"بسم الله الرحمن الرحيم "
•
•
•
فكرة وجودك جنبي دافئة جدًا
يا صدفة أجمل من ألف أختيار
هيفاء : وينك انتي وليه معصبه ؟؟
هنوف بغضب قامت : تسالين يا ست هيفاء ليه معصبه توك تنتبهين انك انتي والبنات مطنشيني ولا كان للهنوف وجود !!!
بدر تذكر الاسم وابتسم بخفه ايه هي البنت اللي شافها عند بيت جيرانهم تنهدت هيفاء: تعالي الكل يسال عنك
هنوف : كذابه محد يبغاني وانا غلطانه اني جيت !
بدر بهمس : انا ابيك ! وقفلت وهي تاخذ سماعتها من الارض ولفت وشهقت بقوه وهي تشوف الرجل اللي يناظرها بابتسامة : مييييييين انتتتت وخير تناظر لف وجهك لا افقع لك عيونك !!!!!!!
بدر ابتسم بمتعه لشراستها وقرب منها : اوب اوب وشذا العنف مايصلح لشكلك الخارجي !
هنوف : مريض وجات بتمشي بس مسكها من يدها وفجاة يسمعون اصوات الشباب داخلين للحوش سحبها بسرعه بدر لخلف النخل وهو يكتم ثغرها بيده الكبيره يسكتها عن الكلام لكي لا تفضحه وهمس : هش اسكتي لين يروحون طيب ؟
هنوف انصدمت من قربه وبلعت ريقها بخوف ورعب لاول مره تحس بالخوف من وجود شخص بقربها بهذا الشكل وهزت راسها بـ طيب وخر بدر يده عنها وهو محاصرها على النخله ويشوف نواف وخالد وراكان ومعهم طفل صغير يلعبونه ويضحكون
نواف : عاد تخيل خالد يكفخ وانا اكفخ هشمنا وجيههم
خالد : فاتك حركت نواف سوا لواحد منهم حركة الفراشه
ضحك راكان اللي شايل سعود على اكتافه : وشهي ذي الفراشه ؟؟
نواف : غبي مسمي حركتي القاتله فراشه
خالد بقهقه : حركة الفراشه الله يسلمك مسكو اثنين وجاء الثالث بيضربه واعطاه اقوى رفسه برجوله كنه فراشه وضحك بقوه وراكان كذلك وصفق نواف رقبة خالد : عساس انت ماسويت حركة النينجا !!!!
صحح راكان بقوه والدموع تخرج من عيونه : لا لا مقدر بتذبحوني انتم !!!
نواف : بعيد الشر بس الصراحه الله يهديه ماهر ما خلاني اطلع كل اللي بقلبي جانا يراكض كنه نعامة ويقلد ركضته ضحكو خالد وراكان ضحك هستيري
بدر تورط وهو يشوف بان الشباب مطولين من سواليفهم وضحكهم
همست هنوف برجفه : حسبي الله عليك من انت ورطتني معك وانا كافيه شري عن خلقه
بدر بنفس همسها : انا بدر زوجك المستقبلي
وسعت عيونها بصدمه وبهمس : مريض منجد مو طبيعي وقاطعها اتصال جوالها وصمته بسرعه وبدر عض شفايفه بورطه ولفو الشباب يدورون اثر للصوت بس مافي شي وكملو يسولفون ويلعبون سعود الصغير
ردت هنوف على هيفاء واخفضت الصوت وهمست : هيفاء تكفين ساعديني هيفاء: وشبلاك انتي ندورك ما نلقاك وشفيه صوتك ؟
هنوف وهي تلاحظ نظرات بدر لها وقربه لها يوترها وهمست : اسمعي انا طحت بواحد مجنون بعدين اقولك قصته وانحشرت معه بالحوش اللي بين القسمين وفيه نواف وخالد وراكان وحنا متخبين بين النخل وبدتي اموت من الخوف تكفين ساعديني
هيفاء انصدمت وقامت بسرعه بدون محد يحس : منجدك ! مافي مجال تطلعين !!!
هنوف عضت على شفايفها بغيض : لو يمديني كان كلمتك !
هيفاء: طيب طيب الحين اشوف لك حل وقفلت تاركه هنوف تسند راسها على جذع النخله مد بدر ابهامه لشفايفها وهمس : ليه العنف ؟
هنوف ضربت يده بخفه : لا تلمسني !!!
بدر ابتسم بعناد : ولا وش بتسوين ؟
هنوف : قلت لك بفقع عيونك !
عند هيفاء اسرعت تنادي شهد : هنوف بورطه
شهد باستغراب : ورطة وش ؟؟
هيفاء : مدرييي تقول انحشرت مع واحد بالحوش اللي بيت القسمين ودخلو عليهم راكان ونواف وخالد وتخبو ورا النخل !!!
