احتريتك من بين كل البشر وسميتك عشقي وفرحة سنيني

35

"بسم الله الرحمن الرحيم "
•
•
•
•
مروان : وش بتشترين ؟؟
روان : قهوه بس مدري وش اخذ
مروان : اقول اخذيلك شاهي الجو بارد وانتي تبين قهوه
روان : شدخلك الحين باخذ اللي يعجبني
مروان : اص بس وبصوت ثقيل : لو سمحت اعطني اثنين شاهي
روان قرصت ومروان ضحك عليها وهو يشوفها متكتفه بقهر
.
الجد سعود فز واقف وهو يعكز بعصاته : الحمدالله اللي خلانا نشوفك مفتح عيونك
ماهر بابتسامة : يا بعد روحي يا جدي
ابتسم الجد سعود وطلع وفز واقف ابو ماهر وهو يهتف
ابو ماهر : دامنا شفناك بخير يلاه يا ام ماهر بنسري لبيتنا
ام ماهر وهي تقرب تحضن ماهر اللي يبادلها بهدوء عشان اصابته : اكل زين وانا امك واذا احتجت شي اتصل على ابوك او علي
ماهر : ابشري يا نظر عيني
ابتسمت ام ماهر وهي تودعه ويارا اقتربت منه وهي تحب راسه وتبتسم : صدق انك منور الدنيا يا حبيب اختك
ماهر ابتسم بحب ليارا وكلامها الحنون : والله الدنيا منوره بنورك يا روح ماهر انتي
يارا ابتسمت وهي تحضنه وتطلع مع امها وابوها وينادون على ريم اللي قالت دقايق وجايه وابتسم ماهر وهو يناظرها : منتي رايحه يا البكايه ؟؟
ريم ابتسمت وقربت منه وهي تمسك يده : قول اللي اقوله مسموح بس الفتره ذي عشانك تعبان
ماهر ضحك وعض على شفايفه من الالم اللي داهمه انتفضت ريم وهي تشد على يده : تبي انادي الدكتور ؟؟؟
ماهر تنفس بهدوء: لا ما يحتاج الم طبيعي عشان اصابتي بالصدر بس لا تضحكني
ريم ضحكت : طيب طيب تبي شي ؟
ماهر ابتسم : ايه احضنيني ولا ناويه تروحين بدون حضن !
ريم قهقة : لا بالله ما يطاوعني قلبي وانحنت تحضنه وتودعه ولفو الاثنين على صوت شهقه ولقو ريما اللي تبكي وتمسح دموعها بسرعه يوم شافت الانظار عليها وهتف ماهر : عسى ما شر وشفيك ؟؟
ريما بوجهه محمر من البكاء : اشتقت لك تصدق !
ماهر عض شفايفه يكتم ضحكته مايبي يضحك ويتالم وضحكت ريم وهي تبتعد عن ماهر اللي فتح يدينه لريما اللي اسرعت تحضنه قرصها ماهر : بشويش يا دب !!
ريما : اسفه اسفه يا قليل ادب لا تقول دب !! و ابتعدت عنه وهتف ماهر : على كيفك منتي دب ! بغيتي تهدين ضلعي
ريما بغيض : بتسد فمك ولا اسده لك بذي العلبه
ضحكت ريم بقوه وماهر اللي يعض شفته يكتم ضحكته عشان لا يتالم وريما المعفس وجهها قاطعهم ابو ماهر اللي نادي باسم ريم اللي اسرعت تطلع بعد ما ودعت اخوها على اخر شي ومشت وريما اللي تلبس حجابها ودخل ريان ومعه نواف وخالد يسلمون على ماهر ويتحمدون له بالسلامه وريما طلعت تلحق ابوها وتفاجأت بمعاذ اللي يسولف مع والدها الذي يبتسم له واقتربت منهم ورفع معاذ نظرته لها ورفع حاجبه بمعنى انتي هنا ! رمشت ريما وهي فاهمه نظرته
وهتف الجد سعود : انتبهو لماهر تراه بامانتك
معاذ : افااا لا تشيل همه ابدا يا عم
الجد سعود : بيض الله وجهك وانا عمك انشهد انك كفو
معاذ حب راسه باحترام وتقدير : وجهك ابيض يا عم وهذه دين علي ماهر ما قصر معي يوم كنت بمكانه
الجد سعود : الله يحفظكم يلاه انتي الحقيني
ريما : طيب يبه ومشى الجد سعود وكانت بتلحقه ريما بس قاطعه معاذ اللي مسك يدها وهمس بحده : هل انا اعطيتك اذن تجين هنا !!!
ريما بنبره بريئه : ايه
معاذ عصر يدها بغضب من كذبها قدامه : ريما كذبك هذه له عواقب !
ريما زفرت ودفعت يده بقوه وهمست بنفس حدته : اعطيتك على جوك بالبدايه بس لا تنسى اني ما اسمح لك تمسك يدي بذي الطريقه ! واذا جيت بدون شورك وشفيها ترا ألى الان ما صرت ببيتك عشان يكون لك كلمه علي ومشت وخلته وراها يغلي ويتوعد لها ودخل الغرفه وهو يشوف ماهر اللي يسولف مع عيال عمه وابتسم وهو يقرب منه : الحمدالله على السلامه وانحنى يسلم عليه وبادله ماهر بابتسامة : الله يسلمك
معاذ : بشرني وش تحس فيه الحين ؟
ماهر : فيه الم بمكان الاصابه بس طبيعي قالي الدكتور ومافي خطر الحمدالله
معاذ : الحمدالله زين والله يا انك خليتنا ننفجع كلنا
ماهر قهقه بخفه : حبيت اختبر محبتكم لي
نواف : لا يشيخ !! حنا كلنا بغينا نموت من الخوف وانت تقول حبيت تختبرنا !!
خالد صفقه : يمزح يا غبي
نواف رد له الصفقه : ادري يالنسيب ليه شادها
خالد : لا انت تبيني اخليك مقعد الحين ولا كييييففف !!!
