|قدري في العمارة | مكتمله

البارت العشرون

ذهبت لينا مع حسن في الليل هذا اليوم
لينا : بردوا مش هتقولي رايحين فين
حسن : خاطفك
لينا بإبتسامه: قول بجد
حسن : مكان انا متأكد انك هاتحبيه
ابتسمت هي له حتي وصلا بالنهاية الي هذا المكان
لينا بإستغراب: ايه المكان ده انا اول مره اجي هنا
نزل حسن من السيارة وذهب تجاه الباب الخاص بلينا وفتحه ثم مد يده لها وقال : تعالي معايا
نزلت هي من السيارة ممسكه بيده
لينا بدهشه : حسن لا
اومأ لها حسن بالموافقة
قالت لينا بفرح : حسن دي مزرعه الخيول انت عرفت منين إني بحبهم
حسن : بالحاسه السادسه
لينا : يباي عليك
حسن : انتي اللي قولتيلي ياستي
لينا بإستغراب : أنا امتي
حسن : لا بقولك ايه مش وقته زهايمر يلا بينا
ثم دلفا الي المزرعة فقالت له لينا : طب حسن احنا هندخل هنا ازاي دي مش مزرعتنا
حسن : ماهو اللي انتي مش واخده بالك منه انه انا ظابط يعني ادخل أي مكان زي ماانا عايز
لينا : اممم تصدق هنعرف نستفاد منك
حسن : أعملي اللي انتي عايزاه انا من النهارده ملكك انتي لوحدك يالينا
احمرت وجنتي لينا خجلا
قال حسن : تعالي بقى ندخل الاسطبل
لينا: ميرسي اوي يا حسن انك جبتني هنا
حسن: أولا معتش فيه بينا ميرسي والكلام ده انتي خلاص بقيتي مراتي ثانيا انا ماعملتش حاجه الموضوع بسيط فوق ماتتخيلي
رأت لينا الحصان الاسود وقالت : واااو شوف يا حسن حلو ازاي
اخذها حسن تجاهه حتي تلمسه وقال : تحبي تسميه ايه
لينا : امممم هسميه lucky
حسن : اسم حلو جدا ورقيق شبهك بس شوفتي انتي الأبيض اللي هناك ده
لينا : كلهم حلوين اوي انا بحبهم كلهم
حسن : انا هسميه Bolt
لينا : عجبني الاسم اوي
حسن : طب يلا بينا بتعرفي تركبي خيل
لينا: اه بعرف
حسن : جميل يلا بينا
ثم ركب حسن علي الحصان الأبيض ولينا علي الحصان الاسود وأخذوا يلتفون حول بعضهم البعض داخل المزرعه صامتين ولكن أعينهم قالت الكثير
حسن : سنزرع هنا حبنا بأرضك الواسعه
لينا : انك تزرع بأرض غير صالحه للزراعه انا مفتته للغايه
حسن : سأرمم كل هذا اعدك
لينا : هل انت فارسي الذي انتظرته طيله الليالي
حسن : لا اجعلك تتحمسين عبثا سأكون كما تحلمين عزيزتي
لينا : هل سأحبك
حسن : هل احببتك بالأساس
ثم قال لها حسن : مبسوطه يالينا
لينا : مش عارفه اوصفلك فرحتي قد ايه
حسن : ربنا يجعلني سبب دايما إن ضحكتك تفضل علي وشك كده
لينا : شايف الهدوء الليل مع ضوء القمر حلو ازاي يا حسن
حسن : انتي احلي من الليل والقمر يالينا
لينا بخجل : شكرا
حسن : وبعدين معاكي ياست انتي
لينا : اقولك ايه طيب
حسن : ولا اي حاجه كفايه تبصيلي بعيونك الحلوين دول
ثم نزلا من علي الأحصنة ووضعها مرة ثانيه بالإسطبل وأخذ يسيران معا حول المزرعه
حسن اخرج ورقه من جيبه وقال : ده اول مكان نكون فيه سوا لوحدنا ودي اول مرة اصلا عشان كده احنا لازم نعمل حاجه للذكري
لينا : زي ايه مثلا
حسن: هاتي ايدك
أعطته لينا يديها بخجل
ثم أخرج من جيبه قلم حتي يلون اصبعها
لينا : ايه يا حسن القرف ده
حسن : استني علي رزقك
ثم جعلها تختم علي هذه الورقه
وفعل هو الأخر هكذا وختم علي هذه الورقة وكتب تحت اصبع كلا منهما حرف ال L وH
لينا : وده ايه بقى بدل منديل كتب الكتاب
حسن : بالظبط بس احنا هانلزقه هنا علي الجدار ده
ثم كتب اسفل الورقه " هنا ابتدي حبي لك ولن توجد ارض لإنهاء هذا الحب فاانت الابدي"
لينا : تعرف انا بحب الحاجات دي اوي الحاجات اللي بتبقى للذكري
حسن : كنت عارف عشان انا كمان بحبها
لينا : طب احنا اتأخرنا اوي يلا نمشي
حسن : حاضر ياستي يلا نمشي
ثم وصلها حسن الي منزلها وذهب هو الي منزله

