الساعه العاشرة صباحا من منزل لينا وحسن استيقظا معا وتناولا طعام الإفطار
وهم يجلسون علي المائده
حسن : خلاص انا بكرة ان شاء الله مسافر
لينا: انا ليه بس اتجوزت ظابط
حسن : مش عاجبك ولا ايه ياقطه
لينا : لا ازاي ده انت في قلبي من جوه
حسن : يابختي والله
لينا : أنا مش هروح اقعد هناك عند عمتو او طنط سرية انا هقعد هنا
حسن : طب ليه ماتروحيش لطنط سرية
لينا: كده انا عايزه اقعد في بيتي بقى انا حاسه كده إني مرتاحه أكتر
حسن : خلاص يا حبيبتي اللي يريحك مع اني كنت هبقى مطمن عليكي أكتر وانتي هناك
لينا : ماتخافش عليا انا ست بيت شاطرة واعرف اقعد لوحدي
حسن : طبعا انا ماعنديش شك في كده طب ايه هننزل سوا يلا
لينا : لا انا مش هنزل النهاردة
حسن : ليه
لينا: واخده اجازة
حسن : تمام يا حبيبي اهو تاخدي يوم راحه ياخوفي تقولي كده والاقيكي مسافرة ولا حاجه
لينا : يبااي عليك
ابتسم لها حسن وأعطاها قبله علي وجنتيها وذهب هو لقسم الشرطه
في منزل هند ويامن
هند : أنا عايزه اتفسح
يامن : عايزه تروحي فين
هند : مش عارفه عايزه اروح الملاهي
يامن : حاضر عنيا بس لما يرجع الباشا عشان نبقى كلنا مع بعض في اللمه بتكون احلي
هند: ايوة صح
يامن : وبعدين خلاص احنا يادوب نجهز لخطوبه ميرفت ويزن
هند : أنا مبسوطه اوي هما لايقين كمان علي بعض
يامن: ميرفت شكلها هادية وفي حالها اخويا هربانه منه خالص
هند : ماهو زيك علي فكرة
يامن: قصدك ان انا مجنون
هند : ايوة طبعا
يامن وهو يقترب منها: انتي قد الكلمه دي
هند : قدها ونص
يامن : بس انا مش قد الجمال اللي قدامي ده
احمرت وجنتي هند وقالت : شكرا
يامن: اووه استاذة هند وشها أحمر وبتتكسف مني لسه
هند : أنا مش بتكسف خالص علي فكرة
يامن وهو يبتسم : عارف عارف
هند : انت بتعرف تقول شعر يامو
يامن : لا بصراحه ماليش فيه
هند وهي تلوي فمها : كئيب
ثم أكملت قائله : قولي صحيح انت كنت تعرف بنات قبلي
يامن: انتي ليه ياقلبي عايزه تنكدي علي نفسك
هند : لالا انا مش هزعل اصلا دي حاجه حصلت زمان وخلصت وانا مكنتش كمان معاك فيها بس اعرف فضول بس يعني
يامن: هند اكيد مش هتزعلي
هند : لا مش هزعل
يامن : ايوة كنت ارتبطت قبل كده
هند: وكنت بتحبها
يامن: يعني كنت مفكر كده
هند : يعني قولتلها بحبك
يامن: اه للأسف وربنا يغفر لي يارب
هند بغيظ : ومسكت ايديها
يامن: لا والله ما حصل
هند : وكنتوا بتسهروا بليل في الشات
يامن : يعني ساعات
هند : كنت خرجت معاها قبل كده
يامن : كانت مرة واحده بس
هند بصوت مرتفع : الله الله يا دكتور يامن
يامن : ده اللي احنا اتفقنا عليه يا هند
هند : انت خليت فيها هند يلا يا يامن روح العياده انا هنزل الشغل لوحدي
يامن: يا بنتي انتي مش لسه قايله انك مش هتزعلي
هند : وعشان كده انت بتسوء فيها وعمال تقولي اه خرجنا اه قولتلها بحبك اه بنسهر
يامن: لا إله إلا الله مش انتي اللي بتسألي
هند: اكدب عليا
يامن: عجبا لكم أيها السيدات لو كذبنا عشان مانزعلكوش نبقى كدابين ولو قولنا الحقيقه تزعلوا طب نعمل ايه يا بتنجانه
هند : لا مش عايزاك كداب قولي الحقيقه ازعل بقى شويه وخلاص مش مهم
يامن: ماتزعليش يا حبيبتي ده كلام فاضي انا اهو اتجوزت مين مش انتي وكملت حياتي وهكملها مع مين مش انتي
هند : بس واحده غيري كانت برضه الأول
يامن: الحب مش للحبيب الأول يا هند ولا التاني ولا بالعدد الحب للحب الحقيقي اللي بيعرف يدخل القلب ويبهدله زي ما انتي مبهدلاني كده ويتخطف لأول مرة غير كده كله اي كلام
هند وهي تبتسم : يعني انا اللي بهدلتك
ابتسم يامن قائلا : ايوة
هند : طب خلاص كده انت تمام يلا ننزل سوا بقى
ابتسم لها قائلا : يلا ياعبيطه
هند بغضب : ايه
يامن: يلا ياقلبي
بقلم شهد احمد✍
أنت تقرأ
|قدري في العمارة | مكتمله
Romanceتظن أن كل الطرقات مغلقه والقدر يجمع بينك وبين كل مالا تهواه تتعثر وتضيق بك ولا تجد مفرا من هذا حتي تسلم لواقع الأمور مهما حاولت جاهدا قطع الاف الأميال للوصول لأسطر لم تكتب لك لن تقبل اوراقها قصتك وعندما فقط تختار التسليم تجدها تفرج من حيث لا تحتسب...
