بعد مرور اسبوعين من انتهاء عنود للإختبارات وفي العطلة الكبري وبعد أن بدأت منه بعملها في هذا المركز ومحاولات سامي في تخطي لينا وبحث عماد عن حبيبته وتفكير يزن في مواجهة ميرفت ام نسيان هذا الأمر ذهب الجميع الي شرم الشيخ لتقضيه بعض الوقت معا عدا سامي وسرية وعماد ويامن وعائلته
في غرفه سليم وفيروزة
فيروزة : يلا يا سليم عشان ننزل
سليم : طب كملي لبسك يلا انا جاهز اهو
فيروزه : لا انا كده خلصت
جحظت اعين سليم وقال : نعم ياختي
فيروزة : ايه يا سليم انت بتردحلي ولا ايه
سليم : انتي عايزه تنزلي كده قدام الناس
فيروزه ببلاهه: وفيها ايه احنا مش في مصيف
سليم بهدوء : لا طلاما مصيف يبقى عادي
ثم استكمل بجديه قائلا : وايه يعني مصيف ده معناه انك تلبسي بالمنظر ده حلال يعني
فيروزة : ماتبقاش خنيق بقى هو هنا وفي القاهرة
سليم : فيروزة انتي بتهزري معايا صح
فيروز ة : لا
سليم : لا ازاي انتي من امتى وانتي كده اصلا من امتى وانتي بتلبسي القرف ده
فيروزة : قرف ايه ده بوركيني
سليم : ولا بوركيني ولا زفت نزولك بالمنظر ده علي جثتي
فيروزة : ده بوركيني اسلامي
سليم : يعني ايه اسلامي بيصلي الفرض بفرضه يعني ولا ايه مش فاهم
ضحكت فيروزة بينما قال سليم : وليكي نفس تضحكي انتي بالمنظر ده جهنم وبئس المصير
فيروزة : سليم انا نازلة
مسك سليم يديها بعنف وقال : اقسم بالله لو عتبتي باب الاوضه بالهباب ده ليبقى ليا تصرف تاني خالص هاتشوفي لأول مرة في حياتك سليم الشوارعي
وضعت سليم قبله علي وجنتيه وهي تقول : والله يابني انت رجولة
سليم بعد أن ترك يديها : انا مش فاهمك
فيروزة : كنت عامله فيك مقلب وانت شربتها يا سكر
صمت سليم وهو ينظر لها بغيظ ثم قام بالقائها بالوساده وسط ضحكاتها
سليم : قال تنزل كده قال ده انا كنت قطعت رقبتك
فيروز : بصراحه لو كنت وافقت إني انزل كده كنت نزلت من نظري جدا
سليم : مافيش الكلام ده عندنا اياك تعملي حركه من دي تاني
فيروز : خلاص بقى ده انت محدش يهزر معاك ابدا
ثم خرجا من غرفتهما تجاه البحر
في غرفه حسن ولينا
لينا : انت عارف انا ماروحتش مصيف من وانا تقريبا عندي ١٢ سنة
حسن : يااه ده كتير اوي لا انا آخر مرة روحت وانا في الجامعه
لينا: عشان انتوا الولاد غير البنات بتسافروا عادي لوحدكوا
حسن بتكبر: يعني كنتي هاتحبي الخروج والسفر مع مين غيري مثلا
لينا : حقك يا سيدي عشان انا فعلا مكنتش هلاقي احسن منك اخرج معاه انت تستاهل يا حسن
حسن : الحلو للحلو يا حلو
لينا : صحيح قولي ايه رأيك في النضارة دي
حسن : اممم انا رأيي دي احلي جربي كده
ثم ارتدتها لينا وقالت : ها حلوة
حسن : ولا اروع .. كان نفسي نكون هنا في شرم لوحدنا بس متعوضه ان شاء الله
لينا : مش مهم يا حسن المهم أن احنا مع بعض وبس
حسن : طب يلا بينا ياقطه
ثم خرجا هما أيضا من غرفتهما
