#برجوازي
#بقلمي : #مشاعر_مبعثره
الحلقه (١١)
شويه كدا طلعت من جو الكأبه وبقيت أعمل اي حاجه بفرح ورجعت انبسط بقعدة الطبليه واضحك على الناس البتنمرو علي
الليله الغداء من يدين الشيف سمر نصر الدين قال لي الزول يمشي يشوف له حاجه ياكلا غايتو : ليه اكلي مالو؟ : سليقتك الذي المويه الدافيه دي ما بتنفع معاي : انت جربتها اسي؟ جابر قال له كمان عندك نفس تعزل؟ وينا القروش هي امي طوالي استلمتو وكمان قاعد قدر حالتك دي لسه في الجامعه المفروض تكون اتخرجت واشتغلت اظنك بتربت واحنا ما جايبين لك خبر : ربيت شنو يا حاجه اصلا السنه خريج هو الدايرا منو الجامعه الوهميه دي انتو اجبرتوني عليها بس : معناها تاكل وانت ساكت اكلنا لمن الحله فضل فيها حبه جابر قال لينا كبو لي في عمود اودي لمعتز امي قالت له معتز شنو البتودي له دا قاعد في بيت عز ما فاضي لسليقتك دي ما تفضحنا ساي : والله يا امي قاعد في البيت من غرفتو ما بطلع على قال لي لو ما نحن اديناه حاجه ما بياكل زاتو واكل البيت حردو شكلو لسه شايل من امو واخوانو : وما يطلع ليه؟ مالو عمل شنو عشان اتسجن يعني؟ السجن حق الرجال : نظرة المجتمع يا سمر والناس ما بترحم انتي ما عارفه شي الناس اي زول يشوفو يتكلم عنو يقولو مش دا القتل مرتو اسي انتي في نفسك هنا في الحي وفي الجامعه ما قاعدين يتنمرو عليك؟ ويقولو بياعة الطعميه؟ : بقولو لكن الشغال بهم منو زمان كنت بزعل لمن يقولو لي امك بتبيع الكسره بس..................امي قاطعتني دا منو البقول انا بياعة كسره وريني لهم عشان اقتلهم الكسره مالا؟ انا قلة ادب عاد امي ضحكتنا ضحك اسماعيل بعد شرب الشاي طلع لي تلفون Y9 قربت اطير من الفرح نططت عديل قال لي هدية النجاح مع انها اتاخرت وما ذي ما وعدتك بس كنا بنلم ولمن تميناهم مشيت جبتو لك الهديه مننا كلنا جابر قال له انت الدفعت اكتر قلت لهم شكرا ياخ منو العندو اخوان كدا وحضنتهم اسماعيل قعد يحمحم فكيتو ونصر الدين صرا لي قلت له ما هو زاتو اخوي صح يا اسماعيل امي قرصتني جيتي تكحليها عميتيها انتي هبله ما بتعرفي تتصرفي ولمن تجي تفسري تصرفاتك الغبيه بتبقي هبله اكتر يلا جابر مشا وجاء بسرعه لمن سألناه قال معتز مافي في البيت : مافي كيف؟ : والله ما لقيتو من الباب رجعوني قالو لي ما قاعد طلع : اجي؟ طلع دي شنو مشى مشوار ولا خلى البيت يعني؟ : الله اعلم
اتحملت القعاد في البيت وضغطت على نفسي باعتبار انو دي فتره انا محتاج فيها للراحه وما متحمل اي مهاترات عشان ارجع اقيف على رجولي خاصة بعد اتأكدت انو غرام بنتي انا لازم ابقى اقوى عشانا كنت سامع صوتا بتبكي طلعت لقيت الكلب شايلا في اللحظه ديك ما قدرت امسك نفسي
تجي البيت وتشيل بنتي؟ : اصلا قاعد هنا انت الماجايب خبر حاجه : اطلع برا يا كلب يا وسخ وبقيت جاريه لبرا جات ماما واخواني كلهم ينبذو ويسيئو فيني ما اتوقعت اسمع كدا من ماما
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
