هذا الصباح يبدأ من منزل سالم العشري
سالم : مين نازل معاك يا سليم يجيب العفش
سليم : انا وفيروزة و طنط نادية وصفصف مش عارف عنود هاتشبط ولا ايه
صفصف: وانا جهزت اهو خلاص
سالم : طب ماتيجوا اوصلكوا في طريقي
سليم : لا يا حبيبي تسلم انا هاخدهم معايا
ميرفت : يعني انا كده هقعد في البيت لوحدي
سليم : مين قالك انك لوحدك انزلي للينا انتي وعنود او منه او هند
ميرفت سريعا : انا هنزل لهند
سالم بإستغراب: اشمعني هند
ميرفت : ها لا ده بس عشان لينا دلوقتي في الأستوديو وبترجع تعبانه ومنه نفسيتها وحشه اليومين دول وكده فاانسب واحده هند
صفيه : الله يكون في عونها صحيح يا سليم محدش لسه عرف الواد رامي ده عمل ايه
سليم : لا ياماما وخلاص بقى الموضوع باخ اوي مش اول ولا آخر واحد يعني
ميرفت: علي رأيك
سليم : يلا ياماما حضرتك اقعدي في العربيه وانا هوصل ميرفت لهند واجيب طنط نادية وفيروزة
ثم نزلت صفيه تجلس في السياره وذهب سالم الي عمله وذهب سليم تجاه منزل طاهر المهدي بعد أن ذهبت ميرفت الي هند
طرق سليم باب المنزل وفتحت له نادية
سليم : صباح الفل
نادية : صباح الخير يا عريس
سليم : ها جاهزين
نادية : اه خلاص فيروزة بتلبس الطرحه
عنود: وانا هروح فين بقى ان شاء الله
سليم : ميرفت عند هند قعده مستنياكي
عنود بمكر : اهلا
سليم : مش فاهم
عنود : لا ماتاخدش في بالك يلا انا نازله يا ماما
ثم ذهبت من أمامهم
نادية بصوت مرتفع : ماتتراخميش ياعنود
ثم جاءت فيروزة من الداخل
فيروزة بإبتسامه: صباح الخير
سليم بإبتسامه: ده يا صباح الجمال
خجلت فيروزة بينما قالت نادية : هوي انا بقى
سليم : لا يا حماتي العفو ماتقوليش كده بس انا حقيقي مبسوط مبسوط جدا
نادية : ربنا يابني يسعدكم ويهنيكوا ببعض
ثم نزلا الثلاثه الي السيارة وصافحا صفيه حتي وصلا الي بائع الأثاث وقاموا بالإتفاق علي كل شئ وذهبوا الي محل الأنتيكات والأشياء الإضافيه في الجهاز
فيروزة : وااو سيبوني بقى هنا ساعتين تلاته
صفيه : لا بقولكوا ايه انا رجلي وجعتني تعالي يا ناديه احنا نقعد في العربيه
ثم ذهبت ناديه معها
وظل سليم وفيروزة مع بعضهم البعض
فيروزة : انت عارف ان بحب الحاجات دي اوي وشكلها جميل بس التماثيل والحصان وكده ده حرام عشان بتتشبه بالأصنام
سليم: ايوة انا عارف بس احنا ممكن نعوضهم بحاجات تانيه يكون شكلها احلي
فيروزة : اهم حاجه في كل ده الإضاءة حتي لون الدهان بيفرق
سليم : قوليلي صحيح الألوان اللي بتحبيها
فيروزة : انا عايزه كل الألوان تكون هاديه اوي عارف الفانيلا لاتيه
سليم: ده غير الشاي بلبن
ابتسمت فيروزة وقالت : اهو قريب للشاي بلبن
سليم : ماشي ده يبقى حلو ده
فيروزة : بحب بقى السيلفر كمان في الدهان اوي
سليم: كل اللي انتي عايزاه قوليلي عليه
فيروزة : لا احنا لازم نختار مع بعض مش هنعيش سوا
سليم وهو يرقص حاجبيه : سوا سوا
فيروزة وهي تحاول تغير الحديث : الإضاءة بقى انا بحب العاليه اقولك حاجه انا كان نفسي اعيش في قاعه افراح واعلق لمبات عندي في الاوضه
