Time fi you

23

Karalana Atalyia Campbell

I stood in the mirror observing myself. Some big eva hickey the man put pan mi skin. I smiled as I remembered how last night went.

A wonda a weh him deh. . .mi get up and nuh see him. I decide to get dress and go downstairs. Mi a starve and a affa 11 now.

Mi sigh as mi memba seh todeh a satdeh. Mi haffi guh back a school Monday. Mi likkle mini vacation done.

Mi find one a Tristen shirt them and put it in wid mi panty and waah shorts.

Mi kiss mi teeth as mi see the hickey them a peep through the shirt. It haffi guh stay suh.

Mi exit Tristan room and buck up innah Shae.

"Watch yah. . .Mawning, look like yuh just a wake to." She greet mi smiling as always. One thing with she, she always a smile.

"Good morning." I greeted.

"Sumn different bout yuh this mawning. . .yuh just a glow suh." She commented, looking me up and down.

If mi did lightskin yuh woulda see mi cheeks tun red. "Ummm. . .Issa new product weh mi start use."

"If yuh say so. . .Issa good thing mi come in late. . .Weh mi boy deh?"

"Mi nuh get up and see him suh mi nuh know." Mi tell her. Meeda waah know weh him deh to. Him definitely come back here.

"Hmm. . .ightt. Mi aguh look afta sumn cause mi hungry. Come on." She seh and walked off while I trailed behind her.

"Yuh barely a mek it. . .look how yuh haffi a walk."

Girl. . .can chat suh?

As we reach the kitchen Shae stop innah her tracks and mi peep over her shoulder fi see why. There mi see Tristen and waah likkle girl. . .along with a woman weh look like them boughee uptown woman deh.

A who she? A who dah person deh?

Mi assume seh the likle girl a him daughta since him seh him did aguh fi her last night but this woman?  Him neva mention that to mi.

A wonda if. . .no it can't be. A him same one seh she betta pray them nuh buck.

"Him did tell yuh so?"

No but it innah him song and a she him sing it bout.

"A wah she a do yah?" Shae asked placing her hands on her hips. Her smile vanishing, fuss mia see this and anuh too long ago mi seh she always a smile.

"Hi, Marshae good to see you." She standing up to walk in her direction.

"Miss to yuh likkle girl. .  Doh tek a next step towards mi." She seh telling her and the woman stopped in her tracks. Shamee "Wah she a do yah Tristen?" She continued turning to Tristen.

"Her house bun dung last night." Him simply seh. I moved from behind her and stood beside her so I could get a better view.

Him eyes immediately moved to mi and mi keep mi face stoic. Him naah get no reaction from mi.