"بسم الله الرحمن الرحيم "
•
•
•
وصل ماهر للمركز ودخل وهو يشوف سلمان اللي يتناقش مع ضابط اخر وانتبه لماهر وترك كل شي من يدينه ولحقه لمكتبه دخل ماهر للمكتب وجلس وهو يناظر لسلمان و واضح عليه الغضب : الحين لازم نحاول وندور اي دليل يخليه ينرمي بالسجن
سلمان تنهد : انا حاولت افكر بس مافي ولا حل لازم دليل ملموس
ماهر خطرت بباله فكره وابتسم بغموض : خلها علي والله مو بس اخليه بالسجن الا اذله ولد الكلب
.
عند الجازي اللي كانت تتقهوى مع امها وفجاة سمعت الباب حق البيت يندق بقوه خافت وهي تفكر من اللي يدق
ام الجازي : يا بنتي روحي افتحي الباب تلقينه عمك جاي يتطمن
الجازي انتفضت من مجرد ذكره وهي واثقه انه دخل السجن كيف الح قاطع افكارها طق الباب بقوه اكبر بلعت ريقها وراحت تفتح الباب بخوف اندفع الباب بقوه وما حست الا باللي ماسكها مع شعرها وما كان فيه احد غيره عمها حامد !!!
بدت تصرخ الجازي وفزت امها بخوف وهي تحط على راسها طرحه : كسرررر ان شاء الله فكككك بنتييي يا حاامدد
حامد بغضب وهو يشد اكثر على شعر الجازي : افكهااااا تبيني افكك الكلبه ذي اللي تفتري علييييي
الجازي بالم وبكى : الله ياخذك فكنييييي
ام الجازي انقهرت على بنتها وبقوه سحبت بنتها وراها : حسيبك الله يالظالم تظلم بنتييييي
حامد بقهر وجنون : والله بنتك لذبحها لو تتجرأ مره ثانيه تفتري علي والله ادفنها ومحد يدري عنها
الجازي : حسبي الله عليييييك اللهم ارني عجائب قدرتك في ذا الظالم
حامد بغضب : محد بيسمع لك يا كلبه بس معليه اوريك مع الوقت اوريك مستواك زين مني اني ما رميتكم من البيت وطلع وتركهم
ام الجازي اسرعت تقفل الباب ولفت لبنتها تحضنها بحنان : الله يكسر يدينه هدي يا قلبي
الجازي اللي كانت تبادل امها وتبكي وهي الحين تأكدت ان مافي شي يقدر يوقف عمها حتى العسكري اللي ساعدها واضح انه مع عمها وتسالت امها وش اللي كان يقوله حامد بس ابتسمت وقالت انها مانت بتشتكي عشانه ظالمهم
ام الجازي : نامي يا بنتي عشان ترتاحين
الجازي : طيب وراحت لغرفتها وانسدحت تبكي وتشاهق بحرقه
.
.
عند معاذ اللي دايم تجيه ضيقه ويحس بالم بصدره وهو مابه الا العافيه تنهد وقام يصلي له ركعتين ورجع ينسدح وهو يفكر بريما وشكلها وهي خايفه من القطوه ضحك ورجع نام
.
عند نوف دخلت بيتها بعد ما رجعت من عند اهلها وعلى طول دخلت غرفتها وغيرت ملابسها لبجامه وانسدحت تقلب بجوالها دخل متعب وهو يفسخ ثوبه وينسدح جنبها ويحضنها زفرت بقوه وهي تبعد عنه : ياخي اعتقني خلااصص ابي ارتاح شوي من قربك
متعب سحبها له وحضنها ومتجاهل كلامها : اقول بس العبي بشعري
نوف اللي تحس تنرفزت كيف ما يعبر كلامها وخرت راسه وقامت تجلس على الاريكه : مالي خلق لحركاتك التافه
متعب وهو يحاول ما يعصب وابتسم بقهر : حركاتي التافهه ذي بيجي يوم انتي تتمنين تسوينها لي
نوف ضحكت بصوت عالي : لا صدق انت تحلم كثير !!!
متعب بابتسامه وانسدح : الايام بيننا
نوف قامت اخذت مخده ولحاف لها ناظرها متعب بنص نظره وهو بداخله يحترق من بعدها بس قرر يخليها اليوم على كيفها واعطاها ظهره : طفي النور
نوف تناظر بجوالها : لك رجول قم واخدم نفسك
متعب : قلللتتت طفييي النورررر
نوف زفرت بملل وقامت تطفي النور : والله مو عشانك كله عشان تسد حلقك وانسدحت
متعب يتعوذ من الشيطان عشان لا يقوم ويفتري فيها ونام
ونوف اللي كشت عليه وانسدحت ونامت
.
