Time fi you

33

Karalana Atalyia Campbell
December 26, 2023

Mi put mi hand ova e next part a e bed and start feel. Nosa sumn or more like somebody missing. Mi get up,let out a yawn and stretch. Mi rub mi eye them and open them and start look round.

Weh him coulda possibly gone? Mi come outta e bed and hurry up guh brush mi teeth and wash mi face. Mi come outta mi room and guh to the Kitchen.

Mommy deh there a mek tea. Yes mi still deh a country, Mommy convinced us to stay the night but mia wonda seh if a gone Tristen gone. Him wouldn't mad. . .right?

This woulda come in like when mi likklier and mi and mi mada woulda fall asleep together or mi woulda fall asleep cause she just did a wait til mi drop asleep fi guh bout her business and then when mi wake now mi nuh see her.

I neva see sumn bun mi suh yet until this cause weh mi man gone? Mi waah bawl.

"Weh Tristen deh?" A the first sumn weh come outta mi mouth and mi mada look up from weh she a duh.

"But wait. . .like a mi and yuh sleep last night." She seh putting her hands pan her hips.

"Huh?" Mi ask her and she glare pan mi until it finally register innah mi head. Ohhh "Watchya mawning Mommy." Mi tell her laughing it off.

She roll her eyes and tell mi seh she nuh badda want e. Oh?

"Suh weh Tristen deh?" Mi ask again.

"The poor man muss tiad a yuh but fi ansa yuh question him gone tek picha wid some a d likkle girl them. . .them wouldn't leff until him come outta e house." She seh before taking a sip of her tea making a slurping sound.

No, that a one a the rules them from yessideh .

"Yessideh a yessideh. . .The past. New day yah now."

But that nuh seh. Him shoulda know betta cause offa mi neva know seh we woulda stay fi suh long.

Mi start mek mi way to the door. . .Watch weh mi aguh do him.

"Gyal pickiney, a weh yaah guh?" Mi hear mi mada call out laughing. Mi stop innah mi tracks and look back pan her suspiciously. "Neva know seh yuh woulda tek mi seriously. Him and Kajay and cluks them gone pan a endz."

She seh. But wait. . .look like seh a fi mi and fi them man. How dem nuh fi ask mi permission?

Wait til him come back yah. . .like him nuh learn him lesson last night.

Mi let out a sigh a relief, mi feel betta seh a them him gone wid instead a the likkle girl them.

Mi guh beside Mommy and tek out some a e tea from outta e pot. . . Mi start drink e and let out a loud belch.

"Like yuh naah drink no tea uppa town. . .yuh know seh a gas that?" Mommy commented.

Fi true, know how long mi nuh drink tea?

"Yuh know who mi nuh see from mi come?" Mi asked Mommy before continuing "Toto, Omi and Bogle."

Them three deh a mi next closest cousin them.