نواف ضحك : وش بلاك انت ما قلت الا الصدق
ماهر وهو يعض على شفايفه من الالم : لا تضحكوني تراني تعبان !!
خالد : بسم الله عليك جعله بنواف ولا فيك
نواف : يهبببب يا قلبك الحقودي
ريان بضحك : اقول بس لا تتفاؤل على اخوي
نواف : يالبى بس ريان الحبيب وهو يحضنه من الكتف خالد وقف وهو يكش عليهم : اقول دز انت ويااه بروح توصي على شي يا ماهر ؟
ماهر بابتسامة: لا سلامتك
خالد : مع السلامه جميعًا
نواف : عيب والله عيب يالنسيب بتروح وتتركني انتظرني على الاقل بجي معك
خالد : اقول انثبر بس وخرج بسرعه بيشرد عنه والحقه نواف واصواتهم بالممرات اعتلت ومعاذ ميت ضحك عليهم وابتسم ريان وهو يوقف : توصي شي ؟؟
ماهر : لا سلامتك بس اخذ الاثنين ذول بدو يزعجون المرضى
ريان بضحك : ابشر ابشر وطلع وهو يلحق بنواف وخالد
معاذ ابتسم وهو يلف على ماهر : جاك راكان ؟؟
ماهر : لا مستغرب
معاذ : راكان خاف حيل عليك تلقاه جايي
راكان دخل وهو يبتسم واسرع يحضن ماهر اللي ابتسم كذلك وهمس له راكان :  الحمدالله على السلامه ورد عليه ماهر : الله يسلمك
ابتعد راكان وهو يجلس بجنب ماهر من الجهه اليسرى : كيفك بشرني عنك تحس بشي الم ؟
ماهر : الم خفيف ومصيره بيروح
راكان : الحمدالله مرت على خير اهم شي شفناك معنا
ماهر بنبره كارهه : ما لقيتوه الكلب ؟؟
غضب راكان من طاريه : لا بس باذن الله بخلي حكمه ياصل للمؤبد
معاذ : هذه اكيد وراه روس كبيره مخليته يسطى
ماهر : ما قلت الا الصح هذه اللي اكتشفته باخر مره بحثت عنه
راكان : اعطيني اسمائهم ورب البيت ما يصبح الصبح الا وهم بالقسم
ماهر : معليك بنجيبهم بالاول خلنا نجيب كلبهم المطيع حامد وبعدها بندخلهم
واحد واحد وبالدور بعد
معاذ فز واقف : الله يقويكم توصون شي ؟؟
ماهر : لا سلامتك بس ما طولت ؟
معاذ : تعرف يا ماهر وراي امي واختي من امس ما جيتهم وخابر الجازي تعبانه
ماهر خفق قلبه بقلق وقاوم عشان لا يسال لاحظ راكان صمت ماهر وتغير تعابيره ورد بسرعه : ما قصرت يا ابو عناد روح ارتاح انا عنده
معاذ : مع السلامه وطلع
راكان بخبث : تراني بير اذا ودك ترمي سرك تراه بيكون محفوظ بيننا
ماهر نحنح : وش تقصد ؟
راكان  : اقصد بنت الرياجيل اللي خايف عليها
ماهر انصدم ما توقع انه واضح عليه : هاه !!!
راكان ضحك : ايه ترا واضح عليك الحب وادري من هي بس دامك
تبيها ليه ما تخطبها ؟
ماهر تنهد : وانا فضيت واصلا البنت ما اتوقع تقبل وانا خايف من رفضها عشان كذا ما جازفت عشان اخطبها
راكان باستغراب : وليه ترفضك وانت ماشاءالله عليك ما ينقصك شي !
ماهر تنهد : يا راكان سالفه طويله
راكان : وانا فاضي اسمعها
ماهر ابتسم بخفه وهو يتذكر اول لقاء بينهم وابتداء يسرد له
•
•
"بيت الجد سعود "
ريما اللي اول ما وصلت وهي تلبس قميصها الروز وشعرها المظفر على شكل قرنين واتجهت للبنات اللي كانو مجتمعين عند الجده منيره وام نواف وام ماهر وام خالد ومها كانو موجودين
شهد : ها بشرينا يا ريما كيفه ماهر ؟؟
قرصتها ريما وعضت على شفايفها شهد بالم وغبى من نفسها كيف انه لسانها زل قدام الباب جدتها منيره اللي هتفت بقلق : عسى ماشر علامه ماهر !!!
ريما : لا مابه شي يا يمه شهد غبيه تقصد شخص ثاني
الجده منيره وهي ترمي على ريما علبه المناديل : بتهرجين ولا كيف !!!
ام ماهر تنهدت : انا بقولك يا عمه
الجده منيره : تكلمي يا سميره !!
ام ماهر سميره : ماهر تصاوب باحد العمليات اللي كان فيها ولكن هو الحين بخير مافيه الا العافيه
الجد منيره مسكت راسها من هول اللي سمعته وقامت تبكي : يعزي عنك يا ولدي
ريم اسرعت لجدتها : يا جده والله مافيه الا العافيه صدقيني
الجده منيره : ماني مرتاحه ليه اتطمن عليه
ريما : انا صورت دقيقه اوريك وقامت جمب امها توريها مقاطع لماهر وهو يسولف مع ابوه والجد سعود وكان يبتسم بس لابس لبس المستشفى وباين عليه التعب اخذت الجوال الجده وهي تبوس فيه الكل كان يعرف بحب الجده الكبير لماهر لانه الحفيد الاول ولد ولدها الكبير
روان لفت على نوف اللي تشاهق على حركة الجده منيره : علامك انتي ؟؟
نوف وهي تمسح دموعها المتساقطه : مدري حسيت ببكيه فجاة من حركة جدتي
ترف : يا عمري واضح هرمونات الحمل لاعبه فيه
يارا وهي تحضن نوف : ياعمري خلاص هدي
روان بضحك : لا مب طبيعي الحين اللي يحمل يصير حساس كذا !