شهد شهقت : ياويليييي طيب انتظري بكلم راكان يجيني وبقوله يخرجون عشان بندخل للحوش
هيفاء مسكت يدها : ايي تكفين بسرعه مانبي فضايح
شهد : لا الله يبعدها عننا واسرعت تتصل براكان وهي تمشي وترجع بتوتر ورد عليها : يا هلا والله بروح راكان
شهد نحنحت بتوتر : ركاني اسمع اطلعو من الحوش اللي بين القسمين بنطلع حنا البنات فيه عشان نصور
راكان باستغراب: وش عرفك اننا فيه ؟
شهد ضربت جبينها وعضت على شفايفها وردت : سمعنا اصواتكم
راكان مادخلت بباله كلامه بس مشاها : طيب الحين بنطلع
شهد : اوكيه اذا طلعتو رن علي
راكان : طيب وقفل وهو ينزل سعود من على اكتافه : مشينا البنات بيدخلون
نواف: يلاه يلاه وشال سعود وطلعو واول ما طلعو دفعت هنوف بدر واعطته كف باقوى ما اعطاها الله : هذي عشان مره ثانيه ما تتخطى حدودك ومشت تاركته بصدمته كانت عضلاته متيبسه من الصدمه ماعمر احد رفع يده حتى ابوه ماعمره تجرأ يرفعها تجي بزر تصفعه فرك خده بغضب : هين يا هنوف ان ما خليتك تندمين وتترجيني ما اكون بدر وطلع وهو معصب
.
رن راكان لشهد وردت : اوكي يا قلبي شكرا
راكان : العفو تبين شي ؟
شهد : لا سلامتك وقفل
هيفاء: هااه طلعو !!!
شهد : ااايه كلميها
هيفاء: طيبب واتصلت وردت عليها هنوف : انا دخلت خلاص
هيفاء: تعالي للصاله بسرعه
هنوف تنهدت وقفلت وهي تتجه للبيت عدت من عند جمعة الحريم والبنات ودخلت وهي تتجهه للصاله ولقت شهد وهيفاء اللي نطقت بسرعه : وش مهببه انتي ؟؟؟
هنوف ناظرت شهد وتكلمت هيفاء: ترا لولا الله وثم شهد كان الحين انتي بخبر كان !
هنوف ناظرت لشهد بهدوء وجلست على الكنبه تريح عليها ظهرها وتتنهد : شكرا
شهد : العفو بس وش اللي صار من ذا اللي انحشرتي معه ؟
هنوف : مدري اسمه بدر حيوان يتكلم معي ويقرب مني وكانه يعرفني !
شهد : احس إسمه مألوف بس ماني عارفه مين
هيفاء جلست جنبها : وش اللي صار
هنوف تنهدت : مدري يوم قفلت من عندك لفيت لقيته خلفي واقف فجعني وبعدها سبيته وجيت بمشي انصدمت بدخول العيال واسرع هو يسحبني معه لخلف النخل وربي لو مافي نخل كان امداني انفضحت وانا مالي دخل
شهد : الحمدالله عدت على خير الحين خلينا نروح للبنات ونستمتع
هنوف : مايحتاج الكل مستمتع بدون وجودي مايفرق روحي انتي وهيفاء
شهد : لا بالله احلفي ! اقول قدامي
هنوف ناظرت لهيفاء اللي ابتسمت وقامت معهم وجلسو مع البنات وبدت شهد تدخل هنوف مثل ما دخلت هيفاء اختها من قبل
.
بدر اول ما طلع وهو يشيك على جواله قاطعه نواف : هلا والله بدر
لف عليه وابتسم بمجامله : يا هلا فيك
نواف : حياك القهوه
بدر : لا والله جيت بس اوصل الاهل وامشي
نواف : لا والله انك ماتمشي لين تتقهوى
بدر : ابشر والله ما اخجلك ودخل معه واتجهو للجلسه وسلم على الكل وقام مروان يصب القهوه ويقهويه ابتسم له بدر بخفه
الجد سعود : كيفك وش الاخبار وش اخبار الوالد ؟
بدر : الحمدالله بخير يسلم عليك
الجد سعود : الله يسلمه اجل اسمع
بدر : سم ؟
الجد سعود بحزم : عشاك الليله عندنا منت بساري لين تتعشى
بدر بورطه : لا يا عم اعذرني عندي مشاوير !
الجد سعود : لا بالله ماني مخليك ساري
ابو ماهر : زي ما قال ابوي عشاك الليله عندنا المشاوير ملحوق عليها
بدر تنهد : زي ما تحبون مع انه ماودي اكلف عليكم
الجد سعود : وشهو كلافته بتتعشى من العشاء اللي بناكله مو زايد شي بس سم بالرحمن
بدر ابتسم من اسلوب الجد : الله يكثر خيركم
.
عند نوف اللي دخلت وهي شايله غيم بيد وغيث باليد الثانيه : راااماااااا
راما ضحكت وجاتها تركض : جييت مدت لها نوف الاطفال واخذتهم راما ورجعت نوف لمتعب اللي مد لها اكياس الحلا وشنطتها ونشطت عيالها : بشتاق لك !
