"بسم الله الرحمن الرحيم "
•
•
•
•
" بالمستشفى "
• بعد دخول نوف بساعه لقسم الولاده •
كانت ام نواف ونواف وريان واقفين بصالة الانتظار الخارجيه بعد ما اخذو الدكاتره نوف عشان يجهزونها للولاده وكانت ام نواف تبكي وتدعي خوف على بنتها والقلق ياكلها اكل وريان يهدي بامه ونواف يحك كتفه بالم وهمس بخفه : حشى مو سنون سكاكين !
وفجاة شافو متعب جاي من بعيد يركض وقف قدام نواف يسال بقلق : نوف وينها وش صار معها
نواف : دخلوها قسم الولاده وبتولد الحين
متعب سلم على عمته سالها : علامها يا عمه كانت تشكي شي اليوم ؟
ام نواف : لا بس الفجعه خلتها تولد بسرعه
متعب : فجعة ايش ؟؟
نواف حك راسه وقاطعهم خروج الدكتوره وهي تبتسم وتسحب معها عربتين :الف مبروك والحمدالله على سلامتها
متعب فز بفرحه واقترب من عياله حس رجوله تتراعش من الفرحه
وردت عليها ام نواف وهي تمسح على احفادها : الله يبارك فيك يا قلبي كيفها نوف الحين
الدكتوره : تمام التمام بس الحين يساعدونها تغير وبعد ساعتين يمديكم تروحو لها
هزت راسها ام نواف وقامت تدعي لها واخذت الاطفال معها عشان ينظفونهم ومتعب ابتسم بفرحه وهو يشوف عياله واخيرا اقترب منه ريان بابتسامة : الله يحفظهم لكم والحمدالله على السلامه نوف
متعب : اللهم امين والله يسلمك
نواف خبط كتف متعب بابتسامة : الله يحفظهم لك
متعب ببسمه: امين
..
عند راما اللي نظفت مكان اختها واتجهت ترتب الغرفه اللي مجهزينها لولادة نوف رتبت مفرش السرير واسرعت تبخر ودخل عليها راكان بفرحه : نووووف ولدت
راما حطت المبخره على الطاوله وبفرحه : ااامااانه من قال لك
راكان بابتسامة : توه نواف مقفل من عندي
راما : الحمدالله اللي يسر لها الولاده
راكان : اي والله الحين انا بروح اجيب الحلا والمالح وبجيب كل شي ناقص وانتي جهزي القهوه والشاهي
راما : ابشر ابشر وراحت للمطبخ واتجهه راكان عشان يجيب اللي قال عنه
.
.
عند ريما اللي كانت تحط ميك اب خفيف وكانت لابسه وكانت لابسه بنطلون جنز غامق وعليه بلوزه ضيقه وقصيره لونها ابيض وكانت تدندن مستغله عدم تواجد معاذ بالغرفه وقاطع عليها روقانها الاتصال وكانت طيف وردت ريما بعد ما اخذو احوال بعض هتفت طيف بفرحه : ترا نوف ولددددت توها وجابت بنت ولد
ريما فزت بفرحه : منجدكككك !!!
طيف : اااايييه
ريما :ياويلي مايمدي اجييي حنا مسافرين شهر العسل بالنرويج
طيف ضحكت : ماشاءالله ماشاءالله عادي بعد سفرتكم
ريما : والله مايمدي الاحق باقي ثلاث ساعات وباقي ما رحنا المطار
طيف : اصلا نوف بعد ساعتين بيطلعونها لغرفه ثانيه مطوله ويمديك تكلمينها
ريما بحماس: ايييه بس بشوف انتاجها
ضحكت طيف : لاحقه خير
ودخل معاذ وهو يشوف كشخة ريما ومبتسم وهتفت : طيوف اكلمك بعدين وقفلت ولفت عليه بفرحه : تخيللللللل نوووف بنت اخوي ولدت وجابت توائم بنت و ولد
معاذ ابتسم وقرب منها : مبروك لكم والله يحفظهم لامهم وابوهم
ريما بفرحه : امين
معاذ : تصدقين انك تهبلين
ريما حكت رقبتها وهتفت بنبره تحاول قدر ماتقدر ماتوضح خجلها : لو ما قلت لي كان امداني مادريت
ضحك معاذ بعلو وهتفت ريما : خلنا نخلص تجهيزات ماباقي شي على السفره واسرعت تبي تلبس عبايتها وسحبها من يدها معاذ وارتطمت بصدره : ليه تتهربين مني هاه !
ريما بدت تحس بحراره بوجهها : ماني قاعده اتهرب انت تتوهم شكلك
معاذ : ماظنتي والله ودفن وجهه بعنقها وهمس : نبي توائم زي ما جابت بنت اخوك
ريما حست باطرافها متجمده من حركاته وكلامه : مـ .. مـعـاذ و. خر.. شوي
معاذ ابتسم وهو عارف انه وترها وهذه اعجبه وهمس مره ثانيه : ليه تراك زوجتي
ريما وهي تحاول تدفعه من صدره بس كان معاذ اقوى منها وتكلمت بتوتر: معاذ بناجل السفريه لبعدين الحين نوف ولادة ولازم اروح ازورها
معاذ وخر عنها : والله ماني تارك السفريه ورجلك على رجلي ترانا عرسنا وعندنا عذرنا
ريما بتكشيره : اصلا سفره كذا وحدانيه احسها مافيها حماس
معاذ ابتسم بخبث : انا عندي لك فعاليات بس بتكون بالنرويج
ريما بدت تنكنم من نغزاته واسرعت تلبس عبايتها : متى بنمشي
معاذ مسح على خشمه وهو كاتم ضحكته من تعابيرها : الحين بس اجهزي بخليهم ينزلون لنا الشنط
ريما : تمام واتجهت ريما تلبس نقابها وطلعت بعد ما اخذت شنطتها اليد ولقت معاذ يكلم المساعد اللي يشيل الشنط ولمحها ومسك يدها ومشى ونزلو لسيارتهم وركبت ريما ومعاذ كان يشكر العامل وركب بعدها وسم بالرحمن وشغل سيارته ومشى وريما اللي متحمسه لاول مره بتسافر
.