.
.
اليوم الثاني العصر •
بيت الجد سعود •
الجد سعود كان يتقهوى ومعه الجده منيره وطيف وريما
قربت ريما من ابوها وهي تصب له قهوه وبابتسامه : يالله انك تخليه لنا ذخر وتحفظه من عيون الناس وتبعده عن كل شر
الجد سعود اخذ الفنجال منها وهو يناظرها بطرف عينه : اخلصي علي وش تبين
طيف كتمت ضحكتها وهي تناظر لعبوس ريما والجده منيره تناظرها بفضول
ريما جلست بجنبه وبدلع وتحاول تصير بريئه : طالبتك طلبه لا تردني
الجد سعود بنخوه : ابشري به
ريما ابتسمت باتساع : تكفى يبه نبي نطلع للشاليه حقك تكفى يشهد الله اني بطق من الطفش
الجد سعود وهو يشوب من الفنجال بهداوه : ومتى تبونا نروح
ريما صفقت بحماس : الييوووممم تكفى
طيف :يوووه مهبوله انتي اليوم مايمدي ما تجهزنا !!
الجده منيره : اي والله خلوها بكره
عبست ريما بقهر : لا اليوم الليل طويلللل ويمدينا نتجهز
الجد سعود بحزم : ايه يمدينا الوقت معنا تجهزو وبعطي العيال خبر
الجده منيره تنهدت بقلة حيله وقامت مع طيف يجهزون الاغراض اللي يحتاجونها وريما اللي فزت تحب راس ابوها بسعاده وتهمس : الله يخليك لي
الجد سعود نحنح : خلاص قمي اذلفي ساعدي امك واختك
ريما ابتسمت وهمست له : ابشر بس باقترح عليك شور
الجد سعود ناظرها بمعنى اخلصي همست له ريما بخبث : شرايك ازوجك الثالثه
الجد سعود اللي سحب عصاته بيضربها بس هي فزت قبله وابعدت عنه : صدق فاسختن الحياء !!!
ريما ضحكت : وش قلت الحين عشان تقول فاسخه الحياء
الجد سعود رمى عليها الفنجال بعصبيه : اقلبي وجهك عني لا اقوم امردغك
ريما خافت وركضت للمطبخ
دق الجد سعود على عياله يعطيهم خبر بانهم بيروحون للشاليه بيجلسون اسبوع(" الجد عنده شاليه كبير مسويه له ولعياله واحفاده عشان الاجازات يخرجون له )
.
ريم دخلت البيت وهي ترمي شنطتها وتوقف فوق الكنبه وترقص : اجازه بس اجاااازززززه بسسس
ويارا إللي تقرأ روايتها وقفلت الكتاب وهي تضحك عليها : مبروك عليك
ريم وهي تجلس براحه : الله يبارك فيك
دخل ابو ماهر وجلس وهو يناظر لام ماهر : تجهزو بنروح للشاليه حق ابوي بنقعد فيه لمده اسبوع احتسو بالملابس الجو يبرد هناك بالليل
ريم نقزت بحماس : ذيييي الاخبارررره الحلوه معليك يبه تكه ومخلصين
يارا صفقتها : تكه وش بنطول عشان نجهز اغراضنا
ابو ماهر : اخذو راحتكم بس على الساعه سبعه بنمشي
ام ماهر : اجل يلاه يا بنات جهزو اغراضكم عشان الوقت وماصدقو خبر البنات طلعو عطول كل وحده تجهز اغراضها .
.
لين بحماس : يووننسسسس منجد الاجواء بدت تحلووو
ريان بابتسامه : ايه عشان كذا كثري ملابس
لين : معليك ازهلها وقامت تجهز اغراضها واغراض ريان اللي طلع يساعد العيال بتحميل الاغراض
.
ريما اللي خلصت اول وحده طلعت وهي تسحب شنطتها بحماس : انا خلصتتتتت
لف عليها ابو خالد وابتسم : هاتي عنك
ريما : لا والله انا اشيلها
خالد اسرع وهو يشيل الشنطه : عنك بس
ابتسمت ريما لخالد وشمرت اكمام عباتها : تبوني اساعدكم بشي تراني بالخدمه
الجد سعود طلع وهو يسند نفسه على العصاه : ليتك تساعدين اختك وامك بدال الهذره
ريما بعباطه : ساعدتهم ما بقى الا يلبسون البسهم بعد ؟؟؟
خالد ونواف ماسكين ضحكتهم وتقدم الجد سعود بعصبيه : بقص لسانك يوم من الايام
ريما بمزح وعباطه : عطني خبر قبلها عشان اتلذذ بالاكل قبل ينقص لساني وشردت خلف ابو خالد اللي يكتم ضحكته
الجد سعود بقق عيونه بصدمه من لسانها الطويل : لا عز الله تبيني امردغك
ابو خالد ببسمه : عشاني يبه لا تلمسها
الجد سعود بنظره حارقه : عشان مخلد مو عشان سواد عيونك
وضحكو الشباب وريما ناظرتهم بقهر : انطمو احسن لكم
وكملو الشباب تحميل الاغراض وهم يطقطقون عليها وهي تحارشهم
.