نوف ابتسمت : وانا اكثر بس عادي يمديك تجي وتنام هنا تراك منت بغريب
متعب : اشوف اذا ماعندي استلام بجي
نوف : اوكيه استودعتك الله ياروحي
متعب ابتسم وهو يحب راسها : اذا احتجتي شي كلميني
نوف : ابشر ومشت تدخل ودخل متعب لعند الرجال يسلم عيب يمشي ولا يرد السلام على عمه
ونوف دخلت وهي تفسخ عبايتها : وشش فاتنيييي
ريما : مافاتك شي يا حبك للعلوم
نوف : عز الله ما كذبتي وضحكت وه تجلس جنبها وغيث وغيم مع البنات يلعبونهم
دانه قامت مع راما وريم اللي يلعبون بعيال نوف بالملاهي حقت الاطفال : انتظروني
ام نواف دقت ام خالد وبهمس : وش رايك فيها ؟؟؟
ام خالد : ماشاءالله تهبل وش زينها بس ليه تسالين ؟؟؟
ام نواف : بخطبها لريان
ام خالد : يبي يعرس ؟؟
ام نواف : لا بس بجبره لازم يتزوج ويلقى له وحده تسنعه ماينفع يجلس بهمه ويقعد يفكر بالمرحومه ويشيب راسه وهو باقي صغير
ام خالد : والله وانتي صادقه اقنعيه البنت جميله تبارك الرحمن وهو عنده بنت لزوم احد يقوم فيها ويربيها وهو مو فاضي وهو بالعزبه كل يوم وانتي وانتي وانا اختك مانتي بحال شقى
ام نواف تنهدت : صادقه ياختي وادري بس عاد الله يصلحه عنيد
عند البنات كانو يزحلقون غيث وغيم وضحكاتهم عاليه ودانه ميته عليهم من لطافتهم وكانو يشبهون بعض حيل : ماشاءالله يهبلون
راما ابتسمت : اي والله بذات ذا العمر
دانه : كم عمرهم ؟
راما : اممممم تقريبًا خمس شهور بيدخلون السادس
ريم وهي تبوس غيث : اموووووتتتت انا على الحلووووووو
ضحكت راما : ياويلك من نوف قطعتي خده
ريم بقهقه : ما قلت لها تجيب لنا بطبوط دانه وراما ضحكو على القاب
راكان اتصل بشهد وردت : لبيه وش بغيت ؟
راكان : ابيك تعالي للوحده حقتنا
شهد : مافي احد اجي بدون عبايه ؟؟
راكان : البسي شرشف
شهد : طيب وقفلت وهي تسحب الشرشف تتغطى فيه وتقوم
مها : وين رايحه ؟؟
شهد بهمس : راكان يبيني
مها : لا تطولين
شهد: من عيوني ابتسمت مها ومشت شهد للوحده حقت عمها ناصر ودخلت من الوحده وهي تشوف راكان اللي يدخن وجالس على الكرسي
شهد بغضب : وش قايله لك مافي تدخين ليه انت عنيد ؟؟
راكان ابتسم وهو ينفث الرماد : اووووففف مقدر بدونه
شهد : والله لو ما رمي وقبل لا تكمل شافته يرميها ويرمي عليها التراب
:هاه ارتحتي ؟؟؟
شهد ابتسمت : ااااايه وكثييير وقرصة خده ضحك وسحبها للداخل وتوترت شهد : ليه دخلنا
راكان : مابي احد يطب علينا
شهد بخوف : ليه وش بتسوي ؟؟؟
راكان بصدمه : ماني مسوي شي علامك خايفه ؟؟؟
شهد : مدررريي هرجك كله خوفني
ضحك : والله وانتي بعد من طريقة هرجك خوفتيني معك
شهد ضحكت بخفه : امي تقول لا تطولين
راكان تنهد : زواجنا بنهايه الشهر يعني مابقى الا عشر ايام وبعدها محد يقولنا شي
شهد ابتسمت وهي تداعب وجهه بحب : الله يتمم لنا على خير
راكان : امين وحضنها بادلته بحب وهمس لها : ليه كذبتي علي اليوم ؟
شهد استغربت وبعدت عنه : متى كذبت ؟؟؟
راكان : يوم قلتي بانك سمعتي اصواتنا
شهد توترت : فعلا حنا سمعنا صوتكم يعني وقاطعها وهو يحط سبابته على شفايفها ويوفع حاجبه بحده : ابي اسمع الحقيقه لاني سمعت صوت جوال دق بنفس الحوش وبعدها بدقايق دقيتي انتي ماني بغبي عشان ما اعرف وتعرفين انتي شغلي زين اكشف الشخص الكذاب بسرعه
شهد توترت وهي تعرف بانه مراح يتركها لين يعرف ولو كذبت مثل ما قال راح يكشفها وبيزعل بس بنفس الوقت ماتقدر تقوله بان نوف انحشرت مع شخص وتصير مصيبه قاطع سرحانها : تدورين كذبه تصرفيني فيها ؟؟؟
شهد بسرعه : لا والله مو كذا
راكان : اجل وش اللي صار تكلمي اسمعك
شهد تنهدت : توعدني ما تقول لاحد ومايطلع الكلام اللي بقوله خارج ذا الباب
راكان : وعدك وتعرفيني !
شهد : خلنا نجلس سحبها وجلسو على اقرب كنبه وبدت تسرد كل اللي قالته هنوف وكانت صدمة راكان كل مالها تزيد : وووووش تقوليييينننن !! بدر !!
