احتريتك من بين كل البشر وسميتك عشقي وفرحة سنيني

43

"بسم الله الرحمن الرحيم "
•
•
رأيتُ النجّوم في عينَيك وكأنها إقتبْاس مجَره .
لشفاتها اللي لو عليه الحين التهامها : اعترفي
ترف تحس بدوخه مستحيل تحس بالشعور هذه الا معه بس شعور غريب بالنسبه لها تحس بالفرشات تحلق ببطنها وقلبها ولاول مره تحس مستمتعه ومو معصبه من قربه وهمست خوف من تلاصق شفايفهم : انا احـ وقاطعهم شهقه قويه وانتفضو اثنينهم بصدمه من رؤيتهم لـخالد الواقف وتعابير وجهه تحمل الكثير من الصدمه والخيبه لان هو واثق من شكل البنت اللي كانت ترف !
ونطق بغير استيعاب : وش تسوي انت وياها يا كلب !!! واقترب منهم بغضب
وترف اللي رجفت فيها كلها عظمه ونواف اللي زفر بقوه وهو يستعد للجاي : خالد اسمع وقاطعه خالد بلكمه قويه وهو يمكسه من ياقة ثوبه : يا حيوان ما ترضى احد يغلط على شرفك كيف ترضى تغلط علي هاااااااه !!!!!
ترف بكاء وترجي : خالد تكفى فكه !!
نواف مسك انفه بالم ورجع يمسك يدين خالد اللي محاوطه عنقه وبغضب : كلتبن انا جيتكم بالحلال بس اختك ردتني ولعب علي الشيطان وجيتها من ورا البيبان اهم شي ما تروح منييي
خالد بغضب قاتل من نواف وهو يخنقه ونواف يقاومه بقساوه وترف اللي تبكي بخوف من اشكالهم : تكفون فكر بعضكم
خالد بصراخ وبغضب: انقلعيييي للبيت يا حيوانه !!!!
نواف بغضب وهو يلكمه باقوى ما اعطاه ربي : لا ترفع صوتك عليها !!!
ترف قامت تركض للبيت وهي تبكي ولقت بوجهها ريما اللي تضحك ولكن انقطعت عن ضحكتها يوم شافت تعابير وجهه ترف : وشفيك ؟؟؟؟
ترف ببكاء : تكفين الحقييي خالد و نواف بيذبحون بعض
ريما بخوف : ويييين !!!
ترف ببكاء : بممر الحوش الخلفي واسرعت ريما تركض لهم وترف معها
عند خالد ونواف اللي كانو يتضاربون في مابينهم دفعه خالد بغضب وحسره : انت كنت مثل اخوي كيف قدرت تخوني وتلعب من ورا ظهري !!!
نواف بغضب : خالد لا تسوي علي انك بريئ لان كل الناس يغلطون محد معصوم عن الغلط
خالد بصراخ : غلللططط عن غلططط يفرق ياكلب!!
نواف بسخريه وباستفزاز : ونسيت زوجتك كنت تعرفها قبل لا تتزوج يعني حرام علي وحلال عليك !! اعتبر الشعور اللي حسيت فيه نفس شعور ماهر يوم كنت تلاحق اخته لين تزوجتها شوف كيف ربي ابتلاك
خالد جن من الكلام اللي قاله وهو يتشابك مع نواف والغضب عاميه واسرعت ريما لهم وهي تشوفهم متشابكين وتحاول تبعد بينهم : وخرووو عن بعضضض وشفيكمم!!!!!
خالد : والله لذبحه !!!
ريما شهقت بصدمه وهي تدفع نواف عن خالد وتوقف بينهم : قسم بالله لتندمون لو ما توخرون عن بعض !!!! وشفيكممممم ركبكم ابليس !!!!!
خالد بلهث وغضب : شايفه وجهه الكلب ذا اللي كنت اقول عنه اخوي وصديقي كان يلعب من وراي هو واختي تخيلي بس المنظر المقزز اللي شفته قدامي !!!!
ريما انصدمت وهي تلف على نواف وترف اللي تبكي ونطقت : خالد اسمع
خالد بغضب ناري : والله لفضحهم عند الكل واوريهم وجاء بيمشي بس وقفت قدامه ريما وهي معصبه وبحزم : والله ما تفضحهم وانا فيه تعوذ من الشيطان وصلى على النبي وخلنا نحل الامر بيننا !
خالد عصب اكثر وهو يشوف نظرات نواف لاخته : خليها تنقلع لا اذبحها الحين
نواف غضب من اسلوبه وتقدم منه وكذلك خالد ريما رفعت يدينها بينهم : بتروح بس اهداء ونطقت : ترف ادخلي داخل !
ترف اسرعت تركض للداخل وهي تبكي بحرقه وخوف
نواف رجع يمسح نزيف انفه وخالد اللي مسكته ريما على جنب تبي تهديه بس حان منفعل لاخر درجه : اسمعني زين قسم بالله يا خالد لو تفتح فمك بشي والله لشهد معهم ضدك وتطلع انت الخسران لا تحط نفسك بموقف بايخ وتجيب الكلام لنفسك
خالد بقهر : كيف تبيني اسكت وانا شايف ذا النذل الخسيس شويتين ويبوسهاااااا وضرب يده بقوه بالجدار ونواف اللي واقف بنظراته البارده يراقب خالد المنفعل
خالد بصراخ :شوفيييييي الحقيرررر كيف يناظر ما استحى على وجهه !!!
ريما وهي تقفل فمه خوف من معرفة آحد بالموضوع: ااااصصص انت اكيد فاهم غلط انتبهه تظلم اختك !!!
خالد بضحك جنوني من الغضب : لا بالله بظلمها بوجود نواف الخنيث !!
شهقت ريما من الفاظ خالد ونواف اللي تقدم بنفاذ صبر ونطق : مالخنيث غيرك
وتشابك خالد معه وريما اللي تحاول بينهم بس مافي فايده
عند ترف اللي كانت تدور يارا بسرعه ولقتها تشتغل بالمطبخ مع نوف وراما وطيف وريم وهي تترجاها : يارا تكفين اتصلي على اخوك ماهر بسرعه
يارا والبنات انفجعو من ترف ونطقت ريم :وش فيك !!!
ترف ببكاء : بسرعه مافي وقت خليه يروح للحوش الخلفي
يارا خافت ولكن اسرعت تاخذ جوالها تتصل : طيب طيب
ترف : قولي له خالد ونواف بيذبحون بعض
البنات شهقو بصدمه واسرعت نوف تهز بترف : وش تقولين انتي ؟؟؟
ترف طاحت على الارض ببكاء : شافني خالد مع نواف وجن جنونه !!
يارا نطق لماهر اللي رد عليه : يا هلا وش بغيتي ؟
يارا بنبره قلقه : ماهر وينك الحق خالد ونواف !
ماهر باستغراب : موجود بالمجلس وشفيه ؟؟
يارا : اطلع بسرعه لا تخلي احد يشك فيك
ماهر استغرب : طيب وطلع : طلعت وش فيه ؟؟؟
يارا : روح للحوش الخلفي بسرعه خالد ونواف بيذبحون بعض
ماهر بصدمه : هاااااه !!!
يارا : بسررررعه مافي وقتتت
قفل ماهر بوجهها وهو يركض للحوش الخلفي وانصدم من منظر خال ونواف اللي كانو متماسكين وريما تحاول تبعد بينهم بس مافي امل اسرع يبعدهم عن بعض : عسى ماشر وشفيكم !!!
خالد : ماهر طالبك تفكني على ذا الخسيس !
ماهر بحده : اعقب تراه ولد عمك وش الالفاظ ذي !!!
خالد ضحك بقوه والقهر والغضب مالي عيونه : ولد عمي ؟؟؟ اجل اسمع وش سوا ولد عمي راح من ورا ظهري ويلعب علي لقيته مع اختي وباحضان بعض
نواف صر على اسنانه بغيض وريما اللي ماسكته ماهر انصدم ورفع راسه لنواف اللي نطق : ايه انا احب ترف وشفيها يعني لا هو حرام ولا شي خطبتها بالحلال ورفضتني وحاولت اكثر من مره عشان اخليها بس تقبل فيني واخذها بالحلال ولا فكرت بالحرام بس اللي مبتلي بشي دايم يكون خايف يرجع له ولا يا خالد !!!