.
راما وهي تكلم نوف وتجهز اغراضها : زي ما سمعت ان ريما الكفو هي مكلمه جدي واقنعته نطلع وبنجلس اسبوع
نوف بحماس : مروني بيروح معكم
راما ابتسمت : طيب كلمتي زوجك ؟؟
نوف بنرفزه : وليه اقوله مو لازم
راما بصدمه :منجدك تبينا ناخذك بدون علمه يعني على الاقل اعطيه خبر
نوف بزفره : قلللتتت مو لازم والحين بجهز اغراضي ومروني اروح معكم
راما تنهدت بيأس: طيب بكلم راكان هو اللي بيودينا
نوف : اجل نتقابل على خير
راما : باي وقفلت وفزت نوف تجهز اغراضها بحماس وهي بحركتها تبي توصل لمتعب بأن مهما سوا وحتى زواجه منها مراح يردعها تسوي اللي تبي
————————————————————
بعد المغرب •
ابو ماهر : وش رايك يبه نخلي البنات بسياره وحده والحريم بسياره عشان يتوسعون
الجد سعود : ايه ما يخالف يا ابوك وزعهم
ابو ماهر: ابشر
ابو نواف : راكان انت المسؤل عن البنات ونواف انت مسؤل عن الحريم الكبار
وماهر بيودينا انا وعمانه وجده بسيارته عشانها كبيره
ماهر : تم يا عم
راكان اللي ما عجبه بس مايبي يجادل ابوه ومشى لسيارة ابوه الجمس الكبير وركب وجات طيف ركبت قدام و المركبه الثانيه كانت جالسه يارا وترف وروان وطيف والمركبه الثالثه فيها ريما وريم وشهد
بالسياره الثانيه عند نواف ركبت الجده منيره قدام والمركبه الثانيه جلست ام خالد وام ماهر وام نواف وام شهد ركبو بالمركبه الثالثه ومشى نواف وهو يبتسم : كيفك يا جده وشخبار صحتك ؟
الجده منيره بحنيه : بخير وانا جدتك انت بشرني عنك ؟
نواف : الحمدالله من العمل للبيت
الجده منيره بابتسامه حانيه : دوم عليك يا وليدي
نواف وهو يشغل شيله ويبتسم : اليوم عيد قولو ليه
الجده منيره وام نواف : ليه ؟
نواف : الله فكنا من جدتي عزيزه
ضربته الجده منيره بعصاتها بخفه : استح على وجهك تراها جدتك !!!
ضحك نواف : والله عاد الله يصلحها ما تخلينا نتهنى بشي كلها مشاكل
ام نواف : الله يهديها بس
ام خالد براحه : اي بالله اننا بنرتاح منها
.
ماهر مشى وهو يسولف مع جده واعمامه
و وصلو قبل الكل عشان ينزلون الأشياء المهمه
الجد سعود : راجو عبيت المسبح ؟؟
راجو عامل الاستراحه : اي يا عم سعود انا سوي زي كلام انتا
الجد سعود : زين زين وراحو يجلسون بالمركى
وماهر اللي يكلم العيال عشان يستعجلون
.
ريما : ركانوه تكفىىى نبي بارنيز
راكان بصوت ثقيل : مو وقته تلقينهم وصلو واحنا متاخرين
راما برجاء : اي تكفى يا اخوي مر ناخذلنا قهوه
روان : اي يا ولد العم نبي قحوه
صفقتها ترف : فشلتينا اسمها قهوه
روان : وجععع
راكان والاخلاق مقفله : بلا هذره ماني موقف مكان ثاني
شهد بكرهه وبصوت مسموع وصل للكل : وععع مسوي معصب ابو راس مربع ريم وريما : ههههههههههههههههههههههههههههههههههههههه
والبنات الباقيات كتمو ضحكتهم
عصب راكان بس بعد ما قالت له طيف انها تبي وافق ووقف عند بارنيز وكل وحده طلبت اللي تبيه
ريما : نبيي اغنيه شغل يا راكونه
راكان : زادت طلباتكم !!!
