عندما سمع حسن ما قالته نظر إليها بعدم فهم فاضحكت هي علي نظرته لها
حسن ببلاهه : هو فيه ايه
لينا : ايه يا حسن
حسن : انا مش فاهم ايه علاقه الفيديو وسامي بإنك حامل
لينا : اصلا
ثم أكملت بعد أن أغلقت الهاتف قائله : أنا حامل
حسن : وده أي علاقته بسامي وانه هايخطب
لينا : حسن حبيبي انت سامع اللي بقوله
حسن : ايوة سامع يعني ....
ثم نظر إليها بحب وقال : هو انتي حامل
لينا : حمدالله علي السلامه
فقام حسن بإحتضانها بشده بفرح وهو يقول: عرفتي امتى
لينا وهي تبتسم : عرفت النهاردة الصبح
حسن : ماقولتليش ليه
لينا : حبيت اقولك كده بليل واحنا قاعدين سوا .. مبسوط
قام بعناقها مرة اخري ثم قال : مبسوط بس انا عايز اخدك واطير
لينا : طب مانطير يا حسن
ثم احتضنها وهو يدور بها بفرح وكأنهم حقا يحلقون في الهواء الطلق
بعد مرور عده اشهر
في منزل سالم العشري وبعد عقد قران ميرفت ويزن
كانوا يجلسون سويا
ميرفت : بفتح كده النهاردة البيدج بتاعه الفيس بتاعتك لاقيت واحده اسمها نورين عملالك لاف مش خير
يزن : والله يا بنتي مااخدت بالي ولا اعرف مين دي
ميرفت : يعني هي هتعملك لاف كده وهي ماتعرفكش عادي
يزن : بحلفلك بالله مااعرفها
ميرفت : وانت لما شوفتها ماعملتش بلوك ليه
يزن : عشان ببساطه مااخدتش بالي
ميرفت : مافيش حاجه اسمها كده فيه حاجه اسمها نوتفكيشن بتيجي بتعرف مين عملك لاف
يزن : انا طول اليوم في الصيدلية بفتح واتس بس عشان اكلمك أكتر من كده مش بفضى فكي بقى غير كمان ان صفحتي بابلك يعني اي حد من أي حته هايدخل يعمل لاف بقى يعمل قرد عادي
ميرفت : طب اتفضل اعملها بلوك
اخذ منها يزن الهاتف قائلا : هاتي ياستي سهله
ثم نظر الي الهاتف وقال : اوبااا
فضربته ميرفت علي يده قائله : اتلم
ضحك يزن وقال : انا بقول نأجل البلوك شويه
ميرفت : براحتك اجله وساعتها انساني خالص
يزن : لالا مانقدرش
ميرفت: عجبتك اوي
يزن : انا اقسم بالله مابصيت اصلا انا بشتغلك ده انا معرفتش ملامحك الا بعد كتب الكتاب اتقوا الله بقى
ميرفت : مش عارفه مالها دي وبتعملك لاف ليه
يزن وهو يضع ساق فوق الأخري : معجبين بقى
ميرفت بحزن : ماشي
يزن : أما عن نفسي فاهي واحده بس اللي خدت قلبي وعنيا
ميرفت وهي تبتسم : ماشي
يزن بضحك : الاه
ثم ضحكا الإثنين معا
يزن : قوليلي بقى ماشيه ازاي في الكليه
ميرفت: آخر ترم بيخلص اهو في تالته معتش غير سنه
يزن : هانت بقى عشان نتجوز انا كان نفسي نتجوز وانتي في رابعه عادي
ميرفت : مش هعرف صدقني انا محدش يتحملني في الدراسه بالذات ايام الامتحانات ببقى متوترة وبوتر كل اللي حواليا
يزن : بس انا هستحمل
ميرفت : الكلام سهل انا عارفه نفسي ببقى صعبه جدا وبأفور بقى بس انا حاسه خلاص ان الدراسه بقت تقيله اوي احساس انك قربت تخلص تعليم خالص احساس غريب مش مفهوم كده مش عارفه انا بس اللي كده عشان صحابي عادي
يزن : لالا انا كنت كده برضه هو ده شعور طبيعي انها خلاص النهايه بتكوني عايزة تنجزي
ميرفت: يامسهل
بقلم شهد احمد ✍
أنت تقرأ
|قدري في العمارة | مكتمله
Romanceتظن أن كل الطرقات مغلقه والقدر يجمع بينك وبين كل مالا تهواه تتعثر وتضيق بك ولا تجد مفرا من هذا حتي تسلم لواقع الأمور مهما حاولت جاهدا قطع الاف الأميال للوصول لأسطر لم تكتب لك لن تقبل اوراقها قصتك وعندما فقط تختار التسليم تجدها تفرج من حيث لا تحتسب...