شهد مسكت راسها بتوتر : راكان وعدتني !!!
راكان صر على اسنانه : شهد وعدتك انه الموضوع مايطلع من هنا بس ما وعدتك ما احاسب بدر !!
شهد : وشفيييك انت مسوي غيران لا يكون ! قاطعها بحده وغضب : وشفيك انتي تشكين فيني وانتي عارفتني اني اعشقك بس الموضوع يمسنا هي بنت عمتي واكيد بغار عليها مثل غيرتي على راما ونوف !
شهد زفرت بقوه من توترها : تكفى يا راكان هدييي الموضوع تقفل عليه !
راكان بعناد: تقفل وشهو وهو توه يبدا !!!!
شهد : انتتتت ليه عنيد !
راكان عدل جلسته : ماني بعنيد بس الموضوع يقهر
شهد : اصلا مين بدر ؟
راكان صفق رجله بغيض : ولد جيرانا اخو البنت اللي جتكم
شهد بهمس صادم : دانه !
راكان زفر بقوه : انا اوريه
شهد مسكت راسها : راكاننن قايله لك الموضوع تقفل يرحم لي والدينك خلاص
راكان : لا مو خلاص بوريه الكلب كيف يم وقاطعه سحبة شهد له وهي تسكته بطريقتها جاعله منه ينصدم بس انبسط وسحبها لع اكثر ..
.
راما وهي تقفل من نواف اللي اخبرها بانه يريد غيث وغيم واتجهت تعطيه اياه بالحوش القاسم بين القسمين واخذهم نواف كل واحد بجهه وضحكت راما وهي ترجع بس قاطعها صوت خرفشه بجهة النخل وقربت ولكن يوم زاد الصوت راما انفجعت وهي ترجع للخلف والخوف يعتريها رجفت اعظامها وهي تلتفت ولكن تنصدم برؤية مروان وصرخت برعب لانها ظنته جني واسرع مروان اللي تورط يقفل فمها بيده ويهمس لها : اااصصص
راما يوم دقتت بالملامح استوعبت انه مروان ودفعته برعشه : وش جابك هنا امش بسرعه قبل لا يجي احد !!!
مروان اللي ضايع يتامل ملامحها الجميله : هاه !
راما انصرعت من فهاوته : اقولك انقلع قبل لا احد يجي
مروان : معليش بس تراني مادريت عنك والله احسبك روان
راما : غض بصرك وانقلع قبل لا نتورط
مروان بورطه : اهلا ورطه وهو يشوف دخول ريان
...
"بيت معاذ "
كانت الجازي جالسه تتفرج التلفزيون وجلس جنبها معاذ : امي راحت لخالتي ام تركي ؟
الجازي : ايه
معاذ : هممم بقولك
الجازي لفت عليه : وشهو ؟؟
معاذ بابتسامة خبيثه : ريما بتقول لماهر انك بترفضين عشان تفجعه
انتفضت الجازي : لااااااا تكفى بينفجع !!!
معاذ وسع عيونه بصدمه : خايفه عليه !!!
الجازي ارتبكت : لا مو كذا ! قصدي معاذ : مرتاحه له ؟
الجازي بخجل : ايه
معاذ ابتسم : الله يوفقك معه
الجازي : امين والحين وش تبي عشاء
معاذ : ليه وش بتسوين !
الجازي : اسرع شي كبسه
معاذ : لا دام امي مو فيه نطلب ماك
ضحكت الجازي بحماس : تمممم ما اقول لا
معاذ : انتي اصلا ماتقولين لا لاي موضوع فيه اكل
الجازي بصدمه وضحك : ياكذااابببب
ضحك معاذ ورفع جواله : اص بس بطلب وفتح على مرسول ونشبت له الجازي عشان تختار وجبتها وطلبو اول ما خلصو من الاختيار
الجازي : شكل خالتي ام تركي بتزوج ولدها
معاذ : وش دراك !!
الجازي بابتسامة : فيه وحده عاجبتها ودايم تسالني عنها
معاذ بابتسامة : مين !!!
الجازي : بنت اخو ريما شافتها بزواجكم وبغت تنهبل عليها وراحت تعرفت على امها وحتى جت مره زياره لهم واكلتها اكل
ضحك معاذ : عاد واضح تركي وده يتزوج كل ما دعت له قال امين
ضحكت الجازي : الله يوفقه والله يستاهل كل خير كان مثل اخوي واكثر
معاذ بغيره : لا احلفي !
الجازي ضحكت : والله ذا الصدق كان يوصلني للجامعه ويوديني وين مابي ولا عمري شفته منه الردى
معاذ بتكشيره : اجل لقيتي لي بديل
الجازي ضحكت بقوه وهي فاهمه انه غار وحضنته : لا عاد انت الاصل بكل شي ولا لك بديل تدري ليه ؟!
معاذ ناظرها بنص عين : ليه ؟!
الجازي بابتسامة جميله : عشانك نادر انت اجمل وافضل واحن اخ بالعالم انت مالك مثيل اصلا
ابتسم باتساع معاذ وسحبها له وهو يحضنها : اوف من لسانك اللي مثل العسل
ضحكت الجازي : الله يخليك لي
معاذ : امين امين وضحكو على بعض وبدت حربهم بالمخدات مستغلين غياب والدتهم ..
