Time fi you

20

Karalana Atalyia Campbell

Mi use the spoon and tek up likkle a e gravy and put it innah mi hand fi taste.

"Rass." Mi scream out as e sumn touch mi hand.Mi immediately throw it weh. Shit mi figot fi cool e sumn. Now it bun up mi hand. Mi guh to e sink and put mi hand unda e pipe.

Mi really need fi done cook before Tristen come home.

When mi tell Dante seh mia come mi see the living eye water a come outta him eye.

"Suh how mi neva see that?"

Cyaah talk nothing when yuh deh round, yuh love gi mi weh. . .like we annuh one.

Dante neva did cry him did kinda look mnk. . .him tell mi seh him did ago miss d likkle company and that him door ago always be open for me.

Him melt mi heart. . .Him a the first boy friend weh mi have weh seem genuine. Mi nuh see him a look pan mi batty when mia walk mi nuh feel him gaze longing.

Suh that mek mi really start wonda. . .Him a guy?

"You would think that."

I was brought out of my thoughts by the opening of the front door. Mi eyes immediately guh to the clock pan e wall.

Wah? Wah that a seh? Wah kinda clock that? E devu have no strokes. . .how mia guh read e? Mi put back e pot cover pan e pot and guh fi mi phone innah e living room.

A this affa four suh. . .Suh mi nuh think Tristen woulda reach yere yet. Issa break in? Suh who woulda really suh brave fi bruk innah mi man house innah broad evening. It not even start dawk up yet.

Same time Mi heart start beat faster.

Mi pot ago spoil . . .again. Why now lawd?

"Fuss thing yuh haffi think bout a food doh? Yuh nuh fraid? Yuh nuh love yuh life?"

No but Tristen ago think seh mi definitely cyaah cook.

Mi did already tun off e rice pot so mi nuh haffi worry bout that. And e gravy no dry out yet so mi can guh check a who deh a d door.

Before I went I put Tristen number on speed dial.

When mi guh deh mi see a woman turn her back to mi and a haul in what seems to be a big eva bag. A wah she a do wid that?

"Umm. . .miss are you sure you're at the right place?" After mi seh that she jump back.

"Mi rasss, yaah guh mek mi ketch hawt attack?" The lady asked turning around to face me. As she looked at me she started laughing. Wait- sumn funny.

"I neba see a lane without tunning yet. That's why him nuh waah come look fimi. Him find ooman now. That rass. Then yuh pretty, yuh pretty eee. Turn round mi see yuh body gyal." I looked at the woman with uncertainty. A who she?

She looked at me with expectancy. I slowly turned around.

A hope she nuh do mi nothing fada. I did that and she seh, "Him angle it, naah ask Christ. Look how yuh sexy."