احتريتك من بين كل البشر وسميتك عشقي وفرحة سنيني

18

"بسم الله الرحمن الرحيم "
•
•
•
•
عند ام معاذ اللي ضيفة ضيوفها وحبت سواليفهم اللي تريح الصدر
ام الجازي بابتسامة : والله يا ام معاذ احس اني شايفتك بس ما اذكر وين
ام معاذ بابتسامة : امكن مشبهه يا ام الجازي او مخالطه بالملامح
ام الجازي : اي والله شكله
ام تركي : ماشاءالله تبارك الله يا ام معاذ ولدك كبير الله يخليه لك
ام معاذ : اي بالله الله يحفظه لي
ام الجازي وام تركي : امين
.
.
حامد وهو يبوس رقبه الجازي اللي تصارخ وما كانت تسمع الا صدى صوتها
حامد بهمس : افهمييي انا مو عمك لا بالدم ولا بالشرع يا حلوه
ناظرته بفجعه يوم شافته بيخلع ملابسه وهي تقوم بتشرد بس مسكها بقوه ورجعها لمكانها صارت تقاومه إلى ان رفسته بين رجوله وهي تركض لباب الشقه وعض حامد على شفايفه بألم بس اسرع يلحقها وهي تناظر خلفها وطلعت للشارع تصارخ وهي تلهث وتكح فز صاد معاذ يوم شافها وانصدم برؤية الرجل وهو يمسكها من شعرها الجازي وهي تصارخ : وخررررررر عنيييييي تكفووووون ساعدونييي يااااا ناااسسسس
معاذ هنا مسكت معه النخوه واسرع لحامد يدفعه بقوه عنها : يا خسيسسسس تمد يدك على بنت  !!! يا الحرمه هاااااه
حامد بغضب : لا تتدخل بشي ما يخصك وانتي يا كلبه قدامي للبيت !!!
الجازي بدون وعي مسكة بثوب معاذ وهي تنتخيه ببكى : تتتتتكفى يا اخوي لا تخليه يقرب منييي
معاذ ناظر لحامد ولكمه بغضب : ااافاااا والله ما يمسك وانت يااااا كلبببب اوريك كيف تستقوي على بنت ؛ ولكمه بقوه وحامد يحاول يدافع عن نفسه بس مافي مجال مع لكمات معاذ القويه
والجازي تبكي وتشاهق حتى نست نفسها بانها مهي مستتره
قاطعهم صوت سيارات الشرطه ونزول ماهر بسرعه من سيارته وناظر للجازي بصدمه وبغضب رمى عليها شماغه بغيرة ونخوه : تـــســتري يا بــــنــــت !!!
الجازي اسرعت تغطي نفسها بالغتره وهي تبكي ودخلت للبيت
سلمان وهو يبعد معاذ عن حامد : لو سمحت وخر عنه معاذ وهو يلهث وناظر لماهر اللي يساله بسرعه : وش اللي صار يا معاذ !!!
سلمان مسك حامد اللي وجهه متشوهه من الضرب و امر الشرطي يحط له الكلبشه : اخذه للسياره
الشرطي : امرك وسحبوه الشرطه للسياره
معاذ وهو يلهث ويعدل ثوبه : انا ساكن هنا دوبني منتقل هذه بيتي وهو ياشر للبيت اللي قدامهم وكمل :وكنت جالس عند باب بيتنا الا وفجاة اشوف البنت اللي طالعه من بيتها وتصيح وتبكي والكلب ذاك وراها وكان بيضربها لولا تدخلي والبنت تنتخيني ماقدرت ما امد يدي على الحيوان
سلمان : بيض الله وجهك ما قصرت
معاذ :وجهك ابيض بس لا تخلونه يطلع بسهوله الكلب غبني
ماهر اللي كان شارد يفكر بالجازي ويحس بخوف واتجهه لباب بيتهم وطقه انتفضت الجازي اللي كانت متكوره حول نفسها : ميننننن!!
