#برجوازي
#بقلمي : #مشاعر_مبعثره
الحلقه (٢٥)
قال لي تعالي معاي بس رفضت مع انو ما شفتو لفتره طويله ولا حتى لحقت اشبع منو ولا اعبر عن شوقي له وهو فضل فتره طويله في كندا بس متواصل معانا عادي بعداك هو جاء ما قدرت اخبي فرحتي عاوزه اطير عديل في نفس اليوم داك مشينا خطبنا لنصر الدين بنت جميله ماشاء الله بتقرا في الجامعه اهلا ناس طيبين وكريمين شديد وضعهم المادي زاتو كويس بس متواضعين وما مانعو انو بنتهم تجي تعيش معانا طبعا معتز و على اتعشو معانا علي مشى وخلى معتز كنا قاعدين انا وهو بنتونس في نص الحوش امي نادتني ونصر الدين جاء قعد معاه
مالك يا امي ما هدي قاعده معاه في نص الحوش وقدامكم بقيتي ما عندك ثقه فيني؟ : لالا يااختي عاوزه اريحك للأخر وهدي جهزت لك غرفتك تقعدي فيها مع راجلك مدام الموضوع بقى كدا احسن مما تمشو بيوت الناس : امي دا كلام شنو : دي الاصول من يوم الليله حاتقعدي مع راجلك لحدي ما يشوف حايعمل شنو في امورو الجايطه دي امشي استحمي وتعالي لي : امي؟ : ما تقولي امي يلا اتحركي استحميت وجيت لقيتا راجياني في الغرفه بطقوسا امي انتي بتعملي في شنو ما عاوزه كدا : وهو؟ سكتت اشتغلت فيني حاجات النسوان دي وبخرت الغرفه قفلت الشبابيك وطلعت انا لبست جلباب عادي وتوب امو نادتو شكلو نصر الدين زاتو عارف هو جاء داخل اول ما فتح الباب انا وقفت على حيلي وبرضو من جواي ما راضيه لانو عمري ما اتمنيت كدا هو جاء علي باس راسي وقال لي سمر ارفعي راسك دا رفعتو كان في دموع في عيوني مسحهم قال لي سمر انا كنت اناني وغلطت في حقك مره بس ما حاتتكرر تاني ما تخافي انا تاني ما حااقرب عليك الا بعد اعمل لك عرس بالجد وتنزفي لي انتي فاكره الموضوع ساهل كدا نظرات العتب في عيون امك واخوك كانت بتموتني نصر الدين وبخني وكلامو كان حار شديد بقيت قدر السمسمه قدامو زعلان مننا ولحدي اسي زعلان حتى تصرفو الحالي دا من زعل بس بحاول يمشي المركب امك ما قالت شي بس دي ما ياها خالتو كوثر الزمان تعاملا معاي كان جاف ورسمي وجع قلبي حاسي اني خزلتهم ونزلت من نظرهم دي الحاجه الوحيده الماحاتتصلح انا ختيت مصلحتي الخاصه في الاولويه وبدم بارد قطعت تواصلي معاك عشان اقدر احقق انتقامي وبرضو ما زعلتي ونصر الدين ما لامني على الشي دا عشانك انتي بس اقل حاجه ممكن اعملا انو ارفع راسك النزلتو قدام الناس : معتز :دا الموضوع الشاغلني حاليا بالاضافه لوضع الشركه المتدهور اخواني قررو يبيعوها لو اصرو حااكون في مشكله كبيره وحااكون مضطر اشتري حصصهم عشان ما تضيع بس المشكله اوقفا كيف من تاني : حاتقدر يا معتز تبداء من الاول ذي ما عمل ابوك وانا برضو حااساعدك عاين عندي قطعة ارض حاابيعا وادفع معاك : لقيتيها وين : استثمرت القروش الايتني لها القلت كانت دين عند واحد صاحبك : ما كان دين ديك كل القروش الكانت معاي والطلعت بها من الدنيا كل المعاي رسلتو لك عشان تصرفي على نفسك فترة غيابي مشيت كندا وانا ما عندي حتى حق التزكره خالي رسلو لي المهم هو اليوم داك مشى بيت عند علي حتى اهلي استغربو لمن الورثه اتوزعت من جديد حسين ابوه متبري منو وما عندو نصيب اختهم المريضه معتز الوصي عليها وابتسام الخبيثه طبعا عشان تهدو قالت يبيعو الشركه قال لها بشتري نصيبك بثقه وهي حست انو في زول داعمو ومعاه قروش ممكن يشتري نصيب اخوانو الباقين اتراجعت عن الفكره البيت طبعا ملكه براه اخد بنتو من اهل امها ورجع بيتو ابتسام اخدت حلا وطلعو مشت لاهلا بس حلا ما اتحملت العيشه هناك وكل الراحه والرفاهيه الكانت عايشه فيها اتحرمت منها اضطرت جات اعتزرت من اخوها عشان ترجع البيت ووعدتو تبطل تصرفاتا الغلط وعملت له توكيل اما اخوه السكران بعد الحصل قرر يصلح من نفسو ويتعالج ومعتز قال له تنزل شغل طوالي معتز بقى شايل هم الشركه شغال ليل نهار اهلو في كندا دعموه وشغل نصر الدين وعلي واخو روعه حتى اسماعيل رغم الجفاء لانو كانو محتاجين عمال طبعا اسماعيل من وفاة جابر بقى ما ذي اول ومع التطورات الحصلت في حياتي بعد مننا بشكل نهائي اما لمن عرف بموضوع الشغل جاء اشتغل
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