.
شهد نزلت بفرحه وهي تصوت لامها وابوها : يييممهه يبهه نوف ولدت وجابت بنت و ولد
فز صالح بفرحه ومها كذلك : من بشرك
شهد بابتسامة: طيف تقول توها درت من راما
مها : الله يقومها بالسلامه
شهد : امين امين
شهد : اجل انا بروح اساعد راما
صالح رفع حاجبه : بتروحين تساعدين ولا عشان حبيب القلب !
شهد انصدمت واستحت بنفس الوقت ما توقعت يقولها كذا : هاه !! لا يبه وشذا وربي رايحه عشان راما
مها ضحكت على خجل شهد الواضح : روحي يا قلبي ابوك يمزح
شهد ركضت لغرفتها تتجهز وضحك صالح : بديت اغار من راكان هذه
مها بابتسامة: يا زينهم خلهم يعيشون حياتهم
صالح : زي ما عشناها قبل 20 سنه
ضحكت مها : ايييييه
وقهقه صالح وحب راسها وجلس معها يكملون قهوتهم
.
ترف كانت مع راما تساعدها جاتها قبل نص ساعه وشهقت راما وهتفت راما بخوف : علامك !!!
راما : ما اخذو شنطة نوف !!!
ترف بفزعه : معليك باخذها انا جهزيها وانا اوصلها
راما : اجل انتظري بروح اجيبها
ترف : جهزيها وانا بروح البس عبايتي واكلم يا خالد او مروان يوصلني
راما : طيب وراحت ترف لبيتهم وراما تجهز الشنطه
ترف دخلت بيتهم وهي تصوت بصوت عالي : مرررررواااانننن
مروان : بسم الله شفيك انتي تصارخين
ترف : فز بنت عمي ناصر ولدت وبنوصل شنطتها مافي احد يوصلها ويحتاجونها ضروري
مروان : اووووف انا توي رايح مع روان تجيني انتي !!
ترف : ياخي ماعندي غيرك تكفى يا مروان راما مسكينه حايسه بالبيت ماعندها احد يوصل الشنطه وانا فزعت لها
مروان فز من سمع اسمها ونحنح : يلاه انتظرك بالسياره
ترف : كفكفوووو واسرعت تلبس عبايتها
وطلع مروان وهو يرفع شعرها لفوق ولمح البنت اللي تحمل شنطه كبيره وانصدم بانها راما ! وكانت تسحب الشنطه لبرا بصعوبه وما حس بنفسه بانه تعمق بالنظر الا من ترف اللي ضربته على رقبته : غض البصر يا نسونجي !!
مروان كح بتصريفه : وش قصدك كنت سرحان
ترف بخبث : ايه واضح واتجهت لراما اللي من سمعت صوت ترف وشافت مروان اسرعت تدخل البيت وهتفت ترف : يلاه توصين شي باخذها بس ايت مستشفى
راما : *******
ترف : ابشري واشرت لمروان واتجهه يشيل الشنطه وطلعو وحطها بالسياره وركبو واتجهو للمستشفى
.
.
عند ام نواف : ريان كلم راما قول لها تجهز شنطة نوف واحد منكم يروح يجيبها
ريان : نواف روح انت
نواف : على كيفك تراني الكبير وانت الصغير روح انت
ام نواف بعصبيه : واحد منكم ينقلع يجيب الشنطه بسرعه
زفر ريان وقاطعهم اتصال راما لهاتف والدتها وردت عليها ام نواف وهتفت راما : يمه ترا ترف جايه عشان توصل الشنطه لان انا ماعندي احد يوصلها وراكان مشغول معي بالضيافه وهي قالت بتوصلها مع مروان
ام نواف : الله يسعدك ويوفقك كنك حاسه توي اقول لاخوانك واحد منهم يوصلها
راما با ابتسامة : امين يا روحي وترف ما قصرت فزعت لي
ام نواف : يلاه وانا امك جهزي غرفة اختك والضيافه
راما : ابشري وقفلت
وهتفت ام نواف : خلاص ما يحتاج احد يروح جايه بنت عمكم الله يحفظها لاهلها وجايبه معها الشنطه
نواف : مين ؟؟
ام نواف : ترف واخوها مروان الله يحفظهم
نواف همس بابتسامة : كثرانه الصدف اشارة ربانيه
ريان : وش قلت ؟
نواف : ولا شي واتجهه يتكي على الجدر ويمسح على شاربه
.
شهد بعد ما تجهزت وهي ترش عطرها وتبتسم برضى على شكلها النهائي كانت لابسه بنطلون اسود جنز وبلوزه بكم والجهه الثانيه بدون كم وماسكه شعرها من النص وشادته ومسويه ميك اب ناعم بارز ملامحه الجميله وغمازاتها ولبست الشرشف واخذت جوالها ونزلت ولفو عليها صالح ومها وهتفت : ياربي على الجمال
ضحكت شهد وهفت شعرها بثقه : طالعه عليك ولا يبه وغمزت
ضحك صالح : انشهد انك نسختها المصغرى
ابتسمت مها : يلاه وانا امك ساعدي بنت عمك
شهد : ابشري
صالح : ساعديها مو تطقين هرج مع ركونك
ضحكت شهد واسرعت تخرج وضحكو صالح ومها عليها واتجهت شهد لبيت عمها ناصر وطقت الباب واسرعت راما تفتح لها ودخلت شهد تسلم عليها وبدت راما تحكي لشهد كيف جاء لنوف الطلق
.
