Time fi you

7

Karalana Atalyia Campbell (18)
One week nd three days later
Oct 18, 2023
1:00pm
📍On Campus

"Yuh scarce these days innuh gyal."Trini said holding on to my arm.  Mi only laugh cause mi nuh know weh she a talk bout.

"If mi did know seh a suh when yuh find man yuh woulda have likkle time wid mi mi wouldn't rush yuh cause right now mi miss mi woman." This yah girl a gwaan like . . .

"Yaah exaggerate now gurl, yuh nuh see mi everyday a school and we always a do videocall and a text." Mi tell her.

"What a way yuh naah deny him, unnuh deh now?" She ask, gyal fast eee.

"Naah." Mi reply. I mean we've been spending alot of time together. He has been over my apartment a while lot since the past week and mi naah lie mi can get used to it but until him ask mi fi be him girlfriend we nuh deh. We only a "talk" and mi naah ask him nothing, mi nuh waah seem desperate.

"Suh yuh seh." She seh and move on fi talk about waah girl weh keep on a stalk her social media. Everyday she have a different drama a gwaan innah fi her life.

Mi caah keep up!!

Class jus ova and we a walk from outta e class.

"Nosa , mi hungry man." Mi tell Trini, hear d likkle sumn dem mi belly a fight.

"That a nuh nothing new. . .yuh always hungry, glad seh yuh find waah rich man." Dah girl yah nahve no limit innuh.

How she fi a call the people them man my man.

"Yuh alright innuh." Cause why she haffi always a bring him up.

"Speaking of yuh rich man. . .nuh him that." Affa she seh that mi get confused cause what does she mean? She point innah the direction and nuh Tristen that mi see lean up pan him car. . .a next one, a weh dem call them. . .suppose to bimma or sumn.

No to bloodclaatttt. . .a wah this movie?

Teheheeee.

Weh him a do yah? Not even likkle warning?

And why him haffi look suh good?

Him couldn't wear sumn less. . .yk?

Mi nuh like how them gyal yah a giggle giggle and walk pass him.

Have a great mind fi tell them fi nuh look paah mi man but mi memba seh a nuh fimmi him. . .yet.

I'm manifesting it.

"Suh yuh realllly have him a pick yuh up? Weh yuh plan fi do wid me?"Bwoyy, she just- mi nuh know.

"Like yuh nuh have a man to."  By now we were walking in his direction. Everybody mussi a wonda why but them nuh need fi know.

She then decide seh she hafffi guh someweh and wi call Malik fi Har when she done. Suh she hug mi and walk gone to where ever.

Cause according to her "She nah thirdwheel" Like be for real I've been doing that since I came up here and met them.

Mi ketch ova deh and him did dung innah e phone mi nuh think him hear when we come on deh.

"Weh yaah do yah?" Mi ask. Cause why not?

*Jesas gyal, yuh devu ketch a breath yet."

"Yuh blind? Yuh nuh see seh a mi woman mi fawud fa?" Him ask in a nonchalant tone. A wah do him?

"Oh, sarry sar. Yuh shoulda tump mi innah mi mouth." Mi then turn fi leave. . .cause which woman him deh yah fah?

And why him a behave su?

"Bredda bill nuh. . .yuh know damn well a you mi deh yah fah who else?" Him seh holding on to mi hand. Mi then hold dung mi head cause mi feel likkle eye wata a come out.

Doh judge. Mi deh pan mi period and mi emotions dem deh all ova e place.

Him seem fi notice cause him use him hand and hold up mi head.

"Yow, mi bloodclaatt a bawl yaah cry?" Him seh laughing like nothing funny.

"Let mi guh mek mi guh tek taxi cause mi nuh know why yuh deh here a laugh. Nothing funny? Mia gi joke?" I said snapping at him.

"Yo, fawud." Affa that him nuh seh another word and then guh innah him car and slam the door.

Hehaeee.

Mash e up, a fi yuh.

Mi get innah the back cause mi nuh feel like deh beside him right now.

"Girl you know damn well."

Yuh addi next one.

Nah laugh, kinda figot seh a pan campus mi still deh. . .mount a stare.

Nosa people caah mind them business. Glad nuhbody nuh know mi, cause mi nuh popular.

"Yuh know seh yaah work fi sumn tho weh yuh gone desso gah duh?" Him ask turning around to look at me.

Mi just ignore him and tek out mi phone fi scroll through tiktok.

Mi nuh innah e mood fi chat to nuhbody.

"Lana, a yuh mi a talk to innuh bredda." Him seh.

"From wah day yaah call mi that and mi nuh like e suh stop it. . .yaah get paah mi nerves now. Mi look like yuh bredda? Mi look like waah man to yuh?" Him only kiss him teeth and start drive.

Oh myyy. Him vex.

Him coulda vex til likkle more come.

After a few minutes of scrolling through tiktok, mi get bored.

What tuh do? Innah dah vehicle yah quiet. Not likkle music naah play. Only thing mia hear a the sound a the car.

Him a drive fast to annuh amd mi also see seh annuh mi yard him a carry mi guh.

Mi nuh think him go kill mi. Mi nuh know, mi trust him. Hear you.

Mi look ova pan him and him a grip the staring wheel them tight and him a clench him jaw.

Smaddy angry. But Jesas, one man can hot suh? Nosa.

"Suh a weh we ago?" Mi ask deciding fi break the silence.

No ansa.

"Tristen."

No ansa.

"Trissi."

No ansa.

"Tris-"

"Karalana, Shut the fuck up! Nuh waah hear nothing from yuh." Him snapped. Nosa a really mi him a deal wid suh?

Mi seh mi shameee. Mi devu badda ansa him. But a wah mi do him mek him a behave suh wid mi? Look like seh annuh mi one deh paah mi period.

Him turn on the music and mi lean back innah e seat. Mi waah sleep. E Betta mi d gaah front.

_____________End of Chapter______________

Thanks for reading!!

Hey ya'll. . .hope unnuh like dah chapta yah. Please duh the right. (Vote, comment and share)