رهف : اييه وش عرفك ذ هرمونات الحمل تسوي اكثر من كذا
ريما : اقول خلاص ماهر فيه الا العافيه وترا بيزعل لو عرف يمه انك تبكين عشانه
الجده منيره : لا تقولين له لا اقص لسانك
ريما : والله عاد اذا استمريتي يمه تبكين عليه بعلمه مالي شغل
الجده منيره وهي تحسب ريما من اذنها : قلت لك ياويلك لو تعلمين فهمتي !!!
ريما بالم وصراخ : اااااااااااه طيبببب طيب بس فكيني
الجده منيره وهي تفكها وريما تحك اذنها بالم والكل فطسو ضحك على وجهه ريما المعفس
.
.
الجازي اللي كانت جالسه وهي تفكر باهر اللي من انصاب وهو ماغير ببالها وفزت وهي تشوف معاذ داخل واقترب منها وهو يجلس قبالها وجلست هي بسرعه وهي تهتف : معاذ كيفه ماهر ؟؟
معاذ اخذ قاروره مويه يشربها : بخير الحمدالله اليوم صحى وجلس معنا ويسولف مافيه الا العافيه اللهم بعض الالم البسيط اللي يجيه ويروح بين فتره وفتره
الجازي : همممم تبي شي اسويه لك اكل ؟
معاذ : لا ابي ارتاح بس الا وين امي ؟؟
الجازي : عند جارتنا ام تركي
معاذ : اوك انا بغرفتي اذا بغيتي شي تعالي
الجازي : تسلم يا عيوني
معاذ حب راسها وطلع لغرفته واول ما دخل وهو يروح يتروش وتوعد بريما وكيف يبي يعاقبها عشان مره الثانيه ما تكلمه بقلة احترام
.
راكان ضحك : اثاريك طايح ومحد مسمي عليك
ماهر قهقه : اهخ بس ليتني اقدر اخطبها
راكان : اقول اخطبها من معاذ ومهو رادك
ماهر : بس بياخذ بشورها وهي واضح تكرهه بني ادم كلهم من فعلت الكلب حامد
راكان تنهد : اقول لا تفكر كثير بالامر ذا وش دراك امكن هي بعد تحبك
ماهر رقص قلبه من فكرة انها تحبه بس هتف بواقعيه عشان لا ينكسر بعدين : مدري ما اتوقع الا ما كلمت ريما وشهو اللي مطلعهم ذاك اليوم للمول وغير كذا ليه حامد كان يلاحقهم
راكان : لا والله ما سالت احد من حادثتك اللي صارت ما فكرت ابدا فيهم
ماهر : يلاه معليه
راكان وهو يتثاوب : يوه يالبرد ما يطفون ذول مكيفات ؟؟
ماهر : لا بس يخففون البروده روح للبيت ارتاح
راكان : لا لا بجلس عندك
ماهر : اقول روح ارتاح انا مافيني الا العافيه
راكان : ماني رايح
ماهر : راكان لا تخليني ازعل منك روح ارتاح التعب واضح عليك مو معقوله بتجلس عندي وانت عين مفتحه وعين مغمضه
راكان تنهد : بذمتك منت محتاج شي ؟؟
ماهر : لا والله مو ناقصني شي
راكان : اجل مع السلامه اذا بغيت شي اتصل فيني فاهم
ماهر : ابشر
راكان ابتسم وهو ياخذ جواله وخرج بعد ما اخبر الدكتور تركي بان يهتم بماهر واتجهه لسيارته وركب ومشى باتجهه منزله
.
معاذ طلع من الحمام وهو لابس الروب وينشف شعره واخذ جواله يتصل برقم ريما بس ما ترد اتصل اكثر من خمس مرات ولا يجد من مجيب انقهر وهتف بحرقه : هين هين يا ريما اذا نا طلعت ذا التجاهل من عينك ما اكون ولد ابوي
عند ريما اللي جالسه تستهبل بقرونها عند البنات اللي فاطسين ضحك والجده اللي تضحك على هبل بنتها هتفت مها : شهوده روحي البسي قميصك اللي طقم ريما
شهد : لا ويي
ريما تخصرت : وش تقصدين !!! يعني مو حلو اقول انقلعي البسيه لا والله انتف شعرك
شهد : اعوذ بالله منك ما قلت شي عانيني رايحه البسه واسرعت لبيتهم ودخلت وهي تتجهه غرفتها تغير ملابسها للقميص
ريما : روان شغلي جعل الرجاجيل للماحي
الجده منيره مسكت راسها : انتي تبين ابوك ينتف شعر راسك !!
ريما : من زمان عن تنتيفه معليه
روان : يا جده حنا نقصد بالماحي للي ريي خلقه ذكر بس مهب رجال قول وفعل
ريما : يسلم لسانك يا احلى روان بالدنيا شف كلامها صحيح مية بالميه
روان بضحك : الله يسلمك
الجده منيره : اقول ارخو الصوت لا منجد تهلل عليك عصى ابوك
"عند شهد "
لبست قميصها الروز اللي طقم ريما بس لونه كحلي وظفرت شعرها مثل ريما ورشت عطرها ولسبت شرشفها واسرعت تنزل وعلى طلعتها دخل راكان وهو راكي شماغه على كتفه ورفع عينه على زول شهد اللي ابتسمت باتساع من رويته وابتسم بحب بس قاطع عليهم تاملهم لبعض صالح الا طالع من بيت الشعر وهتف يتفاجىء : شهد ؟
شهد نحنحت : يبه
صالح : وش تسوين ؟؟
شهد : جايه لبيت جدتي منيره الكل مجتمع عندها واني بعد فيه
صالح : اها
شهد ابتسمت وهي تشوف نظرات راكان عليها واقتربت من والدها بدلع : يبه شرايك بالقميص مطقمه زي ريما
صالح بابتسامة وهو يمسح على راسها : يهبل يا قلب ابوك انتي
شهد ابتسمت وحضنته : حبيبي ابوي
راكان رفع حاجبه وغمزت له وهي تبتعد عن ابوها : راكوني انت هنا !
