Time fi you

31

✨️Karalana Atalyia Campbell ✨️
🎄December 25, 2023🎄
9:15am

Mi let out a groan and move ova pan e next side a e bed as mi feel likkle wata drop innah mi ears. Like the roof a leak man.

After not feeling anymore water I snuggled in my pillow and let out a sigh. Comfy.

Mi kiss mi teeth and get up as mi feel more wata a drip down mi face. A wah the bloodclat? Chro man.

Mi sit up innah e bed and start rub mi eyes them.

"Ahhh." Mi scream out when mi feel cold wata touch mi skin. Mi open mi eye them fi see Kajay infront a mi a try fi hold in him laugh.

"Dawq. . .yuh know seh that cold?" Mi asked whining, look how the sleep did a get nice?

"Sis, yuh fi know mi nuh let guh things. . .memba weh yuh d do mi befoe yuh go up a town?" He asked smirking. Mi just feel fi slap it off a him face.

"Yuh nuh have things fi duh?" Mi ask as mi drag mi self offa e bed, feeling the fabric sticking onto my skin. . .ughhh. Look how the pickiney wet mi up?

And the mattress. . .it haffi guh go a sun.

Now people aguh think seh mi still a piss bed.

"Piss a bed Karalana."

Like yuh nuh in deh to.

"Who mi? Crazy, dawq yuh know from yuh gone a town a mi been a wash all a the dutty plate them in yah? Mi tiad. " He complained.

A who and them? Crazy. Holiday mi deh pan.

"Cyaah tell uh parents that? Mema seh a fi them roof yuh unda now and not fi hubby?"

Nuhbody hear nothing? No, rightt, figot seh a innah my head alone yuh deh.

"Yuh betta guh wash them, right now mi neva fi wake yet. Affa two mi come from grandmarket innuh?"

"Then look wah time mi and the man them come from road?"

"Mi nuh care and mi nuh business." Mi seh getting up fi guh a the bathroom. "Oh yuh betta carry that guh put a sun to." Mi point pan e mattress and him skin up him face.

"Stink like batty. . .mi yuh waah people seh still a piss bed."  Him seh and mi stop innah tracks.

"But wait. . .like yuh still a piss bed, a who yaah renk wid?" Mi ask him and tek up the broom stick fi lick him.

"Just cool nuh sis." He said backing away. Mi sigh and guh innah the bathroom. Mi need fi guh bathe.

But how mi ago go out a door innah them wet something yah? If mi did know mi tell Kajay fi ketch likkle wata innah e bucket fimi.

Kinda get used to a turn on shower. Mi strip outta mi clothes them and wrap waah towel round mi. Mi mek sure seh it cova everywhere incase mi buck up pan nuhbody.

Mi know some man out a door a cook, a Christmas day todeh and them always have a likkle cookout and play likkle music and them thing deh.