.
شهد بعدت عنه وهي تحس بالحراره بوجهها من الخجل : اسمع سويت كذا عشان اسكتك بس !
راكان بابتسامة سعيده : اعتمديها دايم سويها
شهد ضحكت وهي تدفعه بخفه : بلا دلع
راكان حضنها : اهخ بس ماعندي غيرك اتدلع عليه ولغ تبيني اروح لغيرك ؟؟
شهد بصدمه وغيره : جرب وشوف وش بيصير فيك !
ضحك باستمتاع : وش بيصير ؟
شهد وهي تسحب المخده تخنقه فيها : هذه بيصير فيك واعتلت ضحكاتهم وهم يمزاحون بعض
.
راما يوم لمحت ريان خفق قلبها بخوف واسرعت بتهرب لقسم الحريم بس انصدم ريان برويته لراما اللي تركض ومروان وصرخ : راما !!!!
راما وقفت بخوف وهي تحس عظامها تجمدت ماعمر بحياتها صار معها موقف سيئ مثل الحين ! اسرع ريان يمسك يدها بقوه يهزها بغضب : وش تسوين هنا معه !!!!
مروان حس بغضب ريان وقرب وهو يبعده عنها : تراك فاهم غلط يا ولد العم !
ريان دفعه بقوه وهو يسحب راما خلفه : غلط يا كلب يا قليل الاصل !
راما ببكاء : ريان والله العظيم فاهم غلط
ريان بغضب لف عليها : انتي انطمي وانقلعي داخل شغلك معي شوي !!!
راما اسرعت تدخل وهي تحبس دموعها وجسمها يرتعش بخوف واسرعت تمشي بخطوات سريعه تعدي من عند البنات اللي مشغولين برقصهم
واول ما دخلت للبيت وهي تشوف نوف اللي تغسل يدينها وتمسحهم بمنديل وطاحت على الارض تبكي بانهيار مرعبه نوف اللي ركضت لها بفجعه : وشفيييك !!!! ماردت عليها وهي تبكي تحضنها بادلتها وهي تهزها : راماااا وشفيك يا بنت ردي علي !!!
عند مروان اللي تنهد : ريانوه تراك فاهم الموضوع غلط جيت هنا عشان وفجاة قاطعه ريان وهو يمسكه من ياقة الثوب وبغضب عاميه : يا نذل كيييف تتجرأ تكذب قداااامممممييييي !!!!
مروان عصب وهو مو قادر يتحمل غضب ريان: تراك مو صاحي وبعذرك عشان كذا فكني لا يصير شي تندم عليه !
ريان : بنشوف مين بيندم ولكمه بقوه ورجع مروان لورا وجاء بيلكمه مره ثانيه ريان بس قاطعه لكمة مروان وتشابكو كل واحد يضرب الثاني
نواف شال غيم وخالد معه غيث : يازينهم زيناه
ابتسم نواف : ابشر لعيونك بنجيب انا وترف توائم
خالد شاته برجله : احمد ربك ان يديني مشغوله بالبزر ولا عرفت ارد عليك
ضحك نواف ودخلو للحوش القاسم عشان يتجهون لقسم الحريم وانصدمو برؤية مروان وريان واسرعو لهم ورفع صوته نواف : هههيييه وشفيكم فكووو بعضضض كانو الشباب متجاهيلنهم واسرع نواف يطق باب الحريم بقوه وجاته ترف ومد لها نواف غيم وخالد اسرع يعطيها غيث واسرعو يفرعون بينهم وترف تسمع باصواتهم وخافت وهي شايله الاطفال بس ماتبي تقلق الكل وسكتت واتجهت تبحث عن نوف او راما وما لقت ولا وحده ودخلت البيت : نوف عيالك جو وانصدمت برؤية انهيار راما ونوف اللي حاضنتها تهديها : ييمه شفيه !!!
نوف : ترف اعطي الورعان وحده من البنات ولحد يدري
ترف : طيب طيب وطلعت بعجله ولقت ريم اللي تسولف مع هنوف وحطت غيث وغيم باحضانهم : امسكوهم دقايق بس
هنوف : طيب وناظرت لغيث : يشبه لنوف شويه
ريم ابتسمت : اييه قمر كلهم يهبلون
ترف دخلت البيت وهي مسرعه واتجهت لهم بقلق : وشفيكم ! توي شفت ربكة نواف وخالد صار شي !
راما بانتفاض : ياويلييي يا نوف قلت لك يتهاوشون
نوف مسحت على شعرها بتوتر : ريان الله يصلحه نكب الوضع
وبكت راما اكثر ترف : تكلمو وش فيه !!!
نوف : راما يوم اعطت نواف عيالي وجات بتمشي سمعت صوت وهي ملقوفه رجعت ويوم خافت اكثر جات بترجع بس انصدمت بوجود مروان ودخل عليهم ريان بذي اللحظه ولك ان تتخيلين المشهد
ترف شهقت وهي اكثر وحده حاسه براما لانها مجربه نفس الحدث
عند العيال اسرع نواف يسحب ريان اللي يخنق مروان وخالد يسحب اخوه : انت وياه علامكم على بعض !!!!!!!!!
