Time fi you

30

Karalana Atalyia Campbell

That's why mi know seh something wrong wid mi. . .cause ain't no way I saw him crying and neva guh hush him but him neva really deh cry. . .mi just see tears innah him eyes.

Mi however did a cry, Real tears. . .suh mi know seh mi wikid from a long time.

Aye, yuh know seh mi need fi get hired as waah actress cause mi can act yuh fuck. Who would've thought?

Mi let out a soft chuckle cause mi neva waah him hear mi a laugh and come down here.

Mi just go gi him a hour and guh back up deh  or stay down here until him come dung and buck up pan mi and then bam. . .him get surprised.

Or mi fi just hide and jump out pan him? Two a them sounds good.

"Ayye, yuh need fi stop it. The man up there a cry now."

Relax nuh girl and mind yuh mek mi change mi mind.

"Mi a yuh mind girl and there's no way mia tell yuh fi do weh yaah do."

Cause yaah mek yuh feelings get innah the way. A suh mi grow uh?

Mi sigh and look round. What to do? Mi cyaah turn on nuh TV cause him go hear it. Might as well mi guh eat sumu cause if mi stay pan dah couch yah mio fall asleep and mi plan aguh get ruined. Mi need fi get occupied.

Mi get up offa e couch and head to the Kitchen, same time mi hear mi belly mek a loud roll. Mi hold it and look upstairs fi see if Tristen hear e.

Yes, e roll that loud.

Mi nuh hear nuh noise or nuh movements suh mi continue pan mi way.

I made by way over to the fridge and opened it. Like a waah supermarket mi deh. Why the fridge haffi suh packed. How mia guh choose wah fi eat yah now?

Rich life. . .mi look and see mi June plum dem weh Tristen did get fimi from when him did guh drop off Daeja a Clarendon fi stay wid Shae.

The things weh him willing fi duh fi mi, how mi fi guh leff him.

Crazy. . .

How him nuh come down yet? Him mussi still up deh a cry, mi honestly neva see something like that yet. It rare fi see a man a cry. . .especially cause a girl a leave him. Show seh him really genuine bout him feelings.

Lawd, and when him tell mi seh him love mi. . .mi did just waah cry cause why him did haffi seh it at that time?

Mi did waah seh it back. . . Believe but then again that woulda ruin mi plans them.

Sighs. . .

* * *

"Mommy she naah come back dawq mi know it." I heard as I was on the couch eating my 10th chips. I hid the chips under the pillow, straightened myself and then brush off mi mouth.

Alright, mi need fi act professional.

"Ke ke ke."

If yuh Eva mek mi laugh in yah tonight, a Strangle yuh.

Mi tek a deep breath. And tek off all the emotions weh deh pan mi face.

A action time now.

"Mi know,mi know. . .if mi coulda guh back innah time." I heard him say his voice coming closer although it nuh sound like him usual self. Him sound so vulnerable.