ذهبت منه الي الشرفه حتي تري من لديه مناسبه عندهم وقفت ثم وجدت الجميع يقف بالشرفات والكثير من السيارات تقف بالشارع مع الأغاني الصاخبة واصوات العربات ووسط الكثير من الناس والزحام وقفت تحدق بهم حتي تري احد وبعد عده دقائق جحظت عايناها ووقفت كالصنم دون أن ترمش عايناها من هول الصدمة عندما رأت رامي انه العريس برفقة ريم الا وهي العروس يحتفلون بعد العودة من خطبتهم وسميرة ومروة بجانبه وحلا مع ريم
حتي جاءت نهال وشريف
نهال : مين يا منه
لم تنطق منه بشئ
ثم نظرت نهال الي الشارع ووجدت رامي قالت مفزعه: ايه ده ده رامي وريم
شريف : يلا ربنا يهني سعيد بسعيده
نهال : ربنا ينتقم منهم ايه البجاحه دي لا ومختار واحده ساكنه معانا
شريف: انتي كنتي مستنيه منه حاجه غير كده ما خلاص لازم يشوف نفسه
نهال وهي تنظر لمنه: بت يا منه انت مبلمه كده ليه
أطلقت منه ضحكه عاليه وقالت : فرحانه بجد فرحانه انا صح انا صح
ثم أكملت ضحكتها ودلفت من الشرفه الي غرفتها
نهال الي شريف : البت اتجننت
شريف : بعيد عنك دي عقلت ادخلي مالناش دعوه بحد
شعرت منه ان بهذه الفعله تخطي رامي كل الحدود ولم يعد بوسعه فعل شئ اسوأ من هذا ولكنها لم تبكي ابدا عندما رأته بجانبها عندما يصبح الأمر حساسا هكذا وتتدخل فتاه اخري مثلها به فاهو حقا انتهي للأبد شعرت انها ربحت نفسها وبينها وبين نفسها كانت تتمني أن ينال رامي حرقه قلبه علي يديها
ثم أحضرت قلمها ودفترها وكتبت " غادرت وكنت اعطي للمسافات التي اختلقتها اعذارها ظننت أن أحد البلدان فتحت إليك مصراعيها وستعود لوطنك مهما طال غيابك لهذا كنت اعطيك فرصا ان تعود وأقبل بك ولكن هذا كان من عده دقائق لم كنت اضع بالحسبان ان تفتح لك انثي اخري ذراعيها ظننت انني وحدي من ملكت قلبك ولكن قل لقلبك انه اصبح يخنقني بزحامه لا يوجد لدي مكان عندك أصبحت الآن النهاية الحقيقيه لك تحرم علي عايناي ان تذرف دمعه واحده لأجلك "
ثم وجدت أن الباب يطرق بقوة حتي فتحت نهال ووجدت الفتيات فيروزة وعنود وهند ولينا وميرفت
نهال : ايه يا ولاد
فيروزة : شوفتي يا طنط
نهال : شايفه ياختي ادخلوا
لينا : منه فين
نهال : جوه في اوضتها
ثم طرقت ميرفت علي الباب
منه : مين
عنود : احنا يا منه
منه : ادخلوا
ثم دلفوا الي الداخل
لينا : شوفتي يا منه را....
حتي استغربا الجميع ان منه تضع مساحيق التجميل وتمشط خصلات شعرها بهدوء
هند : منه انتي كويسه
منه : ايوة كويسه مالكوا عاملين كده ليه
فيروزة : يا بنتي رامي وريم يعني ...