ركن مروان سيارته بالمواقف ونزل هو وترف ونزل الشنطه وسحبها معه وترف تمشي جنبه واتجهو لداخل المستشفى وهم يسالون عن غرفة نوف ومشو بعد ما قالت لهم الممرضه وطلعو للدور الثالث وكانو يمشون ألى ان لمحو ريان ونواف وقربو منهم وهتف مروان بالسلام وردو عليه الشباب
مروان : هنا الغرفه ؟
ريان : ايه بس بالداخل متعب انتظر دقايق
مروان : اجل دخل الشنطه
ريان : هاتها واخذها منه ودخل بها وترف اللي واقفه جنب مروان وتشعر بنظرات نواف اتجاها بس متجاهله وهتف لها مروان بهمس : اجلسي هناك على الكراسي اللي كانت تبعد عنهم بكم خطوه واتجهت تجلس وخرجت جوالها تلتهي فيه
ودخل ريان بالشنطه واسرعت ام نواف تفتحها وتخرج الاشياء اللي محتاجتها نوف ومتعب جالس جنبها وماسك يدها ينتظرون قدوم ابنائهم من الحضانه
بالخارج كان نواف يسولف مع مروان ولاحظت ترف قدوم ممرضتين ومعهم طفلين وفزت بحماس وهي تسالهم : هذول بيبي نوف ؟؟؟
الممرضه : ايوا
ترف وهي تبتسم بحب : انتظري باصور ورفعت جوالها تصور ولف عليها نواف مروان وترف شويتين وتاكلهم من الحلاوه اللي تشوفها وبعدها دخلو الممرضتين وهم يباركون لنوف اللي ابتهج وجهها من الفرحه وشالت ولدها ومتعب معه بنته اللي وده ياكلها وباس خدها وهو يسمي وابتداء يكبر باذنها وريان وام نواف مبتسمين ونوف كذلك ومد لها البنت واخذ الولد ويكبر باذنه كذلك وبعد ما انتهى وهو يبوس راسه وابتسم وهو يشوفه يفتح عيونه واتجهه له ريان : يا ماشاءالله الله يحفظهم لكم
متعب ونوف : امين
ام نواف : يلاه عقبالك مابقى لزوجتك شي على ولادتها
ريان ابتسم : اي بالله وش بتسمونهم ؟؟
نوف ابتسمت : بنتي غيم الولد سمه انت يا متعب
متعب ابتسم : دامها الحلوه ذي غيم ولدي غيث
ام نواف بابتسامه: الله يجعلهم بارين فيكم والله يخليهم لكن
نوف ومتعب بفرحه : امين
نوف : يمه من جاب الشنطه ؟
ام نواف : ترف
نوف : وينهااا !
ام نواف : برا بس مدري مشت او لا
متعب : بطلع انا وخليها تدخل
نوف : طيب ومد لعمته غيث واخذته ام نواف وطلع متعب مع ريان رحب مروان بمتعب وهو يبارك له وهتف ريان : خلاص يا مروان خل اختك تدخل
مروان لف على ترف واشار لها تدخل واسرعت تدخل بحماس وسلمت على ام نواف واتجهت لنوف تحضنها وبعدت وهي ميته على عيالها : يلبييييييه الحلوين هذه الانتاج الصح ولا بلاش
ضحكت نوف وام نواف على كلام ترف وشالت ترف البنت : وش بتسمونهم ؟
نوف ابتسمت : سميت البنت غيم ومتعب سمى الولد غيث
ترف بوجهه متخرفن على لطافة الاطفال: يا عيوني على الاسماء الحلوه
ام نواف : يلاه عقبال ما تتزوجين وربي يرزقك مثلهم
استحت ترف وضحكت : باقي صغيره
نوف : انا اصغر منكم وشوفي معي اثنين
ترف حمر وجهها : الله كريم
وضحكو ام نواف ونوف
.
كانت شهد تسولف مع راما ومندمجه بالسواليف وقاطعهم ترحيب راكان : يا مرحبا انا اقوووللل ليه البيت منور
شهد ضحكت وهفت شعرها : عشاني موجوده
راكان ابتسم وجلس جنبها : اي بالله عشانك
راما عدلت جلستها بحماس وهي مستمتعه بنظرات الحب اللي بين شهد وراكان
شهد ابتسمت وهي تناظر راكان : يلبى المحلق
راكان ابتسم وهو يمسح على لحيته : كيف بس اخقق ؟
شهد بغيره : ايه بس ياويلك تتجرأ تخقق غيري
راكان ضحك بمتعه : صح وش اسمها اللي غرتي منها
راما بحماس : تولين
شهد لفت عليها وناظرتها بحده : لا يشيخه بعد اوصفيها !!
راما وراكان ضحكو بقوه من تعابير شهد كانت عيونها تقدح شرار غيره
اكره ما عليها انه احد يحط عينه على شي لها والله يعنيه من يجرب غيرتها القاتله
راما بقهقه : ترا قلت اسمها ما وصفتها وشبلاك
شهد : وعاد من زين اسمها
راكان يفصفص ويراقب شهد باستمتاع : يا لبى الغيوره
راما : توك ما شفت شي مره صار موقف وكما نلعب صراحه وجرائه وشهد بغت تاكل تولين وذكرتها بالموقف اللي صار معكم
راكان ضحك وهو يدف بكتف شهد : لهدرجه تغارين !
شهد تخصرت : مسوي طالع منها !!!
راكان بابتسامة واثقه : محد يقدر يخليني اغار ولو تنطبق السماء على الارض
شهد ضحكت بعلو صوتها : جاك يا مهنا ما تمنى اجل اسمعي يا راما قبل لا اصيره حلاله كنا بالسوق انا وريما ومعنا يارا ورحت انا اجيب بجامه والبنات مو معي وجاني نسونجي يغازل ولو تشوفين روبن هود وش سوا
فطست راما من اللقب اللي اطلقته شهد على راكان اللي يفصفص بقوه وهو توه يتذكر الموقف وكملت : بغى يذبحه لو ما وقفته انا وقال ايش مو اي احد يخليه يغار اسمع يا حلو انا شهد مو اي احد وغمزت له وعدل راكان جلسته بغيض وهو الموقف يتكرر بباله ورمى الفصفص بقوه : ادري انك شهد حقتي بس لو تطرين ذاك الموقف بزعل
ضحكت شهد وراما اللي فاطسه عليهم من اول ما جاء راكان واستمرت سواليفهم ومزحهم لبعض وراما مبسوطه فيهم
.