شهد بجرأة : وش اللي غاصبك تودينا !!
راكان بقهر وهو يناظرها من المرايه اللي معدلها عليها : يا بنت العم تعرفين تبلعين لسانك محد فايق لك
شهد تنرفزت منه وجات بترد بس نغزتها ريم وهمست : اششش خلاص وش بتتهاوشين معه مثلًا ؟؟
زفرت شهد واخذت طلبها اللي وصل وشربت وهي تغني بصوت عالي مع ريما وريم وكانها تغيضه وهو اللي يتوعد لها بعاقب يخليها كل ما شافته تغير طريقها عن طريقه
عند ريان اللي راح لبيت نوف اللي قالت له راما يجيبها بعذر زوجها بالدوام وما يمديه يجيبها
اخذ شنطتها وحطها بالسياره وركبت نوف ورا لان لين مع ريان ومشى وبابتسامه : كيفك نوف شخبارك
نوف : بخير الحمدالله بشرني عنك يا خوي
ريان : الحمدالله بنعمه
لفت لين واخذت احوال نوف وكملو سواليف
.
وصل نواف ونزلو الحريم وسند جدته منيره ودخلو الاستراحه وراح نواف لجده وعمانه : باقي راكان وينه
ماهر : كلمته جايي قاطعهم صوت البوري وكان راكان نزلو البنات ودخلو الاستراحه بوناسه عند ريما وريم وشهد اللي نزلو وهم فاطسين ضحك شهد والدموع تنزل من عيونها من الضحك : ااااهه بطنننيييي مقددرر
ريم بضحك :ذبحتني وربي الطيحه قويه
ريما تضحك وتسحبهم :اقول ادخلو لا يذبحنا راكانوه
ولفت عليه شهد ولقته يناظرها بحده قلبت عيونها بملل ودخل مع البنات
دخلو البنات وحل وحده غيرت ملابسها اللي فستان واللي بنطلون والجده منيره والحريم كانو حاطين القهاوي والحلا والمالح بالحوش بجنب المسبح وحالسين يسولفون وكانت جلستهم مافيها نفس ثقيله
.
راكان جلس جنب ماهر اللي همس له : عسى ما شر ليه مكشر
راكان بنفس الهمس : ديني ودين اللي يجبرني على شي ما كان ودي انا اللي اجيبهم اجبروني اوقف اجيب لهم قحوه على قالت بنت عمي روان
ضحك ماهر عليه: ما يسوى تعصب وتكشر عشان جبتهم وسع خاطرك بس
راكان : الا وين خالدوه ماني شايفه
نواف بتدخل : جاااي بس سلمه جدي لسته مليانه مقاضي وراح يجيبها
ريان وصل ونزلت نوف ومعها لين كل وحده اخذت شنطتها ودخلو للحريم
يارا ناظرت لنوف بفرحه : نووووففف
ام نواف قامت يوم شافتها : يا هلا ماشاءالله جتك الاخبار
نوف ضحكت : اايه وسلمت على امها وجدتها وعلى حريم عمانها وكملت تسلم على البنات وفسخت عباتها وجلست تسولف معهم
ولين اللي غيرت ملابسها لبنطلون وتي شيرت وجلست
.
دخل ريان وجلس ابو نواف : وين غديت انت !!
ريان نحنح : رحت اخذ نوف من بيتها جبتها تقول مكلمه زوجها وتبي تستانس مع البنات
ابو نواف : زين ما سويت اجل
الجد سعود ناظر لابو ماهر ولماهر : اقول يا راشد مو ناوي تزوج ماهر؟؟؟
ماهر انتفض من الطاري وناظر لجده ولابوه
ابو ماهر بابتسامه : الا بالله ان شاء الله قريب نلقا له بنت الحلال وندور النسب الزين
الجد سعود بمحبه لماهر: اي بالله متشوق اشوف عياله
ماهر بتسليك: ان شاء الله يا جد والله يطول بعمرك
نواف بمزح : ماشاءالله يا ما اكتفيت فينا تبي تشوف عيال احفادك
ابو نواف : اعقب يا ولد !!!