انصدم راكان من مناداتها له بهذا الدلع امام والدها وحس بالاحراج من التفات عمه صالح ونحنح وهتف بصوته الثقيل : السلام عليكم
صالح : وعليكم السلام دوبك جيت ؟
راكان : اايه كنت عند ماهر
شهد ابتسمت وهي متكتفه وتناظره  وهتف صالح : وش قالو عن وضعه
راكان : لا بخير الحمدالله بس لازم يجلس يوم يومين كذا ويطلع بعدها
صالح  :زين زين
راكان : يلاه بخلي لك يا شهد ركونك اخذو راحتكم ومشى وتارك وراه راكان اللي ميت من الاحراج وشهد اللي كاتمه ضحكها وناظرها راكان بغيض : لازم تتمايعين بالكلام قدام عمي !!
شهد وهي تلف شعرها باصبعها : وشفيها ابوي ترا !
راكان : احمدي ربك اني تعبان لو ما ابي انام كان عرفت شغلي معك
شهد بقلق : وشفيك ؟؟
راكان : ولا سي بس تعب قلة النوم ابي انام بس
شهد قربت منه : نوم العوافي باست خده وابتسمت ودخلت تاركه وراها راكان اللي مبتسم ماحس الا بصفقة مروان على كتفه : الوووو انت معي بالخط علامك صافن
راكان نحنح : هاه انت متى جيت !
مروان : دوبني ولقيتك تتامل الباب عسى ما شر !
راكان : مافي شي يلاه مع السلامه بروح انام ومشى لبيتهم تارك وراه مروان اللي اتجهه لبيت الشعر يلعب مع الشباب بلاستيشن
ودخلت شهد ولقت ريما ترقص وشاركتها والكل يصفق وضحكات البنات كل مالها تعتلي وبعد فتره جلست شهد وهي تهتف بحماس : بنات بعزم هيفاء تجي
روان : يعععععع مو منجدك !!!
شهد : ليه شفيك !
نوف : بعد كل اللي سوته هي واختها بتعزمينها !
شهد : ترا اللي صار كله من تحت راس اختها ولا هي ما سوت شي
راما : مدري احس هيفاء مو زي اختها الهنوف
ريم : والله انا اشوفهم كلهم تس تس مافي فرق
ترف : منجد دام مرام امهم لا ترجين منهم الطيب
شهد زفرت : اقول هيفاء وربي مهي زيي امها ولا زي اختها وبتشوفون اذا جت وقامت بعناد تدق على هيفاء اللي كانت توها طالعه من الحمام متروشه واسرعت ترد وهي تشوف المتصل شهد : هلا والله وحشتيني لك فتره مختفيه
شهد ابتسمت : يا عيوني يا هلا فيك اسمعي فاضيه تجينا انا والبنات مجتمعين ببيت جدتي منيره وناقصنا وجودك شرايك تجين وتكملين جمعتنا ! ولفت على البنات لقتهم كل وحده مكشره وابتسمت لهم
هيفاء انصدمت وابتسمت بفرحه : اااايه عاادددي يمديني اجي اصلا انا طفشانه
شهد : اجل اعجلي بنجلس جلسه بنات بس هـ كانت بتكمل بس قاطعتها
هيفاء: بس هنوف لا تجي اصلا بدون لا تقولين بسحب عليها لا تخرب علينا الجمعه
شهد ضحكت : اجل حنا بانتظارك
هيفاء بابتسامة : ولا يهمك ماني مطوله وقفلت وهي تقفز من الفرحه واخيرا بتختلط ببنات مثل جوها واسرعت تنزل لامها اللي كانت جالسه مع ابوها وحضنتها واستغربت مرام : وش عندك تكلمي !
هيفاء: يمه تكفين بطلبك طلب لا ترفضين
مرام زفرت : تكلمي طيب !!
هيفاء: بروح لبيت جدتي منيره مسوين البنات هناك جمعه وبجلس معهم
مرام لفت على هيفاء بصدمه : هااااه ! وانتي من متى بعلاقه زينه معهم !!
هيفاء حكت راسها : يمه من فتره تصالحت مع شهد وهي الحين عازمتني اجيهم
مرام رفعت حاجبها : ومتوقعه مناديتك حب فيك امكن عشان تبي تتهاوش معك او بتسوي لك مصيبه بنت صالح واعرفها عوبه هي وريما ومافي روحه
هيفاء: يمممههه !!!
مرام بحده : قلت كلمتي !
هنوف وهي تجلس ومعها الايباد حقها وبسخريه : احسن ما تقررين يا يمه ذي هبله ما اقت تصدق الا شهد
هيفاء بغضب : انتي اعقبي واخسي محد هرجك
هنوف : تضحكين وانتي معصبه لا تتعبين نفسك وبتجلسين ترا معي
هيفاء : ييبببه شوفوهمممم !!
ابوها : روحي تجهزي بوصلك انا
مرام بصدمه : منجدك !!!!
ابو هيفاء: ايه منجدي عازمتها بنت خالها وشفيها ليه ما تروح عشان سبب تافه ! روحي وانا ابوك تجهزي انا بالسياره
هيفاء ابتسمت بانتصار وصعدت لغرفتها تتجهز وهنوف ومرام مقهورين
وعندما انتهت هيفاء نزلت وهي تتجهه لامها تحب راسها ومرام مكتفه يدينها بزعل وهمست لامها : اعذريني بس انتي ما خليتي لي قرر غير اني اروح وانتي زعلانه علي ومشت وهي تغمز لهنوف اللي مغتاظه وبتموت من قهرها
وركبت هيفاء مع والدها واتجهو لمنزل الجد سعود وعياله
.
شهد : ريموه كيف استعدادك لعرسك
ريما : هاااااه عرسي !!!