ماهر : هذه انا يا اختي النقيب ماهر البسي عباتك ابي اسالك كم سوال
الجازي بخوف : وين بتسالني ؟
ماهر بهدوء: عند الباب ماني مطول
الجازي : طيب انتظر واسرعت تلبس عباتها وهي تحس عظامها ترجف وخرجت وصد ماهر وتكلم بصوت ثقيل : سوا لك شي الكلب !
الجازي وهي تكتم بكاها : لولا الله وثم خروجي من البيت مدري وش كان بيصير
ماهر شد على يده بغضب وتكلم بنبره هاديه : والدتك وين!
الجازي تمسح دموعها: عند جارتنا
قاطعهم صوت قدوم ام الجازي : الـــجـــازي وانا امك وينك
الجازي اسرعت تحضن امها وتبكي وامها تطبطب عليها : حسبي الله عليك يا حامد الله ينتقم منك
معاذ اللي صاد بس يسمع بكى الجازي ويحس وده يواسيها مايدري ليه يحس بشعور غريب اتجاها يحس كانها تخصه
ماهر بصوت ثقيل : يا خاله من اليوم ورايح مو جايكم شي شين حامد بيتعفن بالسجن ومهو طالع ان شاء الله
ام الجازي وهي ماسكه دموعها : الله يسعدك ياولدي ويخليك لاهلك
ماهر :امين يا خاله بس ودي اسال الجازي كم سوال على انفراد ممكن !
ام الجازي ناظرت بنتها اللي تمسح دموعها وتناظرها ام الجازي : معليه يا وليدي اسالها ما يخالف واقتربت الجازي من ماهر اللي معطيها ظهره ودخلت ام الجازي البيت وهتف ماهر : وش كان يسوي الكلب بالبيت !
الجازي بخنقه : كان جاي ينفذ خطته اللي يحلم فيها
ماهر : وش خطته !
الجازي  بغصه : يبي يغتصبني وبكت لف عليها ماهر وهو يحس الارض مو شايلته : كـــيـــف يفكر كذا !!!!
الجازي ببكى : وش تتوقع من كلب النجاسه فيه من زمان
ماهر : خلاص لعد تبكين معد بيقرب منك ورقمي عندك اذا احتجتي شي كلميني
الجازي : ما تقصر واسفه على ظني فيك قبل ما كن قاطعها : ما صار شي يا بنت الاجاويد تبين شي ؟
الجازي : لا سلامتك ومشى ماهر لمعاذ اللي اسرع يناديها : يا بنت الجيران التفتت الجازي وهي تناظره تقدم منها تحت نظرات ماهر الحاده :بغيت بس اقولك اذا احتجتي شي مايردك الا لسانك انا مثل اخوك والجار للجار
الجازي هزت راسها ودخلت بسرعه للبيت واسرعت لحضن امها تدفن نفسها فيه وهي تحس بالامان وامها تمسح على راسها بحنان : ان شاء الله اخر الاحزان ومو معود علينا حامد سمعتي الشرطي وش قال
هزت راسها الجازي وهي تفكر بولد جيرانهم اللي لولا الله ثم مساعدته ماتدري وش سوت بعمرها
ماهر ناظر معاذ : مبارك البيت
معاذ : الله يبارك فيك بسالك يا ماهر وش القضيه !
ماهر تنهد: خلها على الله اسوء قضيه تمر علي ماتصدق ان فيه ناس بذي البشاعه !
معاذ انقبض صدره بقلق : تكلم وشهي !!!
ماهر بدا يحكي له السالفه
معاذ صر على اسنانه بغضب  : قسم بالله لو اشوفه مره ثانيه لذبحه الكلب متحرش ببنت اخوه !!!!
ماهر مسك راسه بتعب : يشهد الله توي ارتاح ياني قبل كنت شايل همها وافكر لو انه مسوي لها شي
معاذ : حسيبه الله الكلب
ماهر : فكنا منه الحين وشرايك تجي معي للاستراحه لنا يومين فيها الاهل وكلنا مجتمعين فيها
معاذ بابتسامه : ما اقول لا للوناسه
ماهر ضحك : حياك الله وركب معاذ مع ماهر بعد ما طمن امه وقالها انه رايح مع ماهر بيسهر مع الشباب
.
.
