#برجوازي
#بقلمي : #مشاعر_مبعثره
الحلقه (١٨)
يعني انا بقيت مرت البرجوازي؟ مدام معتز سليمان التاج : مرتو وحلالو وحقتو ذي ما بتقولي انتي عاينت لها بهبل وطوالي وقعت امي قعدت تصرخ الحقو لي بنتي نصر الدين قال ما تكون ماتت من الفرح البلحه في خشمي ما ختيتا جابر حمر له صحوني بمويه واول ما فتحت عيوني علي قال ابشري يا عروس اخواتو بقو يزغردو وامي وام روعه وخالتي انا دموعي دي اصلا ما وقفت
ما كلو فرح يا سمر دايما كاسفانا الف مبروك يا بنتي انشاءالله ربنا يسعدك انا طوالي قمت حضنتهم الاتنين الناس كلها بقت تبارك لي وانا ما مصدقه نهائي انو معتز بقى راجلي وحقي براي ياخي احلا احساس في الكون الناس دي كلها كانت قاعده ما عدا اسماعيل ما عارفه مشى وين كان قاعد لمن اهلي جو يلا ام علي قالت لهم يا جماعه اطلعو بعد دا وخلو العريس يدخل يبارك لمرتو هداك قاعد برا قلعت عيوني لالا ب بعدين امي حمرت لي بعدين متين: امي ما اسي طبعا خايفه ومتوتره وما عارفه اللقاء حايكون كيف وهم عارفين البي شغالين يضحكو ويمهزلو ونصر الدين شغال ما تدخل ياعريس منتظر شنو انا مسكت في توب امي امي ما تفوتي : مش دا الانتي عاوزاه عملنا لك يلا ابقي قدرو قايلا العرس دا لعب انا بقيت اشوف طشاش وفي لحظه الغرفه دي بقت فاااضيه سمعت صوت الباب قعدت اصلح في توبي وهو جاء داخل يتبسم ساااي كان ذي ما بعرفو دايما ملامحو الحلوه ملابسو ريحة عطرو الابتسامه الهيبه كلو على بعضو راجل مافي اي بنت بتقدر تمسك نفسا عنو شفايفي بدت تتحرك براها
معتز؟ : الف مبروك علينا حبيبتي ولا اقول زوجتي : ما قادره اصدق : ولا انا : مااتوقعت اصلا : حتى انا اتفاجأت بس ما صدقت ياخي بالسرعه دي؟ : اصلا احلامي كلها ماشه تتحق بسرعه تخوف : ما تخافي تاني لانك خلاص بقيتي تحت جناحي ابتسمت له جاء حضني احيينا من حضو نفس الاحساس للمره التانيه حسيتو واتمنيت الزمن يقيف اتاخرنا مع بعض لمن دقو لينا الباب انا انخلعت طبعا نصر الدين مشى جاب الحلاوه والبارد وظبطو العشاء دا ياخ انا ما مصدقه عديل البحصل دا جد؟ خايفه اكون بحلم والله بالسرعه دي حلمي اتحقق وحااكون خلاص مع حبيبي
حبيبتي خلصتي ولا لسه؟ : لسه والله : اسرعي انتي عارفه انو الليله اخر يوم ولو ما طلعنا تاني مافي لينا : اتطمن عرس جابر جاء هدا وحانتلاقى كتير : بس ما حاناخد راحتنا يعني ما فاهم بس نحن بقينا متزوجين وانتي مرتي ليه يعني ما يخلونا نقعد مع بعض في البيت اسي لو عندي حاجه عاوزه اقولا لك : حايفهمو غلط افهم ياخ اقفل خلاص انا هدي جايه عليك طبعا ما كان سايق عربية مشينا بالمواصلات
سمر حصل شفتي غرام بنتي؟ : ايوا مره امها الله يرحما جات بها المحل : جات تكاويك : ما بفرق اصلا الزمن داك ما كان عندي حق فيك : بس برضو بتغير منك ولمن قلت ست الضفيره غارت شديد واتشاكلت معاي : خلينا من سيرتا في مكان غير النحن فيه دا : غرام حاترجع لك انشاءالله انا واثقه : ما عاوز حاجه غيرا حتى الاملاك كلها ما عاوزا والاسره من يوما مهدومه عاوز بنتي بس سمر نحن حانعيش التلاته مع بعض وامكن دي انانيه مني انتي لسه بنت صغيره وحاتتحملي مسؤولية طفله : حرام عليك انا تقول لي كدا اذا كان انا حبيتك حتى وانت متزوج غيري ما احب بنتك وانت زوجي؟ والله اختا في عيوني تلفوني كان برن معتز قال ما منو البايخ دا قبل ارد هو كنسل كان رقم غريب بعد شويه تلفونو الاتصل
أنت تقرأ
برجوازي
Actionاحبته منذ نعومة اظفارها كان حلما يراود منامها حلمت لم تحسبه مستحيلا كبرت به لتصدم بواقع اخر فهو لا يعرف بوجودها حتى من جهة اخرى يتعرض لصفعة قويه تنقله من الحياة البرجوازيه التي عاشها الى ما دون خط الفقر بلا مأوى بلا عمل او حتى صديق
