"بسم الله الرحمن الرحيم "
•
•
•
•
• صباح اليوم التالي •
الجازي لبست عباتها وهي مقرره تروح للعنوان اللي كتبته امها لها بالورقه وكانت تحس بمغص من التوتر ماتدري كيف بتقابل اهلها الحقيقين وهل سوف يرحبون بوجودها او لا !
ومشت مع ام تركي اللي كلمت ولدها تركي عشان يوصلهم وفعلا ركبو السياره واتجهو لعنوان البيت والجازي متوتره لانها ما تعرف اسم عائلتها الحقيقيه امها ما كتبت لها الا عنوانهم وقاطع شرودها وقوف تركي قدام بيت كان جميل ولكن تصميمه قديم نزلت الجازي بسرعه و وراها ام تركي واتجهو للبيت رفعت الجازي يدها المرتجفه بتدق الباب بس ما قدرت حست بخوف وتوتر ام تركي يوم شافت تردد الجازي الواضح قررت هي تدق الباب وبعد ثواني جاهم الرد ولد فتح الباب وصد يوم شاف انهم حريم تكلمت ام تركي بتفائل : يا ولدي هذه بيتكم ؟
الشاب : هلا يا خاله ايه وش بغيتي ؟
ام تركي : من زمان انتم هنا ؟
الشاب استغرب من السؤال: لا يا خاله دوبنا انتقلنا هنا مالنا الا كم اسبوع راعي ذا البيت باعه علينا
ام تركي : يعني انتم جدد وين راعي البيت اللي باعه عليكم ؟
الشاب : مدري يا خاله انتقل ليه الاساله ذي ؟
الجازي ناظرت لام تركي وتكلمت : طيب وش اسم راعي البيت السابق وهل معك رقمه ؟
الشاب : اسمه ابو عناد بس اسم الرجال نفسه مو حافظه
ام تركي : اجل وانا خالتك اعطينا رقمه نبيه ضروري
الشاب : طيب ؛ وبدا يعطيهم الرقم والجازي تسجله ومشو بعد ما اعتذرو على الازعاج وركبو مع تركي والجازي تتأمل الرقم وتدعي بآنهم موجودين زي ما قالت امها .
ترف وهي جالسه مع روان وخالد يسولفون وتحكيلهم الموقف وهنا عقد خالد مابين حواجبه : كيف شكله !!
ترف : يشبهههك يعني نفس الطول والشكل الا الصوت
خالد عض شفايفه بضحك وقام
روان : على وين ؟؟
خالد : قريب قريب ؛ ومشى لبرا وهو يتوعد بنواف اللي شافه جاي بلبسه الرسمي : نواف يا كلب اجل انك قريني هااااه
نواف ضحك بقوه : شكل بنت عمي من الخرعه قالت للكل عن السالفه
خالد يلوي يده : لا يكون عيونك لمحة من اختي شي ؟؟
نواف دفه وهو يبتسم : ايه شفت خالد رقم اثنين بس بشعر طويل وهرب وخالد وراه يصارخ عشان يوقف
وبنفس اللحظه دخل ريان واللي ابتلش بهم وبهوشتهم : يالبزران اعقلوووووو
وقفو خالد ونواف وناظرو لبعض وتكى خالد على كتف نواف : نواف سمعت اللي سمعته ؟؟
نواف : ااايه البزر ريان يقول لنا بزران نسى نفسه انه باقي ما خلص الننه
ريان ناظرهم بصدمه : يا ****** وراح يركض وراهم وهم يضحكون ويشردون عنه وامتلئ الحوش باصوات ضحكهم ومزحهم مع بعض
عند شهد اللي طلعت بفضول وهي تشوفهم سوا وتضحك قاطعها صوت حاد : ادخلي غرفتك !!!
شهد ناظرت لصاحب الصوت وابتسمت : وليه ان شاء الله ؟؟
راكان بغيرة : مثلا لو احد شافك الحين بترضين اروح اذبحه بس عشانه شاف شي مو له !!
شهد ضحكت ضحكه لعوبه : ليه العنف خلاص خله يروح يكمل حلم فيني
راكان ضرب جدر بلكونته بغضب : والله لو ما تسكتين لجي واسكتك بطريقتي
شهد بنفس الابتسامة : وش بتسوي ؟
راكان بلع ريقه وهو مايقدر يقاوم حركاتها ودلعها : بعنف ثغرك الكرزي عشان مره ثانيه ما تعانديني
شهد شهقت بصدمه واستحت وهي توها تستوعب نظراته : خلاص اسفه بدخل
راكان : يكون احسن لك ولي
شهد ناظرته وابتسمت وهي ترسل له بوسه على الطاير ودخلت عض على شفايفه وتنهد : الله يصبرني لين بس اخطبك وقتها محد بيقدر يوقفني عنك
ودخل لغرفته
.
.
عند رهف وهي تبتسم وتمد لماجد بوكس ناظرها ماجد باستغراب : وشذا ؟
رهف بابتسامة متحمسه : افتحه وشوف
ماجد اخذ البوكس وبدا يفتحه وطلع منه شوز طفل صغير وناظرها بغباء : وشهو ذا ؟؟ لمين الهديه ؟
رهف ضحكت بقوه : شفيك انتتتتتت ركززز شوييي مافي احد اهديه ذي غيرك
ماجد : شدخلني ؟؟ يا رهوفه تكلمي معرف بالالغاز ذي والحركات
رهف ابتسمت : اااانا حاااامللللل
ماجد وسع عيونه بصدمه : هاااااااااه
رهف : ااقولك حاامل
ماجد ضحك بفرحه وحضنها بقوه : ااااحبك يا رهف انتي خلتيني اسعد انسان اليوم
رهف دمعت من الفرحه : يا حبيبي الحين بيجينا مجودي صغير مثلك
ماجد : لا ان شاء الله تكون بنت ابي وحده تشبهك
رهف : لاااا ابي ولد مثلك
ماجد : لا ياررررب بنتتت
رهف عبست وكملت تتهاوش معه وهو ميت ضحك على غضبها اللي صاير يكثر بسبب هرمونات الحمل وقرر يروحون لامه ولريما عشان يفرحونهم بالخبر
أنت تقرأ
احتريتك من بين كل البشر وسميتك عشقي وفرحة سنيني
Actionالكاتبه شهد✍🏻 اول روايه لي وان شاء الله تنال اعجابكم 🤍 • اختصار للروايه ؛تتكلم عن حياة الجد سعود وعياله واحفاده ويومياتهم والاحداث والمغامرات اللي تصير معهم •• "" لا استبيح النقل او الاقتباس ""
