عندما التقت منه برامي وسمعت منه اسمها مرة ثانية ارتجفت قليلا ولكن ليس حبا هذه المرة بل شعور مقزز ولم لم تعطيه ردا ثم حاولت أن تذهب ولكنه وقف أمامها بجرأة منه
رامي : أنا مش جاي ازعلك او ازعجك بكلامي انا بس عايزك تسمعيني
لم تعطيه منه ردا علي حديثه ولا تنظر لوجهه ابدا
رامي : تمام انا عارف اني عملت تصرف مش كويس ابدا عارف إني غلطان وانك عمرك في حياتك ماهتسامحيني ولا طايقه تشوفي وشي بس انا عارف منه عارف قلبها الطيب انه بيحبني هايسامحني انا سيبت ريم خلاص لما عرفت قيمتك راجعت نفسي يمكن متأخر شوية بس معرفتش اكون مبسوط معاها زيك انتي اللي خطفتي قلبي اول مرة لو كنت حبيتها الأول كان زماني خطبتها من زمان بصي يا منة انا هكون صريح معاكي من الأخر كده انا خطبت منه عشان اغيظك عشان احس منك انك لسه متمسكة بيا ايوة غلطت وغلط كبير كمان بس انا بجد ندمان علي اللي عملته فيكي انا عايزك يا منه معايا ولسه بحبك ولو حابه نتجوز دلوقتي حالا انا مستعد انا والله مش بكدب يا منه افتكري أحلامنا وخططنا ومستقبلنا سوا افتكري كنا قد ايه مع بعض حلوين افتكريلي أي حاجه حلوة ولو حاجه واحده بس عملتها معاكي في يوم من الأيام بس انا اتجننت يوم ما سمعت من برة انك كنتي مرتبطه وانا معرفش ناس دخلوا بينا وبوظوا حياتنا كنت مش عايزك تكدبي عليا كان صعب اسامحك في الكدب انا وحش خليكي انتي احسن مني زي مابتكوني دايما سامحيني لو ليا خاطر عندك ارجعيلي وكل اللي انكسر بينا يتصلح احنا اللي بينا اكبر من انه ينتهي بالشكل ده منه ارجوكي انا عمري ماعملت كده مع حد ولا اتحايلت عليه انتي الوحيدة اللي عملت كده معاها وكلنا بنغلط عادي سامحيني واوعدك انها تكون آخر مرة
لم ترد عليه منه ولم يؤثر بها ابدا حديثه
رامي : انا بحبك وهفضل احبك طول عمري خلينا كمان نرجع وانتي هاتشوفي رامي تاني خالص معاكي انا شاريكي ومش كداب ولا بخدعك لو كنتي مرة واحده بصيتي بجد بعيوني كنت هاتشوفي نفسك دايما فيها حتي وانا مع ريم انا اسف يا منه اسف انا عمري حتي مااتأسفت لحد
منه: اسف اسف بعد ايه بعد ماعيوني دي نامت كل يوم زعلانه انا مش برجع لحد قدر يخليني اعيط مابرجعش لحد هونت عليه مابرجعش لحد وجعني وكسر قلبي وسابني الم الازاز ده واتعور واتجرح بدل المرة الف مرة انا لو هعيش طول عمري لوحدي اكرم ليا ولا اني ارجعلك اسف علي ايه علي أعصابي اللي باظت ولا دماغي اللي تعبت من التفكير واتسابت من غير سبب تخبط في الحيط ولا علي املي اللي موته بإيدك بكل برود ولا وانا نازله ادور عليك في الشارع وشايفه الشفقه في عيون الناس ولا علي مشاعري اللي لعبت بيها وروحت تبدلني علطول بواحده تانيه قدام عيني ولا ايه ولا ايه بس انا اديتلك بدل الفرصه انك ترجع مليون مرة خلاص الفرص راحت وانا كمان روحت نفسي القديمه دي بفضلك عرفت اتخلص منها انا هونت هونت هونت لأقسي درجه انت بلا قلبي وبلا مشاعر وبلا رحمه فاكر طلبت منك ترحم تفكيري زمان بكلمه واحده منك وانت استكترتها عليا استكترت علي قلبي انه يرتاح برصاصه واحده منك وبخلت عليا بيها قولتلك أكتر حاجه بتوجعني وعملتها قصد عارف ليه عشان انت مريض ونرجسي ولازم تتعالج عشان اللي زيك ماينفعش يعيشوا وسطنا والله لو شاريني فعلا فاانا خلاص بايعه وبأرخص تمن ذكرياتي حتي اتعافت منك انت نقطه سودا انت ولا حاجه انت هوي ده حتي الهوى بنتنفسه لكن انت مت خلاص مت مع كل دمعه وكل يوم اتوجعت فيه يا رامي مت وانتهيت
أنت تقرأ
|قدري في العمارة | مكتمله
Romanceتظن أن كل الطرقات مغلقه والقدر يجمع بينك وبين كل مالا تهواه تتعثر وتضيق بك ولا تجد مفرا من هذا حتي تسلم لواقع الأمور مهما حاولت جاهدا قطع الاف الأميال للوصول لأسطر لم تكتب لك لن تقبل اوراقها قصتك وعندما فقط تختار التسليم تجدها تفرج من حيث لا تحتسب...