منه : طب ماانا عارفه
ميرفت : وعادي كده
منه : امال اعمل ايه اقعد اعيط عليه الباقي من عمري ولا انزل اركع تحت رجله انه يرجعلي
عنود : بس يعني انتي خرجتي كده من حياته معتش فيه امل
منه : يعني خرجت من الجنه ده الحمدلله إني ماكملتش
هند : بت يا منه انتي اتجننتي ولا انتي فعلا كويسه ولا انتي ايه
منه : يا بنتي كويسه والله خلاص بقى الموضوع بقي بايخ اوي لو كان زعل معتش فيه زعل اصلا جوايا اقدر ازعله انا خلاص خرجت كل حاجه من زمان اوي
لينا : أنا بجد فخورة بيكي رغم أن دي تعتبر لامبالاه بس برافو عليكي
منه : الحمدلله
ميرفت : بس انتي كنتي لحد قريب اوي زعلانه عليه قريب ايه ده لحد امبارح
منه : ايه رأيك فيا بقى النهاردة
ميرفت : قمر ياريت تفضلي كده علطول
ابتسمت لها منه ثم صمتت
حقا منه لم تشعر بشئ ابدا لا يوجد حزن لا يوجد سعاده لا يوجد ندم لا يوجد شئ لا تعلم اهي تعافت منه ام هذا من أثر الصدمه وستعود بالعاصفه مرة ثانيه
في منزل حلا وريم بعد الانتهاء من الزفه
حلا : مبروك ياقلبي
ريم : الله يبارك فيكي ياروحي عقبالك
حلا : فين منه دلوقتي كانت تشوف
ريم: اكيد شافت يعني وبعدين idon't care انا مااتخطبتش لرامي عشان اغيظها او حاجه انا اتخطبت لرامي عشان بحبه مش اكتر
حلا : بس مش يمكن الواد ده يطلع مش كويس يا ريم هو برضه سابها قبل الفرح بكام يوم ممكن يعمل معاكي كده
ريم : منه طيبه وعلي نياتها يتضحك عليها انما انا استحاله وبعدين هو سابها اصلا عشان قالي انها خانته مع واحد تاني وكمان كانت مرتبطه كتير قبله يعني حقه
حلا : علي رأيك هو لازم يشوف نفسه وحياته هايوقف حياته عشان خاطر ست منه ولا ايه امال باباكي ومامتك فين
ريم بيأس : روحوا
حلا : ده ماهانش عليهم يباتوا معاكي اليوم ده ده ايه العالم دي
ريم : انا بجد مش فاهمه بس خلاص انا اصلا هستني منهم ايه انا حتي مارضتش اطلب منهم
حلا : سيبك منهم يابت افرحي واتبسطي انتي
ريم : انا هقوم بقى اغير الفستان عشان انام مش قادرة خالص عشان بكرة رامي هاياخدني نتفسح
حلا : ايوة ياعم نفسي اطلع اشوف منه وهي ميته من القهره عليه حاكم كل العيال اللي هنا شبه بعض فيروزة هي منه هي لينا وكلهم اعوذ بالله مش ببلعهم
ريم : كبري دماغك بقى المهم احنا مبسوطين وبس
اشرقت شمس الصباح التالي من منزل سالم العشري
كان سليم يتحدث مع فيروزة بالهاتف
فيروزة : شوفت اللي حصل امبارح
سليم : ايه اللي حصل
فيروزة : انت مش هنا ولا ايه رامي خطب ريم جارتنا
سليم : ايه الجبروت ده هو يخطب دي حاجه عادية وترجعله انا مكنش عندي شك انه راجع اصلا قولتلك قبل كده اللي بيحب مابيعرفش يبعد لكن يختار من نفس العمارة ده اسمه ايه
فيروزة : مش عارفه بجد وليه اصلا كل ده منه عملت ايه يعني
سليم : وهي منه عرفت
فيروزة : اه طبعا طلعنا كلنا ليها امبارح بس كانت غريبه اوي مبسوطه عادي ومش في دماغها
سليم : طب والله جدعه وميه وميه
فيروزة : حساها مصدومه
سليم : حتي لو مصدومه مسيرها تفوق وربنا يعوضها بالأحسن طمنيني عليكي انتي
فيروزة : الحمدلله كويسه انت ايه الأخبار
سليم : انا الحمدلله يا حبيبتي بقولك ايه
فيروزة : قولي
سليم : انا مسافر ان شاء الله بليل
فيروزة بإستغراب : مسافر .. مسافر فين
سليم : دي مأمورية تبع الشغل كده اسبوع وراجع
فيروزة بحزن : اسبوع ده كتير اوي
سليم: هاوحشك صح
صمتت فيروزة
سليم : وانتي كمان والله هاتوحشيني اوي بس اعمل ايه بقى
فيروزة: طب مش المأمورية دي بتبقى خطر
سليم : للأسف بس ان شاء الله خير هرجعلك ماتقلقيش
فيروزة : هو ينفع ماتروحش
سليم : مااروحش ايه بس دي مش الحضانه انا مش مخير اصلا ياهروح ياهروح
فيروزة: هتسافر بليل امتي
سليم : النهاردة الفجر ان شاء الله
فيروزة بحزن : طيب