.
مروان وهو يكلم ترف عشان يمشون وهي رافضه عشان تبي تجلس مع نوف وخالتها ام نواف وميته على عيال نوف ومروان رافض يخليها وهتفت بمحاوله : مروان بلا نذاله ابي اجلس معهم
مروان : اقول مافي جلسه ماني فاضي رايح جاي على المستشفى
ترف : ياخي وش فيها التعب على السياره مو عليك
قاطعهم صوت نواف اللي هتف بنبره ثقيله : يا مروان خل بنت العم حنا نوصلها مع امي ونوف
ترف لاول مره تفرح بشي يقوله نواف ودها لو تضمه على كلامه وهتف مروان : متى بتمشون يعني
نواف : مدري والله امكن بعد ساعتين او اكثر
مروان : طيب توصي شي ؟
نواف : سلامتك
ومشى مروان وما بقى الا ترف ونواف ريان ومتعب كانو عند نوف
وهتفت ترف : شكرا
نواف : ولو مابيننا
ترف : احلف ! مابيننا شي اكيد واتجهت تجلس على الكراسي ضحك نواف واتجه لها وجلس بالكرسي الثالث كان بينهم كرسي فاضي وهتف وهو يمسح على شاربه : الحين انا فهمت ليه انتي جيتي
ترف التفت عليه : وليه جيت ؟
نواف ناظرها بابتسامة وغمز لها بنهايه كلامه : عشان تشوفيني
ترف ناظرت فيه من فرق لتحت : والله لو ما يبقى الا انت ما جيت عشان اشوفك وبعرف الثقه ذي من وين تجيبها !!!
نواف : ماخذها منك وضحك ترف كشت عليه وقاطعهم جلوس عجوز بينهم
وهي تستغفر ونواف صد عنها وهتفت لترف : جايه لمن يا بنت ؟
ترف : جيت لبنت عني توها والد
العجوز بابتسامة : عقبالك انتي وياه
ترف انصدمت وكذلك نواف اللي ما يقل عنها بالصدمه وناظرو بعض وجات بتوضح ترف للعجوز قاطعها نواف : امين يا خاله
العجوز : ماودي اتدخل بينكم لكن وشبكم على بعض صوتكم كان عالي وكنكم تتهاوشون
نواف بابتسامة مستمتعه وهو يحدق بترف اللي تحس بدوخه من سوء فهم العجوز : عادي يا خاله هوشات بسيطه بين اي متزوجين
ترف جات بترد لكن قاطعتها العجوز : معليه وانا خالتك تصير بين المتزوجين كلهم
ترف فزت وهي منفجره : تراك فاهمه غلط يا خاله هذه مو زوجييي !!
نواف بتمثيل : شفتي يا خاله لوين توصل بزعلها !
العجوز : من حقها دام ذي الرزه كلها لها
نواف كتم ضحكته وترف اللي تحس بتنهار وصدت عنهم وخرج متعب ويتبعه ريان واسرعت تدخل لعند نوف وهتف نواف للعجوز : ادعي تكون من نصيبي
العجوز انصدمت : ليه هي مهي زوجتك ؟
نواف بضحك : لا بنت عمي
العجوز : اها لا معليك دامها بنت عمك البنت مالها الا ولد عمها
نواف : صادقه وقام يتجهه لمتعب وريان وهو مروق عكس ترف اللي من دخلت لعند خالتها ام نواف ونوف وهي مكشره ومحد لاحظها الا نوف اللي استغربت تعابير ترف اللي فسخت نقابها وام نواف كانت تلبس عيال نوف ونوف تعدل طرحتها عشان خلاص بتخرج على مسوؤليتها لان جتها ضيقه من المستشفى وترف كانت تساعدها ودخل نواف وهو ينحنح واسرعت ترف تلبس نقابها وصدت عنه وهتف وهو يقرب من نوف يسلم على راسها : الحمدالله على السلامه
نوف : الله يسلمك
نواف : المفروض تقولين لي الحمدالله على السلامه اكلتي كتفي
نوف بغيض : تستاهل
ام نواف : عاد سوا لك طلق طبيعي وش تبين اكثر من كذا
نواف : يسلم منطوقك يا ام نواف
ام نواف ضحكت : عن السخافه واخذ شنطة اختك وطلعها
نواف : طيب بس ابي نوف بكلمة راس
ام نواف تنهدت : الله يستر منك وطلعت ام نواف وهي شايله غيم وغيث عند نوف وترف لحقتها واسرع نواف يجلس جنب نوف : نوف طالبك ما ترديني
نوف باستغراب: وش عندك تكلم
نواف : ابيك تركبين مع ريان ومتعب وامي معكم والحين ابيك ترسلين للكفتريا عشان تطول وانتم تمشون واذا سالو عنها قولي انها مشت مع اخوها وانا اللي بجيبها
نوف انصدمت من خطة نواف وبدت تهوجس وش بينه وبين ترف بالاصل ما كان واضح انه بينهم شي وهتفت : وش بينكم انت وياها !!
