Time fi you

19

Karalana Atalyia Campbell

Real, Real Jamaican Yamhead. Mi rewatch the video weh Tristen post earlier wid a smile. Mi couldn't read no comments cause him turn it off.

Him call mi back and we talk out things and on top of that him finally agreed to do the trend and post it pan him page.

Nah guh lie mi kinda wish him neva turn off the comments, mi live fi read them waah see wah them people a seh but mi we satisfy.

Hehaiii mi get posted. . .Twice!
Who waah bex, bex. A mi a the artiste wife, the only woman innah him life.

"Have all right fi seh yuh a yamhead."

Girl, relax nuh.

"Mi miss yuh dawq." He said afta a moment of silence. I raised my eyebrows. Dawq? Him think mi a him likkle fren them. Mi ago mek e slide. . .this once.

"Mi miss yuh to mhi ghee." Who am I to mek things slide? Unless mi nuh name wah mi name. Mi know seh him hate when mi call him "ghee" same like how him know seh mi hate when him call mi "dawq".

"Karalana."

"Tristen."

Him let out a sigh and nuh seh nothing then afta a while him seh "Mi waah yuh leff from dah place deh yo, mi nuh like e thought of you being in a next man house. . .man weh yuh devu know."

Kinda a figet seh a Dante house this. Look how mi well comfortable innah e people them house. Fi a while mi even figet bout the incident weh happen.

"Tristen, mi caah guh back desso right now." I told him.

"Hear mi seh tho, mek mi reach deh tommorrow and yuh nuh d deh." Mi heart pick up a speed when him seh that. Tommorrow as in Tommorrow? The day after today? Then how him seh him ago UK affa him guh Trinidad.

"Think yuh did a leff from weh yuh deh gaah UK."

"Change of plans. . .Mi miss mi woman." Believe mi when mi seh mi start blush.

"Awww. Ightt mi go tek taxi guh up deh or mi can beg Dante drop mi off."

"Badman, mi nuh waah nuh man a mi yaad."

"Mi wouldn't mek him bring mi straight up deh, meeda just mek him leff mi close."

"Karalana, mi nuh waah yaah hitch up innah a next man car. Only man car different from the taxi man them car yuh fi a drive innah a mine." A suh him did jealous? Nosa. What a condition.

"Ahh, mi hear uh."

* * *
"What time yuh reaching here tommorrow?" I asked yawning, a way affa eleven now and mi waah sleep but the man just deh yah a chat off mi ears.

"Sure annuh the other way round?"

Ayye gyal, why yaah pick sides? Traitor!

"A wah?. . . yaah guh run the pussy?" Why him stay suh? Him just vulgar suh.

"Mi we see wah can gwaan." I said smiling.

"Big man thing?"

"Mmmh." Mi seh laughing.

"Mi can neva know when yuh serious or when yaah joke. Aye me'll link yuh tommorrow. Memba weh mi seh"

"Okay. Innah e morrows. I love. . . sleep too much to be up too late. Heng up"

"Good save my side."

Right. . .mi nah seh no I love you to no man first.

If he caught on to what I was gonna say he didn't make it known. Phew that would be so awkward.