احتريتك من بين كل البشر وسميتك عشقي وفرحة سنيني

42

"بسم الله الرحمن الرحيم "
•
•
شِعور لايُقال و إذا قيل لا يُفهم .
وجلست ترتاح وهي تناظره بهدوء وناظرت للتلفزيون وقامت تبحث عن قنوات وبعدها وقفت عند قناة MBC1 وكانت الدعايات عن العيد وابتسمت بخفه
راكان فتح عيونه ببطىء وهو يشوف الدنيا غباش وأخيرًا بدت توضح الروية امامه وكان اول شي يشوفه السقف الابيض وكان يسمع بالاغاني حقت العيد وشخص يردد وراها ورفع نظره للبنت اللي معطيته ظهرها بفستانها الابيض : مين انتي !!
شهد تجمدت وتحس انفاسها ثقلت وهي تلتفت ببطء وبداخلها تقول بانها تتوهم مستحيل الصوت اللي سمعته يكون له ! وابتسمت بفرحه وهي تركض له بتحضنه بلهفه : ررراكااانننن ويقاطعها بامساك يدها بقوه وبحده : وخري عني من انتي !!!!
شهد حست ببروده بعظامها والصدمه كاسيه تعابيرها المصدومه ورفعت صوتها : ييييبه !!
فز تركي وصالح على صراخ شهد ودخل صالح وباستفسار : وشفيك ؟؟؟
شهد وهي تاشر على راكان لف صالح وانصدم برويته لراكان مستيقظ : راكان !
صالح : البسييي عبايتككك بسرعه
شهد اسرعت تلبس عبايتها تحت نظرات راكان المتفحصه لها ونظراته لصالح مستغرب من وجود اشخاص لا يعرفهم بجانبه ولا يعلم سبب دخوله للمستشفى
وبعد ما تغطت شهد خبر صالح تركي يدخل واسرع يكشف على راكان اللي لتوه يحس بالم جسده وصداع يداهم راسه نطق تركي بعجله : يا عم صالح يمديك تطلع انت وبنتك عشان بنادي الدكاتره
صالح : اايه معليه وطلع وهو يساند شهد اللي تفكر باول كلمة نطقها وهمست لوالدها : قال لي من انتي !
صالح : وشهو
شهد : يبه قالي من انتي وشفيه راكان معرفني ؟؟؟
صالح تغيرت تعابير وجهه وهو ماوده يصير اللي قاله تركي بس هذه احتمال كبير لوضع راكان الان : مافيه شي الحمدالله بس الحمدالله اللي قومه لنا باسلامه
شهد بفرحه وهي تحضن والدها : الحمدالله
بادلها صالح وهو خايف جدأ من وضع راكان
كانو الدكاتره مجتمعين على راكان وبعد ما كشفو عليه هتف الدكتور : وش تتذكر يا راكان ؟؟
راكان : ما اتذكر شي !
تركي : اسمك تذكره ؟
راكان : ايه بس اسمي غيره ما اتذكر
تركي : ولا حتى عمك صالح ؟؟
راكان باستغراب : عمي صالح ؟؟ ماعندي عم
تركي انصدم وناظرو الدكاتره لبعض
ونطق احد الدكاتره : طيب اسم ابوك امك تذكرهم ؟؟
راكان : لا وما اذكر ان عندي عائله بالاصل !!
انجلط تركي وهو يخرج مايدري كيف بيصارح صالح اللي وقف قباله يستفسر : هاه كيف وضعه ؟؟
تركي تنهد : ياعم صار اللي قلته لك صالح مسك راسه وشهد اللي نطقت : وش اللي قلته !؟
تركي اللي صد عن شهد : راكان حاليًا صحته ممتازه ولكن فاقد الذاكره لدرجه مايذكر امه ولا ابوه
شهد رجفت بصدمه وجلست من قوة الصدمه : ولا يذكرني ؟؟
صالح حضنها : استهدي بالله اهم شي صحى وهو بخير الباقيه محلوله
تركي : اتوقع فترة فقدانه للذاكره بتطول اتمنى تدارونه
صالح : حاضر واسرع يتصل بناصر اخوه اللي رد : هلا يا ابو شهد
صالح بفرحه : يا ابو نواف عندي لك بشاره بتطير لك قلبك
ابو نواف عدل جلسته وناظرو فيه عياله وبناته ومرته باستغراب : وش عندك ؟
صالح بابتسامة : راكان صحى وصحته بخير ابشرك
فز ابو نواف بصراخ : هااااه متىىىى
فزو نواف وريان بفجعه والكل يترقب ابو نواف بخوف وقلق
صالح بفرحه : توه وصحته ابشرك زينه
ابو نواف بفرحه : جاااييي جاييي وقفل
نواف : يبه وشفيه ؟؟؟
ابو نواف : ابشركممم ررراااكاااننن صحى
صارخو نوف وراما بفرحه وهم يحضنون بعض وام نواف اللي جلست تبكي بفرحه وهي تدعي : اللهم لك الحمد حتى ترضى ولك الحمد اذا رضيت ولك الحمد بعد الرضى نوف اسرعت تسند امها ويتجهزون عشان يروحون للمستشفى وطلع ريان يخبر جده وعمانه والكل فرح وركبو سياراتهم متجهين للمستشفى وماهر اللي بالمركز اول ما درا وهو يركب سيارته طبعًا كان مداوم متجاهل محاولات اهله بان يرتاح بس كان مصر انه يداوم
وكان يسوق بيده اليمين واليسار مجبره
"بالمستشفى "
شهد اللي دخلت بعد ما والدها دخل لراكان واقتربت منه : راكان حبيبي كيفك
راكان ناظرها من فوق لتحت : انتي كيف يخليك ابوك تدخلين عندي مو قايل اني معرفك !!!!
شهد اسرعت تمسك يده بس نفضها بقوه وبغضب : قلت لك وخري عني ما تفهمين انتي ؟؟؟ما وراك رجال يحدونك ؟؟؟
شهد تنرفزت منه وبقهر : يحدوني عن حلالي ؟؟؟؟؟
راكان زفر بقوه : والله ان الجدار فهم وانتي ما فهمتي قلت لك لا اعرفك ولا شي
شهد زفرت وهي تستغفر تحاول ان لا تضغط عليه
راكان بحده : اذا خلصتي استغفار اطلعي
شهد انصدمت : مو منجدك ؟؟؟
راكان بصراخ : قلللتتتت اطلعيييييي بررررررااااا !!!!