نواف : ولا شي بس انا ابيها وهي كارهتني وانا اعرف كيف اخليها مو بس تحبني الا تعشقني
نوف : لا والله مقدر كلامك ما يخش بالعقل منجدك انت اصلا لو احد شافكم بالغلط مع بعض قسم بالله لتروح فيها ترف انت رجال بيقولون الغلط مو منك منها
نواف : نوووف انا ادري بكل اللي قلتي عنه بس قسم بالله مو جايها مني شي ولا احد بيهرج عليها
نوف : اوووووف طيب خلاص
نواف ابتسم : كفوو يا عين نواف انتي وفز يطلع ودخلت ترف وهتفت لها نوف : ترف يمديك تروحين الكافتيريا تجيبين لي قهوه وشي ينوكل
ترف : ابشري الحين اروح ماتبغين شي ثاني ؟؟
نوف : لا
ترف : طيب وطلعت ودخل متعب يساعد نوف اللي لبست نقابها واستندت عليه وهو شايل غيم بحضنه وماسك يد نوف اللي تمشي خطوه خطوه وريان شايل شنطة اخته وام نواف معها غيث وهتف نواف : خلاص روحو بسيارة متعب وانا بجيكم بسيارتي
ام نواف : وينها ترف ؟؟
نوف هتفت بسرعه : مروان اخذها
ام نواف : غريبه مشت ما قالت مع السلامه
نواف : كان مستعجل
ام نواف : الله يحفظهم ومشو لبرا ريان حط شنطة نوف بالشنطه حقت السياره وركبت نوف وام نواف جنبها واخذت نوف غيم من متعب اللي ركب يسوق وريان جنبه وحدقت نوف بنواف بمعنى انتبهه وابتسم لها بخفه وهو يقفل باب السياره ومشى متعب واتجهه نواف للكافتريا وهو يشوف ترف واقفه تنتظر تطلب بسبب الزحمه وقرب منها يهمس : خلاص ماله داعي تطلبين
ترف انخرشت من قربه : وش تقول انت !
نواف : اقول انه نوف وامي راحو ما بقى الا انتي
ترف انصدمت وطلعت من الانتظار : هااااه كيف كذا !!
نواف : مافي مكان لك وانا الل بوصلك
ترف : تخسي امشي معك ليه مكتوب على جبيني مضيعه نفسي ؟؟؟
نواف : بكيفك عاد ماتبين تمشين معي روحي مشي
ومشى وتركها واسرعت تتصل بنوف اللي ماترد واسرعت تطلع وهي تحس مغبونه من نواف وثقته واتصلت بمروان وما يرد عضت على شفايفها بقهر وقفت خارج بوابة المستشفى وهي واضح عليها الخوف والتوتر لاول مره تكون لحالها بالخارج وفجاة وقف قدامها نواف وهو يبتسم : اركبي ماني ماكلك
ترف : اذلف عني
نواف : اذا ما ركبتي بتضيعين ترا !
ترف بصراخ : مالك دخللل فيني ؛ بسبب صرختها لفتت انتبهه شخص واقف واتجهه لهم : فيه مشكله ؟؟
نواف : لا توكل على الله وانتي اركبي
الرجال : على كيفك !! جالس تضايق بنت الناس ما تستحي على وجهك !!
ترف انفجعت من الرجال ونبرته الغاضبه
نواف صر على اسنانه : لا تحشر خشمك بشي ما يخصك والحين توكل !!!
الرجال وهو ماد يده قدام ترف عشان يحميها : لا صدق ان قليل ادب قليله فيك ياللي ما تربيت تعالي اختي معي اوصلك
نواف نزل من السيارت والغضب عاميه وسدد لكمته بوجهه الرجال اللي رجع ورا منها وترف صرخت بخوف واشتبك نواف مع الرجال وقامت تصارخ بالنجده واسرعو رجال الامن يفرقون بينهم وكان الرجال خشمه ينزف ونواف ثوبه مقطوع ورقبته مخمشه واسرعت ترف تمسك يد نواف عشان يوقف : تككففىى وقفففف
رجل الامن الخاص بالمستشفى: صلووو على النبيي
الرجال : قليل النخوه هذه جالس يتحرش بالبنتتت !!!
ترف وهي تبي تنهي المشكله عشان لا تكبر زياده: هو زوجييي مو متحرش !!!
الرجال انصدم ودفع نواف رجال الامن بقوه وهو يناظر بترف بغضب وهتف بحده : اركبي !
ترف انفجعت من تعابيره واسرعت تركب السياره ونواف صعد وهو يشغل السياره ومشى وهو يسوق بسرعه وترف هتفت باسف : اسفه ما توقعت بيصير كل ذا
نواف ما رد عليها وكان قابض على الدركسون وهو يتنفس بقوه من القهر وفكره منشغل كيف انه مستحيل يتقبل فكرة ان فيه احد غيره يقدر يحميها او ياخذه !
ترف : نواف اكلمك انا !
نواف لف عليها : كلمتك مراح تتثنى !
ترف : ايت كلمة !
نواف : اني زوجك
ترف وسعت عيونها بصدمه : تمزح ؟؟؟
نواف بجديه : لا
ترف : انا ما افكر اتزوج الحين وكتفت يدينها
نواف: اجل تخطبين لي ؟
ترف : تم ولفت تناظر الطريق
ابتسم نواف بخفه وراقب الطريق
.
وقف متعب امام منزل الجد سعود ونزل بسرعه ياخذ غيم منها ويساعدها تنزل وام نواف شايله غيث وريان شايل الشنطه ويفتح لهم الباب ودخلو وهم يخطون بشويش عشان نوف وطرق ريان الباب واسرعت راما تفتح الباب وهتف بسرعه ريان : ادخلي بسرعه متعب معي
واسرعت راما تهتف لشهد وراكان طلع عشان ينبهه ريان بان شهد موجوده وصعدو لغرفة راما وصوت راكان لهم يدخلون ودخلت نوف وابتسم راكان يرحب فيها
راكان : لا بسم الله عليك غزال ولدتي وجيتي مو كنه بدري ؟
ام نواف : الله يهديها ماتبي تجلس الدكاتره نبهوها وعيت الا تطلع
راكان ابتسم وبدا يسندها : خلوها اللي تبيه يصير
نوف ابتسمت : وين راما ؟
راكان : صعدت لفوق مع شهد عشان متعب وريان
نوف : بعد ما يروح متعب قولهم يجون
راكان : ابشري
ودخلو مجلس الحريم اللي كان مجهز لنوف بسريرها واسرة عيالها وجلست وهي تفسخ عبايتها كانت لابسه قميص قطني واخذ راكان غيث : عز الله انه حلو يشبهني
ضحك متعب : اقول انا ابوه يشبهني
راكان : عين خير شف بس شف خشمه طويل زيي
ضحكت نوف ومتعب ومد غيث لها واخذته واخذ غيم : اعطوني ذي واخذو ولدكم
نوف : استعجل بزواجك وجيب لك عيال
ضحك راكان : الشكوى لله
.
