Time fi you

13

Karalana Atalyia Campbell
October 28

Am I being petty right now? Yes I am.
Do I care no I don't.

I stared at my phone as it rang for the umpteenth time.

Why mi nuh put it pon dnd? Probably cause mia enjoy watching mi phone ring.Him probably vex but mi nuh give one fuck. 

Mi see it stop ring just fi see message start come in.

T❤️: Ansa uh fucking phone nuh!

T❤️: Aye true uh devu know wah meeda do uh. Yah play a dangerous game innuh.

T❤️: Yaah fuck wid mi head dawq. Just   ansa mi nuh.

T❤️: Ightt Karalana.

Mi leff him pan seen. Tuesdeh morning mi git up the bed empty. No Tristen devu woulda leave a likkle message or Nun. But mi memba seh a waah Jamaican man mi a deal wid. Him nuh text nor call mi fi days but mi see him a post up pan ig, WhatsApp and Tiktok.

The man have mia a wonda weh mi do and then mi start think seh him probably a avoid mi cause a wah Mommy seh.

To mek matters worse mi a scroll through tiktok, mi see waah girl post up seh she meet him. And him did have him hand round her. Mi seh when mi jump up. Mi run guh a e comments section fi see the comments and mi see him unda deh.

Mi seh mi overthink the entire week.

I went back to his chat and decide to reply to his message.

Me: A wahmu? Yuh finally done entertain uh woman them?

A message came in almost immediately.

T❤️: Karalana bredda. . .Wah yaah talk bout?

Me: why yuh just a text mi now?

T❤️: Mi d busy.

Me: Oh? Stay busy then. Enjoy e rest a uh busy life. Doh call or text back mi phone.

T❤️: A come link uh.

T❤️: Pack a bag. Yaah stay wid mi fi the weekend.

I left the message opened cause who does he think he is?

Him behave like  one a dem person  deh weh know dem nuh need yuh but keep yuh attached. Suh them guh and come.

Mi nah mek him play wid mi feelings but we nuh deh, him annuh mi man suh him can do wah him feel like do cause honestly mi caah botha wid people.

Them just. . .Sometimish.

Mi sit back pan mi bed and resume mi show. Naah mek nuh man weh anuh mi man stress mi out.

Tristen Escoffery

Look like when God did a gi weh stubbornness Karalana deh a d front and get all a it. Cause no sah.

Mi nuh see Har from mi leff her apartment Tuesdeh. Mi did upset bout the way how she deal wid mi.

Have man innah bathroom a hide.

A only side man do them fuckry deh and if a so she ago hide mi, whole a weh mia do nuh mek nuh sense.

Neva expect seh avoiding somebody woulda affect mi so much, a nuh d first mia dweet but Karalana just different dawq. We nuh deh and she a fuck wid mi head.

Mi stare pan e message weh mi just send just fi see she leff mi pan seen. Mi nuh used to this.

Mi waah fi spend time wid her cause mia gaah Trinidad next week and after that mia gaah England and mi waah fi know if she actually feel the same before mi leave. Mi nuh waah deh bout mi business and hear seh she a feature a next man.