في صباح اليوم التالي من منزل طاهر المهدي
كانت فيروزة تتحدث مع سليم
سليم : هتنزلي الشغل النهاردة
فيروزة : اه نازله دلوقتي
سليم : تمام
فيروزة : ورق الطلاق معاك ولالا
سليم : معايا اه هتنزلي الأول معايا نعمله ختم من المحكمه
فيروزة : ماشي
ثم أغلقا معا الهاتف حتي يلتقون خارج العمارة دلفا معا الي السيارة دون أن يتحدثون ولكن بين الحين والأخر ينظرون الي بعضهم البعض ويقولا
سليم : كل خطوه اخطوها الأن جحيما لي فيروزة
فيروزة : اتمني لو ان تتراجع عن هذا
سليم : لم يكن لدي حلا آخر سأفعل ما تريدينه
فيروزة : قل لي انك تحبني وينتهي هذا الأمر
سليم : لا أستطيع البوح بحبك فاانت لا تحبني بعدها
ثم حاول سليم ان يحرك السيارة ولكنها لم تتحرك
فيروزة : ايه اللي حصل
سليم : العربيه عطلت
فيروزة: طب وهنعمل ايه دلوقتي
سليم : استني
ثم نزل من السيارة حتي يفحصها ثم وجد انها تحتاج الي الصيانه الآن
فقالت فيروزة : ها
سليم : عطلت زي ما قولتلك
فيروزة : طب هنعمل ايه دلوقتي
سليم : مافيش اي حد هنا بتاع صيانه احنا بعيد جدا
فيروزة : طب استني اكلم حد
حاولت فيروزة ان تتحدث مع أحد ولكن كانت الشبكه خارج التخطيه في هذا المكان
سليم : حد رد
فيروزة : مافيش شبكه شوف انت كده
فح
فحص سليم هاتفه وحاول الإتصال ولكن هاتفه انفضي من الشحن
سليم : كانت ناقصاك انت كمان
فيروزة : فيه ايه
سليم : الفون فصل
فيروزة : طب احنا معادنا في المحكمه امتي
سليم : الساعه ١٠ ودلوقتي ١٠ الا تلت معتش وقت
فيروزة : طب هنعمل ايه
سليم : مش عارف
فيروزة : احنا اصلا ايه اللي جابنا هنا دي منطقه بعيده جدا
سليم : الطريق ده كان اسهل للمحكمه
فيروزة : طب ناخدها مشي
سليم : استحالة بعيد جدا
جلسا الإثنين حتي يفكرها كيف يخرجون من هذا المأزق