شهد : ااييه صح النوم ما باقي الا خمس ايام ونودعك
ريما : ياويلي كنسلو معد بتزوج
ترف ضحكت وهي تصفقها : لا عاد مو منجدك
ريما : وربي مابي خلاص احسني تسرعت
نوف : شعور طبيعي الخوف
ريما : هييي ماني خايفه بخاف من وش اصلا
روان بخبث وهي تدقها : عيني بعينك
ريما وهي تدخل وجهها قدامها : ههااااااه شوفي
البنات : ههههههههههههههههه
مها وهي ماشيه : شهوده انا بروح بسوي العشاء لابوك
شهد : طيب يا عيوني انا مع البنات
مها : طيب ومشت مها ومعها ام خالد. كل وحده راحت لبيتها ولحقوهم ام ماهر وام نواف
والبنات سهرتهم مستمره
ريم : راما كلمي اخوك يجيب لين تستانس معنا
راما : طيب بشوفه وقامت تكلم ريان
روان : بنات تخيلو اليوم لقيت واحد غثيث مايشوف دفعني بالغلط وطاحت قهوته وفصل علي بس ما خليتها بخاطري فصلت حتى انا عليه
ترف : يا دفشه اكيد انك انتي الغلطانه !!
روان : لا والله تخسين انا ماشيه بطريقي وهو اعمى ما يشوف
ريما : وين ذا
روان : بعد ما دخلتي قلت لابوي بروح الكافتريا بشتري لي قهوه اي شي ورحت لحالي ولقيت ابو عيون ملونه بكل وقاحه يحطها فيني ويقول اشتري لي
البنات ناظرو بعض وهم يضحكون
روان باستغراب: علامكم !!
نوف : مثل المسلسلات بس للاسف عارفتك دفشه اكيد مش مسلسل
روان : اقول لا يروح خيالكم بعيد وععع
ريما بخبث : طيب ليه قلتي ابو عيون ملونه !!!
روان بعفويه : لان عيونه لونها بني فاتح مره ماشاءالله
يارا بضحك : لا دامها قالت ماشاءالله واضح عاجبها
شهد بضحك: هذه الواضح
روان : عن السماجه قلت ماشاءالله عشان لا اعطيه عين وتتفقع
ترف : واضح واضح
روان : ترف وانتي معهم !!!!
ترف : شسويي كلامك يخلينا نشك اكثر
روان : عن السخافه بس اوف
رهف : ريما ترا جوالك تفجر من اليوم يدق
ريما : منحد وينه اصلا
رهف : شوفيه مدته لها واخذته ريما وشهقت وهي تشوف عدد الرسايل والاتصالات من معاذ فزت : ياويلي ذا صامت ومن اليوم يدق اوف واسرعت لغرفتها والبنات يضحكون على شكلها
اول مادخلت لغرفتها وهي تتصل على معاذ اللي جالس وجهه منقلب من الغضب كيف انها تتجاهله ما كفاها كلامها اليوم وشاف جواله يرن برقمها اعطاها مشغول وانصدمت ورجعت تتصل وكذلك كرر حركته وانقهرت وهي تكش على الجوال : مع نفسك يا سيد معاذ مراح اتصل اكثر من كذا ورمت جوالها على السرير ومشت لعندهم وهي تدخل معهم بالسواليف وفكرها مع معاذ باول مره تشعر بانها مهتمه وقلقه على شخص غير عائلتها  ..
.
عند الشباب كانو جالسين ببيت الشعر مستانسين بعدم وجود الجد وابائهم وماخذين راحتهم وهتف نواف : اتحداكم منو عزمت
خالد : ابهرنا يا سيد نواف
مروان باستهبال : مييين عازم لا يكون راقصه !!!
نواف صفقه : يا قليل الادب استح على وجهك
خالد : خشمك على ذي الجلده المحترمه
نواف سلم عليه بخشمه وابتسم : يلاه بقولكم عزمت سلمان صديق ماهر تذكرونه !!
مروان : يا حليله ذا سواليفه تونس والله
خالد : يوووه من زمان عنه
نواف : ايه من يوم كنا بالاستراحه حقت جدي
مروان : يلاه زين والله ان سواليفه تشرح الصدر
نواف : ايه والله
.
وقف ابو هيفاء امام بوابه منزل الجد سعود ونزلت وهي شايله معها كيس بوكس دونات واكياس فيها مفرحات ومشى والدها وهي وقفت تعدل الاكياس وكان بيطيح من يدها بوكس الدونات بس انصدمت بامسك شخص البوكس بسرعه وتلامست يدينهم وارتجفت يدينها وهو اسرع يدل لها البوكس عشان لا تطيحه ونحنح : معليش بس لو ما مسكته كان طاح
هيفاء بتوتر : لا عادي بس يمديك تدق الباب ؟؟
سلمان : ايه ودق الباب وصد عنها وهي ناظرته من فوق لتحت وكان لابس ثوب اسود وعليه السديري بيج وعمامه لافها على راسه مخبي ملامح وجهه وقاطع تاملها صوت الباب وهو ينفتح وكان نواف اللي انصدم بوجود فتاه وصد ودخلت هيفاء بسرعه واسرعت تدق باب منزل الجده منيره فزت شهد : جاتتتت جاتتت
اسرعو البنات كل وحده تجلس ويعدلون انفسهم وفتحت شهد الباب ودخلت هيفاء بسرعه وقفلت شهد الباب لانها لمحت زول نواف وسلمت على هيفاء بحراره : كيفك
هيفاء بابتسامة : بخير الحمدالله انتي كيفك
شهد : الحمدالله طيبه ادخلي
هيفاء : اخذي ذي
اخذت شهد منها بوكس الدونات وريما اخذت الاكياس بعد ما سلمت عليها
شهد : ليه الكلفه !!
هيفاء: لا والله لا كلفه ولا شي اعتبروها ضيافه مني لكم
ريما ابتسمت : والله طلعتي كريمه احب اللي يشبعون بطني
شهد : عاد ذي تموت بالاكل
هيفاء ضحكت : بالعافيه عليك وانتي ليه تعدين عليها اللقمات !!
ريما : بديت احبك وحاوطت يدينها حولين كتف هيفاء اللي ضحكت ودخلو وسلمت هيفاء على باقي البنات وهي تحس بتوتر من صمتهم وبعد ما خلصت فسخت عبايتها وعدلت شكلها وكانت لابسه بنطلون بلوزه ثقيله بسبب البرد وجلست وجات شهد وريما بعد ما رتبو الاشياء اللي جابتها هيفاء وريما وراما جهزو القهوه والشاهي
.