الجد سعود ناظره بحده : هو وخالد وعمتهم ريما يبالهم قص لسان
قاطعهم دخول ماجد اللي دخل زوجته لعند الحريم وجاهم : السلام عليكم ورحمة الله وبركاته
الكل : وعليكم السلام
ماجد جلس وهو يخبط فخذ نواف : اي بالله نواف يحتاج له قص من جميع النواحي
نواف بالم وهو يعصر يد ماجد : ارحم فخذ يا هووو تراني ماني وما كمل بسبب يد ماهر اللي حطها على فمه : صدق جدي يوم قال يحتاج لسانه لقص
ضحكو الكل وجاء خالد وكملت الشله بمزح خالد ونواف وماجد
ماهر استاذن منهم وراح بعيد عنهم ودق بالرقم المطلوب وسمع صوت انوثي
الجازي : هلا مين معي ؟؟
ماهر نحنح بصوت رجولي ثقيل : هذه انا يا اختي النقيب ماهر اللي جيتي
قاطعته بغضب : ايه عرفتك انت خدام عمي اللي خليته يطلع اكيد ما طلع الا بخشم الريال انصدم ماهر من كلامها وغضبها وفهم انها فاهمه غلط : بس يا الج قاطعته مره ثانيه وبنفس الغضب : انت ماتدري بحجم المصيبه اللي انا فيها ولا اللي الوضع اللي عايشه فيه وجاي تبي تبرر بعد افعالك ذي كلها !!!!
ماهر حس بعروق يده بتتفجر وهو يعصر بيده من الغضب وتكلم بحده : قاطعيني مره ثانيه والله بتندمين انتي فاه قفلت بوجهه ناظر الجوال بصدمه ويحس بينفجر من الغضب رمى الجوال بقوه وبقهر التفتو عليه الشباب باستغراب من غضبه المفاجئ خالد قرب منه باستفسار : عسى ماشو وش اللي معصبك ؟
ماهر : انقلع عن وجهي احسن لك وطلع وركب سياره ولحقه خالد بس قد انه مشى وترك وراه غبار سيارته زفر ودخل
ماجد : شفيه ؟
خالد جلس : والله علمي علمك قالي انقلع عن وجههي واضح معصب من شي
راكان وهو يدخن : تلقاه معصب بشغله
خالد : الحين انت ما تخاف عني يشوفك !!
راكان ابتسم بخفه ونفث دخانه : ابوي يدري
ماجد بصدمه : منجدك ناصر يدري ومايسوي مصيبه!!!
نواف يشرب الشاهي وبضحكه : اووووه اكيد لا بس ما قدر على عناد راكان
ريان : ذاك اليوم ابوي ضغطه ارتفع بالقوه خفضناه له
خالد بضحكه : والله منت بهين
رامان غمز له بضحكه ابتسم خالد : عطني بجرب
مروان : والله لعلم ابوي
خالد مسك التكايه ورماها عليه : اكل تبنننن يالبزر
مروان : لا تخليني اعلم روان
خالد : لااااا خلاص
ضحكو الشباب نواف : اخس تخاف من بنت !!
خالد : اعوذ بالله ذيك بنت ! ذي متربيه شكلها مع جيك شان
الشباب : هههههههههههههههههههههههههههههههههههههههههههه
مروان : حلوووو صورتك يعنيييي دليل صوت وصوره
خالد فز : والله لتحذفه وفز مروان يراكض : مععع نفسكككك
والشباب فاطسين عليهم
.
البنات اللي كانو مشغلين اغاني ويرقصون طلعو لهم شهد وريم وريما وهم لابسين لبس رفص مصري ساتر وطويل بس فيه فتحه طويله للركبه وحاطين اكسسوار على الخصر ( ان شاء الله تفهمون 😭)
الجده منيره بصدمه : ياويلي ويلاه ما تستحون على وجيهكم ذي تنلبس عند الزوج يا قليلات الحياء
الكل : هههههههههههههههههههههههههههههههههههههههههههههههه
ريما بضحك : يمه بنسوي لك عرض مغري وهي تهز خصرها
الجده منيره : والله لكسر عصاتي على راسك ان ما غيرتي انتي وياها ذي الخلاقين
ام ماهر بضحك وتمسك يد الجده منيره : يا عمه البس ساترعادي وترا جيل عن جيل يفرق
الجده منيره بعصبيه : وش جيله الله يسود وجيييهم
مها بابتسامه : ياعمه مافي احد كلنا حريم ما من رياجيل خليهم على راحتهم
تنهدت الجده منيره : اجل انا ماني ماعينتهم ( تقصد ماتناظرهم )
البنات بحماس : يلااااااه ابدوووو
ضحكت ريم وهي تشغل الاغنيه ويرقصون ويهزون والبنات يضحكون ويرمون عليهم مناديل ويصفرون
ريما قربت من الجده منيره وهي تنزل لها وتهز بصدرها : بصصص الواو خلي الواوووو صححح
الجده منيره تقرصها ريما فزت وهي تهز : ااااااح
الكل : هههههههههههههههههههههههههههههههههههههههههههههه
.
