Time fi you

4

Karalana Atalyia Campbell (18)
Saturday Oct 7,2023
6:30pm
📍Teen fete

"Mi back side a so much people ova yah." Trinika voiced as we step outta e car.

Mi jus nod mi head while looking around. Fi true too much people deh yah man. Mi nuh really like them place yah innuh, weh people a walk and a bounce bounce mi.

Worst like how mi guh short yah now.

"If unnuh neva stop fi tek picture, we woulda reach before the crowd." Malik seh.

The picture just d tek one minute or maybe 10 but that nuh matter.

"Unnuh fawud, unnuh lucky seh a d V.I.P tickets mi buy." Woahhh, Trinika rich man sah. Him wrap him hand around Trini and them walk off while mi falla back a them, careful nuh fi bounce nuhbody, nuh wah get Innah no fight right yah now.

Come mi come yah suh fi enjoy miself cause a d fuss time mi deh a waah place like this.

Probably be mi last, who knows? Suh mia guh mek use a this opportunity.

Malik lead we to the area upfront weh mi can see everything. . .yess this mi d waah.

Prefect opportunity fi see him up close, although mi nuh think a him alone a guh perform but a him mi come fi see.

Trinika come stand up side a mi and whisper "Them boy deh nuh stop look paah yuh batty, look but nuh look now." She seh and mi look round same time fi see a group a boys a look pan mi, massa them bleach out eee.

"Gyal, mi tell yuh fi nuh look yet." She whisper yell innah mi ears a laugh.

Mi kiss mi teeth and turn back mi attention to the stage.

Who me? Look pan them and look pan mi.

If mi guh deh wid one a them and we a kiss or mi fi put on waah likkle hickey nuh pure bleaching cream mia guh taste?

Mad to rass.

"If them did look proper e wouldn't suh bad." Mi state.

The M.C come out and seh some bagga things fi get the crowd hyped up then him introduce the first person weh a guh perform.

Pablo YG.

But him look propa man, mi nuh know none a him song them.

Mi deven did know seh nuhbody name suh until him interview them.

Him come, duh him thing and gwaan backstage. Him coulda gwaan.

Malie Don, Jquan, Nhance, Skeng and Najeerii along with a few others went up there and them do them thing.

10:00 pm

It did nice nah guh lie but as mi seh a one smaddy mi come yah fi watch and at one point mi feel seh him neva did ago perform until mi hear the M.C seh "We have the last performanceee fi theee nighttt, yooo everybody welcomeee, theee450."

Mi seh mi screamm outtt. . .While Trinika deh yah a video. My Mann, my Mann. Mi hear some other females innah the crowd a gwaan the most way.

But cuh paah them to. Mi seh when mi seh the man look good, him look good.

Mi?? Continue screamm.

"Yooo, big up to all who deh yah tonight, done know seh a mi a close off suh mi ago gi unnuh a show." Him seh, man voice noicee eee. The best for last,but them people yah know weh them d a do man.

Same time him start duh "Imperfections" Yooo, my song this.

". . .Feel fi go way up pon a mountain
Wash weh me pain inna a fountain
With all a me flaws me still potent
This a the start but a the process."

Mi start shout pan top a mi voice, bad song this cyah stay quiet.

". . .Weekday me far from perfect
Hurt people close to me
Weh no deserve it
And that make me feel fuck
Up and worthless
Life full a lessons and me still a
Learn them. . ."Everybody innah the crowd start sing. Him start move up pan dung pan e stage. Mi tek out mi phone fi start video him.

"Yow, everybody sing dah part yah!!!"

". . .Yeah me make nuff mistake inna the world
Just last week me fuck me best friend girl
Wish the hands of time would turn
And all a the bad memories would burn ! ! !"

". . .Yow Jahvi me no perfect me G
Me have a gyal weh woulda do anything fi me
And me still find me self outta road a cheat
With a bitch weh if me sick wouldn't make me tea
Now you see weh me mean. . ."

". . .Fucked up individual
Wish me coulda talk to God but me no spiritual
Get wull heap a love but feelings no reciprocal
Dawg me sad inside it just no visual . . ."

Dah song yah just hit different, a swear.

Him perform some a him other song them like "Journey" and "Save me life" and some song fi the ladies.

Yooo mi seh mi voice muss gone to how mi a scream a fuss mi do them something yah and when him did start sing wellness bench yuh fi see mi.

Mi proud a miself.

And yuh know at one point mi think we mek eye contact, Seet him like mi.

*yeah, real delusional*

But a fi true.

Mi ago start plan we wedding when mi go home.

Good things must come to an end cause it done and a affa leven now. A fuss mi ever out so late to rass.

"Gyal, a suh yuh d wild? nosa mi seh mi see yuh start shake yuh ass, mi haffi guh suh boom and tek off mi glasses cause mi a wonda if mi nah see right." Tinika seh to mi.

"Yuh too extra." Mi tell her slapping her hand. A so going out d nice and all this time mi hitch up innah house, no man mi need fi start go out more.

"So glad mi did a video yuh." She tell mi giggling. Dah girl yah man.

Same time Malik come ova to weh we deh, deven did memba seh him d deh yah.

"Yoo, mia guh talk to mi bredgin and fawud, unnuh can come if unnuh waah."

We nod we head. And Trinika decide fi just stay here and wait. Same time mi see the bleach out bwoy them a head innah mi direction.

But wait? Anuh ova yah so them a come?
Mi grab Trini hand and start walk in the direction Malik went.

Mi nuh innah nothing wid nuhbody, especially nuh bleach out, patchy patchy bwoy.

*look like seh a always them one yah yuh attract.*

Look so fi true.

Trini look back and seem to understand why mi pull her and start laugh. Cyah tek her, she haffl mek e obvious seh mia avoid them.

We walk a likle further since we neva see Malik and affa that we find him.

But him neva deh alone. A this a d bredgin weh him have? No to rass.

Betta mi d stay weh mi d deh.

_____________End of Chapter______________🤍

Thanks for reading!!

Hey ya'll. . .hope unnuh like dah chapta yah. Please duh the right. (Vote, comment and share)