ريان وهو وجهه احمر من الغضب : الكلب ذا لقيته مع راما !!!
نواف وخالد ناظرو لبعض بصدمه رد مروان بغضب : والله العظيم ان ريان غلطان احاول افهمه ما خلى لي مجال !!!
ريان بصراخ منفعل وغاضب : تكذذذبببببب عيونييييي يا قليل الاصل
نواف حس بضغط هو وخالد وهم يحسون نفس المشهد يتكرر عليهم وصرخ فيهم نواف : انطمووووووو لا اسمع حس لاحد وفهمونا الموضوع بدون شوشره !!!
ريان بغضب وهو يبعد عن نواف : تبي تفهم الموضوع انا افهمك اقولك دخلت للحوش بتمشى فيه والقى فوجهي راما اللي بتشرد لقسم الحريم ومروان خلفها ويوم صرخت فيها خافت اكيد شكي بمحله !!!!
مروان بغضب : اعقب يالخسيس تشك باختك !!!
خالد بغضب : مروان اسكت !!!!!!
مروان : ماتسمعه وش يقول
نواف فرك جبينه : وانت يا مروان
مروان دفع عنه خالد ولاول مره يعصب من شي : انا انسان ماعمري غلطت بحق احد ولا عمري فكرت ببنات عماني بشي شين وكلهم بحسبة اخواتي والموضوع اني كنت جايي عشان باخذ من عند روان البور بشحن جوالي ولقيت وحده معطيتني ظهرها حسبتها هي بس انصدمت يوم اكتشفت انها مهي روان وفجاة دخل علينا ريان بذي اللحظه وظن فينا ظن السوء !!!
ريان بغضب : كذاااابببببب مهما قلت مراح اصدقك !!!
خالد مسح على شاربه وناظر لنواف اللي فهم نظرته وتنهد : ريان قسم بالله وبمن احل القسم لو ما تهجد لتندم بنادي راما وهي بتفهمنا الموضوع
ريان ضحك بغضب : عساس بتعترف لك !
نواف بحده : ايه لو بس تسكت
ريان لف عنه بغضب وهو يمسح وجهه بغيض ولف نواف على خالد ومروان : بناديها اعطوني ظهوركم عشان الكل يسمع كلامها
خالد : طيب ولف ولف معه مروان اللي يعض اصبعه الابهام بغيض وحرقه من افتراء ريان عليه وعلى راما المسكينه اللي اكتشف انها من اي شي تخاف
نواف رفع جواله واتصل على جوال راما اكثر من مره بس ما جاء رد واتصل بنوف اللي ردت بعد اخر رنه : هلا ؟
نواف : وين راما ابيها
نوف بخوف : ليه !!!
نواف : ماني مسوي لها شي قولي لها لا تخاف ابيها عشان تفهمني بس الموضوع
نوف : وعد ؟
نواف زفر : نوف !
نوف : خلاص طيب وقفلت وناظرت لراما اللي تناظرها بقلق : هاه وش فيه !
نوف : نواف يبغاك !
راما بخوف : لا مستحيل اروح له !
ترف : روحي نواف مو مسوي لك شي مراح يضرك
راما بخوف ورجفه : مقدر والله مقدر خايفه
ترف : خايفه من وش هدي انتي ما سويتي شي غلط ! بعد محاولات راحت نوف للبنات عشان لا اخد يحس بشي وترف مشت مع راما وطلعت راما بس خافت من وجود شخصين معطينها ظهرهم بس جرها نواف له : هدي حنا هنا عشان نبي نفهم الموضوع
راما كانت منزله راسها بخوف من نظرات ريان تحس فيها مثل السكاكين تنهد نواف وهو عارف انها خايفه من وجود ريان وقف قدامها بينها وبين ريان : لا تخافين تكلمي وش اللي صار !
راما بصوت مرتجف : ا .. ا انا بعد ما اعطيتك غيث وغيم كنت راجعه بس سمعت صوت بالزاويه وحسيتها خرفشت قطو بس خفت يوم لاحظت وجودي لحالي بذا المكان وكنت بمشي بس انصدمت بروية وسكتت نواف : كملي شفتي مروان ؟
راما بخوف : ااايه وبعدها جيت امشي بس انصدمت برؤية ريان ودخوله المفاجئ وخفت منه يشوفني ويظن فيني مثل ماظن الحين !
ريان بغضب : وظني صح !!!
راما بكت وهي ترتجف بخوف لف نواف لريان بغضب : ريان صوتك لا ترفعه فاهم !!!!
ريان بغضب وحرقه : الحين بتصدقها وتكذبني !!!!
نواف : اااايه بصدقها راما ما تكذب فاهم !!!!
راما بكت واكثر وهي تتمسك بثوب نواف من الخلف
مروان هز رجله بغيض من غضب ريان على راما وزاد غيضه يوم سمع صوت بكاءها خالد تنهد وهو يحس ان الدايره دارت بس مايحط بذمته مروان وراما لان اخوه اهبل وينه و وين سواليف الحب والغرام وراما بنت عمه دايم يسمع من اخواته انها اطيب بنات عمانه ولأ تاذي حشره يعني اكيد مراح تتجرأ
ريان بصراخ غاضب : نواف انت معطيها وجهه بزياده !!!