نواف يمسك راسه : زين عماني وابوي وجدي ببيت الشعر وما يسمعون شي
ماجد بضحك : لو يسمع ابوي كذا عز الله يذبحنا
خالد بطقطقه : هيفاء الحب ويعض على شفايفه نواف صفقه : استرجل ولا روح معهم هز
خالد رد عليه الضربه : شدراك انهم يهزون !!!
راكان : لا يكون حاط كاميره !!
ماجد : يسويها والله !
نواف : هيييييي والله ما حطيت شييي بس خمنت
ريان بضحك : لعد تهرج صار كل شي ضدك
نواف : كله من تحت راس ذا ويتعارك مع خالد اللي يصفقه
.
ماهر اللي دخل المركز ونادى بصوت جهوري : سللللماااان
الكل ناظره باستغراب مو بعادته يعصب ماهي الا كم ثانيه وجاء سلمان : هلا وش فيك!
ماهر بحده : الحقني ومشى لمكتبه ودخل وهو يجلس
سلمان توتر ودخل : عسى ما شر يا حاضرة النقيب
ماهر بغضب : راح تتواصل مع البنت اللي رافعه قضيه على عمها وتقول لها لازم تجيب دليل عشان نحبس عمها
سلمان : حاضر شي ثاني؟
ماهر بصرامه : قول لها تصور عمها اذا جاء يتحرش فيها عشان ما نخليه يطلع ابدا وبس يمديك تتوكل وهو يسحب اوراق على مكتبه
سلمان : حاضر وطلع ينفذ كلام ماهر
.
عند الجازي بعد ما قفلت من ماهر وهي تطبخ العشاء لها ولامها وتفكر بحالتها وخاطرها ضايق وخايفه من هجوم عمها عليها مره ثانيه
وقاطعها اتصال برقم غريب ترددت الرد بس تشجعت وردت وبحده : من!!
سلمان برسميه : السلام عليكم انا الضابط سلمان بكلم بموضوع قضيتك
الجازي بغضب: لا يكون بس نفس كلام نقيبك الخاين !
سلمان بغضب : تدرين انك فاهمه غلط ! وغير كذا يمديني انا الحين ارفع فيك قضيه بسبب تلفظك على نقيب كبير مثل النقيب ماهر !!!
الجازي خافت وهي مو ناقصه مشاكل : انا اسفه بس من قهري هو قاطعها سلمان : انتي فهمتي غلط وبد يقول لها الموضوع ويوضح لها وقالها بخطة ماهر بان لازم تصور عمها وهو يحاول يقرب منها
الجازي بندم : طيب وشكرا لك يا حضرة الضابط
سلمان برسميه : العفو وهذه واجبنا وماهر سوا اللي عليه بس اذا جبتي المقطع ابشرك مراح يطلع من السجن
الجازي : يعطيكم العافيه وما تقصرون
سلمان ينهي المكالمه : يلاه مع السلامه وقفل
الجازي بندم وهي تصفق راسها : غبيييييه غبيههه وبكل بجاحه ماقلت كلمه شينه ما قلتها له وقفلت بوجهههه زفرت بقهر وقامت تحط عشاهم وتتعشى مع امها
.
سلمان : سويت نفس ما طلبت و وافقت
ماهر بحده :يعطيك العافيه يا سلمان
سلمان : الله يعافيك
ماهر قام : انا باخذ اجازه لمده اسبوع لاني طالع مع الاهل نبي نستانس
سلمان بابتسامه : تم الله يهنيك
ماهر ابتسم بخفه وشد على كتفه : بعزمك تجيني باستراحة جدي
سلمان : اذا فضيت ابشر ما اردك يا ابو راشد
ماهر ابتسم بمحبه لسلمان : تبشر بالجنه ان شاء لله ومشى لسيارته وحرك للاستراحه
.
.
عند البنات
نوف : تكفوووون عيدووو اغنيه هيفاااااء
روان : لاااا تغثثث
نوف : ااااص بسسس مو منك من دفاشتك
روان : هيي ما اسمحلك
قاطعهم صوت هيفاء وشهد تمسك عصاة جدتها وترقص فوق الكرسي
وتعالت اصوات الضحك من الجده المعصبه عشان عصاتها
شهد وهي تهز خصرها : تيته يا حبيبتي مراح اعض عصاتك
مها : معليش يا عمه شهد عبيطه مراح ترجعها
الجده منيره : عشانك يا مها ولا ذي مابها حياء لا هي ولا عمتها
ضحكت ريما وهي تلف على الجده وترقص : تسلم من علمتني اهز
الجده منيره بتكشيره : الله لا يسلم فيها ولا عظمه
رهف بفجعه : أستغفر الله يا خاااااله
الجده منيره : لا يكون انتي معلمتها !!!