شهد بلعت غصتها وطلعت وهي تنفجر بالبكاء بحضن والدها اللي سمع صراخ راكان وهو يهمس لها : هشش هدي تراه تعبان ولا يتذكر شي طبيعي ذي التصرفات منه
شهد ببكاء : اخاف تطول حالته ذي !!!
صالح تنهد : لا ان شاء الله
وجلسها وهو يجيب لها مويه ومناديل يهديها وبعد نص ساعه
كان راكان جالس يقلب بقنوات التلفزيون اللي بغرفته
بخارج الغرفه قام صالح وشهد وهم يشوفون الجد سعود وابو خالد وابو نواف وابو ماهر ومعهم ثلاث حريم واللي كانو ام نواف وراما ونوف
ابو نواف اللي فرحة مهي شايلته تمسك بيدين اخوه : وينه !!!
صالح بابتسامة : بالغرفه واسرعو يدخلون بفرحه وهم مو مصدقين اللي يشوفونه راكان الجالس وقدمه المجبره ويده بها مغذيه ورفع نظره لهم يناظرهم من فوق لتحت : يا ليلللللل مين انتم و شايفين غرفتي ملجأ عشان تداهمونها كذا !
انصدم ابو نواف ولكن تقدم : الحمدالله على سلامتك يا وليدي
راكان : ولد مين وش تقول يالشايب ؟؟؟
انصدمو ولكن تدارك الامر صالح : تراه فاقد الذاكره
شهقت ام نواف وهي تبكي : يعززززيي عنننن ولددددييي
راكان مسك راسه : ييييوووووه طلعوها بتفجر راسي بصياحها !!
نواف بصدمه : ولدددد اهجد تراها امك وهذه ابوك !!
راكان بسخريه: وانت اخوي ؟؟
نواف : ايه اخوك الكبير
راكان بحده : اجل استلم الباب انت واللي مسمينهم امي وابوي
نواف بغضب : مريض انت !!!!
صالح : نووواف هدييي تراه مايتذكر شيي
راكان بغضب : اقولللل برررراااا انت وياه وش اللي فاقد ذاكرته والله انك ديوث مدخل علي بنتك تقول لي حبيبي !!
انصدمو راما ونوف وهم مفجوعات
الجد سعود بغضب : لا هذه يباله يتمردغ عشان ترجع له ذاكرته !
راكان بتكشيره : بالله يالشايب فيك حيل ألى الان صامل بالحياه انت المفروض يحطونك بمتحف من المخضرمين !
ابو ماهر تنهد : خلونا بس نطلع الولد مهب بعقله !
راكان بحده : اجل خليت لك العقل يا ابو كرش ؟!
ابو ماهر بغضب : لا بالله ذا لازم ينجلد
صالح وهو يهديهم : هدييي يا راشد !! خلونا نطلع
راكان : افضلكم تسمعون له عشان لا اقلب عليكم المستشفى ما لقيتو الا انا تبتلوني فيكم !!!
ابو نواف : لا حول ولا قوة الا بالله وطلعو الكل وام نواف اللي تبكي بحسره على وضع ولدها ولا تدري وش بيصير له
وراما ونوف اللي حضنو شهد كل وحده تواسي الثانيه
والرجال راحو يسالون عن وضع راكان اللي اخبرهم تركي بانه لازم يخلونه يرتاح ولا يزعجونه وبيطلع بعد يومين لان وراه تحاليل واشعه وامور لازم يخلصها قبل خروجه
ماهر يقاطعه اتصال من سلمان اللي يتكلم بعجله : ماااهرررر جانا بلاغ من شخص يقول بان حامد موجود عند ******
ماهر : جااايييك قول للفرقه لا تتدخل لين اجيي
سلمان : طيب وقفل وهو يقول للفرقه تناظر لين يجي النقيب ماهر وبدت الفرقه تراقب بتركيز بالمكان اللي تم فيه البلاغ
لف ماهر بسيارته وهو يتجهه للعنوان اللي قال عنه سلمان وهو ناوي على حامد وبعد عشر دقايق وصل وهو ينزل من السياره ويقترب منه سلمان : رصدنا حركة بالبيت
ماهر بحده : الفرقه جاهزه ؟؟؟
سلمان : ايه ينتظرون الامر
ماهر : داهمو !
سلمان اشر للفرقه واسرعو يكسرون الباب ويداهمون المكان وتوزعو فيه كافة عناصر الفرقه وهم يقبضون على عدة اشخاص وانصدمو ماهر وسلمان بعدم وجود حامد بينهم وصارخ ماهر بغضب : وووويييننن حاااامددددد !!!!!
سلمان مسك احد الاشخاص وهو يهزه بغضب وبقوه : تكلم لا والله ندفنك هنا !
الشخص بخوف وذعر : مو هنا ما جاء قال انه بيروح يخلص له مشوار
ماهر بغضب : ما قال وين ؟؟؟؟
الشخص : لا والله هو ما يقول لنا شي
ماهر ضرب رجله بالارض بغضب وهو يمسح على وجهه : سلمان اخذهم للمركز وخل الزملاء هناك يستلمونهم
سلمان : ابشر وبدو يقبضون على الاشخاص هو وكم شخص من الفرقه والباقين يفتشون البيت
.