خالد عصب وهو يتقدم يبي يلكمه بس استوقفه ماهر اللي نطق بنبره حاده : قسم بالله اللي بيغلط على الثاني وانا موجود ليندم !
خالد بغضب عامي عيونه : اجل ماني مسوي شي بس بروح اعلم الكل عن فعلته الشينه ؛ ماهر مسكه من يده المتعاقيه وبحده : ما سمعتني وش قلت !!!
خالد بغضب : ماهر !!!
ماهر : حقك بيجيك بس بتحلون المشكله الحين !
خالد ضحك باستفزاز لنواف : نحلها ليه لا بس بالاول لو انه يسترجل ذا عشان نحلها بس ماش رجوله من الاصل !
نواف شد على يده بقوه وريما متمسكه فيه : لا تسمع له يبي يستفزك !
نواف : ريما !!! وخري عني !!
ريما بعناد : تخسي اوخر عنك وزي ما قال ماهر المشكله بتحلونها هنا فاهممممم!!!
خالد بكبرياء وغضب : ماعندي شي احله مع واحد مثله
ماهر مسكه من ياقته : اجل اسمع والله لو سمعتك فتحت فمك بشي لتندم يا خالد واعلم انه اللي بيني وبينك انقطع !
خالد بصدمه وبقهر : انت جاي تصف معه !!!
ماهر بغضب : اكل تراب انا لا معك ولا معه انا بس احاول احمي اختك الضايعه بينكم مافكرت فيها ولا اللي بيصير فيها لو وصل الخبر لعمي ؟؟؟
خالد بقهر : مستحيل افكر بوحده خانة ثقتي فيها !
ماهر : اقول انطم بدال ما تصير لاختك سند صرت لها فضيحه بس تصدق الحين عرفت ليه اختك خانتك وما قالت لك شي لانها عارفه ان ماعندها سند يحميها وقت الضيقه ولا تفهم من كلامي اني صاف مع هذاك واشر على نواف بالعكس انا اشوفه غلطان وكثير بعد بس اللي لازم يصير الحين انه الموضوع مايطلع لحد فكر باختك ! على انها مثل بنتك اللي ممكن بيوم من الايام تغلط والكل يغلط هذي فطرة الانسان اما تخلي الغضب يتحكم فيك ويخليك تعفس الدنيا هذه عمره ما سوا فايده بالبشر والحين روح يارا تبيك صر على اسنانه خالد ومشى ولحقته يارا اللي لابسه عبايتها
واتجهه ماهر وقف قدام نواف وريما اللي تشاهد بصمت وناظر ماهر لنواف اللي يبادله النظرات ببرود ونطق : تعرف كيف تصحح غلطتك ؟
نواف هز راسه بـ ايه
ماهر : اجل استعجل
نواف : بس خالد !
ماهر : مالك دخل بخالد موضوعه عندي انت الحين عندك مهمتين تتزوج ترف عشان تثبت لخالد انك مو قاعد تلعب فيها والثانيه تصلح علاقتك معه
نواف ضحك بسخريه : تتوقع بعد اللي صار بترجع علاقتي معه مثل قبل ؟؟
ماهر بحزم : ايه واكثر بعد لاني اعرف خالد وانت تعرفه اكثر مني انه مايستغني عنك ولا انتي تستغني عنه مصيركم بتزعلون من بعض كم يوم حدكم اسبوع وبترجعون مثل قبل بس الاهم تحل موضوعك مع بنت عمك
نواف تنهد : ما كنت ابي يصير كذا طلبتها بالحلال بس رفضتني وانقهرت ولا رضيت بالرفض وقمت الاحقها بس والله العظيم ما غلطت معها !
ريما : انتهى يا نواف انا بكلم ترف وراح توافق انت بس كلم مخلد مره ثانيه بالموضوع
نواف : طيب بس قولي لتر وسكت لانه كان بينطق باسمها ولكن صمت بسبب حدة نظرات ماهر ونحنح : خلاص ولا شي ومشى يطلع من محيط البيت بكبره
تنهدت ريما وهي الرجفه بعظامها : اللهم لك الحمد ما فضحونا !
ماهر مسح وجهه : الله يهديهم بس
ريما رفعت حاجبها له : ويهديك ولا نسيت كيف دخلت محبوبة القلب لحضنك ؟
ماهر ناظرها بحده : ريما ؟؟
ريما : هذه انتم يا عيال الجد سعود ما تتحملون حقيقتكم وضحكت ومشت تاركه ماهر يستغفر ويهد نفسه واتجهه للعند عمانه وجده
.
دخل خالد لبيته وهو يخلع ثوبه ويرميه بقوه ويجلس على السرير ويمسك راسه دخلت يارا وهي تتجهه له تجلس جنبه وتمد له كاسة مويه : اشرب
خالد اخذ المويه منها يبي يطفي نار قلبه بس مافي فايده اسرعت يارا تحضنه وهي تهمس : صلي على النبي وتعوذ من الشيطان
بادلها خالد بقوه وهمس لها بحسره : اه يا يارا
يارا تمسح على ظهره : استهدي بالله وقول اللي بقلبك وارتاح لا تكتم بداخلك عشان لا تتعب عمرك !
خالد بعد عنها : مقدر انسى اللي صار !! كيف ترف اختي اللي احبها واشوفها كنت مثل امي ولا ارضى على زعلها واخر شي القاها تلعب من وراي هي وهو !!
يارا وهي تمسح على وجهه بحنان : تبي تسمع اللي تبيه ولا الحقيقه ؟؟
خالد زفر وبعد صمت نطق : الحقيقه
يارا مسكت يده وهي تشد عليها : والله العظيم ان ترف ما كانت تلعب من وراك حتى يوم رفضت نواف ما كانت تبيه بس نوف اخته تقول انه يحبها وانت تعرف نواف اخوك وصديقك واعرف طبوعه اكثر من اي شخص
خالد مسك راسه : وهذه اللي قاهرني اني رغم علاقتي معه ما قد اعترف لي لو قال لي والله العظيم لاساعده واحاول بترف بس هو اختار يجي من ورا ظهري ! تنهدت يارا : يقولك اعطي اخيك المسلم سبعين عذر حتى لو شفت بعينك !
خالد : خلاص برتاح راسي يوجعني بنام
يارا : طيب وانسدح خالد وهو يعيد شريط الاحداث اللي صارت
ويارا اللي تمسح على راسه وتمسي عليه وهي تدعي بان الله يهدي قلبه
.
"عند شهد وراكان "
دفع راكان شهد من فوقه وتالمت شهد وهي تمسك موخرتها بالم : حسبي الله على عدوينك !!!
راكان بحده : تستاهلين ما قلت لك لا تلمسني ؟؟؟
شهد قامت بغضب وهي تنفض ملابسها : وليه تسحبني لك اجل دامك ماتبيني ؟؟
راكان : رد فعل تلقائيه !
شهد همست بغيض : لعله ابتلاء من رب العالمين
راكان : قلتي شي ؟؟
شهد : لا بس استر نفسك
راكان وهو يلبس تيشيرته : لابد البس عشان لا تغتصبيني!!
شهد شهقت بصدمه : لا عاد مو منجدك !!
راكان : اقول انا تعبان وبنام فارقيني وهو ينسدح شهد ابتسمت وهي تقترب منه وتغطيه : من عيوني
راكان رفع حاجبه : عاد من زينها !
شهد عضت على شفايفها بقهر من كلمته ورمت بوجهه المخده : انخمد عشان لا افصل عليك وجات بتمشي بس قاطعها مسكة يد راكان لها وسحبه له وبسبب قوة السحبه جلست بحضنه وهي مفجوعه وناظرها بحده ونطق : اخر مره اسمعك تتكلمين معي بذي الطريقه ولا بتشوفين شي ماعمرك شفتيه يا بنت صالح وسعت عيونها بصدمه شهد إلى الان مو قادره تستوعب ان اللي جالس يكلمها راكان ! حبيبها ! واللي كان مغرم بكل شي فيها حسته شخص غريب
من نظراته الغاضبه وكلامه الحاد الاذع تجمعت الدموع بمحجر عيونها الوساع وهي ترفض انها تطلقها وهزها راكان بحده : فهمتي ؟ وترا انا متحملك عشان بس نواف اللي قالي عنك ولا انتي اصلا منتي ببالي ولا اعرفك والحين لا تحاولين تجهزين دموعك الدارميه لاني مو بوضع يسمح لي بتحملك ..