.
بالطياره كانت ريما جالسه وهي تتنفس بثقل من خوفها وكان جنبها معاذ يربط حزامها وحزامه وبدا يتكلم الطيار بان دقيقه وراح تطير الطائره واسرعت تمسك يد معاذ بقوه ومغمضه عيونها ابتسم معاذ وهمس لها : لا تخافين مراح يصير شي او يمكن تطيح فينا الطياره الله اعلم
ريما فتحت عيونها بفجعه وضربة كتفه : يا نذللللل
معاذ ضحك وهمس لها : ارخي صوتك معنا ناس مو لحالنا
ريما غمضت عيونها وهي تقرأ المعوذات وبدت تقلع الطائره ومعاذ يصورها وهو كاتم ضحكته وريما ميته من الخوف تحس ودها تستفرغ
.
عند ماهر اللي جالس وريم جنبه ويشربون شاهي وياكلون مكسرات وهتف : امي وينها ؟؟
ريم : راحت لجدتي منيره
ماهر : اها
ريم وهي تعدل جلستها : ما قلت لك!!!
ماهر : لا ما قلتي يا نقالة العلوم
ريم بزعل : اجل بسكت ماني قايله
ضحك ماهر : امزح تكلمي
ريم : مابي
ماهر وهو يمسك صدره بالم : اااه صدري
ريم انفجعت : علامكككك
ماهر بضحك : امزح
ريم : اوف منك بقولك نوف بنت عمي ناصر ولدت وجابت توائم بنت و ولد بس مدري وش بتسميهم
ابتسم ماهر وهو يتذكر كيف كان يتمنى ان تكون نوف من نصيبه ولكن
سبحان الله كان نصيبها متعب وهو حاليًا حلمه الجازي بيسوي اللي يقدر عليه عشان بس تكون من نصيبه ما يتخيل ام العيون الكحيله لغيره وابتسم بخفه وهتف : الله يحفظهم ويخيلهم لامهم وابوهم
ريم : امين
ورن جوال ماهر برقم الجازي اللي هو مسجله من اول ما استلم قضيتها واسرع يفز وانفجعت ريم وكانت بتساله بس ما خلى خلها مجال لانه صعد لغرفته ورد بسرعه قبل لا تقفل : يا مرحبًا
الجازي اللي ارتبكت من صوته : السلام عليكم
ماهر : وعليكم السلام
الجازي بتوتر : فاضي تجي توصلني للسوق ؟
ماهر : ابشري تجهزي مسافة الطريق وجايك
الجازي : طيب وقفلت وهي تضرب راسها : غبيه المفروض تسالين عن حاله ااوووف واتجهت تتجهز هي كانت قايله لامها بتروح للسوق تبي تقضي للبيت
وامها وافقت بشرط تروح مع ماهر عشانه الشخص الوحيد اللي تامن له هي ومعاذ
.
ماهر ابتسم وهو يعدل ياقة ثوبه وتعطر ونزل ولقى ريم اللي تخزه من فوق لتحت : على وين ؟؟
ماهر : بروح الجازي تبي السوق
ريم : بلا مزح وين رايح
ماهر : قلت لك رايح للجازي
ريم : منجدك ؟؟؟
ماهر : معاذ قبل لا يسافر موصيني عليهم وهي محتاجه تروح للسوق
ريم بلقافه: بروح معك
ماهر تنهد : البسي
ريم فزت بحماس لغرفتها تتجهز بسرعه وطلع ماهر
.
نواف وقف قدام بيت الجد سعود ونزلت ترف وطلع بوجهها ماهر وصد بسرعه واسرعت ترف لبيتها ونواف نزل وقابل بوجهه ماهر وانصدم ماهر : علامك انت وش ذي الحاله ؟؟؟
نواف : ولا شي هوشه بسيطه
ماهر : ولد منجدك تكلم ثوبك مقطوع وحالة وجهك معفوسه
زفر نواف : يمديني اثق فيك ؟
ماهر رفع حاجبه بحده : وش شايفني بمسك مكروفون وافشي سرك ؟
نواف قهقه : لا ما اقصد كذا خلاص بقولك يا طويل العمر الموضوع كالاتي وبدا يسرد له اللي صار
ماهر : صدق انك مصروع تخيلي لو احد شافكم او شك فيكم وش بيصير قول انك ما تفكر بنفسك بنت عمك وشدخلها تتحمل شي مالها دخل فيه
نواف ابتسم : دامني حطيت عيني عليها فهي بتكون بخطر
ماهر : منت بصاحي
نواف ضحك : اصلا كل عيال ناصر مهب صاحين جت علي
ماهر ضحك : وانت الصادق قول كل عيال الجد سعود واحفاده
نواف : السر بجدي لعل وعسى كان بشبابه رجل مافيا
ماهر ضحك بقوه ومسك صدره : اقول اسكت مالي حيل اضحك اكثر من كذا
نواف ابتسم : كيف حال الجرح ؟
ماهر : معليه مع اني نزف امس بس يعطيه العافيه الدكتور تركي فزعلي
نواف : بيض الله وجهه
ماهر : اي والله وقاطعهم خروج ريم وصد نواف : توصي شي ؟
ماهر : لا سلامتك
نواف : مع السلامه ودخل بعد ما طلعت ريم وركبو ومشى ماهر
.