نواف بغضب : والله انا اللي معطيك اكبر من حجمك توقعتك تكون سند لها واخر شي جاي ترفع صوتك عليها تسترجل عليها تحسب الحين زادت رجولتك الناقصه بشكك لها !!!
ريان ضرب الجد بغضب من كلام نواف هو يحترمه لانه اخوه الكبير معزته فوق كل شي وهو بسبب كثرة تفكيره معد يفرق بين الصح والغلط
لف نواف على راما اللي ارتمت بحضنه تحضنه وهي تنتفض بخوف وصوت بكائها ادمع ترف اللي تسمعها من خلف الباب لانها تحس باللي تحسه الحين راما لانها مجربه اللي صار بس فرق بينها وبين راما البريئه اللي مالها بذي السوالف مسحت دمعتها وهي تحمد ربها على حسن حظها بان البنات مشغلين اغاني ويرقصون ومحد سمعهم ولا لاحظ ربكتهم
نواف بادلها وهو يمسح على شعرها وحب راسها وهمس : هش خلاص اهدي والله العظيم مصدقك بس وقفي بكي
مروان عض ابهام يده بغضب من ريان وكيف وصله شكه انه يخلي دموع اخته تنزل كان يبي يلف يهد حيل ريان بس وقفه مسكة يد خالد لكتفه وهمس : حركة بصفقك قبل لا توصل له عض شفته بقهر مروان وسكت
نواف : ادخلي ولحد يدري باللي صار لانه ماصار شي فاهمه ؟
راما هزت راسها ودموعها تتساقط مسح لها دموعها وحب راسها مره ثانيه ودخلت راما بسرعه وحضنتها ترف
ولف نواف للشباب اللي لفو ونطق بحده لمروان وريان : انت وياه لا اسمع ان الموضوع ذا طلع لاحد فاهمين !!!
ريان : تتوقع رد فعل راكان للموضوع مثل رد فعلي !
نواف بغضب : مراح يعرف هذه اول ثانيًا الموضوع تقفل عليه وثالثًا بتتصالح انت وياه الحين وقدامي !
ريان : تحلمممم اصالحه !
نواف بحده : ريان !!
خالد دفع مروان : صالحه
مروان : مو منجدك !
خالد : مروان !!!!!!
مروان تنهد وقرب من ريان ومد يده له ناظره بحده ريان وتجاهله
نواف : ريان !
ريان فرك راسه بقوه وصافح يد مروان بقوه سحبه مروان يحضنه : اسف لاني ضربتك بس قهرتني تصدق !
ريان انجلط منه وهو يدفعه : ما اصدقك من اليوم
مروان : مو على كيفك وحضنه بقوه وريان متورط فيه يبي يبعده
دخل راكان : شكل اليوم يوم الحضن العالمي !
نواف نحنح : ايه تبي تحضني !
راكان : لا وخر ضحك خالد ونواف وريان دفع مروان بالقوه عنه وزفر ويوم شاف راكان تراجع بفكره اخباره لانه يعرف جنونه ممكن يذبح مروان لو بس شك انه كلم راما كيف لو شافهم ! تنهد
خالد : يلاه مشينا ولا عز الله جدي جلدنا
راكان : ياليل ياجدي اول مره تجي الساعه ١٠ ولا ينام
ضحك نواف : عاجبته الاجواء ومشى الكل للداخل مخفين الامر الذي حدث لدرجه راكان لم يكتشف شي بسبب تغطيتهم للامر
دخلت راما مع ترف عشان تغسل وجهها مدت لها نوف قارورة مويه : وش صار !؟
راما تنهدت براحه : نواف مصدقني بس ريان معصب
نوف : معليك مصيره بيرضى دام نواف معك لا تشيلين هم
ترف : اايه صادقه اذا نواف معك انتي امورك تحت السيطره
نوف بحاجب مرفوع : واضح انك تعرفينه !
ترف بعفويه: ايه لانه حبيب
ضحكت راما بصدمه ونوف موسعه عيونها وترف حست باللي قالته وحكت راسها : امي تناديني وطلعت تركض
نوف : شكل صار شي مستجد وحنا غافلين لكم الله
راما بإبتسامه : شكله
نوف : تعالي الحقيني نروح نستمتع الحمدالله مشكله وانحلت
راما تنهدت بتوتر : ان شاء الله ريان مايقول شي لراكان
نوف : لا مو قايل شي دام نواف مشرف على المووضوع
راما : هذه اللي مطمني
.
عند الشباب حطو العشاء وراكان اللي يخز بدر وده يذبحه بس يتذكر بوست شهد ويبتسم كانه اهبل ضرب كتفه ماهر : عسى ماشر علامك تبوزم وبعدين تبتسم مثل المجنون ؟
راكان ابتسم : اذا حبيت بتفهم شعوري !
ماهر : حب ! انا وصلت لمرحلة الهيام
راكان ضحك بصدمه : ادعسسسس ياولد ماتوقعتك راعيه !