"بيت معاذ "
ام معاذ : يابنتي بروح اخذ لي غفوه احسني مانمت زين
الجازي : نوم العوافي يا عيني انا بجلس لين شوي وانام
ام معاذ : لا تسهرين
الجازي بابتسامة : لا مو مطوله
ابتسمت لها امها وهي تصعد لغرفتها وتنام تاركه الجازي اللي اسرعت تجيب الشبسات اللي وصت معاذ يجيبها وهي تفتحها وتشغل مسلسلها وتتفرج باستمتاع
•بشقة معاذ وريما •
معاذ : ابي ايسكريم تكفى
معاذ : مو بارد عليك ؟؟
ريما : لا بالعكس حنا بحر وقته الحين
معاذ : سمي وامري كم عندي ريما
ريما ضحكت وبدلع : وحده طبعا
معاذ بقهقه : تخيلي فيه غيرك ؟؟
ريما بغيره : بذبحك واذبحها واجلس ادعس على جثثكم
معاذ : يمه منك قايم اجيب لك ايسكريم قبل لا تذبحيني
ضحكت ريما : اسمع جيب من باسكن روبنز وشكل لي على ذوقك
معاذ : من عيوني
ريما : تسلم عيونك
معاذ وهو يلبس ثوبه ويمد لها جواله : قفليه واشحنيه عشان يشحن بسرعه
ريما : طيب واتجهت تاخذه منه وتقفله وطلع معاذ وريما اللي شبكة جواله بالشاحن ودخلت ريما الحمام تتروش
ومعاذ اللي مر على الجازي المندمجه على التلفزيون : تبين اجيب لك شي من برا ؟؟؟
الجازي بابتسامة : لا يا قلبي مو ناقصني شي
معاذ بابتسامة : طيب بالعافيه
الجازي : الله يعافيك وطلع معاذ من الفيلا وهو يفتح سيارته ويركب ويشغلها ويمشي غافل عن الاعين الخبيثه اللي تراقب المنزل واسرع حامد يلف لثمته وهو يجهز سلاحه ويمشي بخفه باتجاه البيت يطق الباب
الجازي بضحك : اوووف منك يا معاذ ماتترك عادتك ذي لازم تنسى شي !!
واتجهت تفتح الباب وهي تضحك وعندما فتحت الباب انصدمت بشخص متلثم واسرعت تبي تقفل الباب بس قاطعها الدفعه القويه التي جعلتها تتراجع للخلف ويدخل ويقفل الباب بالمفتاح ويبعد اللثمه عن وجهه وتظهر ابتسامته الخبيثه اللي مزينه شفاهه : دايم يقولون اللي مطول الغيبات جاب الغنايم بس مايدرون انك انتي غنيمتي الوحيده
الجازي بخوف وصراخ : يييييييمممممممممهههههههه
حامد ضحك بقوه : مراح اقولك اسكتي ذي المره بخليك على راحتك وهو يتقرب منها وبدت الجازي تزحف ببكاء وصراخ : ساااعدووونييي ييييمممه
.
ماهر اللي طول التفتيش وهو يحاول يحلل اي شي بالشقه عشان يعرف حاكد وين بس فجاة وقف وهو يوسع عيونه بصدمه : لا يكون راح .. ولد الكلب خبرو الفرقه الثانيه تلحقنييي بسررررعهه وركب سيارته واحد العساكر اخبر الفرقة الاخرى بان تلحق ماهر اللي دعس بنزين وعلى بيت معاذ ورفع جواله يتصل برقم معاذ ولكن يتفاجأ بانه مغلق صرخ بغضب ورجع يتصل بريما اللي توها طالعه من الحمام ولابسه بنطلون قطني وتيشيرت عادي وتجفف شعرها ولكن لاحظت صراخ بالاسفل وهاتفها يرن كان متوجهه بترد عليه بس تنصدم بصراخ الجازي باسمها
الجازي بصراخ وهي تحاول تدفع حامد عنها : ييمممهههرييييييييييممممممماااا
ريما اسرعت تنزل وخرجت ام معاذ معها وهم مفجوعين من الصراخ وينصدمون بروية الجازي بين يدين شخص غريب واول ما شافهم وهو يسحب الجازي امامه ويرفع السلاح امامهم : حركه غلط بتودعون !
ريما رجفت وهي تتمسك بام معاذ اللي تصارخ وتقترب منه : وووخرررر عن بنتيييي !!!
حامد بغضب : قسم بالله خطوه وحده لنثر دمك !!!!
ريما مسكت ام معاذ تمنعها من التقدم وهي خايفه : عمممه تكفين وقفييي لا تقربين
ام معاذ ببكاء : وخررر عن بنتي !
الجازي ببكاء وخوف : يمه لا تقربين !!
ام معاذ اللي تبي تنقذ بنتها باي طريقة ولو تموت بدالها مايهمها اهم شي عندها سلامة بنتها كانت خايفه زي اي ام تخاف على ولدها او بنتها
.
"بالمستشفى "
عند راكان كان عنده الدكتور تركي يحاول يفهمه بان اللي كانو عنده قبل شوي كانو اهله بس هو رافض فكرة ان عنده اهل وطلع تركي يخبرهم بان لا يضغطون عليه عشان لا يتعب اكثر وتزيد حالة النفسيه سوء
ابو نواف بحسره : وش السواه الحين ؟؟؟
الجد سعود بتكشيره : لو تسمعون كلامي وتخلوني امردغه عز الله بترجع ذاكرته على طول
ضحك نواف : عز الله يدورها يا جد
صالح : يبه هدي واعذر راكان لانه تعبان ولا يتذكر شي
الجد سعود : اقول مشينا بس مابه ذا الا العافيه
ابو خالد : بوصلك اجل وقام الجد سعود ومعه ابو خالد وابو ماهر
ريان : الحين كيف بنخليه يروح معنا اذا هو مايتذكر
نواف : بنكتفه وناخذه غصب للبيت احل نتركه هنا ؟؟
ابو نواف : مالنا الا كذا
ام نواف : خلوني ادخل عنده امكن يتذكرني
ابو نواف : ماظنتي والله
ام نواف : بداخل له ودخلت فعلا وخلفها نوف وراما وشهد لحقتهم
واقتربت منه امه وهي تكشف عن وجهها بحنان : راكان يا قلبي انا
راكان ناظرها بهدوء: وشفيك انتي ما فهمتي اللي قلته قبل نص ساعه !!
ام نواف : انا امك مستحيل ما تتذكرني !!
راكان : انتي امي وذيك حبيبتي وذول مين ؟؟؟
راما بعفويه : انا راما وذي نوف اخواتك
راكان بسخريه : والتبن وشدخلني فيكم قلت لكم وازيد اقول انا ماعندي اهل ماتفهمون ؟؟؟
نوف : وش بلاك ما تفهم حنا اهلك وذي خطيبتك على فكره
راكان بسخريه : كمان طلع عندي خطيبه اخاف اطلع اب وانا ما ادري !!!
ام نواف : الله يرجعك لنا وانت بخير وانا امك ما يصلح اللي تقوله
راكان : اقول اطلعي انتي واللي معك قلت لكم مابي احد عندي اشكالكم تقرف
نوف بغضب : عاد انتبهه لانفسك عشان لا انسى انك تعبان !!!