شهد دفعته بقوه وبغضب وحابسه دموعها : ما فهمت ولا راح افهم هذه اولى ثانيًا وانت اللي كنت تلاحقني وتنط من بلكونت غرفتك لغرفتي وتحاول تتقرب مني وانت اللي ناشب لي مو انا !!!!
راكان رفع حاجبه بسخريه ناظرته شهد من فوق لتحت : لك حرية النظر بس الامر انسى انك تامرني على شي وانفذه ماني كلبتك وطلعت وهي تركض للحمام تقفل على نفسها وتطلق العنان لذرف الدموع حطت يدها على فمها وهي تكتم شهقاتها الحزينه .
عند راكان اللي شده كلام شهد بانه كان يقفز من غرفته لغرفتها هل معقوله كانت هذه تصرفاته بالحقيقه ؟ تجاهل كلامها وانسدح وهو يتذكر قبلتها وهز راسه بخفه وغط بنوم عميق
خلصت شهد وهي تمسح عيونها واتجهت للاسفل ونطقت بهدوء: انا ماشيه
نوف : لييه ؟؟؟
ريما : تونا بنبدا سهرتنا !!
شهد : بطني يوجعني بروح انام
لاحظو البنات تغير شهد بس ما اصرو خرجت على طول وهي تتجهه للبيت
واول ما دخلت شافت ابوها جالس بس مخلت له مجال يكلمها لانها طلعت غرفتها .
..
بالمجلس ما كان فيه الا الشباب بسبب ذهاب الجد سعود وعياله الكبار لبيوتهم يبون ينامون لان تاخر الوقت كانت الساعه ١٢ منتصف الليل وكانو الشباب يلعبون بلوت ويسولفون نطق سلمان : ماهر مككن بكره اتاخر عن الدوام وراي موعد لابوي (يقصد جده بس من حبه الزايد يناديه بابوي ) ماهر : معليه لا تجي مرخوص من عندي سلمان بابتسامة : الله يسعدك
ماهر ابتسم : امين وياك
معاذ  : يلاه عاد انا استاذنكم
ماهر : على وين تونا بنسهر !
معاذ : والله امي ماتحب السهر
ماهر : لا معليه دام الوالده ماتوالي السهر
مروان : والله بغيناك تكمل السهره بس استودعناك الله
معاذ : في امان الله طلع من المجلس والتقى بامه والجازي وريما اللي لابسين عبايتهم وناظر لعيون ريما المكشره بسبب اجباره لها بالذهاب معه للمنزل
رفع حاجبه لها ومشى وركبو السياره واتجهه للمنزل
وبعدها الجميع تفرقو لمنازلهم
كانت ترف منسدحه بسريرها تبكي بحرقه من اللي صار هي تحب خالد اخوها ما عمرهم تزاعلو وهم مو مجرد اخت واخ ! بالعكس كانو مثل الاصدقاء ومايخبون شي عن بعض وتحس الان بالمراره من تذكرها له ومقهوره من نفسها لانها ضعفت قدام نواف ما توقعت انه بيصير كذا ولا انها بتهدا بحضنه !
ولا انها راح تميل له مهما كانت الظروف ..
ولكن كان للقدر رأي اخر وحدث ما حدث مسحت دموعها ترف وهي تسمي بالله وتبدا تستلم للنوم موكله امرها لربها معد تبي اكثر من انو خالد يصالحها
.
بعد اسبوع بدت الدوامات وكان الكل رايح بحاله
واما عن علاقة خالد ونواف كانت سيئه جدأ ولا يكلمون بعض ولا حتى يجتمعون بنفس المكان ..
وراكان كان وضعه نفس ماهو مافي تغير على حالته الا انه بدا يتقبل اهله ولكن ينقلب ويصير عصبي بشكل مخيف بوجود شهد اللي مستمره تجيه عشان تساعده يتذكر ولكن هو رافض وجودها بجانبه بس هو ناسي بانها عنيده ومستحيل تتركه بوقت مثل كذا .
وقف ماهر سيارته قدام بيت معاذ ونزلت امه وريم ونزل معهم وطقت ام ماهر الباب وفتحت لهم العامله ودخلت والدته وريم عكس ماهر اللي ينتظر برا بانتظار معاذ استقبلت ام معاذ ام ماهر بالترحيب الحار وبعد السلام وجهتهم لغرفة الضيوف والجازي جتهم بصينيه العصير وهي تبتسم : يا هلا ومسهلا نورتونا
ام ماهر بابتسامة معجبه : النور والله نور وجهك السمح بسم الله ماشاءالله
استحت الجازي وهي تمد لهم وريم اللي تبتسم باتساع : كيفك
الجازي : بخير الحمدالله انتي كيفك وش الاخبار
ريم : الحمدالله بنعمه ؛ وضعت الجازي صينية العصير وهي تتجهه لخارج غرفة الضيوف وهي تشوف العامله تشيل الزباله وهي تهمس لها : ميرريي كم مره قلت لك اذا عندنا ضيوف لا تخرجين الزباله!!!
العامله : ماما قال لي مافي اسمع منك انتي ومشت تاركه وراها الجازي المصعوقه من اسلوب العامله معها وطلعت تلحقها بعد ما فتحت العامله الباب واتجهت للخارج تسحب كيس النفايات والجازي خلفه بغضب : جعلك للعافيه ان شاء الله وشذا الاسلوب التبن !!!
العامله رفعت لها يدها بمعنى مايهمني عضت على شفتها الجازي بقهر وقاطعها صوت ذايب وفيه بحة من الثقل : " وإنت اللذي حطيت بالجوف رمحين
رمح العيون ورمح وردي شفاتك
إنت اللذي زينت يا غاية الزيـن
حياتي اللي نورها من حياتك
أحب فيك الحب يا جامع إثنين
الزين وطبوعٍ تكمل حلاتك
وأحب فيك العطف واللطف واللين
واحب فيك رضاك عقب زعلاتك "
الجازي اللي كانت ضايعه من وسامته ونسفة شماغه ما كانت حول الدنيا فكرها كان بتسائلات كيف ربي خلق شخص مثله كامل والكامل الله صحت على ضحكته العذبه : يا ام العيون الكحيله وين وصلتي ؟
الجازي ارتعشت من ضحكته الفاتنه : اعذرني بالغلط وجات بتدخل بس قاطعها جرائته يوم سحبها له وهمس بخفوت : يا ام العيون الوسيعات ارفقي على قلبي
الجازي احمر وجهها من الخجل واسرعت تهرب من بين يدينه وصدح صوت ضحك ماهر عليها وبعد دقايق طلع معاذ يرحب فيه ودخل معه ماهر
وريما اللي نزلت وهي بكامل كشختها واسرعت تسلم على ام ماهر وريم و جلست تتقهوى معهم عند معاذ وماهر اللي سواليفهم ما وقفت كانت شخصياتهم متشابهه ضحك معاذ : عز الله ضحكني راكان ذاك اليوم زبد لي اقوى تزبيده
ضحك ماهر : باقي ما شفت شي مروان ماغير يصور فيه يقول عشان لرجع ذاكرته اوريه
قهقه معاذ : نذلللل
ماهر : مرره ونحنح بسالك وش حال الاهل ؟
معاذ بعدم فهم : مين قصدك ريما بخير معليها خلاف
ماهر مسح على شاربه ومسح على خشمه بحركه سريعه : لا اقصد الجازي كيف حالها من بعد اللي صار
معاذ اللي استغرب من سؤاله بس مايبي يشك وهو عارف بان ماهر كان المساعد الاول لاخته من قبل لا يعرف بوجودها وبحكم الاحداث اللي جمعتهم صفى نيته وابتسم : معليها الحمدالله وابشرك نفسيتها زانت من بعد ما مات حامد
ماهر : الحمدالله ان شاء الله دايمه
معاذ : امين
ريما دخلت وهي تبتسم : يا هلا ومسهلا يا مرحبا مليييوووووونننننن
ابتسم باتساع ماهر وفز لها واقف يستقبل سلامها الودي : الله يحيك يا عيني
معاذ نحنح بغيره : الله يعوضني الترحيبات ذي ما اسمعها يوم اقبل عليها
ماهر ضحك وحاوط كتف ريما : سبحان الله القبول من الله
معاذ : سبحان الله
ريما بطوالة لسان : عاد ذا جحودي مهما سويت له جحدني !!!!
