Time fi you

27

Karalana Atalyia Campbell

"Yuh naah come back a nomo appointment wid mi." Mi tell Tristen as we exit the doctor's office.

He stopped and looked at mi confused "Why, wah mi do?"

"Yuh know wah yuh do." Mi tell him crossing my arms.

"Mi nuh know wah yaah talk bout b, honestly."

"Why yuh leff the yaad look suh? Who yaah look?"  Cyaah believe seh mi mek him leff the yaad look so, never again.

True cause mi did a eat innuh.

"Weh yuh did want e man fi wear?"

Anything weh nuh. . .devu know weh fi seh.

"Yuh know damn well that with or without clothes him look good."

A dem yah sumn mi cyaah badda wid innuh.

"B. . ."

"Only way yuh can come back wid mi a if yuh change the doctor deh. . .She nuh stop look pan yuh and it irritating bad."

"Annuh my fault mi look good." He said coming to hold my hand. Mi glare pan him and look pan him from head to toe.

Just watch weh mia guh do him when him a sleep. Can shave off him eyebrows them? Oh. . .ohhh mi can bawl him head.

That way a mi alone aguh can look pan him.

"Like yuh crazy."

Hehehe.

"Yuh good b?" Him ask concerned and a then mi notice seh mi laugh out loud, the wikid type a laugh deh.

"No, mi hungry come we guh get food."

* * *

"Wah yuh want ?" Tristen asked mi as him park the car a waah KFC.

"The usual." Mi tell him, scrolling through tiktok. Mi nuh hear the door open or nothing suh mi look up fi see him a look paah mi.

"A wahmu? Yaah pree man suh fah?" Mi ask him, leaning back the car seat suh mi can put mi foot pan e dah board.

"Like sumn fly innuh yuh head lately. . .waah the usual?"

"No innuh but sumn innah mi belly and a yuh put e deh. The usual a anything weh yaah get. . .yuh know mi nuh picky."

Him look pan mi and let out a sigh "Ahh." Him seh opening the car door.

"Yo and hurry up to."

Him turn back round and look pan mi. "Like yaah figot who yaah deal wid." Him seh looking at me sternly.

"Figet yes. . .Like yaah fi guh remind mi. . ."

"Wooah. . .Where did that come from?"

The baby.

"At this point mi devu aguh badda seh nothing." Him seh coming out while slamming the door.

"Girl. . .Yuh need fi stop it."

A mi or a the baby?

Mi watch him a walk weh and mi sigh. Mi miss him already. A hope him nuh tek long.