Time fi you

24

Karalana Atalyia Campbell
One month later

Mi guh fi flush the toilet but mi hear two voices.

"E look like them leff girl." A voice of a girl said. Mi deh innah UWI bathroom, mi fi deh a class but since lately mi naah feel like miself. Everytime mi eat mi throw up back everything.

"Yes gurl, mi see him tek dung e videos them and him did post up him and Shaneil Muir and mi nuh see him come pick her up again." A voice I recognized as Trinika's own said.

"Girl Shaneil and 450 nuh deh. Yuh nuh see she post she and har man. Although mi did a ship them together. Anyways, Nuh your bestie that?"

"Fi true, neva did a memba girl. Who. . .mi?. . .Nosa. Mi nuh know why she think him did aguh stay. . .look pan Karalana to." Mi ears perked up as mi hear mi name.

"Think she coulda hold a man like that? Look how the man nice?" I flushed the toilet and exited the cubicle. As them see mi them grow silent. Mi guh to the sink and wash mi hands.

"No, but. . .why unnuh stop talk? It did a get interesting." Mi seh flashing off mi hands.

None a them nuh seh nothing but looked down.

"A wah unnuh naah get enough assignments fi do? How unnuh find the fucking time fi deh pan mi name? Unnuh mind people business to much. Come off a mi name unnuh yer that. . .ya'll are talking this and that and yet can't do shit about it. It's pathetic. Mi just waah one a unnuh step to mi. Anyday name day unnuh feel like unnuh waah beat mi unnuh come mek mi get fi mash up unnuh bloodclaatt. Yuh know how long mi nuh fight?" Mi seh seriously. Normally meeda walk away, well sometimes.

Mi know mi always have a bad temper but never this bad and that's another thing. Wah a tek place wid mi God?

I took a deep breath and walked pass. Mi need fi attend mi next class, cyaah afford fi miss it cause the man barely come a class suh when him come mi haffi mek use a d opportunity.

All him do a send bare assignments and we haffi get it done by the due date weh him set. . .mi just fed up a him.

See true cause mi cyaah do nuh better. . .mi aguh gwaan wull it.

Mi reach a the class fi see him already deh deh but him head deh pan e desk. Mi tek time guh a mi seet.

Sometime mi haffi wonda if him a breed.

Mi look round fi see seh a mi and waah next girl deh yah. Mi eye them move to the clock pan e wall, look like e rest a e class naah come.

The door open and pickney start walk in.

Guess mi talk too soon.

The noise weh them a mek cause the teacher fi liff up him head offa the desk. Him let out a yawn and stretch.

"Good morning everyone, please take a seat." He said getting up.

He looked around before he started talking again. "I will be giving you guys a group presentation which will be dued next week. I don't want any excuses."

As him seh that everybody groan out including mi. See weh mi a talk bout?

"Did I ask for any reaction from any of you? I'm doing you guys a favor because most of your grades that I have in my register don't look  well at all. I will be the one placing you into  groups. This assignment isn't about friends. So listen out for your names." Dah white man yah yuh see.