معاذ صفق يدينه ببعض : الله على اللي يقص لسانك
ماهر : لا عاد ما تلمسها واما موجود وغير موجود
معاذ : خير خير ان شاء الله
ريما تخصرت : لا لا اتركه بالله عساس قادر يسوي فيني شي !!
ضحك ماهر : شبت شبت انا ماشي تصرفو ببعض
معاذ : خليني اوصله للباب وبعدين نتفاهم
ريما : مهب غريب عشان تدله
ماهر بضحك : صادقه مع السلامه لا ترحمون بعض
معاذ وريما : لا توصي حريص ضحك بقوه ماهر وطلع من المجلس وتفاجئ بخروج الجازي امامه وهي غير منتبهه تضبط شعرها امام المراية الخاصه بالمغسله الخارجيه للمجلس وكانت تدندن ولفت وهي تنصدم برؤيته امامها وجات بتهرب ولكن قاطعها وهو يمسكها من يدها ويسحبها له ويهمس لها : خليتك تفلتين مني قبل شوي بس الحين بعطيك ضريبه على هروبك
الجازي كانت ترتجف بين يدينه العريضه والرجوليه : وخرر عني قبل لا يجي معاذ
ماهر : صدقيني معاذ مشغول بريما وضحك وهو يسمع اصوات هوشتهم
بالمجلس ريما كانت شاده شعره وهو مثلها وكل واحد يطلب من الثاني يفكه بس كلهم معاندين إلى ان تالمت ريما وخرت يدها عنه وهو زيها وضربته على فخذه وجات بتنحاش ولكن قاطعها سحبه لها بقوه وهو يحاصرها بركن المجلس وهي تضحك : ممممعععاااذذذ خلنا نتفاهم بعدين
معاذ بقهقه خبيثه : بعدين اجل هاه ! وانا جحود ! ومسويه نفسك بريئه قدام ماهر كلها بطلعها من خشمك ضحكت ريما بدلع : يعني يرضيك زعلي !
معاذ : يرضيني اني باكلك واعتلت ضحكات ريما
انتبهه ماهر لقرب صوت ريما ومعاذ واسرع يدخل الحمام وهو يسحب الجازي الخايفه معه وتنهدو اثنينهم براحه وناظرو بعض وهم يستوعبون المكان اللي هم فيه ! وتوسعت عيونهم بصدمه ونطق ماهر بارتباك : بالغلط نسيت نفسي يوم سحبتك
الجازي اللي حست بمغص من خوفها بان معاذ يداهمهم وهم بذا المكان : ماهر وش بنسوي !!!
ماهر مسح وجهه بتوتر : مدري اصواتهم واضحه !!!
ريما ومعاذ اللي طلعو وهم يضحكون وقفت ريما تعدل نفسها امام المرايه وهي ترتب شعرها المنفوش من لعي معاذ فيه وعدلت روجها وضحك معاذ بخبث : ليه تعدلينها خليها عشان يعرفون اني لخبطتك ولعبت بحسبت شفاتك
وسعت الجازي عيونها بصدمه والخجل والاحراج بان على وجهها اللي لون بالاحمر وماهر ما يقل عنها من الصدمه وكانت تتهرب بنظراتها عن عينان ماهر خارج الحمام نغزت ريما يد معاذ : اصص بتفضحنا بضحكتك الخبيثه !!!
معاذ حضنها من الخلف : عادي زوج وزوجته وش العيب والحرام اللي سويناه ولا شي طبعًا!!
ريما : بس مايصير عندنا ام ماهر وبنت اخوي ريم عيب يعني
معاذ ابتسم : لعيونك يصير عيب اللي ودك بس اطلبي وتدللي
ريما رفعت حاجبها بابتسامة : اللي ودي ؟!
معاذ بنفس الابتسامة : اللي ودك فيه
ريما : اممممم وش رايك اجل تسمع اقتراحي وصدقني ان صاحب الاقتراح موافق
معاذ باستغراب : سمي وش عندك ؟
ريما التفت عليه وهي تلعب بازارير ثوبه : شوف انت اكيد تعرف ماهر وتحبه وتعزه مو صح ؟
معاذ : ايه !
ماهر حس قلبه طاح بسرواله لانه عرف وش بتقول ريما وناظر للجازي اللي تتسمع بتركيز
ريما ابتسمت : شوف ماهر بخاطره من زمان يخطب الجازي ولكن بسبب التعقيدات اللي صارت باخر فتره ماقدر انه يفاتحك بالموضوع وكان مستحي ويوم دريت انا انه يبي الجازي ولا يبي احد غيره ياخذها قلت لازم اتدخل واجمع بينهم عشان كذا شرايك اعطيه الاشاره الخضراء عشان يجي يتقدم
معاذ بصدمه : منجدك ؟ وليه ما جاء خطبها بالعقل هل بلقى لاختي زوج مناسب مثل ماهر وارده !!!!!
ريما ابتسمت بفرحه : شوف بقولك ليه ما خطبها عشان خايف من رفض الجازي لان هو لاحظ خوفها الزايد من طاري الرجال فكيف انها تتزوج وهي تعبانه من الموضوع اللي انت خابره
وسعت الجازي عيونها وناظرت لماهر اللي بادلها النظرات وهو وده يخرج ويحوس ريما حوس على لسانها استمرو يتبادلون النظرات ألى ان ذهبت ريما للداخل وصعد معاذ لشقته وطلع ماهر بسرعه وهو يشوف هل فيه احد بس لاحظ بان الوضع ساكن واسرع يهمس للجازي اللي طلعت واتجهه بيطلع ولكن قاطعه مسكة يدها الناعمه : ماهر !
ماهر التفت عليها وبدون انتبهه لنفسه : عيونه !
الجازي ارتبكت بخجل من كلمته : انت الرجل الوحيد من بعد معاذ اللي قلبي راضي عنه لا تفكر اني ما ابيك بالعكس انا احب كـ وقاطع عليهم صوت العامله اللي متجهه لهم واسرعت تدخل بسرعه للداخل ابتسم ماهر بهيام وطلع وهو فكره بعالم ثاني كان يلوح له تركي بالسلام بس ما انتبهه له بسب هواجيسه اللي داهمته وهو عايش بعالم ثاني من بعد كلام الجازي وهو وده يعرف يذبح العامله لانها ما خلتها الجازي تعترف
استغرب تركي من ماهر وكان متجهه له ولكن قاطعه خروج ثلاث نساء ومتجهين للسياره وصد ودخل بيته ركبت ريما بحماس : جايه معكم واخيرا وافق معاذ يخليني انام ثلاث ايام
ريم بحماس : ييسسسس وصفقو يدين بعض باستهبال غافله عن عيون ماهر الحاده وده ينتفها حطته بموقف محرج قدام الجازي
.
راكان اللي جالس بالصاله وماد رجله المكسوره على مخده ومريح ظهره ويسمع لسواليف راما حاطين قهوه والشاهي والحلا والمالح والمكسرات والفصفص وعاد راما ما خلت شي ما قالت له عنه وكان منصت لها بتركيز
وبين فتره وفتره يصدع راسه لانه يحس يتذكر كل المواقف اللي قالتها بس مو بشكل واضح قاطعهم دخول ريان اللي رافع غيث فوق اكتافه وغيم بيد نوف وهي تضحك على حركات ريان : انا جيت انا وعيالي الحلوين
راما فزت : يا هلا نورررتييي
نوف : بنوركم يا قلبي وسلمت عليها واتجهت تسلم على راكان اللي ابتسم لها بخفه : هذول عيالك ؟؟
نوف ضحكت : طبعًا ناسيهم اكيد ذول عيالي شوف ذي غيم اخذها وحطتها بحضنه وذا غيث توائم
راكان ابتسم لغيم اللي تناظره بنظرات طفله بريئه : يازين اسمائهم لايقه على بعض
نوف ببسمه : ايه وين امي ؟
راما : راحت لعند جدتي عزيزه
نوف : اها وفسخت عبايتها وجلست تصب قهوه وتتقهوى
وريان يرفع بغيث وينزله وهو يضحك غير عالم عن حركات خاله المتهوره
نوف بخوف : ررررييااااننن لا تسوي ذي الحركه !!!