بعد دخول هيفاء رحب نواف بسلمان ودخلو لبيت الشعر وابتدو يسولفون
مروان : بولد كم لنا عنك والله لك وحشه
ضحك سلمان : والله عاد الشغل مهو مخلي لنا مجال اننا نندمج مع الناس
خالد : الله يعينكم
سلمان : امين
نواف : عاد اكيد دريت عن ماهر
سلمان : ايه عندي خبر والله يا اني انفجعت بس صدقوني مراح تمر مرور الكرام بنجيبه ولو انه بسابع ارض
مروان : ياليت بعد يتحاكم حكم عدل عشان يحسب حساب اعماله من اليوم ورايح
سلمان : الحكم عاد تصدره المحكمة العليا مو من عندنا
خالد : يا جعله يدخل ومعد يطلع
الكل : امين
................
بمكان ثاني مكان متواجد به انجس الخلق كان حامد جالس مع شخص معروف صيته بمجال العمل
نفث حامد دخانه بقهر : الحين يعني بتتخلى عني !!!!
منيف : والله ما قلت لك تروح تطلق على نقيب !!!
حامد شفط من دخانه وهو بنفث بقوه ويحدق بالجدار : تمنيتها براسه بين عيونه
منيف بجلطه من افكاره اللي بتدمره : لا انت مو طبيعي وش الي يخليك تحقد على نقيب من النخبه وصيته معروف
حامد بقهر : يحاول ياخذ شي لي ويمثل عليها انها سوبر مان عشان تحبه بس والله يبطي ياخذها دامني حي
منيف : يعني السالفه فيها بنت !!
حامد ناظره بحده : مالك شغل
منيف صر على اسنانه : حامد احترم نفسك !
حامد ضحك باستفزاز : واذا ما احترمت نفسي وض بتسوي يا حضرة الضابط وضحك ضحكه طويله شد علي يده منيف وقف : افضل شي تسويه انك ما تطلع من هنا لانك الحين انت مو مطلوب من القسم انت مطلوب من الدوله بكبرها
حامد يلوح له بيده : اوكي اوكي باي
منيف طلع وهو واصله معه من افعال حامد اللي كل ماله يتمادى فيها وقرر انه يسلم اخر اوراقه للروؤس الكبيره وركب سيارته وهمس : انت اللي جنيتها على نفسك يا حامد ومشى
.
.
عند البنات اللي سواليفهم ما انتهت وانصدمو بشخصية هيفاء الجديده عليهم
روان : والله ظلمناك يا هيفاء
هيفاء ضحكت : مالومك حتى انا كنت ظالمه نفسي
ريم : والله ماشاءالله طلعتي نفس جونا
هيفاء : تراني هاديه بس الحين صدق طلعت شخصيتي الاجتماعيه
البنات : ههههههههههههههه
شهد : يا حلوك وربي انك تهبلين احسن من جعفر ذيك
ريما ضحكت بقوه : حبيييتتتت التشبيييههه
هيفاء ضحكت : عاد هنوف تستاهل من حش فيها بس حرام ناخذ ذنوبها
ترف : صادقه بذي النقطه عشان كذا امسكو السنتكم
شهد : بدون ما تقولين وضحكو فزت روان : خلونا نطلع للحوش
راما : احس مو امان العيال باي لحظة ممكن يداهمونا !
يارا : صادقه راما وانا مايمديني خلودي مايخليني
روان وهي تكش على يارا : مالت عليك وعلى خلودك وعع تراك بالحوش ما طلعتي للشارع
يارا وهي ترمي عليها المخده : وجعوه حتى ولو !
شهد : اقول بس يلاه نطلع بس البسو ثقيل لان بررررددددد
ترف : يلاه اجل طلعنا
يارا : بجلس انا مع رهوفه ونوف
شهد : ليه نوف منتي طالعه معنا ؟
نوف : لا والله ثقيله ومالي حيل امشي وبرد
شهد : اجل ارتاحي انتي ورهوفه ولين كلكم حوامل
ريما : انتي شايفه كل وحده كرشتها قدامها
نوف : جعلني اشوفكم كذا عما قريب
شهد كشت عليهم وطلعت مع البنات
ريما : يهبببب وشذي الدعوه حقوديه
رهف : وليه حقوديه من حبها لك تبي يجيك ذريه
ريما : لاحقه عليهم يوووه واسرعت وهي تنقز للبنات ضحكو نوف ولين ورهف على هبلها
كانو البنات لابسين ثقيل من البرد يحسونه دخل بعظامهم بس مستمتعين
هيفاء وهي تمشي مع شهد وترف ويتفرجون بريما وروان وهم يدورون مع بعض ودخلت معهم ريم وهتفت هيفاء: تخيلو بنات وانا جايه قابلت واحد واضح تنه مو من عيال خوالي استغربت
شهد باستغراب : مين !
هيفاء: مدري والله شكله واحد من اصحاب الشباب بس كان شكله مرتب ماشاءالله
ترف بخبث : مرتب ماشاءالله!
شهد ضحكت وهيفاء استوعبت اللي قالته وهتفت : ا.. اقصد شكله يعني لا تفهمون غلط !!
شهد : لا معليك فهمناك صح
هيفاء ضحكت وهي تدفع شهد بخفه : واضح
ترف : كيف شكله طيب حلو ؟؟
هيفاء ابتسمت : اايه ماشاءالله ولابس ثوب اسود والسديري لونه بيج ولابس عمامه بيضاء منقشه ببني مره تهبل وملامحه ما شفتها زين
شهد وترف ناظرو بعض وضحكو بقوه وضحكت هيفاء وهي تربهم بمزح : يا حيوانه انتي وياها قاعدين تستجوبوني !!!
شهد : والله سويتي له ماسح ضوئي منتي بهينه !!