راكان بغضب : اقول اذلفي من عندي لا اهفك الحين
ام نواف : ررراماا اخذي اختك واطلعو
راما اسرعت تسحب نوف معها وما بقى الا شهد وام نواف اللي ضايقه من فقدان ذاكرة ابنها : استودعتك الله تجاهلها راكان وطلعت ام نواف ما بقى الا شهد اللي اقتربت منه وهي تتخصر : مصيرك بتتذكر اللي صار بيننا انا وانت
راكان رفع حاجبه : وش اللي صار ؟
شهد : اشياء كثيره
راكان : ماودي اصدع راسي بتفاهتك اعطيني مقفاك
شهد بقهر : على اللي يجلدك الحين عشان يرجع لك عقلك وطلعت تاركته مصدوم : عائله مريضه مو صاحيين الا يخلوني ولدهم !!!!
شهد : يبه مشينا ؟؟
صالح : طيب يلاه
نواف : يبه ارجع مع ريان انا بجلس عنده
ابو نواف : زين ما تسوي انتبهه له
نواف : ان شاء الله ومشو الكل مابقى الا نواف اللي دخل عند راكان وهو يسحب كرسي ويجلس : اي قولي وش تتذكر ؟
راكان مسك راسه وهو مصدع وانسدح : مالي حيل اتناقش مع واحد مثلك
نواف بصدمه : مثلي ليه مو عاجبك ؟؟؟
راكان : لا وغمض عيونه تارك نواف يحاول يتعوذ من بليس وسكت ونواف وهو يشوف هدوء راكان وتنهد ما توقع بيصير كذا يوم من الايام
.
ريما بخوف وهي محتضنه عمتها والجازي اللي تبكي بقهر وتحاول تبعد حامد اللي متمسك فيها عشان يهدد ريما وام معاذ من الاقتراب منهم
ريما : يا حقير اتررروكككههههها
ابتسم حامد بخبث : شكلك زوجة الكلب معاذ
ريما بغضب وصراخ : انتتتت الكلب يا نجسسسس!!!!!
ضحك حامد بمتعه : من زمان ما استمتعت مثل اليوم
ام معاذ ببكاء محروق : حسبي الله ونعم الوكيل عليك الله يسلط عليك !!
حامد يمثل تعابير الحزينه : لا يا عمه لا تقولين كذا الصراحه سبب خبثي بنتك لو وافقت علي كان امداني زوج بنتك وابو احفادك
الــجــازي ببكاء وهي متقرفه منه وتصارخ : ابعدددد عننيييي الله ياخذك !!
حامد وهو يهمس لها باذنها وجسده ملتصق فيها : تؤ تؤ انسي ابعد عنك
الجازي اللي تبي تسوي اي شي عشان تبعده عنها وقررت تستخدم اكثر كلمة يكرهها ويفقد السيطره على نفسه اذا قالتها : ااانتتتت عمييييي ليه ما تفهمممم وتتركنننييي بحاليييي !!!
حامد بغضب لفها له : انطقيها ورب لتندمين !!!!
الجازي بغضب وبكاء خلاص تبي تموت عشان ترتاح وتخلي اللي حولها يرتاحون : ااااننتتتتتتتت عمممميييييييي فاااااهممممممم!!
حامد غضب وصفعها بقوه لدرجه طاحت على الارض وام معاذ تصارخ عليه وريما تحاول تتمسك فيها ببكاء خافت : يا حيوانه ما حذرتك ما تقولينها هاااه ؟؟
الجازي بعناد وبكاء : اعيد وازيييدددد انتت عميييييي
حامد بغضب وهو يصفعها صفعات متتاليه ويصارخ عليه ويسب استغلت ريما غضبه وهي تسرع تسحب سكين من درج المطبخ المفتوح على الصاله واسرعت له بس لف عليها بغضب وهو يمسك يدها بقوه
ماهر وصل امام منزل معاذ وهو يشوف بان سيارته ليست متواجد واسرع يطق الباب وهو يسمع صوت صراخ وصلت الفرقه خلفه وهم يخرجون من السيارات ويتوزعون حامد مسك يد ريما بقوه وهو يرمي من يدها السكين وصفعها بقوه وهو يمسك شعرها وريما اللي خمشت وجهه باظافرها وهي تصارررخ : الله ياخذككككك موووووتتتتتتتتت
الجازي خافت على ريما وهي تدري انه مراح يرحمها واسرعت تساعدها بضربه واسرعت ام معاذ اللي تبكي تب يتفتح الباب بس اسرع حامد يدفع ريما والجازي عنه بقوه وهو يسحب سلاحه يطلق بالسقف : ابعدددديييي عننن الباببببب ام معاذ والجازي وريما ارتجفت اعظامهم بخوف من طلق النار وماهر بعد عن الباب هو والفرقه وبغضب : اكسرو البابببب
الفرقه بدت تحاول تكسر الباب وحامد يهدد : والله العظيم لو انكسر الباب بيموتون الكل !!!
ماهر بغضب : اطلع لي اذا كنت رجال !!
حامد باستفزاز : جايك الدور لا تستعجل
معاذ قرب من البيت وهو مستغرب من تجمع سيارات الشرطه امام منزله وقف سيارته بسرعه وهو ينزل وانصدم بروية رجال الامن المدرعين بالاسلاحه وماهر اللي معصب وصوت الصراخ اللي بداخل : وشفيييه ؟؟؟
ماهر : حامد جوا !
معاذ بخوف على زوجته وامه واخته : وشهوووووو يا كللللبببب
ماهر بسرعه : امسكوه لا تخلونه يقرب وفعلا اثنين من رجال الامن كانو ماسكينه يهدون فيه ومعاذ يحاول يتفكك منهم خايف على اهله ماوده يصير علهم اي خدش
ماهر بغضب : حامد سلم نفسك ولا بتندم يكفي انك مروج مخدرات لا تورط نفسك اكثر من كذا !!!
حامد ضحك بشر : هي خربانه ليه اسلم نفسي ؟
ماهر ضرب الباب بقوه : اطلللععععع يااااا مللللععععووووونننن !!!!