ريان بقهقه: معليك مو جايه شي اسويها انا بريفان ولا جاها شي
نوف : تعال بس اجلس كيفها لين وبنتك ريفان
ريان جلس وبحضنه غيث اللي يلعب بجيب ريان حق الثوب : الحمدالله بنعمه ماغير مخلتنا ننام ماغير تصايح فوق روسنا
راما : اي والله بذات انا عشان غرفتي لاصقه فيهم نسيت طعم النوم
ضحك ريان وصفقها : عاد جايك الدور
راما نفضت قميصها : يمه بسم الله ضحكو الكل على رد فعلها العفويه
دخل نواف وجهه منقلب ولكن يوم شاف نوف وعيالها ابتهج وجهه وبدا يرحب ويسلم عليهم ويلاعب عيال اخته ونطق : وين ريفان ليه ما جبتها يا ريان
ريان : نايمه الله يصلحها اليوم ماغير بكى وصياح
نواف : عسى ما شر وش عندها ؟؟
ريان : الشر مايجيك والله ماغير غازات وامي يعطيها العافيه سوت لها يانسون يريح بطنها وكنها اشوى من قبل واخذتها عندها عشان لين تنام
نواف : زين زين
نوف : متى بنفرح فيك يا نواف ؟
نواف عبس وجهه ونغزت راما نوف وهمست لها : لا تفتحين باب مسكره هو !
نوف زفرت وقاطعهم رن جرس البيت وقام نواف يفتحه يبي يهرب من اي سؤال عن زواجه وفتح الباب وشهقت شهد على طول وهي تصد عنه وصد بسرعه ونطقت بعجله : راما وين
نواف بصوت عالي وهو يرجع للصاله : راما تعالي بنت عمي صالح تبيك
قامت على طول راما متجهه لشهد الواقفه امام المنزل وسلمت عليها : فيك شي غريبه جيتي بدون اتصال !
شهد : طفشت لحالي وتخيلي امي وابوي راحو للطايف بيجلسون يومين ويجون
راما ببسمه : شكل عمي وخالتي ناوين يجددون شهر العسل
ضحكت شهد : قلت لهم
"بالصاله " راكان : بنت صالح شهد ؟
نواف : اجل مين !
نوف : انت وياها مثل روميو وجولييت
راكان بقرف : لا عاد اما مستحيل احب وحده نشبه !
شهقت نوف وضحكو ريان ونواف ونطقت : والله عاد انت اول من نشب فيها
نواف : شكل ورا خطبتهم قصة حب خطيره
نوف : طبعا
راكان ببرود : ما اتذكر وذي نعمه من الله
راما : تعالي حياك ادخلي نجلس بغرفتي
شهد : الله يبقيك ودخلت معها وهي مغطيه وجهها وصعدو
همس نواف لراكان : لو زيك حشرت محبوبتي بزاويه ومايفكها مني الا رب العالمين
رفع حاجبه راكان : وش تقصد
نواف : اقصد لا تضيع الفرص منك
نوف بفضول : وش تهمسون فيه
راكان ونواف : مالك دخل !
نوف وريان انفجعو وكشت عليهم نوف : مالت عليكم بس كل واحد ماخذ ولدي ويسولف جيبو جيبو وقامت تاخذ عيالها منهم وهي تكش عليهم للمره الثانيه
ضحك بقوه نواف : مب صاحيه
ريان بقهقه : وانتو خليتو لها عقل
.
عند ترف اللي جالسه مع روان اللي تهذري فوق راسها وهي بعالم ثاني شايله هم اخوها ما شافته اسبوع ! وفجاة دخل خالد اللي يضحك مع مروان وانقطعت ضحكته يوم لمحها فزت ترف واقفه ناظرها من فوق لتحت ومشى يجلس جنب روان اللي نطقت : واخيرا جيتنا كم لك مختفي !!
خالد بابتسامة : والله دوامي غيرو الشفت حقي وصرت معد اجي هنا الا اسلم على ابوي وامي وما القاك الا نايمه
روان : انا بس ناسي تروفه
خالد : وين امي ؟
روان : راحت مع خالتي ام نواف لبيت عزيزوه صفقها بمزح : لا تسمعك وتنتفك
ضحكت : عز الله بجلدها هي وبنتها
مروان جلس جنب روان من الجنب الثاني : اذا تبين فزعه انا موجود
روان : كففوووووو
خالد بصدمه : مو منجدك !
وضحكو مروان وروان خالد رفع حاجبه : تطقطقون علي ؟؟؟ اوريكم وهجم عليهم يدغدغ بروان العنصر الضعيف ومروان اللي يكرهه احد ينغزه ببطنه وضحكاتهم عاليه وكانت تراقبهم ترف ادمعت عيونها كانت فقرة الدغدغه الفقره الممتعه والمفضله لها وكانت دايم هي وخالد مثل التوائم كتمت شهقتها واتجهت لغرفتها تخرج مابداخلها من تراكمات تنهد خالد يوم لاحظ اختفائها هو لاحظ لمعة عيونها من دخل بس هو يبي يعاقبها كيف استغفلته ..
هو خلها تنتقم من نواف يوم فجعها ولا قال عن اللي صار شي ولكن هي قررت تلعب من وراه وكانه ليس له وجود ! ومع اعز شخص عليه
مروان نطقت : بينك وبين ترف مشكله ؟؟؟
روان : مروان جيب البلاستيشن نلعب
مروان : تتمممم واسرع يجيبه وهمست روان لخالد : تراك فاهم موضوع ترف غلط ! انتبه ما تكون لها سند لانها راح تدور لسند غيرك بما انك اخوها الكبير وقامت تركته ضايع بكلامها صر على اسنانه وقام وهو قلبه مليان على نواف
جاء مروان وهو يشوف الصاله فاضيه : وين راحو !!!
.
بغرفة راما اللي صوت الموسيقى يصدح فيها وشهد تمكيج بنوف وراما تسوي شعرها ونطقت نوف : تصدقون من زمان ما كشت الله يصلحهم غيث وغيم ماخذين كل وقتي
شهد : بوجودي ازهلي الصعايب
نوف بحماس : كفو كفو
شهد بدت تحط اخر لمسه واللي هي الروج وصفقت بحماس : تهبللليييننن
نوف تناظر لنفسها : تسلم اليدين الحلوه
شهد : الله يسلمك يا عيني باااقيييي مثبت المكياج وبدت ترش لها ونوف اللي كحت من الريحه : باويلي انكتمت
شهد بضحك : خلاص خلصت
راما ي وانا بعد وهي تمشط شعر نوف تفكك الويفي
نوف قامت وهي تنكش شعرها عشان يضبط وقفت وهي ماكسه خصرها : مو كاني بيلا حديد !؟
شهد بضحك : اقولك مين بيلا حديد بجنبك ولا شي
نوف : الله يسعدك على جبر الخاطر
شهد بضحك : لا بالله مو جبر خاطر لكن يشهد الله انك تهبلين
راما : عاد تحمست اكشخ
نوف : يلاه تكفون بنكشخ ونداهم البنات
ضحكت شهد : تم وبدو يتجهزون ونوف اللي تجرب فساتينها القصير وتسوي عرض للبنات اللي ميتين ضحك
.
نواف طلع من البيت وتقابل وجهه لوجهه مع خالد اللي صر على اسنانه بقهر وشد على يده ابتسم نواف بخفه : تجهز البقس ؟؟؟
خالد بغضب : وجههك الردي هذه مابي اشوفه ولو شفته بتندم فاهم !!!!!
نواف : ابشر باللي يطلع لك بكل مكان عشان بس اشوف انفجارك القاتل ههههه
خالد مسك ياقته بغضب : نواف لا تحدني اخلي قلبك ينحرق !!
نواف بابتسامة مستفزه : وش بتسوي يعني ؟؟؟
خالد : انا حذرتك ولكن انت عنيد وخل عنادك ينفعك بذيك اللحظه صدقني بخليك تترجاني عشان ما اسوي اللي اسويه
رفع حاجبه نواف : من وين جايب ذي الثقه ؟؟
خالد : بتشوف من مين
ومشى خالد تارك خلفه نواف اللي يهوجس بكلامه
..