هيفاء قهقة : شسويي الباب الخارجي كان مقفل وطقه هو وعمال ما فتح الباب ناظرته نظره خاطفه
ترف بضحك : كل ذا وخاطفه !
هيفاء: انا غبيه اصلا قلت لكم وشردت للبنات تدور معهم وضحكو ترف وشهد
شهد نقزت فوق ظهر روان اللي اسرعت وهي تثبت شهد وضحكهم اعتلى وريما تصورهم وهيفاء وريم يدورون ويغنون وترف تضحك على هبلهم ولمحت قطوه : يااييي قطوووه بروح اجيبها
ريما : انتبهي بس لا يكون جني
ترف : لا وين شوفيها صعنونه واااييييي واسرعت تلحقها بس القطوه اسرعت تشرد عنها وترف تلحق ورآها إلى ان ابتعدت عن البنات ودخلت حوش عمها ناصر وهمست : بسبس تعالي يا حلوه وقامت تقرب من القطوه اللي مل ما قربت ترف تبتعد : هيا يا حلوه تعالي والله ماني مسويه لك شي بس تعالي
وتقرب من القطوه وقاطعها صوت تعرفه عز المعرفه ورفعت راسها وهي تشوف نواف اللي جالس بزاوية بيتهم ويدخن : بقول لعمي ياخذك لشهار لانك مب طبيعيه !
ترف شهقت : انت هنا من متى !!
نواف رفع حاجبه ونفث دخانه : وشدخلك ! جالس بحوش بيتنا ما جيتك بس انتي جيتي لي
ترف بغضب : الزم حدودك ما جيتك جيت الحق القطوه ولا عاد مزينك اجيك
نواف بنفس نبرته : الحين انتي ليه ما تتغطين عني !
ترف ابتسمت باستفزاز : سوال حلو لاني ما اشوفك رجال
نواف رفع حاجبه وهز راسه وقام يتجهه لها وبيده الدخان : منجد ؟
ترف وهي تهز راسها وثابته بمكانها : ايه !
نواف وقف قدامها وقام يشفط من الدخان ونفث بوجهها وهمس : همم لهدرجه انتي قويه ! واقفه قدامي وبذا الوقت المتاخر منتي خايفه اسوي فيك حاجه ؟!
ترف ما تكذب بان بدت تخاف منه ومن طريقة كلامه اللي مهي متعوده عليها لانه دايم معروف عن نواف انه خفيف دم ويحب يستهبل ومزحه كثير مهي متعوده على نبرته اللي فيها الحده وثباته امامها وكلامه اللي دب الرعب بقلبها بس رفعت يدها تهف عشان بقايا الدخان تروح وبنبره ثابته : قلتها وازيد اقولها تراني ماني جالسه اشوفك رجال عشان كذا لا تحاول انك تتمرجل قدامي !
نواف ابتسم ابتسامة هاديه وناظر لعيونها وشفط من الدخان ورماه ودعس عليه ونفثه بوجهها للمره الثانيه وزاد خطواته باتجاها : طيب شرايك اوريك الرجال على اصوله !!
ترف رجعت بخطواتها للخلف : تراك غبي وانا غبيه لاني معطيتك وجهه وقاعده اجاريك بالكلام ولفت بتمشي وانصدمت بسحبه لها ودفعها على الجدر بقوه وحاصرها عليه وهو يهمس بجانب اذنها بنبره حاده : قسم بالله يا ترف لو المره الثانيه تقلين ادبك مثل كذا وربي راح انسى انك بنت عمي وانك اخت اقرب شخص على قلبي فاهمه وربي لحطمك وادوس على حطامك وانتي تتفرجين تراك إلى الان ما عرفتي نواف الثاني إلى الان انا معطيك على جوك لكن قسم بالله لو كلامك اللي قلتيه قبل شوي تكرر لتندمين اشد الندم وانا عند كلمتي !! والحين انقلعي من حيث جيتي ودفعها بقوه ترف كانت متجمده طول الوقت من كلامه وناظرته بقهر وكانت بتتكلم بس تراجعت يوم شافت تعابير وجهه الحاده ونظراته اللي لو انها سكاكين لكانت الان هي ميته منها واسرعت تركض لبيت جدتها منيره لعند البنات اللي كانو بالحوش يلعبون ومستمتعين ناسين ترف اللي جتهم وجهها مخطوف .
هتفت راما : علامك !
ترف وهي تشوف ملامح راما اللي تشبهه نواف تمنت تتفل بوجهها بس تعوذت من الشيطان وابتسمت بمجامله : ولا شي بس انخرشت من القطوه كنت الحقها واختفت فجاة
ريما : يممممه شكلها جني قلت لك
ترف : شكلها
شهد : يمه تكفون لحد يهرج عنهم لاني اكره طاري الجن
هيفاء: شهد وراك وراك
صرخت شهد بخوف وحضنت ريم اللي فاطسه ضحك هي والبنات وشهد اللي تلحق بهيفاء عشان تجلدها وهي تشرد عنها وتضحك من تعابير وجهها
وبعد نص ساعه ذهبت هيفاء وبعدها ابتدو البنات يذهبون لبيوتهم ودخلت شهد لبيتها وهي تمشي بهدوء ودخلت لغرفتها وهي ميته نوم ونامت بقميصها ومافكت قرونها وكذلك ريما اللي نامت وهي تفكر بمعاذ ونوف أيضا نامت بعد ان تحدثت إلى متعب ونامت بعد ما امطرها بالكلام الجميل وهيفاء التي رجعت لمنزلها وهي سعيدة لانها قضت اليوم مع البنات وكيف انهم تقبلوها وكانت جدأ ظالمتهم بحكمها السريع عنهم تمنت لو انها تغير نظرة والدتها وشقيقتها اتجاهم
وانتهى اليوم الذي كان طويل بالنسبه للبعض ..