حامد ضحك بقوه : ايه كذا ابي اخليك تنهار وانا هنا بالنعيم باحضاني الجازي وسحبها له نفذ صبر ماهر ما قدر يتحمل كلامه واسرع يطلق على عروة الباب ودفعه بقوه برجله و وجهه السلاح مثل ما سوا حامد اللي يبتسم بخبث ولاف يده على عنق الجازي اللي منهاره وريما وام معاذ مثل حالة الجازي واول ماهر بغضب : نزززللل سلاحك !
حامد : احلم
ماهر : حامد !!!
حامد ضحك بجنون : انسى
ام معاذ اللي كانت بالمطبخ تصد عن رؤية الرجال لها وريما اللي تغطت بشرشف وهي تسرع تفتح باب الخلفي للعسكر اللي يحاولون يدخلون واول ما فتحت لهم دخلو بهدوء واسرع واحد من العسكر اللي خفيف البنيه وسريع الحركه وهو يضرب يد حامد ويطرح منها السلاح واسرع ماهر يسحب الجازي من بين يدين حامد وهي منهاره دخلها بحضنه وهو يحاول يغطيها عن رجال الامن والغيره تاكل قلبه اكل ودخل معاذ ودفع ماهر الجازي له واسرع يغطي اخته بحضنه وهو يدخل للمطبخ يتطمن على امه وريما
وماهر رمى سلاحه وهو يسرع لحامد اللي يقاوم رجال الامن ودفع ماهو واحد من العسكر وهو يسحب حامد ياقة ثوبه ويلكمه باقوى ماعطاه ربي وابتعدو العسكر من دفع ماهر لهم وهو يعتلي حامد الواقع على الارض بسبب اللكمه وبدا يلكمه بقوه بكل يدينه حتى يده المكسوره كان يلكم بها وهو الغضب عاميه تحمل بما اعطاه الله من صبر بس فعلة حامد الان خلته يفقد اعصابه وطلع جنونه اللي حابسه بداخله وهو يتذكر افعال حامد كيف يتحرش بالجازي وكيف اطلق عليه النار وهو سبب دخول راكان للغيبوبه
ريما بصراخ وهي تشوف تلطخ يدين ماهر بدم حامد اللي مستسلم والعسكر اللي يحاولون يبعدونه بس كان يهددهم بغضب والجازي انهارت وهي تشوف جنونه : معععاذذذ الحقه
معاذ ركض لماهر يحاول يبعده : ماااهرررر وقف خلاص بيموت !!!
ماهر بغضب ناري وهو معد يشوف قدامه من الحقد : وخرووو عنيي
اسرع اثنين من العسكر ومعاذ وهم يسحبونه من فوق حامد بالقوه وهو كان يهدد ويسب بغضب : والله لتموت على يدييييي يا كللللببببببببب
حامد ضحك بتعب وجهه مدمي من الضرب : اعلى ما بخيلك اركبه يا زلابه وسحب مسدس احد العسكر وهو يبي يطلق على ماهر بس اخطاء واطلق على احد العسكر اللي ماسكين ماهر وكانت الطلقه بقلب العسكري اللي سقط ميت وحامد اللي بدا يرفع سلاحه بجنون : اللي يقرب بيموت بس اولكم كلبكم ماهر
معاذ مسك راسه من رويته للعسكري اللي يلفظ انفاسه الاخيره وهو يحاول يضغط على جرحه بس مافي امل وماهر اللي سحب سلاح زميله اللي جنبه وهو يطلق على راس حامد اللي سقط ميت
انهارو ريما والجازي وام معاذ وهم يشوفون بشاعة المنظر امامهم
وبدت سيارات البحث الجنائي تداهم بيت معاذ وماهر اللي يناظر بجثة حامد وحس بالراحه صح اللي سواه غلط بس من حقة يقتل المجرم اذا بادلهم اطلاق النار وحزن على زميله اللي اعلنو وفاته بسبب الطلقه التي اخترقت قلبه
جلس ماهر بتعب وهو ماسك راسه ومعاذ اللي من بعد ما صحى مو صدمته اسرع ياخذ ريما والجازي وامه لفوق لشقته
الان اصبحت القضيه لدى البحث الجنائي وبدو ياخذو اعترافات الموجودين والكل قال بان حامد من بدا باطلاق النار وكان من واجب ماهر بان يردعه باي طريقه ولو كانت الطريقه موته !
طلعو الجثث وقف المحقق امام ماهر : تعال بكره عشان تعطينا اعترافك واللي سويته مو غلط بالعكس انت ساعدت ارواح كثيره لولا فعلتك كان مات اكثر من شخص بسبب جنون مجرم هارب من القانون
ماهر هز راسه بخفه تفهم المحقق وضع ماهر ومشى وتركه شارد الذهن وهو يحمد ربه بانه خلصه من حامد وشره وتالم بسبب توه يدرك الالم الذي بيده حتى انه لا يشعر بها وقاطعه مساعدة معاذ له وهو يسانده : لازم تروح المستشفى
ماهر : اترك يدي وكيف الاهل ؟؟؟
معاذ تنهد : منهارين
ماهر : بشوف ريما
معاذ : طيب وساعده يصعد معه الدرج الى ان وصلو للشقه وهو ينطق : طريق لحد يجي معي ماهر وطلعت ريما بس وهي تركض تحضن ماهر وهي تبكي وهو يبادلها بالم : كيفك ؟
ريما ببكاء : مو بخيييير ؛ معاذ تنهد بحزن من الحاله اللي وصلو لها
وبعد ما هداء معاذ وماهر ريما دخلت عند عمتها ام معاذ والجازي ومابقى بالصاله الا ماهر ومعاذ وتنهد ماهر وهو ينطق بنبره متاسفه : انا اسف اني سحبت الجازي لي بس كنت مجبور اغطيها
معاذ ابتسم : معليه انا عاذرك انت ماقصرت معنا ساعدة الجازي من قبل لا اعرفك ولا تعرفني
ماهر بابتسامة : اللي سويته واجبي ولو كنت مكاني اكيد مراح تتردد تساعدني
معاذ : اككييد
ماهر : بروح اجل بكشف على يدي
معاذ : انا اللي بوديك
ماهر : لا خلك انت اجلس عند اهلك انا اروح من حالي
معاذ : اجل طمني عليك
ماهر : ابشر ومشى ماهر ودخل معاذ للغرفه اللي موجود فيها امه واخته وريما وتنهد وهو يحضن امه اللي تعبت بالحيل وبذات ان عمرها كبير ما يسمح لها بان تخوض مثل ذي الفجعات كانت الجازي منسدحه على قدم ريما اللي تمسح على راسها وهي تقرا عليها ابتسم معاذ لريما وهو يجلس جنبها ويهمس لها : احبك
ريما استحت وهي تشوف هل سمعته الجازي بس شافتها نايمه بهدوء وعمتها كانت تتكلم مع ام تركي بالجوال مهي منتبهه لهم وهمست له : وانا احبك
معاذ انصدم اول مره تقولها له وبانت الفرحه عليه وهو يبي يبوسها بس مدت ريما يدها قدامه : اهداء وشبلاك !!!