عند البنات •
يلعبون تحدي وصراحه وجاء الدور على ريما وشهد
شهد بخبث : صراحه ولا تحدي!
ريما ابتسمت : تحدي
شهد ضحكت : روحي شغلي شيله وارقصي عليها قدام جدي وعمامي
ريما شهقت : لاااا مو منجدك اكيد لا
روان : انتي اخترتي تحدي تحملي ونفذي
يارا : اااايه قوانين اللعبه ما تنكسر
شهد : سمعتي !!
ريما : استحيييي
طيف بضحك : تستحين ولا خايفه من ابوي ريما فزت وهي تناظرهم بتحدي : اوريكم كيف تتحدوني واتجهت لباب الرجال وهي تدقه
لف عليها ريان وتقدم : وش فيه
ريما : فيه احد غريب عندكم !
ريان : لا
ريما : زوج نوف وينه مو فيه ؟
ريان باستغراب : لا يا عميمه ليه الاساله ذي !
ريما دخلت وهي تبتسم وتسحب السماعه معها ودخلت بيت الشعر وكان الكل يراقبها والبنات متغطيات
الجد سعود : وش بلاك انتي !!
ريما وهي تشغل السماعه وتحط شيله بنت العز وتبتسم : برقص يبه وابيك تشجعني
ماجد ضحك : منجدك !
ريما فتحت شعرها وبدت ترقص والبنات يضحكون قام الجد سعود وهو يشوفها ترقص ويراقصها بعصاته الكل انـــصــدم برؤية الجد يراقص ريما اللي تحمست وشاشت وهي تمسك بعصاته وتلفح بشعرها وقام الكل يصفق وتقدم ماجد من ريما يسمك يدها ويراقصها بحماس
نواف بضحك : عااااشتتتت ريموه
خالد تحمس وتقدم يراقصها وابو نواف يخز ريما وهو مو طايقها
مخلد وهو يصفق لها : عاشتتتتت
عند البنات ريم وهي تصوت للحريم : تعالوووو شوفووو ريما
وقامو الحريم بفضول وانصدمو بروية ريما وهي ترقص بالوسط والجد يراقصها وماجد والعيال يشجعونها ومسوين دائره عليها
خلصت الشيله وريما وقفت وهي ترد عليهم : عاشت ايامكم باقي اخر شيله وشغلت عذب الكلام وقامت تلفح بشعرها وابتسم الجد لها وهو يطلع فلوس من جيبه ومدها لماجد اللي ابتسم وتقدم من ريما يرميها عليها ابتسمت ريما وسحبت راكان وهمست له : ارقص معي لا افضحك انك تحب شهد انصدم بس كمل معها يرقص وهو يشوفها ترقص وتضحك عليه
عند البنات اللي يصورون
شهد : دخلت جو ذي وش يطلعها منه
ريم : يحمس شوفو جدي كيف يرقص معها
مرام وهي تراقب بقهر وغيره
ترف بضحك: فازت بالفلوس والله
البنات : ههههههههههههههههههه
.
.
وصل ماهر ونزل ومعه معاذ وسمع صوت الشيلات العاليه والتشجيع وفتح باب الاستراحه لينصدم لمشهد ريما وهي ترقص والجد سعود وعمانه يشجعونها ابتسم بحماس ولف على معاذ : السموحه يا معاذ بس انتظر هنا دقايق محارمنا داخل
معاذ : طيب معليك اخذ راحتك  ؛ دخل ماهر وهو يهتف بصوت عالي : عااااشتتتت ريما وتقدم يشاركهم الرقص
عند معاذ اللي من سمع اسم ريما وهو يقرب من الباب يسترق النظر ولفت انتباه رقص ريما مع الجد والشباب حولينها كانت زي الفرس تتمايل وتلفح بشعرها الكستنائي شعر بشروده وبعد عن الباب وهو يعض شفاته يخفي بسمته
عند ريما اللي راقصت ماهر وخلصت الشيله وهي تضحك بخجل من تصفقيهم كلهم لها ماجد حضنها : عاشت اخت ماجد
ماهر بعجله : اي بالله عشتي والحين ادخلي عند الحريم معي رجال
ريما : طيب وركضت للداخل ونواف سحب السماعه معها واسرع ماهر لبرا وهو يبتسم : حياك يا معاذ
معاذ لف عليه وابتسم ودخل : الله يبقيك
رحبو الشباب بمعاذ وبالاكثر ماجد اللي انبسط بوجود معاذ
خالد مد القهوه لمعاذ اللي اخذها وشرب وهو يبتسم ويسولف معهم
.
