في هذا الصباح سنبدأ اليوم من منزل سليم وفيروزة
استيقظ سليم قبل فيروزة هذا اليوم ولكن بعد ساعه واحده استيقظت هي الأخري وهي تنظر له وهو يقف أمام المرآة يجهز نفسه للذهاب للعمل
فيروزة بصوت ناعس : صباح الخير
سليم : صباح الفل ايه كل ده نوم
فيروزة : هي الساعه كام دلوقتي
سليم : 10 ونص
فيروزة : ياااه كل ده وسايبني انام ليه
سليم : صعبتي عليا امبارح كان شكلك مرهق قولت اسيبك ترتاحي
فيروزة : انت نازل
سليم : اه قومي يلا اجهزي
فيروزة : لا انا مش رايحه الشغل النهاردة
سليم : ليه
فيروزة : مكسله كده وحاسه فعلا إني مرهقه
سليم وهو يجلس بجانبها : انا كنت هقولك اصلا اقعدي النهاردة بس اعمل ايه في لسانك قولت بلاش عشان ماترجعش تفتكر إني بجبرها علي حاجه
فيروزة : لا ماتقلقش انا مطيعة جدا و بسمع الكلام
سليم : طبعا امااال
فيروزة : طب انت فطرت
سليم : اه عملت ساندوتش جبنه وكوبايه شاي
فيروزة : وربنا انت عسل وزوج صالح
سليم بتكبر : عارف
فيروزة وهي تبتسم له : ماشي ياعم العارف سوري بقى بعد كده هقوم اعملك زي كل يوم
سليم : ولا يهمك يا حبيبتي
فيروزة : طب انا هنام بقى ها تصبح علي خير
سليم : أصبح علي خير الساعه 10 ونص ماشي زي بعضه خلي الفون جمبك عشان هكلمك اطمن عليكي
فيروزة وهي نائمه : ماشي ماشي
سليم : اكلم حسن يجيب لينا تقعد معاكي شوية
فيروزة : لالا هي عندها شغل ما تقلقش يا حبيبي انا كويسه
ثم وضع سليم قبله علي وجنتيها وذهب متجها الي عمله وهو أمام عمارته وجد يزن يقف تحت منزله
سليم بإستغراب: يزن ! انت بتعمل ايه هنا
يزن : مش سايبك انا بقى رجلي علي رجلك نروح لعم سالم
سليم : انت يابني مش عندك شغل
يزن : اه عندي وسايب شغلي عشان حضرتك مالكش مزاج تكلمه دلوقتي
سليم: وده وقته الكلام في جواز انت مش شايف ان احنا بدري شوية مثلا
يزن : ياعم انا جتلك في كل الأوقات بعد كده هاجيلك بعد الفجر ولا هايهمني علي فكرة
سليم : مش انت اخو يامن يبقى تعملها طبعا
يزن : طب ايه نروح نكلمه يلا
سليم : عمك سالم لو حد فكر يكلمه علي الصبح كده في موضوع زي ده بالذات ممكن يحدفه من البلكونه مش يرفض بس
يزن : ايه يا جدعان العيله اللي الواحد بيكلمها بمواعيد دي
ثم نزل يامن هو أيضا الي عمله ووجدهم يقفون بعيدا فاذهب تجاههم
سليم : اهو الدكتور جه شكلي النهاردة لازم اتأخر
يامن وهو يبتسم : ايه الكلام صباح الخير
سليم : صباح النور
يزن الي يامن وهو يشير علي سليم : شوف ياعم الراجل ده عشان خلاص خنقني
يامن : ايه ماله مزعل اخويا ليه يا باشا
سليم : موضوع ميرفت
يامن : انا قولتلك يا يزن منك لعمك سالم ده راجل سكره وهيوافق طول الباشا في الموضوع مش هيكمل
سليم : اعمل ايه بس انا فعلا بتسحل طول اليوم في الشغل برجع يادوب اقعد شوية من مراتي اريح بيهم دماغي
يزن : طب ماتريح دماغ اخوك كمان ينوبك فيه ثواب
يامن : خلص بقى الموضوع ده عشان انا ادري بيزن اخويا لما بيزهق بيمشي في الشارع زي المجنون
سليم : نفسي بس اعرف انتوا الاتنين ازاي دكاترة
يامن: ده احنا اشيك اتنين علي الكوكب
سليم : خلاص يا يزن اوعدك ان النهاردة ان شاء الله هفتح بابا في الموضوع
يزن : سليم انت وعدتني
سليم : ما تقلقش
يامن : خلاص يلا بقى عشان انا اتأخرت جدا انا رايح العيادة كل واحد علي شغله سلام
سليم: سلام
ثم ذهب كلا منهم الي عمله
أنت تقرأ
|قدري في العمارة | مكتمله
Romanceتظن أن كل الطرقات مغلقه والقدر يجمع بينك وبين كل مالا تهواه تتعثر وتضيق بك ولا تجد مفرا من هذا حتي تسلم لواقع الأمور مهما حاولت جاهدا قطع الاف الأميال للوصول لأسطر لم تكتب لك لن تقبل اوراقها قصتك وعندما فقط تختار التسليم تجدها تفرج من حيث لا تحتسب...
