#برجوازي
#بقلمي : #مشاعر_مبعثره
الحلقه (٣)
كنت لسه في وضع المفاجأة قالت لي صاحب اخوك ما عارفه اسمو منو كل يوم بتقابلو ومرات بجيها هنا بتقابلو في الحمام لمن هدي حملت انا الاكلتو كلو استفرغتو وغضبت غضب ما كنت عاوزه اصدق حلا بس مافي تفسير تاني في الفسحه فتشت مزاهر سماء وارض ما لقيتا ما ظهرت الا في بداية الحصه الرابعه دبل عربي طبعا ما طلعنا الا في فسحة الخمسه دقائق زريت مزاهر قعدت تبكي
والله العظيم غصبا عني يا سمر عليك الله ما تكلمي زول : خايفه؟ ومالك ما خفتي لمن ضيعتي شرفك يا حيوانه يا تافهة دا منو العمل فيك كدا اترددت شديد قبل ما تقول لي اسماعيل ضربتا وما صدقتا اصلي لحدي ما طلعت لي تلفونا قربت اغمر قلت لها ومعاك تلفون كمان؟ قالت لي شوفي الرسائل البيننا وكمان عاوزني انزل البيبي وانا خايفه اسي قبل شويه جاني : شنو؟ : جاني هنا في المدرسه قال تلفونو سرقوه قلت له على الاقل اديني قروش اجيب حاجه تنزلو لي قال لي ما عندو صرخت فيها اسكتي اسكتي عليك الله يا صايعه يا عفنه مشيت خليتا تبكي كرهتا كره التافهه واسماعيل سقط من نظري انا عارفه من زمان انو بتاع بنات وبحنك بس ما اتوقعتو يصل للمرحله دي يحمل بنت ويقول لها تنزلو؟ مشيت البيت زعلانه رزعت الباب لمن جابر شاكلني استحميت ولقيت امي نايمه مشيت الديوان لقيت جابر برضو نام استغليت الفرصه وطلعت براحه مشيت لاسماعيل في محل شغلو قلت له جابر بناديك خاف خوف قال لي ما يكون جابر حصل له شي كويسين انتو؟ : كويسين ما تخاف تعال معاي : على وين؟ : تمشي تطلب مزاهر من اهلها وتسترا ذي ما ضيعت شرفا : دا كلام شنو يا بنت : مزاهر ورتني باي حاجه يخسي عليك يا اسماعيل لكن ما كنت قايلاك كدا : سمر: هسسس اسمي دا ما تقولو يا تافه دي ياها رجالتك ؟ تغش بنات الناس وكمان تغتصب : انا ماكنت عاوزك تعرفي انتي بالذات والله خجلان منك : وما خجلان من ربنا؟ : استني: ما بستنى اسي دي تمشي لهم نحن اهلك: الموضوع ما كدا يا بنت عايني انا مزاهر دي ما بعرسا لانها تافهه: وانت شنو انت شنو يا حيوان : ما تنبذي بس : عاوزني اعمل لك شنو طيب؟ اشكرك ؟ العملتو دا بستحق شنو؟ : لو كانت بريئه وانا الغشيتا وحملتا كان بتحمل المسؤوليه بس انا لقيتا كدا والشي دا عملتو مع غيري اسألي جابر اخوك كم مره بترسل له انها بتحبو وكدا وهو بسفها ياخي نصر الدين بعرفا اصحابو قاعدين يجيبوها البيت ويتناوبو عليها كلهم ختيت يدي الاتنين في خشمي وقلت له بصوت ضعيف نصر الدين اخوي ؟ نصر الدين معاهم؟ : لا ياستي ما معاهم بس العاوز اوصلو لك انو البنت دي كعبه وكم مره حزرتك منها وريني اسي انا اضمن من وين انو الفي بطنا دا مني انا خليها تمشي تشوف له أب : احتمال احتمال كبير : بتصرف انا انتي اطلعي منها هاك ودي الملاح دا معاك وارجعي قبل اهلك يفقدوك: انت ما راجع؟ : غاشي الفرن اجيب عيش للغداء يلا امشي مشيت لقيت امي وجابر قاعدين اي واحد صاري وشو
كنتي وين انتي قعدت اتمتم امي نهرتني ما تنطقي جيتي متين انتي لمن طلعتي؟ انا ما قلت لك يا بنت لو ماشه محل توريني اول؟ : كنتي نايمه: ما صحيتيني ليه؟ : يا امي براحه خليها تتكلم: هي اصلا كدا بس جنها تشاكلني ولا بتخليني ارد : رابطه خشمك انا؟ اتكلمي مشيتي لروعه صاح جابر قال لي اقعدي يا سمر وعاين لي عين قويه قال لي انتي ما مشيتي لروعه ما تكذبي علي وريني مشيتي وين والكيس الشايلاه دا شنو : مشيت لاسماعيل امي هاجت تمشي لاسماعيل ليه؟ فهميني بس عاوزه منو شنو قلت لها الغاز قاطع يا امي مشيت اكلمو اداني الملاح امي دي زعلت زياده وهاجت فيني جابر قال لها من غير جوطه يا امي طبعا هو هادي شديد وما بميل للجدل والصراخ والضرب قال لي الغاز خلص تجي توريني انا القاعد ولا تمشي لاسماعيل ؟ : انت عيان وعارفاك وضعك كيف واسماعيل قال لينا اي حاجه تحتاجوها كلموني وانا اخوكم الكبير وحايزعل لو ما اعتبرناه كدا بالجد : مافي خلاف اخوك الكبير وما قصر معانا بس هو انسان عندو مسؤوليات تانيه وما قصر معانا نحن ما نبقى عينا قويه كدا هو وضعو ما احسن مننا هدا صرف القدامو والوراه علينا اسي انتي عارفه عندو ولالا؟ انا بعرفو كويس ممكن يدين عشان يوفر لينا اي اشي عشان كدا يا اختي الزول لمن يبقى عندو ذوق معاك ما تستغليه : انا اسفه والله بس بس انا على حسب : حصل خير يا سمر ومبسوط منك لانك بتعامليه كأخو بالجد بس الحركه دي تاني ما تتكرر عاوزه حاجه تعالي لي بتصرف اصلا بكرا نازل شغلي : بيدك دي؟ : عاوزاني اقعد عاطل يعني؟
أنت تقرأ
برجوازي
Hành độngاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