ريم خبطة كتف ريما : والله عشتي يا ريما سويتي لهم فعاليه
شهد بضحك : والله ما توقعتك تسوينها بس كفو عليك
ريما بابتسامة واثقه : كفوك عاد كسبت بذي الرقصه على ٣٠٠٠ الاف
روان وهي تمسك يد ريما وتبتسم : عشانا على حسابك اجل
نوف : اي والله حتى انا بخاطري بحلا وقهوه
يارا بحماس : اااايه نسوي بارتي بجامه ونطلب عشاء ونستانس
ريما بصدمه : مع نفسكم ماني عاطيتكم ريال
ترف : حرام عليييييك ذي كلها لك !!
ريما : ااايه ليييي
شهد قربت من ريما وهي تهمس لها بخبث : بتسوين اللي نقولك عليه ولا بقولهم عن القبله الساحره اللي صارت لك
ريما انتفضت وهي تقرص شهد اللي تتأوه من الالم : ااااه توجع شفيك اانتي
ريما : خلاص بطلب لكم اللي تبونه
وهجمو عليها البنات يحضنونها ويضحكون
ريما وهي تبعد بالقوه عنهم : اااانتظرررروو بنتوزع
يارا : كيف يعني
ريما : يعني انا ومعي شهد ويارا بنروح للسوق ناخذ لنا بجايم طقم بس كل وحده تعلمنا مقاسها
ترف : اووك موافقه انا
ريما وهي تكمل : وانتي يا ترف وريم ونوف ولين رتبو المكان اللي بنسوي فيه الفعاليه وروان وراما وطيف ورهف بتستلمون طلبيه المفرحات العشاء بنجيبه معنا
البنات :تممم وكل وحده راحت تنفذ اللي عليها وراحت ريما لامها وهي تبتسم :
يمه بروح السوق انا وشهد ويارا بنجيب اغراض ونجي
الجده منيره : الحين سوق !!
شهد : ايه يا جده تكفين لا ترفضين
الجده منيره : طيب من بيمشي معكم ؟
ريما : بشوف واحد من العيال
مها : شهد اعطي خبر لابوك قبل لا تروحين
شهد : ابشري
الجده منيره : لا تتاخرون
ريما : لا مو متاخرين
ام ماهر : يارا انتبهو على انفسكم
يارا : من عيوني ومشو البنات يلبسون عبايتهم
وهيفاء وهنوف بيطقون من القهر
.
ريما وهي تدق على ماجد ورد عليها : يا هلا بالرقاصه
ريما بضحك : لا تقول ما سويت لكم فعاليه !
ماجد بضحك : الا بالله انبسطنا
ريما بابتسامة : دوم يارب بس حابه اقولك انو ابي احد يودينا انا والبنات للسوق نبي اغراض ضروريه
ماجد : الله كلكم !!
ريما : لاااا بس انا وشهد ويارا
ماجد : والله انا مقدر مالي حيل بشوف لك الشباب
شهد سحبت الجوال من ريما : عمو ماجد حبيبي تكفى حاول فيهم لانو مانبي نتاخر
ماجد بابتسامه : ابشري كم عمدنا شهوده !
راكان صر على اسنانه من الغيره وهو يناظر بالعيال اللي يسمعون كلام ماجد ودلعه لاسمها شهد بضحك : وحده
ماجد بضحك : يالثقه بس معليك بمحلها والحين بقفل واشوف لكم احد
شهد : طيب وقفل ماجد وهو يناظر للعيال : واحد منكم يفز يودي البنات يبون السوق
الجد سعود : وش عندهم بالسوق الحين !
