Time fi you

17

Karalana Atalyia Campbell
November 2023

Mi wake up this morning tek mi phone offa dnd and expect fi see missed call and text from Tristen but to my disappointed not even one.

A weh mi did a expect? Him mussi find waah Trinidad gyal. Good fi him.

Mi mek sumn eat and decide fi guh back a mi apartment mi naah stay yere fi not one more day.

Like him have the audacity fi hang up phone innah mi ears and devu text nor call. Like who does that?

Mi clean and put back everything in place. I looked around to see if I haven't packed anything in my bag. Naah leff nothing fi mi ova ya.

E fuss thing mi shoulda do when mi wake this mawning a guh weh but mi kinda did a wait pan him message stillz.

I sighed in disappointment. Weh mi did a expect?

Mi tek mi bag and unplug mi phone. Good thing mi did a have money paah mi.

Now mi haffi guh walk innah hot sun guh tek taxi.

* * *

That's mi nuh love leff mi yaad cause them taximan yah different yuh fuck. Mi haffi guh get mi license and start save money fi buy waah car. Yuh can imagine seh the taxi leff mi dung e road and mi haffi walk come up to the apartment.

Talk bout him leff some pasengers and waah fi pick them up before no else taxi. That's why accident caah stop cause is like a race them a race fi see who can get the nuffest passengers.

Mi wipe off mi sweat wid mi rag. The back heavy yuh fuck. I took out my phone from my pocket and checked the time.

5:00, time a fly fast e. Mi naah guh do nothing more than bathe and ketch up pan mi assignments them when mi reach.

After about 10 minutes I reached my apartment door. Mi put dung mi bag pan e floor fi look fi mi key. Mi memab seh mi put e innah e likkle part.

As mi tek out e key fi mi open e door. Mi see seh it open already and the lock come off.

A wah the bomboclaatt a gwaan yahso?

I started to panic. Nuh tell mi seh a bruk smaddy bruk innah mi house. We mi ago go.

I started to take deep breaths to relax myself, I don't know if it's a break in for sure. I just need to check.

But what's gonna explain the lock coming off? Anuh like seh a old lock. A brand new sumn.

Mi tek up mi bag and open push the door.

When mi guh in and look pan e place mi start see red. Then smaddy really come thrash mi apartment. Mi drop mi bag pan e floor and move to the Kitchen. All mi plate them mash pan e grung and everything ramsack. Table bruck and all these things.

Mi guh innah the living room and the couch tear up tear up and tun ova. Mi big expensive TV weh mi save and buy deh pan e floor and the TV Stan mash.

Then if yahso stay suh. Wah bout mi bed room?

I started to cry and slowly made my way to the bedroom door. Well there's no door anymore. Them definitely guh in deh, look like smaddy kick it dung.

A mussi prank this to pussyclaat. Nosa.

Mi bed mash up and mi clothes them tear up pan e floor. . .mi nuh botha look no further. Mi start breath heavily.

Why now God? Why? Mi stay to miself, mi nuh trouble nuhbody suh who woulda fuck wid mi?

Mi tek out mi phone and contemplate who fi call.

Mi caah call police cause them naah guh do one fuck. Caah call Moms she deh way a country and mi nuh have nuhbody up yah. Mi slid dung pan e floor and start bawl.