سليم : انتي زعلانه ياكتكوته
فيروزة : لا عادي
سليم : الاسبوع هايعدي هوي والله
فيروزة : انا خايفه عليك
سليم بحب : بجد
فيروزة : ايوة امال بهزر يعني
سليم : ما تخافيش ياروحي دي مش اول مرة اطلع مأمورية
فيروزة : طب انا عايزة اقعد معاك بقى قبل ما تمشي
سليم : اكيد هعمل كده بعد الغدا ان شاء الله تعالي نخرج ايه رأيك
فيروزة : ماشي هسأل ماما ولو حتي ماوافقتش ابقى اطلع
سليم : حاضر
ثم أغلقا معا الهاتف
كانت عنود تتحدث مع فادي عن طريق الشات
عنود : فادي انا نفسيتي وحشه اليومين دول
فادي : من ايه بس انا زعلتك في حاجه
عنود : لا والله خالص انت زي الفل بس انا مش حاسه اني مرتاحه
فادي : يعني قصدك مش مرتاحه معايا
عنود : مش عارفه
فادي : انتي علي الحال ده بقالك فترة وانا مش فاهم حاجه
عنود : يافادي احنا بقالنا فترة بنتكلم ومافيش جديد في حياتنا انا حاسه بملل
فادي : قولتلك كذا مره نخرج انتي اللي مش راضيه
عنود : طبعا مش هينفع وقولتلك الموضوع ده ماتفتحوش اصلا معايا عشان مش هيحصل
فادي: طب انا في ايدي ايه اعمله دلوقتي
عنود : للأسف مافيش
فادي : طب والحل
عنود : فادي احنا لازم نبعد
فادي : انتي بتهزري ياعنود صح
عنود : لا مش بهزر انا فعلا مخنوقه ومش عايزه اكمل
فادي : ليه يا بنتي طلاما مافيش مشكله هاتألفي مشكله انتي بتتلككي ياعنود
عنود : والله مابتلكك انت فعلا ماعملتليش حاجه وهي دي المشكله
فادي : انا مابقتش فاهم حاجه
عنود : ولا انا
فادي : يعني مالقتيش حل غير انك تبعدي عني يعني هتعرفي تبعدي
عنود : طبعا صعب عليا ويمكن أكتر منك كمان بس غصب عني
فادي : أكتر مني وهو اللي متساب من امتى زي اللي سايب
عنود : صدقني في الإتنين وجع
فادي : انا هسيبك تهدي وتفكري مع نفسك وتديني القرار الأخير
عنود : انا فكرت كتير اوي يا فادي مافيش حل
فادي : يا حبيبتي بس قوليلي ايه يبسطك وانا اعمله
عنود وهي تبكي : انت كده بتصعبها عليا والله انت مافيش اي حاجه عملتها وحشه انا من نفسي اللي مش مرتاحه
فادي: عنود انتي فيه حد تاني بتفكري فيه
عنود : والله ابدا
فادي : وانا مش هبعد ياعنود انا مش هستسلم لشيطانك اللي خلاكي تقولي كلمتين في وقت غضب
ثم أكملا حديثهم معا
دلفت فيروزة الي غرفتها ووجدت عنود وهي تبكي
فيروزة : عنود انتي بتعيطي ليه ياحبيبتي
مسحت عنود دموعها وقالت : مافيش حاجه
فيروزة: مافيش ازاي هاتعيطي كده من غير سبب
عنود : ماتشغليش بالك انتي
فيروزة : هو احنا مش صحاب وباجي احكيلك كل حاجه بتخبي ليه بقى
مسكت عنود يديها وقالت: مش بخبي يا حبيبتي انا بس مضغوطة الفترة دي عشان الامتحانات قربت ومتوترة
فيروزة : مش انتي عملتي اللي عليكي يبقى خلاص اجمدي كده وخلي عندك ثقه في ربنا انتي قدها
ثم قامت عنود بإحتضنها وهي تبكي كثيرا وهي تقول: بس انا خايفه
فيروزة وهي تحنو علي شعرها: ما تخافيش ومايهمكيش أي حاجه اطمني ربنا شايف قد ايه انتي تعبتي واجتهدتي قومي كده اغسلي وشك وصلي ركعتين وادعي ربنا انه يديكي علي قد كرمه وربنا ياحبيتي اسمه الكريم ان شاء الله يجازيكي خير
عنود : صح انا هعمل كده
فيروزة : يلا ياقلبي ربنا يهديكي
" ما بين خوفي من الدنيا وخوفي عليك
ضيعت عمري ما بين اقفي ولا اتبعك
ماني بخايف توادعني وانا محتريك
خايف يديني تخون احساسي وتوادعك
عقلي يبي يبتعد عنك
وقلبي يبيك
وما بين قلبي وعقلي
ماقدرت اجمعك "
أنت تقرأ
|قدري في العمارة | مكتمله
Romanceتظن أن كل الطرقات مغلقه والقدر يجمع بينك وبين كل مالا تهواه تتعثر وتضيق بك ولا تجد مفرا من هذا حتي تسلم لواقع الأمور مهما حاولت جاهدا قطع الاف الأميال للوصول لأسطر لم تكتب لك لن تقبل اوراقها قصتك وعندما فقط تختار التسليم تجدها تفرج من حيث لا تحتسب...