معاذ بهمس وابتسامة : اموت فيك
ريما ابتسمت له وهي تسند راسها على صدره وهو يمسح عليها بحنان
.
وصل ماهر المستشفى اللي فيه راكان وهو يتوجهه للطوارئ اللي اسرعو يكشفون على يده ويجبرونها من جديد لان صار فيها كسر مضاعف وبعد ساعه بعد ما اعطوه غذايه دخل عنده سلمان : الحمدالله على سلامتك
ماهر : الله يسلمك وش صار ؟
سلمان : استلموهم الزملاء وطلعو مع حامد وانه هو رائيسهم وكان عندهم مصانع لصنع الخمر غير ترويجهم للمخدرات وبيعها
ماهر تنهد براحه : ارتحنا منه وريحت الدوله منه
سلمان ابتسم : الحمدالله ربي فكنا من شره
ماهر : اي بالله
نواف اللي كان جايي من الكافتريا ومعه قهوه وهو مار من عند قسم الطوارئ لاحظ سلمان اللي طالع من غرفه معينه واتجهه له : هلا والله بسلمان عسى ما شر ؟
سلمان بابتسامة: يا هلا فيك جاي مع ماهر
نواف : وشهوووو وداهم الغرفه : ياويليييي عنكككك وشفيك انت بعد
ماهر : وش جابك انت
نواف : جالس مع راكان اللي فاقد الذاكره ومتعبنا
ماهر بصدمه : فاقد الذاكره !!!
نواف : ايه وتخيل فصل علينا كلنا يقول معرفكم وجدي مررره وده يجلده
ماهر : قولي وش اللي صار واقولك وش صار معي
نواف : ابشر وقام يسرد لماهر كل اللي حصل بالتفاصيل وكانت الصدمه باديه على ماهر : وبتطول حالته ؟؟
نواف : الدكتور تركي يقول ايهزممكن تطول على حسب حالة المريض
ماهر : لا حول ولا قوة الا بالله
نواف : يلاه جاء دورك وش اللي صار فيك
ماهر تنهد : جيت اجبر يدي مره ثاني لان عندي كسر مضاعف بسبب وبدا يحكي له السالفه من البدايه إلى النهايه ونواف مصدوم : وريما جاها شييي ؟؟؟
ماهر : لا الحمدالله ما انصاب احد
نواف: الله يرحم العسكري
ماهر : امين مشينا لراكان
نواف : عاد الله يعنيك على كرشاته اللي بتجيك تجهز لها
ضحك ماهر : معليه بيتعود علينا ومصيره ترجع له ذاكرته واتجهو لغرفة راكان ودخلو وهم يشوفونه يتفرج على التلفزيون وناظر لماهر باستغراب : لا تقول لي ان ذا بعد اخوي؟؟
نواف ابتسم : هذه ماهر ولد عمنا
راكان : ولد عمك انت مو عمي
ماهر انصدم : لا طلع كلام صدق !
نواف : قلت لك
راكان بحده : وش قال هذه التافه !
نواف : قسم بالله لو ما تهجد لعطيك بذي العربيه اسدحك مره ثانيه بغيبوبه
ماهر ضحك : ياولد اهجد الادمي تعبان
نواف بغيض : ياخي ينرفز وربي
راكان : اص بس فجر راسي وهو يقولي عن اسماء اهله ومسميهم اهلي !!!
ماهر جلس بضحك : وهم فعلا اهلك
راكان : وشتبي انت بعد جالس عندي !!!
نواف : خذ نصيبك
ماهر : اسمع يا راكان بقولك شي وبدت يسرد له الحادثه اللي صارت معهم وهي سبب وضعهم الان وعندما انتهى ناظر فيه راكان : ياشيخ وشذي الروايه ما لقيت الا انا تقولها لي ؟؟
ضحك نواف وهو يشوف تعابير ماهر المصدومه وانسدح بالسرير اللي جنب ماهر : خذلك اقوى صدمه والجايات اقوى
راكان رمق نواف بحده وماهر اللي يتامل وضع راكان وانه لولا الله وثم هو كان امداه ميت ابتسم له ورفع حاجبه راكان بمعنى " نعم ؟"
وضحك ماهر : انا ماشي للبيت
راكان : ليتك تاخذ هذه معك
نواف : للاسف جالس على قلبك بكتمك كتم
راكان كشر بوجهه وانسدح بهدوء وهو يحس بصداع من رواء له ماهر اللي صار يحس وكانها احداث مالوفه له بس سكت وهو يكمل نومه
......
"بعد يومين "
رفض تركي الزياره لراكان عشان لا يضغطون عليه اكثر ماهو مضغوط حاليًا بسبب وضعه الصحي وكان واقف بجنبه نواف اللي ما تركه ولا لحظه والدكاتره شافو تحاليل راكان وكانت سليمه وحتى الاشعه سليمه اللهم كسر رجله اليمين هي من تحتاج وقت عشان يرجع يمشي عليها وكان يستعد راكان للخروج تحت جداله مع نواف والدكتور تركي اللي اقنع راكان بان نواف اخوه ومستحيل ينصب عليه .
وماهر اللي خلص اجراءات القضيه حقت حامد وتقفل ملفه نهائي ولكن اللي اشتغلو مع حامد تم سجنهم لمدة ٤٥ عام وكان هذا عقاب كافي ان يشعرهم بالندم وان يكونون عبره للي يتجرأ يخرج عن قوانين دولته ..