أمام البحر
عنود : انا عايزه انزل البحر
نادية : اقعدي ياعنود واعقلي انتي صغيره
عنود : ياماما بقى إنتي هاتفضلي كده خايفه علطول هقف بس علي الشط مش هدخل جوه
نادية : عنود انا قولت كلمة
صفيه : ماتسيبيها يانادية
نادية: لا ياصفيه مش عنود اللي هتقف علي الشط انا عارفاها
عبد الحميد : الواحد عايز اكله سمك بقى حلوة
حسن : عليا انا دي ياعمو
عبد الحميد : لا دي عليا انا النهاردة عازمكوا كلكوا علي اكله سمك
سليم : مقبولة منك ياعم عبد الحميد
سالم : قوم معايا ياعبدالحميد تعالي يارجائي انا بزهق من القعده كده
ثم نهضا معا
ثم جلست ميرفت بجانب هند وقالت : هند هو يامن ماكلمكيش النهاردة
هند : كلمني من شوية ليه بتسألي
ميرفت : لا مافيش عادي اصل انا استغربت يعني انه معتش بيظهر كتير هو او يزن
هند : امممم اممم
ميرفت : لا انا بسأل عادي خدي بالك
هند : طبعا بتسألي عادي هو انا قولت حاجه
جلس حسن علي الشط وهو يحفر بالرمال قلب وبه اسمه واسم لينا
ابتسمت لينا قائله : كنت بعمل القلب ده وانا صغيره
حسن : بمناسبه ايه بقى مين اللي كان اسمه جمب اسمك
لينا : يابني بكتب اسمي وبس كان دايما نص القلب التاني بيكون فاضي مكنتش عارفه لسه مين صاحب النصيب
حسن : واهو صاحب النصيب بنفسه بيرسملك القلب اهو
لينا وهي تلعب بوجنتيه : يوغتي عليك ياكتكوتي
حسن : كتكوتك ده انا ابويا لو عرف ان انا كتكوتك مش هيدخلني البيت تاني
لينا : هو مجاش ليه صحيح
حسن : ابويا عماد ده دماغ عاليه بيحب الروقان والهدوء والقعده لوحده
لينا : بيفهم بقولك ايه يا حسن هو انت ممكن تزعل لو هو فكر يتجوز
فكر حسن ثم قال : مش عارف أول مرة افكر في الموضوع ده
ثم صمت قليلا وقال: هو حقه انه يتجوز تاني في نفس الوقت ماجده ماتتنسيش وماتتعوضش بأي واحده تانيه
لينا : اكيد بس هو لو فكر يتجوز تاني يبقى حرام عليك لو وقفت في طريقه
حسن : اكيد مش هعمل كده . . انتي جايبه لأبويا عروسه ولا ايه
ابتسمت لينا قائله : أنا بس صعبان عليا قعدته لوحده دي
صفيه : قوم يا سليم هاتلنا درة
سليم : حاضر
ثم نهض ليقوم بشرائه وأعطى الجميع وهو يعطي فيروزة قال : ريحته تجنن
ابتسمت
وهي تقول : انت فاكر
سليم : وانا استني البت تنطق وتقول انها بتحبني مافيش
فيروزة : انا كل مرة كنت بقولك فيها بكرهك كانت بحبك يا سليم
سليم : وانا اللي خلاني اكمل إني كنت حاسس انها مش من قلبك
فيروزة : احلي حاجه انك فاهمني
سليم : انا حاسك أكتر
فيروزة : وبعدين انا كنت مستنيه انت تعترف الأول
سليم : لو كان عليا كنت اعترفت بس اعمل ايه في عنادك
فيروزة : وادينا اهو قاعدين سوا قدام البحر
سليم : فيه من عيونك
فيروزة : هو ايه
سليم : البحر واسع زيهم يخطف من علي اول الشط لونه بيتحول لفيروزي شبه عيونك
فيروزة : بس خلي بالك البحر غدار