ماجد : والله مدري يبه يقولون اغراض ضروريه
صالح فزواقف : بروح اشوفهم واجي وراح لاتجاه الباب واستقبلته شهد بالاحضان : تراني بروح مع ريما
صالح : لحالكم !
ريما : وش فيها يا اخوي مو مطولين حنا بناخذ لنا كم شغله من محل ملابس ونرجع
صالح : ما يخالف بس استغربت ومد يده لجيب ثوبه بيعطي شهد فلوس بس قاطعه يد شهد اللي وضعتها على يده وتبتسم بمكر : لا يبه مابي فلوس
صالح : معك !
شهد : لا ريموه الحلوه بتشتري لنا
صالح : لا ما يصير
ريما بابتسامه: انا اللي قلت لهم ما يخالف معي الخير
صالح ابتسم : اجل انتبهو لانفسكم وبشوف من بيوديكم
جاه صوت راكان الثقيل : انا بوديهم يا عم
لف صالح لراكان وابتسم : زين وانا عمك انتبه لهم
راكان : معليك يا عم بس استعجلو يا ريما
ريما : حنا جاهزين وطلعت والبنات طلعو وراها هنا خالد لمح زول يارا وعرف انها رايحه معهم فز واقف ويلحق راكان : هييي راكان
لف عليه باستغراب : وش فيه ؟
خالد : بخاويك
راكان : امش ومشو للسياره وخالد قدام وراكان بمكان السايق  وشهد وريما كانو يتهاوشون على من يركب عند الباب
شهد بهمس لريما : والله لركب عند الباب وخري
ريما : اقول انقلعي بالنص منتي ميته
شهد : مااابييي
راكان بحده : انتم وش بلاكم اركبو بسرعه
شهد وكتفت يدينها بعناد: مراح اركب الا عند الباب
يارا بهمس لريما : تعالي مكاني يا ريما
ريما بعناد : لا مابي الا ذا
خالد تنهد : ياليللللل عز الله نمنا بالشارع اذا بتقعدون على ذي الحاله !
شهد بغضب : انت شدخلك اصلا ليه جاي معنا !!!
خالد لف عليها بصدمه وصد وهو يحس تفشل من كلامها
راكان عصب ونزل : اركبو لا والله اوريكم كيف تركبون !!
ريما خافت وركبت بسرعه بالنص وشهد رفعت انظارها لراكان وناظرته من فوق لتحت وركبت وركب بغضب وهو يدعس بقوه مقهور ليه تتكلم مع خالد بذي الطريقه وكيف تتجرأ ترد عليه
يارا اللي انزعجت من  طريقة كلام شهد وهي تتأمل بظهر خالد
وريما تهمس لشهد : شكل حبيب القلب يحتاج له حضن عشان يرضى ولا ؟
شهد ناظرتها بحده ونغزتها بكوعها وكتمت ضحكتها ريما ورفعت جوالها تلتهي به
رفع انظاره راكان للمرايه اللي تعكس صورة شهد اللي ناظرته بنفس النظره
وبعد وقت وصلو المول ونزلو البنات ونزلو وراهم خالد وراكان وصارو يمشون ورا البنات اللي دخلو محل ملابس اتجهو لقسم البجايم وكل وحده تختار
راكان ناظر لخالد بحاجب مرفوع : شوي شوي بنظراتك اكلت البنت !
خالد ناظره بارتباك : هاه وش تقصد !
راكان : ماني بغبي يا خالد نظراتك لبنت عمي راشد مو طبيعيه
خالد : مافي شي يا ولد تتخيل انت
راكان ضحك : شكله
خالد حس بان راكان كاشفه بس ما حب يكشف نفسه اكثر من كذا وسكت وهو يناظر للمحل
ريما : تجننن ذي
شهد : اي والله تهبل خلاص نعتمدها !
