في منزل سالم العشري
سليم : سلاموا عليكوا
سالم : وعليكم السلام
كان سليم سيدلف الي غرفته
سالم : تعالي ياسليم عايزك
سليم : نعم يابابا
سالم : مالك يا سليم انت مش عاجبني من امبارح
سليم : مافيش يابابا
سالم : هو انت خطيبتي ايه اللي مافيش انا هتوه عنك
سليم : تعبان بسبب الشغل بس
سالم : اللي هو فيروزه
سليم : ماتشغلش بالك يا بابا كل مشاكلنا هنحلها سوا وكل حاجه هتبقى تمام
سالم : ماتخبيش عليا ياسليم انتوا دايما بتتخانقوا بس امبارح كان شكلك في العزومه غريب ومن ساعتها وانت كده
سليم : انا وفيروزة هنتط....
صفيه: تعالي يا سالم عايزاك
سالم : استني بس خمسه ياصفيه
صفيه: لا دي حاجه ماتستناش يلا
ثم ذهب سالم مع زوجته صفيه
وذهب سليم إلي الشرفه كي يستنشق بعض الهواء نظر إلي السماء قليلا ثم ألقى بصره علي الأرض ووجد شئ غريب أخذ يحدق ببصره ولا يعلم من الذي سقط علي الأرض فابإعتبار انه ضابط شرطة لابد أن ينزل الشارع ويري من سيكون هذا
ثم نزل إلي الشارع علي الفور وذهب خارج العمارة جحظت عايناه عندما رأي أنها فيروزة ثم ركض عليها سريعا
سليم بفزع : فيروزة فيروزة ردي عليا
ولكن فيروزه كانت مغشيه عليها تماما من أثر الضربه فحملها سليم وذهب بها متجها الي منزله وفتحت له ميرفت
ميرفت بخوف : سليم ! فيروزة ! هو فيه ايه
دلف بها سليم للمنزل ثم وضعها علي الأريكة
سليم بخوف : هاتي مايه بسرعه ياميرفت بسرعه
دلفت ميرفت للمطبخ ثم جاءت بالمياه وقام سليم بوضع المياه علي وجهها وهو يقول : فوقي يافيروزة فوقي
ميرفت : هو ايه اللي حصل يا سليم
سليم بتوتر: مش عارف مش عارف
ثم أتت صفيه من الداخل واندهشت من وجود فيروزة قائله: بنت نادية بتعمل ايه هنا يا سليم
سليم : حضرتك مش شايفه ياماما انها مغمي عليها
صفيه : واحنا مالنا ماطلعتهاش بيتها ليه
صمت سليم الآن لأن وصل به الغضب الي حد الذروة و اصبح غير مسيطر علي لسانه
ثم اتي سالم بخوف : فيروزة يا بنتي .. جرالها ايه ياسليم
سليم بخوف وهو يمسك يديها : فيروزة قومي الله يخليكي
ميرفت : طب اقول لطنط نادية
سالم : لا ماتخضيهاش ياميرفت
وضع سليم يده علي قلب فيروزة حتي وجده ينبض فقال : قلبها بيدق وبتتنفس فيروزة اصحي بقى انا مقدرش اعيش من غيرك سامحيني لو قولتلك حاجه تضايقك اصحي وهنحل كل حاجه مع بعض صدقيني
نظرت له صفيه وعلمت أن سليم حقا وقع بعشق هذه الفيروزة
حتي ضغطت فيروزة علي يديه فنظر إليها وقال بلهفة: فيروزة
فتحت فيروزة عايناها ببطئ وقالت : ءءء انا
سليم : انتي ايه يافيروزة اتكلمي انا جمبك وسامعك
فيروزة يبطئ: ر ر راسي
سليم بخوف : مالها راسك ايه اللي حصل
حتي وضعت فيروزة يدها الأخري علي يده فقام سليم ولأول مره بتقبيلها من شده خوفه عليها
نهضت فيروزة وهي تتألم من شده الضربه
كان سليم يساعدها حتي تنهض فقالت: حد حد ضربني
سليم سريعا : مين اللي عمل كده
فيروزة : مش عارفه ماشوفتش
سليم بصوت مرتفع وغضب : ورب الكعبه لو اللي في بالي صح انا ماهعتق حد
سالم : اهدي بس يا سليم
سليم بغضب : اهدي ايه يا بابا اهدي ازاي اصلا
ثم نظر الي فيروزة وقال بهدوء : اللي ضربك ضربك بإيه يافيروزة
فيروزة : بعصايه
سليم وهو يريد أن يحتصنها : حاسه بإيه طيب
فيروزة : صداع ودماغي بتوجعني
وكادت ان تنهض حتي تذهب من هذا المنزل حتي مسكت رأسها بكلتا يديها وكادت ان تسقط فامسكها سليم سريعا وقال : اقعدي ماتقوميش تاني دلوقتي انتي لسه تعبانه
فيروزة بنفسها : قل لي لماذا تتسارع دقات قلبي هكذا عندما تقترب كاد قلبي ان يخرج من مكانه أيها الوغد
ثم قالت لهم : لا انا كويسه عايزة امشي
سليم : بطلي تعاندي خليكي لحد مااجيب دكتور
فيروزة : لالا مش لازم دكتور
سالم : ماينفعش يافيروزة يا حبيبتي لازم نتطمن عشان مايكنش فيه الله اكبر نزيف داخلي
سليم كاد أن يمسك يديها فقامت بالإبتعاد عنه فورا فالاحظ سليم انها تتضجر كلما اقترب منها فاهو رغم حبه وعشقه لها لكنه لا يقبل بأن يكون ثقيلا عليها فاقرر ان يبتعد وظهرت علي وجهه علامات الغضب
فيروزة : معلش يا عمو انا هرتاح أكتر لما اطلع عن اذنكوا
ميرفت : بس يافيروزة ...
سليم : سيبوها علي راحتها يا جماعه
ثم دلف الي غرفته وذهبت فيروزة الي منزلها ودلفت الي النوم من أثر وجع رأسها
أنت تقرأ
|قدري في العمارة | مكتمله
Romanceتظن أن كل الطرقات مغلقه والقدر يجمع بينك وبين كل مالا تهواه تتعثر وتضيق بك ولا تجد مفرا من هذا حتي تسلم لواقع الأمور مهما حاولت جاهدا قطع الاف الأميال للوصول لأسطر لم تكتب لك لن تقبل اوراقها قصتك وعندما فقط تختار التسليم تجدها تفرج من حيث لا تحتسب...
