعرها ونزل ولوحت لامها ولابوها وطلعو ولحقتهم تقفل وراهم الباب وهي تزفر براحه بس صرخت بفجعه لمن شافت راكان وراها ضحك وهو يسرع يحضنها : بسم الله عليك ما دريت انك بتخافين كذا !!
شهد بادلته وهي تقبصه بعبوس : فجعتني ما توقعتك بتطلع كذا بسرعه
راكان ضحك وقام تمشى بالبيت وهي تلحقه : ماشاءالله بيتكم رهيب
شهد ابتسمت : ذوقي
راكان عض شفايفه : ذويقه
شهد ضحكت وهي تكتف يدينها : الحين منت رايح لبيتكم ؟
راكان رفع حاجبه بحده : افهم من كلامك انها طرده ؟
شهد ضحكت : لااااا بس اسال عشان احسبك معي بالعشاء
راكان ابتسم برضى : لا ماني رايح بتعشى معك
شهد ابتسمت بحماس : يسسس عشان بسوي احلى باستا تاكل اصبيعك وراها
راكان لعق شفايفه بخبث : اخاف اكلك بدالها
شهد استحت وهي ترمي عليه قارورة المويه : بلا قلة ادب !
راكان اسرع يمسك القاروره : طيب شفيك سريعه الغضب !!
شهد لبست المريله الخاصه بالطبخ واخذت له وحده وهي تبتسم وتقرب من راكان : لازم تلبسها عشان لا تتوسخ ملابسك
راكان : حركات غريبه ماقد شفتها ببيتنا
شهد ضحكت : اصلا قد دخلت المطبخ عشان تقول كذا ؟
راكان حك راسه وهو يبتسم : ادخل اذا ابي اشرب مويه بس الاكل امي تسوي
شهد : مدلع والحين نزل راسك عشان البسك المريله
راكان ابتسم وهو ينزل من طوله الى ان وصل لطولها ولبسته وهي تربط له الخيط وبابتسامة : الحين انت جاهز تساعدني
وبدت شهد تجهز الاشياء اللي بتحتاجها وراكان يساعدها وهي تقطع الدجاج زفرت بطفش : والله لقصك يا معفن
راكان لف عليها بصدمه : تكلمين من ؟
شهد بعصبيه : شعري الزفت يقهر بس والله لقصه
راكان اتجهه لها وهو يوقف خلفها يمسك بربطة شعرها ويحاول يجمعه بيده عشان يعدله لها وهمس لها بهدوء: اوعديني انك ما تقصينه
شهد بصدمه : راكان منجدك تراه معذبني !
رامان بهمس بها نبره حاده : شهد قلت لك اوعديني !!
شهد تنهدت : اوك عشانك مراح اقصه
راكان ابتسم وبهدوء: بس ابيك تقصينه بشرط
شهد باستغراب لفت عليه : توك تقول لا ما اقصه وشذا التناقض !
راكان وهو يداعب خدها : تقصينه بشرط ولولا سمح الله ولمس شعرك شخص غيري قصيه ولا تخلينه على طوله اتفقنا ؟
شهد اندهشت من كلامه : اوعدك اذا صار مثل ما قلت والله لقصه
ابتسم راكان وهو يحضنها وبادلته وبعدها وخر عنها وهو يبتسم : لو بنجلس كذا عز الله ما تعشينا
ارتفع صوت ضحكهم وهم يكملون الطبخه وعايشين بجوهم الخاص ومايدرون وش تخبي لهم الايام الجايه هل راح تكون لهم ايام سعيده او ايام حزينه ومؤلمه
أنت تقرأ
احتريتك من بين كل البشر وسميتك عشقي وفرحة سنيني
Actionالكاتبه شهد✍🏻 اول روايه لي وان شاء الله تنال اعجابكم 🤍 • اختصار للروايه ؛تتكلم عن حياة الجد سعود وعياله واحفاده ويومياتهم والاحداث والمغامرات اللي تصير معهم •• "" لا استبيح النقل او الاقتباس ""
