#برجوازي
#بقلمي : #مشاعر_مبعثره
الحلقه (١٩)
انا ما بس فقدت اخوي الكبير انا فقدت السند كل حاجه في حياتي اصلا جابر دا محورا انا ابوي ما عرفتو خالص ولا بتذكرو ابوي الرباني والانا بعرفو هو جابر قام بدور الاب في حياتي والاخ برضو قام بكل واجباتو وكمان الصديق الوحيد البقدر احكي له مشاكلي من غير ما اخاف لانو عمرو ما مد يدو علي وضربني ولو امي ولا نصر الدين حاولو يضربوني بمنعم كان بقول لهم سمر دي امانه فضل محافظ علي لحدي اخر لحظه عقد لي للراجل الانا بحبو واخترتو ومع انو المفروض خلاص اخلي مسؤوليتو ومعتز هو اليصرف علي بس لا ما واقف واجباتو تجاهي لو معتز اداني تاني هو بديني وجود جابر في حياتي كان قوة وامان لي كنت بعتبرو درع وحصن لي بتلقى اي حاجه عني في عز المصايب الحصلت في حياتي دافع عني ووقف معاي ما حاول يضربني ولا يقول لي انتي عملتي وعملتي ومع انو كان عارف اني بحب معتز وبتهبل مرات واتصرف بجنون نتيجة الحب دا وفي قدامو كمان بس ما حصل شاكلني ولا حتى شك فيني بخليني معاه عادي في المحل حتى لو الوقت متأخر ما بقول امكن تعمل وامكن يحصل لا واثق في تربيتو وما هماه كلام الناس ما اشتغل بالناس الضحكت علينا ولا بالقالو موقف اختو تبيع لانو اصلا خاليني اقعد من باب التسليه لانو عارفني بحب الشي دا وانا فاهماه من قام شايل مسؤوليتنا ضاغط على نفسو وهاملا ولمن خلاص حب وجهز نفسو وبيتو وجاب شنطتو ما اتهنى باي شي ما فرح ما اتحنن ما اتزوج انا قلبي دا بتكوي عديل ومافي زول حاسي بي شايفني ببالغ ما عارفين انو انا قاعده تجيني فكرة انو انتحر والحقو معتز غصبا عني معيشني الواقع ما عاوزني انفسن ولا أمرض حكى لي بالحلم الشافو في المقابر وفرحت لانو ما خلى جابر اخوي بيت براه في اول يوم له في روضتو فسرت الحلم على انو جابر في مكان احسن من هنا باضعاف ومبسوط حتى الريحه الشماها معتز اعتبرتا جايه من قبر جابر الشي دا هون علي شويه مع انو صعب خاصة الفتره الأولى دي لمن الناس فاتونا بس معتز كان معاي واسماعيل الخسيس بقى يوسوس لاعمامي ذي ما كان بعمل مع جابر حرضهم على معتز عشان يطردوه قال لهم دا راجل ما عندو شي بقعد في البيت كدا ويلازم البنت حتى في غرفتا بس في اللحظه ديك نصر الدين استرجل وقام عليه شاكلو وشاكل اعمامي زاتهم
معتز دا اسمو زوجها لو قعد معاها عديل مافي زول بقدر يسألو وجابر نفسو عقد لهم وقال له لو عاوز تسوقا اسي ما عندي مانع هو الرفض : هو عندو شنو عشان يعيشا به ويقعدا وين اصلا : والله انشاءالله يسكنا في الشارع دي مسؤوليتو وبطريقتو بعد دا هي زاتا راضيه انت اطلع منها على الاقل هو قاعد معانا بصفه الدور عليك انت اللمن بتبيت عندك مرا في البيت دا ؟ : لي انا الكلام دا؟ : يا جماعه استهدو بالله نصر الدين ما تقول كلام ذي دا : بقول يا عمي الكلام القالو لكم دا قال لي زيو وعشان ما أفلح معاي جاكم ودا البعرف له اصلا الصواتا والشمارات ذي نسوان الجبنه : يا زول احترم نفسك انا قدرك عشان تقل ادبك علي؟ ما كفايه العملتو يوم الوفاه وما سألتك اعتبرتك شافع بفرغ غضبو : فعلا كنت بفرغ غضبي ولجأت لك بس للأسف لجئت للمكان الغلط من يوم الليله يا اسماعيل حاتشوف نصر الدين جديد والفارغه الكنت بعملا معاك خلاص خلاص حااخليها مافي زول ينصحني ويقلق علي و.............. دموعو جرت وهو بقول مافي جابر وامي وسمر محتاجني جاء الوقت اني ابقى الاخ الكبير
أنت تقرأ
برجوازي
Açãoاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