نوف وهي تسحب الفستان مو على رجلها : كذا انا اغريت متعب
ضحكت شهد وراما من فصلة نوف اللي من شافت عيالها نايمين بغرفتها وقالت للعامله تنتبه لهم وهي تستهبل بكل شي راما : عشان كذا جبتي توائم
شهد تضحك وتمسح دموعها وراما تضحك زيها رمت عليهم نوف المخدات بحقد : وسخات ربي كاتب لي كذا وهي ترفع الفستان الطويل
شهد تضحك وتتفرج بملابس نوف وسحبت فستان كحلي وكان قصير لفوق الركبه وضيق من فوق وجاي بقصه مثل الفساتين الفكتوريه وعاري الذراعين وشهقت : ييييجننننننننن
نوف ابتسمت : اشتريته من متجر بالتيك يجنننن الصراحه لبسته مره بس بعده حملت
شهد : بلبسه عادي ؟؟
نوف : استاذني وشوفي وش بيصير
ضحكت شهد : طيب وصلت الرساله وقامت بسرعه للحمام وهي تلبسه
راما : نوف وش تتوقعين بيصير لنواف وترف ؟؟
نوف تنهدت : مدري بس فجعتني ترف يوم شفتها تبكي واضح القلق بعيونها على نواف بس هي رافضته كيف تحبه !!!!
راما : والله مدري اللي يحب لازم يتعذب
نوف : لايكون متعذبه وانا مدري عنك !!!!
راما ضحكت : شفيك انتي مكتوب على جبيني مجنونه !!
نوف رمت عليها مخده : مدري عنك وضعك يشكك
وضحكو وطلعت شهد وهي تهف شعرها : كيففففف
نوف باعجاب : يهبللللل
راما : يلعن ام الجمال اللي انتي فيه
شهد ضحكت : عاد بلا استهبال
نوف : وربي يامل منك اكل يجننننن بمعنى الكلمه
شهد بابتسامة: حبيبتي
.
راكان نزل رجله المجبسه واخذ العكازات بيوقف
ريان فز : تبيني اساعدك ؟؟؟
راكان : لا يعطيك العافيه بعتمد على نفسي
ريان : طيب زي ما تحب انا رايح عندي مشوار للعزبه توصي شي ؟؟
راكان : سلامتك
ريان : الله يسلمك ومشى طالع من البيت وهو يتفقد جواله وطلع لسيارته يفتح الشنطه وهو يعصب عمامته الرماديه ويتفقد عزبته ابتسم لانها كامله
ويتفاجأ بصوت انوثي ناعم : لو سمحت قلت حط الكيس على الباب انا اخذه !!
المندوب بخبث : حطيته
فتحت دانه الباب وهي تبي تاخذ الكيس بس تنصدم من المندوب اللي مسك يدها وصارخت بخوف : ييييممممهههههه
المندوب : اصص لا تصيحين !!!
ريان حس بنار بقلبه وبحميه وفزعه : اعقببببب يا كلببببببب
المندوب انفجع وحس بربكه وجاء بيهرب بس ما لحق من مسكة ريان له اللي مسكه من ياقه بلوزته دانه اللي بكت وهي مفجوعه وتشوف الشخص الغريب اللي انقذها وجاتها امها مفجوعه وتحضنها ودانه: يمممه تحرش فيني مسك يديييي
مريم ام حاتم بخوف : حسبي الله عليه وهم يسمعون الهوشه اللي برا
ريان اللي عدم وجهه المندوب من الضرب وطلعو الجد سعود وابو نواف وابو خالد ونواف اللي انصدمو من روية ريان وضربه للشخص الغريب واسرعو يبعدونهم عن بعض وهرب المندوب والخوف ياكله اكل وريان اللي يصارخ : والله للعن شكلك يا كلب لو شفتتتتككككك
ابو نواف بغضب : وشفيك انتتتتتت معدم وجهه ولك وجهه تتكلم!!
ريان بغضب بعد عن عمه وابوه وبحده : الكلب اللي تركته يروح توه متحرش ببنت جارنا تبيني اتفرج فيه ولا اسوي شي !!!
الجد سعود بصدمه : قليل الاصل ماعنده اهل !!!
ريان اخذ عمامته اللي مرميه وهو ينفضها وبغضب : صدقوني لو شفته ذبحته !
ابو خالد : لا إله الا الله معد فيه امان في ذا الزمن
مريم اللي قفلت الباب وقامت تتصل على ابو حاتم وتهدي بدانه المفجوعه وبنفس الوقت مراح من بالها دفاع الغريب عنها كانت عيناه الحاده تقتل كل من ينظر لها
.
راكان اللي صعد لفوق وهو يسمع ضحك البنات ومتجاهله متجهه لغرفته بس قاطعه خروج ننف تركض وتضحك وشهد خلفها ماسكه جزمه بيدها : وين بتروحين من بيت يديني !!! هاااه يابنت ناصر
راكان بحده : لا ترفعين صوت يابنت صالح عشان لا تفقدينه !
شهد انصدمت والتفتت عليه : هاه !!
راكان : زيي ماسمعتي ! والتفت يدخل لغرفته نوف قربت من شهد وبهدوء: احس يبيله خبطه عشان يرجع مخه !
شهد بقهر : لا وانتي الصادقه يبغى له من يمردغه عشان يرجع عقله الناقص
راما : روحي له
شهد : مابي كل شوي يقولي كلام زي السم
نوف : اعطيه انتي بعد عادي اهم شي ما تخلينه ينفر منك زي كذا !
شهد : مابييي افهمو !
راما : مو على كيفك ! روحي له
شهد : مااااببيي يعني مابيي
نوف ناظرت لراما اللي ابتسمت ومسكوها وهي تقاومهم : طيب مو بذا اللبس وخرووو !!
نوف : افضل شي ذا اللبس وفتحت باب غرفة راكان ودفعتها هي وراما وقفلو الباب وضحكت راما بحماس ونوف زيها وفجاة يسمعون بكاء غيث وغيم وراحو لهم عند شهد اللي ما تبي تلتفت ولكن فضولها اقوى منها ولفت وهي توسع عيونها وهي تشوفه بدون تيشيرت ويناظرها ببرود وحده : نعم !
شهد زفرت بقوه : اسمع يا غبي منجد ذي المره نوف وراما اللي دخلوني بالغصب !!
راكان رفع حاجبه بحده : وش قلتي؟؟؟
شهد : والله اللي اعرفه انك فاقد الذاكره اما اطرش ذي جديده علي !!
راكان بغضب ومشى لها بالدراجه حقته وشهد خافت من تعابيره المخيفه والتصقت بالجدار بس اسرع يمسكها من يدها بقوه : لسانك هذه بقطعه لك لو سمعت مره ثانيه نبره بس مو عاجبتني بتندمين !
شهد نفضت يدها من يده : تراك زودتها انا متحملتك عشان وضعك بس والله لو هددتني لتندم ولنقلب لشهد ثانيه فاااااهممم!!!
راكان سحبها له بقوه جلست بحضنه من سحبته وهو يشد على يدها بقوه وهو تكه ويكسر لها يدها من قوة المسكة عضت شفايفها بالم وهي تدمع : راااكاااان يديي توجعنييي فكنيييي !!
راكان بغضب حاد وهو يهمس لها بفحيح غاضب : قسم بالله لكسرها لو ما اعتذرتي من رفعت صوتك !
شهد تحس بالغصه بحلقها : راكان تكفى وش قاعد تسوي !!
راكان بابتسامة بشر : قاعد أدبك ! وباقي ماشفتي شي لانك تحتاجين من يعيد التربيه فيك
شهد جات بتقوم من حضنه وصارخت : وخرررررر بس قاطعها بغرس اصابيعه بخصرها وتالمت بصمت وناظر لفخوذها العاريه بخبث بسبب ارتفاع الفستان ونطق بنبره هامسه : وين بتروحين باقي ماخلصت منك تدرين وش بسوي ؟؟ ومسك فكها عشان يثبت وجهها وقرب منها بابتسامة وعينان تقدح خبث وتلاعب : هاه يا بنت صالح بما انك خطيبتي ومكتوب كتابنا يعني حلالي وتدرين وش افكر فيه قالها بنبره لعوبه وهو يمرر يده على فخذها مسكت يده بقوه وهي تبي تقوم بس كان اقوى منها ويحاول يثبتها لانها تتحرك بكثره : راااكااانن وخررر عنيييي قسم بالله لكسر يدك لو تلمسنيييي نوووووفف راامااااا
راكان ضحك بخبث : و بيصير لك لو قلت لك ان غرفتي عازله للصوت ؟!
