Time fi you

3

Karalana Atalyia Campbell
Saturday, Oct 7, 2023
📍Her yard

"No mommy." I answered my mother. She call mi from affa 11 this morning when mi deven d wake yet but she nah fi know. The mount a cussing weh meeda get. The lady deh chat fi hours now and mi tired.

This is all new to me, we have never spoken this long when I was living with them. It was always a short conversation. We neva have no mother and daughter bond. Mi nah get used to all this stills cause mi know if mi fi guh down fi d weekend everything ago guh back to the same old same old nah tek down mi guard.

A mi parents them but them just. . .deven know wah fi seh, them hurt mi more than them can even imagine but mi still have love fi them and mi still wah mek them proud regardless.

"Mek sure yuh nuh have no likkle bwoy, bwoy a fumble wid yuh, hold yuh head up cause a one thing them yah bwoy pickiney wah nowadays. Come mek we proud yuh see seh we nuh have e." She tell mi seh.

Everyday a d same thing, mi get weh she a seh tho but mi tired fo hear the one sumn over and over.

"Yah talk like some back in the days people suh?" Mi ask her and laugh. She nuh that old she a just 36, have mi when she d a 18.

"Yuh tan deh nuh, anyways mi have things fi do and a from affa leven yuh deh yah a chat mi out."

Dah lady yah.

"Alright Mommy." Mi tell and laugh

"Love you." She seh.

"Yeahh, Lata." Mi reply. Still nuh used to her a tell mi that suh e kinda awkward, if yuh get weh mia seh. She hang up the phone affa that.

Mi look pan e time and a affa 1. Nosa. Mi ago look affa sumn fi eat yah now cause mi haffi guh get ready. Trinika d seh a 5 o'clock she d a come pick me up.

Mi just go look after some curry chicken and white rice. Mi tek out the chicken outta e fridge fi mek e taw out  likkle and turn on mi phone fi guh play music and same time e start ring.

A coulda who this yah now?

Mi look fi see seh a Trini, a ready she ready already?

"Oyee." Mi seh

"Gyal if yuh Eva know wah happen." She seh her voice serious sound like she wah cry or laugh mi deven know.

"A weh Malik do yah now Trini?" Mi ask her cause a only Malik nomo can mek she sound suh.

"Him nuh do not a thing masa, him good man. But annuh that, yuh nuh hear bout Alice gyal?" She ask. Which Alice that?

"Which Alice that?"

"Alice innah wonderland, mi seh gyal. . ." That wid she now, everytime she a tell mi something she haffi a pause pause and mi cah bother.

"Yeah mi watch the cartoon."

She then kiss her teeth " Figot seh yuh nuh keep updated. Mi seh girl sumn a guh round pan tiktok wid wah woman weh deh a Crab circle weh sell crab. She seh she drink salt and beer and neva drink no tea and when she listen she hear the shit come dung and she use napkin and wipe e up. Mi seh gyal a desso Me and Malik always guh guh nyam crab innuh. A must long time she a do them nastiness yah."