ماهر رفع حاجبه : لا والله اجل تحسبني حق وش
راكان : مالك بالخرابيط ذي
ماهر ضحك : لا ابشرك انا راعيها
راكان بقهقه : الله يقويك
واتجهو يتعشون بعد ما حطو عشاء الحريم
والبنات كمان فرشو السفر وحطو السلطات والعصير والمويه وحطو صحون العشاء وكانت اربع صحون عشانهم كثير
مرام اللي جالسه بصحن فيه ريما وطيف ورهف ونوف ومها : سمعت انك حامل يا ريما !
ريما : من وصل لك العلم صادق
مرام : عشان كذا لاحظت انا زيادة وزنك وشراهتك !
ريما وهي هرمونات الحمل مخليتها انفعاليه زياده على ماهي عليه : اكلي لا ابطح مع الذبيحه وفرمتك معها !
مرام بتحدي : شكلك مشتاقه لمدة اليد !
مها : صلو على النبي وخلونا نتعشى بدون مشاكل !
مرام : انتي بذات يا مها اسكتي
مها تنهدت وردت ريما : والله ليتك انتي تسكتين بس اكتشفت بان حتى الاكل مايسد حلقك يبى من يسده سد معد ينفك منه
مرام : جربي وشوفي وش بيجيك
طيف مسكت ريما : معليك منها طنشيها احترامًا للنعمه
سكتت ريما وهي تاكل والغضب واصل حده عندها
" بعد العشاء "
البنات شالو حوسة العشاء وحطو شاهي والكل يشرب ويسولفون
شهد همست لهنوف : عرفت لك منهو بدر
هنوف لفت عليها : من ؟
شهد : ولد جارنا اخو دانه واشرت عليها هنوف ناظرت لدانه اللي تضحك وتسولف مع راما : هممم معلي منه علمته درس معد ينساه !
شهد باستغراب : سويتي شي وما قلتي لنا !
هنوف بثقه : اعطيته كف مراح ينساه طول حياته عشان يعرف مره ثانيه ما يتمادى مع بنات الناس
شهد بصدمه : مو منجدك !!!
هنوف قرصته لان صوتها مرتفع : هش
شهد بالم : وجعوه ماتعرفين لغه غير اليد !
هنوف ابتسمت بخفه : اعرف الصفع !
ضحكت شهد بخفه : الله يقلع بليسك محد يوصل لجرأتك
هنوف : اللي يستاهل نا اندم اني رفعت يدي عليه
شهد ابتسمت بخفه لها لانها لاحظت اندامج هنوف معها ومع البنات
.
اتصل بدر على دانه وردت : بمشي انا اجهزي
دانه : بدري !!!!
بدر : انتي شايفه الساعه بتقرب على ١٢ !
دانه : اوف بدر !
بدر : بسرعه وقفل وهو يوقف : كثر الله خيركم واستاذنكم بمشي
الجد سعود : استودعناك الله ابتسم بدر ومشى ولحقه ماهر يوصله وهم يسولفون في ما بينهم
دانه : ابي عبايتي
راما : ليييه بدري !!!!
دانه تنهدت : بدر يقول اجهزي اوف منه بس
راما : الحقيني طيب وقامت دانه وراما ولبست عبايتها ونقابها : مع السلامه جميعًا
الكل رد بردود متفاوته : مع السلامه + استودعناك الله
ومشت دانه ورجعت راما للبنات تسولف
ريان كان متكي بعيد شويه عن جدار ويدخن وسارح الفكر وبدر وماهر واقفين جنب السياره يسولفون وطلعت دانه وقفلت الباب خلفها واتجهت للسياره بتركب بس لمحت وقوف ريان ويدخن بهدوء ورفع نظره لها ونبض قلبها بسرعه من نظرته اللي خطف فيها قلبها وارتبكت وهي تدخل السياره بسرعه وماهر ودع بدر اللي اشر لريان مع السلامه وبادله ريان بابتسامة خافته وحرك ماشي
قرب ماهر من ريان : من متى تدخن !
ريان تنهد وهو ينفث سم السيجاره : من شهرين
ماهر تنهد : ابعد عنه مو زين
ريان : بحاول اخفف
ماهر ابتسم : تعال بس جيب ريفان نخلي الشيخ سعود يلعب معها ابتسم ريان : لا بنتي ما تنكشف على عيال !
ضحك ماهر : امش بس امش ومشى ريان مع ماهر يضحكون
___________________________
قراءه ممتعه ❤️
مدلعتكم لحد يجحد امس منزله واليوم ذي ولا في التاريخ 😭
بس والله تستاهلون وقليل بحقكم 🥹❤️
ايي دعم يكسر الدنيا عشان انزل
حسابي بالتيك هذه هو حياكم : ue.lli8
أنت تقرأ
احتريتك من بين كل البشر وسميتك عشقي وفرحة سنيني
Actionالكاتبه شهد✍🏻 اول روايه لي وان شاء الله تنال اعجابكم 🤍 • اختصار للروايه ؛تتكلم عن حياة الجد سعود وعياله واحفاده ويومياتهم والاحداث والمغامرات اللي تصير معهم •• "" لا استبيح النقل او الاقتباس ""