شهد وسعت عيونها : لااااااااا لااااا مستحيللللل وهي تحاول تقوم من حضنه بس مثبتها بكامل قوته شهد بصراخ وخوف : رااكاااننن اكيد تمزح صححح مو منجدك تلمسني وتعاملني بذي الطريقه !!!
راكان : عشان تسمعين كلامي مره ثانيه وجات بتصارخ مره ثانيه بس ثاطعها باسكاته لها بطريقته الخاصه ...
. . . . .
عند ريما اللي معك جالسه مع طيف وامها ويسولفون ودخل عليهم الجد سعود
: صلحو القهوه جاء سيف
الجده منيره : جاهزه القهوه اخذيها يا طيف
طيف اللي حكت بقوه : وشهووو ؟؟؟
الجد سعود : لا اذا ماتبي لا تجيبها
الجده منيره : لا لا بتوديها ترا زوجها مافي غريب
الجد سعود : اجل جيبيها لا تتاخرين ومشى متجهه للمجلس عند سيف اللي جالس بكل هيبه دخل الجد سعود : يا هلا يا مسهلا
سيف بثقل : الله يحيك ويخليك لنا
الجد سعود ببسمه خفيه : امين يا وليدي
عند طيف اللي تخلف ماتدخل وريما والجده منيره يحاولون فيها ريما حطت الصحن الضيافه بين يدينها وكاتمه ضحكتها : ياويلك من ابوي لانك تاخرتي !!!
طيف بتوتر وخوف : لا تكفون ماني متجهزه !!!
الجده منيره وهي تدفعها للداخل : ادخلي لا والله عصاتي تعلم على ظهرك وشهو اللي منتي متجهزه ماتحتاجين ولا شي وش زينك
طيف عضت على شفايفها بتوتر ودخلت من خوفها من امها وريما اللي ضحكت وصفقتها الجده منيره : اعقبي تضحكين على اختك !!!
ريما بهمس : يمه اطقطق عادي
الجده منيره : قدامي بس ومشت ريما وهي تتمازح مع امها تاركين طيف اللي دخلت وجهها محمر من الخجل والاحراج ودخلت وهي لابسه فستان سماوي هادي وناعم وشعرها رافعته رفعه فوق ومنزله خصل وجهها كما خلقها ربي لان ما امداها تسوي شي وبمجرد دخولها رفع سيف نظره لها وهو يشوف شكلها الجميله واللطيف كانت مريحه للعين
الجد سعود : ابوي طيف قهوي رجلك
طيف وضعت القهوه على الارض واخذت الفنجال وثلاجة القهوه وهي ترجف وكان الفنجال يرجف معها وهي تلتفت لسيف اللي من دخلت ما شال عينه عنها
وهذا زاد طيف توتر وارتباك ومدت له الفنجال : سم
سيف بعينان معجبه : سم الله عدوينك الجد سعود : اجلسي وانا ابوك وضعت طيف الثلاجه بالصحن وجلست جنب ابوها اللي كان امام الجد سعود
عند ريما اللي تحاول بامها تتصل بابوها تقله يجي ويخلي طيف مع خطيبها
واتصلت الجده منيره على الجد سعود اللي رد عليها : هلا وشفيه؟
الجده منيره : تعال آبيك بموضوع ضروري
الجد سعود : عساه خير جايك وقفل ونطق : اسمحلي ياوليد بروح بشوف الاهل وش يبون واجيك البيت بيتك وهذي مرتك عندك اذا بغيت شي تقوم بواجبك
سيف بنبره ثقيله ورزانه : مسموح يا عمي معليك زي ما قلت مرتي عندي ولا محتاج شي ابتسم الجد سعود ومشى لداخل وهو يتجهه الجده منيره وريما : عسى ما شر وشهو الموضوع الضروري ؟؟؟
الجد منيره : بغيتك تسولف علي انا وريما ونخلي طيفوه عند زوجها
الجد سعود : لا والله منتي بصاحيه وشهو لحالهم انا احسب وراكم شي كايد طلع ماعندكم سالفه !!!
ريما فزت وهي تمسك يد ابوها : اسمع يبه طيفوه تعرفها انسانه خجوله عشان كذا حبينا انا وامي اننا نخليها تجلس مع خطيبها وتتكلم معه عشان معد تخاف منه
الجد سعود : انا ابو راشد انتي وامك اكيد متغسلين بمرق وشهو تتعرف عليه !!
ريما رمشت بتوتر من رد فعله : يبه انا ادري انك انت وامي ما تعرفتو على بعض بس اكيد ام اخذت عقلك وقلبك وهي تنغزه مسكها من اذنها بقوه : قلنا نزوجها وتعقل واخرها تنجن !!!
ضحكت الجد منيره : اقول اجلس ذي حبيبة قلبك منت قادر تمحطها
الجد سعود جلس وهو ماسك اذن ريما اللي تهمس بخفوت من الالم ماودها تصارخ بوجود خطيب اختها : اهخ يا منيره جات اللي تطلع الاول والتالي منا !
ضحكت الجده منيره وريما نزلت يد ابوها وهي تبتسم : يبه بغيت تنتفها وش بتقول لمعاذ ؟
انصدم الجد سعود : بقول اني نتفت دجاجته عشانها عوبه
ريما عبست : الله يسامحك الحين كل هذا الجمال واخر شي دجاجه !!
ضحكت الجده منيره والجد سعود على سواليف ريما اللي اشتاقو لها
"بالمجلس "
عند طيف وسيف اللي يتاملها بصمت عكس طيف اللي ماقدرت تحط عينها بعينه كانت تناظر بزوايا المجلس ونطق واخيرا بعد تامل طويل : وشفيه خدك ؟
طيف بصدمه لفت عليه وهي تمسك خدها : وشفيه ؟
ابتسم سيف : "الخد مثل الورد والمبسم عسل "
وعيونها نجلا وضحكتها دمار
زاد الحسن في وصفها طبع الخجل
من شافها يشعر بدهشه وانبهار
مثل القمر نصف الشهر يوم اكتمل
" اخفى النجوم الي معه وسط المدار"
طيف ابتسمت بتفاجئ وخجل ماتوقعت اللي قاله ابدا !
سيف : واخيرا ناظرتني ام العيون الوسيعات !
طيف تحاول تخفي بسمتها وهي تلف شعرها خلف اذنها : بروح كن ابوي ناداني وجات بتمشي بس قاطعها يمسك يدها وهو واقف : انتظري !
تكهربت طيف من لمسته لها وناظرته : وشهو !
سيف : بقول لعمي ان زواجنا بعد اسبوع
طيف وسعت عيونها : لا مايمدييي اتجهز !!
سيف : اللي بينقصك انا اجيبه لك ماله داعي ناخر اكثر من كذا !
طيف : احس بدري والله !!
سيف : هتان ميت على اليوم اللي يشوفك عنده هذه اذا ماعندك مانع انه يسكن معنا ؟
طيف بصدمه : لا طبعًا اكيد ماعندي مانع وهتان ولدك ولدي ترا مستحيل اعامله بحب بس قدامك ذي مو مو من فعايلي مهما صار ومهما بيصير مستحيل يتغير حبي له !
سيف حس باعجاب من كلامها : انشهد انك كفو وجهزي نفسك زي ما قلت زواجنا بعد اسبوع !
ومشى تاركها متورطه باللي قاله وشهو بعد اسبوع مايمديها تسوي ولا شي !
ودخلت للداخل ولقت ريما اللي تضحك وتسولف مع امها وابوها ونطق الجد سعود : وين زوجك ! جايه ومخليته لحاله ؟
طيف بتوتر : لا يبه مشى
الجد سعود : اها اجل انا رايح اصلي صلاة العشاء ومشى طالع وركضت طيف تشرد من اسالة ريما اللي مالها نهايه وعلى قرادة حظها بتنام عندهم
.
