#برجوازي
#بقلمي : #مشاعر_مبعثره
الحلقه(٢٦)
فجاءة فتح عيونو وقال لي صباح الخير حبيبي : يسعد لي صباحك : بتبكي ليه؟ ابتسمت له وقلت له مبسوطه دي دموع الفرح قام باسني نزلت عيوني ولسه الدموع موجوده
اها دي دموع خجل ولا شنو يا بنت يابنت وانا ساكته ساااي قال لي خجلانه مني ؟ : لا : طيب عايني لي : ما عاوزه : عاوز اقول لك حاجه رفعت راسي تاني باسني معتز ياخييييي اقعد ساي : لا ما حااقعد ساي وما عندنا زمن للخجل والدلع دا ورانا سفر خماني على الحمام المهم جهزنا وطلعنا مشينا كندا وعرفني على اهلو حبوني شديد نزلنا في فندق بس بنمشي لهم كتير وبنطلع مع بعض من هناك مشينا امريكا رجعنا بعد شهرين ونزلنا في بيتنا كانت لحظات فخر قربت افقد سيطرتي وانطط وانا داخله البيت من الباب الكبير طبعا نضفوه وغيرو الديكور واي شي غرفتنا كانت خورافيه غرام كبرت طبعا وبقت حلوه ماشاءالله في البدايه ما حبتنا ابدا حتى ابوها نافره منو بتحب فتون اكتر بس قدرنا نقرب لها ياهو حال الاطفال عاوزين حب وشوية اغراء فسح وهدايا ولعب كنت بسوقا بيتنا طوالي لامي وبقول لها دي حبوبه وهي بقت تناديها حبوبه ابتسام مرضت مرض شديد واهلا طبعا ولا شغالين بها اصلا هي من اسره فقيره كملت قروشا في درب العلاج وعامله فيها عندها عزة نفس ما بتطلب من معتز واولادا الاختاروه حلا اترجت معتز يرجعا البيت وهو طوالي مشى معاها من شافتو قعدت تبكي وتعتزر وتمثل انا اصلا ما اشتغلت بها وكارهاها عمى معتز جابا البيت وبقت تمثل عليه دور الحب الزمان داك بس هو خلاص فهما الشي الواجعني هو وجود فتون في البيت مع انها ساعدتني لمن خطفوني بس وجودا مزعج خصوصا انو هي معروفه بتحب معتز اصلا الشي دا واضح عليها بقيت خايفه معتز قلبو يحن هو برضو كان بحبها بغير منها لدرجة اي زول لاحظ لي وابتسام تغيظ فيني بها شكيت لامي قالت لي خليه يطردا هي اصلا قاعده معاكم ليه؟ راجلا في السجن : تقولي شنو عارض بس وغرام بتحبها وبتناديها ماما : المو دي بنت قليلة ادب وعاوزه تخطف منك راجلك بس : مصيبه لو طلع هو زاتو بحبها لمن رجعت البيت لقيتو في الغرفه مافي مشيت غرفة غرام لقيتو نايم معاها في السرير وفتون قاعده جنبهم
والله ماشاء الله عائله سعيده وما ناقصكم شي معتز قام مخلوع في شنو يا سمر : كمان بتسأل انتو بتعملو في شنو فهمني؟ كنتو بتستغلو غيابي صاح وفاكرني ما حااجي فتون قالت لي انتي فاهمه غلط خلينا نشرح لك : كمان خلينا؟ انتي عندك لسان تتكلمي؟ دا آخر ما اتوصلتي له كمان ناسيه انك مرا متزوجه وراجلك في السجن معتز عاوز يسكتني قلت له ما بسكت مسكني من يدي طلعني برا يعني ما شايفه البنت دي قاعده وسطنا دا كلام تقوليه قداما : والعملتو انتو قداما صح : عملنا شنو يا سمر : والله ما كنت قاعده ولا شفتكم انفعلت شديد وقعدت اشاكل في معتز
يا سمر اهدي ياخ انتي بتفسري ساي على كيفك؟ : البقعدكم في غرفه واحده شنو : غرام عيانه والله وكانت بتبكي انا فضلت معاها لمن غفينا مع بعض : وحضرتا؟ : ماهي اصلا قاعده معاها مهما شرحت لك ما حاتفهي خلاص يا ستي انا اسف مره تانيه حاانتبه : مافي اي مرات تانيه انت اصلا بتحبها ما تلف وتدور ساي اخر الجزا اذى اصلا : قصدك شنو : انا استاهل لاني حبيتك باندفاع وذي الغبيه صدقت انك ما نسيت فتون وعيوش وحبيتني انا المابتحب : الكلام دا لزومو شنو اسي مشيت الغرفه وقعدت ابكي جاء قعد جنبي والله العظيم يا سمر بحبك : ما تكذب : اعمل لك شنو يعني وانتي ما مصدقاني غيرتك دي حدها متين : ما قادر تتحمل صح؟ وانا الاتحملت اكتر من كدا عشانك : حاتفضلي عمرك كلو تذكريني بوقفتك معاي وجمايلك المغرقاني فتون جات تدخل شاكلتا وطردتا من الغرف
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