في منزل شريف سعد الدين
جلست منه تفكر وتفكر ماذا سيكون حدث حتي يبتعد رامي عنها ثم هاتفت صديقتها نوران وقصت لها ماحدث
نوران : معرفش يا منه مشي ليه
منه : يعني تفتكري ممكن يكون ايه اللي حصل
نوران : معرفش مقدرش اقولك حاجه انا هو انا اعرفه يعني
منه: ماانا حكيتلك اهو
نوران: اه جايه احكيلي بس المشاكل لكن طول ما انتي معاه ماتحكليش أي حاجه
منه : ايه الكلام ده يانوران احكيلك ايه مش فاهمه
نوران : حياتكوا كلها معرفش حاجه عنها وجاية دلوقتي تسأليني مشي ليه وانا إيش عرفني
لم تصدق منه ما تسمعه من صديقتها فاكيف لهذه الفضوليه ان تطلب منها هذا الطلب والا لن تقف بجانب صديقتها بمحنتها هذه ولو حتي بمواساة كلامية
منه : ماشي يانوران باي
نوران : باي
ثم خرجت منه إلي خارج غرفتها حتي تجلس مع نهال
منه : هنعمل ايه ياماما
نهال: مش عارفه يا منه انا دماغي فيها مليون حاجه
منه : و انا كمان طب مين ممكن يقوله إني كنت مرتبطه قبل كده
نهال : الناس يا بنتي مش بتبطل كلام
منه : حتي لو حد قاله ايه المشكله هو مالوش دعوه بحياتي اللي قبل كده دي خصوصيتي
نهال : يمكن هو زعل عشان شايف انك كذبتي عليه هو قالك كتير انه مابيحبش الكذب
منه: طب لو مش ده السبب ايه تاني ممكن يكون السبب حد الف كلام عليا او وقع بيني وبينه
نهال: ممكن برضه
منه : بس ازاي اذا كان آخر يوم شوفته فيه كان كويس جدا معايا مكنش مبين أي حاجه
نهال : ممكن حد قاله يومها
منه : طب هو ازاي بس يصدق هو مش عارفني كويس
نهال : ممكن يكون هو من الشخصيات اللي بتحب تهدي شوية وتبعد عن العلاقه وتتأكد من نفسها
منه : صح ممكن وبعدين اصلا عيد ميلادي كمان بعد بكره اكيد هايكلمني
نهال : يا مسهل يارب
منه : بروح الشغل ومش بشوفه هناك خالص هو انا بالعادة مكنتش بشوفه عشان هو بيفضل في مكتبه بس دلوقتي معرفش هو هناك ولالا
نهال : ممكن يكون هناك بس مش فاضي بقى
أعطت منه نفسها املا آخر ان يهاتفها رامي بها وجلست تنتظر يوم ميلادها بفارغ صبرها

في منزل سريه
استيقظت لينا بسعاده بعد الليله الماضيه فاهي كانت اول ليله لها مع حسن وأول ليله تمر عليها وتكون سعيده هكذا
ثم بحثت عن هاتفها حتي وجدت حسن يرسل لها رساله يقول بها : صباح الخير علي اجمل منطقه في الزمالك
ابتسمت لينا وأرسلت له : صباح النور
حسن كان يجلس مع والديه لتناول الإفطار ثم ابتسم عندما وجد منها رساله وكتب لها : لسه صاحيه ولا ايه
لينا : اه صحيت متأخر النهاردة يادوب انزل الشغل حالا
حسن : انا كمان نازل دلوقتي لو فاضيه بعد الشغل نتغدي بره
لينا : هاشوف كده هنا نظامهم ايه واقولك يا حسن
حسن : ماشي خدي بالك من نفسك وطمنيني عليكي لما توصلي
لينا : حاضر باي
حسن وهو يبتسم : باي
غمز عماد لماجده فقالت ماجده: مش ملاحظ ياعماد ان حسن متغير اوي بقاله كام يوم
عماد : الا متغير شايفه بياكل ازاي ونفسه مفتوحه
ماجده : ولا ما شاء الله الضحكه من الودن دي للودن دي
عماد : ولا عينه بصي كده ياماجده مش قلوب دي
حسن : ها خلصتوا
اومأت له ماجده بالموافقة
حسن : ايه بقى مزعلكوا في كده
عماد : هو حد زعل احنا مستغربين بس
حسن : ماشي ياعمده ياقافشني انت دايما انا هنزل بقى مش عايزين حاجه
ماجده : سلامتك يا حبيبي
حسن : الله يسلمك يا حبيبتي
ثم ذهب حسن الي قسم الشرطه ولم يجد سليم فا دق كثيرا علي هاتفه ولم يرد وعلي هاتف فيروزة أيضا لم تعطيه ردا