Time fi you

5

Karalana Atalyia Campbell (18)
Saturday Oct 7,2023
11:30pm
📍Teen fete

"Gyal, how yuh nay tell mi seh Malik and Tristen a fren, nosa, mi nah badda guh ova deh suh."

Mi?? Too nuff.

"Me neva know either gyal, come mek we guh so him can introduce us, yes gyal this a our time-" She notice mi look pan her and she start laugh "mi mean your time fi shine like yuh farrid."

But dah girl here bright. Mi know mi farrid big she nuh haffi a remind mi every second a the day.

After a whole 2 minutes she finally convince mi fi guh ova deh.

Saying things like "That's why mi nahve no man cause mi shy shy." Like girl That's not even true. . .

Well it's true but she nuh haffi know that. When mi talk to people first it just feel like mi a badda them, worst if them nuh interested innah e conversation.

Mi nahve them deh time deh yah.

But right now mi nervoussss. Stalking him on social media is one thing but meeting him face to face is another thing.

Affa she see mi still a if and but, she hold mi by mi hand and start drag mi.

Mi seh mi haffi look round fi see if nuhbody a see this but no everybody a guh through the gate, look like a we one ago leff back.

As we near fi reach Trini kinda leggo off a mi likkle but still hold on pan mi.

She a behave like seh mio run weh.

As we got closer, they turned their attention to us.

I instantly look down.

But no man, him nice eee.

Mi can feel him eyes on me.

Mi knoww real delusional.

"Your b this?" Him ask Malik while looking at Trini. Him voice sound real good to.

*girl mind yuh ketch heart attack*

Malik nodded. So them nah acknowled-

"And this is her friend?" Him ask. Oh, oh.

"Yes, her name is Karalana." Mi hear Trini seh. This girll.

"Suh she cyaah talk?" I'm right here eee and its not like he's talking to me.

"Of course mi can talk." Mi seh folding my hands. Mi nuh know weh dah confidence deh come from but mi love it.

"Easy nuh b." But a wah the- did he just call me b?

"Malik mi have sumn fi ask yuh." Trini tell Malik as I was about to reply to the man and she drag him one side. Think mi nuh know wah she a try do.

Wait till mi ketch her.

"Listen, mi anuh yuh b yer that." Mi tell him, artiste or not. . .mi just hate when men call mi Dat.

"Why yaah behave suh strong? Think mi nuh know seh yuh love mi off? Mi see d way how yuh d a behave when mi d a perform." But wait- him full a ego eee.

"Love off who? Numba one mi nuh know yuh and a the song them mi love not you."

Cyaah mek the man know seh mi ago crazy ova him, that ago add to him ego.

"Ightt, done wid the attitude nuh. Jah know, a always the short one them." Him seh shaking him head smiling.

Him teeth them pretty tho.

*gyal weh yuh ketch innah e man mouth a do?*

Cool nuh babes haffi notice the small details.

"Look yerr doh compare mi to nuhbody." Mi seh glaring at him.

Bout always the short ones, that mean seh him interact wid whole heap a short girls. Him nuh waah mi kill him.

"Yuh know wah- who bring yuh come here?" Him ask, look like him a get irritated now cause him get serious.

"Why?"

"Bredda just bill' nuh, stop offa e foolishness." Lawd him Bex now.

Mi did ago ask a who him a call bredda but mi hold mi tongue.

"I came here with Trini and Malik." I said softly, rubbing my arms. . .it a get chilly and mi neva wear no long sleeve. Him seem to notice and seh fawud.

He then took my hands and walked over to where Malik and Trini were standing.

As mi guh ova deh Trini winked at mi. Tristen told them we were leaving. Neva know a who and him mek dah decision deh but mi wi keep mi mouth shut. . .fi now.

Mi tell them Lata and him lead mi to him car.

A waah black car wid e X deh a the front. It look really niceee.

Fuss mi ago go innah one a dem to annuh.

Smaddy pinch mi cause a cyaah thee450 car mi ago innah.

Do this and beat mi !

Mi seh mi waah scream out but mi still cyaah mek him know seh mi have the biggest crush pan him.

Mi haffi play hard fi get although mi nuh think him want mi. Probably just a look a one fuck or whatever.

That's why mi naah back down. Him open the car door fi mi and I went inside while him walk around to his side.

In here look propa and smell a him.

Mi start sniff and inhale but stop when mi hear him open the door. Mi set mi face serious and tek out mi phone and open Tiktok.

Him come in, close the door, start the car and turn on the AC.

"Yuh waah listen music?" Him ask, why him a ask mi that?

"A your car innuh sir." Mi reply not looking at him.

Him kiss him teeth and let out a sigh.

*yaah stress out d man.*

Good.

Couple seconds later mi hear music start play.

Weh him did bother ask mi fah then?

Him then drive out the gate. But affa him nuh know weh mi live.

Unless- him see mi somewhere and been stalking me.

Yuh know them crazy male characters innah so book.

"Affa yuh neva ask mi weh mi live?" Mi tell him. Mi just hope seh annuh stalk him did a stalk mi.

"Fi wah?" Him ask.

"Yuh alright?, nuh fi carry mi guh a mi yaad."

"Mi d tell yuh seh mi a bring yuh a yuh yaad-" He saw the expression on my face and let out a laugh. Is it just me or is he laughing too much? Is he always this friendly with females? "Mi ago a waah cook shop up the road then mi tek yuh home, yuh miserable tho."

Rightt, him mussi hungry affa all that singing. And since him mention food mi relax back innah e seat.

And yuh know seh mi feel hungry tho. Wait a wonda if dah place deh tan good.

But then again mi nuh think him a man weh nyam any and any place.