عند راما وشهد اللي ميتين على عيال نوف ونوف تضحك على اشكالهم
شهد : يا لبى الحلوين اموتتتت عليهممممم
راما : اهخ ما اصدق اني صرت خاله
نوف : يلاه عشان تمسكينهم عني
راما : خاله ماني امهم
نوف : الخاله مو ام ؟
شهد : ياويلي من الحين جالسين تتهاوشون
وضحكو
بالمجلس كان ابو نواف وريان وراكان جالسين يتقهون
ابو نواف : عسى ربي يجعلهم من البارين
متعب : اللهم امين
وانسحب راكان من الجلسه وهو يتجهه لعند نوف وابتسم وهو يشوف شهد شايله غيث وتبوس فيه وجلس جنبها وهو يهمس لها : يلاه مابقى على زواجنا الا شهر وبعدها نجيب مثل ذول
شهد استحت : خير ان شاء الله
نواف دخل البيت بخفه عشان لحد يشوفه بذي الحاله ولحسن حظه محد قابله ودخل غرفته يتروش ويغير ملابسه
.
ترف وهي تفكر بكلام نواف ماتدري ليه انقهرت يوم نطق لسانها بتم تمنت لو انه انقص ولا قالت كذا زفرت من كثرة التفكير وداهمت الغرفه روان : كيييف النوننننووووو
ترف ابتسمت : يهبلون
روان نطت على سريرها : وش سموهم ؟؟
ترف : غيم وغيث
روان : يياااااايييي يجنننوووننننن
ترف ابتسمت : اييييه ماشاءالله يجنننونننن الله يحفظهم
روان : امين
ترف فجاة تذكرت مروان ونظراته لراما : تخيلييي
روان : وش
ترف : لاحظت على مروان حركات
روان باستغراب: مثل ايش ؟؟
ترف : يوم كنت بروح لنوف كان ينتظرني برا ويوم طلعت لقيته يناظر براما والمسكينه ما تدري لانها كانت تسحب شنطة نوف لبرا ومو منتبهه مثل مروان اللي اكلها من فوق لتحت
روان ابتسمت بخبث : لا يكون يحبها
ترف : مدري والله توائمك وانتي تعرفينه اكثر مني
روان : معليك بحاول اتحرى عن الموضوع
ترف : ههههههه يا حبك لذي المواضيع
روان وهي تراقص حواجبيها وتبتسم
ترف : بكره كلما بنروح لنوف اليوم اجلنا عشان توها طالعه لازم ترتاح
روان : اوك بروح ادور لي شي ينلبس وطلعت وتركت ترف ترحع لدوامة الافكار زفرت وهي تضرب راسها بالمخده وتلحفت عشان تنام وترتاح من الافكار المتداخله براسها
...........
وقف ماهر امام منزل الجازي ودق البوري واسرعت الجازي تطلع وهي تلبس شنطتها وركبت بالخلف وهي تهمس : السلام عليكم
ماهر ريم : وعليكم السلام
ومدت ريم يدها تسلم عليها وصافحتها الجازي وهي مبسوطه بوجود ريم كذا مراح تحس بخوف او توتر
ومشى ماهر للمتاجر الخاصه بالمواد الغذائيه واجهزه كهربائيه
وبعد فتره قصيره وقف امامه ونزلو ودخلو واخذت الجازي عربيه وريم جنبها تمشي وماهر خلفهم وهتفت الجازي : الله يسعدك لانك جيتي لاني كنت متوتره
ريم ابتسمت : امين ويسعدك وبدت الجازي تاخذ الاشياء اللي تحتاجه وماهر كان يمشي خلفهم غافل عن العينان الحاقد اللي تلاحقهم منذ خروج الجازي من المنزل واستمر بالمراقبه حتى عندما دخلو للمتجر لحقهم بخفه ولم يشك به احد لانه متمكن من التخفي ويتمنى لو يمديه الحين كان اطلق رصاصته بين عيون ماهر عشان يرتاح منه اتجهت ريم لماهر : اسمع جيب عربه لان فيه اشياء ببيتنا ناقصتنا وعشان الجازي تاخذ راحتها وهي تقضي
ماهر : طيب واتجهه يجيب عربه وكان حامد بيتجهه للجازي بس قاطع اقتراب ماهر معه العربيه وهتفت ريم للجازي : بروح مع ماهر ناخذ اشياء ناقصتنا وكملي انتي لين نخلص
الجازي : طيب
ومشت ريم مع ماهر والجازي تقضي وتدفع العربيه وكانت تلحق ريم وماهر عشان لا تضيعهم وماتبي تقولهم انها خايفه بنفس الوقت لانها تحس باحد يراقبها
وحامد اتجهه يمشي خلفها وقفت عند قسم الحلويات وكان شبهه فاضي من الناس ورفعت راسها وهي تلمح ماهر وريم عند قسم الثلاجات ومدت يدها بتسحب كيس الشبس بس سحبه شخص ثاني ورفعت راسها بتشوف مين وشهقت بصدمه وهي تشوف حامد اللي يبتسم لها بخبث : والله لو صرختي لتشوفين ماهر جثه
الجازي قامت تحس بجسمها كله يرجف ودموعها تهطل بدون ارداتها زادت ابتسامة حامد : اشتقت لدموعك بس صدقيني بتعجبني يوم اخلي ماهر يموت قدام عيونك وقتها برتاح وترتاحين انتي بعد
الجازي ببكاء وصوت هامس : لا تسوي فيه شي ماله دخل !
حامد انقهر وهو يشوف دموعها تهطل عشان ماهر وهمس بحقد : وليه ما اذبحه وهو يبي ياخذك مني !!