سليم : مش معاكي انا في الشخلعه دي
فيروزة : انا غريبه فعلا اللي عكسي بقى لينا بتحب كل حاجه هاديه انا برضه بحبهم بس العاليه أكتر بص كده النجفه دي
سليم : الله حلوة اوي
فيروز : هو ايه اللي حلوة اوي دي وحشه جدا انت بتشتغلي
سليم وهو يعبس بين حاجبيه: ايه ده وريني كده تصدقي مش قد كده
فيروزة : ماتبقاش رخم بقى واختار معايا
سليم : انا ماليش في الجو ده انا لو هقعد معاكي في عشه انا راضي المهم انتي تحبي ايه
فيروزة بنفسها " احبك انت "
فيروزة : بس برضه لازم نختار سوا
ثم ذهبا الي محل آخر
سليم : طب احنا جايين هنا ليه مش ده محل زينه رمضان
فيروزة: ماهقولك بقى احنا هانجيب النجوم دي
سليم باستغراب : نجوم نجوم ايه تحطيها فين دي
فيروزة : ايه انت مش عارف انا بحبها في الاوضه في السقف كده زي روبانزل
سليم : انا مش فاهم اي حاجه
فيروزة : هاتعجبك هاتعجبك
ثم أكملت قائله : انت عارف بقى اهم حاجه في الشقه ايه
سليم وهو يغمز لها : انتي
فيروزة بإبتسامه: اهم حاجه عندي البلكونه عايزاها كبيره ونحط فيها نجيله خضرا وورد بقى وهنهيص
سليم : مش عايزه تحطي فيها مورجيحه
فيروزة : كانت علي طرف لساني بدأت تفهمني يا ولد برافو برافو
سليم : عايزه تتمرجحي في البلكونه وتقعي ياهبله
فيروزة : اتمرجح ايه هي زي ماهي كده بتقعد عليها مش بتتمرجح
سليم: طب حلو ايه كمان
فيروزة : ده عشان المورجيحه دي ممكن مااجبش نص العفش
سليم : طب مش عايزه الساقيه
فيروزة : السخافة بدأت
سليم : بصي احنا نعمل البيت دريم بارك انا اعملك بيت رعب كده اوضه في الشقه نخليها لعقابك لما تضايقيني
فيروزة : مابخافش
سليم : يا ولا طب عيني في عينك
ثم نظرت الي عايناه بحب
سليم قائلا لها : انتي اصلا بينهم ماتشبهين غير نور الشمس او نور القمر لك عيون الله يعين الناظرين كل نظرة منها شبت جمر "
فيروزة وهي تبتسم : انت بتحب الشعر
سليم : يعني شوية بس دي لايقه عليكي اوي هي عيونك دي طالعه لمين
فيروزة : يعني طالعة لمين في ايه
سليم : لونها الفيروزي القمر ده
خجلت منه ثم قالت: لناناه الله يرحمها
سليم : الله يرحمها اللون ده مميز جدا وانا بحبه وبحب صاحبته
كادت فيروزة ان تتعرقل قدميها وتسقط
ثم مسك يديها سليم قائلا : وبعدين كل ما اكلمك تقعي في حته لسه هاتقعي فين بعد كده
أشارت له فيروزة بعيدا وقالت بغضب : هناك لسه هقع هناك وفي كل حته وبراحتي
سليم : عشان انتي عارفه اني كل مره هلحقك زي ضلك يافيروزه عارفه ايه احلي حاجه فيكي
اومأت له فيروزة بالرفض وهي تبتسم
سليم : انك لما بتتكسفي بتتعصبي
فيروزة : لا انت غلطان انا مش مكسوفه اصلا
سليم : عارف عارف طب ايه مش يلا نكمل
فيروزة: يلا
أنت تقرأ
|قدري في العمارة | مكتمله
Romanceتظن أن كل الطرقات مغلقه والقدر يجمع بينك وبين كل مالا تهواه تتعثر وتضيق بك ولا تجد مفرا من هذا حتي تسلم لواقع الأمور مهما حاولت جاهدا قطع الاف الأميال للوصول لأسطر لم تكتب لك لن تقبل اوراقها قصتك وعندما فقط تختار التسليم تجدها تفرج من حيث لا تحتسب...