وريم اللي كانت خايفه من خالد تخاف يتكلم ويصير شي وهو فاهم غلط ودايم كانت تفكر بتصريح سامي اللي فعلا كان ناوي يخطبها بس اجلها بسبب دخول راكان للغيبوبه ولين اللي ولدت قبل كم يوم وجابت بنت وسماها ريان ريفان
وقامت فيها ام نواف وكانت مو مقصره عليها بشي معتبرتها مثل بنتها واكثر
وطيف اللي اصر ابو سيف انهم يكتبون كتاب ولكن لم يتيح لهم الوقت لكي يطلب سيف رؤية شريعه بسبب الحادثه اللي صارت وفقط تم قعد القران ودفع المهر كما طلب الجد سعود وكانت طيف مرتاحه بان مافي روية شرعيه
وهاهو اليوم كان رابع يوم بالعيد وأخيرا دخلت الفرحه والبهجه لمنزل الجد سعود وابنائه كان ابو نواف مسوي صدقه بمناسبة خروج راكان ولكن لم يعزم عليها لان خاف على وضع ولده الصحي وقرر فقط ان يوزع اللحم ويساعده ابو ماهر وابو خالد والجد سعود واقف على رؤسهم ..
وكان يساعدهم ماجد وخالد ومروان وريان ودخل ماهر : السلام عليكم
الجميع : وعليكم السلام
ابو ماهر : وينك فيه
ماهر : رحت اجيب اغراض ناقصه موصيتني فيها طيف
ابو ماهر : زين زين يلاه يا عيال اربطو الاكياس و وزعوها زي مو مكتوب عليها خالد : ابشر ياعم واسرعو الشباب يحملون الاكياس وكل واحد توزع بوزعه هو مسؤل عنها وبعدها دخل ماهر لمجلس جده وكذلك ابو ماهر وابو خالد والجد سعود وابو نواف وكانو يتبادلون الاحاديث وينتظرون
قدوم راكان ونواف اللي اخبرهم بانهم اقتربو
"عند شهد بغرفتها "
كانت لابسه ومتكشخه لان ام نواف عازمه الكل عندها وهي تحس بالفرحه بس ناقصه بسبب فقدان ذاكرة راكان ولكنها مصره بانها راح تساعده يتذكر لان الدكتور تركي نصحهم بان يسون الاشياء اللي كان بسويها معهم او عادته معهم
مها : شهددد يلاه يابنتي مشينا !!
شهد : جااايه جايه ونزلت وهي لابسه شرشفها
مها : يلاه وانا امك تاخرنا عليهم
شهد : جيت يا يمه وطلعو متجهين لبيت ام نواف واستقبلهم بترحيب والفرحه مرسومه على وجهها يحق لها واليوم خروج ولدها قرة عينها بعد ما كان بالغيبوبه وكان الجميع متواجد وصوت الاغاني العيد يصدح بالارجاء وسواليف الحريم اللي كانت معطيه جو بالبيت والبنات المجتمعين بجهه ثانيه وجلست معهم شهد وهي تبتسم : نوف ما جاء راكان ؟؟
نوف : لا باقي نواف يقول قرب
راما : بس لو تشوفون امي كيف رتبت غرفة راكان وبخرتها وخلتها على سنقت عشره
شهد ضحكت : يحق لها لو ما رتبتها كنت جيت انا بنفسي ورتبتها
ريم : اوف من الخفه اللي انتي فيها
شهد تنهدت : مو خفه بس ذا الحب وافعاله
روان : الحين كيف تعرفين انك تحبين ؟؟؟
طيف : ليه تحبين ؟؟؟
روان : لااا بس اسال يعني
ترف : عاد من زين الحب دايم يعور الراس
نوف اللي زعلانه إلى الان على ترف : مو الكل يستحق الحب عشان كذا البعض يشوفه يعور الراس
ترف تنهدت : نوف وش بلاك علي !!
نوف : اسال نفسك ! وقامت تكمل تضيف حريم عمها
تنهدت ترف ونطقت شهد : ترف لا تزعلين لان نوف زعلانه على زعل اخوها
راما وروان ناظرو بعض وهم يتذكرون تغير ترف من بعد اخر مقابله لها مع نواف وسكتو وطق الباب وقامت راما تفتح الباب وكانت ريما ومعها عمتها ام الجازي والجازي : يا هلا ومرحبا نورتونا
دخلت ام معاذ وهي تبتسم : يا هلا فيك يا قلبي وتسلم عليها وبعدها الجازي واخر شي ريما اللي ابتسمت بحماس : وين راكان جاء ؟؟ بلعب فيه لعب
راما بضحك : باقي ما وصلو
ريما : زين واتجهت تفسخ عبايتها ومعها عمتها والجازي وبعدها اتجهو يسلمون وياخذون احوال بعض ونوف وراما وشهد يمدون الضيافه
والكل يتحمد بالسلامه على ام معاذ والجازي بسبب الحادثه اللي صارت لهم
.
وقف نواف سيارته امام المنزل وهو ينزل ومعه راكان اللي سنده نواف وركبه بالعربيه واتجهه للباب يطقه وفتح له ماجد وهو يرحب ويهلي : يا هلا ومسهلا تو ما نور البيت
نواف : ساعدني نطلعه واسرع ماجد يساعده لين طلعوه مع الدرج والكل قام يرحب براكان وراكان اللي يحس بالاستغراب ولا يدري وش يسوي ويحس نفسه غريب وساعده نواف وريان يجلسونه على الارض وهو ماد رجله
الجد سعود : الحمدالله على السلامه
نواف همس لراكان : رد عليه بادب ولا صدقني بتشوف الثلاجه حقت القهوه مدخلتك بغيبوبه ثانيه
نحنح راكان ونطق بهدوء: الله يسلمك
وبدا الكل يحاول يفتح احاديث مع راكان اللي يحس بشعور غريب ولكن اندمج وهو يسولف وتعود على وجود نواف جنبه واللي عرفه بان صالح ابو شهد خطيبته اللي مو مقتنع فيها
وبعد العشاء نطق راكان بتعب : نواف ابي ارتاح وين غرفتي ؟؟؟
نواف فز : يلاه الحين اخذك لها وسنده وهو يساعده وقام معه خالد يتساعدون عليه وجلسوه على الكرسي ومشى فيه نواف لاتجهه بيتهم وطق الباب وطلعت له راما : يا هلا والله واقبلت تسلم على راسه ابتسم راكان تلقائي وهو يرد عليه : يا هلا فيك
نواف ابتسم وغمز لراما : جلس معي يومين وقدرت اغيره
راكان رفع حاجبه : تراني مو مقتنع لين شفت الصور والفديوهات وبحاول اني اتعود
راما بحماس : من قدك شهوده متحمسه لشوفتك
راكان بحده : مابي عيني تشوفها منجدكم انتم بتدخلون علي وحده مسمينه خطيبتي !!!