رهف باحراج : والله هي اجبرتني
الجده منيره قامت وهي تولول : لا اله الا الله كني جالسه بمرقص بروح لابو راشد احسن لي عطتها شهد العصاه وكملت رقص
ريما وهي توقف قدامها هي وريم : لا يكون رايحه يمه تهزين لابوي ؟؟
الجده منيره انصدمت وهي تضربها بالعصا ورهبت ريما مع ريم
الكل : ههههههههههههههههههههههههههههههههههههههههه
وراحت الحده لقسم الرجال ودخلت وهي تستغفر ماجد فز لها وهو يسندها : يالله انك تحييها
الجده منيره ناظرته من فوق اهدابها : اقول اص انت ومرتك رافعين ضغطي
ماجد انتفض : عسى ما شر يمه وش فيه !
نواف وهو يسندها من يدها الثانيه : يستاهل عني ماجد وش مسوي
ماجد ناظره بتوعد
الجده منيره : مرتك يا ماجد معلمه ريما تهز م ماجد وهو يحمحم بصوت عالي : يممممه
الجده منيره وهي تتذكر وجود الشباب : وين ابوك !
ماجد : بييت الشعر ومشت الجده لهم ونواف اللي كاتم ضحكته صفقه ماجد بقفى راسه : اعقب
نواف : مقدررر
ريان : وش تهمس فيه جدتي؟
ماجد : بشي ما يخصك
ريان : الوكاد فيه سالفه قويه من تشكيرة جدتي
نواف : اي بالله قويه
ماجد وهو يكتم فم نواف : بسد حلقك بالحذيان لو تهرج
ضحك نواف بكتمه وهو يحاول يبعد يد ماجد
مروان : عز الله بيموت علينا
وفكه ماجد وهن يهدده : والله لنفذ كلامي لو سمعتك تهرج
نواف : خلاص ماني هارج وضحك
خالد : وش يسكت فضولي الحين
ماجد : يسكته عصاة امي شرايك فيها !!
الشباب : ههههههههههههههههههههههههههههههههه
دخل ماهر وهو يبتسم : ماشاءالله صوت ضحككم واصل لاخر الشارع
ماجد : انت وين رحت ومعصب !
ماهر بهدوء : موضوع بالدوام جلس جنب خالد
خالد : لا تكلمني زعلان منك
ماهر ناظره : كلمتك !
خالد تجاهله وكمل يشرب شاهي
ضحك ماهر وخبطه على ظهره : بكلمك الحين
خالد: ظهرررري يا هو وش القوه ذيي
ماهر ضحك : قول ماشاءالله
ماجد : وصلت العين
خالد : ها ها مضحك
ماجد : ما يضحك اصلا
ماهر : تراني اسف من الغضب ما شفت قدامي ومدري وش قلت لك
خالد : خلاص لا تحزن بعذرك
ماهر ضحك : صدق لو ما عذرتني كان امداني بكيت
الشباب : هههههههههههههههههههههههههههههههههههههههه
ماجد : ماتبونا نلعب كوره ؟؟؟
ريان : والله عن نفسي ودي
نواف فز بحماس : تبي نكسر راسك يا عم ؟؟
ماجد ضحك وقام: والله انا اللي بكسرك
نواف ضحك وقام يجيب الكوره
خالد : كيف التقسيم ؟
ماجد : انا وماهر وراكان ومروان فريق
خالد : على كيفك وفريقنا مافيه الا ثلاث !!
صالح :فيه اربعه ماتعرف تحسب وانا عمك ؟
لفو عليه وابتسم ماجد :ها صالح معكم
خالد ابتسم : فيك شده يا عم ؟
صالح ضحك : اااافااا شايفني كبير بالعمر !!
خالد ضحك : حشاك والله
نواف جاء : يلاه كيف التقسيم ؟
بدا ماجد يقولهم وانتشرو نواف يكلم خالد ويخططون كيف يلعبون وطلع الجد سعود والجده منيره وعيالهم جلسو يتفرجون على الشباب
.
نوف اللي كانت تضحك وتسولف مع البنات قاطعها اتصال جوالها ودخلت داخل بيت الاستراحه وردت متعب : السلام عليكم
نوف :وعليكم السلام وش تبي !
