#برجوازي
#بقلمي : #مشاعر_مبعثره
الحلقه (١٣)
ابتسام ما ام معتز؟ : اي والله يا بنتي معتز امو ست النسوان عاد ماشاءالله افنان كانت مرا ماشاء الله سمحه شديد ولونا ابيييض شفتي معتز دا؟ هو بس نسخه منها وبنت عز ماشاء الله عرسا وما قعدت معاه كتير بس ولدت معتز دا واتوفت خلتو اصغر من غرام بنتو دي وابوه اتزوج ابتسام قال تربي له ولدو هو كان بحبها شديد وبناديها ماما ودا المقابل شوفي عملت فيه شنو هي واولادا الفاشلين ما فيهم زول ناجح اسي قال لك حسين دا من استلم الشركه ماشين لورا وعاملين فيها السبب معتز لانو سرق الشركه وخلاها لهم منتهيه : الله يجازيها مرا منزوعة ضمير : ما هدا ربنا وراها في اولادا حسين وانتي عارفاه ما نافع واخرتا خان اخوه بعدو ليلى معاقه ذهنيا وسليم غير السكر والبنقو ما عندو شي يومي جايبنو يترتع وحلا صايعه وما عندها ادب دا كلو من كترت الدلع
جابر جاء داخل وشكلو شاف اسماعيل في الديوان مشى له امي قالت لي سامعه أصوات امشي شوفي الجاء منو : بكون جابر ولا اسماعيل : جابر ولا اسماعيل بقعدو في الديوان؟ مشيت سمعتهم بتكلمو
من متين قاعد تقعد في الديوان كمان ولا دي جديده؟ : لما ما يكون سيد البيت قاعد الديوان بس ما ذي الناس المابعرفو الأصول : ناس منو؟ : ود سليمان التاج انت اديتو وش اكتر من اللازم ودي النتيجه يدخل بيتك بدون اذن ويقعد مع امك واختك الناس تقول شنو لعلمك انا لمن جيت هو كان بشرب القهوه مع امك وسمر وهي ما خدا راحتا للاخر تخش وتمرق قدامو : ما كنت تمشي تشرب معاهم اسماعيل طوالي انفعل انا راجل انا ما زيو بقعد مع النسوان بدون وجود محرم : يا زول معتز اتصل بي وقال جاي يسلم على الحاجه قلت له انا زاتي في الطريق امشي البيت بيتك اها غلط في شنو :يعني انت السمحت بالمهزله دي؟ من زمان حزرتك منو وما بتسمع اختك يا جابر قاعده على راحتا قدامو انا طوالي دخلت على راحتي كيف ممكن تفسر؟ شفتني قاعده بدون طرحه؟ ولا عريانه ولا حتى لابسه قصير لعلمك معتز دا ارجل منك وما حصل عاين لي عين غلط انت متين كنت بتقعد في الديوان انت جوا غرفتي قاعد تدخل لي ولو شفتني بملابس البيت ومن دون طرحه بتجي وتقعد متين قاعد تستاذن؟ بيتنا دا سبب بدون سبب قاعد تجي
انا اكتشفت انو هو البحرش جابر في معتز عشان يبعدو عننا او بالاصح عني الحيوان الكلب عمل روحو زعلان ومشى بدون غداء امي قالت والله معتز ود ناس وما حصل عمل نص البعملو اسماعيل العواليق قايل روحو منو كمان بقارن نفسو بمعتز : امي خلاص ما تقولي كدا على الولد نسيتي العملو معانا : نحن زاتنا ما قصرنا معاه انا ربيتو معاكم سوا خلي جاي يقل ادبو فينا ما جاي عنو ما جاء نصر الدين لمن جاء قعد يضحك قال لينا بكون خاتي عينو على سمر وغيران امي حمرت له سمر في عينك وعينو سمر دي كمان بدوها لاي زول؟ طبعا روعه جدها اتوفى انا وامي مشينا في اللحظه ديك نسينا كل المشاكل البيننا كانت زعلانه شديد وانا ما قدرت ما اقيف معاها كل يوم بمشي لها لحدي ما نزلت الجامعه بتقراء مختبرات طبيه كلامنا بقى ذي المتعرفين على بعض يداب حتى اخبارنا كانت مقطوعه
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