"بيت ابو حاتم "
بدر بغضب : انا اوريه الكلب ان ما جبته ما اكون ولد ابوي !
ابو حاتم تنهد : موضوعه عندك يا بدر تصرف
بدر : ابشر
حاتم اللي حاضن دانه : ياعين اخوك يخسي من ينزل دمعه من عينك
دانه ابتسمت من حبها لابوها واخوانها حسسها ان وراها سند مستحيل ينكسر او ينعوج يوم من الايام وتذكرت فزعه الغريب لها ونطقت : بس يبه منو اللي كفخ اللي ما يتسمى ؟؟
ام حاتم : اي بالله يا مرزوق عز الله انه ولد اجاويد جزاه الله خير الله يوفقه ويسعده وين ما يكون
ابو حاتم : امين اللي عرفناه من الكاميرا انه حفيد سعود جارنا
ام حاتم : عز الله عرفو يربون
بدر : هذه ريان رجال والنعم فيه اعرفه بينا سلام بس معروف صيته وصيت ابوه وجده ومابه خلاف
حاتم : والنعم فيهم كلهم
ابو حاتم : اي بالله
دانه بداخلها اجل اسمه ريان الله يسعده ويوفقه
.
"بيت ابو نواف "
طلعت شهد من غرفة راكان وهي تبكي وترتجف من الرعب اللي سببه لها راكان اللي كان يضحك عليها بعد ما شاف دمعتها حز بخاطره مايدري ليه بس على طول تركها وشهد اللي اسرعت تخرج بسرعه اهم شي ما تجلس معه بعد كلامه اللي قاله طلعت بوجهها نوف المصدومه : شهد ؟؟؟؟
شهد دفعتها وركضت لغرفة راما ولحقتها نوف وهي تقفل الباب : وشفيك ؟؟؟؟
شهد ببكاء محروق : وش فيني !!! بكل بجاحه تسالين !! اخوك المصيون بغى يغتصبني وبكل وقاحه تسالين هاااااه يا نوووف !!! راكان مو راكان اللي اعرفه ناسي كل شي بيننا راكان اللي اعرفه مستحيل يسوي لي شي يضايقني فكيف يخوفني !!!!! وش تبيني اقول وشنو اخلي هاااه !! وبكت بحرقه وهي تجلس على السرير عضت نوف شفايفها تكتم دموعها وهي تجلس جنبها تحضنها : هدي واستعدي بالله وتعالي معي تغسلين وجههك وتغيرين لبسك وحقك علي انا غلطانه انا وراما نسوي فيك كذا ما توقعت بان راكان قادر يسوي كذا !
شهد ببكاء محروق : ماشفتي نظرات عيونه المرعبه ولا كلامه الارعب منه ولا تصرفاته اللي كسرت لي قلبي
نوف حزنت وهي تقومها وتساعدها بتغير ملابسها وغسيل وجهها وناظرتها بحزن : هاه سامحتيني ؟؟
شهد ابتسمت بخفه : وانا اقدر ازعل منك بس اخر مره تسوين فيني كذا !
نوف ابتسمت : يا لبى المبسم الحلو ابشري ماني مسويه ولا شي
شهد : ولا تجيبين طاري لراما لاني اعرفها حساسه بتجلس اسبوع كامل تبكي لانها تحس بالذنب
ضحكت نوف : صادقه عاد وش يسكتها
ضحكت شهد معها ولبست عبايتها ونزلت معها عشان تمشي ولقت خالتها ام نواف وحبت راسها : كيفك يا خاله؟
ام نواف بابتسامة : بخير الحمدالله انتي كيفك
شهد : بخير بنعمه انا ماشيه توصين شي ؟؟
ام نواف : لا سلامتك
شهد : الله يسلمك ومشت مع نوف اللي وصلتها للباب ورجعت جلست
ام نواف : وين عيالك ؟؟
نوف : نايمين ما صدقت انهم نامو عورو راسي
ام نواف : حرام عليك يازينهم ذول عز الله يونسون الخاطر
نوف : الله يصلحهم وقت روقانهم يازينهم بس لبكو اكرهه نفسي
ام نواف : الله يحفظهم
نوف : اللهم امين
راما اللي تاكل سلطة فواكهه : يمه وين لين ماشفتها اليوم مختفيه !
ام نواف : اخر مره قابلتها البارح سويت لريفان يانسون ونامت وشفتها تعبانه تكشي من الم بصدرها ولا عارفه وشهو بس اخذت ريفان عندي عشان تنام وترتاح ويوم رحت لعمتي عزيزه وصيت الشغاله تنتبهه لهم
نوف : زين ماسويتي يمه مسكينه والله
ام نواف : اي والله
راما : وانتي بعد يا نوف مدلعه حاط لك متعبوه شغاله محد قدك
نوف وهي تهف على اظافيرها : طبيعي يا قلبي جايبه له توائم
.
وصل ريان امام المنزل وهو ينزل من سيارته وينزل عصابة راسه ويحطها فوق اكتافه ووطلع بدر وهو يبتسم من وجود ريان ونطق : يا ولد الاجاويد !
ريان لف باستغراب : يا هلا بدر ؟
بدر تقدم وهو يصافحه : هالله هالله بدر ولد مرزوق جيرانكم
ريان ابتسم يبادله السلام : ياهلا والله
بدر بابتسامة : جيتك اثني على موقفك الشهم مع الاهل بيض الله وجهك ورحم من عقبك عز الله انه ربى رجال !
ريان ابتسم بهدوء : وجهك ابيض انتم قبل لا تكونون جيران انتم اهلنا وموقفي بيكون مثل موقفك لو لا قدر الله وصار مثل كذا اكيد مراح تقصر
بدر : اي بالله انك صادق عاد ما اطول عليك متى ما احتجت شي قولي
ريان : ان شاء الله توصي شي
بدر : سلامتك ومشى متجهه لسيارته وريان دخل متجهه لبيته ودخل
وجات ام نواف تساله : يعزي عنك ياوليدي سمعت باللي صار
راما : وش صار ؟؟؟
ام نواف : تهاوش مع واحد يتحرش ببنت ابو حاتم
نوف بصدمه : دانه ؟؟
راما : وش عرفك فيها
نوف : اعرفها من ايام الدراسه
ريان حك راسه  وجلس : وين لين ؟ مانزلت لكم ؟
ام نواف : والله وانا امك مانزلت لنا قلت اكيد تعبانه ونايمه ما نامت البارح زين انت خابر الورعه ما خلتكم تنامون
ريان : صادقه اجل انا بروح اشيك عليها واجيكم الا وين ريفان ؟
ام نواف : عندي ما رجعتها لامها قلت ابيها ترتاح واعطيتها اليوم رضاعه
ريان : ماتقصرين يا يمه
ام نواف : ولو يولدي  ابتسم ريان ومشى لفوق لغرفته وهو يبي يتطمن على بنته وزوجته وصل لريفان ولقاها نايمه باسها ومشى للغرفه وهو يدخل ويشوف الاضواء مقفله والغرفة مطفي المكيف استغرب واقترب من لين اللي منسدحه وهزها برفق : لين قومي يا قلبي من متى نايمه انتي ماجاه رد وهذه مو طبعها وهزها مره ثانيه : لينو قلبي علامك وهو يهزها يلاه قومـ ي.. انقطع كلامه من حس ببرودة جسمها ولون بشرتها الشاحبه ومايله للبياض والازرق وبلع ريقه برجفه وضع يده امام انفها وفجاة شحب وجهه ...
_____________________
السلام عليكم وياهلا ويامرحبا
البارت ذا اتوقع اطول بارت كتبته فيه اشياء بتتغير توقعو وشهي !
وكمان شيكو على تعريف الشخصيات لاني عدلت عليه واضفت شخصيات جديده راح تعجبكم ❤️❤️❤️
اتمنى ينال اعجابكم وحابه اطلب طلب اذا تحبوني جد انشرو روايتي بكل مكان بالتيك عشان انزل باستمرار وهذه البارت عيدية العيد وكل عام وانتم بخير اتوقع اول وحده تعايدكم 😂❤️❤️❤️❤️
واذا فيه اي غلط مشوها لي 😭❤️
حابه اشوف تعليقاتكم لا جد تبسطني 🥺❤️