"بعد خمس ايام "
مرت خمس ايام على ابطالنا وكانها يومين بسبب موعد زفاف ريما كان الجميع منشغل ان كان باعمالهم ام بالتجهيز للزفاف الذي اراده معاذ ان يتاجل بسبب وضع ماهر الصحي ولكن رفض ماهر قرر معاذ واصر ان يكون موعد الزفاف نفس الذي اختاره معاذ وان لا ياجله وهاهم اليوم يتجهز الجميع لزفاف ريما الذي سوف يفتقدها الجميع لانها هي من تعطي المنزل حياة
كانت عمه واخت للجميع وكانت تبذل الكثير من الجهد لكي تسعدهم ولا تجعل البسمه تغادرهم كانت الساعه الان 7:00 وكانت تتجهز ريما لكي تنزف زفة الاولى امام معاذ و والدها واخوانها وابناء اخوانها وخلصت وهي تمسك يد المصوره والبنات يصورنها وهم لابسين عبايتهم ودموعهم بعيونهم وكل وحده ماسكه دمعتها ابتسمت ريما وهي تشوفهم وبداخله ضحكه ومشاعر غريبه ما عمرها حست فيها هتفت مساعدة المصوره للجد سعود والعيال : لو سمحتو اوقفو صف واحد عشان التصوير
بدو يترتبون وكان الجيمع لابس بشوت من الجد سعود إلى اصغرهم ريان وصافين جنب بعض ومعاذ بالنص والجد سعود جنبه وبعده ابو ماهر وابو نواف وابو خالد وعلى الجهه الثانيه ماجد وصالح وماهر وراكان ونواف وخالد وريان ومروان بجانب والده وابتداء صوت الموسيقى يعتلي وقفلو الضوء والكل ينتظر ظهور ريما من خلف الباب الامامي وافتحو العمالات الباب وطلعت وسطع الضوء على ريما اللي ابتدت تتقدم بهدوء بفستانها الابيض وكانت مثل الملاك وكان معاذ الابتسامة شاقه فمه من الجمال اللي يشوفه
دمعت عيون الجد سعود لاول مره تدمع عينه ولم تدمع الا على زفاف ابنته المجنونه بنظره لاول مره يشعر بالفقد راح يفقد عنادها ويفقد صوتها وحسها بالبيت وبيفقد استهبالها

" كلامات الزفه "
• اقبلت تاج الحسن تمشي بهدى •

• سمو باسم الله عليها بهالبلد •

• شمس تمايل نورها بكل المدى •

• وغنت الدنيا لها هبى السعد •
وصلت ريما بوسط الجسر وتقدم معاذ لها وهو يقبل راسها وشابة انماله بانمالها البارده والمرتجفه وتقدمو إلى ان وصلو للمنصه وساعدها تطلع للدرج الخاص بالمنصه وتقدمت لوالدها وهي ترا عيناه اللي تلمع وقبلت يده وراسه وحضنته وبادلها الجد سعود وابتعدت عنه تسلم على باقي اخوانها ومسح الجد دموعه بطرف شماغه مسح معاذ على كتف الجد سعود وماجد اللي وقفت امامه ريما وهي تبتسم واسرع يحضنها ببكى وهي تبادله وحابسه دموعها وتهمس له : ماجد تكفى وقف خلاص مابي ابكي ويخرب الميك اب !
ماجد تجاهل اللي قاله وزاد من حضنها راحي فقد حسها بالبيت كانت اكثر شخص قريب منه كانت حافظه اسراره وكانت الاخت والام له بدو الشباب يتاثرون من رد فعل ماجد الموثره ومسح خشمه ماهر وهو يبعد ماجد عن ريما وحضنها وهمست له ريما : اذا بكيت مراح اخطب لك الجازي !!
انصدم ماهر وبعد عنها وغمز له وهي تحضن راكان وتهمس له : وانت اذا بكيت ترا والله ما اخلي شهد تقابلك لين تتزوجون !!
راكان ضحك وهو يزيد من حضنه لها : لو ما تجهدين بعصرك
ريما ضحكت وابتعد عنها راكان وحضنت صالح وبعده باقي الشباب وبعد ما خلصت وقفت بالنص جمب معاذ و والدها وابتدت المصوره تاخذ لهم صور وقامو الشباب يجلسون امام ريما ومعاذ ويستهبلون وتصورهم المصوره وهي تضحك على هبلهم وبعد نص ساعه من التصوير طلعو الجد سعود وعياله والشباب وما بقى الا ريما ومعاذ وبدت المصوره تاخذ لهم صور رومنسيه وريما اللي لاول مره تستحي وهذه عجب معاذ اللي اول مره يشوف ريما خجلانه منه !
..
عند البنات اللي شافو رد فعل الجد سعود والشباب وساحت دموعهم
شهد ببكاء : اوف يحزن والله
روان وهي تمسح دموعها : لاول مره اعرف اني حساسه !!
ضحكت شهد بوسط دموعها : الله يقلع بليسك اي والله حتى انا توي اشوفك لاول مره تبكين !
.
ماجد وهو ماسك يدها ويبتسم : انتبهي لا يخربون طلتك اعرفهم دفشات البنات
: هههههههههه تراني ما نسيتهم اعرف انهم بيخلوني اخرب الميك اب من الدموع
ضحك ماهر : والله انك منوره
: بنورك يا عيوني الحين وينها ريما ؟
نواف : مع معاذ باقي ما خلصت تصوير الحقي قبل لا تجي عشان تنصدم
: بخلي البنات يصورون لكم وهي تصيح
ضحك مروان : جووويييي
ماجد بضحك : يلاه ادخلي
دخلت وهي متحمسه لشوفة البنات ومتحمسه تشوف رد فعلهم
_______________________
يا هلا باحلى ناس والله ادري تاخرت بس ضروف
اتمنى يعجبكم البارت وعاد اعذروني اذا فيه اي خطأ املائي
واعطوني توقعاتكم مين جات ؟؟؟
وعندي خبر يعني مو مره سيئ بس عاد مو بيدي
الاسبوع الجاي كله اختباراتي ومقدر انزل لكم عشان كذا اعذروني
بس تبشرون لو خلصت الاختبارت على طول ببدا انزل لكم
دعواتكم لي بالتوفيق 😔💗💕💗💕💗