متعب ابتسم بحب : دقيت اقولك وش تبين اجيب لك معي وانا جاي من الدوام ؟
نوف ضحكت بسخريه : ومن قالك اني بالبيت ؟
متعب استغرب : ها كيف من قالك اجل وينك انتي ؟؟
نوف عدلت شكلها وقربت من باب البيت عشان يسمع الاغاني وفتحت كام : انا اعيش اجمل ايام حياتي مع ناس تفتح النفس
متعب ناظرها بصدمه : اانتتتيييي وينكككك !!
نوف ضحكت وهي تهز مع الاغنيه : مو لازم اقولك
متعب بغضب : نووووووووووفففف تكلمييي احسن لك
نوف تغني بصوت عالي مع الاغنيه : مخاصماك وابعد عني انا مش طيقاك
متعب وقف السياره وبصراخ : نووووف يا كلللبببه ويننكككك وربي لتندمينننن
نوف بضحك استفزازي : اجل انا كلبه !! اوكي حبي تجنن لحالك وقفلت بوجهه وهي تحس بردت شوي من حرتها وغبنتها منه وراحت للبنات تتقهوى وتسولف ولا كانها سوت حاجه
عند متعب اللي يحس قلبه بيتفجر من القهر والافكار تاخذه وتجيبه معقوله طالعه مع صحباتها ومسوين حفله مختلطه !! ما تحمل ودق بسرعه على نواف وكان مايرد دق اكثر من مره ومافي اي رد انقهر وبسرعه دق على عمه
عند ابو نواف يتفرج على الشباب وهم يلعبون وفجاة رن جواله باسم متعب ورد متعب بصوت غاضب وحاد : عمي نوف عندكم !
ابو نواف باستغراب : ايه يابوك وش فيه كانك مو داري ؟
متعب بحده : لا والله مو داري بنتك طلعت من بيتي ولا فكرت تعطيني خبر
ابو نواف فز واقف بصدمه : كيييف كذااا !! ريان قايل لي انها ماخذه اذنك
متعب بغضب : لا والله ما اخذت اذني ولا هم يحزنون وادق عليها ترد علي ولا تعلمني وينها انتم وينكم يا عم ؟
ابو نواف : حنا باستراحة ابوي عند ******** تعال وانا عمك والله لرجع اربيها
متعب برجاء : طالبك ما تلمسها يا عمم
ابو نواف تنهد : ابشر وقفل متعب وهو يسوق بسرعه جنونيه وكل تفكيره كيف بيقدر يتحكم بغضبه وقت يشوفها
.
ماجد بفرحه ويركض يحضن راكان : ككككككففففووووووو ثلاثثثثثه واااااحددددددد
راكان بادله وهو يضحك : ها يا خالدوه قلت مو لعيبين !!
خالد بقهر : والله عمي صالح احول الكوره قدامه يشوت رجلي
الكل : هههههههههههههههههههههههههههههههههههههههههه
صالح بصدمه وضحك : يا ولد حشرونيييي ماهر وراكان
نواف : اقول انتبهو بس والله لو ما نجيب هدف ممكن انجلط
وكملو لعب بين هوشة صالح وخالد لبعض
.
ريما بحماسس وهي تتفرج من عند الباب : تعالوووو نتفرج العيال يلعبون كوررره
فزو البنات يتفرجون والحريم يتقهون
ريم بهمس تشجع : ااي اييي لاااااا
شهد بتشجيع وحماس لمن دخل صالح الكوره وجابو هدف : كفوووووووو يييببه
صالح ناظر للباب وضحك وهو ياشر لشهد
نواف ابتسم : الحمدالله ما انجلطت وجبنا هدف طرقققق عنكمممم
مروان : حبيبي حنا ثلاثههههه
ريان : ويعني بيننا واحد ترا مو فرق
رهف بزعل تهمس للبنات : ليه يزعلون مجودي
البنات ناظروها وناظرو بعض : ههههههههههههههههههههههههههههههههههههههههههههههههههههه
وفجججججاة قاطعهم صوت دق البااابببب بقوه
___________________________________
اتمنى ينال اعجابكم 🤍
واعطوني رايكم بالبارت واتمنى اشوف على البارت تفاعل 🤍
واعذروني اذا فيه اي اخطاء
أنت تقرأ
احتريتك من بين كل البشر وسميتك عشقي وفرحة سنيني
Actionالكاتبه شهد✍🏻 اول روايه لي وان شاء الله تنال اعجابكم 🤍 • اختصار للروايه ؛تتكلم عن حياة الجد سعود وعياله واحفاده ويومياتهم والاحداث والمغامرات اللي تصير معهم •• "" لا استبيح النقل او الاقتباس ""