نواف : يولد صل على النبي هي خطيبك منجد وتراها بنت عمنا
راكان : بس مابي اقابلها الحين ماني فايق لها واخذني لغرفتي
نواف : لحول ومشى فيه بعد ما راما قفلت قسم الحريم وطلع راكان لغرفته مع نواف اللي ساعده يجلس على السرير
نواف مد له جوال جديد : اخذ ذا فيه شريحتك لان جوالك القديم تكسر
راكان : مشكور
نواف بصدمه : وشهووووو !!!
راكان ابتسم : قلت مشكور
نواف : الحمدالله ثمر فيك حاجه زينه
راكان : خلصت اطلع
نواف زفر بقوه : بس عشانك تعبان براعيك ابتسم له راكان باستفزاز وطلع نواف تاركه يناظر بانحاء الغرفه وهو يتفحصها يحاول يتذكرها بس ابدا دماغه مو راضي يذكره بشي تنهد بتعب وهو يشوف ملابس على طرف السرير كانت شورت قطني عشان رجله وتيشيرت اسود مريح اخذهم وهو يفسخ الثوب ولبس الشورت بصعوبه ومسك التيشيرت بيلبسه بس يستوقفه دخول نفس البنت اللي الكل يقول انها خطيبته دخلت شهد وقفلت الباب وهي تبتسم له : خلني استعدك وقربت تبي تاخذ التيشيرت بس بعد عنها بنفور : وش قايل اناااااا !!!
شهد رفعت حاجبها : مدري وسحبت منه التيشيرت وهي تقرب تبي تساعده بس بعد عنها وهو يناظرها بغضب : يا بنت الناس اطلعي وفكيني منك
شهد : مع نفسك اتركك وانا اللي كنت ميته شوق عليك وما كنت انام ولا امل واشرب مثل العالم وكل بسبب دخولك للغيبوبه
راكان : ترا الدراما اللي تقولينها بدت تعور لي راسي
شهد : احسن خله يتعور عشان ترجع لك الذاكره والذكريات اللي كانت بيننا كنت تموت بس عشان تلمسني والحين تنفر مني !!!
راكان قلب عيونه بملل : لا تتوقعين مني اقتنع باللي قلتيه
شهد : الدكتور تركي قال لازم نسوي الاشياء اللي كنا نسويها قبل معك شخصيا وانا راح اطبق وحده من من الحركات اللي كنت تموت فيها وسويتها اكثر من مره رفع راكان حواجبه بمعنى وش اقتربت منه شهد وهي تسحبه من عنقه وتقبله بقوه وسع عيونه بصدمه وداهمه صداع قوي وجات بباله كم ذكرى بنفس ملامح شهد وهو يبوسها ويحضنها ونايم معها بالسرير وفجاة انصدمت شهد وهي تحسه يسحبها لحضنه ويتعمق بالقبله ..
...
نواف لمن خرج من بيتهم وهو يخرج حبة دخان ويشفط دخانها لداخل رائتيه ويشوف ترف اللي طالعه لوحدها وضحك بالجوال : ياقلبي انتي شكرا مره على الهديه الصراحه وضحكت فجاة ضحكه طويله هنا شياطين نواف بدت توسوس له بانها تكلم رجل واسرع يسحب الجوال من اذنها وترف اللي انصدمت منه : وش تسويي جيب جوالي !!!
نواف : تكلمين مين !!!!
ترف بغضب : مالك شغللللل !!!! واخذت جوالها بقوه منه ولكن تتفاجئ من دفعة نواف القويه لها ويحاصرها على الجدار وهو يرمي دخانه ويهمس لها بحده : ترف انتبهي من مني لان لصبري حدود
ترف اللي لافه وجهها بعيد عن وجهه وبنرفزه : وخر عني يا نواف
نواف لف وجهها له وكانت تبي تقاوم بس ما لحقت على قوة نواف اللي تضاعفها وثبت يدينها وبهمس متخدر : ترف انا ابيك بالحلال ليه تبيني اجيك بالحرام !!!
ترف بلعت ريقها وهي ماتبي توضح له ضعفها ولفت له بثقه : ابيك تتعذب وتهمس باسمي كل شوي واكون مرسخه بعقلك
نواف باس خدها وهمس بخفوت : وليه مايصير العكس لاني انا اعشقك بس انتي اللي تخبين مشاعرك عني ولا تبين تفصحين عنها
ترف بتوتر : ماعندي لك مشاعر
نواف قرب منها اكثر وصار معد يفصلهم الا مسافة كم شعره وهو يناظر لشفاتها اللي لو عليه الحين التهامها : اعترفي
ترف تحس بدوخه مستحيل تحس بالشعور هذه الا معه بس شعور غريب بالنسبه لها تحس بالفرشات تحلق ببطنها وقلبها ولاول مره تحس مستمتعه ومو معصبه من قربه وهمست خوف من تلاصق شفايفهم : انا احـ وقاطعهم شهقه قويه وانتفضو اثنينهم بصدمه من رويتهم لـ
___________________________
هلووووو بارت مفاجاة لكم 😂❤️❤️
كنت بوقف بس مدري وش صار فيني لقيت نفسي فاضيه واكتب
عاد صدق صدق من يوم السبت اللي بيجي مراح اقدر انزل لكم الا اذا امداني
لان بنشغل باشياء كثيره واتمنى اتمنى تنشرون الروايه
عشان اشوف دعم قوي واستمر كلكم تعالو للتيك حقي هناك انزل مقتطفات من الروايه وحابه اطلب منكم اذا فيه حسابات تنزل عن روايتي ارسلوها لي حابه اشوفها لان كذا تحمسني ❤️
حسابي بالتيك : ue .lli8
واعذروني اذا فيه اي اخطاء املائية