يارا : اايه لقيت مقاسات البنات
ريما : زين بس طيفوه ما لقيت مقاسها
شهد : طيف مقاسها مثل مقاسي مافي اختلاف
ريما : اجل اخذي لها
شهد : طيب واخذت لطيف ومشو للمحاسب
يارا : يوووه نسينا ناخذ للين
ريما : يوووه وش يرجعنا لقسم البجايم بعيد
شهد : انا اروح امسكو السله واعطتهم اياه ومشت لقسم البجايم
ومسكت قطعه من نفس اللي اخذو منها وهي تدور مقاس لين قاطعها صوت شخص وهو يتكلم : ذووووققق
شهد ناظرته وصدت وكملت تدور لمقاس البجامه جاتها العامله : تحتاجين مساعده ؟
شهد : ايه احتاج مقاس L موجود ؟
العامله : ايه موجود انتظري اجيب لك من المستودع
شهد : طيب
الشخص : يالبيه اللي يلبس لارج
شهد زفرت وهي تطنشه ولا معبرته قاطعها يده اللي مسكت يدها وبابتسامه : عطيني وجهه يا حلوه
شهد نفضت يدها بقوه منه وهي تتكلم بحده : قسم بالله لو ما تبعد لتشوف شي ما يعجبك وخر عنها لمن لمح العامله جايه مدت لشهد البجامه : تفضلي
شهد : شكرا ومشت بسرعه وهي تحاول تسرع بخطواتها بس قاطعها اليد نفسها وهي تمسكها
الشخص : ابي بس سنابك تكفين
.
ريما : اووف شهد تاخرت
يارا : تلقينها تدور مقاسات حنا بالقوه لقينا
ريما : اي والله
راكان تقدم لريما وهو يسال : ناقصين انتم !
ريما : ااايه شهد راحت تجيب بجامه وبتجي
راكان همهم ومشى لجهة البجايم
.
شهد وهي تدف يده وبغضب : كسر ان شاء الله والله لصرخ واجمع عليك الناس لو ما تفارق عني وجات بتمشي وقف قدامها باصرار : يا بنت الناس اللي طلبته سنابك بس اعطيني وقتها امشي
شهد وهي تبي تروح من طريق ثاني بس كان يقاطعها بكل مره : وخرر قلت لك وخررر
راكان صرخ بغضب وهو بعيد بكم خطوه عنهم : يا حــيــوان والله لوريك
شهد حست قلبها توقف من الخوف وهي تركض لراكان ومسكته بخوف : خلنا نمشي
راكان مسك يدها بغضب : بتفاهم مع الكلب ذا واجيك تثبتت فيه شهد وبرجاء: تفكى خلنا نمشي
الشخص خاف وهو فهم انه اخوها ومشى بسرعه يبعد عنهم
راكان اللي يبي يروح له بسس شهد اللي مسكت يده بخوف : ررراااكاااننن تكفى اهدددى
راكان بغضب نفض يده منها : امـــشـــي قـــدامــي !!
شهد بلعت ريقها ومسكت البجامه بقوه ومشت بسرعه وهو وراها وجهه مختنق من الغضب وصلو للكاشير
ريما وهي تسحب البجامه من شهد : الحمدالله على السلامه مابغيتي تجين
شهد ما ردت وهي تناظر لاتجاه راكان وتحس بخوف ولاول مره تحس انه راكان مرعب بوقت غضبه حاسبت ريما ومشو وخالد انتبه لراكان وساله :وش فيك معصب !
راكان بغضب وهو كان محتاج احد يسأله : لقيت كلب حاشر شهد بنت عمي صالح
خالد لف له بصدمه : وشهووو وينه الكلب !!!
راكان بغضب : هرب ملعون الثوى
البنات ركبو وهم يتناقشون بموضوع العشاء وركب خالد وركب بعده راكان وهو يعدل المرايه على شهد ويناظرها بحده وناظرته بنظره هاديه ومشى بالسياره وريما اللي قاطعت الهدوء اللي صار بالسياره : راكان وقف عند ماك نبي ناخذ لنا عشاء
راكان بهدوء: طيب
.
عند البنات اللي ضبطو جلستهم بالغرفه وجات روان وهي شايله اكياس كثيره
: امسكوووو تقطعت يديني اخذو منها البنات الاكياس
رهف : وش ذا الحلاويات الحلوه
طيف : عاد انا ذوقي الحلويات وعاد البنات ما قصرو بعد
ترف : اتوقع ما خلينا بالسوبر ماركت شي !
البنات : هههههههههههههههههههه