سليم : ده لو عرف انه يشبهك هايستحي
فيروزة: وانت انعكاس القمر عليه يا سليم هو اللي بينوره في الضلمه
ابتسم لها ثم صمت
ثم اقتربت الشمس ان تذهب فانهض الجميع كل أسرة الي مكانها حتي تبدل ملابسها للذهاب الي تناول الغداء وذهبا الي هذا المطعم
شريف : القعده دي ناقصها يامن
حسن : بيجي علي السيرة بيرن اهو
ثم رد حسن علي هاتفه
حسن : لو كنا بس بنجيب سيرة ربع جنيه
يامن : بتقولوا عليا ايه من ورايا
حسن : بنقول كانت القعدة دي نقصاك
يامن: خلاص انتوا بتغيظوني يعني بكرة هتجوزها انا كمان وهطلع انا وهي لوحدنا
حسن : استني افتح الكاميرا
ثم قام حسن بفتح الكاميرا فقال يامن : وكمان اكله سمك بقولكوا ايه انا عايز مشبك
سالم : مشبك ايه يا اهبل احنا في دمياط
يامن : ياعم سالم أي حاجه منكوا عسليه امال فين الباشا وحشني ارخم عليه
سليم : أهلا بالقلق
يامن : عامل ايه يا باشا يارب تكون مبسوط
سليم : اوي اوي يا يامن لو بس كنت تبقى هنا كنت رميتك في البحر وخلصت منك
يامن: متعوضه ونشوف مين اللي يخلص من التاني
كريمه : ربنا يخليكوا لينا ولا يحرمنا منكم ابدا
يامن : حماتي حبيبتي علي العموم انا بعت يزن عندكوا قاعد يومين مع صحابه ممكن بقى تبقوا تتفقوا وتقبالوه
ثم قامت ميرفت بكحه لاحظها الجميع
نادية : حبيبتي اشربي مايه
ابتسمت هند وعنود وفيروزة لانهم يفهمون كل شئ
حسن : خلاص ماشي هاشوفه كده فين يلا روح
يامن : سلام يا باشا
فيروزة : الحمد لله انا شبعت
سليم : كملي يافيروزة السمك بحاله
فيروزة : لا انا اصلا ماليش تقل عليه
لينا : وانا كمان شبعت قومي بقى نغسل ايدينا
ثم نهضا معا
رجائي : طب ايه طريقنا ايه كده
سليم : احنا هنسيب العربيات ونتمشى بقى براحتنا شوفوا عايزين تروحوا كافيه عايزين نلعب أي حاجه
ميرفت : لالا نلعب بليل لما نروح لكن احنا عايزين نتفسح
ثم نهض الجميع كي يتجولوا في هذه الأجواء ويلتقطون بعض الصور ويأكلون الحلوي
ميرفت : ماما الحقي انا نسيت الفون بتاعي في المطعم
صفيه : انتي بتهزري يا ميرفت انتي نايمه علي نفسك
ميرفت : بجد انا معرفش ازاي نسيته
صفيه : طب حضرتك يعني المطعم زمانه قفل
ميرفت : طب اعمل ايه دلوقتي
سليم : محلوله ماتقلقيش هتلاقيه او هنكلم صحاب المطعم
ميرفت : طب المطعم مش بعيد عن هنا انا هروح في ثانيه وراجعة
سليم : ماينفعش خليكي انتي انا هروح
ميرفت : لالا ده علطول
سالم : بسرعه ياميرفت احنا ماشيين كده علطول اهو
ميرفت: تمام
بقلم شهد احمد✍
أنت تقرأ
|قدري في العمارة | مكتمله
Romanceتظن أن كل الطرقات مغلقه والقدر يجمع بينك وبين كل مالا تهواه تتعثر وتضيق بك ولا تجد مفرا من هذا حتي تسلم لواقع الأمور مهما حاولت جاهدا قطع الاف الأميال للوصول لأسطر لم تكتب لك لن تقبل اوراقها قصتك وعندما فقط تختار التسليم تجدها تفرج من حيث لا تحتسب...