الجازي عضت شفايفها بقوه وهي تبكي وهي تلمح ماهر يضحك مع ريم مستحيل ترضى انه يصير له شي وهي السبب يكفي اللي جاه منها
حامد مسك فكها بقوه وهمس : والله ثم والله ما ارتاح لين اذبحه عشان دموعك ذي اللي تذرفينها على كلب مثله خليها تنفعك وقت تشوفين جثته قدامك
عند ريم وماهر كان يضحك ماهر على ذبات ريم
ريم : متى تبينا نخطب لك الجازي ؟
ماهر : الله كريم
ريم : لا صدق اتكلم
ماهر بجديه : البنت تخاف من اي ظل رجل تبينها تتزوج عز الله ما صدقتي
ريم : اوووففف والله يا ان عليها جمال يموت
ماهر ابتسم وهو يتذكر طلتها بيوم زواج معاذ : انشهد
ريم ابتسمت بخبث : قولي انت شفتها ؟
ماهر : هاه لا
ريم : كذاب عيونك تقول العكس
ماهر ابتسم : مالك شغل
ريم شهقت بحماس : يعنيييي صددددق شفتها !!! وين شفتها ومتى ؟؟؟
ماهر : يا ليل ازعاجك
ريم : بتقولي ولا كيف
ماهر : لا
ريم : اجل انا بعد ماني قايله لك مين احب
انصدم ماهر وناظرها بحده : عز الله بتلقينه ميت
ريم ضحكت : لا يشيخ اصلا ماني قايله لك
ماهر ابتسم : لعد تعيدين مزحتك
ريم : خير ما احب حركات انك انت تحب وانا لا
ماهر : عشاني اعرف وش يفكرون فيه الرجال مو عشان حرام عليك
ريم : يا عيني على الحنون وحضنته
ضحك ماهر : وخري ترانا قدام الناس
ريم ضحكت : فديت الخجلان
قهقه ماهر ورفع عينه للجازي وشاف العربيه وشخص واقف قدامها وكان رجال ! نبض قلبه بقوه وهو شاك انه حامد وهتف لريم : نادي الامن
ريم انفجعت وهي تشوف ماهر يسرع للجازي واسرعت تنادي الامن
الجازي يوم لمحة ماهر يركض وهي تصرخ باسمه : مممممماااااااهررررر
حامد دفعها بقوه وهتف بقهر : شكل التهديد ما ينفع معك بتشوفين كيف اني بنفذ كلامي ولف وهو يشوف ماهر يركض لاتجهه ابتسم باستفزاز له وركض ولحقه ماهر بس وقف لانه شاف الجازي المرميه على الارض وتبكي وتنادي باسمه واسرع لها ماهر : هدددييي راح ولد الكلب
الجازي وهي تبكي وتشاهق : قـ.. قـال .. انـه بـيقتلك وبكت اكثر من قبل وجات ريم وعها رجال الامن واسرعت تحضن الجازي اللي ارتمت تبادلها
ماهر وقف وهو ودي لو يذبح حامد وهتف لحراس الامن : فيه شهص مطلوب من الدوله كيف يقدر يدخل متجر وبكل وقاحه يهدد مواطنه !!!
حارس الامن : مادرينا عنه الا اذا كان متخفي طبيعي وقتها مراح نعرف
ماهر بلغو المركز بان شخص مطلوب جاء للمتجر وهم بيسون الازم
حارس الامن : طيب وراح
وريم وهي تهمس للجازي : هدي انتي بامان وقامت تساعدها عشان توقف
واشر ماهر لعامل بان ياخذ العربيات للمحاسب وهتفت الجازي : خلاص خلونا نمشي مابي شي
ماهر بحده : لا اغراضك بتروح معك ما يعكر بجونا ولد الكلب ونقف اشغالنا عشانه
ومشو معه واتجهو للمحاسب وطلع بطاقته ماهر يدفع وهتفت الجازي : لا انا بدفع
ماهر مارد عليها ودفع وهتف : عيب تدفعين وانتي معي واشر للعانل يشيل الاغراض للسيارت ومشو لها وكبت ريم جنب الجازي وه تسمي عليها وبعد ما ركب العامل الاغراض للسياره اعطاه ما تيسر معه وركب وهو يتجهه لبيت الجازي اللي كانت تناظر بظهر ماهر وتتذكر كلام حامد ودموعها تتساقط وانتبهت ريم لنظراتها واستغربت
.
.
بالنرويج بعد ما وصلت طيارة معاذ وريما وصلو الفندق وطلب العشاء معاذ وربما اللي كانت لابسه بجامتها لانها تنتظر الاكل بتاكل وتنام من التعب
ودخل معاذ العشاء وابتدو يتعشون وبعد نص ساعه اتجهت ريما تفرش اسنانها ومعاذ منسدح على السرير وخلصت ريما واتجهت للسرير وتخصرت : لا والله وين الحدود ؟؟
معاذ: ايت حدود ؟
ريما : اللي على السرير
معاذ : من بعد اليوم مافي حدود بيننا وسحبها لحضنه انصدمت ريما وحان بتقوم بس كان معاذ اقوى منها وابتسم وهو يشوف وجهها القريب منها : قلت لك انسي الحدود اذا وصلنا النرويج
ريما بتوتر : معاذ بلا سخافه وخر !!
معاذ ابتسم وهو يعتليها : انسي يا حلوه ودفن وجهه بعنقها وريما تقاوم س ما قدرت تبعده
.
نزلت الجازي بعد ما وصلت لبيتها وماهر نزل يساعدها بالاغراض
ولمن جاء بيمشي وقفته : ماهر !
ماهر : يا هلا
الجازي : انتبهه لنفسك تكفى !
ماهر ابتسم : ابشري شي ثاني ؟
الجازي : سلامتك
ماهر : الله يسلمك با نظر عيني ومشى تارك الجازي تتخبط بموجه من المشاعر اللي لاول مره تشعر بها ابتسمت بخفه ودخلت
—————————————————
ادري اني طولت عليكم بس عاد ما امداني ابدا انزل
اعذروني يا حبايبي وبحاول اكتب لكم اكثر💗
قراءه ممتعه ..
أنت تقرأ
احتريتك من بين كل البشر وسميتك عشقي وفرحة سنيني
Actionالكاتبه شهد✍🏻 اول روايه لي وان شاء الله تنال اعجابكم 🤍 • اختصار للروايه ؛تتكلم عن حياة الجد سعود وعياله واحفاده ويومياتهم والاحداث والمغامرات اللي تصير معهم •• "" لا استبيح النقل او الاقتباس ""
