بعد مرور الاجازة الصيفية تقريبا مر اربعه اشهر وبعد زواج يامن وهند ودخول عنود كليه الاداب قسم الإعلام وتخطي منه تماما لرامي قامت بشراء سيارة لها وأصبحت تعمل كثيرا علي نفسها وانتهت قضيه رائف تماما .
في منزل هند ويامن
كان يامن يرتدي ملابسه كي يذهب الي عمله وهند أيضا
يامن بصوت مرتفع : يانودي
هند : نعم
يامن: فين الشراب بتاعي
هند : دور عليه بقى انت بترمي هدومك في أي حته
يامن : قوليلي بس المرة دي وبعد كده مش هرميه
هند : لا مش هيحصل انا عارفاك كويس
ثم اتت هند تقف امامه وتقول : انسى عشان بعد كده تتعلم تحط كل حاجه في مكانها
يامن : يعني انتي عارفه ومش راضيه تقولي ليه الرخامه دي علي الصبح
هند : وهفضل كده لحد ماتتعلم النظام يا يامن
يامن وهو يمسك يديها : حبيبتي انا مستعجل دلوقتي فاقوليلي بس علي مكانه وانا اول ماارجع علطول هحط كل حاجه في مكانها
هند بعد تفكير : امممم ماشي اما نشوف اخرتها معاك
ثم أعطته الجوارب الخاصه به قائله : اتفضل
يامن: انا امي عمرها ماعملت معايا كده
هند : عشان هي ست طيبه ومسالمه كده لكن انا لا هعضك لو عملت كده تاني
يامن وهو يغمز لها : يا واد ياشرس انت
ابتسمت هند قائله : فيروزة بترن عليا استني
ثم ردت عليها هند قائله : ها خلصتي
فيروزة : اه خلاص بلف الطرحه اهو
هند: انا كمان خلصت خلاص اشوفك هنا بقى سلام
فيروزة : سلام ياروحي
يامن : يلا وانا كمان خلصت اهو
هند : أنت متشيك كده ورايح علي فين
يامن: رايح بورتو السخنه تيجي معايا
هند: ياخفه
يامن : الواحد مش شايف قدامه وتقولك متشيك ورايح علي فين
هند : طب يلا عشان مانتأخرش
ثم ذهب الاثنين كلا منهم الي عمله
بقلم شهد احمد✍
في منزل فيروزة وسليم
كان سليم يتجهز أيضا مع فيروزة للذهاب الي عملهما سريعا
فيروزة : يا سليم يزن بيرن عليك
سليم: استني هرد اهو
ثم رد سليم عليه قائلا : سلاموا عليكوا
يزن سريعا : وعليكم السلام ها اجي اخطبها امتى
سليم : يعني احنا لسه علي الصبح قول صباح الخير حتي
يزن : يا سيدي صباح الخير ومساء الجمال والف الف مبروك ها هاجي امتى
سليم وهو يبتسم : حاضر يا يزن حاضر يا حبيبي هفتح الموضوع النهاردة مع بابا وارد عليك حاضر
يزن : هو انت لسه مكنتش فاتحته في الموضوع لا انا مني ليه بقى
سليم : يالا اصبر بابا عايز يتمهدله ميرفت دي بنته الوحيده ومتعلق بيها جدا فاهو عايزله داخله كده استني بس عليا وان شاء الله خير
يزن : يامسهل يارب انجز ياسليم الله يصلح حالك احنا ناقص نجوز الجيران
سليم : قولنا حاضر بقى يلا روح شوف شغلك وسيبني اشوف شغلي سلام
يزن : سلام
فيروزة وهي تضحك: صعبان عليا
سليم : انا فعلا بنسى معرفش ازاي
فيروزة : لا انت لازم في اقرب وقت تكلم عمو سالم عشان يزن مايزهقش برضه
سليم : حاضر طب ايه جهزتي
فيروزة : اه من زمان يلا بينا
ثم ذهبا حيث عملهما وذهبت لينا وحسن أيضا الي العمل صباحا
في منزل طاهر المهدي
عنود : صباح الخير يانانو
نادية : صباح النور يا حبيبتي نازله
عنود : اه نازله مع ميرفت بقالها ساعه بتجهز
نادية : هي خلاص بقت في تالته دلوقتي اتعودت بقى لكن عشان انتي لسه في اولي فاملتزمه شوية
عنود : تصدقي قسم اعلام ده مكنش في دماغي في يوم من الأيام بس انا جابه فكرة المذيعه دي
نادية : يلا اتجدعني انتي بقى ونفتحلك قناة
عنود : علي اساس عمتي اسعاد يونس مثلا
نادية: اتشطري انتي ومالكيش دعوه
عنود : اهي الأستاذة خلصت اهي بترن عليا انا هنزل مش محتاجه اي حاجه
نادية : سلامتكوا يا حبيبتي خدوا بالكوا علي بعض
عنود : حاضر سلاموا عليكوا
نادية : وعليكم السلام
أنت تقرأ
|قدري في العمارة | مكتمله
Roman d'amourتظن أن كل الطرقات مغلقه والقدر يجمع بينك وبين كل مالا تهواه تتعثر وتضيق بك ولا تجد مفرا من هذا حتي تسلم لواقع الأمور مهما حاولت جاهدا قطع الاف الأميال للوصول لأسطر لم تكتب لك لن تقبل اوراقها قصتك وعندما فقط تختار التسليم تجدها تفرج من حيث لا تحتسب...
